You Cannot Download this book untill you login but you can read it .

---

Login Register

ta.


Hawaye kawai Noor ke sau'kewa da taga jikin 'yar ta duk farin bandages tana kwance kamar ba ita ba, kamar ba ita ce suka rabu da safe cikin raha ba.


Da gudu ta 'karasa bakin gadon taje ta kama hannun Jas 'din tana kuka tana fa'din " Baby please ki bu'de idan ki ki ganni kinji.....gani nan Baby nazo wurin ki, nice Mummyn ki baby please ki bu'de idanun ki ki kalle ni....."


Safwan ne ya mi'kawa Deen hannu suka gaisa sai yace " kaga ai ka nutsu ba kamar 'dazun ba".


Bayyananniyar murmushi kawai Deen yayi masa na 'karfin hali sai yace " ya jikin nata....naga har yanzu bata farka ba?"

Safwan sai yace
"Ah ah ai kana fita ta farka inaga ma ko gida baka isa ba, da sunan ka kuwa tafara magana " wai Daddy kaga Sani ba, ni kam kace masa bana so".......Ta'ki barin kukan ne shine kawai na sata bacci".


Deen cewa yayi " hmm ai Jas ban san irin dramar dake tsakanin ta Sani ba".

Safwan cikin ransa yace " wannan kam babban drama ne abin Allah wa dai Mu'een....sai fatan Allah ya gyara lamarin kawai"

A fili kuwa shiru yayi ya 'kyale sa dan tun farkawar Jas da yaji sunan Sani a bakin ta sosai ya shiga ru'du duba da yanayin da ya ganta ciki.


Cikin hikima ya rin'ka tambayar ta har ta sanar da shi komai iya wanda ta sani.


Safwan ji yayi tamkar ya zubda hawaye dan tsananin 6acin rai, rashin imanin yayi yawa sosai........babu mamaki abinda ke nan ya sumar da ita tun kafin afkuwar hatsarin.


Da kansa ya sake duba ta bayan ya sata bacci, nan kuwa ya tabbatar da zargin sa.....sosai ransa ya 6aci ya kuma ji haushi sam baiji da'din faruwan hakan ba, wasu mutanen ma sai yake ganin basu da tunani, in ba haka ba mai mutun zai samu ajikin 'yar yarinya kamar Jasmine in banda hauka da rashin tunani.


Da kansa yayi mata duk wani abinda ya kamata, da yake ba sai anyi mata 'dinki ba dan ba'a wani shige ta sosai ba kuma yarinya ce a hankali wurin zai ciko da kansa idan tana 'kara girma.


Yana so ya sanar da Deen amma abin gatsau yake jin sa yafi son Jas da kanta ta sanar dasu tunda tasan duk abinda ya faru.


Juyawa suka yi da niyyar barin 'dakin, suna tafiya a hankali inda Safwan ke yiwa Deen bayanin cewa " Sani shi har yanzu bai farfa'do ba balle asan wasu abubuwan dake damun sa".

Sai Deen yace muje ma in duba shi, yaushe za'a yi masa aikin?"

Safwan yace " sai gobe idan Allah ya kaimu".

" Okay...Allah ya nuna mana goben yasa kuma ayi a sa'a".
Safwan sai yace "Ameen tare kuma da 'kara bawa Deen 'karfin gwiwa akan faruwar lamarin gaba 'daya.

Zuwa yanzun kuwa Noor kwantar da kanta tayi gefen na Jas 'din yanzun bata kukan da sauti, bakin ta kusa da kunnan Jas a hankali take karanto mata addu'ar neman sau'ki gurin mahallici.


Tuni Noor ta 'dago kanta ji da tai Jas ta kama mata hannu tana 'dago kanta kuwa sai suka ha'da idanu da ita.
" Mummy"!
Jasmine tace a hankali.

Sai Noor tayi saurin tashi ta zauna cikin tsananin farin tare fa'din " Alhamdulillah Jasmine.....Yah Deen zo kaga baby ta tashi!".


Suna daf da 'karasa barin 'dakin sai suka jiyo abinda Noor 'din ta fa'di, a tare dukkan su suka dawo cikin hanzari zuwa gaban gadon.






Comment
Vote
Share





*Salmerhn ku ce*
[11/27/2019, 7:09 AM] 🌸Salmerh🌸: 💕 *NOORUL* 💕
(Haske nah)



By
*Salmerh MD*



*Wattpad @*
*Serlmerh-md*



💫 *DA BAZARMU* *WRITTER'S ASSOCIATION*
💫
We are here to make you happy,smile,educate and to realized that we are the best among all.....
*DA BAZARMU* *MUKE TUN'KAHO*



*Bismillahir* *Rahmanir Raheem*



🅿 *12*



Farin ciki ne mai tsanani ya ziyarci zu'katan su, Deen kam ji yake tamkar ya taka rawa, _Alhamdulillah....Alhamdulillah_ kawai yake furtawa a fili ba tare da damuwa ba.


Yayin da Noor ke faman hawaye da murmushi lokaci guda idanun ta kan Jasmin 'din hannun ta kuwa na gefen fuskar ta.

Ta 'dayan gefen bed 'din Deen ya koma ya ri'ke hannun ta yace " Jas 'din Daddy kin tashi?"


Jasmine sai ta 'dage kanta sama a hankali tana kallon shi daga kwancen.

" ina ke miki ciwo yanzu ?"
Ya sake tambayar ta da kulawa cikin sassanyar murya.


Shiru Jas tayi tana kallon fuskar shi batare da ta bashi amsar tambayar tasa ba.
A hankali ta maida idanun ta kan Safwan inda nan take ta 'dan tura baki a hankali ta bu'di tace " Daddy kaga Uncle Safwan yayi min allura ba? kuma ni ai lafiya na 'kalau Sani ne yace bashi da lafiya 'dazu".
Tana maganar cikin shagwa6ar ta da ta saba yi masa.


Murmushi Deen yayi inda ya da'da ran'kwafowa ha'di da kai hannun sa 'daya yana shafo kanta yace " kar ki damu kinji mamana, shima ai Sanin an yi mishi alluran har guda uku ma, yanzu ina ke miki ciwo?" Deen ya 'karasa maganar tasa da tambaya yana me cigaba da shafa kanta.

Jas sai tace
" Ciwo?"
Ta sake mai maita abinda ya fa'da 'din.

Shima sai yace " uhmm fa'da min inji ko mamana, kanki na ciwo ne?"


Jijjiga kai Jas tayi a hankali alamar ah ah
" cikin ki fa ?"
Ya sake tambayar ta.

Sai kuma tayi shiru tana 'kara turo baki.


Noor kam tagumi tayi tana binta da kallon jin da'di jin har tana yi musu hira, ashe da gaske ne da Yah Deen yace " nata ciwon da sau'ki ba kamar na Sani ba......hamdala kawai take ta zubawa mahallici.

Jas ne taci gaba da fa'din " ai 'kafana na min ciwo da 'dan 'dina..."
Tayi masa nuni da bandages 'din dake kanta.

" Ayyah....sorry baby kinji, soon zai warke insha Allahu".

Sake 6ata rai Jas tayi sosai sannan tace " Daddy!"

Deen ma sai yace " Na'am 'yar gidan Daddy ina jinki akayi ?"


" Ba sani bane ya cinye min bakina a mota ba kuma ya rufe min bakin da 'karfi har ina jin zafi....., banyi pupu ba a school kuma ko fitsari ma banyi ba amma ya min tsarki mai zafi......ni kam Daddy kace mishi bana so.......".


Wani dumm dukkan su suka ji tamkar sau'kan wani abu mai nawi a tsakar kawunan su, yayin da idanuwan Noor duk suka firfito waje ta zuba su akan Jasmine tana kallon ta.


Deen ma kansa tsura mata idanu yayi yana faman harha'da bayanan nata wuri guda domin so yake ya fahimci ma'anar su.


Inda karon farko tunanin sa ya basa a kan zancen nata da inda ya dosa gaba 'daya sai yaji wani bambabara'kwai kamar ba hakan bane........'dan jijjiga kansa yayi tare da fa'din " no ths can't be".
Still yana ri'ke da hannun Jasmine cikin nasa.


'Dagowa yayi ya kalli Noor da bakin ta ke faman 6ari tana son furta magana amma ta rasa me zata ce ma kwata-kwata, domin ita tashin farko batare da wani dogon nazari ba ta fahimci inda maganar ta dosa.


Mayafin da ke rufe
da jikin Jas ta kai hannu da sauri ta yaye shi sai taga gaban ta a kumbure ka'dan.


Sake shi tayi da sauri tare da zubewa da gwiwowin ta 'kasa ta 'kasa furta komai wani mahaukacin jiri ke 'diban ta yayin da maganganun Jas 'din ke sake yi mata yawo aka " ........banyi pupu ba kuma banyi fitsari ba amma ya min tsarki mai zafi....".
Kanta tayi saurin dafewa da dukka hannayen ta biyu, yayin da hawayen ta ge turereniya wurin ganin sau'ka, sosai jikin Dr. Safwan yayi sanyi amma babu yanda zai yi dole ne zai tabbatar musu da asalin gaskiya.


Bin ta Deen yayi da kallo sannan ya sake bin jikin Jasmine 'din ma gaba 'daya da idanun sa da suka gama dawowa jajazur.....shi kam 'kwa'kwalwar sa ma dum yake jin ta ya kasa koda yin nazari ne tsabar confusion.


'Daga kai yayi ya kalli Safwan dake tsaye tun 'dazun bai furta komai ba.


A 'dan rikice yace " Safwan me ke faruwa wai?"
Nuna Jas yayi da hannun sa yace " kasan me maganan Baby ke nufi Safwan?"


Kai ya Safwan ya jinjina masa alamar " ehh".

Deen sai ya sake fa'din " kenan dagaske Sani......."
Bai 'karasa ba Dr. Safwan ya amshe da fa'din ".......he try to rape her but Allah bai bashi nasara ba sai dai duk da haka ya ji mata ciwo ka'dan......ni kaina lokacin da aka ciro shi a motar nayi mamaki sosai domin belt 'din wandon sa a kunce sai dai banyi zargin wani abu ba a lokacin gaskiya duk da kuwa abin ya kulle min kaina.....duba Jasmine da nayi sai naga abinda akayi mata wanda sai a lokacin na tuno da bu'da'd'den belt 'din Sani da na gani......ha'ki'ka wani mummunan lamari ne ya so faruwa sai Allah ya takaita shi......
Na gama tabbatar wa ne lokacin da Jasmine ta farfa'do.....ita ce ta sanar dani duk abinda ya faru wanda take da masaniya akai........".


Noor bata kai ga jin 'karshen maganar tasa ba ta sanya aka ta kurma uban ihu kamar zautacciya tare da zama dirshan 'kasan tiles tana kuka, wanda cikin kukan take fa'din " ta tabbata kenan an lalata min rayuwar 'yata....Sani ka cuce ni Sani, Sani Allah ya isa tsakani na da kai.....ubangiji sai ya saka wa Baby zalincin nan da kayi mata....insha Allahu sai kaga sakayyar ka tun anan ba sai an mutu ba.....Allah ba zai barka ba Sani".


Deen kam na gama jin abinda Safwan ya fa'di sai ya sake waigawa yana kallon Jas dake tsiyayar da hawaye ganin mahaifiyar ta na kuka.....kallon sa ya mayar kan Noor dake ihun kuka Sannan ya 'dago ya kalli Safwan dake tsaye kusa da shi sai ya jijjiga kansa......suna ha'da idanu sai Safwan yace " kar ka 'daga hankali dan Allah Mu'een abin ba mai tsanani bane, inajin yatsa ya tura mata da karfi amma bai kai ga mummunan ku'durin nasa ba.....kaga Allah ya takaita....kuma da iznin sa komai zai zo da sau'ki".


Tsaye Deen ya mi'ke sai Safwan yace " Zo da Allah ka bawa Noor ha'kuri tayi shiru ko kuma ka 'dauke ta ku koma gida ku huta zanji da Jasmine karka damu please".


Deen bai ko waigo ba yaci gaba da tafiyar sa inda yake 'daga kafafun da 'kyar tamkar ana ri'ke masa 'kar'kashin takalmin da gum.


'Kirjin sa yake ji tamkar na aro ne aka bashi ba nasa ba, a hankali yake tafiyar kamar bazai yi ba dan sosai lamarin ya karya masa ga6a6o6in jiki gaba 'daya, ba'ki'kirin yake ganin gaban sa....sam baya ma fahimtar meke gaban sa dan tsananin ka'duwa amma a hakan ya cigaba da tafiyar dan gani yake tamkar haske zai baiyana masa a gaban sa...tamkar zaiji cewa wannan abin dayajin ba gaskiya ba ne....ba Jasmine 'din sa Sani yayiwa haka ba".


Noor dake ihun kuka tana sumbatu cak ta tsaya da kukan da take yi kamar wanda aka 'dauke mata wuta, tashi tayi da sauri ta tafi ta tari gaban sa ta tsaya tare da kama kunkumi da dukka hannayen ta biyu tamkar ba ita ce mai kukan yanzun ba, amma kallo 'daya zakayi mata ka fahimci tsananin 6acin rai dake tattare da ita.


Gaba 'daya idanun ta run rufe da 6acin rai...... abinda bata ta6a yi masa ba tsawon rayuwar ta amma ayau tana jin zata iya aikata masa fiye da zaton duk mai zato akan yarinyar ta.


Cike da 'karfin hali dakiya da kuma masifa tace " kagani ko?
Yah Deen Kaga result 'din mugun halin ka ko?"

Nuna Jas tayi da hannu tace " ai kaji da kunnan ka abinda tace Sani babban amintaccen ka yayi mata ko?
Me kuma zaka ce yanzun?
wani dama ce ta rage maka......wace dama ce ta rage maka ka bu'di baki ka bani amsa Yah Deen?"
Ta 'karashe cikin daka masa tsawa tamkar itace gaba da shi.


Rage sautin muryar ta tayi tace " Miye ban gaya maka ba Yah Deen?, miye ban sanar da kai game da Sani ba amma 'kememe ka'ki ka saurare ni, sai ma kake ganin tamkar kawai 'kiyayya ce nake yi masa, ban sani ba ashe bakin ku 'daya ne da shi, yanzu daya 'kwa'kule min yarinya kuma me zaka ce dani....miye laifin Jasmine...me ta tare muku a rayuwa dan Allah.....?
Kuka ne yaci 'karfin ta sai da ta 'dan yi kuka kafin na taja numfashi sannan taci gaba da fa'din
" wallahi har abada Yah Deen bazan ta6a yafe maka ba kai da Sani, kun cutar min da 'yata kun cuci yarinya ta kun cuci rayuwar ta....ha'k'kin ta ba zai ta6a barin ku ku sami farin ciki ba da izini Allah..".

Da yatsa ta sake nuna shi sannan ta cigaba da fa'din " kuma ka sani wallahi duk abinda ya sami yarinya ta kaine sila kuma sai na 'dau ka mata fansa a kanka.... ba zan yafe ma ba sai inda 'karfi na ya 'kare.....banza munafukai marasa tsoran Allah masu lalata 'ya'yan mutane babu gaira babu dalili........".


" Noor.......
Da Safwan ya fa'di ne ya sanya ta waigo wa ta kalle shi inda a masifance tace da shi " miye...?"
Cikin 'dacin rai.


Sam Safwan bai yi mamakin abinda take furtawa ba dan kuwa ya san fiye da hakan ma ba laifi ba ne matsayin ta ta uwa ga Jasmine da aka cutar, amma miye na 'dora lafin kacokam akan Mu'een kuma bayan shine mahaifin yarinyar, ai koma miye ne tasan shi ba zai ta6a bada gudummuwa wurin ganin an cutar da Jas 'din cuta mafi muni irin haka ba.

Saurin matsowa yayi kusa da ita cikin salon kwantar mata da hankali yace " haba Noor relax mana....mijinki ne fa kuma mahaifin Jasmine, ki sassauta mana......".


Deen kam tsaye yake tun 'dazun tamkar mutun mutumi, tun farkon fara maganar tata ya tsurawa bakin ta idanu, gani yake kawai bakin na motsi yayin da sautin muryar tata ke ratsa dukkan wani ga6o6i dake jone cikin jikin sa, har bibbiyu yake ganin ta amma sam bai da niyyan tanka ta.

Noor kuwa 'kan'kance idanu tayi tace da Safwan
" Miji na kace Yah Safwan?, kuma kace na sassauta masa?
Haka kace da gaske.....?
Gashi nan ka tambaye shi Yah Safwan na san ya sani.......a yau 'din nan kafin yazo me budurwar sa ta turo min....Yah Safwan ga shi ka tambaye shi".

Ta fa'da tare da kamo hannun Deen amma ko motsi bai yi ba daga inda yake tsayen.


Dawo da kallon ta tayi gare shi tace " wallahi tunda nake Yah Deen ban ta6a dana sanin kasancewa da kai ba irin ta yau kuma hakkin 'yata sai ya biku bazai ta6a barin ku ba.......mazinatan banza kawai".
Tana gama fa'din hakan ta wuce wurin Jas da tun 'dazun take faman kuka a kwancen da take.


Deen bai iya cewa da ita komai ba, illah binta da idanu da yake 'karayi, shi ka'dai ya san me yake ji zuciya da gangan jikin sa.


Shi kansa Safwan jikin sa yayi sanyi sosai, har ma bai san lokacin da Deen ya bar 'dakin ba.


Komawa yayi gurin Noor yana bata baki akan tayi ha'kuri amma ko sauraran sa batayi sai surutu take yiwa Jas tana kuka tamkar ta zauce bata hankalin ta, ganin hakan ne yasa shi niyyar barin office 'din domin bata lokaci ta 'dan nutsu.


Juyawan da yayi ne yaga Deen baya 'dakin sai dai taku uku mai kyau bai yi ba yaji muryar Noor na fa'din " Yah Safwan yaushe za'a sallami Jasmine?"
Inda tayi maganar ba tare da ta waigo ta kalle shi ba.


Shi 'din ne dai ya sake waigowa gami da bata amsar " sai nan da sati 'daya idan ta warke"

" ba gaskiya ka fa'da ba Yah Safwan?"
Ta sake fa'di cikin dakiya sannan ta tashi ta juyo ta fuskance shi " ka gaya min gaskiya dan Allah, ina so ne inje in kula da tarbiyar yarinya ta guri guda in da bazata ha'da ala'ka da duk wani munafuki ba bana son zaman asbitin nan bani son zaman Baby anan".


Safwan kam zuwa yanzun mamakin ta ma yake yi yanda duk ta juye masa zuwa wata abu daban tamkar zakanya, har ji yake kamar wannan ba Nureen Deen ba ce, yarinya mai matu'kar sanyin hali, ha'kuri, kunya da kawaici ga girmama duk wani wanda ya girme ta, sa6anin wannnan da take kallon cikin idanun mijin ta take zagin shi, ta dubi tsabar idon mutun ta 'karya tashi.


Cikin rawar murya ya bata amsa da fa'din " ki bari dai sai ta warware....first idan ma zaki..tafi da itan ".


Noor bata sake tanka shi ba sai ta koma ga Jasmine ta kwanta gefen ta tare da kwantar da kai gefen ta tana shafa cikin ta tace "Allah zai saka miki Mamana, baki da hakkin kowa akanki kuma da iznin Allah duk wanda ya cutar da ke sai Allah ya saka miki...zai bi miki ha'k'kin ki".


Safwan jijjiga kai yayi kawai sai ya sa kai ya fice daga 'dakin.




*****
'Bangaren Sani kuwa.........






Comment
Vote
Share





*Salmerh ce*😍


[11/30/2019, 10:34 AM] 🌸Salmerh🌸: 💕 *NOORUL* 💕
(Haske nah)



By
*Salmerh MD*



*Wattpad @*
*Serlmerh-md*



💫 *DA BAZARMU* *WRITTER'S ASSOCIATION*
💫
We are here to make you happy,smile,educate and to realized that we are the best among all.....
*DA BAZARMU* *MUKE TUN'KAHO*



*Bismillahir* *Rahmanir Raheem*



🅿 *13*


'Bangaren Sani kuwa.....tunda aka kawo shi asbitin bai farka ba iya tsawon zaman sa bai san meke faruwa da shi ba sai yanzun da yake dai-dai da 'karfe hu'du da mintina hamsin da uku na yammacin ranar.

'Kafafun sa ne suka fara motsawa a hankali kana ya bu'de idanun sa da yake jin sun matu'kar yi masa nauyi saboda buguwan da kansa yayi.

Kasa-kasa bu'de idanun nasa yayi saboda wani suka da yake jin kansa nayi masa ga jikinsa ko'ina yayi masa nawi, takamamme ba zai ga inda ke yi masa ciwo ba.


Allah ma yasa dai-dai lokacin farkawar ta shi likita mai kula dashi yana nan cikin ward 'din wato Dr. Felix.
Matsowa yayi cikin saurin sa zuwa gaban gadon da Sani yake kai 'din ganin ya 'dan motsi da 'kafafuwan sa, wanda ganin hakan ne ya tabbatar masa da cewar ya farka.


Jin motsi kusa da shine yasa shi 'karfin halin bu'de idanu da 'kyar, bama ya gani sosai dishi-dishi yake gani, amma a hankali da ya cigaba da 'kif-'kif da idanun sai suka 'dan washe ya fara gani da kyau.
Bai wani sha wahalar gano inda yake ba a halin yanzun, musamman da yake yaga likita akansa cikin kayan aikin sa na likitoci.


Idanun sa ya mayar ya rufe su sai tar hawaye ya gangaro ta gefe da gefen idanun nasa, yana so ya 'dan jijjiga kansa amma ya kasa, yayi 'ko'karin 'daga hannun sa da yaji yayi nawi sosai amma hakan ma ya gagare shi, banda ciwon da ga6o6in sa ke masa baya jin komai.


'Ko'karin tuno sanadin faruwar hakan yayi inda ya fara tunani tun daga farko, lokacin da ya 'dauko Jasmine daga makaranta, feelings 'din da ya kama shi sanadin kallon abinda bai dace ba cikin wayar sa, amfani da yayi da sanyin da tace tanaji, kissing, har zuwa fingering nata da yayi and most of all yun'kurin kusan ta kansa da ita da yayi wanda bai kai ga aikatawa ba yayi musu sanadin accident saboda firigici da ya kamashi.


Hawaye yake sau'karwa masu matu'kar zafi da ciwo a zuci, tambayar kansa yake yi shin anya shine kuwa, Jasmine fa, da 'din kenan kusantar ta zanyi ko me?
Sani da hankalin ka kuwa?
Anya kaine Muhammad Sani na da 'din nan?
me ya ru'deni har haka?
Me ma zan samu a jikin ta?
Ashe kissing 'din ta da da nake yi ma bai isheni sanin haukar da nakeyi ba?
Yanzu yarinyar Oga Deeni nayi wa haka?
Waiyo Allah na.....wallahi shai'dan ka cuce ni, baka min adalci ba,
yanzu fisabilillahi wani kallo Oga Deeni zai yi min...?
Nasan ba zai ta6a yafemin ba...."


Dr. Felix kam bai bi ta kan hawayen da yaga Sani keyi ba, dan zaton sa duk akan zafin ciwo ne, dan haka kawai sai yaci gaba da aikin sa inda ya 'kara duba lafiyar sa da sauran wasu abubuwa, tambayan sa Dr. Felix yayi kan cewa baya ga ciwukan sa na zahiri akwai inda ke yi masa ciwo ne?


Sani ko kulasa ma bai yi ba yaci gaba da kukan sa yana tariyo ta'asar da ya aikata cike da tarin nadama.




*****
Tunda ya baro 'dakin da aka kwantar da Jasmine yake tafiya tamkar mutun mutumi, tunani yake cikin ransa wai dagaske Babyn sa aka lalatawa rayuwa, dagaske ne Sani ya lalata masa rayuwar 'yar sa?, da gaske ne kamar yanda Nuree ta fa'da wannan abin ya faru ne sanadin halin sa?
Kai ah ah me ze sa hakan to?
Abu 'daya ne yafi tsaya masa a rai shine lalata masa 'ya da Sani yayi.


Sam Deen bai san inda yake jefa 'kafafun sa ba, bai san inda yake nufa ba balle yasan wa'danda ke wuce wa ta gefen sa ko suke masa magana, domin bajin su yi ba ba fahimtar su wanene yake yi ba.


Ga6o6i, zuciya da gangan jikin sa duk sun saki, tuno irin yadda da aminta da yayi da Sani fiye da ma mai gadin gidan sa, tuno irin yanda Jasmine ke yawan kawo masa 'karan Sani ne ya 'dan bashi 'karfin gwiwa ajikin sa.

Sani!
Ya sake maimaita sunan cikin zuciyar sa......lumshe idanu yayi ya kuma bu'de su a take sai hawaye ya gangaro masa.
'Daci yake jin na taso masa daga zuciyar sa ga harbi da takeyi da 'karfi gami da nawi da yake jin 'kirjin sa na yi masa, amma duk hakan basu dame shi ba kamar idan ya tuno wai Sani drivern gidan sa ne ya lalata masa rayuwar 'yar sa da bata 'karasa ma ciki 5years ba har yanzun.


Saurin goge hawayen nasa yayi cikin bawa kansa 'karfin gwiwa gami da juyawa ya koma baya zuwa male surgical ward tunowa da yayi cewa Sani na can....." i ll kill today Sani.....sai na kashe ka ta yadda bazaka sake samun daman illata 'ya'yan mutane ba".

Cikin zuciyar sa yake wannan maganar yana tafiya cikin hanzari.


Dr. Felix na 'ko'karin sake jefa ma Sani wata tambayar ne sai Sani ya dakatar da shi da fa'din " dan girman Allah likita ka cire min wannan abin....ina so inga Jas inga halin da take ciki....ban kyautawa....rayuwar ta da ta iyayen... ta ba".

Da 'kyar Sani yayi maganar cuz in ba ka kawo kunnan ta kusa da dashi ba bajin abinda ya fa'di zakayi ba.


Dr. Felix ma bai ji abinda ya fa'di ba.....kawai sai shi da kansa yaga dacewar cire masa abin zu'ko numfashi dake manne saman fuskar sa.


Kallo 'daya zaka yiwa Sani ka fahimci cewa cikin tsananin damuwa yake......har a lokacin kuwa bai daina hawaye ba, ana cire masa abin ya furta " Likita ina Jasmine take? Wani hali take ciki?
Allah yasa yarinyar mutane bata mutu ba sanadin abinda nayi mata?

Wannan karon Dr. Felix ya 'dan ji abinda Sani ya fa'di dan haka sanin da yayi cewa tare da 'yar Dr. Mu'een suka yi accident 'din ya sashi takaita tunanin sa kan cewa ita Sani ke tambaya.....cikin salon kwantar da hankali yace da shi " don't worry...tana lafiya, Dr. Safwan ya bata kulawa".


Rintse idanu Sani yayi hawaye na sake bin gefen fuskar sa.

Dr. Felix na sake shirin jefawa Sani tambaya akan nasa jikin ne sai idanun sa suka sau'ka kan Dr. Mu'een da ya bayyana daga bakin ward 'din tsaye cikin hali mai wuyan fassaruwa.

Idanun sa ka'dai zaka kalla kasan cewa ba a dai-dai yake ba.

Kallon Sani yake yi cikin tsananin tsana da haushin sa while Sani kam bai ma san yanayi ba domin idanun sa a rufe suke.


Dr. Felix da bai san asalin abinda ke faruwa ba lokacin da ya gansa yaga halin da yake ciki sai yayi saurin nufo inda yake tsayen domin shi zaton sa damuwar sa nada nasaba ne da jinyar su Sani, dan haka cikin tausaya wa halin da ya gansa a ciki ya nufo inda yake da nufin calming 'din sa.

Sai dai ga mamakin sa da sauri Deen ya zo ya wuce shi batare da ya bi ta kansa bama balle ya samu koda kallon arzi'ki ba daga gareshi.


Da idanu Dr. Felix ya bi bayan sa da sakakken baki, sai dai mamakin sa ninkuwa yayi akan nada lokacin da yayi arba da hannayen Dr. Mu'een jikin wuyan Sani yayi masa sha'ka na gaske domin kallo