You Cannot Download this book untill you login but you can read it .

---

Login Register

yarinyar kyakkyawa da ita mai kama da Hisham sak, yarinyar ne ma Hisham ya so su dam'kata a hannun Husnah amma uwar ta'ki sam, tace bata isa ita da shan bugu gardiya da cin moriya ba.


Akan wannan kalmar Hisham har sakin yarinyar yayi dan sosai ta tayar masa da rigima cikin gida, Husnah ce ma ta 'kara tilasta shi ya dawo da ita 'dakin ta..amma zaman ya kasa yiyuwa dan tana yawan ciwa Husnah fuska shi kuma ya kasa jure hakan kwata-kwata...Bambam cin yarinyar da Husnah kenan dan ita Husnah sam ba ta iya hayaniya ba..tun zaman sa da ita bata ta6a yi masa abinda ya sosa zuciya kamar na Ikilimah amaryar sa ba.


Daga 'karshe auren ya raba gaba 'daya ta hanyar sauwa'ke mata ya cike sakin uku gaba 'daya dan baya so su sake takura shi akan ya maido da ita...dan fitinan yarinyar duk ya ishesa a gidan sam bata 'kaunar a zauna lafiya da ita ba zai iya kullum yana cikin kwantar da murya yana mata nasiha amma a banza ba.


Shi ba me son a 'daga masa hankali bane, zuwan tane duk tasa shi yawan surutai kullum cikin yi mata fa'da yake amma a banza.


'Ya'yan sa duk ya amshe ya bawa Husnah ta kuwa ri'ke su hannu bibbiyu, sosai take kula da su tamkar ita ta haifa, gefe guda kuma tana Addu'ar itama Allah ya ji'kan ta ya bata nata 'dan kafin mutuwar ta, Hisham ne a kullum yake saka mata ran cewa itama da iznin Allah zata haifa masa 'ya'ya hakan yasa itama ta 'dora ranta akan hakan sosai.





*****
Safwan ma yaran sa uku ne yanzu dan Hafsat ta sake haifa masa 'yan biyu mace da namiji suna rayuwar cikin kwanciyar hankali da 'kaunar juna.


'Bangaren Sani kuwa aure ya kasa yiwuwa masa 'yan matan garin su duk gudun sa suke yi suna nuna masa 'kyama, hakan yasa ya ha'kura shima kawai ya cigaba da 'yan sana'oin sa yana kulawa da mahaifiyar sa, sam baya ganin laifin su, a hakan ma yana da ya'kinin basu san abinda ya aikata bane da ko kallon arziki bazai samu daga wurin kowa ba.


Ya dai riga ya sa aransa cewar duk lokacin da Allah ya nufe shi da yin aure ya kuma azurta shi da samun 'yarsa sai ya sa mata suna Aisha..dan Jasmine bata ta6a barin ransa ba..murmushin ta kullum yana nan zane a allon kansa baya mantawa da ita...Addu'ar sa kullum ga iyayen ta shine Allah ubangiji ya basu madadin ta badan halin mu na yan Adam ba sai dan cikar mulkin sa.




*****
Mu'een kam jiki yanzu Alhamdulillahi dan komai yayi sau'ki..watan sa guda a asbitin aka sallame shi wanda kafin hakan sosai idanun sa suka 'kagu da sake son ganin Noor amma shiru shi kuma bai bu'di baki ya tambayi kowa ba, duk da yanzu ya riga ya tabbatar da cewa matsayin miji yake agare ta dagaske amma sam bai nuna za'kewar ba...hakan ma ka'dai idan ya tuna sosai yake jin natsuwa na ratsa shi, yasan Allah ne kawai ya sake bashi wannan damar ba kowa ba, ya kuma yi al'kawarin cika rayuwar Noor da duk wani farin cikin da ta rasa abaya saboda shi.


Yanzu babu abinda ke damun sa illah rashin 'karfin jiki da kuma ciwon da yake ji zuciyar sa nayi masa lokaci zuwa lokaci wannan kuwa inda sabo ya riga ya saba da hakan tun da jimawa so baya damun sa sosai.


Lokacin da suka koma gida Alhaji Baba sai ya tara su ya nemi shawarar yanda ya kamata ayi da sdkiyar Ammi cos har yau 'din ba'a ta6a komai daga cikin ta ba.


Ita Ammi already ma ta sanar da Alhaji cewa ya kakkasa ya warewa kowa nashi kowa yasan kalar sana'ar da zai yi da shi.


Koda Alhaji Baba ya sake neman shawarar ta su ma still Ammi abinda ta sake maimaitawa kenan tace bata so abari wuri guda saboda gudun wani ibtila'in kuma duk dama ba za'a yi fatan hakamn b..
...sauran kam shiru suka yi koda Alhaji Baba ya nemi shawarar Uncle Ja'afar kuwa shi cewa yayi kawai a bu'de gidan mai da shi in yaso abinda ya rage sai asaka jari da shi da izinin Allah babu abinda zai faru.


Da jin hakan kowa yayi na'am da wannan shawaran dan haka Alhaji Baba ya fara shirye-shirye.


Safwan da iyalan sa musamnan suka zo tun daga Bauchi dukkan su dan duba jikin Mu'een kwanan su biyu kafin suka koma da uban tsarabar da su Ammi suka ha'da su da shi dan ba 'karamin da'di take ji ba idan taga mutane na nunawa yaranta 'kauna, haka ta dinga nan -nan da yaran Safwan musamman 'yan biyun nan tana tunawa da lokacin da ta raini nata itama.



'Bangaren Ishaq ma Alhamdulillah yanzu komai normal yake tafiya masa domin ya sake samun wata matar ma nan cikin Maiduguri ya kuma kawo wa Alhaji Baba invitation 'din auren inda yayi murna da faruwan hakan 'kwarai da gaske fatan samun nasara ya bishi da shi.







comment
Vote
Share






*Salmerh ce* 😍💕 *NOORUL* 💕
(Haske nah)



By
*Salmerh MD*


*Wattpad @*
*Serlmerh-md*



💫 *DA BAZARMU* *WRITTER'S ASSOCIATION*
💫
We are here to make you happy,smile,educate and to realized that we are the best among all.....
*DA BAZARMU* *MUKE TUN'KAHO*



_*Daga marubuciyar Littafin CAPTAIN ABBAS*_


*Bismillahir* *Rahmanir Raheem*



🅿 *93*


Satikai da dama suka shu'de har ya kasance yanzu wata guda kacal ya rage wa Noor ta kammala makaranta, yayin da Yah Deen har yanzu ke hutu be koma bakin aikin sa ba.


Sosai ya 'kagu ya gansa gaban matar shi amma abu ya gagara gashi ko waya basa yi da ita.

Anty ma ke yawan 'kiran sa shima yana 'kiran ta amma ko ta ha'da shi da Noor bata cewa komai..Anty duk bata san hakan ba dan da ta ha'da su take barin wurin ta tafi sabgar ta, shima 'din yanzu ba magana sosai yake yi ba dan haka duk shiru suke yi babu me ce da wani uffan.


Sau tari ita ke gajiya ta kashe wayar ko kuma ku'din dake wayar ya 'kare abanza sannan 'kiran ya yanke.


Idan yaga haka sai yayi murmushi kawai, wani sa'in yace" Zan kama ki ai yarinya bari kizo hannu na".


Barin Shuwarin yayi ranar wata litinin da sunan zashi Abuja duba wurin aikin sa daga nan kuwa daya kammala abinda yake yi sai ya nemi ticket ya wuce malesia ko Anty bata san zai zo ba sai 'kiran ta yayi ya sanar da ita cewa ya shigo.


Anty kam mamakin sa ne ya kamata dan bata ta6a zaton zai zo a wannan lokacin ba...bata san cewa ya samu 'karfin jiki har da zai iya doguwar tafiya irin haka ba.

Sai bayan ya iso kafin ya 'kira ya sanar da su Ammi yana dariya.
Ammi ma dariyar tayi tace" Kaji kunya ai...sai kace wacce bazata dawo ba Mu'een?"
'Yar dariya yayi yana sosa kansa.
Ammi sai tace" Antyn ka dawo to itama ta huta wa ranta da yi ma gadin mata tunda ka wanki 'kafa kaje..".

Dariya kawai yayi yana cire wayar a kunnan sa yace" Anty kinji Ammi wai ai sai ki koma gida tunda nazo".
Murmushi Anty Zee tace.
" Dama fa Umrah zamu wuce wai da ita da ta 'kare karatun .."
Take ya yatsina fuska gami da fa'din" A a Anty ni dai ban yadda ba kawai kiyi tafiyar ki, bacin ni nawa Jasmine al'kawari da kaina kuma sai ariga ni ki bari kawai zamu biki daga baya...Yau she ma akayi shawaran tafiyar ni ban sani ba, wato da banzo ba sai dai kawai inji kun tafi..ai kuwa ba da ita za'a yi wannan tafiyar ba".
" To ai shikenan zan yi magana da Baffan ku inji me ze ce shi kuma, kasan tafiyar daga wajen sa ne..".
Zama ya gyara yana duban Anty yace" Kice masa wurin wani likita na nazo kuma sai an yi 2months ana duba ni kafin in koma kar yace taho bada sanin sa ba..kuma kinga idan yaji cewa zan 'dan jima 'kila ya yadda bada Noor za'a Umran ba".
Dariya Anty Zee tace
" Ba wani ni nan..ni dai bazan yi 'karya haka kawai ba".
" Haba my one nd only Aunt dan Allah kiyi ha'kuri..ni ne fa?"

" Kai 'din dai".
" Anty please ki taimake ni kinsan halin sa fa yanzu sai kiji yace ban gama warkewa ba ina yawo bana son surutai wallahi".
" Toh dama me yasa ka tahowa gashi ma ko su Ammi basu san da batun ba".
" Ganin matata nazo Anty kuma ma ai na sanar da da su yanzu..".
" Amma yaushe zaka koma..?"
" Gaskiya ba rana".

Idanu Anty ta zaro tana duban sa sai yace" Erh mana...dan nifa gaskiya Anty 'kafa ta 'kafar mata ta haka kawai zama ya'ki 'karewa da banzo bama da shikenan anyi da ni tunda gashi shirin tafiya wata 'kasar ma kuke yi abin ku da Allah ne ka'dai yasan ranar da zan ganku..ni bawan Allah".
Ya 'karashe da karkata kansa.

" Kai kasa ni ai, dududu wata nawa ne, kayi shekaru biyu ma baka ganta balle watanni biyu kacal?"
" Su 'din Anty sai kiga sun fi yi min tsawo..".
" Hmm" kawai Anty tace tana murmushi.


Noor na school lokacin da ya iso so koda ta dawo ma bata san cewa gidan da ba'ko ba haka kuma Anty ma bata sanar da ita ba...har suka gama zaman su a parlour sai da ta shiga ciki dan kimtsa jikin ta kafin taga jaka a 'dakin ta.


Zaro idanu tayi da mamaki ta sake fitowa tace" Anty waye yazo kuma naga ja'ka a 'daki na?"
Fuskar Anty Zainab da murmushi tace" Mijin ki"!.

Tattare goshi tayi take ta ha'de ranta ta cike da salon shagwa6a tace..." Sai a 'daki na kuma Anty dan Allah?"


" Ina kike so ya sau'ka to Noor? 'dakin naki ai shine ya dace da shi".
" Anty dama me yasa sai nan gidan zai sau'ka ga kala-kalan hotels meyasa be sau'ka can ba?"
" Ki bari idan ya dawo kya tambaye shi..amma ni banda wannan amsar tambayar taki".
" Ni dai Anty 'dakin ki zan koma wallahi bazan zauna dashi a 'daki ba".
Tayi maganar ne tana juyawa ciki ranta a matu'kar 6ace.


Haka Anty na gani ta dinga kwaso kayan ta da duk wani abinda tasan zata bu'kata tana maida shi 'dakin Anty Zainab kamar wata me juju.

Anty Zainab kam binta kawai take da kallo tana murmushi cikin ranta ta ayyana" bari kuma in bar muku gidan sai inga inda zaki shiga".


Bata tanka ta ba har ta gama kwaso dukkan kayayyakin ta ta mayar 'dakin Anty.
Gefen ta tazo ta zauna tana sau'ke numfashin gajiya" Sannu".
Anty Zainab ta ce da ita tana 'karewa fuskar ta kallo.
Sai tayi murmushi ta kawar da kanta.


Ko da ya dawo kuwa bai yi mamakin ganin yanda 'dakin ya 'kara fili ba fiye da 'dazun yasan wannan ka'dan ne ga aikin Noor, be wani damu ba tunda yasan gida guda suke dan ta raba musu 'daki wannan ba zai zama damuwa ba.



Bai ga ko idanun ta ba har sai da dare lokacin suna zaune da Anty Zainab suna hira ya shigo.

Ha'de rai tayi sosai ita mantawa ma tayi da wani batun sa, da yake baya zama sosai a gidan yau 'in nan ya iso amma fitar sa ta kai sau uku.


Gaida Anty Zainab yayi yana zama gami da sau'ke numfashi yace" Wallahi Anty na gaji sosai..abani ruwa".

Shima ko kallon inda take be yi ba tunda ya shigo haka kuma itama, kanta 'kasa tana kan harha'do kalaman bakin ta wanda zata gaida shi da su.

" Aba ni ruwa Please".
Ya sake maimaitawa.

" Noor kawo masa ruwa"
Anty Zainab ta umarce ta.
Tsaye cak ta mi'ke bata ko dubi inda yake ba ta nufi kitchen tana 'kun'kuni..shi kam dama kawai so yake ya ganta da kyau shiyasa ya nemi ruwan dan yasan dole itace zata kawo.

Da idanu ya bita har ta lume sannan ya 'dan waigo nan yaga Anty Zainab kanta 'kasa ma ko kula da shi bata yi ba...ita gani take ma kamar zata takura musu gashi gidan ba asake yake ba hakan yasa ta fara tunanin komawa can gida in yaso ta taho Umrar daga can.


Dawowa tayi da ruwan ta mi'ka masa wanda yana kar6a ta furta" Ina yini?"
Bai amsa ba illa kallon fuskar ta da yake yi ita kuwa sam taki yadda ta ha'da ido da shi.


Yana amsan ruwan ta 'dauki wayar ta ta shige ciki.


Da shigan ta sai ta bu'de system 'din ta ta fara karatu wai dan kar tunani ya dame ta dan har ga Allah haushin zuwan nan nashi taji sosai..kafin Anty ta shigo kuwa har bacci yayi gaba da ita.


Washegari bayan tafiyar ta shima sai ya fita..nan Anty Zainab ta samu daman ganawa da Uncle Ja'afar ya kuma fahimce ta yace nan da jibi ta dawo gida toh.



Gadan-gadan ta hau shirin ta Noor da ta fahimci hakan ai sai kuka gashi ita da sauran kusan 10 days ya rage mata kafin ta 'kare exams gaba 'daya, haka har ranar tafiyar Antyn bata nutsu ta kwantar da hankalin ta ba.
Tana jin tamkar za'a barta da makashin ta ne agidan.



Tun tafiyar Anty kuwa sai ta daina ganin sa sosai domin bata zaman palour, idan ta shiga 'daki kuma datsewa take yi daga ciki.

Wataran yini take yi ta kwana ma bata sashi a idanun ta ba, lokaci-lokaci take ganin sa wataran da safe wataran kuwa sai Azahar take ganin sa.


Gaisuwa ka'dai ke ha'da su, gaisuwar ma sai ya ga dama yake amsata, domin sama-sama yake amsawa tamkar baya son gaisuwar tata ne.
Idan taga haka sai ta yatsina fuskar ta tayi gaba tana ta6e baki.


Sam Yah Deen bai takura ta ba musamman da ya san cewa exams take yi a lokacin haka zaman su ya kasance har lokacin da ta 'kare karatun..nan ta fara shiri cuz dama abinda ya ajiye ta kenan.


Lokacin da ya fahimci shirin da take yi nan ya dakatar da ita yace babu inda zata je sai ya kammala abinda ya kawo shi kafin su koma tare...dukkan abubuwan amfanin ta ya tattare a wurin sa bata san lokacin ba sai gani tayi kawai babu su..ba ATM 'din babu ticket da su I.D card 'din ta duk ya tattare.


Bata son jan magana tsakanin su hakan yasa taja baki tayi shiru bata tanka ba.

Wasa-wasa sai da suka shafe sati guda cur amma shiru bata ga alamun yana da niyyan tafiya ba kullum sai dai ya fita yawon sa ya dawo sai aukin kawo mata kayan ciye-ciye tun bata kulawa har ta fara dubawa idan ya kawo sai 'dauki abinda taga zata yi ci ta bar sauran anan..idan taga bai kula ba kuma da kanta zata koma ta canza musu wurin ajiya.

Gashi dole ya tilasta mata yin abinci da shi haka badan taso ba take yi ta ajiye masa..sai kuma yazo ma yace baya so tana ajiye masa a parlour ta ringa kai masa ciki.



Lokacin da ya gama fa'din hakan ya juya harara ta bankawa bayan sa tana tura baki..sai wani tsatstsare ta yake yi ga uban bada umarni.


Yanzu abincin nasa cikin 'daki take ajiye masa kusan kullum ma idan ta 'dauko sai taga ba sosai yake ciki ba amma tasan idan bata kai ba jan maganar zai yi.


Watarana da ta kai masa breakfast 'dakin sai ta tarar da shi yana ta nishi da 'kyar yana dafe 'kirji...zuciyan ta tsinkewa yayi sosai bata san lokacin da ajiye abin hannun ta tayi kansa ba, shikuwa dama da yake shirya abinsa yayi jin ta kusa da shi ya sanya shi sake narkewa yana canza salon numfashin sa.
Ai tuni ta fara kuka tana ambatan sunan sa a ki'dime.

Waje tayi da sauri ta lalu6o wayar ta ta 'kira Ammi tana kuka take gaya mata halin da yake ciki.
Ammi ma da jin hakan sai ta rikice take ta fara salallami.
Da 'kyar ta kwantar wa Noor hankali ta tsagaita kukan da take yi.


Komawa tayi 'dakin nasa nan ta tarar da shi kamar yadda ta barshi...sai di zuwa yanzun numfashin sa ya daidaita amma idanun sa a lumshe suke.


Fargaban ta ita bata san yadda zatayi da shi ba koa da da suka yi zaman aure ma bata ta6a yi masa jinya irin haka ba..da muryar kuka tace da" Sannu.. ko na 'kira azo atafi da kai asbiti?"


Kai ya girgiza mata a hankali batare da ya bu'de idanun ba, cike da galabaita ya nuna mata inda magungunan sa suke yace ta 'dakko masa.


'Balla masa tayi sannan ta 'dauko cup 'din tea da ta kawo masa sai kuma taga ai a kwance yake.
Mayar da cup in tayi ta ajiye sannan ta dawo ta wurin kanshi ta 'dan 'dago shi ka'dan da 'kyar ta iya jingina kan sa da 'kirjin ta ta mi'ka hannu ta 'dago cup 'in ta sanya masa abaki sai da ya 'dan kurba kafin ta bashi maganin ya sha.


Ajiye Cup in tayi sannan ta matsa baya a hankali ta fita daga inda take nan ta maida kansan ta kuma kwantarwa a hankali.


Sannu ta ringa jera masa shi kuwa ya lumshe idanu sai sau'ke numfashi yake a hankali..ganin yanzu baya fizgan numfashin yasa ta jinjinawa 'karfin magungunan nasa da ingancin su.

Shi kam haka yayi luf kamar wani mai ciwo dagaske...da ta juya sai ya faki idanun ta ya 'kyallara ido guda yana murmushi da ya ga zata waigo sai ya komar da idanun ya rufe kamar bashi ba.

Sai daya tabbatar ta fita daga 'dakin kafin ya 'dauki wayar sa ya turawa Ammi text akan cewa kar ta wani 'daga hankali zazza6i ne kawai ke damun sa kuma ma ya sau'ka.

Yayi hakan ne kasancewar yaji lokacin da take waya a palour kuma yasan da Ammi tayi wayar...gudun kar suma su 'daga hankalin su.


Tun daga ranar ita ke 'dawainiya da shi..ita zata kawo masa abinci ta zauna ta dinga bashi abaki wanda ka'dan yake ci ya girgiza mata kai alamar ya ishe shi...kullum hannun sa dafe da 'kirjin sa yana nuna mata alamun yana jin jiki, tayi tayi da shi kuma suje asbiti ya'ki...idan ta 'kira gida ta sanar da su kuma sai dai suce mata" Allah zai kawo sau'ki ta kwantar da hankalin ta"
Bata san meyasa yanzu basa damuwa da ciwon nasa ba.


Hatta brush ita ke yi masa ta kuma taya shi wanka...bacci ma yanzu wani sa'in a wurin.sa take yi domin idan tazo gayara masa kwanciya hana ta barin jikin sa yake yi dole sai ta kwana kusa da shi..duk ta gaji ta fara fita hayyacin ta har 'yar rama tayi..shi kam fakon idanun ta yake yi lokuta da dama yana yiin murmushin mugunta...ko da wasa be taa kuskuren da zata fahimci cewa ciwon 'karya yake yi ba.

Sai in ya tabbatar bata kusa tana kitchen ko kuma 'dakin ta sannan sai ya 'kira su Ammi su sha hirar su lafiya lau, guarantee sun san babu abinda ke damun sa...shiyasa ko Noor ta fa'da musu ba basu wani 'daga hankalin su domin kusan kullum sai sunyi waya da shi.


Anty Zainab ce ma taja masa kunne akan rikitar da Noor da yake yai yace " Rabu da ita Anty yarinyar nan ta raina ni da yawa, itama ta ta6a wahalar da na tayi akanta taji abinda ake ji".

Kwafa Anty tace" abin ya ishe ni kuwa kasan gaskiya zan gaya mata ko?"
" Sorry Anty ki barni da ita dan Allah bata gama yin hankali bane har yanzu...".

Daya ji motsin ta sai yayi saurin kife wayar ya koma luf kamar mai bacci.
Ko da wasa baya bari taga wani wargi tattare da shi...haka zasu shiga bayi suyi wanka tare tayi masa su fito amma baya ko nuna alamun yaji sha'awar ta ma balle ya kuskurewa shirin sa.


Ita kam ta 6angaren ta wani lokacin sosai yakan bata mamaki, sau da dama ta kan lura da shi kamar yana iya yiwa kansa wani abin musamman idan bata kusa, ta kan yawaita tarar da shi ya canza kaya ko kuma ta tarar da shi yana sallah lafiya lau amma da zaran ya idar shikenan zaki ga ya sake narkewa babu abinda zai sake aikatawa matu'kar tana nan.

Sai ta fara tunanin ko dai sallar ne ka'dai Allah ke bashi 'karfin yin ta...ita fa duk tausayin sa ya gama cika mata zuciya.


Har 'yar rama tayi dan kusan kwanaki goma kenan suna abu 'daya da shi 'karfi da yaji ya sanya ta sabawa da jikin sa da zama kusa da shi badan tana so ba.

Da abin yayi yawa kuma sai ta fara lura da wasu abu, domin ko bata yi masa abu ba da kansa ma zaiyi abin sa hakan yasa ta rage damuwa domin ta fahimci kamar sau'ki ya fara zuwa masa ne.


Ita dai Addu'ar ta a kullum be wuci Allah ya bashi lafiya su koma gida bane, burin ta kawai kenan shiyasa bata yi masa wasa da shan magungunan sa.


Da abin ya ishe ta
wata rana agaba ta sa shi ta dinga kuka kamar ranta zai fita domin idan taga kamar sau'ki na samuwa sai kuma ta ga abu ya sake dagulewa.


Kanta 'kasa tana ta kuka gwanin ban tausayi, shi kansa dake kwancen tausayin ta ya gama cika shi idan bata kallon sa sai ya bu'de idanu 'kir yana duban ta yana ganin yanda take kukan yana ji kamar ya rungumo ta ya lallashi abin sa amma bai gama hora ta ba tukunna.


Sosai taci kukan ta ta gaji gashi Anty Zainab ma kusan kullum ha'kuri take bata tace da ita ta daina damun kanta ai zai warke ne...ita kam zancen Antyn sam baya shiga kanta ma, tana ganin Yah Deen na kwance rai a hannun Allah ta ya hankalin ta zai kwanta...rashin nuna damuwa da suke yi yanzu akan sa ya sanya itama ta rage sanar da su...domin bata ga amfanin hakan ba.


Tana cikin kukan taji wayar ta na ruri amma ta kasa 'dagawa.

Sai da ta yi missedcall biyu kafin taji ta Yah Deen ma na 'kara...shima 'din har ta gama ringing ba'a 'daga ba dan kwance yake yana jinyar kansa na 'karya.🤪


Akaro na uku nata wayar ya sake 'kara da sauri ta kai hannu ta 'daga ko tsayawa taga waye ma bata yi ba ta rushe da kuka, Ammi ce amma bata kula ba kawai ta fara fa'din" Anty dan Allah ki taimake bansan ya zanyi da shi ba, Anty dan Allah ki dawo wallahi kullum 'kirjin Yayah ciwo yake yi masa ban san yanda zan yi ba, Anty tausayin shi nake ji sosai dan Allah ku taimake ni in samu a kai shi asbiti ni nayi-nayi da shi ko anan ne ma amma ya'ki, idan wani abin ya faru da shi ban san yanda zan yi ba...".



Tashi tayi ta fita ta koma palour wai dan kar ta dame shi...Still da wayar a kunnen ta tana me cigaba da ro'kon Anty.


Ammi kam shiru tayi sai da ta gama jin abinda Noor 'din ke fa'di kafin ta 'kira sunan ta da raunin murya...dan duk jikin ta yayi sanyi da jin abinda Noor 'din ta fa'da.


Noor na jin muryar Ammi cikin wayar sai kukan ta ya 'karu tana yi tana kai 'dayan hannun ta saman la66anta tana rufe bakin da shi..hawaye duk sun wanke mata fuskar ta tas.

Shi kansa Yah Deen tun fitar ta ya tashi zaune, daga inda yake yana iya jiyo duk maganganun ta yasan kuma duk saboda shine take kukan bai ta6a jin tausayin ta irin na yau ba, ya riga ya sanyawa ransa cewar daga yau wasan nasu zai 'kare ba zai sake wahalar da ita ba.


Tambayar ta Ammi tayi abinda ke damun sa nan ta fara fa'da mata tana kuka tace" Ammi dan Allah kar kice min bakya son shi yanzu kullum idan na gaya muku bakwa nuna damuwa a kansa Ammi 'dan ki ne fa shi, kin manta wancan lokacin da na ga kin damu akan sa..Ammi yanzun ma fa ko motsi baya iyawa da kyau...baya iya yiwa kansa komai me yasa bazaku tausaya masa ba....?".

Da 'kyar Ammi ta lallashe ta tayi ta yi shiru da fa'din ta kwantar da hankalin ta za'a san abinyi..ba wai son shi ne suka daina ba.. ita dai Ammi tasan babu abinda ke damun sa amma ta rasa dalilin da yasa Mu'een yake wahalar mata yarinya.


Murmushi yayi bayan gama.jin abinda ta fa'di yanzun ga Ammi..hannun