You Cannot Download this book untill you login but you can read it .

---

Login Register

zahiri, baya nuna hakan ya birge shi cuz' gudun 6ata min rai yake yi, gani yake kamar idan ya nuna jin da'din sa zan daina sakewa ina abinda raina ke so cikin gidan, banda ma garga'din da Ammi take masa shi da kansa ma baya da burin takura ni ballantana ya hanani sukuni, duk irin dressing 'din da zanyi baya min kallo sau biyu yi yake tamkar hakan baya gaban sa, nima 'din kuwa ba dan shi nake yi ba, ina yin abu na ne kawai saboda nisha'din kaina, babu kowa da ke kawo min ziyara haka nima babu inda nake zuwa, to da wa ma zan zauna balle har inyi hira? ko shi mai gidan ma ba zama yake dani yayi hira ba balle wani daban.

Zama na ni ka'dai da na saba da shi 'din nan shine ya sa sanyi na ya 'karu sosai, har Ammi suke ganin kamar da wani abu da ke damuna.

Duk cikin su kuwa babu wanda bai 'kira yayi masa tambaya a kaina ba, shima 'din ce musu yake yi ba komai, Ammi kam kullum bata gajiya da sake garga'din sa akai na, takance wallahi matu'kar ya zalunce ni Allahn ta nan, yasan me hakan yake nufi dai-dai yake da Allah ya isan ta akansa, har mamakin su yake yi ma wani sa'in, shi a ganin sa ai tun asali haka halayyata take me yasa yanzun kuma ake neman 'dora alhakin akansa dan kawai zama ya ha'da mu? Shifa shiyasa bai ta6a ba'kin ciki da irin zaman namu ba, yanda banaso ya shiga harkata 'dina na hakan yafi masa sosai, aganin sa yawan zama ke kawo sa6ani har asamu matsala ta kunno, in kuwa irin zaman nan ne yasan zamu da'de bamu samu matsala da shi ba, zamu kwana tare mu tashi shikenan ba abinda zai sake ha'da mu har sai ya dawo, idan ya dawo 'din ma baya bu'katar inyi masa komai, zai yi wankan sa ya shiray sannan ya fito yaci abincin da already na ajiye masa, ko da wasa bama ha'da lokacin cin abinci, bai san me zai ha'da ni da shi da har zai zalunce ni ba aganin sa, kuma yaga duk wasu dokoki da ya kafa min tun da aka kawo ni gidan sa acan Shuwarin har yau su nake bi, tsafta ce matsalar sa kuma ba laifi bai ta6a kamani da kuskure kan tsafta ba daga 6angarorin tsaftar jiki da muhalli duk ina kulawa so bashi da matsala dani har abada matu'kar zan kiyaye hakan.

Da abin ya ishi Ammi ne sai tace da shi yayi hanzarin nema min makarantar da zan 'karasa secondary na bata son zama shirun nan.

Bai 'ki ta Ammi ba dan shima 'din kansa abin yana ransa kawai bai 'karasa nutsuwa bane shiyasa bai 'dago zancen ba.




*****
       Sannu-sannu lokaci ya 'dan tafi ka'dan, domin mun doshi makwanni shida da dawowa garin Bauchi, nima yanzu ba laifi na riga na tilastawa zuciya ta da jiki na sabo da komai da ya shafi Yah Deen na daina damun kaina, balle ma da yake ba kullum ne yake neman hakkin sa wuri na ba, yakan yawaita tsallake ranaku hakan kuwa ko nima yafi min har a zuciya ta.

Abu 'daya dake tsaye min rai a yanzu shine ganin da nayi masa da Husnah, bansan me yasa wannan mugun abin ya ke yawan dawo min cikin tunani na ba, na rasa me yasa na kasa mancewa da shi.

Ko abinda ya faru da Ma'u baya damina kamar na Husnah, duk da yake cewa ta dalilin sa Ma'u ta rasa rayuwar ta amma nata bai dame ni sosai ba, a kullum 'kara zirfafawa nake yi cikin tunanin waye miji na? Mecece kuma asalin halayyar sa?"

A yanzu kam na riga na samo wa'dannan amsoshin domin babu makawa dole ne yaci sunan da nasan ko shivkansa ba zai so a 'kira shi da shi ba, babu batun kuskure idan ma nace zan 'kira ala'karsa da Husnah matsayin kuskure yayi amma da'dewan da nayi ina ganin su tarecya zarce a 'kira hakan da kuskure, in haka ne kuwa kenan sun da'de suna aikata son ransu, sannan yazo ya 'kara ribatan Ma'u ya yaudare ta da soyayya 'karshe ya barta ta mutu cikin 'kuncin zuciya...Allah sarki.

Kwata-kwata yanzu na daina tausayin Husnah na daina tausayawa ala'kar ta da shi domin na fahimci harda amincewar ta wannan hawayen da na gani 'kila na wani abin ne daban ba   na irin azabar da naci a wurin sa ba.

Kalmar da ya kamata a 'kira shi da shi koka'dan bana so ko cikin raina in ayyana ta saboda ciwon da hakan ke min, amma ya zanyi...nasani ko da ni ban 'kira shi da sunan ba dole ne da yawan mutane da hakan zasu ganshi, ni kuma aganni matsayin matar sa.

Rintse idanu nayi a hankali hawaye ya gangaro min..a cikin raina na furta 'kaddara kenan...Allah kai ka'dai kasan dalilin ha'da ni da shi, Yah Allah ka shirye shi ya daina duk abinda yake aikatawa marasa kyau, Yah Allah kayi mana gafara gaba 'dayan mu, Ubangiji Allah ka raba mijina da neman mata"....karo na farko kenan da na ambaci Yah Deen da wannan kalmar wato Miji na, ada ko da zanyi masa addu'ah sai dai ince in ro'ka masa gafara da shiriya matsayin Yah Deen, amma yanzu kam nasan babu makawa miji yake agare ni kamar kowa...Ko na 'ki ko naso hakan take ako ina, ciwon da hallayar sa yake min azuciya ni ka'dai nasan abu na.

Gashi bani da abokin hira, ko da ma inada shi ba lalle in iya tattauna batun da kowa ba, shima Yah Deen 'din da farko idan ya ganni wata iri yakan so yaji damuwa ta amma sai in nuna masa ni bani da matsalar komai babu abinda ke damuna.

A kullum baya jin abinda ya banbanta da wannan kalmar duk kuwa 'ko'karin da yake yi wajen ganin ya magance min damuwa ta ko da ban furta ba amma wannan kam ya kasa ganewa balle ya taushe ni...haka na bar abin cikin zuciya ta amma da shi nake ganin sa ko da wani lokaci.

A kullum kuwa zaki ganni babu wargi, ina nan ne haka shiru har abin yabi jiki na, hatta Ummah ta ban iya yi mata dogon surutu yanzu haka ma Ammi...6angaren Ummah ta kuwa ita ka'dai tasan yanda hakan ya dame ta, gani take kamar ina cikin 'kunci ne amma ban gaya mata ba.

Addu'ah kawai take bina da shi a kullum kamar yanda ta min al'kawari kafin na taho.

Cikin hakan akayi min register na makaranta amma wai sai dai in yi full Ss3 har zuwa lokacin da za'a yi SSCE .

Ni kam sai naji hakan yafi min, dan ko ba komai zan huta da zama shirun nan.

Gashi ma Allah ya taimake ni anzo 'karshen semester dole sai next semseter zan cigaba da zuwa so yanzun zan na zuwa ne kawai ina 'dan revising abubuwan da na manta.







_Afuwan please kun jin shiru...._





_Comment_
_Vote_
_Share_






*Salmern ku ce* 😍

💕 *NOORUL* 💕
      (Haske nah)

By
*Salmerh MD*
 

*Wattpad @*
*Serlmerh-md*

💫 *DA BAZARMU* *WRITTER'S ASSOCIATION*
💫
We are here to make you happy,smile,educate and to realized that we are the best among all.....
*DA BAZARMU* *MUKE TUN'KAHO*

_*Daga marubuciyar Littafin CAPTAIN ABBAS*_

*Bismillahir* *Rahmanir Raheem*

🅿 *69*

Hakan kuwa akayi domin sai da na sake cin wata guda a gida kafin nan da hutu ya 'kare muka fuskanci karatu.

Fara fita ta makarantar ne nayi sabo da wasu 'dalibai 'kalilan classmate 'dina, sai dai ha'duwa ta da su bai sa komai daga gareni ya canza ba ina nan a yanda nake da halayya ta...sai dai ba laifi sukan ta 6angaren su domin sosai suke 'debe min kewa da surutan su, dan sun iya hira.

Cikin hirarrakin nasu ma nake sake fahimtar wasu abubuwan rayuwa, ni dai ban ta6a fa'di wa ko 'daya daga cikin su komai da ya shafe rayuwa ta ba amma duk da hakan yawan kawo hirarraki yasa har na fahimci ashe akwai wasu dake fama da irin tawa damuwar, a hankali nake 'kara fahimtar cewa irin su Yah Deen na da yawa a fa'din duniya, wa'danda sam ba da tarbiyyar da mahaifan su suka 'dora su akai suke amfani ba.

*****
     Babu yabo babu fallasa nake karatu na, ban kasance daga cikin 'dalibai masu haza'ka da bu'da'd'diyar 'kwa'kwalwa ba, haka kuma bana daga cikin wa'danda za'a 'kira su da marasa 'ko'kari, karatu na dai-dai iyawa ta nake yin ta...a hankali kuma nake 'kara fahimtar salo da hikimar dake cikin rayuwa cikin natsuwa.

Jigon zaman aure, biyayya da kuma kawar da kai duk yanzu na 'kara fahimtar su a 'dan zaman da nake yi da classmate 'dina, duk dama nasan wasun amma ada nakanga kamar Addah Maryam son ranta kawai take gaya min, ko kuma ni 'din sai inga kamar ba iri na ke yin hakan ba, ko kuma tunani na ya tafi akan cewa ni 'din nawa mijin ba nasara zanyi akan sa ba ko da na aikata hakan.

Yanzu me na fahimci ashe yanda nake tunanin Yah Deen 'din ba haka yake ba wanda a yanzu nake ganin kamar ko nima zan iya dawo da hankalin mijina izuwa gareni ni ka'dai, matsalar kawai shine ban san ta inda zan fara ba, inaso inyi hakan amma ban san ta ina zan fara shigan ta ba, hakan yasa na cigaba da bibiyan abin cikin raina.

Tun ba yau ba Addah ta ta gaya min cewa duk wacce Allah ya jarabce ta da miji irin nawa mai kula wasu matan a waje,  wallahi zama bai ganta ba sam, dole ne matu'kar tana son dai-daita al'amuran gidan ta sai ta tashi tsaye ta hana idanun ta bacci, ta ro'ki ubangijin ta ta kuma dagewa wajen kula da dukkan al'amuran sa, kula da hakko'kin sa da sauran su, a wancen lokacin ganin abin nake tamkar wasa, gani nake tamkar ni ban kai matsayin ba tukunna, da yake kallon wasa nakewa auren namu, sai gashi yanzu na fara sanin muhimmancin aure na, ina jin zafi cikin raina idan na tuna halayyar miji na.

Addu'ah kam ba laifi ina 'ko'karin yinta amma sauran abubuwa kam har yanzu ban ga ranar yin su ba...(agani na kenan).

Haka na cigaba da zuwa makaranta ta hankali na rabe bibbiyu, sai dai ban bari 'dayan 6angaren ya rinjaye ni ba kawai nafi bada hankali ga karatu na.

Shima Yah Deen duk wasu abubuwa da ya kamata yayi su bayan gama makarantar sa anan garin Bauchi yayi su, a asbitin ya ha'du da sabon abokin sa mai suna Safwan wanda ko makarantar da nake yi ma tare da shi suka yi min komai.

*****
        Watanni biyu da sati uku kenan da zuwan mu garin Bauchi wanda yake dai-dai da cikar shekara guda yanzu da auren mu.

Bazan ce ga abinda Yah Deen yayi min na rashin jin da'di ba tun zuwan mu Bauchi haka kuma bazan iya furta shin tsakani na da shi wake son wani cikin zuciyar sa ba, har yau na kasa fahimtar hakan.

Ni dai ta 6angare na nasan bana jin soyayyar sa cikin raina, amma na kanji kewar sa a duk lokacin da baya tare dani, na kanji tsananin son ganin sa matu'kar na yini  ban gansa ba, sannan na kan yawaita tsintan kaina da son faranta masa duk dama ba yaba min yake yi a zahiri ba amma bana damuwa, uwa uba kuma kishin sa da na fahimci yake damu na, da kaina na fahimci kishin sa ne ke sani yawaita tuna wancan al'amarin da har ya kasance wani lokacin idan na kasa controlling zuciya ta har kuka inayi da hawaye na saboda ciwon sanin halayyar sa da nayi tun abaya, da kansa kuma zaki ga ya rarrashe ni idan yana gida dan ya rsani ganin hawaye a idanu na, in kuwa baya nan sai inci kuka na in 'koshi har inyi shiru, ko da ya dawo kuwa tambaya 'daya yake min akan me ya same ni har nayi kuka?"
Idan yaji ban bashi wata gamsashshiyar amsa ba sai ya 'kyale ni baya sake kula ni akan hakan.

Sau da dama irin hakan na faruwa tsakanin mu amma ban ta6a sanar dashi ainahin abinda ke damina ba sai dai ince masa ni kawai Ammi na nake missing.

Wani sa'in zaunar da ni zama yake yi atake ya 'kira Ammi sai kiji ya 'kira Ammi ya gaya mata, idan ya ha'da mu awayar tayi ta bani ha'kuri tana lalla6a ta.

Duk hakan kuwa ni a gani na basu isa hujjar da zan ri'ke su matsayin so ba, kawai na bar shine akan matsayin da yake da shi na miji agare ni shike sa ni jin wa'dannan abubuwan.

Ko daga 6angaren sa kuwa haka na fahimta, Yah Deen baya sona a gani na dan bai ta6a furta min kalmar so ba ko da wasa, duk yadda yake shiga shau'ki idan munatare da shi amma hakan bai ta6a sawa yayi ko kuskuren ambata min kalmar so ba.

Abinda nasan yake bayyane daga 6angaren sa shine yana matu'kar kula da duk al'amura na, baya son ganin kuka na a yanda na fahimce dan ko kusantata yaso yi idan na yaga ina kuka bari na yake yi, ni kuwa tsananin takaicin halin sa idan na tuna shike sani wannan kukan ba komai ba, amma zaki ga ya 'kyale ni ya koma lallashi na har muyi bacci, na kuma fahimci yana matu'kar jin da'din ganin walwata, domin a duk sanda na yi dariya har ha'kora na suka bayyana ko da bada shi nake ba zaki ga  shima yayi murmushi mai sanyi kuma ta'kaitacce.

Tsananin kishin da yake da shi akaina ma ban kasa fahimta daga gare shi ba, shiyasa duk abinda zan yi na kan yi 'ko'kari sosai wajen ganin ban aikata abinda zai motsa kishin sa ba.

Sosai ya garga'de ni lokacin da zan fara fita makaranta, a lokacin bai 6oye min ba yace min" matu'kar ina son Ammi da farin ciki to in kiyaye maganganun sa, yace min in kula da darajar aure na a ko'ina, rantsuwa yayi min akan cewar matu'kar na kuskura ya kamani da laifi ko kuma yaji ko yaga ina mu'amala da wasu mazan to in sani daga ranar batun makaranta ya 'kare kenan a rayuwa ta, idan kuma ina son farin cikin Ammi to dole ne in bi maganar sa dan baya tunanin zai iya sake rayuwa idan har wani labari daban ya riski dangin biyewa wasu mazan dan yana da tsananin kishi wanda yake tunanin har lahira zai iya kaishi idan har akan iyalin sa ne, kuma mutuwar sa dai-dai yake da tashin hankalin Ammi da Alhaji harda Anty Zainab..ya 'karashe da fa'din..." Ko kina so kiga hankalin su Ammin ki a tashe?"
Da sauri nace da shi  a a gami da girgiza kaina.
Sai yace" to dan Allah ki kiyaye kinji?"
Ya hane ni da shiga motar haya, hawa lift ko wani abu yace sam bai amince min ba, yace matu'kar inada bu'katan zuwa gida lokacin tashi ne a school ko wani abu daban idan bangan sa ba to in 'kira shi a waya kawai zai zo ya same ni.

'Banagaren abokan sa ma duk yana taka tsantsan da duk wata ala'kar da zata ha'da mu, bama ya kawo kowa gidan sa, Safwan ka'dai ne Yah Deen ya sakewa fuskan zuwa gidan sa,  shima 'din kamilalliyar sutura ya hore ni da sawa ko da yazo.

Duk wannan kuwa agani na ba so bane tunda bai furta da bakin sa ba, kishi ne da kuma son kula da maratabar auren sa ya ke sa shi yin hakan, balle ma da nasan lamarin da ya faru tsakanin sa da su Imrana shikenan na bar dalilin  akan hakan, dan tun lokacin ya ke gudun abota da kowa, Ishaq ka'dai ya yarda da nagartar sa sai kuma Safwan mutun na biyu.

A yanda tunani na ya bani a hakan na 'dauka kuma naji araina gaskiyar kenan, wato babu wata soyayya tsakani na da shi, haian yasa ban ta6a bawa kaina 'kwarin gwiwar gyara mu'amalar mu saboda a gani na tunda baya sona ai babu amfani yin hakan, dalilin kenan da yasa muka cigaba da zama cikin gidan auren mu amma babu wata sha'kuwa tsawon lokaci.


*****
    Shirye- shiryen bikin Safwan aka fara gadan- gadan (bikin ku kenan) ta 'dago ta kalli Hafsat, sannan ta cigaba da fa'din sai kuma ya kasance Yah Deen sune a gaba da komai har aka 'kare bikin wanda nima sai lokacin ne ya kaini gidan su Safwan wajen mahaifiyar sa, ko ranar bikin ma can na yini da su, 'kannen sa kyawawa da su fulanin Bauchi, sosai Allah ya ha'da jinina da su, dan ma biyu daga cikin su daga wasu garuruwa suka zo ba anan suke aure ba, 'daya ce ka'dai ke aure a Bauchin amma duk da haka sosai sha'kuwar mu tayi 'karfi.
Duk matsayin 'kanwa suka 'dauke ni da yake duk sun girme min.

Ba 'karamin da'din zama da su nayi ba dan kuwa basu da mugun hali, kafin 'karewar bikin kuwa har ji nake dama Yah Deen ya barni in zauna agidan tare da su in huta abina, ni da kaina ma nasan hakan ba mai yiyuwa bane, domin kusan 3days muna zirga-zirga zai kaini zai kuma koma ya 'dakkoni da kansa baya gajiya amma ba zai ta6a bari na in kwana ba.

Su kuma 'kannan Safwan ganin hakan da suka yi sai suke tsammanin sosai wai miji na yake ji da ni shiyasa ma ba ya bari na kwana a waje.

'Daya daga cikin su ce tana dariya tace" ai kuwa ba laifi Noor akwai kyua ga tsafta 'kila sune suka sa tayi nasaran siye zuciyar shi".

Dariya suka sanya harda nima ina sunkuyar da kaina dayake nasan ba hakan bane, tana cikin dariyar ta 'kara da fa'din amma fa kin birge ni wallahi, gaki 'karamar yarinya amma Allah ya baki baiwa, mutum kamar Dr. samun kansu abu ne mai wahalar gaske, na jinjina miki 'kanwata".

Murmushi na ne ya 'karu still ina 'kara sunkuyar da kaina cuz sosai kunyar su ta kamani.

Wannan shine _kallon kitse ake yiwa rogo_ dan duk yanda suka 'dau ki abin ba haka yake ba.

Ban 'kara tsinkewa da al'amarin su ba ma sai lokacin da 'daya daga cikin su ta bani wani turare akwalba 'dan 'karami mai shegen 'kamshi tace wai sai zan kwanta zan yi amfani da shi, inshafe a jiki na har zuwa wuya na..tana murmushi tace wannan kam da kanki zaki zo ki bani labari 'kanwa ta".

Murmushin nima nayi cikin raina nake jinjinawa karkataccen tunanin su, nan wai su a dole sun ga masoya...hmm

Wani sa'in idan na tuna maganganun su har dariya kamani take yi ni ka'dai, sam koka'dan banji haushi ba, ji ma nake da ace yanda suke tunani 'din zai faru ai da sai nafi kowa farin ciki da samun natsuwa, nima da kaina yanzu ina so inji kalmar so daga bakin miji na sai dai ga dukkan alamu bani da wannan matsayin agare shi...hakan yasa na bar abin a zuciya ta.

Lokacin da na koma gida kamar yadda Anty Fiddausi 'kanwar Safwan ta gaya min haka nayi da turaren da yake bata fito fili ta bayyana min ainahin amfanin sa ba hakan yasa nima ban yi wani dogon tunani akai ba.

Zato na ko kawai turare ne na bacci shiyasa nayi amfani da shi, ai kuwa ranar na gane kure na wajen Yah Deen, dan ko kukan da na keyi ma ranar bai bi ta kai ba sam...anjima ka'dan ya kuma dawowa kamar zan mutu haka naji.

Da kansa da asubah yake tambaya ta wai a ina na samu turare mai 'kamshi haka, 'kamshin ya masa da'di"
Ban 6oye ba na fa'da masa cewa sistern Abokin sa ce ta bani.
Sai yace to ince mata ta kawo zai siya min".

Da yake na fahimci 'kamshin ne ya ja ra'ayin sa har jiya ya takura ni sosai shiyasa take na juya kaina 'dayan 6angaren sannan nace ai ya 'kare na wajen tan".

Yace
" To bari zamu nemo ba'a akwai aurin ki ba?"
Girgiza kaina nayi sannan cike da 'kosawa nace" Ni a a, babu dama ba yawa kuma san min tayi a wani kwalba 'karami".
Nayi.maganar ne ina tura baki na, baya kallon idanu na amma daga yanda nayi maganar yasan 'dayan biyu ne, inma raina baya son maganar da yake min 'din ne ko kuma zancen turaren ne ban so.

Hakan yasa yayi shiru bai sake yi min zancen ba.

Ni kuwa gari na wayewa bayan na bashi.breakfast sai na koma cikin 'daki, turaren na 'dauka na tsiyanye shi a bayi na kora ruwa, kwalbar kuma na jefa a dustbin ina ta6e baki cikin raina nace" Bazan mutu akaron banza ba ni kam". 

Ban kuma komawa gidan ba da yake biki ya 'kare so a waya ta tambaye ni batun turaren sai nace mata ai nayi amfani da shi har ma ya 'kare.. Sai tace min" Ya to kina son 'kari?"
Da sauri na girgiza kaina sannan na nace a a please Anty Fiddausi ba irin shi ba ni kam".

Dariya ta sanya sannan tace" Matsoraciya...kafin in koma ai zaki zo muyi sallama ko?"
Nace" Erh zanzo".
" Ok shikenan.."
Tace daga haka kuwa ta yanke 'kiran tana min dariya.

Shi da kansa Yah Deen da aka kwana biyu bai kuma jin 'kamshin ba sai da ya tambaye ni amma ban bashi amsar komai ba...hakan yasa bai kuma tambaya ta ba.

Abinda baki sani ba Hafsat ko a bikin ku sai da Yah Deen yayi wata budurwa mai suna Yusrah inajin 'yar sistern Mummy ce mahaifiyar Dr Safwan.

Yah Deen da kansa ya nemi ha'da ala'ka da ita batare da sanin Safwan ba har suka 'kulla soyayya, ko bayan bikin ku sun 'dan da'de suna tare da shi, har ala'kar tasu ta juye ta koma wani abu daban kamar yanda ya saba.

(" Yah Deen kenan, inajin mantawa yayi da girman al'kawarin da ya 'daukan ma kansa na cewar ya daina neman wasu matan saboda Huda, musamman saboda girman abinda ta aikata masa na rufa masa asirin da tayi ban fa'dawa kowa sirrin sa ba, da kansa yayi al'kawarin yanzu kuma hala har ya mance...ka'dan kenan daga halayyar 'dan Adam...shine saurin mantuwa musamman ma abinda ya dace).

Ni dai gani kawai nayi ya daina yawan nemana a shimfi'dar sa, duk da yake ma nasan ko ada 'din ba kullum yake ra6ar jiki ba amma na yanzun sai yayi yawa, ya kan shafe kwanaki bai nemi ha'da shimfi'da da ni ba, ban kuma san dalilin ba a lokacin, amma koka'dan bai canza min fuska ba da yake ya iya takun sa, ni kuwa hakan dama bai dame ni ba, ban damu ya nemi hakkin sa ko a a ba balle in sa abin cikin raina har in kuma kawo wani tunani daban.

Da idanu kuma na nasha cin karo da 'kiran mace cikin wayar sa, na kanga suna Yusrah ta 'kira shi kamar yadda yayi saving.

Dan a duk lokacin data ga dama 'kiran sa 'kira take yi 'kilan bai sanar da ita yana da mata bane oho, sassafe wataran zaki ga 'kiran ta, wani lokaci kuma yana wanka in ta 'kira idan na duba sai in ga sunan ta ko da yazo yagani kuwa baya ta6a 'kiran ta acikin gidan sai ya fita, cikin dare kuwa idan ta 'kirasa kashe wayar yake yi gaba 'daya yayi baccin sa, duk hakan da ke faruwa ina lura da shi ni kam sai dai in ta6e baki na kawai domin bani da damar da zan tunkare shi da maganar shiyasa na zuba idanu kawai ina ganin sarautar Allah.

Hatta gidan Safwan ma da 'kyar yazo ya samu lokaci muka je bayan da Safwan yai ta masa gorin cewa kamata yayi ace shine ba'ko na farko da zai fara ziyar tar gidan sa  amma sai gashi ya nuna masa halin ko inkula, ko ranar da muka je 'din ma Safwan sai da ya maimaita hakan aka maida shi wasa, bai sani ba ashe Yah Deen kam wata ce ke 'dauke masa hankali da ya tashi daga aiki bashi da wani cikakken lokacin kansa sai nata.

Ni dai ban sa cikin raina cewar akwai irin wancan ala'kar tsakanin su ba duk da yawan ganin 'kiran ta da nake yi, ina dai tsintan zuciya ta wani sa'in da matsanancin jin haushin 'kiran nata.

Tsawon wata guda hakan na faruwa tsakanin su, acikin wata gudan kuwa kaf bai fi sau biyu ya nemi kusantata ba,