You Cannot Download this book untill you login but you can read it .

---

Login Register

mahaifin ta hakama mahaifiyar ta, da sauran yan uwa...duk wadanda ya kamata ace an sanar da su duk labari ya riske su, Hisham dake Abuja ma shirin tahowa yake hakama step mothern shi da ta kaiwa iyayen ta ziyara cam garin Kano itama shirin tahowa take hakama sauran dangin su..kowa mutuwar ta ta6a shi sosai...farko 6acewar Husnah sai gashi daga bayyanar ta kuma mahaifin ta yace ga garin ku nan, mutum mai nagarta da halin girma, sanin ya kamatan sa ya shahara ga shi da kyautatawa musamman ga wa'danda suke kasa da shi.shiyasa kowa yaji labarin mutuwar sa sai yaji babu da'di..da yawan mutane tausayin Mummyn Husnah suke yi...

Shikam Alhaji Mamman kusan wannan shine abin da yafi komai yi masa da'di a rayuwar duniyar nan (kamar shi 'din gadi zai tsaya yi) musamman ma da ya fahimci cewa babu wanda yasan asalin abinda ke faruwa da sanadin jinyar Alhaji Hamza da har ta kai shi da barin duniya.

Cire jakar ku'din dake bayan motar Alhaji 'karamin yayi ya 6oye sannan ya shiga aka kammala komai na hidimar rasuwar dashi.

Bayan komai ya lafa ne ya 'dauki motar su ya dan'ka musu, bai damu ba cuz ya san ku'din da ya mallaka zasu iya sayan ashirin 'din motar idan yana so.

Babu wani dogon bayanin da yayi musu kamar yadda babu tunanin da mahaifiyar Husnah tayi kan kasancewar motar a gidan sa balle aje ga batun maku'dan ku'din da marigayin ya fita da su, cuz duk zaton ta already ya riga ya kai ku'din ne sannan aka sako Husnah.

Bayan kwana arba'in akayi rabon gado aka cire hakkin kowa aka bashi ciki harda na Nasiru driver da Mummyn Husnah ta fa'di wasiyar Alhajin kafin rasuwar sa.

Nasiru ya sha kuka sannan yai ta zuba godiya kamar zai ari baki..hankalin sa ya da, kwanta yanzu da yake yaji ance masa Alhaji yace a sake ahi saboda ya fahimci ba shi da hannu kan lamarin.

Hatta Mummyn Husnah da ta kawo bayanin sai da aka kusan tuhumar ta akan ta fa'di su wanene to tunda bashi bane..tunani su ko Alhajin ya sanar da ita.

Da 'kyar suka yadda cewa bata san komai ba amma sai da ta cike wani form...daga nan ta cigaba da takabar ta har ta 'kare gaba 'daya..Husnah ma ta cigaba da zuwa makarantar ta..nan ne Alhaji Mamman ya nemi ri'kon Husnah ya dawo Hannun sa amma mahaifiyar ta 'ki amincewa musamman ma saboda wasiyyar da mahaifin ta ya bar mata.

Tace zata zauna da Husnah koda wani auren zatayi babu abinda zai raba su da ita...balle ma bata tunanin zata sake yin aure har 'karshen rayuwar ta.

Da jin hakan sai ya nuna ra'ayin sa na son auren ta...Mummyn Husnah ta nuna 'kin amincewar ta amma sai ya kai zancen gin iyayen ta, mahaifanta sune suka bata 'kwarin gwiwa akan auren sa wai ko ma dan saboda kar Husnah tayi maraicin uba a gaba, hakan ne yasa ta amince da batun auren sa duk kuwa da cewa har cikin ranta ba so take yi ba amma kawai dan farin cikin Husnah...ya aure ta ne a matsayin mace ta uku sai dai basu bar gidan da suke ba suka cigaba da zama agidan da 'yar ta Husnah.

Yayin da kansa kullum yake kara bawa Husnah 'kwarin gwiwa akan ta daina damun kanta babu wanda ya isa ya sake yi mata irin na baya, da iznin Allah babu wanda zai sake cutar da ita, ya kanyi mata karyar ai ya zuba securities masu kula da ita dan haka ta daina damun kanta da tsoron zuwa makaranta.

Da haka Husnah ta saki ranta ta cigaba da zuwa makarantar ta.

Yayin da cikin lokaci 'kan'kani Alhaji Mamman ya zama wani hamsha'ki mai ji da 'ya'yan banki fiye da baya, sosai yake taka naira son ransa, babu wanda yasan inda ya samu ku'da'de sai dai kawai aka ganshi cikin sabon yanayi, hakan ne yasa da yawan mutane ke zargin cewa dukiyar 'kanin sa yake facaka da shi...musamman da aka san cewa matar kanin ma ta zama tashi..... ( Wannan shine ta'kaitaccen tarihin rayuwar Husnah)

*****
......Jin labarin halayyar asalin mahaifin Husnah shi yafi komai yiwa Alhaji Baba da'di, yanzu bashi da damuwar komai illa jiran isowar Uncle Ja'afar, dan yasan ko babu komai ai yasan tushan yarinyar nada kyakkyawan tarihi so bazai yi Allah wadai da kasancewar ta cikin ahalin sa ba, duk dama ya fahimci kan ita yarinyar ke rawa amma ai aure yasha gaban komai, da aje a tafka abin kunya ai gara ace da aure tsakanin su.

Take a wurin batare da 6ata lokaci ba ya ciro wayar sa ya yiwa Yah Deen transfer 50k da yake dama bai bashi komai ba lokacin da zai koma school...sai yau yayi ra'ayin da kansa da ya kasance yana cikin kwanaki na hu'du kenan da komawa makarantar.




Comment
Vote
Share



*Salmerh ce*😍

💕 *NOORUL* 💕
      (Haske nah)

By
*Salmerh MD*

*_Marubuciyar littafin CAPTAIN ABBAS_*
 

*Wattpad @*
*Serlmerh-md*

💫 *DA BAZARMU* *WRITTER'S ASSOCIATION*
💫
We are here to make you happy,smile,educate and to realized that we are the best among all.....
*DA BAZARMU* *MUKE TUN'KAHO*

*Bismillahir* *Rahmanir Raheem*

🅿 *46*

*Bayan wasu kwana ki da komawar su makarantar*
       Komai ya gama dai-dai ta tsakanin su, rayuwar su suka cigaba da shimfi'dawa son ransu duk sun manta da damuwoyin da suke ciki kowa ya saki ransa..musamman ma Deen da dama shi abin yafi tsaya masa a rai.

*****
    Ranar ya kama ranar Monday ne kuma lecture 'daya yake da shi na safe...yayin da Husnah sai 12 take da lecture, hakan yasa ta tattaro kayayyakin ta masu bu'katar wanki kafin cikar lokacin danta 'dauraye su, tana kan haka Mu'een yayi mata sallama ya fita makaranta cikin shirin sa mai 'daukar hankali kamar yadda ya saba.

Ba ita ta kammala 'daurayar ba har sai kusan 10:23...sannan ta koma ta na hutawa, bata jima da zama dan hutun ba sai kuma tayi wani tunani dan haka sai ta tashi da niyyar zuwa kitchen ta 'dan dafa musu ko  indomie ma, harta shiga kitchen 'din amma sai ta fasa ganin dacewar yin wanka kafin shiga kitchen 'din cuz sam bata jin da'din jikin ta a haka, wannan dalilin ne ya sanya ta fita daga kitchen 'din ta wuce 'dakin ta dan ta watso ruwa sannan ta dawo kitchen 'din.

Kafin ta kammala komai har 11:38 tayi hakan yasa a 'kagauce ta shirya ta fita bata ko kwashe kayan ta dake shanye gaban gidan ba ta bari akan sai ta dawo kawai...gidan ta kulle da yake tasan yana da nashi keys 'din a hannun sa shiyasa bata damu ba.

Tana fita sai ta tari adai-daita ya wuce da ita makarantar.

Su Mu'een kuwa 12 cif suka fito daga lectures, shi da Ishaq da Imam suke tare harma Ishaq nayi masa 'korafin wai yau 'din sun ganshi wani iri ya babu sakin fuska kamar kwanakin da suka gaba ta..lokacin kafin su gama dai-daita wa da Husnah ne kowa mugun hali ya ringayi musu...bayan hakan kuma sai ya 'dan dawo dai-dai, and still gashi yau ma halin ya dawo.

Tsaki kawai ya saki ciki-ciki jin Ishaq zai fara takura masa da tambaya, shi ka'dai ya san damuwar da yake ciki shi kam, cuz tun jiya da Uncle J ya sanar da shi ya taso hankalin sa ya kasa kwanciya sam, tsoron abinda zai biyo bayan tattaunawar Alhaji da Uncle J yake yi...ko 'dazu da sassafe ya 'kirashi sunyi waya sai dai yace da shi yana Gombe amma suna shirin tasowa da yake acan ya kwana saboda doguwar tafiya ce.

   Yanda yake jin ransa cikin 'kunci ne ya sanya bai 'kara ko da mintina goma tare da su Ishaq ba kawai yayi musu sallama ya wuce gida abinsa...da tunanin ko zai 'dan samu nutsuwa, sai yanzu yaga wautar sa, da tunda Husnah ta tabbatar masa da cewa babu komai ta 6angaren ta sai ya saki ransa da tunanin ba itan bace Alhaji ke hari, shab ya manta da cewar Alhajin jiran zuwan Uncle J yake yi suyi magana, ya manta ashe isowar Uncle Ja'afar da abinda zasu tattuna shine babbar damuwar sa, duk dama dai yana tunanin Uncle J zai goyi bayan sa ne amma idan Alhaji ya sanar da shi komai fa...shikenan kashin sa ya bushe kenan...da wa'dan nan tunanin ya isa gidan nasa ya bu'de ya shiga bayan ya sallami 'dan sahun da ya sau'ke shi.

Akwai research 'din ma da yake son yi ga kuma damuwar da ta dame shi  shiyasa yafi bu'katar ke6ancewa shi ka'dai batare da an takura shi ba...addu'ar sa kawai shine Allah yasa tattaunawar ta su ta kasance masa alkhairi...amma sam baya wani son aure yanzu inda ace ra'ayin sa za'a bi...dama lokacin da Nanne ke raye ne zazzafar soyayyar da yake yi mata ya sashi tunanin auren ta a lokacin batare da ya ko dubi 'karancin shekarun sa ba, yanzu kuwa da babu wata cikin ransa sai yake jin yama tsani zancen auren, in kuwa ya zama dole sai an masa ne ma to Allah ya sa ba da Husnah Alhaji zai ha'da shi ba..sam ba zai iya kallan ta matsayin matar sa a cikin gidan sa ba shi kam.

Da shigar sa gidan ya maida 'kofa ya rufe harda datsewa da sakata kamar su Ishaq 'din sunce da shi zasu biyo bayan sa..a palour ya yada zango bai ko nemi abinci ba, batare da 6ata lokaci ba kawai ya fara abinda ya kawo sa.

Ya 'dauki a 'kalla kusan awa guda da 'yan mintina zaune a wurin yana aikin research cikin laptop 'din sa, bazata kawai sai yaji 'karar wayar sa tana rurin neman agaji.

Sai da ya 'dan saki tsaki kafin ya mi'ka hannu ya lalu6o wayar kamar baya son 'dagawa, ganin sunan da ke yawo kan fuskar wayar ne ya sashi saurin dai-dai ta zaman sa sannan yaja recieve.

"...Yaro na gani a Dutse...kana cikin school ne ko kuma kana gida?"
Muryar Uncle Ja'afar ne ya fa'di hakan wanda daka ji yanayin yanda yayi maganar ma zaka san cewa cikin tsananin farin ciki yake.

'Bangaren Yah Deen kuwa da jin abinda Uncle 'din yace sai da kansa ya sara masa wani gif..yaji tamkar sau'kar duwatsu a tsakar kansa...cikin ransa ya saki salati..sannan a fili yace" Uncle dagaske?"
Idan kaji yanda yayi maganar cike da mamaki zakayi zaton ko tsabar farin cikin da yake cikine ya sanya shi furta hakan, amma ina ba haka bane, tsanar ru'dani ne kawai yasa shi shiga wannan yanayin cuz bai yi zaton zuwan Uncle J har garin da yake ba sam bai yi wannan tunanin ba ma koda wasa.

Maganar Uncle J da yaji yana fa'din" Da gaske mana ko in koma ne?"
Shine yayi saurin dawo dashi hayyacin sa...cikin rawar murya yace" a a na isa ince ka koma ne Uncle... ina gida yanzu haka".

Sai da ya fa'di hakan kafin ya tuna babban kuskuren da ya tafka, sai dai yana shirin sake yin magana yaji Uncle J ya yanke 'kiran...bai ko tambayi address 'din gidan ba da yake tun zuwan Yah Deen na farko da shi akayi komai.

Tuni ya jima a tsaye hakan yasa ya dafe kansa da hannun sa 'daya thinking of yanda zai yi ya 6oye zaman sa da Husnah a gidan, yasan idan Uncle J yasan wannan labari cin 'kaniyar sa zai yi bada wasa ba kuwa.

Wayar tasa ya jefa kan kujera sannan ya fara waige-waige cikin palourn yana duba ko akwai wani abu da ya shafi Husnah da zai yi saurin bayyana zaman sa da ita amma luckily babu komai da ya dangance ta illah earings 'din ta dake kan center table ajiye.

Da sauri ya 'dauka yaje 'dakin ta ya wulla shi...zuciyar sa cike da tunanin me yasa Uncle J zai yi masa haka? Me yasa tun jiya da yau da sukayi bai sanar da shi zai zo ba har sai da ya iso tukunna...ai da ya san cewa Jigawa zai fara zuwa da tuni ya sallami Husnah da komatsan ta kaf ta bar masa gidan sa tuntuni.

Kitchen ya shiga nan ma ya fara dube-dube sai dai bai ga komai da zai iya tona asirin sa ba, kitchen 'din tsaf-tsaf babu alamun 'kazanta acikin sa tamkar wanda ba'a amfani da shi, duk kuwa da yana da tabbacin aranar ma bata fita ba sai da ta yi girki, shi kansa yana yabawa da tsabtan Husnah cuz ya san A ce ita 6angaren tsaftar jiki da na muhalli gaba 'daya.

Daga kitchen sai ya nufi 'dakin sa nan ma bai ga komai da ya danganci mace ba, cuz daga sun tashi a bacci take tattare komai ta gyara tsab...har bayin sa ya le'ka amma duk bai ga komai ba...duk da haka sai da ya tsaya ya 'kara kimtsa 'dakin yanda Uncle J ba zai zargi komai tare da shi ba...gadon shi tsaf a gyare ga shi ko'ina na 'kyalli tamkar ba mutane ke rayuwa cikin gidan ba...

Duk abin nan da ya ke yi kuwa cikin hanzari da rikicewa yake yin komai dan yasan Uncle Ja'afar na iya isowa a kowani lokaci..ya tadda shi.

Sai yanzu ma yake jin haushin kansa da ya riga ya furta cewa yana gida, da yace masa yana school kawai in yaso sai yayi gaggawan komawa cikin makarantar su ha'du acan amma ina...ya kwafsawa kansa.

Kafin ya baro 'dakin nasa sai yaji daga can waje ana buga 'kofar shiga gidan.

A 'dan dake ya fito kasancewar mutun 'daya yake tsammani a lokacin,   abinka da marar gaskiya yana tafiya amma idanun sa tsuru tsuru yana sake bin ko'ina da kallo...fargaba yake yi kar asirin sa ya tonu, in har Uncle Ja'afar ya san cewa da mace yake zama agidan ai yasan kashin sa ya bushe, aure kuwa bai isa yace baya so ba koda mata hu'du aka ce za'ayi masa  saboda hukuncin abinda ya aikata...bai isa ya ja da Alhaji Baba ba ko giyar wake yake sha duk bayan mintina.

Sai dai yana fita harabar gidan wani tashin hankalin ya ziyarce shi, dalilin cin karo da yayi da kayan Husnah shanye a igiya a gaban gidan...."Subhanallahi"
Ya furta afili sannan da gudu-gudu sauri-sauri ya isa ya fara tattare su yayin da ake cigaba da bugun 'kofar daga waje alamun an 'kosa da bugawa.

Da hanzari ya kai kayan 'dakin ta ko shiga bai yi ba ma  watsa su kawai yayi sannan ya jawo 'kofar ya datse da key ya cire key 'din ya kai drawer 'dakin sa ya 6oye...sannan ya sake fita karo na biyu yana gyara zaman rigar da ke jikin sa..at same time yana baza idanuwan sa cikin gidan gudun kar yabar wani abin.

Yana cire sakatan 'kofar Uncle J yace" Sai yanzu ka ga damar bu'dewa ko..miye ma na kulle gidan bayan na riga na sanar da kai ina hanya soon?"

" Sorry Uncle...bayi na ke ne shiyasa".
Yayi maganar yana kar6an jakar dake tare da shi.

Murmushi Uncle J yayi sannan ya sa 'kafa ya shigo gidan, Yah Deen nayi mai barka da isowa.

A palour suka yada zango Yah Deen yaje ya kawo masa ruwa ya ajiye gaban sa, sai dai bai ma shaba kawai yayi murmushi yace da shi..." Mai ya kaini zuwa wurin 'dan makaranta da ishi, nasha ruwa na tun kafin na iso ni kam".

Shima Yah Deen 'din murmushi yayi kawai yayi yana sosa kansa, jin sa yake tamkar akan 'kaya yake tsaye, bai san mai yasa Uncle J yi masa irin wannan zuwan ba sam...shi da yace zai taho kan maganar Alhaji Baba kuma ya akayi ya 'karaso nan.

'Ko'karin zama gefen sa yake sai yace da shi" Ka shammace ni gaskiya Uncle..ban ta6a zaton zaka iso Jigawa ba fa..da na shirya maka better ai..."
Ya 'kara she maganar da sigar zolaya.

Uncle J bai bi ta kan maganar da yayi ba sai ya 'dan 'kan'kance idanu yana kallon fuskar sa yace
" Sai naga ma kamar bakayi murna da zuwa na ba Mu'een ko duk farin cikin zuwan nawa ne ya maida ka haka?"

" Ya ka ganni Uncle na canza ne?"
Shima ya tambaya yana bin jikin sa da kallo.

" Ai yanayin ka ka'dai ya bayyana min halin da kake ciki...meke faruwa da kai to ko zafin karatu ne, gashi ma naga ka baza takaddu ko'ina a gidan".

Murmushi ya 'ka'kalo sannan yace " Kamar kuwa ka sani wallahi, kasan yanzu mun zama manya karatu babu sassauci har kaina na 'dan min ciwo ma wasu lokutan".

" ..'Kilan baka baccin dare da kyau ne ko?"
Uncle J ya tambaya yana kallon sa.
Sai yace
" Ina yi Uncle kawai damuwa ce ta ishe ni sosai".
" Subhanallah..damuwa wace iri kuma Mu'een da baka iya ka sanar min ba tuntuni".
Uncle J ya fa'di yana duban sa da kulawa.

Kalar tausayi Yah Deen yayi yace" Maganar Alhaji Baba nake ta tunani Uncle, ban san inda maganar tasa ta kwana ba, kuma har yau bai sanar da ni komai akai ba.."

"...Ka kwantar da hankalin ka abinda ya kawo ni ma kenan fa musamman...amma sai naga dacewar zuwa in ganka tukunna kafin mu gana da shi..."

" Uncle to ya ake ciki ne..?"
" Ba komai ka kwantar da hankalin ka nace ai duk yanda mukayi da shi zan sanar da kai..amma dai yanzu ina so fara ka sanar dani abinda kace idan nazo zaka gaya min...menene silar tado maganar auren tell me".

Shagwa6e fuska yayi yace"...Nifa ba komai Uncle...ina dai zargin yaga lokacin da wata course mate 'dina tazo wuri na amsan wani manual ne shiyasa.."

Uncle J ido ya tsura masa yana kallon sa da son karantar yanayin sa..so yake ya fasa maganar dan ya fahimce ta da kyau ya kuma san fassarar da ta dace da maganar tasa

Shi kam wuya ya karyar gefe looking so innocent...idanun Uncle cikin nashi yace"
Wata daga ina kenan?"
" Azare".
Yace a hankali.

"..Tun daga cikin Azare ta bika har Shuwarin dan kawai kar6an manual...ka gaya min gaskiya Mu'een..banson 'karya nasan haka nan dan 'dan wannan dalilin Alhaji ba zai ce zai yi maka aure ba.."

"...Uncle da gaske babu komai..ni kam iya abinda na sani kenan".

Tsaye Uncle Ja'afar ya mi'ke yana nanna'de hannun rigar sa yake fa'din" Bari mu hanzarta zuwa masallaci kar mu makara".





Comment
Vote
Share





*Salmerh ce* 😍

💕 *NOORUL* 💕
      (Haske nah)

By
*Salmerh MD*
 

*Wattpad @*
*Serlmerh-md*

💫 *DA BAZARMU* *WRITTER'S ASSOCIATION*
💫
We are here to make you happy,smile,educate and to realized that we are the best among all.....
*DA BAZARMU* *MUKE TUN'KAHO*

_*Daga marubuciyar Littafin CAPTAIN ABBAS*_

*Bismillahir* *Rahmanir Raheem*

Those who remember Allah standing, sitting, nd lying down on their sides, nd think about d creation of d heavens nd d earth, (saying): “Our Lord! You have not created all this without purpose, glory to You! Give us salvation from the torment of the Fire.(Ali ‘Imran,3:191)🌷

🅿 *47*

'Dakin Yah Deen suka shiga tare inda yayi masa jagora gami da nuna masa bayin yace" Bismillah".

Shiga yayi ya 'dauro alwalar ya fito, yana fitowa sai idanun sa ya sau'ka kan gadon Yah Deen yanda ya sha gyara sosai sai da ya bashi mamaki, yana murmushi bayan ya kawar da idanun sa yace" Ashe fa yaron nawa nada tsafta sosai, irin wannan gyaran gado da ka iya ai har kafi wasu matan ma...kenan ma ko auren Alhaji yayi maka matar bazata sha wahala ba tunda har ka iya 6ata lokaci kayi irin wannan gyaran to sauran ayyukan ma duk zaka iya su...yaushe ka koyi aikin mata har haka ban sani ba...?"

Dum zuciyar sa ta tsinke da 'karfi dan yasan ba shine yayi komai ba.

Yayin da Uncle ya cigaba da fa'din" Kaida na san ko sharar 'dakin ka ma wahala yake baka ada...amma ji gidan nan fa ko'ina tsaf..."

  Murmushin 'karfin hali kawai ya 'ka'kalo ya sanya wa fuskar sa, sai dai inda zaka tona zuciyar sa Allah ne ka'dai ya san yawan beating 'din da take yi wanda ya kasance ba bisa ka'ida ba, a zahirin ma bai iya ya furta komai ba...cikin ransa yake ayyana" Allah ka rufa min asiri...harda rero addu'ar _Allahu Allahu Rabbii..la'ushriku bihi shai'an_..Har baisan sau nawa ya ambace ta bama tsabar rikicewa.

Da haka ya nifi hanyar bayi yana mai sunkuyar da kansa 'kasa...cikin zuciyar cike da tunanin..in shine zai yiwa mace irin wa'dan nan aiyukan ashe kuwa ba zata ta6a zama da shi ba har abada...baki ya ta6e sannan ya shige bathroom 'din.

Alwalar shima ya 'dauro ya samo Uncle a palour wanda da ganin sa sai ya mi'ke yana sake bin palourn da kallo yace.." Wai har da wannan abin matan ma ka'iya amfani da shi?"

Wannan karan kam sai da ya lumshe idanu ya furta" Rabbi help me" Kafin ya juyo ga Uncle 'din bayan ya bu'de idanu cikin dakiya ya amsa da fa'din" Wani abu ne Uncle?"

Da baki Uncle J ya nuno masa Burner..sai ya saki salati cikin ransa shaf ya manta da shi kwata-kwata in ba dan haka ba ai da ba zai bari ba ma balle har yazo ya gani, da i ina ya fara fa'din" Na..iya mana..Uncle ai babu wani wahala...Ishaq ne.. ya kawo min tsarabar turaren wuta daga garin su... kasan 'yan Borno ne su, shine fa na siyo wannan 'din".

Ya fa'di hakan ne kawai dan kare kansa amma ba wai dan ya san ko yanda ake kunna burner 'din ba..bai ta6a bi ta kansa ba, tsakanin sa da abin kawai yaji gidan sa na tashin da'd'dan 'kamshi idan Husnah ta kunna.

Hanyar waje suka nufa Uncle na fa'din" Ko de waccen yar Azare 'din ke zuwa tayaka ayyukan gidan?"
Ya fa'da da sigar zolaya.
Da sauri Deen ya ja ya tsaya kamar zai yi kukan an fara gano sirrin shi yace " Haba-haba.. Uncle kaifa mahaifi ne...me yasa zaka min irin wannan zargin dan Allah..yarinyar da ma tun dawowa ta bansa ta idanu na ba taya zata taya ni yin wani abu?"

Murmushi Uncle J yayi sannan yace" Abin naka ne ai da ban mamaki ga duk wanda ya sanka Mu'een..."

Shiru yayi bai sake fa'din komai ba, cuz ya lura idan ya cigaba da tanka masa zai iya tona asirin kansa da kansa.

Da haka suka nufi masallacin still Uncle J na sake masa zolayar shifa sai ya fa'da masa inda ya koyi aikin gida har haka".

Da 'kyar ya samo abin fa'da cikin ransa bayan ya gama tsarawa sannan daf da zasu shiga Masjid ya furta" Zama ni ka'dai ne ya sani koyan komai Uncle harda girki ma duk na iya yanzun".

Yayi maganar ne afili amma cikin ransa da fatan Allah yasa kar Uncle ya sake fa'din komai...
Cikin sa'a kuwa murmushi kawai yayi masa da jin amsar da ya bashi.

Ganin hakan kuwa sai da ya sa shi sakin ajiyar zuciya ciki-ciki, wani 6ari na zuciyar sa kuma na fatan Allah yasa kar Husnah ta dawo gidan balle Uncle ya ganta ya gaskata zargin sa.

Ko da ya idar da Sallah ma sai da ya ro'ki Allah akan ya rufa masa asiri ya kautar da idanun Uncle da tunanin sa akan rayuwar sa.

Da ikon Allah kuwa suna dawowa daga Masjid 'din sai Uncle J yace shi kam zai wuce kar yamma ta same shi.

Sai da ya sake tambayar Yah Deen akan abinda suka tattauna farkon isowan domin neman 'karin bayani, Mu'een sai cewa yayi" a a ya bari kawai sai sunyi magana da Alhaji Baba tukun..ya 'karashe da fa'din" Ni dai auren banaso yanzu Uncle"

Ya fa'di haka ne  kawai gudun kar ya tonawa kansa asiri da abinda zai sake furtawa musamman da ya san cewa yanzun Uncle J ma na jin zargin irin rayuwar da yake yi cikin zuciyar sa duk da be bayyana gaba 'daya ba but dole ya san akwai ayar tambaya cikin ransa.

Uncle kuwa cewa yayi" Idan Alhaji ya dage akai dole ne kayi ha'kuri, sannan kasani nima bazan yi ta jajayya da shi ba tunda auren ba haramun bane ha'kuri kawai zakayi kayi na'am da batun...

Yatsa ya 'dago ya nuna shi da shi sannan ya cigaba da fa'din" Kuma ka sani idan har ka kuskura bincike na ya bayyana min rashin gaskiyar ka akan maganar nan, ko kuma naji wani abu na daban kai kanka kasan ba zamu shirya da kai ba ko?"

Shiru yayi illah jinjina kai da yayi  yana mai sau'ke idanun sa 'kasa...

Wanda ganin hakan yasa Uncle J sau'ke ajiyar zuciya
bai wani 6ata lokaci ba kawai ya 'dau jakar sa Yah Deen sai yayi saurin amsar jakar daga hannun sa...suka fice daga gidan Deen ya sake kullewa.

Suna kan hanya yana raka shi kafin su isa bakin titi sai ya hango Husnah na tahowa cikin tafiyar ta mai 'daukan hankali..take hankalin sa ya tashi fiye da zaton mai karatu"