You Cannot Download this book untill you login but you can read it .

---

Login Register

'kalubale game da hakan ba.

Ya riga ya tsara musu a rayuwa cikin da'da'dan mafarkan sa, tun farko Engineering yake da burin karanta amma ha'duwar su Nannen mu yasa shi canza ra'ayi zuwa zama cikakken likita ta yanda zai rin'ka bawa matar sa kulawar da ta dace.....batun yara ma sam bai sasu a lissafin sa ba shi dai Burin sa ya samu Nanne.

         Shi kansa wani lokacin sai yaga kamar kawai yaudaran zuciyar sa yakeyi da cewa wai yana sonta amma  tsoron ranar da Uncle Ja'afar zai fahimci hakan yakeyi dan yaga-yaga zai masa cuz karatu mai zurfi yake so yayi in yasan da batun tun yanzu ya kamu da soyayya kuwa ai ya shiga uku, Uncle Ja'afar ba 'karamib raina shekarun Mu'een yake ba har a lokacin kallon yaro 'karami yake masa bansani ba ko dan shika'dai ne agaban sa oho.

Sannan sarai yasan halin Uncle Ja'afar bashi da sanyin hali kamar Alhaji Baba....shi kuwa baya jin zai iya cire ta a zuciyar sa cikin sau'ki balle ma irin yadda yake jin mugun kamun da soyayyar ta ta tayi masa...abin sai wanda ya san zafin so ne ka'dai zai iya fahimtar sa.

    Satin sa biyu a garin amma gaba 'daya ya mance da damuwar da yake ciki lokuta 'kalilan da suka gabata, damuwar da tayi sanadin zuwan sa garin gaba 'daya, shaf ya manta da Rahma da sha'kuwar su harma da rayuwar da suka yi tare da ita kaf ya manta da su duk a sanadin soyayyar 'yar uwata, abu 'daya ne kawai da ya kasa raba kansa dashi shine yawan jin feelings...wannan  abin kam har yanzu ya kasa raba kansa da shi sai ma 'kara yawaita da yake yi masa.

Ta 6angare na ma haka kullum ban fasa zuwa gidan ba, sai dai kwanaki 'kalilan ne muke ha'duwa dashi cuz mafi yawan ranaku na kan zo har nafi ma bangan shi ba, idan kuwa mun ha'dun gaisuwa ka'dai ne ke ha'da ni da shi.

Akwai watarana da na gaida shi ma ya amsa a yatsine ya ficewar sa lokacin tare nake da Saif muna zaune, yana wucewa sai na yamutsa fuskata nace da Saif" Allah Deenin kunnan ya fiya yanga da yawa".

Ido Saif ya zaro harda kama baki sannan yace dani " yaji ki dai ba ruwana ni...wa ma yagaya miki cewa sunan sa haka?"
"Alhaji Baba ne ya fa'da min"...
Na bashi amsa ina kallon cikin idanun sa.
Sai yace " to ba Deeni zaki ce ba, Yah Deen zaki ce in bahaka idan yaji kina ce mai Deeni duka zai miki ni kuwa ba ruwana".
Ban ce komai ba kawai na ta6e bakina na daga nan nayi shiru ban 'kara fa'din komai ba.

    Tun daga ranar Yah Deen ya kama baki na dan gudun kar ya dakeni kamar tanda Saif ya gayamin.
   Ban ta6a fa'da a idanun sa ba kam dayake ba zaman hira nakeyi da shi ba, amma a duk lokacin da wata hira ta 'dauko aka sako da sunan shi to bana ta6a canza nawa salon 'kiran sunan, ga dukkan alamu kuma ni ka'dai ke amfani da hakan, dan ban ta6a jin wani ya fa'da ba banda ni.

Shima 'din tun baya kulawa da lamarina abu na yau da kullun har ya saba da gani na cikin gidan su, bai san me nake zuwa yi ba haka kuma bai ta6a tambayar kowa ba, kuma har yanzun bai san dalilin dake kawoni cikin gidan su kullum da safiya ba.  

  Sau tari ya kanyi mamaki idan yaga yanda Alhaji da Ammi ke nan-nan dani, ban dama sha'kuwar da yaga nayi da 'kannan sa musamman Saif da jinin mu yafi ha'duwa dashi......
   Bai wani damu sosai da yasan dalilin sha'kuwar mu da ahalin nasa ba dan haka shima sai ya 'dauke ni a yanda ya ganni wanda wani lokacin ma ya kan bani fuska ne albarkacin yawan gani na da Nanne da yake yi.
....tsakanina dashi dai gaisuwa ce kurum daga haka kuma babu komai.



   〰〰〰
        'Bangaren Rahma kuwa.....tun lokacin da ta ga dangi na faman cika gida da 'da'ddaya, taga yanda Hayatu ya dulmiya tsundum cikin shirin biki shikenan ta saduda, yanzu kam ta yarda cewa auren ta da Al'amin babu fashi....tayi danasanin abinda ta aikata yafi sau 'dari uku, a kullun sai tayi danasanin biyewa Mu'een da tayi.
  Gashinan ya yi tafiyar sa ya bar ta ana shirin aurar da ita, babu wanda ya damu da 'karancin shekarun ta ga dukkan alamu ma kowa farin ciki yakeyi da hakan.

A cikin yanayin idan taje gun mahaifin ta kwantar da kai takeyi kullun ta sha kuka son ranta kafin ta fito, baya magana balle ya lallashe ta dan haka da kanta take bawa kanta ha'kuri ta fito.

Ranar wata Juma'ah ne aka 'daura auren ta da Amin bisa sadaki mai daraja.

   Ranar tasha kuka sosai kamar ranta zai fita....da yamma kafin a akaita Hayatu ya shigo 'dakin ta wanda ganin a yanayin da ya shigo 'din ya sanya jama'ar dake tare da ita sulale a hankali suka watse baki 'daya.
Hayat zama yayi a bakin gado a hankali, Rahma dake can kan stool 'din gaban mirror sai ta cigaba da rera kukan ta bata damu da wanzuwar  sa cikin 'dakin ba.
Duk da zuwa yanzun ta tsani Mu'een tsana mai girma amma har yanzu birbishin son shi bai bar 'kasan zuciyar ta ba, yanzu kuwa da take ganin cewa ta zama mallakin wani sai take jin kamar bazata juri rashin sa ba kwata-kwata, 'ka'k'karfar soyayyar ta shi ne ta dawo mata sabuwa dal.

A hankali Hayat ya 'kira sunan ta cikin natsuwa, bata amsa ba amma kuma ta rage sautin kukan nata haka kuma bata 'daga idanu ta kalle shi ba.
Bai damu ba shima kawai ya cigaba da maganar sa cikin natsuwa da sanyin murya yace
" Kiyi ha'kuri Rahma ki gafarce ni, banyi haka dan na 'kuntatawa rayuwar ki ba, nayi ne kawai dan in kare mutuncin ki da mu ma ahalin ki gaba 'daya, na san babu mamaki kina gani na matsayin mutun mai son kan sa ko kuma kice bandamu da za6in ranki ba.
Sai dai inaso kisan wani abu Rahma.... lokuta da dama mukan so wasu abubuwa ne mu kuma kafe akan su alhalin ba su kasance alkhairin rayuwar mu ba, sai kiga wanda muke guje masa 'din shine dai-dai garemu kuma za6in Allah masanin komai, amma wanda Allah yaso sau'ka'kawa lamurane ka'dai yake ganar dashi hakan da wuri ya kuma gane.
   Ki gode Allah kawai Rahma domin da wuri ya bayyana miki irin yaudararriyar soyayyar da Mu'een ke miki harma ya nufe ni da gani da idanu na matsayi na na yayan ki.
      Hukuncin da na yanke kuwa har yau ban ta6a regretting ba, face godewa Allah ma da nake sake yi a kowani lokaci da ya sanya akwai mai yi miki son gaskiya agefe wanda a koda yaushe yake shirye da kar6an ki matsayin matar aure, gudun kar ya zargi wani abu ne ya sanya na sanar dashi dalilin da yasa nake so ayi auren cikin 'kan'kanin lokaci duk da bani da tabbacin idan yaji zai amince amma bani da za6i face bayyana gaskiya ta...nasan idan yana matu'kar son ki ba zai 'ki yadda da auren ki ba tunda akwai masu 'dauko mace agidan karuwai ma kuma su tsarkake ta su aura su kuma rayu cikin farin ciki.

  Allah cikin ikon sa ma sai ya sanya Amin cikin masu kyakkyawan zuciya domin kuwa cikin farin ciki yayi na'am da ke inda ya bani goyon baya 'dari bisa 'dari.
Hakan da yayi ne ya tabbatar min da cewa zai ri'keki da Amana har 'karshen rayuwar ki........Rahma gashi yau burina ya cika na dam'ka amanar rayuwar ki 'dungurungum a hannun Amin, yanzu matsayin aljannar ki Amin yake, mijinki ne kiyi masa biyayya ki nemi aljannar ki, bana son fitina kuma, ke kanki kinsan Amin ni kaina ya girme ni balle ke dan haka ki bashi girman sa ki kuma nemi aljannar ki da 'karfin zuciya, bisa yardaewar ubangijin ki, karkiyi tunanin zaki yi masa wasu mugayen halaye da baki son shi, to duk abinda kikayi Rahma ki sani kece da asara dan kuwa ko Amin ya rabu dake da wuya ki 'kara samun makamancin sa, ina tabbatar miki da cewa har shi Mu'een 'din da kika yi domin sa ba auren ki zai yi ba alokacin dan matsayin bazarawa za'a kalle ki a lokacin...ki ma yi tunani Rahma, wanda bai aure ki lokacin da ya tabbatar da kuruciyar ki ba yaushe kike tunanin zai dawo ya aureki?......Ni 'dan uwanki ne, kuma inason ki Rahma ke kanki shaida ce akan hakan, ina kuma da burin ganin farin cikin ki a koda yaushe, banason rayuwar ki ta girgiza ne koda wasa shiyasa na aikata hakan wanda na tabbata koda da ran mahaifiyar mu bazata so ganin ki hakan ba hakama Daddy bazai so yaji ance ga mummunan abinda ya faru da rayuwar ki ba, idan kuwa yaji hakan kuma yana da cikakken lafiya na tabbata bazai bar Mueen haka nan ba, amma kinga yanda duk Allah ya gyara komai ba'a yi masa gyara dan haka sai dai muce ALHAMDULILLAH....dan girman Allah ba dan ni ba ki kula da rayuwar auren ki kiyiwa mijin ki biyayya ki daraja ahalin sa hakan shi ka'dai idan kika yi zai tabbatar min da cewa nima kina sona kuma kin bi magana ta Rahma, ina miki fatan 'daurewar farin ciki na har abada....Allah ya albarkaci rayuwar ki.."

A hankali ya mi'ke ya kama hanyar fita daga 'dakin, yana share hawaye da takaicin duk shine sanadin auren ta,  bai ma san mai ya kaishi shiga rayuwar Mu'een a wancen lokacin ba da har abubuwan da suka faru suka faru, haka kawai ya tsinci kansa da tsanar Mu'een batare da wani dalili ba a wancan lokacin, yasan kuwa hakan ba komai bane face sharrin shai'dan, sai gashi ta inda Mu'een ya biyo masa, ta inda zuciyar sa bazata iya 'dauka ba....sam baiso ayi auran Rahma tun yanzu ba yaso ace tafara karatun gaba da secondary, yaso ta fita daban agidan nasu amma duk shirin sa ya watse cikin 'kan'kanin lokaci, sai gashi da kansa ya jagoranci aurar da Rahma tun kafin ta kammala secondary 'din ma, tun kafin hankalin ta ya gama daidaita balle ta kai wani matsayi na musamman.

Daf da zai 'karasa barin 'dakin yajiyo muryar Rahma cikin sanyi ta 'kira sunan shi....cak ya tsaya tare da waigowa ya kalle ta, tana hawaye shima haka, tsaye ta mi'ke  sannan cikin sanyib murya tace dashi " nayi al'kawarin yiwa mijina biyayya, insha Allahu bazan tozarta maka niyyar ka ba Yayah, zan kula da duk abinda ya kasance hakkine ta 6angare na, nayi maka al'kawarin mantawa da Mu'een mantuwa ta har abada...amma yayah please kace da Amin kar ya hanani 'karasa karatuna inaso in gama yaya......"
Ta 'karashe maganar da sheshshe'ka.

Hayatu kam take ya cika da tsananin farin ciki mara misaltuwa, har ma bai san lokacin da ya iso gaban ta ba ya fara share mata hawayen ta.

Bai furta komai ba kawai ya janyo hannun ta a hankali suka fita daga 'dakin, direct 'dakin mahaifin su ya kaita, dukkan su kuka sukeyi yayin da mahaifin nasu ya tsura musu idanu yana kallon su.
Hayatu ne ya fara magana da muryar kuka yace
" Daddy ka yafe min dan Allah, idan abinda nayi ba'a son ranka bane, bansani ba ko dai-dai na aikata Daddy, yau gashi zan dam'ka Rahma a hannun mijin ta zata tafi ta bar mu, Daddy ko cikin ranka ne ka daure ka sanya mata albarka...."

Ido Daddyn nasu ya lumshe ya kuma bu'desu nan take hannun sa da suka kama ya dam'ke da 'karfi ga dukkan alamu magana yake son yi amma babu dama....wanda hakan sai ya 'kara 'karya zuciyar Rahma take ta sake sakin wani sabon Kuka....cikin kukan take fa'din " Allah ya baka lafiya Daddy, ubangiji Allah ya tashi kafa'dun ka...."


Anan 'dakin sauran 'kannen mahaifin nasu suka suka tarar dasu, harda kaka.

Nasiha suka sake yi mata inda ta ringa kuka sosai duk kwalliyar da Antyn ta tasa akayi mata duk sun wanku babu su tas, ba'a kuma 'kara bi takai ba kawai aka sake yi mata shiri, kukan da takeyi bai bari an sake yimata kwalliya ba a hakan aka 'dauke ta aka tattara a'kalar rayuwar ta aka dam'kawa Amin inda ya kar6eta da hannu bibbiyu cikin farin ciki.


〰〰〰
Zaune suke dukkan su a dinning Ammi na shirin serving musu abinci kamar kullum sai Mu'een yayi 'yar dariya ka'dan.....Alhaji Baba ne ya kalle shi duba irin na tambaya domin a yanda ya lura 'yan kwanakin kullum cikin farin ciki yake.
   Yayin da ya gumtse dariyar tasa yana kallon Ammi yace " Ga dukkan alamu fa Ammi kin samu kan wainar nan, to danni kike yi ne ko kuwa dama kullum haka akeyi agidan..."

Ammi bata fasa zuba abincin da take yi ba ba kuma ta kalle shi ba kawai tace
" Tambaya kakeyi ne ko.kuwa neman sani? "
" Duka biyu Ammi ni duk inason sani, haka kawai kullum baza muji 'kamshin suya ba sai da muga waina...kamar fa sau 'daya ne kawai akayi fashin yin waina agidan nan tun zuwa na?"
Ammi ce ta sake fa'din
" To laifi ne hakan kuma ko?"
" Ah ah ni ban ce laifi bane...ai wainar taki tana shiga sosai Ammi har Allah Allah fa nake gari ya waye in gamu dashi dan nasan babu fashi".
Alhaji Baba kam shiru yayi kawai yana ji da ganin su yana murmushi.
Ammi ce tace
" kai de kasani..."
Dai-dai lokacin da take zubawa 'yan biyun nasu abincin...
'Dagowa tayi ta kalle shi sannan ta 'kara da fadin " in ba yaudaran kai ba yaushe ka ta6a ganin na soya waina a gidan nan......ni ba ni keyi ba siyowa akeyi har kunun ma gaba 'daya".
Ammi ta fa'di lokacin da take 'ko'karin jan kujera ta zauna bayan tagama zuzzuba musu.

Ido Mu'een ya zaro da mamaki yace" siya kuma Ammi....har daga ina haka?"

" Can wani gida mana kana tambaya ta kamar wanda idan na fa'da mai gidan zai sani...."

Alhaji Baba ne ya tari maganar da fa'din " gidan abokina akeyi " M. Jaji wanda ranar ka gansa a gidan gona.."

Baki ya ta6e ha'di da fa'din ni banganeshi ba wallahi".

" Amma ai kasan yarinyan nan Hudah da kullun take zuwa gidan nan da safe ko..?"

Kai ya 'daga a hankali yana kallon Alhajin da tunanin dama ya rasa dalilin da ke kawota gidan kullum safiya......Alhaji Baba sai yace masa " to mahaifiyar ta ke yi kuma ita ke kawowa, idan kanaso sosai sai adinga kawowa da yawa".

"...Haba Ammi dan Allah... yanzu dama ba ke keyi ba shine kuma ba'a ta6a gaya min ba?"

" Ai kaji yau kam".
Ammi ta bashi amsa cikin halin ko in kula.

Shiru yayi bai sake magana ba haka kuma bai kai komai bakin sa ba har kowa ya gama ya tashi a table 'din ya rage saura shi ka'dai da Ammi...shima kansa kuwa bai san me ya hana shi barin table din ba.
Ammi ce ta dube shi tace
" Idan baka son wainar ga Tea da bread ka ha'da barin soya ma 'kwai yanzu sai ka ha'da ka ci?".


Kai ya girgiza mata alamar "a'a" " to me zaka ci?"
" ba komai" ya bata amsa a takaice.

Ammi 'kyale shi tayi ta mi'ke ta tafi kitchen dan soya masa 'kwan...amma ga mamakin ta kafin ta fito daga kitchen 'din yayi tafiyar sa domin koda ta dawo bata same shi ba a inda ta barshi......har 'dakin sa ta duba bata same shi ba, shi wai a dole fishi yayi sosai harda barin gidan.

Bai dawo gidan ba kuwa sai 'karfe uku sannan yazo nan ma da 'kyar Ammi ta sashi agaba kafin ya ci abinci ka'dan.

Cikin ranta tace " silly boy....bacin ya gama santin kunu da waina abaya kuma yanzu zaimin iyayi... mthew" ta 'karashe da jan tsaki duk cikin zuciyar ta.

A fili kuwa nan nan ta ringa yi dashi dan bata son mutun ya rin'ka zama da yunwa.




*****
     Bayan kwanaki uku.....ban fasa zuwa gidan ba kamar yadda ban daina kawo waina da kunu ba....na kanzo kamar yanda na saba muyi wasan mu da su Saif in koma gida abina....amma har ib tafi wani lokacin bana ganin sa.

Ban sani ba yanzun ashe Deen ya daina zuwa dinning da sassafen nan tunda ya ji cewa ba wainar Ammin sa yake ci ba...yanzu ko ya dawo daga gudun safen sa ma 'dakin sa yake shigewa abinsa sai kusan 10 yake fitowa yasha ruwan tea.....duk yanda yaso ya daure amma ya kasa ya riga ya saba da 'dan'danon waina da kunun nan.

Sati guda yana a haka duk 'ko'karin da yake yi wajen sharewa amma ya kasa watarana da sassafe yayi tsaye akan Ammi wai dole sai tayi masa kunun gya'da da kanta...." kajira anjima ka'dan za'a kawo sai ka sha".
Ammi ta bashi amsa batare da damuwar komai ba.

'Bata rai yayi yace "  ni Ammi naki nake so dan Allah".
....kallon sa tayi da mamaki tace " haba Mu'een....ka ta6a ganin nayi kunun gya'da da hannuna ne a gidan nan fisabilillahi?"
" to shikenan kiyi min waina abar kunun".
" Ni duk ban iya ba"
Ta fa'di da 'kosawa...
Zai sake magana tayi saurin taran sa da fa'din  " in zaka saki ranka ma gara ka saki ranka dan ni babu abinda na iya...ubanka ma ai yana cin wancan 'din balle kai".
Ta 'karashe da masifa...

   Tamkar zai yi kuka haka ya juya ya bar mata kitchen 'din, gaba 'daya ma sai yaji garin ya fita ransa, Antyn sa Zainab ce ta fa'do ransa dan yasan ita duk ta iya su tunda lokaci-lokaci takan yi musu idan ta ga dama, sai dai wancen da yake ci 'din ko kama 'kafar wannan bai yi ba a da'di...amma dai duk da haka a yanda yake jin son waina da kunun yasan idan ya sami na Antyn ba zai 'ki ba.
    

    Abu 'daya ke taka masa birki shine son yarinyar nan baya so ya tafi ya daina ganin ta domin a duk ranar da ta kasance ganin ta yayi masa wahala to kuwa shima wahala yake sha da zuciyar sa, wani irin so yake yiwa yarinyar mai wuyan fassaruwa.
    Bai ta6a tunanin a wannan shekarun nasa zai yi sha'awar yin aure ba har sai da ya kamu da son Nannen mu, 22yrs yake amma yana jin da Uncle Ja'afar zai yadda masa da auren ta zaiyi ya killace ta a gidan sa shi ka'dai ya ringa kallon ta.

     'Karfi da yaji yayiwa kansa katanga da wainar mu, duk kuwa da cewa yana tsananin son ta amma haka ya daure ya cireta cikin ransa.


Satin sa shida a Shuwarin Uncle Ja'afar ya 'kirashi ya sanar da shi batun computer certificate 'din zai fara, afa'dar Uncle Ja'afar in so samu ne nan da kwana uku ya dawo yayi registration.

   Mu'een yaji da'din wannan labarin sosai domin kuwa zama haka a gidan ya ishe shi sai dai gefe daya yana jin tamkar zai bar 6arin zuciyar sa....tun daga ranar ya fara shirin tafiyar sa sai dai rashin natsuwa da ya ziyar ce shi zuciyar sa tun yanzu har ya fara kewar Nanne.

     Ana gobe zai tafi a lambu ya yini wurin Alhaji Baba, suna zama suyi hira sosai da Mal. Jaji amma bai ta6a sanin cewa shine mahaifin Nanne ba....to ko ranar ma tare suka wuni dashi yana bashi labarin irin yadda suke samun cigaba a duk lokacin da aka fitar da kayan lambu ko kaji dake gidan gonar.

'Karfe biyar da rabi suka baro lambun shida Alhaji, da 'kafa suke tafiya suna 'dan ta6a hira anan Alhaji Baba yake 'kara yi masa Nasiha game da rayuwar mu ta yanzu, inda ya ringa buga mai misalai da dama musamman ma irin wancan abinda ya ta6a faruwa da shi har ajiyayyen ciwon sa ya tashi masa......Alhaji yace " ina fa'da maka hakane dan nasan ba kowani lokaci bane zangan ka har in gaya maka hakan, saboda bama tare da kai, yanzun ma nasan da kasamu makarantar akan lokaci nasan da zai yi wuya mu ganka...."
Sai yace
" Haba Alhaji Baba..ai da da yanzu ba 'daya bane, zan dinga zuwa akan lokaci insha Allahu....ni dama zanyi aure na anan garin ai kaga babu batun rabuwa da ku ko?"
Ya 'karashe maganar da tsokana.

Murmushi Alhaji Baba yayi tare da fa'din " aure a garin nan....?"

Kai ya 'daga masa sama yana murumshi tamkar wani yaro...sai Alhaji yace " a ina kaganta dan nasan ka ga wacce tayi maka ne shiyasa ka fa'di haka".

" Ai kaman kasani Alhaji...dama inaso in baka amanar ta kafin in tafi..."
"Da yake ni kakan kane ko...?"
" ah ah ni dai dan Allah Alhaji Baba kar kabari a aurar da ita ma wani, ina kammala karatuna zan dawo ka nema min auran ta ".

" Baka da kunya Muhammad, ni ne zan yi ma gadin wacce kake so?"

Shagwa6e fuska yayi tare da rausayar da kansa gefe yace " please....please Alhaji... in ba haka ba kuma to kawai ka tanadi likkafani ka ajiye tun yanzu!".

" Ja'irin yaro...mu ai namu shan gumba ne kawai".
" um-um dai Alhaji gara asha biki da gumban nan, ai nasan kaima baka so in mutu tun yanzu ko ba haka ba?"
Alhaji 'yar dariya yayi sannan ya sake fa'din
" idan tazo na isa in hana ne Muhammad?"

" Allah yasa mu dace...amma ni dai please Alhaji na baka amana idan ka'ki kuma zanje in bawa Ammi na kawai".

" Da yafi maka"
Alhaji ya fa'di cikin nuna halin ko in kula....Zabura Mu'een yayi yace " haba Alhaji wai da gaske kake yi ne....ni fa gaskiya kai nake so saboda kai zaka fi kulamin da kyau...kaga idan kaji za'a min sakiyar da ba ruwa sai ka shigar da magana ta kawai amma Ammi ai kullum tana gida ina zata san meke faruwa".

Shi kam Alhaji Baba sosai yake mamakin jin wannan zancen daga bakin Muhammad 'din sa....dan ya tsokane shi sai yace " to ka bari sai munyi magana Ja'afar".

" Subhanallah "
ya furta da sauri har da kame bakinsa " Uncle Ja'afar dai?
Cikin shagwa6e murya ya 'kara fa'din" Haba Alhaji Baba kanason in sha masifa ne hala, ai kasan halin Uncle Ja'afar ba sau'ki kuma wannan fa sirrine tsakanin mu dan Allah be serious mana".
Ya 'karashe maganar kamar zaiyi kuka.
Alhaji sassautawa yayi ganin dagske fa yake sai ya tambaye shi
"...to wace yarinya ce?"
Cike da farin ciki yace " yess...." harda watsa hannayen sa.
Da sauri Alhaji Baba ya kalle shi sai yace " to na fasa"
Tuni ya nutsu yace
" ah ah no yi ha'kuri Alhaji......sunan ta Amina amma anace mata Nanne...mahaifin ta kuma wai sunan sa Malam Mamman, gidan su na can 'kasan...ya 'karashe da yiwa Alhaji kwatancen gidan mu.




_Comment,Vote nd Share please_ 👏🏻




*Salmerh ce* 😍

💕 *NOORUL* 💕
      (Haske nah)


By
*Salmerh MD*

 

*Wattpad @*
*Serlmerh-md*


💫 *DA BAZARMU* *WRITTER'S ASSOCIATION*
💫
We are here to make you happy,smile,educate and to realized that we are the best among all.....
*DA BAZARMU* *MUKE TUN'KAHO*

*Bismillahir* *Rahmanir Raheem*


🅿 *27*

Da yamman ranar kuwa babu islamiya  da yake ranar Alhamis ne kuma bama zuwa, ranar ma ni da Nanne muka kai marka'den shinkafar wainar Ummahn mu...da kuma gya'da dayake yau d'in harda gya'da ta gyara shiyasa muka tafi mu biyu, dama ranar da duk za'ayi markaden gya'da ne muke tafiya mu biyu idan kuwa marka'da'd'iyar gya'dar Ummah bata kare ba ni ka'dai ke zuwa in marka'do mata shinkafa.

     A hanyar mu ta dawowa muna tafiya muna 'yar hira, wani sa'in kuma fa'da mukeyi da ita dan ni nawi ya dame ni sosai yayin da ita kuma take faman jan 'kafa tafiyar ta kamar dan dole take yin sa.

Burina tayi sauri mu wuce gida ita kuma ta'ki a hankali take tafiyar ta kamar yanda ta saba.

      Cikin shirin zuwa ball yazo ya gifta mu ban sani ba ko bai gane ni amma ni kam sau 'daya na kalle shi amma sai na gane shi.

   Sai da ya wuce ne sannan Nanne tace da ni " tab amma wannan yana da kyau gaskiya".

" Waye wai wancan ?"
Na tambaye ta gami da nuna shi da bakina cuz da duk biyun hannaye na ri'ke roban dake kaina.
Nanne sai tace " ehh mana koke baki ganshi ba "
Juyawa nayi na cigaba da tafiyata sannan nace
" Na ganshi mana... 'dan gidan Alhaji Baba ne, mugunta ce dashi ingaya miki