You Cannot Download this book untill you login but you can read it .

---

Login Register

rashin makusantan sa, masoyan sa masu matu'kar daraja agare shi? mai yasa bazasu fahimci halin da yake ciki ba?
Da 'kyar numfashin sa yake fita yana komawa.
'kiran Ushaq ne ya shigo masa a daidai lokacin..sai ya lumshe idanu kawai baya son.Isahqvya fahimci halin da yake ciki danbhaka bai 'daga wayar ba har ta tsinke wani 'kiran ya sake shigowa.


'Karfin.halin 'dagwacyayi bayan yayi 'ko'karin daidaita murya muryar sa.
Ishaq na ganin an 'daga sai yayi sallama amma ya kasa amsawa.
" Hello!
Ishaq ya sake fa'di
Mu'een sai ya 'kira sunan shi cike da 'karfin hali.
Duk 'ko'karin da yayin kuwa hakan bai hana Isahq fahimtar yanayin da yake ciki ba.
" Me ke faruwa ne?"
ya tambaye shi daga dayan 6angaren yana mai bada hankalin sa gare shi.
" Bakomai".
Yah Deen ya amsa a takaice yana mai juya kansa.
" Ja gaya min plz..I heard ur voice wani iri like akwai abinda ke damun ka...please tell me...dama na jika shiru 2days shiyasa na 'kira...hope ba wani abu bane?"
" Bakomai Ishaq kar ka damu...".
Saurin taran sa yayi da fa'din" Nasan akwai... please Mu'een tell me kar ka 6oye min hankali na ya tashi sosai".
" Ishaq...mutuwa zanyi ku yafe ni...dan Allah..".
Yayi maganar muryar sa na rawa.
" Subhanallah...me ke faruwa kuma..?"
Ishaq ya tambaya cike da kulawa yana jin tamkar ya gansa agaban sa a wannan lokacin.
" Ammi..!
Kasa karasawa yayi sakamakon ciwon da ya sake haura masa.
A hankali ya saki wayar ta sulale Isahq nata Hello! Hello!!
amma yaji shiru.
Ko da ya sake kira kuma ba'a amsa ba.
Sosai hankalin sa ya tashi...ya fara 'kiran Safwan shi kuma bai ma ji ba wayar tasa na silent so bai san ma da 'kiran ba.


Haka yayi ta gwadawa amma baya 'dagawa haka ma Mu'een.

Kansa ya dafe daga inda yake tsayen cuz tuni zama ya gagare shi.
Sai ma ya rasa wa ya kamata ya 'kira.
Addu'a ya ringa yi da fatan Allah ya ta'kaita masa.
Tuni ya yanke shawaran tafiya gobe-gobe idan ya tashi cikin masu rai dole sai ya je ya duba halin da abokin nasa ke ciki kafin zai samu natsuwa...sosai yake tausaya masa duk dama yasan wani abin har da laifin sa a ciki amma a yanzu abin tausayi yake matu'ka.


.....Deen ya 'dauki tsawon lokaci ahakan kafin Allah ya taimake shi ya kawo masa Safwan wanda tasowan sa kenan daga aiki ya nufo gidan cuz baya iya jimawa batare da yazo ya duba shi ba saboda yasan lafiya tayi masa 'karanci a yanzu, kusan ma za'a ce tare suke yini agidan dan akoda yaushe idan kaga anfita to Safwan ne, idan an shiga ma shi 'din zaka gani.


Da ganin halin da yake ciki arikice yayi kansa yana salati.


Yau ma Bala mai gadi ne ya taya shi suka kaishi mota, shikan sa Bala tausayin Ubangidan nasa yake yi sosai, yau lafiya gobe akasin haka...duk ya lalace ya zama kamar ba shi ba.


Tun rasuwar Baby Jas gidan bai 'kara zama dai-dai ba, sai dai takamammai idan za'a yi masa tambaya bazai iya fa'di ga dalilin da ya kawo rushewar farin cikin gidan ba.
Amma abin na damun sa sosai...ko ranar da suka yi bankwana da Sani ma sai da yayi 'kwallah saboda tausayin sa, ganin yanda rayuwa duk ta juya mai cikin kwanaki kalilan.





*****
Sosai likitoci suka fara bashi taimako wanda kamar jira yake da shigar su asbitin ta fara tari mai azabtar wa, yi yake yi Safwan na goge masa bakin sa, idon sa guda ne ke hawaye saboda azaba, daka ganshi zaka san cikin matsanancib hali yake kuma har a lokacin hannun sa na dafe da 'kirjin sa ne.


Yana tarin idanun sa suka fara kakkafewa nan take ya yi 'dif komai ya tsaya masa.


Safwan kam rikicewa yayi sosai take ya 'daga wa likitocin hankali kan su ceto rayuwar sa dan Allah.


Sai da ya tabbatar an bashi taimakon da ta dace kafin ya nutsu ya fita daga 'dakin yana share gumi a goshin sa.


Da fitar sa sai ya ciro wayar sa sai a lokacin ma ya ci karo da tarin missedcalls in da Ishaq yayi masa, Alhaji Baba ya fara 'kira yau in yana kuka yake bawa Alhaji ha'kuri akan ya taimaka ba dan halin sa ba ya yafe masa
Yace wallahi Mu'een na matu'kar bu'katan taimako, yace ba fata ba amma a irin halin nan da yake ciki gab yake da ya rasa rayuwar sa, to me zeje ya gayawa ubangijin sa idan ya koma gare shi yana 'dauke da fushin iyayen sa, Alhaji u need to see his condition bai ta6a irin hakan ba..dan..Allah kuzo ku duba shi Alhaji..kuyi masa albishir in..kun yafe masa...".


Alhaji Baba kam sai da ya gama jin bayanan Safwan sannan ya bashi amsa da fa'din" Bani da lokacin zuwa ko'ina Safwan, abubuwa da yawa ne akai na...."
" Innalillahi wa inna lillahi wa inna ilaihi raji'un, haba Alhaji, 'dan ka ne fa..? Wallahi Mu'een yayi nadama Alhaji, na tabbata bazai sake kwatanta waccen rayuwar ba..dan Allah Alhaji ka yafe masa...".
Murmushin takaici Alhaji Baba yayi sannan yace" In dai ka biyewa Mu'een kunya zai baka Safwan, kawai ka share shi, bana masa fatan abu mummuna a rayuwar sa amma sam ban ga alamun nadama tattare da shi ba".
" Alhaji ni na tabbata yayi kuma daka ga halin da yake ciki a yanzun kaima zaka fahimta da kanka...dan Allah ku tausaya masa Alhaji..nasan bazai sake kuskuren maimaita irin hakan ba".
" To ka bari zanyi tunani akai, ka kwanatr da hankalin ka kaji".
" Owk Allah bada iko..godiya muke Alhaji Ubangiji Allah ya 'kara girma".

Sai bayan gama wayar sa da Alhaji Baba kafin ya 'kira Ishaq, ha'kuri ya bashi game da rashin 'daga wayar sa da be yi ba.
Ishaq kam wannan be dame sa ba fiye da 'kaguwa da yayi yaji halin da Mu'een ke ciki.
Nan kuwa Safwan yayi masa bayani a takaice cikin nuna tsananin tausayawar sa.
Fatan samun sau'ki yayi masa sannan suka yi sallama.


Washegari Ishaq ya kama hanya, sai da ya tsaya a Shuwarin wurin iyayen Mu'een ya 'kara basu hakuri cikin lafazi mai sanyi kafin ya wuce garin Bauchi.

Shi kansa Alhaji Baban bayan tafiyar sa ya jima yana tuananin, sosai ya yaba da hankalin Ishaq, sai ma yake kara gode Allah da ya hada Mu'een abota da irin su ba dan hakan da be san inda zai javrayuwar sa ba, cuz abokai na da matukar tasiri a rayuwar mutum.
Maganganun Ishaq ne ke tayi masa yawo akan sa ya kasa manata su, shi kadai sai yayi murmushi dan sosai Ishaq ya karya masa zuciya har ma yasa shi bayyana sirrin.dake ransa game da Mu'een batare da ya farga ba wanda yasan bakomai.ne yasa hakan ba face kamalar da Ishaq ke da ita, mutun ne shi da ganin sa na farko idan.kayi zaka fahimci nutsuwar da ke tattare da shi.
Murmyshi ya sake yi cike da tsananin jin da'di yake tuno kalaman Ishaq in...." Alhaji Baba ka dube ni matsayin 'dan ka daka haifa karka yi min duba irin na abokin 'dan ka, wallahi har cikin zuciya ta nake jin ka Alhaji, ka yi min duba irin duban da kake yiwa Saif da Zaidullahi..yau ina gaban ka ne matsayin dan ka Alhaji, da wannan matsayin nake barar alfarma ta farko a wurin ka kayi ha'kuri alfarmar Annabi Muhammad (SAW) ka yafewa 'dan uwa na, kar ka dubi girman kuskuren sa Alhaji..falalar yafiya kawai zaka duba, wallahi bana samun natsuwa a duk lokacin da na tuna halin da Mu'een ke ciki, bana jin da'di, ni ban tashi da mahaifiya da mahaifi ba amma ina jin ciwon hakan har yanzu, sai dai da yake nasan ikon Allah ne shiyasa bana damuwa sosai, duk da yake naso in taso tare da su amma Allah ya riga ya kar6i rayukan su tun kafin girma na dan ya fini son su, hakan ya sa na tsani inga ko 'karamin sa6ani ya faru tsakanin 'da da iyayen sa, balle Mu'een da nake jin sa tamkar 6arin jiki na, Alhaji idan kana fushi da Mu'een tamkar da mu duka kake yi domin duk rashin walwala ke ziyartar mu, ka ji 'kan mu Alhaji ka yafe mana ko farin cikin mu zai cigaba da wanzuwa, da kanka nasan bazaka ji da'di ba ace duk yaran ka na cikin 'kunci dalilin mutum 'daya tak...
da kaina nasan Mu'een yayi kuksure amma Alhaji dogon fushin nan sake 6ata lamari zaiyi ba ze gyara ba, Alhaji idan har ka yadda cewa nima 'da nake a wurin ka dan Allah a karon farko ka yi min wannan alfarman ka yafewa 'dan uwa na laifukan da yai maka, hakan ka'dai ya ishe ni yadda cewa mahifina nanan a raye bai mutu ba...".
Idanu Alhaji Baba ya lumshe sannan ya bu'de su akan fuskar Ishaq, tausayin sa ne sosai ya kama shi, ha'ki'ka maraici abu ne mai ciwo sosai, bai ta6a sanin Ishaq maraya bane ba sai yau da ya furta masa.
Yana cikin tunanin yaji Ishaq na sake fa'din" Dan Allah Alhaji kayi ha'kuri kace ka yafewa Mu'een..nayi maka al'kawarin bazai sake maimaita irin wancan kuskuren ba, idan ma ya sake faruwa ka tuhume ni..."
Ajiyan numfashi Alhaji Baba ya sau'ke yana jin wani sanyi da farin ciki na ratsa masa zuciya..duban Ishaq ya tsaya yi na tsawon sakanni sannan yace da shi" Matso nan Ishaq zo kusa da ni".
Matsawa Ishaq yayi kamar yadda Alhaji Baba ya umarce shi.

Kansa Alhaji ya shafa yana jin 'kaunar sa na ratsa masa zuciya.


Ishaq 'kasa yayi da kansa cikin girmamawa, Addu'a yake a zuciya Allah yasa Alhaji Baba kar ya 'ki amincewa.
Yana cikin wannan tunanin yaji Alhajin na ce da shi" Kasa naji da'di sosai Ishaq, ka dasa min sabon hpoe a zuciya ta, yanzu ina jin kaina ne matsayin mahaifin 'ya'ya har guda biyar...rabon da naji ni cikin irin wannan farin cikin har na manta, Allah yai maka albarka Ishaq, Allah ya ji 'kan mahaifan ka.
Naji da'di sosai da ya kasance kana daga cikin makusantan Mu'een kasancewar ka abin ayaba a kuma yi alfahari da shi, hakan ka'dai ma baiwa ce..kuma ngd wa Allah kan hakan..."
" ko ban fa'da ba nasan kaima kasan laifin da Mu'een ya aikata ko?"
" nasa ni Alhaji, babban laifi ne ko a wurin Allah Zina na da 'dumbin zunubi..amma please ka yafe masa insha Allahu bazai sake aikata irin wannan laifin ba".
Murmushi Alhaji Baba yayi sannan yace
" Ni ban ri'ke shi a zuciya ba, laifin sa tsakanin sa da ubangijin sa ne ni ba ruwa na, na riga na sau'ke nawa hakkin, tun abaya nata nuna masa rashin dacewar hakan, na kawo masa misalai da ayoyin qur'ani kala-kala hoping that zai ji tsoron Allah ya canza halayyar sa amma Mu'een ya watsar da batu na, bana fushi da 'dan uwan ka amma bazan 6oye maka ba cutarwa da yayi wa Noor shine abinda yafi tsaya min, buri na kawai ya sakam min ita ne yaje can da rayuwar sa ina so zan aura mata wanda zai bata farin cikin rayuwa, someone that ll lead her to jannah ba irin shi da ke sata cikin 'kunci ba, da ya bata takadda shikenan ba wani fushi tsakani na da shi...ka daina damun kanka kaji ko?"
" To Alhaji..thank u so much...Ubangiji Allah ya 'kara nisan kwana".
Kai Alhaji Baba ya jinjina masa yana murmushi mai 'kayatarwa.

Bai da'de tare da shi ba yayi masa sallama yace zai je gida wurin Ammi daga nan zai wuce dan yana kan hanya ne.
Alhaji Baba yace bakomai duk lokacin da yake son ganin sa zai sanar da shi.
Sallama suka yi bayan ya ciro ku'di masu 'dan nawi ya mi'ka mai.
Ishaq 'kin amsa yayi sai da yaga ran Alhaji Baba na shirin 6aci kafin yasa hannu ya amsa yana godiya ya tafi gida wurin Ammi.


Itan ma Ammi duk batun ta kusan 'daya ne da Alhaji Baba burin su kawai wai ya saki Noor.

Shi kam Ishaq sam bai ga laifin su ba, amma sai yake jin fargaban tunkaran Mu'een da wannan zancen.


Haka dai itama yayi mata godiya ya kama hanyar garin Bauchi, bai isa da wuri ba kuwa sai da yayi dare sosai a hanya, ko da yaje ma bai samu ganin Mu'een ba sai washegari.


Kwanan sa biyar tare da shi kafin ya koma Borno ganin kamar jikin da 'dan sau'ki amma har ya tafin ya kasa sanar da shi batun da suka tattauna da iyayen sa.

Gani yake kamar abin zai 'kara sashi cikin mawuyacin hali ne shiyasa yayi shiru kawai.


Da kansa yayi ta neman layin Noor da tunanin bata baki akan tayi ha'kuri ta ce da su Alhaji kar su raba su amma ya kasa samun ta sam, dole ya ha'kura da 'kiran nata ya sake tunanin wata mafitar.


Tausayin Mu'een kuwa daram ya dasu a zuciyar sa, dan kullum idan ya bu'di baki zancen iyayen sa zai yi maka, sai su Uncle Ja'afar da Noor matar sa.


Sai da ya shafe a 'kalla sati uku yana kwance ba lafiya kafin ya samu sau'ki sosai, kuma still Safwan ne ka'dai akansa, shike yi masa komai...Isahq kansa ba 'karamin.jinjinawa Safwan yake yi ba, kusan kullum sai sun yi waya da shi yana sake jin halin da Mu'een 'din ke ciki.


Alhaji Baba kam shiru 'kila har yanzun bai kammala tunanin da yace da Safwan zai yi ba ne, Safwan ba 'karamin rashin jin da'din haushin nuna halin ko'in kula da suka yi da Mu'een 'din yake yi ba hakan yasa bai kuma 'kiran su kan batun sa ba har yanzu.

Last week ma abokan sa suka zo duba shi su Anas wanda Isahq ya sasu zuwa duba shi dan shi baya kusa, sosai suka tausayawa halin da yake ciki.

Siahq na 'ko'kari sosai wajen.'kiran.Alhaki yana sake ro'kon alfarma ko Alhajin zai sassauta amma ga mamakin sa a kullum kalaman Alhajin basu canzawa.
Sake maimaita masa yake cewa shi bai wani ri'ke shi a zuciya ba, abinda yake aikatawa ai rayuwar sa zata ta illatawa ba wani ba, iyaka kawai ace 'dan wane ne so shi bai dame sa ba, abinda yake so da shi yanzu kawai shine takaddar 'yar sa da ya'ki bayar wa, yace matu'kar ya sakam masa 'yar sa shikenan komai ya wuce bashi da wata damuwa da shi.


Har zuwa ya sake yi musamman kan maganar amma still Alhaji na nan kan bakan sa bai canza ba.
Duk yanda ya so yasan inda Noor take daga bakin su kuwa 'kin sanar da shi suka yi, daga gidan sai ya wuce gidan Umman Noor, nan ma 'din duk bata sauya zani ba tamkar ha'din baki itama bata sanar da shi ba.


Layin Noor da yake da shi kuwa sam baya gaijayawa da gwada 'kiran ta, a ranar ma ya 'kira yafi sau hamsin amma baya shiga abin ya 'daure masa kai sosai.


Burin sa dama da ace ya same ta da nasiha zai mata sosai, bai kamata ace ta guji mijin ta ta bar shi cikin wannan halin ba..ita ce ya kamata ta fara tausaya masa ba wani ba, kuma ai abinda ya riga ya faru ya riga ya wuce so babu amfanin dawo da shi musamman da yake ya nuna nadamar sa a ganin sa in dai ba 'karshen sa suke son gani ba kam ai abin ya isa haka nan.


Safwan ya 'kira yayi masa bayanin komai inda ya 'kara da fa'din" Idan zai yiwu dan Allah ka fahimtar da shi, fushin iyayen sa a kullum baya zai rin'ka maida shi ta fannin rayuwa abin na damu na sosai Safwan bai kamata ya ja tsawon lokaci mahaifan sa na fushi da shi ba, tunda sun ce sakin Noor suke bu'kata kawai ya daure ya sake ta, may be dama Allah bai tsara musu 'karshen rayuwar su tare ba dan haka kawai ya ha'kura da ita ya nemi albarkar iyayen sa.

Shi kansa Safwan ya jima da yin wannan tunanin amma fargaban yanda Mu'een zai 'dauki abin ya sa shi kasa furtawa.

Wannan karon kam Ishaq 'kwarin gwiwa ya bashi yace idan kuma ba zai iya gaya masa ba kawai ya ha'da su awaya shi zai masa bayani.


Hakan kuwa akayi, Ishaq ne cikin natsuwa ya fahimtar da shi komai, a fili ya bayyana masa muhimmancin da iyayen sa ke da shi a wurin sa, ya tuna masa cewa su ne aljannar sa, ya kuma nuna masa illar biyewa son zuciya, yace idan Noor matar kace babu wanda ya isa ya raba ka da ita Mu'een, amma ayanzu ka bi iyayen ka ka aikata abinda suke so insha Allahu bazaka yi hasara ba, Alhaji ya nuna yafiyan on condition zai maka, sakin Noor ne zai sa ka samu yafiyar sa dan haka dan Allah Mu'een ka sake ta ko ma saki nawa suka bu'kata kayi mata, kaga idan suka yafe ka sai ka koma ga Ubangijin ka kuma ro'ki abinda yake alkhairi ne, tsakanin Hudah ko wata daban..ina ganin hakan zai fi maka, da ka zauna da fushin iyayen ka akan ka gwamma ka rayu babu Noor a kaf in rayuwar ka wallahi ko awurin Allah bazaka yi laifi ba...."

Idanu ya rintse da 'karfi yana jin zafi cikin zuciyar sa a hankali ya furta" Insha Allah zan yi yanda kace Ishaq, na gode sosai, nagode da 'ko'karin.da kuka yi a kaina Ubangiji Allah ya bar zumunci".


Tun kafin ya 'kara samun sau'ki ma ya matsa wa Safwan ya fitar da shi daga asbitin..wanda sosai ya 'kagara yaga ya shirya da mahaifan sa har ji yake tamkar basu ta6a shiri da su mai kyau ba...ya riga ya saduda a yanzun a ganin sa Noor tayi masa nisan da be san ta ina zai fara lalu6o ta ba...ya sawa ransa dangana ba dan ransa na so ba a ganin sa rabuwa da itan dole ta zame masa kawai.


Washe gari ya shirya ya taho Shuwarin, wannan karon shi ka'dai ya tafi, Safwan ma yayi-yayi da shi akan ya bari sai ya 'dan natsu jikin sa ya 'kara 'karfi kafin yayi tafiyar amma Mu'een ya'ki, haka ya tafi bai ko 'dauki kaya bama daga su Atm 'din sa da Magungunan sai 'dan abinda ba'a rasa ba,
ku'di masu nawi ya bawa mai gadin sa dan shi kansa bai san ranar daowar sa ba, ko da ya sake ta baze bar Shuwarin ba har sai ya samu labarin inda take...domin a ganin sa har yanzun akwai nawin ta akansa cuz bai nemi yafiyar ta ba, haka ya bi motar kasuwa kamar ba shi ba ya kama hanyan gida.


Cikin mota kuwa da ya rufe idanu sai yaga Jasmine 'din sa tana yi mai murmushi, in ya bu'de idanu kuma sai bazai ganta ba.

Sake lumshe idanu yayi
Cikin ransa yake ayyana hala dai kin zo tuna min da batun zuwa makka da Madinan ki ne Mama na...na riga nayi al'kawari amma Allah bai nufi zaki je ba...sai dai insha Allahu nayi maki al'kawarin Mummyn ki zata je zata cika miki burin ki..ko da bama tare...Mummyn ki ta guje ni tace bata so na yanzu".


Murmushi kawai take yi masa amma bata fa'din komai...i missed u Maman Daddy..".
Ya sake furtawa 'kasan ma'koshin...yana jin tamkar hawaye zai zubo masa.


Allah ma ya taimake sa ba sosai yake maganar ba da ba babu abinda zai hana sauran fasinjojin jiyo abinda yake fa'di.

May be suyi tunanin ko ba lafiya yake ba ganin.shi ka'dai yana surutai.


Da wannan tunanin har ya kai gida tunanin Baby fal a ransa..Allah ya ji 'kanki mama na..".
Shine abu na 'karshe da ya furta bayan ya shigo garin Shuwarin...domin tunanin Jasmine ne ya dawo masa sabo fil.


Tun daren ranar da ya iso ya 'dauki takadda ya rubuta sakin Noor kamar haka..." _Assalamu alaikum ...ni Muhammad Mu'inuddeen na saki mata ta Noorul Hudah Mamman Jaji saki 'daya tak batare da tai min laifin komai ba.._ ."
Ninke wa yayi yana jin suka azuciyar sa har ruwa ruwa idanun sa ke yi saboda tsananin damuwar da yake ciki...wai yau shine da kansa da hannun sa ya saki Noor 'din sa? Jin abin yake tamkar cikin mafarki.


Bai sake fita daga 'dakin sa ba ya zauna yana alhinin sakin Noor da yayi, da yake tun maghrib suka ha'du da Alhaji so ba bu'katan komawa wurin sa ayanzu.



Yana zaune akan kujera hannun sa ri'ke da takaddan sakin Noor in sai yaga wayar sa na haske alamun 'kira ya shigo masa wanda a yanzu sosai ya tsani yaji 'karan abu ma kusa da shi, shiyasa ko wayar sa ma silent take koda yaushe.



Sunan Jiddah da yaga yana yawo kan fuskar wayar ne ya sashi jin wani tukukin bakin ciki ya kamashi...'dan 'karamin tsaki ya sake yana mai sake maida idanun sa ya lumshe.


'Kiran na yankewa a take wani ya sake biyo baya.
A zuciye Mu'een ya kai hannu ya 'daga wayar ya kai kunnan sa, bai ko jira yaji abinda zata ce da shi ba yace mata"...Idan kika sake kuskuren 'kiran wayata wallahi Uban ki zanci, useless kawai marar hankali..."


Daga haka ya yanke 'kiran yana huci kamar dole aka sanya shi.
Ni dai nace an kwan biyu ba ayi ba yau kuma kan Jiddah aka rage wutan masifar.


Jiddah kam daga can 6angaren kuka ta sanya, sosai Allah ya jarrabi zuciyar ta da 'kaunar sa fiye da zaton mai karatu, gani take kamar in ba shi bazata iya rayuwa ba, hakan yasa yanzun ma da ya zage ta har bata san lokacin da ta saki kuka ba saboda takaici, tun ba yau ba tayi danasanin turawa Noor wa'dancan Video da pic in, domin tun ranar har yau bata sake samun kansa ba, bata sake samun magana mai da'di daga gare shi ba...abin na damun ta sosai.


Da tasan abin kanta zai dawo ma da tun farko bazata fara ba, tana son shi sosai ta yadda ta tsani komai da zai iya shiga tsakanin ta da shi...zuwa yanzun kuwa ta fahimci tsananin soyayyar da yake yiwa matar sa, cuz a tunanin ta tun case 'din wancan Videon da ta tura in ne ya sa har yanzu bai dawo Abuja ba, kusan 3months kenan yanzu, sannan wayoyin sa ma ba a ko wani lokaci take samu ba, sau tari kuma ko ta 'kira ma ba 'dagawa ake yi ba, yau ne ta samu ya 'daga shima 'din sai ya bita da hargagi batare da ya ko saurari abinda ke tafe da ita ba.



Mummyn tane tayi saurin shigowa 'dakin jin tashin kukan ta lokaci guda wanda take yin sa cike da takaici.


Ko da ta jefa mata tambaya kuwa Jiddah bata 6oye ba ta sanar da ita domin hankalin ta ya riga ya tashi mafita take nema, hakan yasa bata ma san lokacin da ta furta" Mummy ni shi nake so amma yace wai kar in sake 'kiran sa...".
Salati mummyn Jiddah tayi tana tafa hannuwa tace" Yanzu wai duk akan namiji kike wannan uban kukan Jiddah?"
" Mummy zagi na fa yayi wai kar na sake 'kiran sa".
" Dama an gaya miki ana 'kiran saurayi ne haka sakaka? Ai in kina so ki 'kira namiji batare da wulakanci ya shigo ba to ki bari sai magana ta zauna tsakanin ki da shi".
" Ni dai Mummy ki taimake ni, ki ce Abbah ya ro'ka min shi dan Allah mummy wallahi idan ya guje ni mutuwa zanyi".



Abbahn ta dake tsaye bakin 'kofar 'dakin nata taji yace" Waye shi?"
Zabura tayi ta maida kallon ta gare shi da rawan jiki tace
" Abbah wani ne...sunan shi Muhammad..ni shi nake so Abbah please ka taimake ni.."
" 'Dan waye ne haka?"
" Ni ban sani ba Abbah, amman dai garin su ne jihar Bauchi..mahaifan sa na zaune a wata 'karamar hukuma Shuwarin.."


" Ki bari to gobe da safe ki kawo min photon sa in gani.."
" To Abbah Allah ya kaimu, nagode Allah ya 'kara girma".


Juyawa yayi ya koma inda ya taso zuciyar sa cike da tunanin wannan abin, Jidfah ka'dai ya mallaka ba zai so 'kunci yayai wa rayuwar ta 'kawanya ba, dama tare suke zaune da Mummyn Jiddah a palourn wanda jiyo kukan Jiddan yasa ta ta shi shima kuwa take yabi bayan ta dan jin meke faruwa da tilon 'yar sa da yake matu'kar so da 'kauna.
Ashe ma batun soyayya ne, sai dai shi a ganin sa babu 'dan wani ko wata a 'kasar nan da zai yi wasa da zuciyar 'yar sa, koma waye shi dole ya nemo sa yasan matakin da ya kamata ya 'dauka akansa.



Washegari Jiddah da sassafe tana idar da Sallah ta nufi 6angaren Abban ta fuskan ta cike da murmsushi