You Cannot Download this book untill you login but you can read it .

---

Login Register

'dauko wani likita na musamman domin ya duba shi.


Kwanan Uncle Ja'afar biyu ya koma kafin hakan kuwa sai da ya sanar da Mu'een cewa Antyn sa ma zata zo kwanan nan ta duba shi, har lokacin tafiyar tasa kuwa basu yi wani maganar kirki ba da idanu kawai Yah Deen ke kallon sa cikin zuciyar sa yake ayyana irin rashin kyautawar da yayi masa.


Shi kam fatan sa Allah yasa idan Anty tazo in ta taho masa da Noor 'din sa cuz tunda yaji muryar ta awayar Anty yasan tare suke da ita, sai ma yanzu yake jin haushin kansa da tuntuni bai yi tunanin hakan ba bayan dukkan alamu sun bayyana a fili, bai ta6a zaton Noor na wurin Anty Zainab ba da tuni ya tafi Taraban yama rasa dalilin da ke hana shi zuwan kwata-kwata.


Komawar Uncle Ja'afar da kwana uku sai ga Ishaq ma yazo duba shi wanda washegari aka disacharging 'din su ya koma gida dan ciwon da 'dan sau'ki ba laifi kuma likitan nasa yayi al'kawarin bashi kulawar da ta dace koma a ina yake.
Tare duk suka koma gida da Ishaq wanda har a lokacin maganar bakin sa take 'yar 'kalilan, baya ta6a yin maganar da tafi uku zuwa hu'du a kowace rana.


Shuwarin suka koma gaba 'dayan su sai washe gari kafin Ishaq yayi musu sallama ya koma Maiduguri.


Ammi ce ta cigaba da kulawa da 'danta tana nan-nan da shi, gaba 'daya ta sau'ko tayi sanyi, banda tausayin sa babu abinda take ji yanzu.


Ji take da tana da dama da babu abinda zai hana ta dawo masa da matar sa amma taga alamun Alhaji ba niyyar sa kenan ba, da kansa ya sanar da ita shirin sa akan Noor in 'din wanda hakan sai yasa wani sa'in take ganin kamar shi 'din bai damu da rayuwar Mu'een 'din bane bai damu da farin cikin sa ko ba'kin cikin sa ba.


Ranar da su Zainab suka sau'ka aranar ma zazza6i ne sosai ya rufe shi..ko sanin wanda ke kansa baya yi, dayake ma likita dake kula da shi yana nan kusa kuma yana zuwa duba shi akai-akai shine ke yi masa duk abinda ya dace kafin ya tafi...jikin sa kam Alhamdulillah yanzu dan illah zazza6in da ke yawan kama shi kuma sosai yake galabaitar da shi.


Shima likitan yayi wa su Alhaji bayani cewa abinda ya sa cikin ransa da be samu ba shike hana shi warwarewa kuma a kullum tunanin sa a kai ne shine kuma ke haddasa masa yawan zazza6in...


Saif kam kallon su kawai yake yi dan haushi ma ko batun Noor da yaji Uncle yayi be iya zancen da kowa ba cuz yasan duk suna da masaniya kuma suka bar shi yake shan wahala suna ta 'karar da ku'daden su abanza, to tunda kam sun sani shime ze sake cewa da su.


Ko ranar da za'a sallamo su ma batun da likitan yayi musu shine dai guda 'daya na cewa a rin'ka 'ko'karin kwantar masa da hankali ta hanyar sada shi da duk abinda yake so...tunda basu da niyyan ganin kwanciyar hankalin sa ai shikenan shikam ido zai zuba musu duk ranar da 'dan uwan sa ya rasa ransa kuwa a lokacin zai karantar da su babban kuskuren da suka aikata, a lokacin zai bayyana musu babbar illan da suka yiwa rayuwar 'dan uwan sa sanadin sakacin su da son zuciya.


Duk wani kulawa da Ammi ke bashi a yanzun Saif duk ba yabawa yake yi ba, gani yake duk na banza ne tunda ga can inda matsalar take kuma sun sani suke basarwa.


Anty Zainab da sau'kan ta ko ruwa bata sha ba ta ce ita kam yaron ta take son gani...
Ammi ce ta sanar da ita cewa yana 'dakin sa.

Noor kam shiru tayi tana danna wayar ta hankalin ta kwance.
Ta yi kyau shar abinta tamkar wacce bata ta6a zaman aure ba.

Ammi kan ta tayi mamakin canzawar Noor ga wani salo da wula'kanci da ta koyo.

Noor 'din ta duk ta canza ba kamar Hudahn ta me tsananin kunyan tan nan abaya ba.


Ammi bata yi mata batun zuwa duba Mu'een 'din ba ganin kamar bata da niyya sai kawai itama ta mi'ke tabi sahun Anty.

Noor tashi tayi ta koma 'dakin Ammi ta kwanta dan ba 'karamar gajiya tayi ba, ga tafiyar jirgi ga ta mota duk ga6o6in ta sun gaji sosai, hakan ma sai da suka kwana a Azare gidan su Anty Zainab suka 'dan huta kafin suka 'karaso.


Vibration wayar ta ta fara..ni kaina nayi mamaki da ganin sunan dake kai ha'di da jan symbol na heart na yawo akan fuskar wayar...'dauka tayi tana murmushi murya can 'kasa take magana ni kaina banji komai da tace ba.
Sai dai mamaki ya kasa bari na na ganin wannan lamari.






Comment
Vote
Share





*Salmerh ce* 😍

💕 *NOORUL* 💕
(Haske nah)



By
*Salmerh MD*


*Wattpad @*
*Serlmerh-md*



💫 *DA BAZARMU* *WRITTER'S ASSOCIATION*
💫
We are here to make you happy,smile,educate and to realized that we are the best among all.....
*DA BAZARMU* *MUKE TUN'KAHO*



_*Daga marubuciyar Littafin CAPTAIN ABBAS*_


*Bismillahir* *Rahmanir Raheem*



🅿 *90*


Basu samu daman gaisawa da Saif ba har kusan la'asar gwamma Zaidu ma shi kam sun ha'du sun gaisa da shi sama-sama.


Shi kansa Saif da ya ganta sosai mamakin ta ya kama shi ta zama wata 'yar gayu sosai ta murmure da alamu bata da damuwar komai..." Hudahn Ammi wai kece haka?"
Tambayar da yayi mata kenan da alamun mamaki 'karara kan fuskar sa.
Murmushi tayi masa sannan ta bashi amsa da fa'din" Ni ce mana Saif hala har ka manta da ni ne?"
" Ko nayi hakan ma aganin ki inada laifi ne? how many months ban gan ki ba, baki neman mutum kuma ko a waya ne.."
Murmushi kawai kawai tayi masa.
Sai yace " Allah fushi ma nake da ke.."
Ido ta 'dan zaro tana murmushi sai yace" Erh mana sam baki kyauta mana ba, ban ta6a zaton zakiyi irin hakan ba wallahi".
Tana duban sa still tana murmushin tace da shi" Hala wani laifin nayi mai girma..."
" Sosai kuwa, haushi ma naji shiyasa ban ta6a tambayar ki wajen Ammi ba, amma Noor ace ki tafi tsawon watanni ko irin ki neme mu awayar nan, ba sa'ko ba gaisuwa ba komai...ai ke kanki kinsan baki kyauta ba..kin bar mu kawai da kewar ki gida ya kasa samun natsuwa".


Murmushi kawai tayi tana maida idanun ta kan wayar hannun ta tace" Saif kenan...ya karatu kuma?"
" Karatu ya 'kare sauran wata kuma Insha Allah".
"To Allah ya taimaka..har kun 'kare service kenan?"
" Soon zamu fara.."
" Owk Allah ya bada sa'a"

" Ameen" Ya amsa yana mai gyara zaman sa.
Shiru ya 'dan biyo baya can.sai Saif ya mi'ke yana fa'din" Bari in duba Yaya anjima mu ha'du pls kinji".
" OK bakomai"
Haka kawai tace masa ta maida idanun ta kan chat da take yi.

Saif kam girgiza kansa yayi sannan yayi gaba abin sa.
Ya fa'di duba Yaya ne da tunanin ko itama zata ji kunya tace suje tare amma ga mamakin sa sai tayi kamar ma bata ji abinda ya fa'di ba.


Ita kam ji take kamar zaman gidan zai takura ta, cuz Yah Deen na gidan kuma bazata iya denying zuwa duba shi ba a koda yaushe ba ko dan saboda Ammi ma and bata son ganin sa balle ta tuna wani abu da yata6a ha'da ala'kar ta da shi...cikin zuciyar ta take yi masa fatan samun lafiya amma duk da hakan tasan idan har bata je ta duba shi ba Ammi cikin ranta bazata ji da'di ba sam dan hakan gwamma ta 'dan yi nesa ka'dan da su...zai fi mata.
Cikin ranta ta yanke shawaran komawa gidan Ummahn ta ayau in amma bayan sallar maghrib.


Hakan kuwa akayi sai dai kafin tafiyar tata ta samu ta bi Ammi 6angaren nasa badan ranta na so ba ma, haka dai kawai dan kar ammi taga kamar ko bata damu da lafiyar sa bane.


Allah ya taimake ta kuma lokacin ma bacci yake yi, har cikin zuciyar ta taji sanyi...hakan yasa tayi masa fatan samun lafiya sannan ta fito tana karanto yanayin sa da ta gani cikin zuciyar ta.


Sosai ta fahimci ramar da yayi duk kuwa da cewa ba wani sosai ta kalle shi ba, tasan babu mamaki ba 'karamar jinya yake yi ba dan tasan kalar ciwon sa..amma wata zuciyar ta sai ta kwa6e ta akan zurfafa tunani akan sa bata son ta fame tsohon ciwon da ta jima da binne shi hakan yasa ta tsagaita tunanin da cusawa zuciyar ta tsanar sa kamar yadda ta saba kullum.


Bata tafi ba sai da ta jira Alhaji Baba ya dawo gida suka gaisa kafin ta sanar da su cewa tana so zata gidan Ummah ne.
Babu wanda ya hana ta sai ma Saif Alhaji ya sa ya sau'ke ta dayake yasan tasu tafi zuwa 'daya.

Haka suka tafi suna 'yar hira ka'dan-ka'dan nan yake tambayar ta makaranta tace ai 3months kacal ya rage mata ta kammala gaba 'daya.

Murna sosai yayi mata da fatan Alkhairi sannan suka rabu.


Su Ummah kam ba 'karamin da'di suka ji ba da ganin ta bayan tsawon wani lokaci, sun jima suna hira ranar dan Ummah har mamaki ta bawa Noor, cikin hirar Ummah ke bata labarin duk wahalhalun da Mu'een ke sha da bata nan, tace tausayin yaron take ji sosai dama so take tayi mata maganar amma tabari akan sai sun ha'du saboda ta fahimce ta da kyau.



Jin Ummah ta fara maganar Yah Deen ne ya sata yin shiru kamar tana bacci...Jin shirun yasa Ummah ta 'kyale ta da tunanin ko baccin tayi da gaske.


Nan kuwa itama duniyar tunani ta fa'da...sam bata so ta sake komawa rayuwar Mu'een shiyasa ma ta yadda da soyayyar Abdulhakeem da ya nace mata, ba wai dan tana son shi ba sai dai dan kawai ya 'dauki hankalin ta, kuma ko batun aure ne ya tashi a shirye take ta aure sa tunda ta yadda da soyayyar da yake yi mata tsawon lokaci.


Ko ja masa rai da ta tayi ma tasan da ba dagaske yake son ta ba da tuni ya janye amma haka ya jajirce akanta ya nuna tsantsar juriya da ha'kuri duk kuwa da cewa yasan labarin komai akan ta amma bai janye ba.


Ita kam da kanta bata sanar da shi komai game da ita ba, bazata manta ba ranar yazo gidan su while ta tafi school Anty ce ka'dai a gida nan tayi masa iso suka zauna a parlour suka gaisa ya sanar da ita cewa shi ne me son Noor amma ta'ki bashi ha'din kai har yanzu.


Anty bata yi mamaki ba dan tasan dama Noor bata bawa kowa hankalin ta, nan ta fara yi masa bayanin wace Noor da kuma dalilin da yasa bata son kula kowa, Anty kam ma nuna masa tayi kamar har yanzun son Mu'een ke hanata kula wasu.


kuma tayi hakan ne dan bata son shima 'din ya cigaba da ra6ar Noor tafi son ta komawa Deen su 'karashe rayuwar tare, dan Anty Zainab tasha kamata tana kuka idan ta tambaye ta dalilin kukan kuma ta kance da ita bakomai wani sa'in bathroom take shigewa ta sha kukan ta son ranta sannan ta fito duk Anty Zee ta san hakan amma bata ta6a tanka mata ba..kuma ta fahimci duk akan rabuwar ta da mijin ta ne, daga baya ma sai ta daina bari Anty na ganin alamun kukan tattare da ita.
...A tunanin Anty ko idan Hakeem yaji cewa Noor 'din ta ta6a aure har da 'ya ko zai janye ne.

Amma ga mamakin ta Hakeem kam sai ma 'kara bada himma da yayi, gashi da 'dan banzan surutun da ko bakayi niyyan tanka shi ba ma dolen kane matu'kar kun zauna da shi.


Hakan yasa ya shiga jikin Noor sosai tun ma bata sakin jiki har zo ta saki jiki da shi, hatta sunan sa dake wayar ta ma da kansa yayi saving kayan sa, a yanzu idan tace bata 'kaunar sa to kuwa tayi 'karya sai dai har yanzun bai ko taka 'kafar 'kaunar da ta yiwa Yah Deen abaya ba.




*****
Lokacin da zazza6in ya sake shi ya fahimci cewa Anty Zainab tazo hankalin sa kasuwa yayi kashi-kashi, burin sa yaga Noor in sa tazo inda yake amma shiru, shi kuma bai tambayi kowa game da ita ba dan shi yanzu abu mai yi masa wahala shine magana, ya tsana sam.


Ko motsi yaji zaki ga ya dubi wurin da sauri da tunanin ko zai ganta, yana ji cikin ransa cewar wannan karon me raba shi da Noor koma waye shi to babban ma'kiyin sa ne.


Itama Antyn har yanzu bata ga wani sakin fuskar sa ba, dan ya sanya cikin zuciyar sa cewa itace ta raba shi da Noor 'din sa ta janye ta daga kusa da shi bacin tasan halin da yake ciki kuma ta share shi, da kansa ya sha rubuta mata abinda ke damun sa game da rashin Noor amma Anty Zainab bata ta6a tanka shi ba balle ta nuna masa alamun ta san inda Noor take, while tsawon lokacin tana nan tare da ita.


Washe gari Saif ya sake dawowa gidan Ummah dan sosai yake so su gana da Noor su fahimci juna.

Da Ummah suka gaisa dake harabar gidan tana 'yan aikace aikacen ta nan take tambayar sa jikin yayan nasa, tace taji da jimawa ance ya koma bakin aikin sa.

Saif Amsa ta yayi da fa'din" Erh Ummah ya koma amma yanzun haka ma yana gida jikin har yanzu babu da'di.."
Subhanallah..kai Allah dai ya sauwaka.."
Ameen Ummah"
Tace" A ini ban ma sani ba".
" Erh ai cikin kwanakin nan aka kawo shi shiyasa ba kowa ya sani ba.."
" Allah sarki..."


Ummah ta fa'di tana duban Hudah dake tsaye bakin 'kofa tana sauraran hirar ta su...kawar da kai tayi tamkar bata ga Ummah na kallon ta ba.

Iso ta yiwa Saif zuwa 'dakin nan ya cire takalman sa ya shiga.


Tana daga gefe jikin ta wata duguwar riga ce mai kyan gaske ta yane kanta da mayafin rigar, yayin da Saif ke zaune shima daga can gefe guda suna fuskantar juna.


Gaisuwa suka sake yi me 'dauke da kewar juna..." Yah Me jiki fa?"
Ta tambaya tana sunkuyar da idanu.


Sai da ya furzar da numfashi kafin yace" Jiki Alhamdulillahi da sau'ki...i thought zaki zo da safe ai ki duba shi shiyasa ma banzo da wuri ba.."
" Murmushi tayi tace da shi" Erh wallahi nayi niyyan zuwa kuma sai wani uzuri ya ri'ke ni..".
" Ke de kice baki damu da shi ba yanzu dan ba mijin ki bane shiyasa".
" Haba dai ya zaka ce haka kuma Saif? mutum ai mutum ne...balle jinin.Ammi kasan bazan ta6a wula'kantawa ba."

Kai ya girgiza tare da fa'din
" Kar ki wani yaudare ni da wannan kalmar dan sam bazan yadda da ke ba, alamun ki kwata-kwata basu nuna cewa kin damu da jinyar sa ba, ganki fa kyau ma kika yi abinki hadda 'kiba kamar ba me karatu ba..."


'Yar dariya tayi sannan tace " Hala so kake ka ganni na 'kwanjame na zama 'kashi ko?"
Ta karashe maganar tana murmushi.


Girgiza kai yayi yace ba nufi na kenan ba Noor...kawai wani sa'in ina mamaki ne, a dalilin ki fa Yaya kamar zai rasa ransa, wallahi tun rabuwar ku bai sake yin 1 week mai kyau cikin natsuwa ba, kullum shine a gadon asbiti kamar wani mai fama da ciwuka 'dari ta ya bazan tausaya masa ba...kowa ya kasa fahimtar sa hadda kema kika share sa da Ammi ka'dai kike waya itama kuma ta hana kowa damar da zai gana da ke...ban ta6a sanin ana rabuwa irin wannan ba sai akan ki Noor...wallahi koma miye Yayah ya miki zuwa yanzun ya kamata ace kun tausaya masa ke da su Ammi, ku duba halin da yake ciki fa, laifin sa tsakanin sa da mahalacci ne amma duk kun juya masa baya, nasan kema be kyauta miki ba amma Noor me yasa bazaki kalli abin matsayin 'kalubalen dake cikin rayuwar auren ki ba? kina da tabbacin ko wani daban kika aura zaki rayu babu wasu 'kalubalen ne?
Ba ina yi miki magana matsayin 'dan uwan Mu'een ka'dai bane Noor ina miki magana ne matsayin 'dan uwan ku gaba 'daya, dan Allah ki zauna kiyi tunani da kanki ki san abinda ya dace da ke, Allah ma kansa idan bawa yayi masa laifi ya kuma tuba tuba ta gaskiya Allah yana yafe mai ya kuma karrama shi balle mu 'yan Adam da dukkan mu ma muka kasance masu laifi, ki yafe masa dan Allah koma bazaki komawa auren sa ba Noor ki dubi girman Allah kije ki duba shi..? kar ki kasance mai son kanki wacce bata damu da damuwar wanin ta ba...rayuwa ko wani 6angare ha'kuri ake da ita balle shima Yayan na tabbata ko giyar wake yake ko wani sa'a bazai yadda ya sake maimata abinda ya wuce ba..dan Allah ki nutsu kiyi tunani kinji...?"

Kallon Saif take yi ta kasa fa'din komai gaba 'daya ya sanyatar mata da jiki...shi kam da gama fa'din hakan sai ya mi'ke tsaye bai jira jin ko kalma daga bakin ba cuz maganganun sa basu bu'katar amsa ko 'daya, tsaye ya mi'ke yana jin babu da'di cikin ransa.


Hanyar fita ya nufa yana fa'din " Ni na wuce sai anjima ko ince watarana..."
Bata tanka shi ba sai itama ta mi'ke tsaye tana duban bayan sa da raunannun idanun ta wanda tuni har sun fara tara ruwa...yana shirin 'daga labile ta 'kira sunan shi da sanyin muryar ta da baya ta6a canzawa.


Waigowa yayi ya dube ta take sai ta kawar da kanta gefe sannan a hankali tace..." Bayan Maghrib kazo ka kaini in duba shi...".
Cike da jin da'di yayi murmushi gami da jinjina mata kansa kafin ya 'karasa fita.


Ko bayan fitan sa ma zama tayi kawai ta 'kure wuri guda da idanu tunanin da zatayi takamamme ma kwata-kwata ta rasa shi, haka kawai take jin ta wata iri zuciyar ta duk ta dagule, abubuwa da da dama ke mata yawo cikin brain 'din ta amma ta rasa wanda ya kamata ta cafka.


Ana idar da sallar maghrib kuwa Saif yayi parking 'kofar gidan su, zuciyar sa wasai yake jin ta.

Da yake ta riga ta sanar da Ummah batun zuwa duba Mu'een in ya sanya tun da wuri Ummah ta uzzura mata ta gama shiryawa tana idar da Sallah kuwa sai gashi yazo da jin sallamar sa ta 'dauko mayafin ta fito suka wa Ummah sallama suka fita.



Ko cikin motar bata fa'din komai Saif ne ka'dai ke janta da hira..amma a ta'kaice take amsa shi, yanzun zuciyar ta bugawa take yi sosai tamkar wanda bata ta6a ganin sa bane a rayuwar ta sai a wannan lokacin.



Ko da suka isa gidan ma sai da ta zauna wurin su Ammi suka gaisa sannan ita da Saif suk shiga wurin Alhaji Baba nan ma suka gaishe da shi yake tambayar ta yaushe ne zata 'kare makarantar tace da shi" wata uku ya rage".
Cike da jin da'di yace" to Allah ya taimaka ya kuma bada sa'a 'ya ta."
Da " Ameen" ta amsa shi tana mai yin 'kasa da kanta.


Daga wurin sa sai suka wuce 6angaren Yah Deen...zuciyar ta har harbawa, duban 6angaren take yi kamar bata ta6a rayuwa a wurin ba, yanzu komai ya canza an canza sabo da ya ci 'kaniyar wanda ta sani a kyau.

Saif ne ya fara shiga bedroom 'din nasa, wanda ko sallamar da yayi ma bai amsa shi ba, gaban gadon yaje ya tsaya yayi masa sannu ya amsa shi ma be yi ba illah kansa da ya girgiza masa haka ya fito yana jin tsananin tausayin sa a zuciyar sa, sosai yake jinjinawa halin rayuwa, yau ga Yah Deen mai cike da Izzar nan mai kwarjini da haiba, mai nuna isa da tsananin jin kai amma yau gashi maganar da zai furta da bakin sa ma wahala take bashi..Allah kenan Sarki gwanin sarrafa al'amura a duk yadda ya so.


Ganin Saif ya fito ne ya sanya ta saurin fa'din" Bacci yake ko?"
" A a idanun sa biyu..ki shiga ina zuwa ya aike ni ne yanzun zan dawo".
Ya bata amsa yana mai nufar 'kofan da zata fitar da shi daga 6angaren.


Tsayuwa Noor tayi jim kamar bazata shiga ba.
A hankali ta 'daga 'kafafun ta ta bedroom 'din nasa...bakin ta nawi yayi mata sosai ko sallama bata iya ta yi ta yanda za'a ji ta ba, daga bakin 'kofa ta tsaya tana tunanin abinda zata ce da shi, daga inda take tana iya hango shi, baya ya juya ma 'kofan so baima san da tsayuwan ta wurin ba...jikin sa farin singlete ne sai abin rufa da ya lullu6e daga 'kafafun sa zuwa 'kugunsa..tana iya hango gefen fuskar sa da uban 'kasumbar da ya tara wanda ada ba hakan yake bari ba.


Bata ko yi motsin kirki ba balle ta furta wani abu har lokacin da ta 'dan ji motsin shigowa, zaton ta ko Saif ne dan yace da ita zai dawo hakan yasa ta waigowa amma sai taga Ammi ce ta shigo...take taji kunya ta lallu6e ta..sai ta 'kara yin gefe ta bawa Ammi hanya ta shigo.


Ammi da mamaki ta dube ta sannan tace" A a Hudah..dama kun baro wajen Alhajin ne?"
Sam Ammi bata ta6a zaton Noor zata yi tunanin zuwa duba shi ba.
" Erh" tace a hankali tana mai 'kara sunkuyar da kanta.
" Bacci yake ko?"
Ammi ta sake tambayar ta tana duban inda yake.
Noor shiru tayi dan bata san me zata ce da Ammi ba kuma.

Abincin da ke hannun Ammi ta ansa ta 'karasa ta ajiye kan drawern gefen gado..Ammi sai kawai ta 'karasa kusa da shi tana 'kiran sunan sa.

Shi kam tunda yaji an ambaci sunan Noor 'din sa ya kuma ji sassanyar muryar ta kusa da shi sai ya lumshe idanu, fatan sa Allah yasa ba mafarki yake yi kamar yadda ya saba ba, ko cikin Ramadan 'din da ta gaba ta ma ya ro'ki Allah sosai akanta, ya ro'ki Allah ya dawo masa da ita idan har itan ta kasance Alkhairin sa ne, sosai kuma ya du'kufa wurin neman yafiyar ubangijin sa bisa ga abubuwan da ya aikata, fatan sa Allah yasa Addu'ar sa ce ta kar6u Allah yasa ba wani mafarkin yake yi ba...bai yi ko motsin kirki ba amma da kansa ya gaskata kunnuwan sa musamman da yaji yanda yanayin bugun zuciyar sa ya canza nan take, har sanda Ammi ta iso kusa da shi ta fara 'kiran sunan sa amma ya kasa amsa ta.

Yun'kuri kawai yayi ya tashi zaune...a hankali idanun sa suka kai gare ta daga can gefe tana tsaye.


Kallo 'daya yayi mata sai ya kauda kansa gefe yana jin wani irin sanyi na ratsa masa cikin zuciya.


" Sannu ya jikin ?"
Ammi ta tambaye shi.
Saman la66a ya amsa mata da" Alhamdulillah".

" Bari in kawo ruwa ina zuwa"
Shine abinda Ammi ta fa'da kafin ta bar 'dakin zuwa waje.


Idanun sa da suka 'kara fitowa sosai ya 'kura mata yana kallon fuskar ta, itama 'din shi take kallo, zuciyoyin kowannen su da magana amma babu wanda ya iya furtawa...

Ita kam dake saurin kuka gareta har yanzun tuni hawaye ya wanke mata fuskar ta, a hankali tayi 'kasa da idanun ta ta tana share hawayen tausayin sa ne sosai ya cika mata zuciya.

Sai da ta share hawayen kafin tayi dauriyan bu'de baki ta tambaye shi" Ya jiki?"
Bai amsa mata ba sai ma kawar da kansa da yayi ya daina kallon ta, hannun sa ya koma mammatsawa a hankali haka kuma bai sake 'dagowa ya dube ta ba balle ta san ran yana da niyyan amsa ta.

Itama sai bata sake magana ba ta ja bakin ta tayi shiru....

Ammi na dawowa ta yi mata sallama gudun kar dare yayi mata tace zata koma gida..Allah ya 'kara sau'ki".
Ammi amsawa tayi da fa'din" Amin Hudah..sai gobe ko ki gaida Ummahn ta ki dan Allah".
" Zata ji Insha Allahu".
Duk muryar ta da sanyi tayi wannan maganar har Ammi taso ta fahimci sauyin yanayi tattare da ita ma amma sam bata bari sun ha'da idanu da Ammin ba dan haka kawai sai ta bita da idanu har ta yi waje.

Sallama taje yiwa Anty Zainab sai ta tarar da ita tana Sallah sai da ta jira ta idar kafin tayi mata sallaman ta fito, a harabar gida ta ha'du da Saif nan ta sanar da shi ta gama ya maida ta gida.


A fili take