You Cannot Download this book untill you login but you can read it .

---

Login Register

ne ya sani yin shirin dole ba dan naso ba ina yi ina share hawaye na.

Duk yanda naso in nuna mata ni banson zuwa wajen sa amma Ammi fir ta'ki yadda a gaba ta tisani har parlour ta zauna tace maza in wuce tana kallo na, na kuskura na yi wani abin kuma ita da ni ne kuma sai ta gayawa Alhaji Baba.

Nasan zaman Ammi nan wurin babbar alama ce ta bayyana kafiyar ta akan zuwa na wurin nasa hakan yasa dole na wuce raina ba'ki 'kirin ina share hawaye.

Ammi kam murmushi kawai tayi da taga na wuce cikin ranta ta furta" Ja'ira abubuwa nata faruwa amma still hankalin ta bai kai ko'ina ba, haka kawai ta jefa sunan Alhaji cikin maganar saboda tasan shi 'din ina jin nauyin sa sosai ba kamar ita ba.

Lokacin kusan 'karfe goma ne na dare dan tara ra wuce tuntuni, zato na zan samu ma yayi bacci shiyasa da na isa sai da na tura 'kofar kafin nayi sallama ta ciki-ciki...ina saka 'kafata sai hoton sa da Husna ya dawo raina da sauri na tsaya cak sannan na 'daga idanu na kallo shi.

Zaune yake daga bakin bed yana duba cikin system 'din sa inda ya bada dukjan hankalin sa akai,  ban ji ya amsa sallamar da nayi ba sai dai kawai naga ya 'dago ya kalle ni, fuskar sa ba yabo ba fallasa haka muka tsaya kallon kallo inayi ina ha'de gira ta dan abinda ke cikin raina daban yake.

'Kasa yayi da kansa bayan ya gama 'kare min kallo sama da 'kasa, cigaba da abinda yake yi yayi batare da ya furta min komai ba.

Ganin hakan yasa ni jin wani sabon takaicin ya sake kamani, kawai sai na saki kuka harda sheshshe'ka.

'Dago kansa da kuma rufe system 'din nasa duk lokaci guda yayi su sannan ya mi'ke tsaye a fusace yana tambayar" na miki wani abu ne? Ko cewa nayi kizo ki dame ni?"

Ganin yana nufo inda nake ya sanya ni jan baya ka'dan tare da girgiza kaina alamar a a.

Cak ya tsaya, hannun sa 'daya ya shafo gashin kansa da shi sannan ya dube ni, zaiyi magana nai saurin taran sa da fa'din" Ammi ce tace in zo in yi bacci anan.."

" To kukan fa?"
Yayai tambayar yana kallo na.
" Ni banso".
Nace cikin muryar kuka.
Sai yace
" To na ri'ke ki ne? ki koma abinki mana".
Nace
" Ammi ai ta hana ni".

Yatsan 'daya ya 'daga ya nuna bed 'din sa dashi sannan yace" Wuce to ki kwanta bance ki dame ni da kuka da wannan daren ba".

'Kin motsawa nayi na cigaba da tsayuwa ta a wurin ina murza idanu, tsaki ya tsaki na takaici gami da 'kun'kunin yarinya kullum sai shirme.

Juyawa yayi ya shige bayi abin sa wanda ganin hakan yasa ni saurin 'karasawa gadon na haye na du'kun'kuna cikin hijabi na.

Kafin ya fito kuwa har nayi bacci, sau 'daya kawai ya dube ni sai ya 'dauke idanun sa haka ya gama shirin baccin sa ya kwanta gefe na ban ma sani ba.

Ko da safe kafin in tashi har ya tashi bama zaka ga wata alamar da zata bayyana maka cewa a gefe na ya kwana ba.

Inayin sallah kuwa na fice daga 'dakin nasa kamar wata marar gaskiya.

Kamar wasa tun daga ranar Ammi bata 'kara bari na na kwana a wani 'dakin ba sai a wurin sa, tun bana sakin jiki na har na zo na saba abin ya daina damuna.

Da nazo idan na gaida shi sai nayi kwanciya ta ko hira bata ha'da ni da shi.

'Bangaren Yah Deen kuwa shima 'din da farko bai wani damu da zuwan nawa ba, amma yau da gobe sai yake jin wani sabon yanayi na 'darsuwa masa a zuciya  game da ni.

Ya kan yi 'ko'kari wajen ganin ya kaucewa hakan kamar yanda ya kaucewa  Husnah abaya amma abin ya faskara, sosai yake jin wani abu na fisgar sa izuwa gare ni da ya jima bai tsinci kansa cikin irin yanayin ba.

Kamar yanda yayiwa kansa al'kawarin rabuwa da Husnah hakan ne ya faru, duk dama ya daina ganin ta a school bai kuma san dalili ba, amma koda wasa bai ta6a gwada 'kiran layin ta ba balle yaji meke faruwa, shi da kansa yana so ya nemi yafiyar ta bisa abubawan da suka ta faruwa abaya, amma ya san koda ya 'kira ta yanzu bazata ta6a yadda da duk abinda zai fa'da mata ba shiyasa kawai ya 'kyale ta.

Kuma bai iya ya tattauna batun ko da Ishaq bane haka ya bar lamarin cikin ransa, sannan yayi 'ko'karin tsare zuciyar sa daga fa'dawa tarkon wata macen bai bari ko wacce mace ta birge shi ba balle yayi wani tunani akanta tunda ya koma karatun sa kawai ya sa agaba.

*****
Ranar da na cika kwanaki na na takwas da fara kwana wurin sa ranar cikin farin ciki nake jin zuciya ta saboda nayi waya da Baban mu da daren ranar har ma yayi min albishir 'din ya kusan zuwa Shuwarin domin yanzu jikin sa Alhmdulillah da sauqi, jinin ya 'dan sauqa, da yake tunda jimawa baya jin da'di har Alhaji Baba ma yaje can Jos 'din ya dubo shi haka ma Yah Usman yaje.

Alhaji Baba ne da kansa ya ha'da ni da shi a wayar ko yau 'din ma, inda bayan mun gama waya da Baban mun yace dani insha Allahu zai siya min waya ta nima in huta da ta aro tunda mijin nawa bai san yayi abinda ya kamata ba.

Farin cikin nawa sai suka zama tagwaye, sosai naji murna ta kamani, take kuwa naje nayi wa su Ammi albishir da su Saif ina murna ta.
Alhaji Baba kam murmushi kawai yayi ya girgiza kansa.

Haka har na tafi 'dakin nasa fuska ta da walwala, yau sallama ta ma da 'dan sauti nayi ta, yana kwance akan gadon yana daddana wayar sa.

Sallama ta tace ta sa shi ya mi'ke zaune da mamaki yana kallo na.
" Ina yini "
nace da shi, sai amsa da lafiya a takaice.
A hankali na 'karasa bakin gadon 6angaren da nake kwana ina shirin kwanciya ya dakatar da ni da fa'din sunana " Noor" yace madadin Hudah da kowa ke 'kira na da shi.

" Na'am" na amsa shi tare da waigowa na dube shi.
" Je kawo min ruwa na sha".
Yace cikin natsuwa.
Bance komai ba kawai na mi'ke na yi waje kaina da hijabi na kamar kullum, tun lokacin da naga yanayin halitta ta ya 'kara canzawa shikenan na 'kullawa hijab kamar wawiya, musamman ma da yanzu nake zuwa wurin sa bacci haka nake kwana in tashi da abu na a kaina.

Yanzun ma da idanu kawai ya raka ni har na 'karasa fita daga 'dakin, haka na dawo na same shi kamar yanda na barshi a zaune.

Wajen sa na nufa da sassanyan ruwan faro da na 'dauko na mi'ka masa.

A hankali ya 'dago hannun sa na dama ya dam'ki ruwan tare da lumshe idanun sa duk biyu...bansan me yasa ba nima karo na farko tunda na fara kwana a 'dakin sai yau naji inaso inga fuskar sa da kyau musamman da yanzu yake kusa da ni, a hankali na 'dago idanu na na sau'ke su akan nasa lumsassun idanun" Masha Allah".
Naji zuciya ta na fa'di a sirran ce...motsin da bakin sa ya fara ne sani maida idanu na wajen bakin na sa.." Yayi sanyi sosai..'dauko min wani please".
Ya fa'di tare da bu'de idanun sa dake lumshe take sai muka yi 4 eyse dashi...bazata kawai naji harbi a 'kirji na da ya sa 'kafafu na yin sanyi 'kalau nan take sandaiyyan sanya 'kwayar idanu na cikin nasa.

'Kasa nayi saurin yi da nawa idanun sannan can ciki na amsa shi da fa'din" to"...ina shirin juyawa sai naga ya ajiye ruwan da na kawo masan kan side drawer, sannan da hannun sa mai sanyin naji ya kamo hannu na, da sauri na 'dago na kalle shi da mamaki 'karara kan fuskata, ina 'ko'karin fizge hannun nawa daga nashi naji yace" Me ya faru kuma?"

Banyi magana ba kawai na kalli hannun san inda ya ri'ke ni, shima sai yayi 'kasa da idanun sa zuwa wurin, murmushi 'kayatacce yayi sannan yace" ba kyaso?"
Nayi shiru.
" Me yasa to?"
Still ban bashi amsa ba illah 'ko'karin cire hannu na daga cikin nasa da nake ta faman yi amma na kasa.

Da 'dayan hannun sa ya 'dauko ruwan daya ajiye 'din sannan ya bu'de hannu na ya samin na ri'ke" Ki tafi da shi".

Still bai sake min hannun ba ya 'dago ya kalli idanu na yana murmushi yace da ni" Kije in kin dawo zaki fa'da min me yasa kike son zama da hijab 'din nan akanki".

Da fa'din haka ya saki hannu na...sai naja baya da sauri ina sake kallon sa, idanu ya lumshe take ya kuma bu'dewa yana murmushi, sai na juya na fita daga 'dakin zuciya ta na dokawa.

Ina tafiya har sar'kewa 'kafafuna suke yi saboda ru'danin da na shiga, zuciya ta ta kasa tantance min abinda ke damin Yah Deen a yau 'din gaba 'daya.

Yana yin abu ne tamkar ba shi ba.





*Fatan Anyi Sallah lafiya.....Allah ubangiji yasa ibadun mu su kasance kar6a66u* 🙏



_Comment_
_Vote_
_Share_




*Salmerh ce*😍

https://www.facebook.com/106273870926057/posts/149762286577215/?app=fbl
💕 *NOORUL* 💕
      (Haske nah)


By
*Salmerh MD*
 

*Wattpad @*
*Serlmerh-md*


💫 *DA BAZARMU* *WRITTER'S ASSOCIATION*
💫
We are here to make you happy,smile,educate and to realized that we are the best among all.....
*DA BAZARMU* *MUKE TUN'KAHO*


_*Daga marubuciyar Littafin CAPTAIN ABBAS*_

*Bismillahir* *Rahmanir Raheem*


🅿 *64*


Yanzu Ammi ta daina damuwa da ni saboda taga na 'dan saki jiki na, kuma ko na shiga wurin san bana sake fitowa.

Abu 'daya dai da kullum baya raba ni da ita shine kafin in shirya in tafin sai ta tisa 'keya ta nake tafiya wanda burin ta kawai a kullum yanzu shine taga tafiyar na tafin matu'kar na riga na shiga 6nagaren nasa shikenan itama sai ta wuce shiyasa ma ko da ya aiko nin 'dauko masa ruwan tun fitowa ta na farko ban tadda ta a parlour ba.

Yanzun kuwa da na fito jin yanda 'kafafu na ke sar'kewa da yanda 'kirji na ke dokawa ne ya sanya ni samun wuri na zauna akan kujera na 'dan maida numafshi na.

Sai da na tabbatar na samu natsuwa kafin na tashi na canzo masa ruwan, ko da na shiga 'dakin kuma sai ban gan shi ba.

Da'di naji har cikin raina, da sauri na 'karasa dan inyi in ajiye masa inyi baccin 'karya kafin ya tuhume ni amma tun kafin in 'karasa tsakiyan 'dakin na gansa ya fito daga bayi kamar dama jiran shigowa ta yake yi, take wata fargabar ta sake kamani mai tsanani.

Jikina sanyi 'kalau na 'karasa na ajiye masa ruwan gefen da na same shi 'dazu ko iya sake kallon inda yake ban yi ba...'dagowa nayi da niyyar isa nawa 6angaren in kwanta sai naji nayi karo da mutun ta baya na, da sauri na waigo cike da firgici da ya bayyana har kan fuska ta.

Kafin nayi wani yun'kuri sai naji hijab 'di na ya bar jiki na gaba 'daya.

'Kan'kame jiki na nayi zan saki kuka sai yayi saurin dakatar da ni da tsare ni da idanu tare da tsaida yatsan sa saman bakin  sa.

Taimako 'daya Allah yayi min kayan bacci na masu yalwa ne riga mai botila da kuma dogon wando farare ne masu zanen flowers maroon amma duk da haka sai naji na kasa sake wa a gaban sa.

" Miye matsayi na a wajen ki?"
Naji ya tambaye ni bayan ya cire hannun sa daga bakin nasa.

Ban bashi amsa ba sai nayi baya ka'dan ina dama fuska ta amsar da zan bashin sam banji ta cikin brain 'dina ba.

Biyo ni yayi da taku 'daya zan sake matsawa baya kawai sai naji ni jikin bed na...take hawaye ya gangaro min tsoro ya kamani cuz ba wurin guduwa kuma.

Yanda naga yake kallo na ya sani sake yun'kurin neman hanya inda na sake yin baya zuciya ta cike fal da tsoron sa, cikin rashin sa'a sai na fa'di da baya na kan bed 'din ina neman hanyar zamewa sai naga ya matso daf da ni, fuskar sa kusa da tawa, kallo na ya tsaya yi daga idanu na zuwa dukkan ilhirin fuska ta...yayin da zuciya ta ta cigaba da dokawa da sauri da sauri jiki na ya fara kakkarwa sosai.

Da hannun sa naga ya shafo kansa tare da juya idanu..." Ba ance ni mijinki ba ne?"
Naji ya sake fa'di cikin jan maganar kamar dole aka sanya shi.
Saboda ina so ya 'kyale ni nayi saurin 'daga masa kaina sama alamar " Erh"
Sai yace" To daga yau banson wannan abin a inda nake.. kinji ko?"
Yayi maganar tare da 'dago hannun da ya ri'ke Hijab 'dina da shi dayake har a lokacin yana na'de a hannun sa.

Kaina na sake 'dagewa ina bin hannun san da idanu kuma har a lokacin jiki na bai daina rawa ba, buri na kawai inji ya bar kusa da ni...shiru ya 'dan biyu baya na sakanni, yayin da ya cigaba da 'karewa fuska ta kallo batarecda ya 'karacfa'din komai ba idan na yun'kura sai ya tsare ni da idanun sa dole na ha'kura illah hawaye.

Sa ban fahimci komai daga yanayin da yake ciki ba a lokacin ko ka'dan, ni dai damuwa ta ya 'kyale ni ne kawai, hakan yasa hawaye na ya kasa tsayawa.

Da yatsa 'daya ya shafo hawaye na dake gangarowa, a hankali cikin sanyin murya yace dani" Kukan fa na menene?"

Ban bashi amsa ba na yi shiru saboda ni agani na tambayar tasa bata da amsa a waje na... cikin idanu na ya kalla na tsawon sakanni uku kafin a hankali naga ya mi'ke tsaye tare da juya min baya sannan yace" Je ki kwanta".

A tsarge na mi'ke zaune ina share hawaye na gangara 'daya gefen bed 'din na kwanta can daga nesa sosai da inda yake kwanciya, haka na du'kun'kuna wuri guda kamar marainiya ina share hawayen da bansan dalilin fitar su ba har bacci 6arawo ya sace ni ban kuma kallon inda yake ba balle in san me ke faruwa.




*****
Washegari kuwa da sassafe na fice daga 'dakin tun da asuba da ya tafi Masjid na gudu 'dakin Ammi na 'karasa bacci na acan, ko da ya dawo daga sallah ma da bai ganni ba murmushi kawai yayi ya san ba mamaki guduwa nayi dan naga ya fita masallaci.


Wunin ranar kaf bai ga idanu na ba, ko da wasa banyi gigin fitowa parlour ba dan ko su Saif ma sai bayan da na tabbatar baya gidan kafin na fito muka 'dn yi hira da su.  


Matu'kar na tabbatar yqna gidan to.bana fitowa har dare yayi, lokacin kuma sai naji hankali na ya fara tashi dan nasan dole sai na je inda yake dan Ammi ba bari na zata yi ba.


Sallar Maghrib da isha'i duk cikin rashin kuzari nayi su...ko da na idar kuwa sai na mi'ke nayi kwanciya ta akan daddumar har bacci ya fara 'dauka ta sai naji Ammi na tashi na kamar dai kullum...

Ban san yadda zanyi da Ammi.ba na tabbata da da ne babu abinda zai hana ni sanar da ita damuwa ta amma yanzu ban iyawa, jin Ammin nawa nake yi kamar wata daban.

Raina ba'ki 'kirin na tashi na shiga bayi na barta a wurin, na shafe a 'kalla kusan mintina sha biyar da gangan kafin na fito ai kuwa na sami Ammi zaune tana jira na.


Ban yi mamaki ba dan nasan indai Ammi ce fiye da hakan ma zata jira ni dan kawai taga iya gudun ruwa na, bata ce min 'kala ba ko da na fito in...haka nima ban yi mata magana ba so nake da kanta ta fahimci cewa har yanzu ni fa ba son zuwa can 'din nake ba...amma ga mamaki na Ammi kam ko a jikin ta.

Tsaye naga ta mi'ke sannan tace" Ina zuwa".
Da fitan ta sai na nemi kayan bacci na kamar yanda na saba kullum riga da dogon wando dan ni da irin su nafi sabo sai dai na yau 'din zallar pink ne...turare ka'dan na fesa a jiki na hakan ma ina yi ina tura baki na ina 'ko'karin sanya hijab 'dina sai ga Ammi ta dawo.

Murmushi tayi da gani na cikin nuna yabawar ta tace" Masha Allah yarinta ba dai kyau ba".

Shiru nayi kawai na sunkuyar da kaina 'kasa, nayi tunanin Ammi zata cecinyi zama na ne idan taga ina hakan amma ga ga mamaki.na sai sa6anin hakan na gani domin ko kula ni ta wancan 6angaren Ammi ba ta yi ba.
" My dear dare yayi sai da safe ko".
Ta fa'di tana min murmushi wanda ke fita tun daga zuciyar ta.
Da jin haka sai na kasa ha'kura kawai na shagwa6e fuska ta kamar zanyi kuka nace" Ammi please yau in kwana anan mana wai ni dole sai naje can in ne?"

" Ni ai ban hana ki ba...amma kije ki tambayi mijin ki first in ya yarda sai ki dawo nan da kwana abinki ni ba ruwa na..but for now kama hanya ki wuce sai da safe".

A fusace na 'daga 'kafafu na bar 'dakin.raina duk ba'ki'kirin...ciki-ciki nayi sallama na shiga inada na same shi zaune da system 'din sa agaba kamar dai rannan.

'Dauke kaina nayi daga kallon sa na sunkuyar da kaina 'kasa inda na 'karaso cikin rshin.kuzari.
" Yaya ina yini".
Nace da shi lokacin da na isa gefen bed 'din...ban jira jin amsar shi ba kawai na haye na yi kwanciya ta ina sake share hawaye na.

Ko kula ni kuwa bai yi ba ya cigaba da abinda yake yi ban san tsawon lokacin da ya 'dauka zaune a wurin ba saboda baccin da ya 'dauke ni.


Cikin baccin naji kamar ana ta6a jiki na, ko da na bu'de idanu na sai na ci karo da shi a kusa dani...a 'dan firgice na yun'kura zan tashi sai naji hannun sa saman jiki na...juyo da fuska ta nayi na kalle shi ina daga kwancen sai ya sakin min murmushi 'kayatacce.

" Matsoraciya.." ya furta 'kasa-'kasa, inda yana maganar ni kuma ina jin yanda hannun sa ke yawo min a jiki.

Kasa jurewa nayi na sake yun'kurawa da niyyar tashi take na ji sau'kan sautin muryar sa cikin kunnuwa na inda ya daka min tsawan" Mai miye hakan wai?"
Luf nayi ban sake motsin kirki ba illa hawaye da ke gangaro min ta gefe da gefen idanu na.

Tsawon mintina uku muka 'dauka a haka sannan ya cire hannun sa daga saman jiki na ya sake rungumo ni cikin jikin sa bai ce da ni uffan ba har bacci yayi gaba da shi...ni kam da na kasance a matau'kar takure sai baccin ya kasa 'dauka ta...shi kuwa baccin sa yayi cikin kwanciyar hankali batare da wata damuwa ba.

Motsin kirki idan nayi sai inji ya sake janyo ni jikin sa sosai...haka dole na ha'kura na zubawa sarautar Allah idanu wanda daga 'karshe hawayen nawa daina fita suka yi ma a hakan nima har baccin ya 'dauke ni rungume a jikin sa.


Tun daga ranar salon kwanciyar mu da shi ya canza zuwa yanda ya ga dama...haka kullum inaji ina gani zai rungumo ni jikin sa har muyi bacci  tun bana sakin jiki na har nazo na saba da hakan na ma daina damuwa.


Alhaji Baba ma ya cika al'kawarin sa kamar yadda ya fa'da ya kawo min wayata sabuwa dal akwalin ta 'yar yayi harda sim 'dina...ranar murna kamar zan tashi sama, Saif yayi ta min dariya yayin da Zaidu ya ta6e baki yayi gaba abin sa.

A wajen Ammi na kar6i numbern Ummah ta na 'kira ta nayi mata albishir 'din an sai min waya nima...daga ita sai Baban mu amma bai 'dauka ba...sai bayan kusan awa guda kafin ya zo ya 'kira ni shima ina murna na sanar da shi bayan mun gaisa..da fara'ar sa ya sanya min albarka tare da min garga'din sai inbi a hankali, in kula da mutuncin aure na.

Ammi ce da kanta ta ta sanar da Yah Deen wayar da Alhaji Baba ya sai min, Yah Deen bai ce komai ba sai" Allah ya sanya Alkhairi" kawai da ya furta ba yabo ba fallasa fuskar sa.

A ranar da dare da naje kwanciya ya tambaye ni wayar wai zai gani sai nace na bari a 'dakin Ammi yace inje in 'dauko.

Zuciya ta fes naje na kawo masa wayar dan duk zato na ganin.kawai zai yi, ko da ya kar6a kuwa sai naga ya ajiye gefen bed yayi shirin bacci abinsa.

Hakan bai bani mamaki ba dan a tunani na ko dan saboda dare ne shiyasa.

Washe gari da na tashi da yake dama hankali na akan wayar ne so sai na duba inda naga ya ajiye jiya sai kuma ban ganta ba, haka na ha'kura na wuce cikin gida batare da ita ba.

Gashi bai dawo daga masallaci ba har a lokacin balle in tambaye sa.
     

Zuciya ta fal tunanin inda ya kaimin waya ta, tsoro na kar yace bazan kuma bani ita ba.

Ko bayan da gari ya 'karasa wayewa ma ban iya na naje inda yake musamman saboda wayar ba ni dai na zauna inajiran ko zai bani da kansa.
      A duk kuwa lokacin da naji muryar sa ya shigo hankali gaba 'daya nake tattara wurin sa wai ko zanga ya ciro ya bani amma ko alamun hakan ban gani daga gare sa ba.

Kamar wasa kuwa Yah Deen bai bani wayar ba har yamma, sosai na damu da kewan wayata dan kuwa na fara sabawa da ita, ko da na yiwa Ammi maganar ma sai tace min tsakanin mu ai ita babu ruwan ta.

Abinda ta fa'da 'din sosai ya 'kara min haushi dan nasan indai ya Deen ne idan ya ga dama ba zai bani ba in ba Ammin ta sa baki ba, shiru nayi kawai na zuba wa sarautar Allah idanu...ni ka'dai sai ina mita cikin zuciya ta, mutun baka siya min abu ba kuma an siya min kana ba'kin cikin da shi.

Ko da dare kuwa ban samu damar tambayar sa ba dan naga kamar ba'a dai-dai yake ba ransa 6ace yake wanda har kan fuskar sa zaka fahimta halin da zuciyar sa take ciki, tsoron ma yi masa magana naji dan bansan dalilin canzawar tasa ba.

Ranar a 6angaren sa nayi sallar Asubah na jira har ya dawo daga Masjid, shi kansa yayi mamaki da ya dawo ya tarar da ni amma bai ce da ni 'kala ba, sau 'daya kawai ya dube ni ya kau da kansa.

Gai she ni nayi a 'darare da tsoron ko bazai amsa ba, amma daga yanayin da naji muryar sa na fahimci da 'dan sau'ki.
" Yaya ba ka ban wayar tawa ba fa har yanzu".

Na fa'di cikin rawar murya da marairaita kamar mai neman gafaran wani babban laifi.

Shiru yayi ya zuba min idanu...cikin natsuwa yace" Ni me kike yi da wayar ne?"

" Ina 'kiran Ummah ta, kuma zan 'kira Baban mu ne".
Na bashi amsa cikin sauri.

Murmushi naga yayi na gefen baki sannan yace min" Su ka'dai kawai kike 'kira?" Sama na 'dage kain alamar " Erh" da hannun sa ya nuna min drawer inda ya ajiye wayar yace min je ki 'dauka amma ki kula kinji?"
Nace to ina murna har cikin zuciya ta.

Ina 'daukan wayata kuwa na ficewa ta daga 6angaren sa, dama abinda ya zaunar da ni kenan.
Ammi naje na nunawa nace ai ya bani wayar tace" Kin huta ai". A takaice ta fa'di hakan tana 'yar murmushi.

Baban mu shine mutun na farko da na fara 'kira amma still yau ma bai 'daga ba.

Ban damu ba dan nasan yau 'din ma idan yazo yaga missedcall 'dina zai 'kira ni...dan haka sai na 'kira Ummah ta muka gaisa amma muryar ta sanyi 'kalau naji, koda na tambaye ta kuma sai tace da ni bakomai.


Daga su ban kuma 'kiran kowa ba kawai na saka wayar tawa acaji...ban kuma bi ta kanta ba na tafi sha'ani na har bayan kusan 2hrs kafin nazo na cire ta a charge nan naci karo da missedcall 'din Baban mu guda 'daya wanda aka 'kira 57 mins back...ina shirin sake 'kiran sa sai naji Ammi na zuba salati daga parlour a 'dimauce nan hankali na ya kasu gida biyu.

Da sauri na mi'ke na nufi parlourn na sami Ammi tsaye da hannu dafe da 'kirji tana fa'din" Alhaji yaushe hakan ya faru?"
Daga wannan maganar na fahimci da Alhaji Baba take wayar.

Tunawa nayi da lokacin da ya bar gidan nan bai wani jima ba..." to me kuma ya faru?"
Na tambayi