You Cannot Download this book untill you login but you can read it .

---

Login Register

shi da karyayyiyar murya dan har ga Allah banji da'din abinda ya farun ba.

" Bakomai 'kanwata kar ki damu".
Yace da ni yana murmushi da alamu masifar tata bata wani 6ata ransa ba.

Kai na jinjina masa ina juya sunan da ya 'kira ni da shi wato 'kanwa ta..nasan babu mamaki Yah Ahmad da nacecda shh ne ya sa shi ce min 'kanwar shi..ni kuwa Ammi ce ta ce da ni duj wanda ya fini ince da shh Yah..in macece kuma ince Anty tace min mutane na matu'kar son yaro mai girmama manya..shiyasa na saba da hakan.

Kusa da Ma'u na tsaya ta gaban ta da niyyan gaya mata kuskuren da tayi  sai dai kafin nayi magana sai kuma naga tana share hawaye...baki na ta6e gefe batare da na ce da ita 'kala ba...Gaba ta yi sai na bh bayan ta da kallon mamakin kukan kuma, wannan shine fin 'karfi ita da masifa kuma itace ke da kuka.

Ban bh ta ba na tafi a nutse kamar yanda saba har na isa gida, dama ma ko mhn tafi tare ma mhna rabuwa a hanya dan 6angare daban muke da ita.


Bintu 'kawata da muke aji 'daya amakaranta itama sai da na bata labarin kayan nawa ina mai matu'kar farin ciki.

Bayan kwana biyu sannan muka ha'du da Ma'u cuz bata zo jiya ba, bayan an tashi daga Islamiyar ban damu inji mai ya hanata zuwa jiyan ba sai kawai nace mata" Rann nan baki kyauta ba gaskiya Ma'u da kika ta yiwa Yah Ahmad masifa,  naga shi 'din ba sa'anki ba ne, Allah ki daina rashin kunya..in ba haka ba duk ranar da kika ha'du da irin su Yah Deen wallahi dukan tsiya zaki sha babu ruwa na".

Baki ta mur'da tare da fa'din" Dama nace da ke akwai ruwan ki a ciki ne?"

Jin abinda tace 'din ya sani kawar da kai na gefe nima nace" Ni dai na gaya miki..."

Kafin ma in gama rufe baki na sai ta waigo ta kalle ni tare da saurin taran baki na da fa'din" Wai dagaske aure zai yi?"

" Wa 'din?"
Nima na tambaye ta ina yatsina fuska ta...sai tace " Yah Deen 'din mana".
Nace mata" ehh mana Auren kwanan nan za'ayi".

Shiru tayi bata sake ce da ni komai ba, har muka rabu nima ban sake yi mata magana ba dan haushin rashin kunyar da ta yi kuma bata ce mjn bazata sake ba shiyasa naji haushi.



*****
      Wasa-wasa lokaci na ta faman 'karatowa yanzu Mu'een ya saki ransa a makaranta ba'a gane cewa yana cikin damuwa sai dai a kowanni lokaci bashi da aiki sai tunanin irin abinda zai yiwa matar da za'a aura masa, lokuta da dama zaki ga ya saki murmushi shi ka'dai wanda ba na komai bane face na tsantsan mugunta..bai ta6a furtawa kowa shirin sa ba daga shi sai zuciyar sa yake shirya abin sa dan ya san idan Ishaq ya sani wa'azi zai ringa yi masa kullum har yaji ya fasa shi kuwa abinda zai hana shi aiwatar da niyyar sa akan ta to mutuwa ce ka'dai..hakan yasa yaja bakin sa yayi shiru.


Sha'kuwar sa da su Ishaq kuwa sai abinda yayi gaba cuz weekend 'din da ya wuce ma a gidan sa suka yi ta...Ishaq na matu'kar jin da'din yanda yaga lokaci guda Mu'een yayi watsi da damuwar sa ya rungumi 'kaddarar sa, shi ka'dai ya san farin cikin da ya shiga da ya fahimci yanzu Mu'een baya tare da damuwar komai, shine kuma ya fara fahimtar yawan murmushi da Mu'een ke saki a mafiya yawan lokuta batare da dalili ba, harma da ya tambaye shi dalilin sai yace wai mamaki kawai yake yi wai shi za'a yiwa aure.

Ishaq sai yace" Zaka iya ne ai shiyasa tun yanzu Allah ya za6eka tun kana 'dan shekara ashirin da shida a funiya ya baka damar cika sunnar ma'aikin sa..so is better ka gode masa kawai".

Ajiyar numfashi ya sau'ke yana fa'din" dole na ai".

Anas sai yace" Kaga mu har yanzu bamu samu wannan damar ba kuma babu wanda ya tuna da mu yayi mana gatan hakan".
Ya 'karashe maganar yana murmushi.

Mu'een sai yace" Karka damu Anas lokaci ne ai".

" Hakane".
Imam yace yana 'daukan wayar sa, yayin da Ishaq ya jinjina kansa up and down vike da gamsuwa.


*****
      Yau ta kama kwanaki tara kenan da yin wayar sa da Alhaji Baba har yau 'din kuwa basu sake ba, kuma yana sane da cewa gobe ne ya kama ta ya tafi Shuwarin kamar yadda Alhaji ya bu'kata amma sam bai shiryawa hakan ba, musamman da ya san cewa a dalilin auren Alhaji yace ya je tun sauran sati guda shiyasa yayi biris da maganar.


Yana waya da Ammin sa, Anty Zee da Uncle J da suka shirya bayan yasha masifar raina masa hankali da yayi ya kashe wayar sa acewar sa...da 'kyar Yah Deen ya bashi ha'kuri ya sa'k'ko sannan suka shirya da shi.


Tun daga lokacin suka koma normal tamkar baya, shine ma yace Mu'een 'din kar ya sayi komai zai taho masa da duk kayan da zai yi amfani da su wurin bikin.

'Kasan ma'koshi ya furta" Dama ka hutar da ranka" ji yake shi ko da polo da jeans zashi wurin 'daurin auren babu abinda ya dame sa...A fili ya furta" Wannan mutumin ma brain 'din kifi gare sa wallahi".
Ni kaina sai da na zaro idanu nace kardai uban naka ne mai brain 'din kifi?

Sai kuma naji yana fa'din" In ba haka ba taya baka ta6a ganin mutun yazo wurin 'yar ka ba ba ka san sanin mutum ba sai ka 'dauki aure ka bayar".

Kai 'dan kuka mai jawa uwar sa jifa rayuwa kenan... _Allah ubangiji ka shirya mu ka shiryar da zuri'ar mu, Yah allah kar ka bamu 'ya'yayen da zasu ja mana zagi...Ameeen._




*****
Zauna yake kishingi'de kan kujera mai zaman mutun 'daya, kan cinyar sa Tablet ce yana dubawa yayin da wayar sa ke ajiye gefe dashi a hannun kujera.

Ishaq na daga can gefe kwance kan 2seater yayin da Anas da Imam suke daga 'kasan carpet zaune suna buga wasan karta gefen su lemun coca cola ne suna sipping lokaci zuwa lokaci.

Wayar Mu'een ce ta fara Vibrating sai ya kai duban sa kan fuskar wayar da tunanin ko Alhaji Baba ne ya 'kira.








Comment
Vote
Share







*Salmerh ce*😍

💕 *NOORUL* 💕
(Haske nah)


By
*Salmerh MD*

*Wattpad @*
*Serlmerh-md*


💫 *DA BAZARMU* *WRITTER'S ASSOCIATION*
💫
We are here to make you happy,smile,educate and to realized that we are the best among all.....
*DA BAZARMU* *MUKE TUN'KAHO*

_*Daga marubuciyar Littafin CAPTAIN ABBAS*_

*Bismillahir* *Rahmanir Raheem*

🅿 *50*


Sunan Imrana da ya gani yana yawo kan fuskar wayar ne ya sashi sakin 'dan ta'kaitaccen murmushi tare da kai hannun sa ya 'dauki wayar ya 'kara da kunnan sa muryar sa wasai yace" Imrana ya aka yi ne? Ka 6uya a Kano kayi wuyar gani...".

Imrana sai yace" Wallahi nake gaya ma abubuwa ne suka sha kaina sosai..amma ina ga na kusan fasowa ma..."
Deen kuwa cewa yayi
" Ya kamata ka, gaskiya har fa aure na ya 'karato ba ka dawo ba".

Da mamaki Imrana yace" Aure kuma Deeni kai 'din garin ya ya?"
Yace
" Garin tsautsayi Imran...Alhaji ne yace sai ya aura min Husnah, zancen nan da nake maka ma 1week ya rage a 'daure auren".

" Ikon Allah ashe ma da ban 'kira ka ba da ko labarin ma bazan ji ba".
Cewar Imrana, Yah Deen kuwa sai yace
" ah no dole zan neme kai ai domin akwai cashewa sosai, kai dai ka shirya liyafa kawai dan zan baku bonus ku kwashi gara kai da duk mai bu'kata zan baku dama har sai kun gaji...watandan ta zan muku a kyauta mori banza, dan wallahi bazan iya zama da ita ba sai na koya mata hankali ita da duk yarinyar da tayi kuskuren shigowa cikin rayuwa ta sai sun gane kuren su...albishir 'dina kenan dan haka ka shirya".

Imarana da ke ba hankali ne da shi ba sai ya saki ihun murna yana yiwa Yah Deen kirari na musamman jin cewa za'a bashi kyautar wannan tsaleliyar da ya jima yqnq yabawa ashe shima zai kwashi gara daga jikin ta son ran sa.

Ihun nasa ne ya sanya Mu'een cire wayar sa daga kunnen sa fuska ba yabo ba fallasa ya yanke 'kiran yana sakin murmushi.

Ishaq da tuni ya mi'ke zaune yana yi masa duba da alamun mamaki 'karara kan fuskar sa... 'kure Yah Deen yayi da idanun sa yanayi masa kallo irin na tambaya...hatta su Imam ma kallon sa suke yi shida Anas baki bu'de jin shai'daniyar ta'asar da yake niyyan shiryawa, yayin da Yah Deen ya cigaba da abinda yake yi cikin Tablet 'din sa bai ma san suna yi ba.

Ishaq ne yayi 'karfin halin furta" Me wai kake nufi da wannan maganar ne Mu'een dan Allah?"

Sam mantawa yayi ma da su a parlour shiyasa har ya saki ransa ya bayyana sirrin da ya jima yana shiryawa cikin ransa batare da kowa sani ba..(ni kuwa nace Allah ne dai kawai ya toni asirin ka Alhaji Mu'een shiyasa ya rufe ma idanu ya kuma 'dauke hankalin ka daga gare su).

Basarwa yayi kamar bai san cewa da shi Ishaq ke magana ba, da dabara ta 'kasan idanu ya kallo Imam da Anas daga inda suke zaune suma sai yaga duk sun bar abinda suke yi sun zuba masa idanu suna kallo kowa fuskar sa da matu'kar mamaki da baya raba 'dayan biyu sanadin jin kalaman bakin nasa ne.

Cikin sanyin murya Ishaq ya sake fa'din" Mu'een kar dai kace min wannan babban jahilcin abin Allah wadai kake tsarawa cikin ranka?"

Cikin ransa yace " Yauwa limami zai fara ai"
A fili kuwa batare da ya 'dago idanun sa ba yace" Dama ai ni Jahili ne Ishaq ba sai ka tuna min ba".

" No ai kaima kasan ba haka nake nufi ba.. amma please ka canza tunani, hakan sam bai dace ba, me yasa zaka shirya ciwa sunnar ma'aiki mutunci wallahi matu'kar ka aikata hakan Allah ba zai ta6a barin ka ba, sannan ka tuna mahaifan ka mana, dan su kare maka mutuncin ka yasa suka nema maka auren nata fa ba wai dan sun 'kuntata ma ba, kuma na tabbata sai da suka fahimci kyakykyawar fahimtar da ke tsakanin ku da ita kafin suka shiga maganar, to me yasa zaka yi musu haka?, me yasa zaka tozarta musu niyyar su?.

Cikin ransa ya furta" Saboda bana 'kaunar ta ne kawai 'dan uwa".
Amma a fili bai iya yayi magana ba kamar yadda har a lokacin bai yadda sun ha'da idanu da kowa cikin su ba.


Kunyar Ishaq yafi ji saboda shi 'din mutun ne mai mutunci a idanun sa...Tana cikin tunanin yaji Ishaq na sake fa'din" Wallahi duk abinda ka aikata maras kyau Allah ba zai 'kyale ka saboda hakkin yarinyar zaka 'dauka, and baka da hujjar kare kanka a wurin koma waye idan maganar ta fito..in kuma akwai ka gaya min .."
Duk yadda yake jin nauyin kalaman sa na 'dazun amma duk da haka bai kasa dauriyar furta masa" Saboda bana so ne kawai Ishaq kuma kowa ya kasa fahimta ta".

" Shine zaka saka musu da haka Mu'een? Dan kawai baka 'kaunar ta?, wallahi in kayi haka baka kyauta mata ba sam..ka duba lamarin ka auna shi amizanin masu hankali mana...cin zarafi ne wannan kuma bai kamata ba gaskiya...da ka aikata hakan ma ai gara ka fito fili ka nuna musu cewa baka ra'ayi..."
Sai yanzun ya iya duban fuskar Ishaq a 'dan fusace ya tare shi da fa'din" Bazan iya ba Ishaq..kuma ai na gaya mata itan tun ba yanzu ba...amma tamin kunnen 'yan iska ta mai da ni ban san me nake ba, zaton ta zan aure ta in zauna da ita matsayin matata ta sunna ne bayan duk abubuwan da suka faru tsakanina da ita abaya...wallahi i have already made of my mind kuma bazan fasa ba, duk yarinyar da ta kuskura aka 'daura aure na da ita wadantan ta zan yi wa abokaina babu ruwa na...that's final ita ta sani..damuwar ta ce...".

Ido Anas ya zaro yana kallon sa yace" wai anya Deen cikin hankalin ka kake kuwa?"

" A a na haukace ne Anas kaji..mahaukaci ne ni..".
Ya bashi amsa a zafafe yana duban sa da jajayen idanu dan maganar da yayin sosai ta taso masa da 6oyayyan 6acin ransa da ya kwan biyu yana 6oyewa shiyasa ib ka lura zaka ga har jijiyoyin kansa na nunawa.

Ishaq kuwa ganin cewa Mu'een ya fara hawa temper sai yayi saurin sau'kar da nashi fushin tana shirin sake yin magana sai yaji Imam ya riga shi da fa'din" Common Mu'een just be your name please, taimakon ta zakayi ai tunda ita tana son ka, sannan kuma kayi saboda Allah da kuma kare darajar ahalin ka ba dan ita ba, duk dama nasan kaine taimakon zai fi yiwa amfani, tunda kaida kanka kasan waye Husnah, kasan halin ta, kaga ba wani dogon bincike kar ta san kar ne, sannan ko ba komai kasan kai ne ka fara yaga Husnah ina laifi dan ka 'karasa ha'kan da kai ka fara da kanka?...sannan kaga abinda Ishaq ya fa'di ai gaskiya ta fa'da maka kayi tunani da kyau ka gani wallahi abinda kake shirin yi 'din babban kuskure ne arayuwar ku gaba 'daya...sai dai nasan gane hakan zai yi maka wahala wata'kila har saj bayan ka aikata sannan ka gane Babbar illar dake ciki..".

Ido ya tsurawa Imam wannan karon kawai yana kallon sa, bai yi mamakin jin abinda ya furta ba cuz dama yasan sun riga da sun san irin ala'kar da ke tsakanin sa da Husnah tuntuni..amma batun cewa ya zauna da ita zaman aure hakan ne sam bazai iya ba, ya kasa bawa zuciyar sa ha'kurin hakan kwata-kwata gani yake in ba hukunta Husnah yayi ba zai huce takaicin sa ba...musamman ma yanzu da cikin kalaman Imam ya fahimci irin kallon da za'a ringa yi masa shi da ita bayan auren, kenan kowa yasan cewa ragowar titi ya aura?"

Idanun sa take suka sake riki'dewa har ruwa suke 'ko'karin tarawa ta ciki, shi dama haka 6acin ransa yake idanun sa ma basa iya 6oye yanayin da yake ciki....gefe guda kuma bai isa ya 'karyata kalaman su Ishaq 'din ba dan yasan tsagwaron gaskiya suke fa'da masa matsayin su na abokan sa.

Tsaye ya mi'ke da wayoyin sa a hannu ya kama hanyar bedroom 'din sa, shiga yayi ya kulle 'kofar ta ciki sannan ya koma ya kwanta rigingine saman katifar sa bayan ya zuba wayoyin a gefen sa, hannun sa na 'kar'kashin kansa yana kallon ceiling tamkar wani mai irgawa tunanin maganganun da suka yi da Ishaq da kuma Imam yake yi...komai na dawowa cikin brain 'din sa daki-daki.

Duk cikin maganganun nasu babu wanda tafj tsayiwa masa a rai kamar inda Imam yace"...be ur name.."
Yana so shima ya wakilci sunan sa na MU'INUDDEEN ya zama mai taimako amma yasan indai akan batun auren sa da Husnah ne to sam bazai iya ba.


Ko bayan tafiyar sa ma babu wanda ya sake furta komai cikin su, illah Ishaq da ya girgiza kansa a hankali cike da alhini cikin sanyin murya ya furta" Allah ya kyauta". sannan ya koma ya kwanta kamar yadda yake tun farko, cikin ransa yake ayyana irin girman wannan kalamin da Mu'een yayi, sosai abin ya bashi tsoro, mamakin sa ma shine yaushe tunanin sa ya iya bashi ya aikata irin hakan saboda kawai yaga ya 'kuntata mata..bacin ma kuskuren ba nata kuma ita ka'dai zai ga laifin ta? Hala ya manta cewa shine silan koma menene...Ishaq alwashi yayi cikin ransa cewa matu'kar yana numfashi da yardar Allah Deen bai isa ya aikata hakan ba, in yayi wasa harda iyayen sa zai ha'da shi, yana can yana biyewa abokan banza da bazasu saka hanyar da ta dace ba illah sa6awa mahallici abanza da wofi...yaushe to zaiyi tunani irin na masu hankali?.


Haka ranar suka 'karashi yinin su suka koma cikin makaranta batare da sun sake ganin sa ba.

Washe gari ya kamata ya kama hanyar Shuwarin amma bai ko fara niyya ba tukunna balle aje ga batun shiri, hakan ma ya san dan Ishaq bai sani bane da tuni ya matsanta masa wajen ganin tafiyar sa.



*****
*Bayan kwana biyu*
Ganin da Alhaji yayi bai zo ba kamar yanda ya bashi umarni ga shi kuma ko a waya bai 'kirashi ba ya sanya shi 'kiran Uncle Ja'afar yace da shi ya yiwa 'dansa magana ya daina yi masa taurin kai kar ya kuskura ya kaishi bango...hmm".

Haka kawai Alhaji Baba ya fa'di sai ya yanke wayar batare da wani dogon 'karin bayani ba , take kuwa Uncle J ya 'kira shi inda yace" Wai Mu'een me ke damun ka ne? Wallahi idan baka daina yiwa Alhaji irin halin kan nan ba Ubanka zaka ci awaje na, ko an gaya ma shi 'din abokin wasan ka ne?"

" Yi ha'kuri Uncle..."
A tsawace ya dakatar da shi da fa'din" Shut up da Allah ban san wannan ha'kurin ni...kuma maza ka 'kirashi ka bashi ha'kuri sannan ka aikata abinda ya saka ka banson iskanci".

" Uncle wai fa in tafi Shuwarin yace kuma naga ai bikin da saura sannan ina so ne mu tafi tare da friends 'dina shine fa ban tafin ba har yanzu".
Ya fa'di hakan ne da tabbacin laifin da yayi wa Alhaji Baba kenan dan yasan abinda ka'dai ya aikata kenan shine rashin tafiyar sa a dai-dai lokacin da Alhajin ya bu'kata.

Uncle Ja'afar kam cewa yayi" Koma dai menene bansan wani excuse 'din ka, maza kayi abinda ya saka, in banda ma rashin wayon ka hakan da kake yi shi zai sa ya fasa 'daura maka auren ne, kai kanka kasan da kai ko babu kai auren nan kamar anyi shi an gama ne...so kama nutsu kasan me kake yi...wallahi kar ka yadda 'kafata ta riga 'kafar ka taka Shuwarin...in ba ka yadda ba kuma try me an see d real me".

Ji yayi tamkar ya fasa ihu saboda takaici, haushin sa 'karuwa yayi akan nada ma, to shi me ze je yayi musu tun yau da bikin ya rage saura har kwanaki biyar? Shi ba mace ba balle ace zai fara shiri...yana cikin tunanin nan yayi dialling number Alhaji Baba...amma bai 'daga ba, har sai da ya jera masa 3missedcall sannan ya tsaya da wayar a hannun sa yana kallo, shi da kansa ya san ya 6atawa mahaifin sa rai matu'ka amma ya zai yi.

Text ya rubuta ya tura masa da fargaban mai ze biyo baya kuma...'kila yace na raina shi ne shiyasa nayi hakan...ya fa'di yana dafe goshin sa.


Alhaji Baba na kallon wayar sa na ta rurin neman agaji amma bai 'dauka ba saboda yanda yake jin haushi har cikin ransa, baya son ya zama mai zafin rai amma Mu'een na tunzira shi cikin kwanakin nan, text 'din da ya shigo masa ne ya sashi 'daga wayar ya duba nan yaga Yah Deen ne ya turo" _Alhaji dan girman Allah ka gafarce ni...abokai na nake jira mu taho tare shiyasa banzo akan lokaci ba, amma da iznin Allah gobe ina hanya_ ".

Idanu ya lumshe bayan ya gama karantawa sai ya 'dora wayar saman 'kirjin sa, cikin zuciyar sa yake addu'ar" _Allah ubangiji kar ka jarrabe mu da fitinannun 'ya'ya wa'danda zasu datse farin cikin mu a lokacin da bama zato...Yah Allah ka shirya min Muhammad ka daidaita min hankalin sa wuri guda ya Allah_ ".

Bai bu'de idanun ba ya cigaba da tunanin sa, shi ada ya san Mu'een ba haka yake ba, sam baya mishi taurin kai akan abu, mutun ne shi mai matu'kar biyayya da sanin ya kamata, ga shi da girmama iyayen sa, amma sam yanzu halayyar sa ta bambanta da na baya bai kuma san me yasa abubwan sa ke 'kara rikicewa haka ba.
( Ni kuwa nace sharrin Alafasha ce tsantsa Alhaji, ta kan canza mutun daga nagari ya koma gur6atacce in ba'ayi sa'a bama har ta kan 6ata wa mutun 6angaren ibadun sa..ALLAH YAYI MANA TSARI DA AIKATA ALFASHA).


*****
Ran sa be so ba amma haka washe gari ya shirya ya tafi bayan sun yi sallama da su Ishaq akan cewa ranar thursday zasu taho suma.

Ko da yake cikin mota ma tunanin auren sa da Husnah yake yi, ta yadda abin ya fara, ya tsinewa randa ya fara sanin Husnah fin sau 'dari a rayuwar sa, gashi duk da irin kashedin da ya mata hakan bai sa yaga 'kiran ta da albishir 'din an fasa auren ba, yasan dama da wahala ta iya sa afasa auren...sai dai in hakane kuwa shima ba zai ta6a janye 'kudurin sa ba.


Cikin sa'a sai suka dira rana 'daya da abokin sa Imrana, sai dai basu ha'du ba dan Mu'een can gidan Alhaji ya sau'ka yayi wani kalar tausayi a wurin Ammi, ita kam Nasiha kurum ta ringa yi masa tana sake bashi 'kwarin gwiwa akan lamarin, haka ma Anty Zainab dan zuwa lokacin ta gama fahimtar cewa auren daga Alhaji Baba ne ba za6in Mu'een ba, itama jan hankalin sa tayi sosai akan ya daina damun kansa, ai shi namiji ne kuma shine da ragamar auren da gidan ma complete, tace kana da damar 'kara wata matar a duk lokacin da kayi niyyah babu mai hanaka, 'kaddara kuwa babu yanda zaka yi da ita, idan tazo dole ne ka kar6e ta tunda ba'a guje mata ko a ina dan haka ka 'dauki wannan auren matsayin 'kaddarar rayuwar ka".

Jin su kawai yake yi bawai dan ya 'karyata abinda suke fa'di ba a a, kawai dai shi baya jin zai iya ha'kurin ganin Husnah matsayin mata agare shi ne.


Yayin da Alhaji Baba daga gaisuwa babu abinda ya 'kara ce masa sunyi zaman a 'kalla mintina kusan goma a haka sannan Yah Deen ya yun'kura, har ya tashi zai tafi ma sannan yaji Alhajin na fa'din" Hope kasan meke faruwa ko Muhammad?"

Komawa yayi ya zauna yana mai jinjina masa kai alamar " Erh ya sani"
Ya na ji cikin ransa cewa da wani daban ne yayi tambayar da ko kallan shi ma ba zai yi ba balle har ya bashi amsa.

Alhaji cewa ya sake yi" Masha Allah...to sai kaje ka cigaba da shiri..ranar friday insha Allahu za'a 'daura auran ka da Asma'u..sai dai bansan ina zaka fi son matar ka ta zauna ba...kaga wancen gidan ba'a kammala gyaran shi ba za'a ha'da da filin bayan duk agina shi aikin da saura sosai, sai dai in ko can makarantar zata tare idan hakan yayi maka".

Kansa 'kasa ya amsa da fa'din" Ba damuwa Alhaji duk yadda kace haka za'a yi insha Allahu". Inda ya bashi amsa da sanyin murya kamar gaske.

Alhaji Baba kam kai ya jinjina masa tare da komawa baya ya kishingi'da abinsa harda lumshe idanu, wanda hakan da yayin shine ya alamtawa Yah Deen cewa ya sallame sa.


Fita yayi yana tunanin a can Jigawan ma sai yafi masa cuz zai fi samun isashshen daman da zai hukunta ta son ransa dan babu su Alhaji, Ishaq kuwa a ganin sa 'karamin alhaki ne bai damu da shi ba...musamman ma da ya san ba wuri 'daya suke rayuwa da shi ba.


Duk nasihar da akayi ta masan abanza ta tashi, duk ya watsar babu wanda ya zauna kansa, shiyasa yake jin 'kudurin sa na nan cikin ransa babu abinda ya ta6a shi, kaf laifin akan Husnah ta 'daura sam bai ganin nasa, hala ya manta cewa tun ranar farko shine ya fara tattaki zuwa 'dakin baccin ta, ya manta a
Shi ya fara kawo mata batun cikin rayuwar ta shiyasa yake so ya hukunta ta ta yadda zata san babban kuskuren da ta tafka na yadda da tayi ta aure shi despite warning 'din da ya mata amma tayi kunnen uwar shegu da shi tace taji ta gani a hakan zata aure shi.


Bai san cewa itama ta daure zuciyar ta bane kawai saboda kar aci mutuncin mahaifiyar ta a banza da wofi shiyasa ta yadda zata aure shi ko da bayan auren kasheta zai yi akawo gawar ta ga mahaifiyar ta hakan yafi mata fiye da ace ganin idanun ta mahaifiyar ta ta shiga 'kunci ta dalilin ta.

*****
Da yamma lis ya koma gidan sa, nan ya tarar da canjin da aka yiwa gidan, an fa'da'da shi sannan aka tada wani tsari mai kyau ginin zamani sai dai ba ai komai a ginin ba tukunna, haka ya shiga asalin side 'din da yake anmfani da shi dan aikin bai iso kansa ba tujunna, iya abinda