You Cannot Download this book untill you login but you can read it .

---

Login Register

kece yanzu uwar tsausayi ko, to ba shiryawa zamuyi dake ba matu'kar kika ce kuka zaki dinga yimin saboda shi, ki bar shi can ai shi ya sani ba rayuwar sa bace..."
Mummyn Safwan ce ta sako.bakin ta da fa'din" Hajiya ayi ha'kuri dai, in.kika lura zaki ga tsananin nadama ce tattare da shi yanzu, me yasa bazaku bashi dama ba?"
Murmushin takaici Ammi tayi sannan tace" Ki bar shi ba wani nadama da yayi in dai wannan yaron ne, idan fushin da Alhaji Baba yayi da shi abaya bai sa ya nutsu ba wallahi bana tunanin akwai abinda zai nutsar da shi cikin sau'ki haka..munafurci kawai ke damun sa ba komai ba".

Shiru Mummy tayi kawai tana tunani cikin zuciyar ta, ita kam gaba 'daya tausayin sa take ji, ai kowa da yanda Allah yake tsara masa rayuwa, kuma dan ka tsinci kanka ko wani naka matsayin shiryayye bawai dabarar ka bace tasa hakan kawai Allah ne ya so ganin ka da wannan matsayin, to ko shima Mu'een 'din bawai rashin wayon sa bane ya kai shi ga fara wannan rayuwar face 'kaddarar dake zane cikin rayuwar sa wanda Allah ne ka'dai yasan nufin sa da shi.
Babu wanda ya saje wata magana tsakanin su kawai suka cigaba da zaman alhinin faruwar lamarin.



*****
       'Bangaren Sani kuwa tuni anyi nisa cikin thearter room sai fatan Allah yasa afito lafiya ya kuma sa a dace da aikin da za'a yi masa.

Sun 'dauki kimanin awa guda da rabi a zaune, lokacin har anyi sallar Azahar, bayan sun idar sai mummyn Safwan tace zata tafi gida zuwa yamma zata dawo ko kuma gobe, ro'kon ta Ammi tayi akan dan Allah ta sau'ke mata Noor a gida ta 'dan watsa ruwa ta kintsa in yaso sai ta dawo dan taga alamar tun jiyan bata samu nutsauwa ba.

Noor da farko 'kin amincewa tayi da tafiyar amma Ammi ta matsa dole suka tafi tare da Mummy ta sau'ke ta, ko a motan ma ha'kuri take sake bata saboda yanzu kam da kunnuwan ta taji komai da ya faru, ta kuma fahimci irin ha'kurin da Noor tayi da shi, sai dai duk da hakan tasuayin sa bai gaza zama cikin ranta ba, amma ya zama dole ta.bawa Noor ha'kuri dan ta cancanci yabo, ba kowace mace bace ke da irin zuciyar ta, ko ita nan da take da jikoki ma idan akace ta ga mijin ta da wata macen daban ganin idanun ta tasan Allah ka'dai ne zai gyara lamarin balle Noor da take yarinya mai 'karancin shekaru, ha'ki'ka tayi ha'kuri, ta nuna masa halacci ta kuma rufa masa asiri matu'ka, babban abinda yafi tsaya mata arai ma shine sunan Yusrah da taji cikin labarin, kenan ita aka rufe ba'a gayawa ba tun farko, tunda gashi yace Safwan ne ma ya raba su, kenan shima ya sani amma ya 6oye mata...ta riga ta sa cikin ranta cewar uban Yusrah zataci idan har ta tabbatar da wannan labarin gaskiya ne.

Ai ba yau ta fara yi musu nasiha ita da mahaifiyar ba akan yawacen-yawacen banza  da Yusran ke yi, shine har abin ya zago ya dawo kan abokin Safwan...hmm"


Har suka isa gida tausan Noor take yi kuma ba laifi yanzu kam hankalin ta ya 'dan kwanta tunda da taga Ammin ta sai taji 'kwarin gwiwa ya shige ta sosai, hukuncin da ta riga ta yanke ne dai bata jin zata iya janyewa saboda bata bu'katar sake rayuwar aure da shi, ta 'kwammaci ta mutu ba aure da ta cigaba da rayuwa da mutun maci amana irin Yah
Deen da ba ya ta6a hangen gaba, baya da kyakkyawan zuciyar da zai fahimci kuskuren da yake aikatawa balle yayi tuba na gaskiya.
Watarana idan yayi wani abin sai taga kamar ya daina ne amma da kanta take 'karya ta kanta kuma idan halin san ya sake bayyana mata.
Hakan ne ma yasa ta fahimci cewa daidaiton hankalin sa zaiyi wahala, baza ta ta6a amincewa da nadamar sa ba.
Kullum raba mata hankali yake yi da salon da ke nan iri daban daban, ko kaga alamun nadama tattare da shi kwana kusa kuma zaka sake 'karya ta tunanin ka, domin a fili yake bayyana cewa bazai iya barin harkar neman mata ba.

Videon sa da Jiddah ka'dai ma ya ishe ta gane hakan, shiyasa itama ta yanke shawaran da ta ga yafi kwanciya mata a zuci.

Addu'ar ta kawai shine Allah ya bawa Baby lafiya su yi tafiyar su su bar shi yaje can da 'yam matan sa sa da ya fi son yin rayuwa da su.

Cikin gidan ta shiga tana jin sa wani iri duk babu da'di...fili sosai taga yayi mata, da idanu ta kalli inda suka rabu da Baby jiya lokacin da Sani zai tafi da ita makaranta.. _Allah Sarki_ ta furta cikin ranta sannan ta 'dauke idanun ta.

Sai da ta tsaya suka gaisa da Bala maigadi kafin ta shige ciki, shima bayan ta yabi da kallon tausayi yana girgiza kansa dan duba na farko idan kayi mata zaka fahimci hankalin ta ba a jikin ta yake ba, duk ta fige ta rame cikin yini guda da kwana 'daya kacal...A fili ya furta Allah ya rufa asiri.

Da fitar su Noor daga asbitin sai Hafsat ta 'kira ta sanar da shi cewa yanzu zata taho ta gama abincin rana.

Nan ya sanar da ita cewa ai Noor in ma yanzu ta wuce da Mummy, amma tabiya ta can dan ta ringa 'dan 'debe mata kewa kar ta rin'ka yawan tunanin in yaso in ta gama shiryawa sai su taho tare da ita.

Hakan kuwa akayi domin Hafsat can ta wuce aka sau'ke ta ta biya 'dan sahu ku'din sa yayi gaba ita kuma ta shiga ciki.

Kayan abincin dake hannun ta ajiye a bakin parlour ta ciki tare da sau'ke Afrah suka 'karasa ciki..dan duk salkamar da take ko 'daya bataji an amsa ta ba.

Noor mamaki sosai ne ya kamata lokacin da ta shiga ciki ta tarar da kayan ta da ta shirya babu su duk an sake jere su, tayi mamakin lokacin da hakan ya faru, kuma tasan ba kowa ne zai yi hakan ba sai Yah Deen, baki ta ta6e kawai bata wani sa aka ba dan damuwar kanta ma ta ishe ta a yanzun.

Wanka ta shiga yi wanda a lokacin ne Hafsat ta iso shiyasa bata samu an amsa sallamar ta da tata yi ba.

Noor kam wankan ta tayi ha'di da wankan tsarki dan yanzu kam tasan kwanakin hailar ta ya cika jiya ma mantawa tayi har tayi gaggawan yin wanka tayi sallah batare da ta tuna ba.


Sallahr azahar ta gabatar bayan ta saka dogon riga a jikinta.
Sai da ta idar sannan ta fito nan ta tarar da Hafsat zaune, sabon  gaisuwa suka sake Hafsat ta tambayi jikin su Baby Noor ta amsa ta fa'din" Alhamdulillah.. da sau'ki.

Hafsat sai tace" Ashe shima Mu'een 'din jikin ya 'kara motsawa, 'dazun Safwan ke sanar dani".
Da" Umm" kawai Noor ta masa ta tana yin 'kasa da idanun ta.

" Ga abinci ki ci to dan nasan idan muka je can ba iya ci zakiyi ba.."
Cewar Hafsat dake 'ko'karin mi'kewa dan 'dauko mata abincin.
Saurin dakatar da ita tayi da fa'din" A a kam ki bari mu isa can 'din..Ammi na fa ta zo tana can da Alhaji Baba..".

Washe baki Hafsat tayi cike da farin cikin zuwan su Ammin tasan dama abin zai yiwa Noor yawa ita ka'dai.
Fuskar ta cike da murmushi tace" Duk da hakan dai kamata yayi kici agida nake ganin zai fi can in ko?".
Kawar da kai tayi gefe tace
" a a ki barshi Hafsat ban jin ci ma yanzun wallahi".
Komawa tayi ta zauna tana duban ta tace
" Ke dai bakya ji Noor, Baby ba lafiya, ga Dr. Ma can rai a hannun Ubangiji, kema kuma so kike Ulcer ta kwantar da ke ko...?"
Murmushi tayi mata tana kamo hannun Afrah tace" Bani da Ulcer ai ni.…bana so ne inyi nisa da Baby shiyasa nafi so mu koma can in da sauri.... ."

Kafin Hafsat tayi wata magana sai wayar ta ta 'dauki ringing ko da ta 'dauko sallama tayi ganin sunan Safwan ne ya 'kira.
" Hafsat kuna tare da Noor ne?"
Ya tambaye ta da sanyin murya sai ta amsa da " Erh ina tare da ita".
Yace
" Okay..ba sai kun taho ba ku jira mu muma gamu nan zuwa yanzu...".
Yayi maganar ne cikin sanyin murya, da ka ji kasan zuciyar sa a karye take.
Hafsat ma jikin ta sanyi yayi da jin yayanyin nasa amma sai tayi tuanin ko jikin su Mu'een 'din ne ya sashi canzawa.

Noor kam idanu ta zuba mata fuskar ta tallafe cikin hannun ta 'daya har ta kammala wayar sannan ta tambaye ta" wai ya akayi?"
" Yace kar mu koma..suma suna zuwa yanzu..'kila am sallamo su ne".

Goshi Noor ta tattare da alamun mamaki tace" Sallama kuma? naga 'dazun nan jikin Baby yayi  tsanani fa..ko de su Ammi zai kawo gida?"
Hafsat tace
" May be..kin gama sai kici abincin ki kafin su iso".
" Sako mana to inga ko zan iya ci...amma zuciya ta na tsinkewa".

Tashi Hafsat tayi ta ta nufi kitchen tana fa'din" Shai'dan ne ki dinga maimaita _Innalilliahi Wa Inna Ilaihi raji'un..._







Comment
Vote
Share







*Salmerh ce* 😍

💕 *NOORUL* 💕
      (Haske nah)

By
*Salmerh MD*
 

*Wattpad @*
*Serlmerh-md*

💫 *DA BAZARMU* *WRITTER'S ASSOCIATION*
💫
We are here to make you happy,smile,educate and to realized that we are the best among all.....
*DA BAZARMU* *MUKE TUN'KAHO*

_*Daga marubuciyar Littafin CAPTAIN ABBAS*_

*Bismillahir* *Rahmanir Raheem*

🅿 *79*

Hakan kuwa akayi domin  Noor cikin zuciyar ta ta ringa maimaiata _Innalillahi wa inna ilaihi raji'un_ har Hafsat ta dawo ta zuba musu abincin, a hankali ta fara ci amma sam sai nemi  natsuwar ta ta rasa, bugun da zuciyar ta ke yi sai 'kara yawaita mata yake yi, bata fi spoon biyar ba taji abincin ya ishe ta gaba 'daya, ruwa mai sanyi ta 'dauka ta sha sannan ta kwantar da kanta tare da lumshe idanu.

Ta 'dauki tsawon lokaci  a hakan Hafsat kanta bata iya fa'din komai cuz a yanda ta san Safwan da dukkan yanayin sa tasan da wani abu musamman yanda taji sauyi cikin muryar sa..amma da yake bata san ko menene ba shiyasa tayi shiru..fatan dai Allah yasa ba jikin Baby da mahaifin ta ne ya tsananta ba...tuno Sani da tayi ne yasa ta ta6e baki ashe har shima ba lafiya...

Wasa-wasa kusan mintina hamsin da uku suka 'dauka bayan wayar da Safwan ya 'kira sannan suka ji tsayuwar motoci kimanin uku daga harabar gida.

    Hafsat ne mai 'dan 'karfin hali dan haka ita ta fara mi'kewa tsaye yayin da zuciyar Noor ya amsa da 'karfi...'kafafun ta har na sar'kewa tabi bayan Hafsat Little Afrah kam tuni tayi baccin ta.

Ganin yanayin da su Ammi suka firfito daga motar yasa ta kasa motsawa daga inda take tsaye, bata san me yasa ta tsorata ba, a hankali idanun ta ya sau'ka kan  Bala Mai gadi da hannun sa duk biyu ke kansa yana kuma girgiza kan da alamun alhini.

Hakan ne ya 'kara tabbatar mata da cewa ba lafiya ba, gani tayi su Alhaji Baba, Safwan da wasu da bata ma gane ba sun tattaru wurin mota guda 'daya.
Dole cikin uku tasan akwai 'daya cikin Yah Deen, Jasmine ko Sani...Ammi ce ta taho wajen ta da sauri ta kamata tayi ciki da ita, da ka ganta kuwa zaka san cike take da damuwa, Noor dai kawai ta bita ne amma ba wai dan ranta yaso.ba, taso taga menene ya faru acan wajen, me su Alhaji suka taruwa gaban motar can.

Ji tayi kawai hawaye na gangaro mata yayin da zuciyar ta ya gama cika da waswasi..Ammi bata ce da ita komai ba har suka isa 'dakin ta da Ammi.
Anan ne Ammi ta fara bata ha'kuri da alamun kwantar da hankali  amma bata san dalilin ha'kurin ba..burinta kawai taji menene ya faru kuma.

Da 'kyar ta iya bu'dan baki tana hawaye ta tambayi Ammi" Me ya faru ne wai Ammi...?"
Kafin ta rufe bakin ta sai ji tayi murya kamar ta Hafsat tana Salati daga waje.

Ai bata san lokacin da ta zabura ta mi'ke da sauri ta fita ba, Ammi na 'ko'karin tarota amma ina ta riga tayi gaba.
.....turus taja ta tsaya sakamakon ganin abinda ke kwance a parlourn ta, gwiwoyin ta ta zuba a 'kasa kamar wacce hankalin ta ya bar jikin ta tana nuna abinda ta gani.

Da 'dayan hannun ta ta rufe bakin ta tana fatan Allah yasa zargin ta kar ya kasance gaskiya...Da muryar kuka batare da ta dubi fuskar Alhaji ba tace
" Alhaji Baba waye aka na'de haka?...Innalillahi...wa inna Ilaihi raji'un...Yah Allah kasa mafarki nake ba gaskiya ba..Hafsat waye wannan dan Allah?"
Da kuka ta rushe tana rufe bakin ta da dukkan hannuwan ta biyu, Ammi ce tazo ta kamata itama 'din hawaye take zubdawa...rungume kanta tayi a 'kirjin ta tana bubbuga bayan ta a hankali..tana fa'din" Kiyi ha'kuri Uwata...Kullu nafsin za'i'qatul maut...kinsan mutuwa dama dole ce..."

Bata jira ta 'karasa jin abinda Ammin ke fa'di ba tayi saurin barin jikin ta ta mi'ke ta tafi..jin cewa da gaske mutuwa akayi, kuma bata raba'dayan biyu 'yar ta ce domin duk cikin marasa lafiyan itace 'karama kamar yanda taga wannan abin.

Zuwa tayi gaban inda aka kwantar da gawan ta sa hannu ta bu'de...take sai tayi saurin rintse idanu..." _Na shiga uku na ..Ammi Jasmine ce, wallahi Ammi yarinya ta ce dagaske, waiyo Allah ne, Ammi itama ta tafi ta barni? Dan Allah kice min ba gaskiya bane Ammi, Alhaji kace min zolaya ta take takeyi, dan Allah kuce mata ta dawo wallahi nayi rantsuwa zan kula da ita, bazan sake bari a cutar da ita ba.."_
Kan fuskar Jasmine ta dawo da kallon ta, fuskar ta ta tallafa tana kuka hawayen ta na 'diga kan jikin Babyn tace" Baby na..dan Allah ki tashi kinji, kin manta nayi miki al'kawarin zamu bar rayuwar su, kin manta nace miki zamu bar inda suke bari na har abada, amana ce ke awaje na Baby amma ban ri'ke amanar da Allah ya bani da kyau ba, dan Allah Maman Daddy ki tashi, ki tashi ki bani wata damar da zan wanke dukkan kuskure na, me zan gayawa mahallici na Baby idan kika tafi batare da na sau'ke hakkin ki dake kaina ba....Inna lillahi wa inna ilaihi raji'un...Ya Allah ka farkar da ni daga wannan baccin...."
Tayi maganar tana dafe goshin ta da hannun ta 'daya...at same time tana kuka gwanin ban tausayi.

...Wata ma'kwabciyar su da ta shigo tun 'dazun itama kuka take yi sosai na tausayin Noor haka Hafsat ma, Ammi kanta bata iya ri'ke kukan ta ba.

Cikin su babu wanda ya iya zuwa kusa da ita balle ya bata ha'kurin kukan da take yi.

Dai-dai shigowan wata Hajiya dake bayan gidan su fuksar ta cike da Alhini amma ahakan bai hana ta ja ta tsaya ba ganin.kukan da Nnor ke yi, a hankali tabi sauran dake 'dakin da idanu taga duk suma yanayin da suke ciki babu alamun zasu iya iya lallashin wani.
A hankali ta 'karaso kusa da Noor ta kama ta ...tana fa'din"Haba- Haba Maman Baby, sai kace kin manta matsayin musulma kike, ba kuka ya kamata kiyi mata ba..Addu'ah zakiyi mata kinji.."
Jikin matar ta fa'da tana fa'din
" Innalillahi Wa inna ilaihi raji'un..."
Sai da maimaita ya kai sau biyar sannan ta fara fa'din" Ammi na! Ammi na..Ammi na.."
Da sauri ta bar jikin hajiyan ta nufi inda Ammi take taje ta fa'da jikin ta ta sake sakin wani kukan.

Ammi rungumar tayi da kyau tana 'ko'karin goge mata hawayen fuskar ta sam tarsa me ma ya kamata ta ce da ita...sosai Noor ke bata tausayi fiye da tunanin mai karatu.

"... shikenan Ammi yanzu bani da kowa?"
Hajiyan nan ce tayi saurin amsa ta da fa'din" Kina da Allah Maman Baby".
" Wallahi ina son 'ya ta kice da ita ta dawo min, zan kula da rayuwar ta kamar 'kwai Ammi, har makaranta ta ma zan bari saboda ita, wallahi ina son 'yata, Baby dan Allah kar ki tafi ki barni, ban ri'ke amanar ki da Allah ya bani ba, waiyo rayuwa ta...".
Kuka take yi sosai tana maganganu.
Yayin da Hajiyan nan ke 'ko'karin tausan ta da maganganu masu sanyi, a hankali.take nuna mata cewar" Ai duk soyayyar da take yi mata bai kai wanda Allah ke mata ba, shi ya bata Baby kuma shine ya kar6i abin sa dan haka tayi ha'kuri tayi Addu'ah, tace duk mu ma mutuwar muke jira a kullum Maman Baby, bamu san yanzu ne, anjima ko kuma gobe ba...ki daina tuhumar Allah akan abinda ya riga ya aiwatar...".
Duk maganganun da Hajiyan ke yi be hana Noor kuka ba, yayin da sauran ke faman tsiyayar da hawaye kawai Hafsat rungume da Afrah duk ta ji'ka su da ruwan hawaye.

Alhaji Baba dake harabar gidan shine yayi saurin shigowa jin kukan Noor da ya kasa 'karewa, shi kansa jikin sa yayi sanyi sosai, domin Jasmine akwai shiga rai yarinyar bata da hayaniya, sosai mutuwar ta shige shi shi kansa....Cikin natsuwa ya fara fa'din" Haba Hudallah... ke da nake yabon ki kuma, kukan amfanin me zai yi? kar ki manata fa idan an tafi ba'a dawowa, kukan ba zai dawo miki da ita ba...
Kiyi mata addu'ah kawai kiyi fatan Allah yayi mata  Rahama, Allah yasa mai ceto ce kinji...nasiha ya ringa mata mai ratsa jiki har ta yi shiru ta daina ihun sai dai hawaye....
Sai da yaga ta nutsu kafin ya juya ya fita yana tuno lokacin da yarinyar ta rasu a hannun sa.
Mintina goma kafin ranta ya bar jikin ta tana kallon idanun sa a lokacin bakin ta ya bu'du..yanda take 'kaerwa idanun sa kallo ne ya sa shi tambayar ta" Lafiya kuwa Aishatu kike kallo na haka?"
'Dan bakin ta ta tura sannan tace" Ai kaine ka mari Daddy na..."
Murmushi ya 'ka'kalo sannan yace mata " Daddyn ki baya ji Aishatu..shiyasa na dokesa".
" Ai shi babba ne kuma ba'a dukan Babba...".
Yace" To kiyi ha'kuri bazan sake ba...".
Tun kafin ya rufe baki tace" Baba Alhaji..."
Ta 'kira sunan sa tana lulllumshe idanu.
Sai yace" Na'am Uwata ya akayi?"
Idanun ta rufe tace " Mummy na...!..ai Daddy na yace da Mummy da Uncle Saif zamu tafi Madina da Makkah..."
Sai tayi murmushi, daga hakan bata sake wata magana ba tayi shiru, ba'a da'de ba sai yaga jikin ta ya hau kakkarwar sanyi, har alokacin kuwa fuksar ta da murmushin zasu je Makkah..sha'kuwa ta fara tana jan jiki, sai yayi saurin 'kiran Safwan a waya da ya tafi duba Sani bayan an fito dashi daga thearter room.
Sha'kuwan ta cigaba da yi wanda kafin Safwan ya iso ma har ranta ya bar jikin ta.
Shi kansa tsayawa yayi yana kallon ta a lokacin, jiyake kamar wasa, amma da yake shi babba ne kuma yasan mutuwa ya kuma san tana kan kowa hakan yasa shi shafa fuksar ka da fatan Ubangiji Allah yayi mata Rahama....kwana idan ya 'kare babu wanda ya isa ya hana mutum tafiya ko da kuwa babu ciwo dole ne atafi, a zahiri ciwon baby ba mai tsanani bane wanda har zaka kawo mata mutuwa kusa, domin Sani ya fi ta jikkata amma shi yanan nan lafiya kamasa aikin sa aka fito shi, ga kuma Deen da kenan shikam ma bai san inda kansa yake ba amma yana raye yayin da Baby take nan har hira tana yi amma dayake Allah ya riga ya rubuta iya rayuwar ta na duniya kenan haka anaji ana gani ta tafi...Allah kayi mana 'karshe kyakkyawa".

*****
        Noor tana nan har aka gama yiwa Baby suttura tana aikin kuka.

Addu'ah aka bu'kaci tayi mata amma bata iya tayin ba, bakin ta kaf kaf yake yi tana yi kamar zata rungume ta, idan dai kana wurin ko baka yi niyyan yin kuka ba ganin Noor ahakan ma sai ya saka kuka saboda tsananin tausayin ta..dan mata da dama cikin parlourn sai da suka zubda 'kwalla.

Ammi ce tayi 'karfin halin cewa..." Ki daure ko cikin zuciyar ki kiyi mata addu'ar kinji.."
Tace" To Ammi zanyi".
Sai ga wani sabon hawaye.
Wata mata tace" Kiyi ha'kuri dan Allah ki rage kukan maman Baby..".
Tace" Zan bari...zan bari Insha Allahu.."
Da rawar murya take basu amsoshin maganar su tamkar zautacciya.

Lokacin da akazo fita da Baby kuwa kamar zata shi'de saboda kuka a hankali cikin shashshe'ka take fa'din...shikenan yarinya ta, shikenan Baby na...Allah ya ji'kan ki mama na, Ubangiji Allah ya miki Rahama, Allah yasa haske ne ke jiran ki cikin qabarin ki...".

Duk kowa da ke wurin da Ameen ya amsa addu'ar tata, tausayin ta sosai ya kama su, saboda suna da labarin cewa mijin ta ma na can kwance a asbiti bai ma san da batun rasuwar ba...dole abin ya zame mata ba da'di ga rashin 'ya ga kuma jinyar miji...duk rashin tausayin ka sai ka tausayawa Noor idan ka ganta a wannan lokacin.
Jikin Ammi ta fa'da ta cigaba da rero kuka.

Kamar wasa wai Baby Jas ta tafi, tafiya kuma ta har abada, shikenan bazata sake ganin ta ba kenan..kamar yanda ta rasa Nannen su, ta rasa Mahaifinta...Allahu Akbar...Allah ka ji'kan mu ka bamu ikon bauta maka muna masu tsorin ka, kasa mana imani da yadda da 'kaddarar ka kowacce iri ce..."

Idanun ta sun kasa tsaida hawayen da suke yi  saboda tausayin kanta da take yi, gani take kamar Allah ma bazai yafe mata sakaci da tayi da rayuwar Baby ba gashi ya kar6e abin sa batare da ta cije gurbin kuskuren ta ba...tana makale jikin Ammi...bata ko iya amsar gaisuwa sai dai su Ammi.

Ba laifi kuwa dan duk da yake mahaifin ta baya nan amma sosai Jasmine tayi mutane an taru sosai wurin jana'izar Baby haka aka kaita makwancin ta na gaskiya...zuciyoyin mutane cike da alhini.

Mummyn Safwan da Mimah ma tuni sun zo gidan rasuwar
Kowa yaji sai jikin sa yayi sanyi, jiya-jiya yarinya na nan amma da yake ba a gayawa Allah yanda zaiyi sai gashi yau an yini babu ita...rayuwa kenan...Allah ka bamu ikon gyara kurakurakanmu kafin cikar wa'adin mu...Ameen"

Su Saif ma Alhaji bai sanar da su ba da yake sun riga sun sanar da shi cewa gobe zasu iso, yaso ya hanasu ma tun safen da suka yi waya amma sam sun kafe sai sun zo sunga jikin princess 'din su..Allah sarki basu sani ba ashe Baby kam ta amsa 'kiran Ubangijin ta.

Uncle Ja'afar ka'dai Alhaji Baba ya fa'dawa wanda shima sosai jikin sa yayi sanyi, lokacin da ya sanar da Anty Zainab kuwa har sai da yayi da na sanin sanar da ita cuz sosai ta tashi hankalin ta ta 'kara tashin nasa ma, kukan da tayi tunda yake da ita bai ta6a ganin tayi irin sa ba, tausayin su Deen takeyi sosai, domin tasan yanda ya 'kwallafa Jasmine a ransa...tun ranar ta gama shirin ta tace gobe zata taho Bauchi.

Uncle Ja'afar bai hanata ba cuz shi da kansa ma badan aikin Bank yake ba da tare zasu taho, amma dole ne sai ya nemi izini tukunna.

Hakan yasa da kansa ya shirya mata komai na tafiya zuciyar sa cike da tunani, shikan sa yana tausayin 'dan nasa, tunowa da irin yawan Pic 'din sa da na Jasmine dake wayar sa wanda kusan kullum sai yayi musu pic masu kayu ya tura musu wai su ga jikar su.

Ko motar da Uncle Ja'afar ya siya masa ma sai da 'dora Baby akai tana zaune ta sha wata jar riga mai kyan gaske ya yi mata pic ya kuma sawa aka 'dauke su tare da shi ya turawa Uncle J da emojin dariya 'kasan Pic 'din yasa hope watarana jirgi Baby zata ciyo mana.
Ranar Uncle Ja'afar yasha dariya a fili ya furta shai'danin yaro kawai...kar kayi fatan Allah ya azurta ka ka siya ka tsaya maula a 'kar'kashin yarinya, nan gaba ai idan kaga na siyi abu to ita da kanta zata anfanu da shi ba kai ba.
Dariya shima Yah Deen 'din yayi masa...Allah sarki, ashe zaman ta tare da mu na 'dan lokaci ne. Yau gashi babu ita.

Hankalin Noor bai tashi ba sai da dare yayi ta kasa bacci...idan ta rufe idanu Baby kawai take gani sai tayi saurin bu'de idanu tamkar zata ganta gaban ta amma shau babu ita, hawaye ta ringa yi tana daga kwancen take tuno maganganun da suka yi da ita da safiyar yau 'din inda tace"...Mummy ina Daddy na? Waye ya saki kuka Mummy? Anjima zan gayawa Daddy na ya rama miki kinji?...'kwalla ta share tana sake tuno lokacin da Baby tace mata" Mummy ki daina kuka..."