You Cannot Download this book untill you login but you can read it .

---

Login Register

ya fara shirin tafiyar sa sai dai rashin natsuwa da ya ziyar ce shi zuciyar sa tun yanzu har ya fara kewar Nanne.

     Ana gobe zai tafi a lambu ya yini wurin Alhaji Baba, suna zama suyi hira sosai da Mal. Jaji amma bai ta6a sanin cewa shine mahaifin Nanne ba....to ko ranar ma tare suka wuni dashi yana bashi labarin irin yadda suke samun cigaba a duk lokacin da aka fitar da kayan lambu ko kaji dake gidan gonar.

'Karfe biyar da rabi suka baro lambun shida Alhaji, da 'kafa suke tafiya suna 'dan ta6a hira anan Alhaji Baba yake 'kara yi masa Nasiha game da rayuwar mu ta yanzu, inda ya ringa buga mai misalai da dama musamman ma irin wancan abinda ya ta6a faruwa da shi har ajiyayyen ciwon sa ya tashi masa......Alhaji yace " ina fa'da maka hakane dan nasan ba kowani lokaci bane zangan ka har in gaya maka hakan, saboda bama tare da kai, yanzun ma nasan da kasamu makarantar akan lokaci nasan da zai yi wuya mu ganka...."
Sai yace
" Haba Alhaji Baba..ai da da yanzu ba 'daya bane, zan dinga zuwa akan lokaci insha Allahu....ni dama zanyi aure na anan garin ai kaga babu batun rabuwa da ku ko?"
Ya 'karashe maganar da tsokana.

Murmushi Alhaji Baba yayi tare da fa'din " aure a garin nan....?"

Kai ya 'daga masa sama yana murumshi tamkar wani yaro...sai Alhaji yace " a ina kaganta dan nasan ka ga wacce tayi maka ne shiyasa ka fa'di haka".

" Ai kaman kasani Alhaji...dama inaso in baka amanar ta kafin in tafi..."
"Da yake ni kakan kane ko...?"
" ah ah ni dai dan Allah Alhaji Baba kar kabari a aurar da ita ma wani, ina kammala karatuna zan dawo ka nema min auran ta ".

" Baka da kunya Muhammad, ni ne zan yi ma gadin wacce kake so?"

Shagwa6e fuska yayi tare da rausayar da kansa gefe yace " please....please Alhaji... in ba haka ba kuma to kawai ka tanadi likkafani ka ajiye tun yanzu!".

" Ja'irin yaro...mu ai namu shan gumba ne kawai".
" um-um dai Alhaji gara asha biki da gumban nan, ai nasan kaima baka so in mutu tun yanzu ko ba haka ba?"
Alhaji 'yar dariya yayi sannan ya sake fa'din
" idan tazo na isa in hana ne Muhammad?"

" Allah yasa mu dace...amma ni dai please Alhaji na baka amana idan ka'ki kuma zanje in bawa Ammi na kawai".

" Da yafi maka"
Alhaji ya fa'di cikin nuna halin ko in kula....Zabura Mu'een yayi yace " haba Alhaji wai da gaske kake yi ne....ni fa gaskiya kai nake so saboda kai zaka fi kulamin da kyau...kaga idan kaji za'a min sakiyar da ba ruwa sai ka shigar da magana ta kawai amma Ammi ai kullum tana gida ina zata san meke faruwa".

Shi kam Alhaji Baba sosai yake mamakin jin wannan zancen daga bakin Muhammad 'din sa....dan ya tsokane shi sai yace " to ka bari sai munyi magana Ja'afar".

" Subhanallah "
ya furta da sauri har da kame bakinsa " Uncle Ja'afar dai?
Cikin shagwa6e murya ya 'kara fa'din" Haba Alhaji Baba kanason in sha masifa ne hala, ai kasan halin Uncle Ja'afar ba sau'ki kuma wannan fa sirrine tsakanin mu dan Allah be serious mana".
Ya 'karashe maganar kamar zaiyi kuka.
Alhaji sassautawa yayi ganin dagske fa yake sai ya tambaye shi
"...to wace yarinya ce?"
Cike da farin ciki yace " yess...." harda watsa hannayen sa.
Da sauri Alhaji Baba ya kalle shi sai yace " to na fasa"
Tuni ya nutsu yace
" ah ah no yi ha'kuri Alhaji......sunan ta Amina amma anace mata Nanne...mahaifin ta kuma wai sunan sa Malam Mamman, gidan su na can 'kasan...ya 'karashe da yiwa Alhaji kwatancen gidan mu.




_Comment,Vote nd Share please_ 👏🏻




*Salmerh ce* 😍

💕 *NOORUL* 💕
      (Haske nah)


By
*Salmerh MD*

 

*Wattpad @*
*Serlmerh-md*


💫 *DA BAZARMU* *WRITTER'S ASSOCIATION*
💫
We are here to make you happy,smile,educate and to realized that we are the best among all.....
*DA BAZARMU* *MUKE TUN'KAHO*

*Bismillahir* *Rahmanir Raheem*


🅿 *29*

Cikin muryar kuka Hafsat tace " wallahi jinayi tamkar yanzu ne abin ya faru....ha'ki'ka mutuwa aya ce....Allah yaji 'kan Nanne..Allah haskaka 'kabarin ta...Allah ubangijin ka kyautata namu 'karshen"

" Amin yah rabbal Alameen".....Nuree tace gami da juyawa ta kallo 6angaren da Jas ke kwance.......Sannan a hankali ta cigaba da fa'din.
" Allah sarki Rayuwa....ban ta6a sanin na sha'ku da Nannen mu ba har sai da na daina ganin ta, zazza6i me zafi ne ya kamani.....ga sunbatun sunan Nanne da ya kasa barin baki na....ban kuma fasa kuka ba.

     Har akayi sati uku da rasuwar Nanne ban samu natsuwa ba, na kan yawaita tambayar Ummahn mu cewa " dagaske Ummah bazan kara ganin Nannen mu ba?....babu ranar da bana yin irin wannan tambayar tamkar kullum ba amsa iri daya ake bani ba amma gani nakeyi kamar watarana maganar bakin su zata canza...acemin zata dawo.

Nafi jin kewar ta idan na saka abinci a gaba na domin ada tare muke cin abinci ni da ita....muyi fa'da muyi da'di.


*****
Akwai watarana bayan rasuwar Nanne da kusan sati shida.... dan har an fara mantawa ma da rasuwar, tuntuni gida yayi shiru mun koma rayuwa mu ukun mu, Baban mu sai ni sai Ummah ta, to shi Baban mu ba yini yake agida ba sai yamma yake dawowa wataran ma har sai anyi maghrib, ni da Ummah ta ka'dai muke yini tare.....haka kuma tun rasuwar Nanne Ummah bata 'kara yin sana'a ba har yau....bama ta da niyyar 'karayi.

Lokacin da hantsi ne ina zaune 'kar'kashin bishiyar mango da ke cikin tsakiyar gidan mu.... Ummah ta naga ta fito daga cikin 'daki hannun ta ri'ke da wasu kayan sawan Nannen mu.

Kamar da gaske nace da ita " Umnah ina za'a kai kayan?"
Sai tace zan bayar ne Hudah babu amfanin ajiyar su ai ko?"
Tayi maganar tana 'ko'karin cusawa a leda.

Kuka kawai na sanya gami da tasowa na iso inda take....ina kuka ina fa'din " Ina zata kai min kayan Nanne, nace ta ajiye mata abin ta...in ta kyautar to in Nannen ta dawo ita me zata saka?".

Kuka nakeyi sosai wanda sai da na saka Ummah ma kuka, 'daki ta kona ta barni da kayan a waje na tattarasu gabana ina kukan da ambatan Nanne.

Ummah bata ta6a barmin koda 'dan kwalin bane da sunan inyi amfani dashi dan gudun rigima ta amma duk da haka bata tsira ba.

  Sallamar Ammi naji a tsakar kaina ban kula ba sai na cigaba da rera kukana " Subhanallah me kuma ya faru?"
Ammi tace tare da hanzarin isowa inda nake.

Bu'dan baki na sai nace " Nanne"
Salati Ammi ta sanya gami da tallafo ni haba " Hudah wmhar sai yaushe zaki bar wannan abin dan Allah?"
Ban kulata ba inata kukana sai ta sake fa'din " bakowa a gidan ne"
?"

Ummah dake tsaye daga cikin 'daki ne ta fito ta faman kakkauda kanta, tayi 'ko'karin tsaida kukan ta ne tun sanda taji shigowar Ammi, amma duk da haka kallo 'daya zakayi mata ka fahimci cewa tayi kuka.

Tabarma ta 'dauko ta shimfi'da wa Ammi sannan a hankali tace " barka da zuwa".

Kallon ta Ammi  tayi gami da fa'din " yauwa".

Bata 'kara ce da Ummah ta komai ba kawai ta dawo da hankalin ta gareni.

" Saurare ni please".
Tace dani....gami da gyara min zamana...." kalli nan"
Ta fa'da bayan ta nuna Ummah " waye wannan?"
Ta ce da ni tana kallon idanuna...cikin kuka nace " Ummah ta"
Banji ba ni share hawayen ki tsaida kuka ki fa'da da kyau inji.

Kamar yanda ta fa'da haka nayi ganin kamar yanayin ta ya canza zuwa 6acin rai.

Sake tambaya Ammi tayi kamar yanda tayi da farko nima sai nace " Ummah ta ce"

" Kin fison kullum ki ringa sanyata kuka ko?"
Sai na jijjiga kaina.
" Toh me yasa kullum kike 'daga hankalin ta? Da wanne kike so taji, da alhinin rashin 'yar uwar ki ko kuma da fitinar ki?...Hudah ke ko tausayin ta ma bakiji...dubi fa duk yanda ta lalace saboda tsaban fitinar ki, in dai mutuwa ce ai kema wataran zaki mutu a daina ganin ki...kanki aka fara ne?"

Masifa Ammi ke min sosai yayin da Ummah ke 'kara share hawaye...abin nawa duk ya isheta, ko ita da ta haifi Nanne iyaka damuwar ta ta tsaya ne tun bayan sati guda da rasuwar amma saboda ni har yau mutuwar ta kasa barin zuciyar ta....

Ni kuwa gani nake kamar fa'dan da mukayi ne ya sanya ta yin fishi dani ta tafi abinta shiyasa kullun nake ganin kamar 'karya sukeyi Nannen mu zata dawo watarana...duk kuwa da cewa kowa bai bani assurance 'din dawowar tan amma na kasa gane cewa idan an mutu ba'a dawowa har abada an rabu kenan.

Kuka na fara da jin masifar Ammin ga kuma Ummah ma da ta ke share hawaye a gefe.

'Dan 'karamin tsaki Ammi taja sannan ta kalli Ummah tace " yarinyan nan fa abin nata gaba yake  yi...ba kuma barin ki zatayi ki nutsu ba  a gidan nan...barin tafi da ita ta 'dan kwana biyu a wurina may be zata 'dan warware in bata ganin ku...."

Ummah bata ce da Ammi komai ba....amma haka kawai sai taji wani iri abin yayi mata gatsau, cuz bata zaci jin hakan ba, ya zatayi da zaman gidan ita ka'dai kafin Hudahn ta dawo"
Ummah ta tambayi kanta.

Ammi kuwa tsaye ta mi'ke hannu na cikin nata, bata ko nemi yardar Ummah ba kawai tace " idan mahaifin ta ya dawo ki sanar da shi cewa tana wurina dan Allah".
" Toh"
Kawai Ummah ta iya cewa daga nan Ammi ta jani 'kofar 'daki na saka takalmana 'dan kwali ne kawai a kaina sai doguwar riga a hakan muka nufi 'kofa " sai anjima" Ammi tace da Ummah yayin da Ummah ta amsa
" uhmmn" daga nan muka fice.

Ko bayan fitar mu Ummah bata tashi a wurin da wuri ba, tunani kawai takeyi, tana ga kamar ka'dai cin zai mata yawa, ita kanta halin da nake matan ya isheta amma sam bata ta6a kawo rabuwar mu face addu'ar data 'dauri aniyar yimin koda yaushe.

A hankali ta mi'ke gami da fa'din "Allah yasa hakan shine mafi alkhairi".

Koda Baban mu ya dawo ta fa'da masa ma bai ce komai....irin kslmar da Ummah ta fa'din nan shima ita ya fa'da daga nan suka cigaba da harkokin gaban su.

Washegari aka kawowa Ummah ta Ummi 'yar gidan Addah ta ta fari....dan ta ringa 'debe mata kewa kafin in dawo.



*****
Ni kuwa rayuwa ta wurin Ammi sai godiyan Allah, domin Ammi bata nemi akawo min ko kayana ba dan bata so in tmringa yawan tunawa da gidan, tayi tunanin ko duk kayan mu iri 'daya ne da marigayiyan tsoron ta kar inzo yin amfani dasu kuma in dinga cigaba da tunawa shiyasa ma bata nemi abata ba.

Washegarin zuwa na Ammi ta bayar da 'dinki cikin ajiyayyun zannuwan da take dasu aka ciccire min rabi rabi kusan kala biyar ta bayar aka 'dinka min.

Ammi ta kula dani sosai, ta kula da rayuwata da tarbiyyata tamkar ita ta haife ni, Ammi bata ta6a barina in zauna shiru, da dare ita kanta take min wanka ta sani in kwanta kan tsakiyar gadon 'dakin ta sani inyi addu'ah sannan tayi ta karanta min story har inyi bacci sannan sai ta koma other room.

Da safe ita zata tadani inyi sallah da wanka sannan ta bamu abincin breakfast ni da su Saif bayan munci sai mu wuce makaranta, idan mun dawo bana yi mata aikin komai haka zata sani kallon cartoon a T.v har lokacin sallah tayi daga nan idan nayi sallah sai kuma mu shirya mu wuce islamiya.

  Ranar da babu islamiya kuwa...ta ware min lokacin da ya dace nayi baccin rana ragowar lokutan ma duk bata barina in zauna haka kurun Ammi occupied them da abubuwan 'dauke hankali.

Musamman ta sa aka siyo min game dan in ringa yi lokacin da babu wutan Nepa...gidan mu kuwa sai dana yi sati hu'du cif ban le'ka ba....ko nace zanje sai tace bani da lafiya in bari sai na samu sau'ki tukun.

Shagwa6ewa nakeyi ince " Ammi nifa lafiya ta 'kalau".
" Ke de ki bari when u recover da kaina zan kaiki".
Ban sani ba ashe Ammi in taso zuwa gidan namu sulalewa take yi tatafi abinta lokacin da ta tabbatar ina tare da dasu Saif muna game, wani sa'in har zataje ta dawo ma bansani ba.

Ummah ta tun tana saka ran dawowata har ta ha'kura gashi Ammi bata ta6a ce mata ga ranar da zan dawo ba haka kuma bata sanar da ita son zama da ni take yi ba.

Dalilina Ammi ta nemi 'yar aiki saboda ta ringa samun isasshen lokacin da zata zauna dani agidan, in kuwa kitchen zata shiga tare muke zuwa Ammi bata barina idan tana girki kuma bata gajiya da nuna min idan anyi kaza anyi kaza kaza zai zama..ta kan gaya min...idan muna kitchen.

Alhaji Baba ma ta 6angaren sa abin sai Alhamdulillahi domin tamkar mahaifi haka ya 'dauke ni, lokaci 'kan'kani na dawo 'yar gatan gidan gaba 'daya, har 'yar ramata ta 6oye.

Sha'kuwata da 'yan biyun Ammi kuwa sai abinda yayi gaba musamman ma Saif, dan shi tare muke cin abinci cikin plate 'daya da shi...idan wasa zamuyi ma team 'din mu 'daya dashi...sai dai duk da haka Ammi bata ta6a bari na in shiga 'dakin su haka kawai sai dai in da wani dalili.

   Zakiyi mamaki Hafsat yanda kwata-kwata na manta da duk damuwa ta ta baya har mantawa nakeyi da cewa ni ba 'yar gidan ba ce....natsuwa ce ta shige ni ta ban mamaki, yanzu sam na daina rashin ji kamar bani ba...dan ko a gidan idan Zaid ya min mugun ta ban kula shi haka kuma ban kai 'karar sa.

Ranar da muka fita gidan mu tare da Ammi kuwa...karki ga farin cikin da Ummah ta tayi da gani na...." Alhamdulilah kawai take fa'di cikin ranta...a fili kuwa godiya tai ta zubawa Ammi.
Har muka bar gidan ha'koran Ummah na basu daina bayyana kansu a fili ba cike da fara'a.




*****
Alhaji Baba kam damuwar sa kullum Yah Deen ce dan har yau bai iya ya sanar da shi halin da ake ciki ba, ko ya tambaye shi amanar sa kuwa sai dai yace masa " Allah zai yi maka jagora Mu'een....."
Fargabar yanda Mu'een zai kar6i lamarin yake yi, kullum tunanin bai wuce hakan.

Da abin ya dame shi ne sai lokacin ya sanar da Ammi komai da suka yi da Mu'een kafin tafiyar sa, itama Ammi tayi mamaki sosai amma tasan koma miye ne dole idan yaji ai zai ha'kura tunda bamu ke da mutuwar ba, Allah ne ka'dai mafi sani akan hakan.




〰〰〰
*BAYAN WATA UKU DA RASUWAR NANNE.*
      Sai lokacin Yah Deen yazo gida cike da murnar zaiga ahalin sa da sahibar sa, ga kuma 'dumbin farin cikin da ya cika shi na samun gurbin karatu a FEDERAL UNIVERSITY DUTSE.... course 'din da yafi k'auna a rayuwar sa wato Pharmacy.....yana kammala wannan programme 'din da yake yi zai tattara ya koma jigawa dan cika burin sa.



👇🏼
*Toh fah readers ina son jin ra'ayoyin ku game da dawowar* *_MU'INUDDEEN......._*
*Sai naga ruwan comments sannan zan cigaba da typing, sa6anin hakan kuma ina jin sai kun jini nan da 1 week ko kuma 29 january idan muna cikin rayayyu.....dan harga Allah na raina comments 'din ku*



*Labarin dai har yanzu da saura....amma in akayi ha'kurin bina duk zamu ji koma menene....sannan dan girman Rabbi👏🏻 ku ringa sharing ni 'din abubuwa kan min yawa ne shiyasa*








_Comment_
_Vote_
_Share_







*Salmerh ce*😍

💕 *NOORUL* 💕
      (Haske nah)

By
*Salmerh MD*

 

*Wattpad @*
*Serlmerh-md*

💫 *DA BAZARMU* *WRITTER'S ASSOCIATION*
💫
We are here to make you happy,smile,educate and to realized that we are the best among all.....
*DA BAZARMU* *MUKE TUN'KAHO*

_Ina son ku masoyana_ 😍 _...Allah ubangiji ya haskaka rayuwar ku da mafi alkhairi daga cikin alkhairai_ 👏🏻

*Bismillahir* *Rahmanir Raheem*

🅿 *30*

........'Bangaren Alhaji Baba kuwa...a yau 'din duk ya kasa sukuni, damuwar sa ta yawaita sosa...tunanin sa ta yanda Mu'een zai kar6i zancen ne, tun ranar da Yah Deen ya bashi amanar ta ya fahimci tsantsan son da yake yi mata cikin idanun sa da kalaman sa ya fahimci hakan, babban abinda yasa ya 'kara gaskata soyayyar tasa ma shine da har Yah Deen ya iya manta dangantakar da ke tsakanin su matsayin sa na mahaifi agare shi, ya iya duban tsaban idanun sa ya ha'da shi da amanar kula masa da ita, ha'ki'ka hakan ka'dai ya wadaci koma waye fahimtar tsantsan son da Mu'een ke wa marigayiya AMINA...musamman idan kasan halin sa cewa bashi da rashin kunya sam a rayuwar sa.

      Alhaji Baba lambun sa ya tafi yaje ya ke6e kansa guri guda yana tunani, sai dai daga 'karshe dole ya watsar da batun ya cigaba da harkokin sa.

        Shigan yamma Mu'een yayi dan kuwa 'karfe biyar da 'yan mintina ya shigo garin...fuskar sa cike fal da fara'a tamkar bashi ba, ya 'kara kyau da girma, dama gashi dogo ne shi ba laifi sai gaba 'daya ya juya ya koma tamkar 'dan shekara talatin da haihuwa.

   Ni kaina lokacin da na gansa tsaye a 'kofar shigowa parlourn bangane shi ba, saboda kwaftareren ba'kin gilashin dake manne a idon sa, shima kuma bai yi min magana ba tunda yayi sallama ya dire jakar sa a wurin sai ya yaja ya tsaya yayi shiru.

" saif!...Saif!!...Zaidu!!!"
Na fa'da da 'karfi cike da firgici ina 'dan jan baya dan harga Allah tsoro ya bani, ban kuma kawo akaina shi bane saboda nasan shi baya murmushi haka siddan sai da dalili 'kwak'kwara.

Ammi da Saif duk lokaci guda suka bayyana suna tambaya ta saboda jin 'karan 'kiran sunayen da nayi kuma nayi da 'karfi, sannan da tsoro nayi.
" Wai me ya faru ne?"
Saif yace yana kallo na, yayin da Ammi ta ce dani " Hudah Lafiya kike faman ihu?"

Ban bawa kowa cikin su amsa ba illa hanyar 'kofa da na nuna musu da hannu na wanda sai a lokacin suka lura da shi.
    Still yana nan tsaye with smile on his face yake duban mu da karkataccen wuya.

Saif murmushi yayi yayin da Ammi tace da shi " 'kaniyar ka Muhammad!"

Cikin marairaita yace " haba Ammi daga isowa ta ?"

" me yasa zaka yi tsaye acan to har kana firgita min yarinya?"
Murmushin sa ya 'kara fa'da'dawa sannan yace " Ni fa Ammi ke kawai nake jira ki taroni".

Ido Ammi ta 'dan zaro tare da fa'din " daga zuwan na ka zaka fara ko?"

Ganin bata da niyyan zuwa ne ya sanya shi tahowa inda take yana kwa6a fuska.

Ni kam da kallo kawai nake bin sa ina mamakin sa ayau 'din gaba 'daya ya canza min.

Saif ne ya girgiza kansa shima cike da jin dadin ganin 'dan uwan sa tare da wucewa inda jakar sa take ya 'dauka ya wuce da shi cikin 'dakin sa.

Ammi kuwa hannun sa ta kama kamar 'dan goye ta jashi zuwa kan kujera mai zaman mutun biyu ta zaunar da shi kan kujera....da yaran su na Igbo tace da shi " Sakalcin yau ya motsa kenan?...baka ganin 'kannen ka na kallon ka ne?"

Kai ya 'dan sosa gami da satan kallon 'bangaren da nake tsaye...dai-dai fitowar Saif sai ya maida kallon sa gare shi.

   Suna ha'da idanu sai yace " Yayah Welcome...hope an iso lafiya?"
Da " Alhamdulillah" ya amsa shi daga haka ya ja ya kishingi'da gami da sakin numfashi.

Ammi ya kalla yace da ita " barka da gida Ammi".

" Yauwa...ya su Auntyn ka?"
" Lafiyan su"
" karatun fa?"
" Shima normal Ammi saura na tafiya Jigawa yanzu".
" To Allah ya taimaka ya bada sa'a".

'Kasa-'kasa ya amsa mata da " Amin Ammi na".

Ni kam har lokacin ina tsaye a inda nake sai ma raku6uwa da nayi jikin labile ina kallon su.
   Ammi ce tace dani " 'karaso mana kika wani tsaya acan, koma gaida yayan ki baki yi ba".
Da jin haka sai nayi saurin tahowa kusa da ita kamar dama jira nake a kira ni na zauna nima a hankali cikin sanyin jiki " wai har kin manta waye shi ne?"
Ammi ta sake tambaya ta.
Sai na girgiza mata kai alamar "a a"
Sai tace" to oya..."
ta karasa maganar da nuna min shi da kanta.
Sai da na 'dago na kalle shi kafin nace " Ina yini".
Bai amsa ba sai kawai ya 'dago idanun sa ya kalle ni sannan naga ya kalli yanayin yanda na ra6u da jikin Ammi.

Kai ya 'daga ya maida kallon sa ga Ammi gami da 'dage gira 'daya.

   Wannan karan da yaran turanci ya tambaye ta wai ni 'din daga ina haka?"
Murmushi Ammi tayi masa sannan tace da ni" Je kawowa Yayan ki ruwa mai sanyi ya sha kinji".

Tun ma ban amsa mata ba balle akaiga na matsa a gurin yayi saurin furta " ah no barshi...ban bu'kata Ammi".
Yayi maganar yana kallon Ammi...yana gama maganar kuwa sai ya 'dauke kansa ya koma duban agogon dake 'daure a hannun sa.

" Wai kana nufin baka gane ta bane ko me?" Ammi ta tambaye shi.
Sai ya 'dago ya kalle ta, bata damu ba ta cigaba da fa'din "...Hudah ce fa Hudah ta ko yau 'din ma sai ka mare ta sannan zaka gane ta?"

Murmushi yayi yana murmushin yace da ita" to dan Allah Ammi ni me nace ne?"
" kai de ka sani"
Ammi tace a hankali.
Sai ya girgiza kansa a sace ya sake kallo na cuz maganar Ammin sosai ta bashi dariya, kuma ita tasa ya tuna da ko ni wacece, kawar da kansa yayi gefe dan yanzu kam har cikin zuciyar sa ya gane ni...ala'ka ta da Ammin sa ne har yau baisani ba kuma ya kasa ganewa.

Mi'ka yayi a hankali gami da mi'kewa tsaye..." bari in 'dan watsa ruwa Ammi zan 'dan huta  ma ka'dan amma saboda ina da wurin zuwa anjima".
Bai saurari jin amsar ta ba ma kawai ya juya ya fara tafiya abinsa...Ammi sai ta bishi da idanu sannan tace
" idan ka gama sai kayi magana akawo ma ko 'dan abin sha ne ma"

" okay " kawai yace gami da shigewa ciki.

Ni kam shiru nayi duk jiki na yayi sanyi da ganin sa, dan shi ka'dai ne na kasa sabawa da shi har yau a cikin gidan.

  Wanka yayi ya fito ya mi'ke kan gado cuz already yayi sallar la'asar tun kafin ya taso.

Da hannayen sa yayi pillow yana kallon fan 'din da ke juyawa saman 'dakin, farin ciki sosai yake ji yau zai ga sahibar sa, kamar an mintsine shi kuma sai ya mi'ke ya janyo jakar da ya zo da ita, kayan sawan sa ne ka'dai da sauran kayan amfanin sa, sai wata jaka da ya ciro daga ciki.

Kan gadon ya zazzage kayan sai ga Less na mata mai masifar kyau kala 'daya da turmin exclusive atampa 'daya sai takalmi 'daya da kuma mayafi shima guda 'daya.

Takalmin ya 'daga yana juya shi a hannun sa yana murmushi, a fili ya furta " Allah yasa banyi kuskuren number ba".

   Jin motsin kamar za'a shigo ne ya sanya shi saurin tura kayan 'kar'kashin pillow ya yi tsuru-tsuru kamar mara gaskiya yana kallon 'kofa, he thought Ammi ce zata shigo, sai kuma yaga ashe Zaid ne ma.

Ajiyan zuciya ya sau'ke a fili sannan ya ce da shi " ya akayi?"
" Ammi ke 'kiran ka" cewar Zaidu.
Sai yace
" okay.. gani nan zuwa...let me dress up".
Yayi maganar yana mi'kewa tsaye.

       Bayan juyawan Zaid ne ya saki murmushi, a hankali ya 'dan bigi 'kirjin sa sannan a fili ya furta " silly me!...me yasa zan ji kunyar Ammi idan taga kayan? Ya tambayi kansa.
Wani side na zuciyar shi ne ya bashi amsa da fa'din"...may be ina jin kunyan kar tagani ta gane cewa 'dan ta ya fara soyayya ne?"
" to Alhaji Baba fa, ya akayi da kaina na iya sanar da shi har ma na bashi amanar kulawa da ita?"
Ya sake tambayar kansa.

Baya ya koma ya fa'da kan bed 'din da bayan sa" ....wayyo ni!...ashe abin kunya na tafka babba har haka? shaf hakan bai ta6a zuwa kaina ba...Alhaji Baba zai ce banda kunya!...ohh Yah Allah ya zanyi yanzu?"
Ya ware idanuwa tamkar da wani yake maganar.

Sai kuma ya saki murmushi ya girgiza kansa lumshe idanu yayi sannan yace " Duk laifin kine fa Nanne, da baki shiga zuciyar wannan Deenin ba nasan da bazai iya aika ta irin hakan ba".
Da murmushi ya rufe tunanin kana ya shirya ya fito parlour wurin Ammi.

Zama yayi gefen ta yana fa'din " Ammi ni da nace zan huta kuma sai kika sa a 'kirani?"
Abinci ta nuna masa da hannun ta tare