You Cannot Download this book untill you login but you can read it .

---

Login Register

sani ba ashe yanzu Fiddausi kunya ta wai take ji ne shiyasa haka ma Mimah su aganin su wai zanga kamar su munafukai ne shiyasa suka 'dan rage shiga jiki na, Mummyn su kuwa dama bata da labarin komai.




*****
         Ciki na 6months muka je Shuwarin ni da shi bayan tsawon lokacin da na 'dauka ban je ba, domin kuwa wannan shine zuwa na karo na biyu kenan tun bayan komawar mu Bauchi da zama, Ammi na murna sosai tayi da ganina,  bakin ta sai ya kasa rufuwa, yayin da ni kuma tsananin kunyar su ya rufe min zuciya ta, sai dai nayi ta sunkuyar da kaina ina murmushi kawai.

Kunyar su nake ji tamkar bada su na taso ba, Yah Deen ma murmushi yayi ganin yanda nake yi 'din sai dai bai ce da ni komai ba.

Ammi tamkar zata goyani data ga ciki ajiki na, cikin gidan babu wanda ya 6oye farin cikin sa game da cikin balle ma da yake su Saif na gida sai nake jin wani iri.
Har ma sai naji dama ban biyo shi munzo ba.

Gashi har 1week yace zamu yi kafin mu koma, ni yanzu kowa ma sai inji kunyar sa Yah Deen ka'dai ne ban jin nawin sa a wannan lokacin.


Su Zaid angama makaranta duk sun 'kara girma shekara 'dayan da ban gansu ba sai naga sun canza min sosai.


Ganin cewa yanzu da da da banbanci yasa kowa yanzu 'dakin sa daban ne, 'dakin su na da shi Zaidu ya cigaba da zama a ciki yayin da sabon 'dakin Saif yake facing da na Yah Deen inda muka sau'ka kenan.

Washe gari da yamma ya kaini gidan Ummah ta, sai naji can 'din na 'dan fi sakewa da yake daga ita sai Ummie ne agidan na ukun sai ni da nazo.

Bana aikin komai kuwa dan ko Ammi bata bari na in tayata aiki haka ma Ummah ta, ni kam har dariya suke bani ince hala manatawa suka yi cewar aure nake da shi yanzu, ko da banyi musu aiki anan ba dan cikin ai idan ina Bauchi ni ke yin duka aiyuka na.

Abin mamaki inje gidan su Addah Saudah ma dana tambaye shi Yah Deen hanani yayi wai yanzu banda lafiya in bari sai wani lokacin ko kuma in 'kira in sanar da su nazo sai suzo mu gaisa.

Haushi ma sosai ya bani a lokacin 'kin kulasa nayi, dan banga hujja ko manufar yin hakan ba, har ya kashe wayar bance da shi komai ba.
Ace inzo har cikin garin amma zuwa gidajen su ne za'a ce bazani ba?"

Sai daga baya bayan kusan awa guda na sake 'kiran sa kamar zan yi kuka nace da shi" Ai zan iya tafiya ni babu abinda yake damuna, amma ai in banje ba bazasu ji da'di ba".
Sai yace" To ki bari zanzo in kaiki".
Da sauri nace" Ni kam a a".
Jikin sa sanyi yayi cikin natsuwa yace
" Saboda me?"
Nace" Haka kawai".
dan nasan in shine ya kaini atsatstsaye  zai ce mu dawo kamar yadda yake min idan kuma je gidan Safwan ko gidan Mummyn sa, kuma gashi yau 'din har gidan Yah Usman da Binta 'kawata nake son naje.

Jin amsar da na bashi ne ya sashi fa'din" To shikenam.Allah ya tsare".
Na amsa da" Ameen"
Ni da Ummie muka tafi, in kinga yanda nake tafiyar ma da 'kyar dan ba laifi cikin na min nawi ka'dan ga kuma 'kafafuna da suke min ciwo amma a hakan na dage dole sai na fita.

Kowa idan ya ganni sai yayi farin ciki da zuwa na,   kowa na murna da yanayin da suka ganni, yayye na ka'dai ne amma ke jajanta min halayyar miji na sai inyi dariya in 'kara da yi musu 'karyar ai yanzu da sau'ki komai ya wuce, kuma muna cigaba da addu'ah har kullum.

Kwana na biyu agidan Ummah ta Yah Deen yazo muka koma gida, ban tashi sanin manufar dawo da ni ayau 'din da yayi ba sai da naga yana neman ra6ar jiki na, nan kuwa nace bansan zancen ba, duk da nasan tun kafin zuwan mu Shuwarin ya 'daga min 'kafa kusan kwanaki goma kenan yanzu amma still na kauda kaina na'ki amince masa nace ni kunya nake ji agidan Ammi, ganin cewa gidan Ammi muke sai na fake da hakan, kuma har ga Allah ni banaso irin haka ya shiga tsakani na da shi a irin wajen nan bana iya sakin jiki na.


Duk yadda yaso ya fahimtar da ni halin da yake ciki kuwa 'kin sauraran sa nayi na kawar da kaina, Yah Deen baya ta6a matsamin kan bu'katar sa matu'kar na nuna 'kin amincewa ta, dan haka sai ya 'kyale ni yayi kwanciyar sa.

Da kaina nasan zunubi babba nake 'dibarwa kaina matu'kar na'ki yadda da bu'katar san hakan yasa da gari ya waye idan nayi sallah na gaishe shi sai kiga na marairaice fuska nace da shi" Ka yafe min ko?"

Da yake ya saba ba sai ya tambayi dalilin yafiyar ba zaki ga yayi murmushi  shi kenan abin ya wuce nima sai in saki raina, ko da wasa bai ta6a fitowa fili ya nuna min 6acin ransa kan haka ba, kuma ko a gidan mu can Bauchi haka nake yi masa a duk ranar da nasan ya kwana da 6acin raina da yayi murmushin nan kuwa nasan me yake nufi.

Washe gari da misalin 'karfe goma na safe yace wai in shirya in raka shi wancan gidan zamu dubo wasu kaya, duk da a tsare da fuskar sa ta asali ya min maganar amma hakan bai sa naji ko 'dar cikin zuciya ta ba, shiru nayi ina tunani sai da ya sake maimaitawa sannan na bashi amsa da fa'din" Ni dai bazani ba sai Saif ko Zaidu wani raka ka".
Da mamaki ya kalle ni yana 'kan'kance idanu, taurin kanki 'karuwa yake yi kullum Nuree, yanzun duk kina yin hakan ne dan ki guje min ko me?"
Girgiza kaina nayi idanu na na tara ruwa.
Sai yace" To menene?"
Nace
" Ni kawai banson zuwa gidan ne, ko sunan unguwar banaso inji raina 6aci yake yi idan naje kuwa mutuwa zanyi...".

Shiru yayi yana kallo na cike da mamaki, sannan yace min wai saboda me?"
Nace "Kai ne ai...".
Sai na kasa 'karasawa kuka ya 'kwace min.
Idanu ya lumshe ya dafe kansa cike da damuwa, shi kansa baya so in yawaita tunawa amma ya zaiyi da bu'katar sa, da kansa yasan bai kyauta ba amma zuwa yanzu ai kamata yayi ace na manta na kuma yafe masa...tunda ko giya cecruwan shansa a yanzu bazai ta6a iya sake kawo wata macen cikin gidan auren sa ba indai ba aure ya 'kara ba.

A hankali ya tako ya iso inda nake, kaina ya ya kwantar kan 'kirjin sa batare da ya furta komai ba idanun sa a lumshe, sosai yake danasanin wancan scene 'din, shi kansa bai san me kaishi har yayi haukan 'kiran Husnah gidan ba bayan ya tabbatar ba shi ka'dai ke rayuwa cikin gidan ba.

Ada kam yayi hul'da da Husnah sunyivrayuwa mafi muni kuma yasan duk laifin sa ne shi ka'dai amma yanzu bazai raba 'daya 'dayan biyu ba cewa ko da ya kuma neman wata to laifin har da na Noor aciki, ko neman Yusrah da yayi yasan harda nata laifin ma domin ba kullum take yadda da bu'katun sa ba.

Shi kuwa har kullum al'kawarin da yayiwa Ammi akan Noor shi yake son cikawa, shiyasa tun zaman su da ita baya ta6a matsa mata akan komai, koda kuwa abin zai iya cutar da shi ne yakan mata yanda take so.

Amma yana ganin wannan tafiyar tana cutar da shi ka'dan-ka'dan dole saj yayi wani yun'kuri bawai dan ya sa6a al'kawarin Ammi ba, a a sai dan kawai ya gyara rayuwar gidan sa.

Ko ita kanta Noor in kamata yayi ace bai karya al'kawarin da 'daukan ma kansa na rabuwa da Kowa ba dalililn ta, alokacin da ta yi masa halacci, amma sai gashi tun ba'aje ko'ina ba ya rusa komai, yayi 'ko'karin koyar da ita zama da shi yavwatsar da komai da na rayuwar sa na baya musamman da yake yanzu yana da iyali ba kamar da ba,  amma sai yaaka rashin sa'a domin da kansa ya fahimci itan she is not ready at all hakan yasa ya 'kyale ta kawai.

Hudah yarinyace mai ha'kuri, kawaici da kuma sanyin hali, amma a 6oye taurin kai ne da ita matsananci, ga kuma nuna halin ko in kula akan komai, sau da dama yana gudun tunkaran ta ma da wasu bu'katun nasa saboda sanin halin ta da yayi yanzu sai ta nuna bata so kuma shi bazai iya tilastata ba musamman ma saboda kashedin da Ammi tayi masa akan 6ata mata rai da suka yi babu wanda ya sani daga shi sai ita Ammin.

Hakan yasa ko cikin gidan sa ba sosai yake sakin jikin sa ba saboda ance yawan zama shike yawan kawo sa6ani har ya kai ga 6acin rai, Ammi kuwa cewa tayi matu'kar hawaye ya sau'ko a idanun Noor sanadin.6acin rai wallahi bata yafe masa ba, shiyasa yake binta da duk yanda yaga take ra'ayi a kullum 'ko'karin sa bai wuce yaga ya faranta mata ba ko da ka'dan ne duk da itan bata bayyana jin da'din ta afili.

A mafi yawancin lokuta idan yayi mata abu godiya ka'dai ke raba su bata ta6a nuna jin da'din ta har shima ya fahimci irin abinda yafi zama mata arai, wannan halayya ta Noor yasan ba kowa ya sanshi ba, sai ma yake ganin kamar shi ka'dai take yiwa hakan cuz da ba haka take ba, yasan ko da ya fa'dawa Ammi ba yadda zatayi da shi ba dalilin kenan da ya sanya shima ya fita harkar ta, duk yadda take ha'da masa zafi amma baya damuwa da duk wani abinda zatayi masa kuma baya ta6a nuna mata cewa abin na damin sa.

Shiyasa ma ko lokacin da yaga Yusrah batare da 6ata lokaci ba ta shiga ransa har ya nemi ha'da ala'ka da ita, da kansa yasan da wuya ne ya iya daina kula wasu matan matu'kar zaman nasu ya mi'ke a haka da ita......


Bai ce da ni 'kala ba nima ban damu ba dayake dama a haka ya saba lallashi na lokuta da dama idan ina kuka.

Ko yanzun ma da na gaji da kuka na da kaina nayi shiru ni dai abu 'daya da na sani kawai shine bani ba wancan gidan har abada al'kawarin da na 'daukar wa kaina kenan tun abaya.

Tun daga ranar kuwa Yah Deen bai sake tada batun zuwa wancan gidan da ni ba har muka koma Bauchi...wanda sai bayan komawar mu ne kafin ya samu damar kasancewa dani sai da kuwa ya tabbatar min da cewa duk rigimar da na tayi masa abaya bashi na 'daukam ma kaina.

Haka na cigaba da rainon ciki na har ya shiga wata tara...Yah Deen ma koka'dan bai rage 'kalilan daga cikin lokacin sa da yake bani ba, zuwa yanzun kuwa da sau'ki ba laifi dan har muna zama muyi hira da shi, wani sa'in ma har ina bacci da kaina bisa 'kafafun sa.

Idan ya dawo aiki kuma da kansa yake mammatsa min 'kafafu na wani sa'in kuma mu fita zagawa batare da mota ba...wai exercise amma da nace na gaji zai ce to ya isa mu kom gida.


*****
      Wata tafiya ce ta taso masa zuwa aiki a wani 'kauye dake 'kar'kashin jahar Bauchi domin, bai so tafiyar ba saboda ganin na shiga watan haihuwa ta amma sai ya kasance dole sai da shi tafiyar.


Ko kafin ya tafi yayi da ni akan in shirya ya kaini gidan Mummyn Safwan amma na 'ki amincewa,  duk yadda ya nuna damuwar sa 'ki nayi nace masa ai bakomai da naji wani abu zan 'kira ta.

Ai kuwa tunda ya tafi hankalin sa bai kwanta ba, wani iri yake jin ransa ya kasa sakewa, a koda yaushe 'kiran sa zaki gani yana shigowa wayata" Yah Deen". Kamar yadda yake arubuce.

Da yaji lafiya ta kuma shikenan, anjima ka'dan zaki sake ganin 'kiran sa, idan da wasu nake tare a gidan har haushi zasu ji a yanda yake damuwa da jin lafiya ta 'din.

Bayan tafiyar sa da kwana hu'du lokacin ma waya muke yi da shi sai na fara jina cikin wani yanayi baya na na suka na, ban ma zaci wani abu  babba ba ne amma kuma sai ban 6oye masa ba kamar wasa na gaya masa.

Ai kuwa take naga ya 'daga hankalin sa, ya ringa tambaya ta bayan hakan kuma me nake ji nace bakomai, duk da hakan ransa ya kasa sakewa yace bari ya 'kira Safwan gara inje asbiti aga halin da nake ciki ko kuma ya turo wata Nurse ta duba ni.

Kashe wayar da muka yi abin sai ya 'karu min kamar jira yake yi dama.

Nan na fara cije lips ina kwafa fuska ta, nan take kafin kice miye wallahi har na raina kaina, shi kuwa bayan 'kiran da yayi ya fa'dawa Safwan in sai ya sake 'kiran waya ta  amma ina ji na kasa 'dagawa, sai da ya sake 'kira kafin na 'daure na 'dauka wanda sai a lokacin naji ciwon ya 'dan lafa min ka'dan.

Yace
" Ya dai"
Nace masa
" Babu".
Sai yace" Na 'kira baki 'daga ba.."
Katse shi nayi da fa'din" Wayar ce ai ta fa'di ni kuma na kasa 'dagowa".
Murmushi yayi kawai sai ya tambaye ni yace min" har yanzu kina jin ciwon ko?"
Da sauri na bashi amsa da fa'din
" a a ka'dan-ka'dan ne".
Sai yace" 'karya..ai naji muryar ki ta canza ba kamar 'dazu ba".
Shiru nayi masa hannu na 'daya kan marata ina cize la66ana, jin.nayi shirun ne ya shi fa'din" Yanzun nan Hibbah zata zo ta duba ki, kar ki yi mata rigima kinji".

" Uhum".
Na amsa masa 'kasan ma'koshi na.

Sai yace" Yauwa Nuree na, kar fa ki 'daga hankalin ki idan kinji ciwo sosai sai kina addu'ah kinji".
" Uhum".
Na sake fa'di akaro na biyu.

Sai yace" barin in 'kira inji ko ta taho".
Ban ce komai ba yanzun kam har ya yanke 'kiran.


Ba'a 'dauki wani dogon lokaci ba da yin wayar tasa kuwa sai wata Nurse Hibbah ta zo gidan ta duba ni kamar yadda ya saba yi min idan naji wani canji ajiki na.

Nan tace ai wai haihuwa zanyi, ina jin haka na fara kuka ina 'kiran Ammi na.

Ganin yanda na rikice 'din ne yasa ta faki idanu na ta sanya wayata a silent wai dan kar hankali na ya tafi ga wayar ko da an 'kira ni.

Ina kukan 'kiran Ammi sai naji ciwo gadan-gadan ya taso min, take akalan kukan nawa ya canza na fara na gaskiya, Allah cikin ikon sa kuwa cikin 'kan 'kanin lokaci na haifo yarinya ta 'yar cukul da ita sai dai ace Masha Allah.

Nurse Hibbah ita tayi min komai ta gyara babyn tsaf yarinya sam barka mai kama da Yah Deen abinta.

Sai da ta kammala komai kafin ta ciro wayar ta nan taga tarin missed calls da yake natan ma silent ta saka shi, ni kam ma babu labarin tawa.

Yah Deen ne yayi ta 'kiran ta da dani da yaga duk bamu 'daga ba sai ya 'kira Safwan, shima yayi ta 'kiran Hibban amma ba response hakan yasa ya fito da niyyan zuwa gidan namu da kansa  musamman jin yanda hankalin abokin sa yake a tashe.

Har kuwa ya shiga mota sai yaga Hibbah ta 'kira shi yana 'dagawa kunnuwan sa suka cika  da albishir 'din haihuwa ta tana dariya.
Safwan "Alhamdulillah" ya furta a fili.

Suna gama wayar ya 'kira layin Yah Deen ya samba'da masa labarin shima, ai farin cikin Yah Deen kam abin ba'a cewa komai domin sam bazan iya misalta shi ba.

Hibbah na shirin 'kiran sa sai taga ya 'kira ta shima,  tana 'dagawa ya hau yi mata godiya da fa'din" Nagode Hibbah...Allah ya baki abinda kike so, yaya iyalai na hope duk suna lafiya ko?"
" Lafiya lau".
Nurse Hibbah tace da shi.
" Alhamdulillah" ya sake furtawa a fili sannan ya 'kara da fa'din wai Hibbah ta kula masa da mu kafin ya iso dan Allah.

Tace" Bakomai Dr.

Jiyake Tamkar yayi tsalle saboda murna, a ranar kowa da suke tare sai da suka san yana cikin farin ciki.

Kafin cikar awa biyu da rabi kuwa har ya iso gida, a lokacin ma Mummyn Safwan tazo itama tun zuwanta kuwa Hibbah ta koma asbiti, inda ta taho min abinci daga gidan ta har da kunun tsamiya.

Abincin kam ban iya naci ba saboda baki na babu da'di amma kunun tsamiyan na shashi ba laifi yayi min da'di ga  'kamshin kayan yaji da yaja hankali na.


Tashi na daga bacci kenan ina zaune bakin gado yayin da Baby ke ri'ke a hannun Mummy tana shirin kwantar da ita gefe na....jiki na ciwo yake min ina ta 'da'ddaure fuska ta Mummy kuma na tsaye tana min sannu sai muka ji sallamar sa.


Ko 'daga kaina ban yi ba ina wasa da yatsun hannu na, Mummy ce ta amsa sallamar tasa gami da yi masa barka da isowa, gaida ta yayi idanun sa na kaina, Mummy na amsa gaisuwar tasa take mi'ka masa Babyn, suna gama gaisuwar kuwa ta fita can palour ta zauna abinta.


Yah Deen kam a hankali ya 'karasa bakin bed 'din, gefe na ya zauna tare da mi'ka min hannun sa 'daya, hannun dama na na 'daga na sanya cikin nashi, sai yayi sama da  hannun zuwa bakin sa ya sumbaci hannu na sannan yace" Thank u so much Nuree Ubangiji Allah yayi miki albarka".

Daga yanayin muryar sa zaka fahimci tsananin farin cikin da yake 'dauke da shi.

Ni kam bance da shi komai ba, a hankali ya kwantar da kansa saman kafa'da ta, ya lumshe idanu sannan yace" Kin gama min komai Nuree, yau kin bani farin ciki, kin sada ni da sanyin idaniya ta..ubangiji Allah ya bamu ikon tarbiyantar da ita cikin muslunci bisa sunnar ma'aiki (S A W).."
Da" Ameeen" na amsa 'kasan ma'koshi na dan ni ka'dai nasan abinda nake ji a lokacin.

'Daga kansa yayi daga jikina sai yasa hannun sa 'daya ya bu'de fuskan babyn" Masha Allah"!
Ya furta a fili.
Sannan ya sake fa'din
" Allah nagode maka, yau gani ga jini na.."
'Dagowa yayi ya kalle ni yace" Kinsan sunan ta?"
Girgiza kaina nayi ina kallon sa, sai yace min" Sunan ta Aishatul Amin, my Jasmine.."
Murmushi nayi masa cikin jin da'di nace" Allah ya raya ta".
Raina fari 'kal dan nasan sunan Ammi na yake son sanyawa Babyn.

Motsi tayi tana 'dan mimmi'kewa cikin kayan ta Pink da aka sanya mata, Yah Deen yatsan sa yayi saurin sanyawa cikin hannun ta ai kuwa take ta ri'ke gagam kamar an ce mata ta aiakata hakan ne.









Comment
Vote
Share






*Salmerhn ku ce* 😍
💕 *NOORUL* 💕
      (Haske nah)


By
*Salmerh MD*
 

*Wattpad @*
*Serlmerh-md*


💫 *DA BAZARMU* *WRITTER'S ASSOCIATION*
💫
We are here to make you happy,smile,educate and to realized that we are the best among all.....
*DA BAZARMU* *MUKE TUN'KAHO*

_This page is specially dedicated to my luvly sis...Zainab Kabir Ingawa_ 😍 _Godiya nake 'kwarai da gaske._


_*Daga marubuciyar Littafin CAPTAIN ABBAS*_

*Bismillahir* *Rahmanir Raheem*


🅿 *71*


A fili ya bayyana murmshin sa cike da jin da'di ya 'dagota ya sumbaci goshin ta" I luv u ".
Ya furta a hankali.

Wayar sa ya ciro ya 'dauke ta pics kala-kala sannan ya maida wayar cikin aljihun sa, ni kam kallon sa kawai nake yi, da gama 'daukan pics 'din sai ya kwantar da ita a hankali kamar 'kwai ya sake lullu6e ta.

Gareni ya dawo ya sumbaci goshi na..fuskar sa daf da tawa ya tsaya kallon cikin idanu na.
Yi nayi kamar zanyi kuka sai yayi saurin tambaya ta" Me kike so?"
" Ni bakomai".
Na bashi cike da shagwa6a in kwa6a fuska ta.
Girgiza min kai yayi yace"  Ban yadda ba".

Shiru nayi ni kam nayi 'kasa da idanu na zuwa kan hannu na.
Shima nan ya maida idanun nasa, batare da 6ata lokaci ba ya kai hannun sa kan nawa.

Yatsu na ya sanya cikin nashi ya sarke su, a hankali ta yadda ni ka'dai zan jishi yace" Ji nake kamar dukkanin farin cikin rayuwa ta yana tare da ke ne Nuree please tell me what u want".

Ban bashi amsa ba sai na girgiza mai kaina.
Hannun nawa ya sake ya dube ni da kyau sannan yace" To bazaki kwanta ki huta ba zaman yafi miki?"

Da yake dama na gaji da zaman, da jin abinda ya fa'di sai na sake mi'ka masa hannu na 'daya, shine ya gyara min kwanciya ta yanda zan dinga hango babyn, kusa da kaina ta yadda ni.ka'dai yanzun ma ya kawo kansa a hankali ya furta" Nuree bacci ki huta kinji?"
Da kai na amsa shi.
Sai ya sake fa'din" Zan fita amma bazan da'de ba...Mummy ma na nan in kina bu'katan wani abu ki gaya mata kinji?".
" To" nace da shi murya ta 'kasa-'kasa.
Sai da ya shafi fuska ta sannan daga haka ya fice daga 'dakin.

Anty Zainab, Ishaq, Saif da kuma Zaidu su yayiwa  forwarding photon Babyn kowa 'da'd'daya...yana gama turawa kuwa ya danna flight mode a wayar sa.

Saif na kan WhatsApp a lokacin so shi a take ya ga sa'ko daga Yah Deen, ko da ya bu'de kuwa photon Baby ya gani 'kasan an rubuta _My Diamond_ ai da sauri ya mi'ke ya nufi 'dakin 'dan uwan sa, Zaid na baccin sa kawai yaji an 'daka masa duka gami da fa'din" Zaid tashi kaga ikon Allah....".
Saif ya fa'di cike da 'kaguwa.

Tsaki Zaidu yaja ya juya 'daya 6angaren yana 'kun'kunin Saif zai dame shi da wannan lokacin.

Ganin hakan yasa Saif bar masa 'dakin ya ja 'kofan, direct wurin Ammi ya tafi, yana isa wajen ta kawai ya mi'ka mata wayar sa yana murmushi yace" Ammi guess what?"

Kallan wayar tayi tace" Me ya faru? Kamar Baby nake gani ko?"
Tayi maganar tana mai kar6ana wayar daga hannun sa.

Hannu Saif ya 'daga yana murmushi yace" Ammi Yaya ne ya tura min yanzun nan, ina jin mun samu little pumpkin ne a gidan nan".
Ya 'karashe maganar da tsananin farin ciki kan fuskar sa.

Ammi da mamaki ta kalle shi sannan tace" Kar dai 'yata ce har ta haihu? shine Mu'een ko.sanar da ni bazai yi ba? me ta haifa kuma ikon Allah"

Saif cewa yayi" Nima ban sani ba Ammi kawai 'kira mana Yayan muji daga bakin sa".
Mi'ka min wayata a can ta fa'di tana me 'kara kallon wayar Saif 'din tana murmushin jin da'di.

Cikin rashin sa'a kuma ko da ta 'kira sai wayar tasa bata shiga ba, duk layukan sa ma a rufe suke abin sai ya 'daure mata kai gaba 'daya.

Tama cikin Jimantawa sai ga 'kiran Anty Zee ya shigo wayar ta wanda itama complain 'din ta kenan cewa taga pic 'din Baby but bata samun sa a waya kuma.

Ammi baki ta kama tace" Ikon Allah! Wallahi Mu'een Ja'iri ne, wannan wani irin abu ne haka? Muma nan kinga abinda muke kai kenan duk layukan sa basa tafiya..."

" Allah dai yasa lafiya".
Cewar Anty Zainab, yayin da Ammi ta 'kara da fa'din" Ni lafiyan yarinya ta ma nake son ji duk hankali na ya kasa kwanciya..."
Tana cikin fa'din hakan sai ga Zaidu ya shigo cikin 'daurewar fuska, gefen Ammi ya isa ya zauna yana fa'din" Me ke faruwa ne wai yau a gidan..? ina bacci na fa Saif yaje ya tada ni har da buga min mari a hannu na... sai kace nace ya dame ni...mtheew".
Ya 'karashe da jan tsaki.

Ammi ce ta bashi amsa da fa'din" Photon Baby yayan ku ya turo shine muke zaton ko matar sa ce ta haihu".
Duk mugun halin Zaidu a lokacin washe baki yayi shima take ya nemi ba'kin cikin sa ya rasa.
Da fara'ar sa yace" Haba dai Ammi dagaske?"
" Gashi muma haka muka gani, kuma kowa na ta 'kiran sa baya tafiya, yanzu ma muka gama waya da Antyn ku".

Kar6an wayar yayi yana dubawa hadda zooming pic 'din yana murmushi yace" Ammi wannan kam da gani jinin gidan mu ne, baki ga kamar da suke yi da Yaya ba?"

Ammi sai tace" Ni ina zan gane wani kama anan abu cikin waya".
Zaidu kam ko 'dagowa bai yi ba still yana kallon Babyn yace" Kai Masha Allah...wannan Allah yasa tayi kyan Yayah wallahi....".

Saif ne yayi saurin taran sa da fa'din" Ka jishi kamar ance da shi macece har yana wani lissafi".
Ya 'karashe yana 'dan hararan sa.

Zaid kuwa cewa yayi" Sai kayi ai 'dan 'kauye kai baka ganin yanayin dressing 'din ne, the Baby with pink mostly are baby girl while blue kuma for boys, mutane 'kalilan ke caku'da colours 'din"

Saif saurin kar6a yayi yana sake dubawa yake fa'din"