You Cannot Download this book untill you login but you can read it .

---

Login Register

cuz tasan tunda yasa baki to kamar anyi an gama ne ta zama matar Mu'een.

Gaida shi tayi tare da fa'din Abbah ga shi nan.








Comment
Vote
Share










*Salmerh ce*😍
💕 *NOORUL* 💕
(Haske nah)



By
*Salmerh MD*


*Wattpad @*
*Serlmerh-md*



💫 *DA BAZARMU* *WRITTER'S ASSOCIATION*
💫
We are here to make you happy, smile, educate nd to realized that we are the best among all.....
*DA BAZARMU MUKE TUN'KAHO*



_*Daga marubuciyar Littafin CAPTAIN ABBAS*_


*Bismillahir* *Rahmanir Raheem*



🅿 *85*


Abban Jiddah murmushi yayi yana kar6an wayar yace" Ga dukkan alamu wannan muhimmacin sa na musamman ne, rabo na da ganin ki sassafe haka har na manta Jiddah".


Kunya taji sosai sai tayi 'kasa da kanta tana murmushi.


Kallo sosai ya 'kare wa Yah Deen, domin kuwa ya fahimci shima 'din yana mai ji da kansa ne, sittirar dake jikin sa ka'dai ma ta ishe sa amsa baya ga yanayin sa, domin kuwa ba'kin suit ne ajikin sa mai shegen kyau da tsada, ya rataye farar rigar sa ta aikin likitan ci bisa wuyan sa, yayin da 'dayan hannun kuma ya sanya shi cikin aljihun wandon sa yana murmushi aka 'dauki pic 'din.


Duba 'daya zaka yi masa ka tabbatar bai taso cikin babu ba domin bai gani a yanayin sa ba, motar dake bayan sa ma yasan taji ku'di ba na wasa ba.

Idanun sa kan wayar ya furta" Wannan ba mamaki babban aiki kika samo min Jiddah, takamar dama Naira ne kuma ga dukkan alamu shima 'din cikin ta yake, to da me zamu yi masa barazana kenan?"
Ya 'karasa maganar da kallon fuskar ta.

" Abbah ka ro'ke shi kawai 'kilan zai amince idan yaga kaine dan taurin kai ne da shi sosai, nuna ku'di bazai sashi ya amince da ni ba Abbah..".


Mi'ka mata wayar yayi yana fa'din" Yanzun dai ki bari zuwa next week muga abinda hali zai yi...".

Cike da shagwa6a tace
" Abbah gobe Allah yafi ai tambaya ne kawai..."
Idanu ya zaro yana duban ta da tsananin mamakin ta" Kina nufin tambayar auren ki zamu je a wurin mijin?"

Sai yanzu ma maganar tata ya sata kunya jin kunya, 'kasa tayi da idanun ta tana dan kwa6a fuska tace" a a Abbah I thought...maganar fahimta za'ayi...kaga sai asa ranar da za'a fara shirin tar6ar su..."
Cikin ransa yace ikon Allah..zama ni.
A fili kuwa cewa yayi
" Kar ki damu zan yi tunani akai tukunna inga ta inda ya kamata a fara"
Tuni farin ciki ya mamaye ta, fara'a ne sosai ya bayyana kan fuskar ta, tana murmushi ta furta" Thank u Abbah na, Allah ya bar min kai har 'karshen rayuwa ta".




*****
Washe garin zuwan sa da safe lokacin da zai je gaida Alhaji Baba sai ya tafi da takaddar sakin Noor da ya rubuta yana gaida shi ya amsa a tsanake batare da ya wani bada hankalin sa gare shi ba..Yah Deen sam bai jin da'din yanda iyayen sa suka 'dauki abin da zafi har hakan, a yanzu burin sa bai wuce yaga sun dawo kamar baya ba, rabon da yaga fara'a kan fuskar iyayen nasa har ya manta, 'kara ma idan suna tare da 'yan biyu ko kuma idan suna waya da su a lokacin ne zaka tsinci fara'ar ya'ke akan fuskokin su.


Kan ninkakkiyar takaddar dake hannun sa ya sau'ke idanu, sai yaji ya karaya sosai, yau ga takaddar sakin Hudah ri'ke a hannun sa, abinda ko cikin mafarki bai ta6a tunanin faruwar sa ba..." Allah ka bani ikon jurewa".
Cikin zuciyar sa ya furta hakan yana me sakin numfashi.


Ta shi yayi daga inda yake zaunen ya matsa kusa da Alhaji Baba da hankalin sa ke wani wurin daban, hannu biyu yasa ya ri'ke takaddar da shi sannan ya mi'ka masa yana sunkuyar da kansa yace" Alhaji gashi na rubuta"..batare da wani dogon bayani ba kawai yayi shiru daga hakan.


Alhaji Baba bai yi musu ba ya sa hannu ya kar6a yana sake duban fuskar sa lura da sauyin yananyin dake tattare da shi a lokacin.

" Takaddar mecece wannan kuma?"
Tambayar da yayi masa kenan yana yatsina fuskar sa kamar be san abinda takaddar take nufi ba.
Sai yanzun ya 'dago ya dubi Alhaji Baba, da raunin murya ya bashi amsa da fa'din" Takadda ce Alhaji...takaddar sakin...mata..ta".
Baki Alhaji Baba baki ta6e yanavmurmushin gefen baki, sai a wannan lokacin kuma ya fara warware takaddar yana fa'din" Kayi kyan kai ai...Allah ya ha'da kowa da rabon sa".

Daga haka yayi shiru idanun sa kan papern da alamu karanta abin ciki yake yi.


Baki ya sake ta6ewa yana ninke papern bai 'dago ya sake duban Yah Deen ba kawai ya mi'ke tsaye wanda ganin hakan yasa shi niyyan magana.


Kansa ya sosa sannan ya 'dan 'dago kansa" ...am dama Alhaji nace..." sai kuma yayi shiru.


Waigowa Alhaji Baba yayi yana duban sa da 'daurarriyar fuska yace" Me kace?"
" Alhaji dan Allah kayi ha'kuri ka yafe min 6ata ma da nayi, wallahi ni kaina nasan ban kyauta ba amma na tuba Alhaji dan Allah ka yafe min, bazan iya juran dogon fushi daga gare ku ba....".
Alhaji Baba bai ma bari ya 'karasa maganar ba ya dakatar dashi da fa'din" Ai dama ni ban ri'ke ka a raina ba...me ma yasa zanyi hakan? rayuwa ce kuma kowa shi ke za6ar ma kansa irin wacce ya ga dama..so waye ni da zan ce ga yanda nake kayi taka rayuwar..."
Yasan magana Alhaji Baba ya fa'da masa, duba da yadda yake fitar da maganar 'dauke da 'dacin zuciya, yana jin ciwon hakan cikin ransa amma ya daure ya basar.." Alhaji idan kace haka tamkar ka ware ni cikin 'ya'yanka ne..idan kace kai baka kai matsayin da zaka canza min rayuwa ba Alhaji to waye zai maye gurbin ka...na riga na gane kuskure na Alhaji kuma tsakani na da Allah na tuba, insha Allahu bazan sake baka kunya ba, da iznin Allah abubuwan da suka faru abaya bazasu sake faruwa ba..Ka dubi girman Allah Alhaji ka yafe min..ka ji 'kaina ka bani daman da zan gyara lahira ta tun yanzu..."
" Allah ya yafe mu gaba 'daya".
Abinda kawai Alhaji Baba yace kenan amma Yah Deen ya dinga zuba masa godiya yana yi masa addu'ar Allah ya 'kara girma da 'daukaka...cike da jinda'di.


Haka ya tashi ya fita yana jin wani sashe na 'kullin dake cikinvzuciyar sa na kwancewa, wani farin ciki yake ji marar misltuwa.


A lokacin Ammi na kitchen ne dan haka 'dakin sa kawai ya koma ya kishingi'da yana jin wani iri cikin jikin sa, godiya yake ga Allah daya nuna masa wannan rana, ranar da mahaifin sa ya sassauto fushin da yake yi da shi...a hankali tunanin sa ya gangara wajen Noor...lumshe idanu yayi yana tuno ta da yanayin ta, sanyin jikin ta, sanyin halin ta, komai nata mai sanyi ne ita, sosai yake jin wani sabon babin 'kaunar ta na sake bu'duwa masa...baya jin zai iya sake rayuwa da wata macen in ba Noor in sa ba....
Tuno cewa ashe fa yanzu ita ba matar sa bace ya sanya shi jin wani fargaba da tashin hankali.
Cikin ransa ya ayyana" Da hannu na na datse igiyar aure na da Nuree...yanzu ba matsayin.mijin ta nake ba."
Ya 'karashe maganar yana mai 'dago hannun sa na dama yana dubawa kansa ya 'dora hannun ya us cikin gashin kansa yana lumshe idanu..yayin da bugun zuciyar sa ke 'kara hauhawa fiye da baya.


Shiru yayi yana sake tunanin makomar rayuwar sa idan akace babu Noor a ciki.
Bai ta6a sanin girman 'kaunar da yake mata har ya kai hakan ba sai yanzu da yaga take neman kubce masa, yanzu ne yasan girman muhimmancin da take da shi cikin zuciyar sa.

Erh da kansa yasan yana son Noor da jimawa tun ba yanzu ba amma bai yi tunanin abin nasa ya girmama har haka ba, ashe ganin ta da yake yi kusa da shi ne ya sa ya kasa gane muhimmancin ta na asali da ke zuciyar sa.


Yana jin lokacin da Alhaji Baba ya fita, sai a lokacin shima ya tashi ya isa parlour wurin Ammi.


Zaune take akan kujera mai zaman mutun biyu idanun ta na kan wayar ta ne tana dubawa.


Sallamar da yayin ma ko 'dagowa batayi ba a hakan ta amsa shi.
Gaban ta ya 'karaso ya zauna tare da kwantar da kansa bisa 'kafar ta, haka kawai sai yaji kuka ya kubce masa na tausayin kansa da yake yi.


Ammi barin abinda take yi tayi ta zuba masa idanu da alamun mamaki.


Daga bisa ni baya tayi ta jingina tana duban suman kansa har zuwa fuskar sa gaba 'daya.
Yanda duk suka yi wani iri da su, basu samun gyara yanzu sosai kamar baya, tamkar ba Mu'een ta ba 'dan 'kwalisan nan wanda akoda yaushe zaka ga kansa na 'kyal'kyali da sheki fuskar fayau gwanin birgewa, gashi da son barin gashi akansa ya tara shi ba'ki'kirin...a hankali ta maida idanun ta wajen wuyan sa duban farko idan kayi masa zaka fahimci uwar ramar da yayi musamman idan ya kasance ka sanshi watanni biyar da suka gabata.


Har cikin zuciyar ta take jin tausayin sa amma ta danne bata nuna ba..she have to purnish him saboda yasan ba haka kawai suka haife shi suka barwa duniya shi ba, so take yasan illa da aibun rayuwar da yata aikatawa.


Alhaji ya riga ya sanar da ita batun takaddar Noor da ya kai masa bata ji da'di ba kam amma ta wani 6angaren tana ganin shine dai-dai...hankalin ta be tashi bane ma ganin cewa saki 'daya ya rubuta mata, har yanzu akwai possibilityn da Noor zata koma masa amma sai ta tabbatar da daidaiton hankalin sa tukunna...duk dama taga Alhajin kamar shi baya da wannan ra'ayin kuma.


Cikin kukan ya fara fa'din" Ammi yanzu..kwata-kwata kin daina sona, Ammi baki 'kauna ta kamar baya, nayi kuskure kuma na gane kure na amma Ammi kin kasa fahimta ta balle ki ce kin yafe ni, 'karshe sai kika ce sai na rabu da matata kafin zaki yafe min.
Ammi yau gashi na rabu da Noor, ba matsayin iyali na take ba Ammi na sakar miki 'yar ki da kika fi kauna kamar yadda kika bu'ka ta, a yanzu na fahimci soyayyar da kike min koka'dan bata kama 'kafar wanda kike wa Noor ba tunda kika za6i raba ni da ita bayan kinsan itace rayuwa ta, raba ni da ita tamkar raba ni da farin ciki na ne Ammi, bazan iya cigaba da walwala ba matu'kar Noor bata tare dani....nasan nayi mata laifi Ammi amma me yasa baku barni na wanke mata ba'kin cikin da na jima ina sanya ta ciki ba...wallahi ina so in wanke laifi na Ammi..ina so in dawo da farin cikin Noor da ta rasa abaya..amma kun hanani wannan damar Ammi..."


Ammi bata san lokacin da ta kai hannu kansa ba saboda tsananin tausayin sa da taji.
A hankali ta furta" Kar ka ga laifi na Mu'een komai da ya faru laifin ka ne...kuma ko yanzun ma laifin ka ne, da kanka kasan bazai ta6a yiyuwa na nuna 'kiyayya ga 'dan da ni na haifi abu na ba, 'kiyayya ta ga halin kane, basu yi ba, kuma bazan ta6a goyon bayan ka kan sa6on Allah ba ka sani, Mu'een aure fa? Ace duk daraja irin ta aure amma ka rasa matar da zaka nema sai me aure wallahi wannan yafi komai yi min ciwo sai inga kamar ba dan dama na haifa ba, 'karin takaici ma kuma har gidan daka tabbatar matar ka na zama agidan kake kawo.mata wannan wani irin 'karamin tunanin ne Mu'een?"
"..Kiyi hakuri Ammi na ni da kina nasan ban kyauta ba...".
" Ni na ha'kura kar ka damu amma ka nemi gafarar mahallici dan shi ka yiwa laifi.."
" Ina yi kuma Insha Allahu zan 'kara neman gafara a wurin sa.."
"..Gud...ka 6ata raina sosai Mu'een, ka zalunci matar ka ka maida ita tamkar bata san abinda take yi ba kawai dan kaga tana hakurin zama da kai ko?"
" Ba haka bane Ammi...ni dai ki yafe min dan Allah".
Ajiyan zuciya ta sau'ke sannan ta ce
"... komai ya wuce..sai dai kuma nadamar ka tazo ne a 'kurarren lokaci, na riga na yanke shawara so kaga saboda ni na haife ka bazai yiwu in shiga hakkin wata ba, baya ga haka ma ga shi Alhaji ne ya fara jagorantan rabuwar ta ku, ita kanta ma ta bu'kaci sakin ta tun kafin mu baro Bauchi, kaga kenan ita ma da kanta taji bazata iya sake rayuwa da kai kamar yanda tayi abay ba, finally yanzu ka sake ta kuma naji da'din hakan dalilin ma kenan da ya sani cika al'kawarin dana 'daukam maka na cewa zan yafe ma da zarar ka bani takaddar Noor..Alhamdulillah yanzu babu nawin kowa akaina, kaima sai kaje ka huta wa ranka domin baka da daman gyara kuskuren da ke tsakanin ka da ita cuz ta fita daga cikin igiyoyin auren ka..sai dai kawai ka tsaya ka gyara tsakanin ka da ubangijin ka...6angare na kuwa baka da matsala komai ya wuce buri na shine ka tabbatar min da cewa ka rabu da wancan rayuwar ne rabuwa ta har abada....".
"..Insha Allah Ammi I promise u ban sake wa har abada....".
Murmushi Ammi tayi tana duban sa tace" Not this way, cikin actions din ka nake so na fahimta".

Zai yi magana Ammi tayi saurin dakatar da shi da fa'din" ya isa hakan nan...ga breakfast can je ka sanyawa cikin ka wani abin idan basu yi maka ba let me know sai in sama maka wani".


Mi'kewa kawai yayi batare da ya sake duban table in ba kawai ya nufi 6angaren sa.


Har jin kansa yake yi babu nawi saboda tsabar rashin sukuni, dagaske kenan yanzu komai ya 'kare tsakanin sa da Noor, bai san me yasa ma yake jin sabuwar 'kaunar ta na sake ratsa shi ba...ina take? Cikin wani hali take? Duk bai sani ba.
Burin sa kawai shine ya ganta ko da sau 'daya ne amma ya rasa ta ina hakan zai faru...yana so ya ganta ya bata ha'kurin abinda ya faru da Baby amma da alamu tayi masa nisa.

Da kansa ya 'kira Ishaq da Safwan yayi musu albishir 'din yafiyar da iyayen sa suka yi masa bayan sakin Noor da yayi, inda ya 'kara da yi musu godiya sosai akan jajircewa da suka yi akan sa, ha'ki'ka sun kasance mutane da bazai ta6a iya mantawa da suba cikin rayuwar sa.

Su Ishaq basu 6oye masa farin cikin da suka shiga ba da jin wannan labari...a yanzu duk hankalin su ya kwanta nan suka yi mai nasiha akan rabuwar sa da Noor 'din, suka ce kar ya damu haka Allah ke ikon sa, idan da rabon zama watarana zata dawo masa da iznin Allah...idan kuma babu Allah ya musanya masa da wata mafi Alkhairi..
Kai ya girgiza yace" Bana tunanin akwai wata Ishaq, babu wacce zata kai min Noor".
" Kar kace haka man, ai duniya nada fa'di Allah ka'dai yasan iyakar abin alkhairi dake cikin ta mu ne dai bamu san hakan ba balle mu san ta inda alkhairin zai zo mana...samu da rashi ma duk na Allah ne, dan ka rasa Noor kuma ba yana nufin ka rasa farin ciki bane...may be wani tanadin yayi maka wanda yafi wannan 'din...yace nima ba gashi ba lastweek mahaifin yarinyar da zan aura yazo daga Niger ya tafi da 'yar sa, kasan dama wurin mahaifiyar ra take mijin mahaifiyar shi ya bada auren ta, anyi mai batun auren ta da ya kusa ma sai cewa yayi wai a janye batun kawai shi bazai aurar da ita anan ba haka yasa yarinyar agaba suka tafi tana kuka..kaga shikenan batun ya tashi, so na isa in cewa Allah meyasa ne?
Ina jin son yarinyar amma dole na hakura na barwa Allah komai..sau tari abinda ka sawa ranka sai kaga ba shine alkhairin rayuwar ka ba".
" Hakane Ishaq, Ubangiji Allah yasa mu dace, Allah ya ka wata wacce tafi wancan..."
" Ameen Mu'een tare da kaima".
Cewar Ishaq yana murmushi, shima 'din Murmushin yayi kawai batare da ya furta komai ba.


Duk yanda yaso ya 'dauki hankalin sa da tunanin Noor kasawa yayi, sosai yake zurfafawa zuciyar sa wajen hasko inda Noor in sa take har yanzu ya kasa ganowa.


Alhamdulillah yanzu kaso mafi rinjaye daga cikin damuwar sa sun kau domin iyayen sa sun yafe shi duk kansu suna amsa gaisuwar sa duk dama babu wani sakin fuska sosai amma da sau'ki...damuwar sa a yanzu kashi biyu ne kacal, rashin kulashi da Uncle Ja'afar basuyi sai kuma tsananin tunanin Noor da ya addabe shi.


A kullum ji yake tamkar 'kara masa wutan 'kaunar ta ake yi cikin zuciyar sa shiyasa takasa barin ransa, a kullum tunanin sa ita ne ka'dai...sai Jasmine da yake yawan tuna memories 'din ta.



Wa'dannan abubuwan ne ka'dai yanzu damuwar sa kuma su suka hana shi sukuni.
Tsakanin sa da Uncle Ja'afar kam ya riga ya shirya yanda zai yi, jira kawai yake ya 'dan 'kara 'karfin ala'kar sa da iyayen sa ya kuma sake samun karfin jiki kfin ya tafi, ya yanke shawara can Taraban kawai zai je su sasanta da su in yaso ma sai ya 'dan huta can kafin ya dawo.


Hakan yasa ya 'dan saki ransa cuz yasan idan yaje gare su kamar anyi an gama ne..d fact that ya saki matar sa ka'dai ne ke damun sa yanzu.



Idan ya gaji da zaman gida har gidan gona yake bin Alhaji Baba ya taya shi ayyuka, kuma fitan na 'debe masa kewa sosai yake rage masa yawan tunani.


Abinda yasa shi ya daina fita 'din shine watarana da ya fita da yake yana tafiyar sa ne da 'kafa kullum idan zashi, ranar ma haka ya fito jikin sa dogon wandon jeans ne, sai farar singlate daga ciki, longslip riga ya sanya ja mai ratsin ba'ki-ba'ki, bottles na 'kasan rigar kawai ya sanya saman 'kirjin sa abu'de kana iya hango farar singlate in nasa.


Tafiya yake iskan hantsi na hura shi, tafiyar sa yake cikin natsuwa tamkar wanda ake irga takun sa, ji yake kamar iskan zai tafi da shi saboda rashin 'karfin jiki, rama sosai yayi wanda duban farko idan kayi masa zaka tabbatar da cewa cikin tsananin damuwa yake.


wata majalisa ya wuce ta samari wanda tun lokacin da ya doso su yaji sunyi tsit amma bai san dalili ba...da shigewar sa sai yaji sun fara musu a tsakanin su, dayake kowa na son a saurari nashi ne sai abin ya zame musu tamkar hayaniya, daga inda yake tafiyan ma har yana iya jiyo wasu daga cikin maganganun nasu.


Abinda kunnuwan sa suka fara jiyowa shine"... _Dallah can kai idan baka san abu ba kawai ka yiwa mutane shiru..."_
Wani yace" _Ya zaka ce haka bacin ni farin sani nayi masa, ai ko lokacin da cikin Ma'u ya bayyana ma kowa yasan shine ya aikata..._ "
" _Da wannan fa suke tafiya Imrana wanda kwanaki 'yan drugs suka kama innan..'yan iska ne na gaske...shima wannan in sa'a yaci da hadda shi za'a kama, yanzu ma haka ance 'yar wani babba yaje ya ta6o shine kuka ga ya dawo gida gudun kar a ka mashi_ ".
Wani daga cikin su yace" _Munafiki ai ni wallahi da nasan ko waye sai naje na tona masa asiri...banzaye 'yan iska marasa tsoron Allah kawai..kuma duk iyayen su ke 'daure musu gindi..._ ."
Daga haka ya rage jin abinda suke fa'di dan sun koma yi 'kasa-kasa ne.

Idanu ya rintse yana jin babu da'di cikin zuciyar sa, ko da ya bude idanun nasa ma dishi-dishi yake gani,fat-fat zuciyar sa ke bugawa da sauri, Allah wadai yake da rayuwar sa ta baya, ashe kowa yasan halin sa babu kyau, har ma gashi anan neman juya masa abin ta yadda ba haka bane, har mahaifan sa basu tsira kan harshen jama'a ba, da kansa da hankalin sa ya aikata abinda ya jawa iyayen sa zagi a gari, haushin kansa sosai yake ji yanzu, koma menene za'a fa'da yasan basu da laifi... yanayin fahimtar su suke bayyanawa...kuma da be bi mata ba da babu wanda ya isa ya dangana shi da hakan balle har a shigar da iyayen sa ciki...ji yake kamar ya koma ga samarin nan amma ya san zuwan nasa ba zai haifar da Alkhairi ba...Allah ka kaji 'kaina ka yafe min laifuka na."
Abinda yace ka'dai kenan yana me cigaba da tafiya har ya 'karasa lambu.


Ko daya tashi dawowa ranar kuwa bai dawo da wuri ba har Alhaji Baba ya baro shi a can, sai da ya yayi maghrib acan wurin sauran ma'aikatan kafin ya dawo gida gudun kar wasu su 'kara ganin sa su ma suyi maganar sa.


Tun daga ranar bai sake komawa lambu ba...haka kuma bai sanar da ko Ammi abinda ya faru ba.
Sai dai ya fita can harabar gidan ta baya wajen garden yayi zaman sa nan yana tunanin rayuwar sa, bai kwanta jinya ba kam amma a kullum rama ce ke saka shiga jikin sa saboda damuwa, idan yafar jin kirjin sa na ciwo sai ya dukufa shan magungunan sa har yaji dama-dama.


Sukan yi waya da su Ishaq Safwan da sauran su, Jiddah ce ka'dai baya 'daukan wayar ta, yayin da a kullun baya gajiya da 'kiran Uncle Ja'afar Anty Zainab da kuma Noorul Hudan sa, rashin ji daga garesun a kullum 'karamar jinya yake haifar masa mai shiga jiki.

Da kansa yasan ya yiwa rayuwar sa babbar illar da kowa zai ta ganin sa da shi.


Uncle J tuni ya sa numbern sa a divert yayin da Anty zainab kuma 'kiran ke shiga amma ko a kuskure bata ta6a 'dagawa ba...layin Noor kuwa kullum akashe yake samu abin na bashi haushi sosai...text marasa adadi yake tura musu Noor da Anty Zainab, duk da kullum layin Noor akashe amma baya gajiya da tura mata sa'ko...wani bin sai yaga kamar ko dagaske ne da Ammi tace da shi ta mutu kwanaki da kansa kuma sai ya girgiza kansa ya 'karyata batun sa sai ma ya 6ige da tunanin ai da ace ta mutu dagasken da bazasu sake 'daga batun saki tsakanin sa da ita ba, kuma ma yanda yasan Ammi ke ji da ita baiga alamar rasuwar ta tattare da ita ba...hakan yasan shima baya gajiya da tura mata sa'konni da tunanin ai wataran in da rai zata gani.

Tun bayan sakin da yayi mata Uncle Ja'afar ya tura su Malesia ita da Anty Zainab inda Noor zatayi karatun ta acan 2yrs programme ne dan haka babu batun dawowa, shine dai da kansa yake zuwa duba su idan ya samu lokaci.

Duk kuwa abin nan da ke faruwa Yah Deen bai ma san Noor bata Nigeria ba, ya dai san Anty Zainab na waje amma bai san cewa da Noor in sa suka tafi ba.


Anty Zainab kam 'kiran ne ka'dai bata 'dagawa amma ita ka'dai tasan yanda take jin tausayin sa a zuciyar ta, da ya 'kira ta sai ta tsaya har 'kaguwa take yi taga text in sa ya shigo cuz tasan a kullum bai gajiya da turawa.

Ita kam ba fushi take yi da shi ba dan tuntuni ta watsar da komai balle da taji labarin sakin da yayiwa Noor sai tausayin sa ya nunku mata a zuci, ko cikin text in da yake tura mata da kansa ya sanar da ita cewa ya saki Noor, tun yana yi mata text 'din ban ha'kuri har ya dawo gaya mata halin da yake ciki game da rashin matar sa, shi ne da kansa yake bata labarin komai idan ya faru da shi a ata'kaice...wani sa'in har kuka take 6uya tayi saboda tausayin Mu'een idan ya cika ta, abu 'daya ke hana ta 'daga 'kiran sa a yanzu dan gudun sa6awa Alhaji Baba maganar sa da kuma warning in Uncle Ja'afar, ta sani matu'kar kunnuwan ta suka yi arba da muryar Mu'een bazata juri ja masa rai akan Noor ba, da kanta zata fallasa komai saboda tausayin sa...kuma bata san me ze biyo bayana hakan ba shiyasa take tsoro.

Shima ya sani tana ganin text in sa dan haka sai yake tura mata da. Ya'kinin tana karantawa.

Wanda hakan ne kuwa, duk lokacin daya tura text in sai ta rufe layukanta ta rubuta masa reply dai-dai da abinda ya rubuta amma baya tafiya da yake layukan ta akashe sai ta ta tabbatar yayi error kafin take bu'de layin ta.
Duk wani text nasa dayake yi mata suna da reply awayar ta batare da ya sani ba.
Sosai Anty Zainab ke tausayin sa