You Cannot Download this book untill you login but you can read it .

---

Login Register

tilastani yin wasu abubuwan Nuree ko da ban yi ba, please ki ringa bin Baby a hankali kinsan ita yarinya ce abinda ubanta ya jure ita bazata iya ba...wataran da kanta ma idan akace tayi irin hakan bazata yi ba so ki na ha'kuri da yarintar ta kema kinji?"

Da kaina na amsa shi alamar naji.

Ai kuwa ranar ya samu daman rabar jiki na cikin kwanciyar hankali da yake nasan nayi masa laifi shiyasa ban yi masa gardama ba.




*****
         Abu ko wani iri ne idan Baby ta nuna ra'ayin ta akai ko da kuwa iyaka abinda yake da shi kenan zaki ga ya cire ya siya mata.

Ciwo idan Baby nayi to shikenan shima walwalar sa ta 'kare kenan har sai yaga ta samu lafiya, balle lokacin da ta fara zazza6in ha'kori wallahi Yah Deen hutu ya 'dauka musamman a wurin aikin sa dan ya kula da ita ban sani ba ko raina nawa kulan yayi oho masa, domin azahiri ya nuna ni 'din bazan iya kula masa da ita kamar shi ba, Yah Deen sosai yake raina 'ko'kari na akan Jasmine.

Shiyasa nima yanzu na rage damun kaina, abu in dai naga ya fini za'kewa akai game da Baby to bar masa nake yi na hutawa raina.

Bai kasance ma'abocin kula da lamuran yara ba amma akan Jasmine sai da ya koyi duk wani abu da ya shafi 6angaren yara.

       Su Saif ma musamman suka zo shi da Zaidu wai ganin Baby Jas, suna ma fa shirye-shiryen tafiya makaranta ne amma wai su sai sun zo sun ganta kafin su tafi.

Tun zuwan mu Bauchi wannan shine karo na farko da suka ziyar ce mu, wannan 'din ma nasan saboda Baby ne.

In kinga kayan wasa da suka kawo mata abin ba'a cewa komai, haka ma sutura da Ammi da kanta ta sissiya mata ta bayar akawo mata ni kuma abaya ta siya min kala uku da takalmi.

Ni duk sai ma rasa wani irin so suke wa yarinyar nan, dan ko Alhaji Baba ba'a bar shi abaya ba, haka yake biye shirmen ta a waya har video call suna yi da ita, sai kiga tana ta shashshafa kan watar tana dariya tana fa'din _Baba_ ....da irin maganar ta.


Lokacin da ta isa yaye na yaye ta, sai ya kasance boobs 'dina na damu na sosai da zogi, har zazza6i yasa min dan nayi amfani da ha'din 'danyar shinkafan nan da ake yi.

Ni da kaina nasan Yah Deen na 'ko'kari wajen 'daga min 'kafa a duk lokacin da na'ki amince masa wurin kusantata, amma a cikin kwanakin sai na rasa me ya shiga kansa da yasa ya kasa ha'kura duk da yake cewa bana jin da'di.

A zahiri nasan yana matu'kar tausaya min amma da yazo min da bu'katar sa a lokacin da nake 'dan fama da zogin boobs 'din sai na'ki amincewa, nima 'din nasan ban kyauta ba saboda harga Allah a ranar bana jin zugin sosai, amma duk da haka sai na sanya masa kuka ina fa'din" sam baya tausayi na ai yana ganin halin da nake ciki amma zai 6ullo min da wani abu".
Na fa'di hakan ne kawai badan komai ba sai dan bana jin zan iya da shi alokacin dan nasan halin sa ba shi da sau'ki in dai ya samu kaina ba 'karamin caku'da min boobs yake ba...da jin na fara yi masa kuwa sai ya 'kyale ni da kansa ya lalla6ani gami da ban ha'kuri har nayi bacci na a jikin sa batare da na damu da halin da yake ciki ba.

Ni kaina yanzu bansan me yasa wasu lokutan nake 'kin amince masa ba, koma ba yau 'din ba lokuta da dama ma haoan nake yi masa, Yah Deen ya kasance 'daya daga cikin irin mazan nan da suka iya bi da mace wajen kwanciya ni da kaina nasani dan sosai salon sa ke tsaye min a zuci bazan yi 'karya ba, baya ga haka ma sosai nasan yanayin sa ta fannin bu'kata amma na banzatar cikin raina..a fili nake nuna bandamu da lamarin sa ba har hakan ya zauna min a zuciya.

Ada nakan 'ki amince masa ne da yake akwai haushin sa araina na bibiyan mata da yake yi, amma yanzu Alhamdulillah na fara mantawa da komai, kuma ina da tabbacin baya tare da ko wace mace a yanzu, amma duk da haka sai na rasa dalilin da yasa nake gudun sa, har sai nazo kuma na fara dangana hakan da 6atan rai da yake yi akan Baby sai inga hakan matsayin hukunci musamman da nasan shike fara lalu6a ta kowani lokaci..idan ya biye ni sai muyi 2weeeks ko ma fi batare da na amince masa ba.
Ban sani ba ko sabawa da nayi da 'kin amince masan ne yasa har yanzu ban daina yi masa gardamar ba.


Ranar lafiya lau muka kwana bai sake kula ni ba, a lokacin kwana biyar kenan da yayen Baby dan ita kam ma ta 6angaren ta babu wata matsala, ko irin kukan yayen nan bata yi sosai ba.

Washegari kawai naga ya hau shiri bai tanka ni ba har kayan Baby ya shirya da kansa batare da ya nemi taimako na ba, ina zaune parlour sai ganin sa nayi da jaka Jas kuma a hannun sa, waro idanu nayi kafin nayi magana yace min" Zamu tafi gida..Baby say Bye to ur mum".
Ai kuwa ta 'dago hannu tana min bye-bye.

Hanyar fita yayi yana fa'din" Ayi mana addu'ah".
batare da ya min ko.kallon arzi'ki ba.

Kaina sosai ya sara min, saboda tsananin tashin hankali, a fili na fahimci fushin da Yah Deen ke yi da ni, yau kam.nasan na 'kure shi, domin ada ko ba komai idan zasu tafi mukan yi sallama mai kyau har sumbata ta yana yi kafin ya wuce amma na yau 'din yasha banbam.

Inaji ina gani suka yi tafiyar su ban iya na ko yi musu addau'ar da ya bu'kata ba.

Da rana sai ga Hibbah tazo duba ni, wai inji shi ne ta ringa zuwa tana duba lafiya ta kafin ya dawo.

ni kuwa cike da haushi nace ni lafiya ta 'kalau ba abinda ke damuna, duk yadda taso ta nuna min cewa Dr.Mu'een ne ya turo ta amma na'ki sauraran ta, haka ta tattara tarkacen ta tayi gaba.

Ina jin ita ta sanar da shi cewa na'ki amincewa da yamma sai ga 'kiran sa kamar bazan 'dauka ba sai na 'dauka, take kuma sai naji kuka ya kubce min, shiru yayi yana sauraran kukan nawa daga inda yake harda lumshe idanu, yana jina har na 'dan tsagaita sannan naji muryar sa na fa'din" Jikin naki ne?"
Nace" a a".
" To menene kuma na kuka bayan naturo Hibbah ta duba ki kika 'ki amincewa?"

Shiru nayi ban ce dashi komai ba, shine ya cigaba da fa'din" Ki daina nuna kowa cewa ke mai taurin kai ce..kinga Hibbah daban ni daban amma sai da kika sa ta gane taurin kanki".
Da shagwa6a nace dashi
" Ai na warke ne shiyasa".
Ajiyan zuciya ya sau'ke tare da fa'din
" Haka ake so ai"
Sannan ya sake fa'din" mun iso lafiya su Ammi ma na gaida ki".
Da jin sunan Ammi sai wani kukan ya taso min.
Kashe wayar nayi na kifa kaina na cigaba da kuka na, shi kuwa 6angaren sa murmushin mugunta ya saki harda cije gefen baki.

Ashe ko da suka je ma Ammi sai da tayi masa fa'dan wai me yasa bamu taho gaba 'dayan mu ba, miye amfanin tahowar su su biyu su barni acan 'din.

Yah Deen ko tsoron Allah babu yace da ita wai ai nice na'ki binsu, wai banda lafiya yanzu sai dai wani lokaci, yace in ya bar Baby kuma damu na zata yi tayi shiyasa ya taho da ita"
Ya fa'di hakan ne da tabbacin 'karyar sa ta shiga domin yasan ni bazan ta6a musawa ba koda Ammi ta tuhume ni akai.

Wasa-wasa sai da suka shafe kwanaki takwas acan, duk zaman gidan ya ishe ni, ya kan 'kira na kullum sau uku mu gaisa yaji lafiya ta shikenan,  wani lokaci sai ya ha'da ni da Baby tayi ta min shirme.

Har gajiya nake yi da nata surutun sosai nake so ya bani ishshshen lokacin sa amma sam ya 'ki kamar yasan me ke cikin raina.

Ba 'karamin gajiya nayi da zama ni ka'dai a gidan ba, kewar su nake ji sosai musamman ma shi, domin yanzu na warke sumul kamar ba ni ba, da kaina kuma na zauna nayi tunanin abubuwan da nake yi masa da rashin dacewar su, ko ba komai ai yanzu ya kamata ace na girmi hakan shekaru kusan uku da auren mu.

Duk fa wasu dabarun zama da miji na sansu amma ban san me yake hana ni sakin jiki da su ba, ina matu'kar 'kaunar miji na da ya kamata ace zuwa yanzu yasan hakan musamman da nake da tabbacin cewa baya tare da kowa a yanzun sai ni.


Ganin kamar basu da niyyan dawowa ne ranan kwanan su na goma da ya 'kira ni da safe muka gaisa yana shirin datse 'kiran nayi saurin dakatar da shi da ambatan sunan sa.

Sai yace" Ya akayi?"
Marairaice murya nayi nace" Dan Allah yaya ku dawo gida i missed u all, ko tausayi na ma bakwa ji ni ka'dai ce a gidan Yayah".
A dake ya bani amsa da fa'din" 'kilan bamu da tausayin ne shiyasa Nuree".

" am serious Yah Deen dan Allah ku dawo haka nan, wallahi sosai nayi kewar ku, bana jin da'din zama ni ka'dai 'din nan..".
Sai ce min yayi" Bamu gama hutun mu ba ai sai nan da 1 week kafin mu dawo".
Yace
" Yah Deen aikin ka fa?"
" Wannan matsala ta ce ai ba taki ba".
Sosai na lan'kwasa murya ta kalar tausayi nace
" Yanzu Yah Deen ko dan ni bazaka dawo ba?"
Yace
" Ai baki damu da ni ba balle in dawo saboda ke, nima ki barni in huta a inda ba'a sani ba'kin ciki".

" Yah Deen...".
Rasa me zan sake ce da shi nayi, nan take sai hawaye ya fara tsiyayowa daga idanu na.
Bansan ta ya zai fahimci halin da nake ciki ba, dagsake kenan saboda ni yayi wannan doguwar tafiyar? hankali na duk ya tashi sai nake jin tankar in bu'di idanu in ganni gaban sa, ashe haka yake ji idan nayi masa abin 6acin rai?...in kuwa hakane ya zame min dole in bashi ha'kuri, amma yanzu damuwa ta bai wuci ta yanda zan shawo kansa ya dawo Bauchi ba, ban san yadda zan yi ba sam.

Bance da shi komai ba kawai na yanke 'kiran, take ya 'kira ni amma ban 'daga ba, kuka na ci son raina ranar sosai nayi nadaman halayyar da nake yi masa, domin a 'yan kwanakin wallahi da kaina nake jin kewar sa a kusa dani, kewar tarairaiyar da yake min touches 'din sa da sauran su, abinda tun zama na da shi ban ta6a ji ba kenan...yinin ranar haka wayata ta yini akashe.

Ashe Yah Deen yayi ta gwadawa bai samu ba har zuwa dare, shima kuwa zuwa lokacin hankalin sa sosai ya tashi, ba nufin sa ya 6ata min ba, burin sa ya bani sarari ne tunda ya fahimci bana bu'katan su kusa da ni.

Alhamdulillah domin yanzu ya fahimci hakan da yayin ya taimaka sosai tunda gashi da kaina na 'kira shi da irin kalaman da be ta6a ji daga baki na ba koda wasa...ya kuma fahimci babu 'karya a ciki direct daga zuciya ta suka fito..amma me yasa zan kashe waya ta kuma.

Har megadin gidan mu ya 'kira wai yaji ko gidan lafiya me gadi yace masa lafiya 'kalau, yanzun ma ya 'dakko abincin sa.


Hankalin sa sam duk da haka bai kwanta ba domin ya fahimci abin da shi nake yi, fatan sa Allah yasa Nuree da gaske take yi, Allah yasa ta gane rashin dacewar abinda take yi masa su gyara rayuwar auren su kamar kowa, yayi al'kawarin nuna min so na zahiri duk soyayya ta da yake ri'ke da ita cikin zuciyar sa sanadiyyan abubuwan da nake yi masa duk zai bayyana min matu'kar ya tabbatar da gaske nake yi nayi kewar sa.

Be iya ya sake kwana acan ba domin washegari da sassafe suka kamo hanya tafiya ba ko shiri, Ammi na fa'da tayi masa har tace su bari mana ko zuwa gobe ma amma irin wannan tafiyar ai ba'a son ta, Yah Deen sai cewa yayi ai wurin aiki ne  aka neme shi.


'Bangare na ni kuwa ban sake kula wayar tawa, cikin raina na yanke shawarar bazan sake 'kiran sa haka kuma bazan kunna wayar ba balle nashi 'kiran ya samu daman shigowa in yaso idan ya gama iya hutun da zaiyi ya dawo sai in basho ha'kurin.

Washegari da na rasa abin yi kawai sai na fara  aiki a gidan, tun safe ban zauna ba, na gyara ko'ina tsaf-tsaf lungu da sa'ko cikin gidan na tsaftace kaya na.

Kana isowa sai 'kamshi kawai zaka ji yana tashi, bayan na kammala nima nayi wanka na na shirya cikin doguwar riga na yane kaina da mayafi.

Ko ba komai ni ma zanji nutsuwa tunda sun guje ni, haka na ayyana cikin raina badan Mai gadi bama da ko girki bazan yi ba saboda gajiyar da na yi, amma dole na sai da nayi girki na ajiye masa nasan a inda nasan ya saba 'dauka.
Ragowar kuwa juye ta cikin foodflask 'daya.

Bacci ne sosai yake damu na dan haka sai na kashe komai na wuce bedroom, rigar jiki na kawai na iya cirewa ya saura min saura under wear da bra a hakan nayi kwanciya ta sanin da nayi cewa ni ka'dai ce cikin gidan babu mai shigo min 'daki.

Tun jiyan kuma har yau ban kunna wayata ba, nima haka kawai naji in barta akashen 'kilan ta hakan zai fahimci irin damuwar da na yi da rashin su kusa da ni.


Cikin bacci naji ana shafa min fuska ta tamkar cikin mafarki, ko da na bu'de idanu na sai na ganshi kwance gefe na ya 'dora kansa gefen kafa'da ta.

Da idanun bacci nake duban sa batare da nayi motsin kirki ba dan duk zato na mafarki nake yi...tashin farko na lura da 'yar ramar da yayi wanda ba kowa ne zai fahimci hakan ba sai wanda ya san shi sosai...ko.motsin kirki bana so inyi saboda kar mafarki na ya yanke so nake in ta kallan sa a haka batare da na tashi abaccin ba.

Hakan yasa na zuba masa idanu ina kallon fuskar sa yayin da shima ta 6angaren sa hakan ne ya kasance.

Ganin kamar bazan ce komai bane ya sa shi fa'din" Nuree na".
Yayi magamar cike da shau'ki yana 'dan murmushi

  Idanu na na lumshe sanadiyyan yanda muryar sa ya ratsa min har cikin zuciya ta, take  na kuma bu'de na sau'ke su kan fuskar sa...Alhamdulillah na fa'di cikin zuciya ta bayan fahimtar da nayi cewa ba mafarki nake ba...dagaske shine kusa da ni.
" Yah Deen".
Nace a hankali ta yadda la66ana ne ka'dai suka yi motsi in ma ba kallo na kake ba bazaka da na ambaci sunan mutun ba.

Amsa ni naji yayi da fa'din" Na'am Nureen Deen".
Tambaya na sake jefa masa ina duban sa nace
" Ka daina fushi da ni yanzu?"
Sai yace
" Dole na ai Nuree, ke ma kinsan bazan iya fushi dake ba har na tsawon lokaci ba, amma kullum sai kin 6ata raina sam baki damu da damuwa ta ba Nuree...idan nace zan cigaba da zama kusa dake watarana 'kirji na fashewa zaiyi zuciya ta fa'do...'kilan ma mutuwa ta riske ni batare da kin fahimci halin da na shiga a dalilin ki ba...."
Saurin yun'kura nayi na rufe mai baki da hannu na wanda hakan dole ya tilasta masa yin shiru, kallon cikin idanu na ya tsaya yi wanda a hankali hawaye ya fara gangaro min saman kunci na yana 'diga a kan fuskar sa.

Sai da ya lumshe idanun sa sannan ya 'dago hannayen sa duk biyu ya sa ya rungumo ni da shi yana jin wani shau'ki na 'diban sa, nima 'din kaina na kwantar bisa 'kirjin sa na cigaba da zubda hawaye na.

Gaba 'daya jina nayi na karaya da maganganun sa, ha'ki'ka ban yiwa kaina da miji na adalci ba, ban yiwa rayuwar aure na kyakkyawar runguma ba shiyasa a kullum nake cikin rashin natsuwa, a kullum damuwa ta 'kara yawaita take yi amma taurin kaina ya hana ni tsayawa in fuskanci gaskiya.
Kuka na cigaba da yi wanda ke fitowa tun daga cikin zuciya ta, da kaina nasan bana kyauta masa  sam azaman auren mu da shi gashi har na kai shi ambatan mutuwa duk ta dalili na....
Da muryar kuka batare da na 'dago kaina ba nace da shi" Dan Allah Yayah Ka yafe min bazan sake 6ata maka rai ba...."
Ban kai ga 'karasa maganar tawa ba ya dakatar da ni da fa'din"  Shiii...Ya isa haka kiyi shiru kinji...?".

Shirun nayi kaina bisa bisa 'kirjin sa ina jin yanda zuciyar sa ke harbawa...Yah deen kam wani natsuwa yake jin yana ratsa shi, bai ta6a zaton akwai irin wannan ranar ba da Noor zata yi nadaman irin zaman da suke yi da shi, tayi nadaman abubuwan da take aikata masa duk dama yasan da laifin sa amma sosai ya gaji da irin zaman da suke yi a gidan, ba 'karamin 'kosawa yayi da yanda har yau ta kasa sakin jiki sosai da shi ba, abin na matu'kar ba'kanta ransa musamman idan ya ci karo da ma'auratan da ke rayuwa kushiyar ta gidan sa, Safwan ka'dai ma babban misali ne amma haka ya basarwa baya bayyana sirrin nashi gidan, Allah ne ka'dai yasan yanda abin ke yi masa suya a zuci.

Bai ta6a tsammanin ranar zata zo haka kwana kusa ba,...yau 'din sai yake jin sa kamar ba shi ba, ji yake yau tamkar ya zama wani mutun ne cikakke wanda ya jima yana rayuwa da 6arin jiki..wani 6angaren kuwa tamkar basarake yake jin kansa saboda tsananin farin cikin da zuciyar sa ta shiga.
" _Alhamdulillah_ "
Ya furta cikin zuciyar sa while a zahiri kuma yana murmushi.

Ni da kai na ma sai da naji wani natsuwa ya shige ni, sabon yanayi na tsinci kaina a ciki farat 'daya, ha'ki'ka babu abinda ya kai masoyi sanya farin ciki a rayuwa...tunawa nayi da doguwar tafiya da suka yi kuma ban bashi komai ba haka kuma banga Baby Jas ba, 'dagowa nayi na dube shi har alokacin idanun sa alumshe kuma bai 'dauke hannun sa da ya zagaye ni da shi ba" Yah Deen".
Na fa'da kamar ban san yin maganar.
Take sai ya bu'de lumsassun idanun sa ya sau'ke su akan fuska ta...murmushi naga yake yi mai 'dauke da wani sirri mai ma'anoni da dama.
A hankali nace
" Yah Deen banga Baby ba".
Yana murmushin ya bani amsa da fa'din" Na barta wurin Ammi".
Maida kaina nayi na kwantar, jiki na naji yayi sanyi 'kalau kamar zanyi kuka nace da shi" Ai baka gaya min cewa zaka barta acan ba".
Yace" Ai naga babu amfanin sanar da ke in ne shiyasa".

Kaina nayi saurin 'dagowa na sake duban sa da alamun mamaki sai jinjina min kansa sannan ya cigaba da fa'din" Saboda naga baki damu da mu ba daga ni har ita shiyasa kawai na barta wurin Ammi dan nasan zata kula da ita, ina fargaban kar ya kasance dukkan mu cutu da halin ko'in kula da ake nuna mana ne, ko Ammi ma da na gaya mata bata ji da'di ba shiyasa kawai tace in bar mata Baby awajen ta 'kilan.hakan zai fi miki farin ciki...".

Bai gama rufe baki ba na gangara na bar jikin sa wani hawayen na sake biyo kunci na...suya naji zuciya ke min sosai, duk da nasan da wuya ne ya iya fa'da wa Ammi hakan amma tunda har ya bar Baby acan nasan dole akwai wani abu ne daban, babu mamaki yaudaran kaina nayi da tuanin bazai iya fa'da matan ba bacin tsakani na 'da da uwa Allah ne ka'dai ke iya ratsawa...domin shi da kansa ma idan haka kawai ne nasan abu ne mai wahalar gaske wani yace ya bar Baby acan kuma ya amince.

Raina ba'ki 'kirin na zari hijab na sanya ajiki na wanda yake iya gwiwa ta, bathroom na shiga dan ha'da masa ruwan wanka still hawaye na bai daina tsiyaya ba, tsoro nake ji idan Ummah ta taji wannan batun nasan Ammi bazata min fa'da ba amma Ummah ta bazata barni ba.
Ina ha'da ruwan nake wannan tunanin.

Yayin da shi kuma Yah Deen ya 'kara fa'da'da murmushin sa yayi ya bi baya na kawai da idanu cikin ransa ya furta " sarkin kuka".

Da kammala ha'da ruwan na fito sai na tarar da shi yana rage kayan jikin sa, ya 'daura towel, zuwa nayi na 'dibi kayan da ya cire a hannu na da niyyan ajiye a inda ya kamata...ko ban fa'da masa cewa ruwan wanka na jiran sa ba nasan daga hakan bayi ya nufa, dalilin kenan da ya sanya ban ko ce da shi komai ba kawai na juya da niyyan barin wajen sai naji ya sarke min hannu da nashi, saurin waigowa nayi na kalle shi wanda shi kuma bai damu da hakan ba sai matsowa ma da yayi kusa da ni, fuskar sa ya kawo dab da tawa ina shirin kawar da nawa fuskar sai ya'ki bani daman aiwatar da hakan, bakin sa kawai na tsinta saman nawa ya fara kissing 'dina..

Hakan bai sa hawaye na ya tsaya ba domin sosai zuciya ta ta shiga ru'du...tun jin cewa ya kai 'karata wurin Ammi har ma ya bar Baby a can.


Tsawon mintina biyu ya 'dauka sannan ya raba connections 'din ya tallafi kaina da hannayen sa biyu, fuska ta daf da shi yake kallo na.." Wai menene na kukan?"
Ya tambaye ni.

Shiru nayi masa ban ce da shi komai ba illah yin 'kasa da nayi da nawa idanun" Bazaki gaya min ba?"
Ya sake tambaya ta.
Sai lokacin na bu'di baki na da muryar kuka nace
" Ai kaine..."
" Me nayi miki daga dawowa ta yanzun?"
Ya sake tambaya ta yana 6oyayyen murmushi.

Ban damu ba sai nace da shi"... Ammi nake jin tsoro kar ta yi min fa'da kuma ina missing Baby".

Murmushi yayi sannan yace" Shine sai kin yi kuka akan hakan? To oyah share hawayen ki idan na fito daga wanka zan miki wani albishir...kinji?"

Kaina na 'dage sama alamar naji.
Sai da ya shafi fuska ta kafin ya wuce bayin.

Riga ta na 'dauka na sanya bayan na cire hijabin dake kaina, sannan na wuce parlour da niyyan zuwa kitchen domin ha'da masa abinda zai ci nan idanu na suka sau'ka kan Baby dake kwance tana Bacci akan kujera.

Wani sanyin da'di ne naji ya ratsa ni nan take da na ganta, fara'a ce ta cika fuska ta nan take, inda Baby take na isa na sumbaci goshin ta ina murmushi...ita kam babu ruwan ta ko 'dis banga alamun rama tattare da ita ba ba kamar Yah Deen ba.

Kitchen 'din na wuce na ha'da masa komai a dinning da yake dama abincin da na dafa 'din bai 'kare ba...so shi na ajiye masa.

Kasa ha'kura nayi sai da na tada Baby a baccin na rungume abina a 'kirji na ina jin wani farin ciki na ratsa min dukkan ga6o6i na.

Da fitowar sa kuwa na banka masa harara sai yayi murmushi sannan ya tako zuwa inda muke ..." Da alamu ciki kike son maida ta ko?"
Ya fa'di lokacin da yake zama gefen mu.

Wata hararar na 'kara yi masa tare da fa'din" Da zanfi son hakan ai kaga shikenan ka rasa ta".

'Yar dariya yayi yace" Yarinya kenan shikenan duk kukan sun tafi?..."
Tun kan ya rufe bakin sa nace da shi
" Gaskiya Yayah ka shammace ni".
Yace
"Maganin ki kenan ai".
Nace
" Zan rama ai nima".
Sai yace
" Ni kuma in ta gayawa Ammi ba".

Baki na 'dan tura navkalle shi sai ya 'dage min gira.

Ban kuma cewa komai ba kawai mi'ke tare da 'daukan Baby nayi nai ciki da ita.

Yah Deen kam dariya ma na bashi ya kwantar da bayan sa jikin kujera ya bini da idanu har na 6acewa ganin sa.

Wanka na yiwa Baby na canza mata kaya da marasa nauyi, har a lokacin kuwa bata ce da ni komai ba saboda baccin da tayi har yanzu bata gama warware ba.

Dawowa muka yi ina ri'ke da hannun ta bamu zauna ba na nufi hanayn dinning ina fa'din" Yah Deen abinci da alamu Baby ma yunwa take ji, kuma nima ina jiran albishir 'dina dan haka..."
na 'karashe da nuna masa dinning in.

Yana mi'kewa yake fa'din
" Wani albishir