You Cannot Download this book untill you login but you can read it .

---

Login Register

a parlour har ya idar da sallar sa agida, abu 'daya da zan shaidi halin Yah Deen da shi shine rashin wasa da lokutan sallah,  koda wasa baya wasa da 6angaren ibadar sa.
Ganin yana parlour ne ya sanyi ni shimfi'da nawa abin sallar a ciki na gabar da abina.


Haka ranar ko abinci ban ga ya ci ba...na kan ji dai time to time yana sakin tsaki da bansan dalilin yin sa ba...sai dai kawai in ta6e baki na...domin har a lokacin ko hira bama zama muyi da shi balle har in samu daman tambayar sa damuwar sa.


Har bacci ya 'dauke ni kan kujerer da nake bacci shi kuma yana cik amma bai daina zirga-zirga tsakanin parlour da bedroom ba kamar wanda allurar sa ta 6ace masa yake faman nema..ban da'de da fara baccin ba naji yana tashi na, firgigi nayi na farka take na mi'ke zaune ina micik-micik da idanuna, sai yace min in tashi in koma ciki in kwanta.

Da muryar bacci nace da shi" Anan fa nake kwan..."
" Shut up dallah...ni bansan me nake yi ba kenan ko?"
A tsawace ya fa'di hakan tamkar zai doke ni.

Ai kam da sauri na tashi ina 'kun'kuni na shiga cikin na kwanta...yayin da ya bi bayana da mugun kallo.

Ban kuma jin motsin sa ba cuz da shiga ta nayi bacci abi na.
Sai da na tashi da safe ne ma sai naga alamun a parlour ya kwana ranar.

Da safen kuwa da nagama ha'da masa breakfast 'din sa naci nawa sai na hau shirin  makaranta  sai da na kammala komai na fito kafin yace wai bazani makarantar ba sai gobe, kamar zanyi kuka na koma ciki ina tura baki na, haushi sosai ya kama ni, musamman da na tuno Ammi bata ta6a hana ni zuwa makaranta ba koda ta rana 'daya ce...haushin da ya bani.ne ya sanya ni shigewa ciki ban kuma fitowa ba shiyasa ban san ko yaci abinci ko kuma akasin haka ba.

Sai da rana dana fito nemawa ciki na abin ta6awa nan na tarar da nasa abincin Tea kawai yasha.

Baki.na ta6e ban wani damu ba kuma...haushin da ya bani ma a ranar ya sanya ko inda yake bana kalla, haka na yi ta sha'ani na.


Sai bayan kwana biyu kafin da 'kyar ya barni na tafi makarantar sai da yaga alamun zanyi masa kuka ma kafin ya amince inje, ni kam kwata-kwata sai na rasa dalilin wannan 'ketar... bacin ya san ba yau na fara fita school 'din ba me yasa sai yanzu zai tsiri yi min hali kuma.


Muna tashi daga makarantar ma gida na wuto cuz an hanani zuwa ko'ina, Ammi ta min warning tun ba yau ba haka shima ko yau ma kafin ya bar ni fitowa sai da yayi min garga'di sosai, shiyasa da an tashi a school nake kamo hanyar gida bana tsayuwa ko'ina.

Wataran ma ina tafiya ina jimamin hanya ta ta da da nake bi in tafi gidan Ammi yau gani ina yankan wani hanyan daban ba wanda nasaba bi ba.

Inajin kewar kowa da kowa gashi babu wanda ya ta6a zuwa gidan nasa dan dubani, bansan laifin da nayi musu ba sam...sau tari idan ina hanyar makaranta share hawaye nake yi na ba'kin ciki da takaicin zama na tare da shi.


Ko yanzun ma zuciya ta cunkushe nake tafiya ina sake jin wani 6acin rai da fargaba suna sake shiga ta, har na shigo gidan ban daina jin hakan ba, dalilin ma kenan da ya sanya ko sallama ban iya tunawa nayi na.

Da yake mafi yawan ranaku idan na dawo bacci zan tarar yake yi wasu ranakun kuwa ban samun sa agida so ban cika samun amsar sallama ta daga bakin sa ba...sai dai duk ranar da yasan zai fita yakance da ni in tafi da key holder saboda bai san lokacin dawowar sa ba.

Ko takalman 'kafata ban tsaya na cire ba kawai na 'daga curtain na parlourn sannan na sa kaina na shiga ciki.

Ciki-ciki nayi sallamar kamar wa kaina nayi ta kaina a 'kasa nake tafiya, nasan in ba ganin ahali na nayi ba bazan ta6a iya daina kewar su ba, kullum sune cikin raina safe rana da dare.

Sam ban lura da inda na saba ganin sa kwance ba cuz damuwa ce fal zuciya ta hakan yasa na cigaba da tafiya har na isa tsakiyan parlourn sannan na yi tunanin dubawa ko yana nan...nan take nayi gamo da mugun gani, abinda har 'karshen rayuwa ta bazan ta6a iya daina ganin sa cikin idanu na ba.

Ji nayi kawai kaina na juyawa jakar makarantar dake hannu na ma ban san lokacin da ya bar jiki na ba ya fa'di 'kasa...kafin kice miye hawaye ya wanke min fuska ta....duk da 'karancin shekaru na amma hakan bai hanani fahimtar mummunan abu suke aikatawa ba.

Fa'duwar jakar tawa ne ya fargar da su, da sauri Yah Deen ya mi'ke yana dafe goshin sa da hannun sa...
Ni kam da 'karfi na rintse idanu na amma sai na kasa barin su a hakan saboda ko na rufe ban daina ganin abinda na gani ba.

Hakan yasa na sake bu'de wa nan na sau'ke su akan fuskar budurwar sa Husnah wacce na sani tun ba yau ba, ita kanta fuskar ta babu alamun walwala sannan ta wani takure wuri guda siraran hawaye na bin kuncin ta.

Ko ka'dan banji tabani tausayi ba illah haushin ta da ya cika min zuciya, gani nayi yana 'ko'karin nufo inda nake hankalin sa a matu'kar tashe...sam ban son ya zo kusa da ni, haka kawai sai naji ina 'kyamar sa, wata tsanar sa naji ta shiga zuciya ta fiye da tsanar da nayi masa abaya, da sauri na fara yin baya-baya ina shashshe'kan kuka idanu na na kansa.


Ganin da yayi fita nake da niyyar yi ya sanya shi fara 'kiran sunana cikin sanyin murya" Noor"! Yace tare da yimin alamu da hannu akan inzo.

Da jin hakan sai na
juya na fita da gudu ina kuka..." OMG... Ke Noor"!
Ya sake 'kira na da 'karfi cikin tashin hankali.


Ko kallon gabana ban yi na ringa sauri sai da na tabbatar nayi nisa da gidan kafin na 'dan saita tafiya ta, ban zame ko'ina ba sai gidan Ammi.

Na same ta a 'daki idar da sallar ta kenan ko tashi daga kan daddumar ma bata yi ba na same ta.

Sallama ta da shigowa ta duk lokaci guda....jikin ta na fa'da na rungume ta sannan na saki uban kuka wanda da kajishi zaka fahimci cewa cike yake da 'dacin zuciya.

Ammi kam hankalin ta tashi yayi matu'ka, rikicewa tayi tana tambaya ta abinda ya faru amma ban iya nace da ita komai ba illah kukan da na cigaba da yi mai cin zuciya.

Ammi tayi lallashin tayi tambayar ina Yayan nawa, in gaya mata abinda ya same ni amma duk abanza har lokacin bance da ita komai ba...balle tasan ainahin damuwa ta.

Gajiya tayi da tambayar tawa, gashi itama zuwa lokacin hankalin ta ba 'karamin tashi yayi ba, dan haka sai ta barni ta tafi ta 'dauko wayar ta ta 'kira layin Yah Deen, jin layin sa ya shiga ya bata daman sauraren sa da kyau domin taji yanayin sa, domin tayi tunanin ko wani abu ne ya same shi.

Ai kuwa jin sautin muryar sa da yayi mata sallama cikin sassanyar murya yasa ta adake tace da shi" Kana ina ne?"
Yace " Ina gida Ammi".
" To kazo ina neman ka".

Shi kam " _Innalillahi wa inna ilaihi raji'un_ " kawai ya iya furtawa cikin zuciyar sa, yasan dama dole yarinyar nan sai ta fa'da, abinda ya tsana kenan shine tonuwar asirin sa musamman wurin iyayen sa.

Sai ga shi dan iya shege yarinyar ta rasa inda zata nufa da maganar nan sai gurin Ammi...

Ai da kunya ma ace duk abubuwan da suka faru tsakanin sa da iyayen sa ace kuma tun ba'aje ko'ina ba ya watsar da duk maganar su ya aikata same laifin da suka hane shi da aikatawa..wanda dalilin hakan ma suka ha'da shi zama da ita, yanzu kuma me ze je ya ce da Ammi fisabilillahi, da wani idanu zai dube ta?"

Ji yake tamkara ya shirya kawai ya bar garin batare da kowa ya sani ba, amma yasan yin hakan tamkar yayi prooving laifin sa ne...sam ya rasa mafita, takaicin zaman sa da ita ne ya shige shi, yasan da badan ita, ba da babu abinda zai tona masa wannan sirrin a yanzu..sai gashi ita ta tona, sha'afa ma yayi da lokacin dawowar tan da bazai bari ta samo shi yana aikata wannan abin ba, ita da ba amfanin komai take yi masa ba sai ma haifar masa da tashin hankali koda yaushe.

Tun 'dazu yake zaune dafe da kansa ya kasa tsinanawa kansa komai,
Husnah ta wuce tuntuni amma shi har yanzu bai iya yin koda wanka bane saboda damuwar da ta cika masa zuciya...." Mtheww" ya ja tsaki afili gami da mi'kewa...da tashin sa sai ga shigowan 'kiran Ammi wayar sa.


Koda ya ga 'kiran Ammi fargabar sa 'karuwa tayi akan na baya, da farko kamar ba zai 'dauka ba amma yasan yin hakan ma 'karin wani laifin ne.

Sai da ya koma ya zauna kafin ya 'daga wayar gami da sallama.


Tashi jikin sa sanyi 'kalau ya ta shi ya shiga wanka bayan sun gama waya da Ammin... yasan yau kam ta faru ne ta 'kare kankat,  bai kuma san mai su Ammi zasu ce da shi ba bayan duk nasiha da warning 'din da suka yi masa amma ya watsar...shi kansa kunyar kansa ma ya fara ji yanzu.

Wata zuciyar tasa ne tace da shi" ai ba laifin ka bane taya za'a ha'da ka da 'yar yarinyar nan matsayin mata kuma ayi tunanin zaka iya kame kanka bacin ansan yanayin ka?...yasan wannan ba hujja bace da ya kamata ace ya ri'ke amma ta wani 6angaren zancen yayi masa aganin sa ai hakan 'dinne ba shivda laifi.

Sharp-sharp ya shirya ya fita zuwa gidan Ammi...inda yaje ya tarar da Ammi zaune a parlour ranta ya kai 'kololuwa wurin 6aci tana zaune kurum ta rafka uban tagumi, yayin da ni kuma nake cikin 'dakin ta na daina kukan a lokacin illah ajiyan zuciya...tun 'dazun.kuma Ammi.bata sake tambaya ta wani abu ba, haka kawai taji aranta cewa shine bashi da gaskiya...'kilan duka na ma yayi.

Hakan ka'dai da tasa cikin zuciyar ta ya sanya 6acin ranta ninkuwa akan na baya da yake tasan halin sa bashi da sau'ki wurin hukunci.

Yana shiga tun kafin ya rufe bakin sa daga sallamar da yayi Ammi ta fara jero masa tambayoyin tuhuma game da ni.

Marairaice murya yayi jin tambayar sa Ammi take ba nuna masa laifin da ya aikata ba, hakan ne yasa shi fahimtar itama labarin bai shiga kunnan ta ba tukunna.

Wani sanyi yaji cikin zuciyar sa shiyasa ma ya samu 'karfin gwiwar 'karasowa kan kujera yana shirin zama ya ba Ammi amsa a tsare da fa'din" Ammi ni kuma me zan mata kawai fa rigima ce ke damun yarinyar nan?"

Da yaren su ta fara yi mai masifa saboda bata so inji abinda zata fa'da masa, yayin da ya Yah Deen ya zauna dafe da kansa yayi shiru yana sauraren ta duk da ya fahimci bata san komai ba amma still ya kasa sanya idanun sa cikin nata.

Ammi kam ta inda take shiga bata nan take fita ba masifa ta ringa yi masa akan sam baya bani kulawa shiyasa zai zo yace da ita bai san me ya same ni, in ba haka ba dubi yarinya ko uniform bata cire ba ta taho tana wannan uban kukan kuma yace bai san komai ba?"
Daga 'karshe Ammi  'kwalla min 'kira tayi, sai nayi banza da ita kamar banji ba, sai da ta sake 'kira na kafin na taso na fito idanu na jajazur.

Yah Deen kam ko 'daga kai ya kalle ni ma bai yi ba saboda tsananin kunya da ta cika shi...nima 'din kuma ban kalli inda yake ba dan ysananin haushin sa nake ji yanzu.

Cikin fa'dan Ammi kaf baiji abinda ya 'daga masa hankali kamar ganin yanayi na ba, saboda a maganar Ammin bai ji abinda ya danganci lamarin ba...sai dai ganin yanda duk na fita hayyaci na ya matu'kar 'daga masa hankali.

Ta wani 6angaren godiya yake ga Allah da yasa ban riga na gaya mata ba yana kuma fatan fa'dan nata ya tsaya iya nan kar Alhaji Baba yaji, ni 'din kuma kar na fa'di komai.

Gefen Ammi nazo na zauna tare da kwantar da kaina a jikin ta na 6oye fuska ta..." Ta shi ki sanar da ni Abinda ya miki banaso ki 6oyemin komai kinji mama na".
Ammi tayi maganar tana 'ko'karin tallafata.
A hankali da rawar murya nace.
" Bakomai Ammi".
Kwafa tayi gami da sake 6ata ranta tace.
" Ina wasa da ke ne?"
Sai na yi saurin fa'din " Ammi dagaske ba abinda ya min..ni gida kawai nake so nake so in dawo".

Yah Deen bai iya ya bayyana farin cikin sa da jin hakan daga bakin Noor ba amma idan kana fuskantar sa zaka ga yanda ya lumshe idanu yana 6oyayyan murmushi na farin ciki.


Cikin ransa ya furta" Allah yayi miki albarka Nuree".
A fili kuwa yana nan a zaunen sa bai ko motsa daga yanda yake ba.

Ammi kam sam tace bata yaddada abinda na fa'di ba, yayin da na cigaba da kuka na  ahankali ina sake fa'din ni gida nake so Ammi dan Allah kice kar na koma can..idan na koma mutuwa zanyi".

" Kiyi min shiru ni "Ammi ta daka min tsawa jin ina ambatar mutuwa.

Ga Yah deen ta dawo da kallon ta tace" Ka gaya min gaskiya Mu'een...wallahi idan na bincika na tarar da laifin ka wannan lamarin ka tabbatar ba zakaji da'di ba ko?"
Da seriousness yace
" Haba Ammi ni kenan bazaki ta6a yadda da ni ba, gata fa agaban ki da bakin ta kuma ta gaya miki ba komai...fisabilillahi ni me zan mata da har zan 6oye miki?...in dai zaman gidan take so a barta mana ta yi zaman ta tunda har yanzu takasa sabawa da can in, ni 'din ma ai next week zan koma school insha Allahu kinga ba wata matsala ai".
Tun zuwan sa sai yanzu ya iya yin dogon bayani wa Ammi saboda ya samu 'kwarin gwiwa.

Ammi hararar sa tayi kana tace" Dama ai ba son zaman nata kake ba shiyasa kayi saurin yanke wannan hukuncin".
Yace" Ammi za6in ranta ne fa..yanzu idan nace a a bazata zauna anan 'din bama laifi na zaki gani".
Tace" Ko.ma miye ne ai da laifin ka, am sure that da kana mata adalci agidan bazata ce nan take so ba...amma kai babu abinda ka sani sai mugun hali da ba'kar zuciya".
'Kasa yayi da kansa yana fa'din" Sorry Ammi..insha Allahu zan gyara".

" Ya rage maka ai..yanzu kam sai ka kawo mata kayan ta dan bazata sake komawan bama balle ka 6ata ranta...gashivsai wani.kakkauda kai kake yi na munafurci..ai.nasan dole baka da gaskiya Mu'een kawai kun 6oye min ne".
Sai da ya sosa kansa da hannun sa 'daya yana 'dan murmushi kafin yace" Zan kawo mata kayan Ammi...amma please idan Alhaji yayi magana kice da shi itace kanta tace gida zata dawo kar yaga kaifi na".

A takaice Ammi tace
" Naji".

Murmushi ya sake yi yana jin da'di har cikin zuciyar sa, fatan sa Allah ubangiji ya sa kamar yadda na 6oye yanzun ya cigaba da 6oyuwa cikin zuciya ta kar na bayyana lamarin ga kowa...

Tashi yayi yana fa'din barin je inyi sallah zanzo inci abinci idan nayi sallahr.

Ko 'kala Ammi ba tace da shi ba har ya fita daga 'dakin.

Daga haka ya Ammi  tace da ni" Tashi to ki ha'da muku abinci a dinning kafin ya dawo ko dan kema banga alamun kinci abinci ba.."

Kafa'da na no'ke tare da fa'din" Ni na 'koshi".

Ammi saurin cire ni tayi daga jikin ta da mamaki tace" Hudah ban san rashin ji fa, dama ko agidan naki haka kuke zama da yunwa ko?"
Girgiza kai nayi alamar a a.

" To yanzun fa? ko so kike ince ki koma can 'din".
Sake girgiza kaina nayi harda fa'din " a a"

" Oya to go and serve ur lunch now".
Da hanzari na 'daga kai sannan na mi'ke tsaye.

Har na fara tafiya sai Ammi ta 'kira ni da sanyin murya tace min zo nan Hudah.." gefen ta na dawo na zauna..nifa hatta Ammin kunyar ta nake ji yanzu har zuciya ta...amma ita bata san hakan ba.
Cikin kwantar da murya tace dani
" Wani abin ya miki kuke 6oye min ke da shi ko?"

Kaina 'kasa nace" Bakomai Ammi kawai fa nayi kewar ku ne".
A 'dan fusace tace
" Akan kawai kinyi kewar mu shine kike irin wannan kukan Hudah? Meyasa bazaki ce ya kawo ki ki gan mu ba?..kinsan yanda kukan kinnan ya 'daga hankali na kuwa?".
Da sanyin murya nace da  ita" Kiyi ha'kuri Ammi bazan sake ba".

Hmm kawai tace daga haka tayi shiru...yayin da ni kam na wuce dinning na ha'da masa abincin iya bakin sa na sake komawa 'dakin Ammi na yi kwanciya ta.

Koda ya dawo Ammi tayi 'kirana kan batun abincin, sai cewa da ita nayi ni kam na 'koshi.

Ammi bata matsamin ba ta bar ni har ya kammala cin abincin sa ya tafi kuwa ban kuma ganin sa ba...dama ni yanzu ba 'kaunar ganin sa nake sake yi ba balle yasa ni yawan tuna abinda naga yana aikatawa...wanda ko giyar wake nasha bazan ta6a iya furta shi ga wani daban ba...

Sam ban yi mamakin ganin san da macen da na jima ina ganin su tare ba wato Husnah, nasan kuma ba yau suka fara aikata irin hakan ba, bambamcin kawai shine  na yau 'din yafi 'kona min zuciya ban kuma san dalili ba...sai dai nasan babu mamaki dalilin bazai wuce igiyar aure dake tsakanin ni da shi ba.

            Dan sam bansan miye kishi ba balle nasan dililin da yasa ake yinsa...wannan abinda na ganin nan kuwa cikin sallah ta ne ka'dai bana tunawa da shi, sosai abin ya tsaye min a raina, shi yasa a kullum yake 'karamin tsoro da tsanar sa a zuciya ta...a yanzu ko 'kaunar ganin fuskar sa banyi...ko sunan sa banso inji an 'kira.


Sai dare ya kawo min kayana akwati 'daya kawai ya kawo min da sauran abubuwan da yasan zan bu'kata.

Ammi ce me ce da shi tunda basake komawa gidan zanyi kwana kusa ba ai da ya kawo min kayan nawa gaba 'daya.

Sai yace" Ammi tace ta kwaso da kanta idan ta bu'kace su".

Ko da Alhaji Baba ma ya dawo abinda Ammi ta sani shi ta fa'da masa...bai damu ba shima illah cewa da yayi dama ina zata iya zama da wannan mai ba'kin halin".
Bai ce in koma ba haka kuma bai damu da ya 'kira Yah Deen kan maganar ba...daya ke wannan karan labarin zuwan Husnah bai isa gare shi ba shiyasa tunanin sa ma bai yi zurfi ta can 'din ba..balle da yasan cewa Yah Deen 'din ya kusa komawa shikenan shima ya barni a gidan kawai na cigaba da zuwa makaranta ta.

Haka na cigaba da rayuwa gidan Ammi hankali na ya 'dan fi kwanciya acan sai dai a duk lokacin da naji muryar sa ya zo na kan ji tsananin fargaba na shiga ta da bugun zuciya.

Gaisuwa wannan badan gudun fa'dan Ammi ba da bazan 'kara gaida shi ba, balle yaga ko fuskata, amma Ammi a kullum tana 'ko'kari sosai wajen nuna darajar da miji ke da shi a wurin iyalin sa.

Hakan yasa nake daure zuciya ta ina zuwa inda yake, daga gaisuwar kuwa babu abinda ke sake ha'da ni da shi zan dawo 'daki...hakan da me faruwa tsakani na dashi sai yake 'kara 'daure kan Ammi ranar har ta tambaye ni dama ko can gidan ma irin zaman da muke yi kenan?"
Shiru nayi ban bata amsa ba cuz a yanayin da tayi tambayar nasan duk amsar da na bata wata tambayar ce zata sake biyo baya dangin son jin dalili...cuz idan nace nasan zata ce to me yasa yanzu kuma nake yi masa haka?"
Ni kuwa sam bani da amsar bata kan irin wa'dannan tambayoyin.


Ana gobe zai koma ne Ammi tace in tambaye shi zuwa gidan Ummah ta, raina baya so ma amma daya ke tace dole mace ta tambayi iznin mijin ta kafin ta fita ya sanya ni tilastawa kaina dauriyar tambayar sa..musamnan da yake naji gidan mu zani..dama da wani wurin daban ne da wallahi sai dai in yafe fitar amma bazan ta6a tambayar sa ba.


Sai da ya shiga ya gaida Alhaji Baba kafin ya fito wurin Ammi itama ya gaida ta..da yake bayan maghrib ne so shima Alhajin dawowar kenan gidan bai da'de ba, suna gaisawa da ita daga nan kuwa Ammi sai ta wuce side 'din Alhaji Baba bayan ta sanar dani cewa in tambaye shi kar na manta.

Ina son zuwa in tambaye shin amma sai nake jin nauyin ta shi in fita, gani nake kamar bazan iya harha'do dogon kalaman da zan iya furtawa ga Yah Deen ba..hakan yasa na cigaba da zama na kan dadduma ina lazimi na da tunanin ta ina zan fara, ban tashi ba tunda na idar da sallar maghrib ina zaune a wuri guda...duk da ina jin haushin sa yanzu amma tun faruwar lamarin nake addu'ar Allah ubangiji ya shiryar da shi ban ta6a tsallake ko rana guda ba.


Ina zaune a wurin na ji motsin mutun ya shigo..zato na Ammi ce dan nasan ita ka'dai ke shigowa a duk lokacin da ra ga dama, hakan yasa na fara harha'da 'karyar da zan gaya mata idan ta tambaye ni batun zuwa gun nasa...ban gama tunanin da nake yi ba naji  'kamshin turaren da na tabbatar ba na Ammi bane ta baya.

Da sauri na waiga da yake nasan ba 'kamshin da na saba ji ba ne wurin Ammi, sai naji ya zame min ba'ko.

Bazata kawai naga Yah Deen na shirin zama kan side drawern gefen gadon Ammi.

Komawa nayi na gyara zama na ina ta6e baki tare da cigaba da abinda nakeyi duk dama dai na daina fahimtar komai amma still ban daina yi ba...ban ma san me dame kuma nake anbata ba a lokacin.

" Noorul Hudah"!
Ya 'kira sunana yana wani jan sunan kamar dole aka sanya shi 'kira,  ban amsa ba haka kuma ban motsa daga yanda nake bai.

Bayan wasu sakannivya sake fa'din" Noor".
Instead na amsa shi a a sai nace" Ina yini"?

Murmushi yayi mai sauti  kafin ya amsa da" Lafiya lau".

Shiru ya 'dan biyo baya sai can yace da ni" Gobe zan koma".
Tun kan ya rufe baki nace
" Allah ya bada sa'a".

" Ameen".
Yace yana shafa kansa.
Tare da kallon 6angaren da nake.

Ya so ya ban ha'kuri kan maganar can amma sam baya so ya sake tunowa da shi, shi kansa yanzu haushin kansa yake ji da ya sa Husnah tazo har gidan sa a 'dakin matar sa yayi fasi'kanci da ita...da kansa ya zauna yayi tunani tare da kwatanta abin cikin ransa, ya 'kiyasta yanda yaji ranar da su Imrana suka zo da niyyar ya basu kyautan matar sa kamar yanda yayi musu al'kawari, duk da bai ji cewa hqr cikin zuciayr sa yana son Noor ba amma yanda yaji lokacin ya san da hakan zai faru dagaske da mutuwa ce ka'dai bazai yi ba, 'kilan ma mutuwar ta iya riskar sa saboda ba'kin ciki bai sani ba kuma ko dan saboda Noor ne yaji hakan ba, bai sani ba ko har akan Husnah zai ji hakan....idan hakane kuwa dole Noor ma zata ji ciwon ganin sa gani mafi muni yana aikata zina a gidan da yake na auren ta ne, cikin 'dakin ta da wata macen daban,  duk da 'karancin shekarun ta amma yasan dole zata ji ciwo cuz shi kishi bai san 'kan'kanta ba...dan yanayin tan alamun kishi 'karara ne ya bayyana tattare da ita.


Cikin zuciyar sa yayi al'kawari insha Allahu bazai sake neman Husnah ba, bazai sake cin mutnucin auren ta ba, wanda yayi abaya ma yana fatan ubangiji Allah ya yafe masa, daya je kuma zai nemi gafarar ta cuz shivya tilastata zuwa da barazanar zai tona ta wurin mahaifiyar ta, yana jin Husnah navkuka tana ro'kan sa akan yayi ha'kuri ya bar ta ta fuskanci ubangijin ta amma yayi biris ya kashe wayar sa, dole hakan ya tilasta ta sake 'kiran shi ta tambaye shi cewa matar sa fa dacyake tana da labarin an 'daura masa aure shima...sai yace kar ta damu babu komai yarinya ce matar gidan.
Cewa ta sake yi kar a ganta kuma a sake zuwa a