You Cannot Download this book untill you login but you can read it .

---

Login Register

numbern, ta Yah Deen ce ka'dai ban bata wajen zama cikin waya ta ba.

Ban wani sha wahala wurin nemo numbern ba domin ita ka'dai ce babu suna, na riga na samu amma sai na kasa sanar da Addah Maryam cewa na samu, shiru nayi na zubawa wayar idanu kamar me neman wani abu ina tunanin ta yadda zan fara magana da shi idan na 'kira shi.

Bansan lokqcin da na cika iska cikin baki na na furzar ba tare da 'dan 'dage kaina sama ka'dan.

Ganin hakan yasa Addah Maryam jefa min tambayar" Wai har yanzu baki samu bane?"

Sai nace
" A a ban gani ba, ga dai wata number amma ban sani ba ko ta shin ce".
Nayi maganar ina mi'ka mata wayar tawa, bata kar6a ba sai tace da ni" Ni kuma me zan yi da ita kina mi'ko min, ki gwada 'kira mana kiji ko shi 'din ne".

Fa'dan hakan ke da wuya take sai naji zuciya ta ta fara harbawa da sauri-sauri...marairaicewa nayi nace" Addah ni inna 'kira toh me zance masa dan Allah...shi fa kullum masifa ce da shi?"
" Ikon Allah ke da a tunanin ki haka zaku cigaba da zama ne? Ke da mijin ki amma kike irin wannan maganar?"
Nace" Ni wallahi Addah tsoro nake ji".
Sai kiyi ai, idan kin gama tsoron sai ki 'kirasa ina nan ina jiran ki..."
Mita ta cigaba da yi ina da take fa'din" Ashe dama ma kinsan numbern ta shi shine dan kin raina min wayo kike wani ce min baki sani ba ko?"

Yi nayi.tamkar zanyi kuka ina 'kif-'kif da idanu ina kallon ta.

Cike da masifa tace" Sai fa kin 'kira, ke bari kiji ko ma ba dan batun tafiyar ba a yau 'din nan in kinga baki 'kira yaron nan ba to 'kaddara numfashi na ne ya tsaya cak wallahi, shashancin banza kawai, idan haka ake yi ai bazaki ga kowa na zaune lafiya a gidan sa ba, maza kira shi yanzu ki gaida shi ki tambaye shi ya karatu sannan kice dashi kina so za ki bi Addar ki Darazo muji me ze ce".

" Toh Addah in ya'ki amincewa zaki ro'ka min shi?"
" Allah ya kiyaye ai in ke baki da wayon ki tambayi mijin ki abu da kanki sai dai kawai kawai ki ha'kura zuwa wani lokacin idan wayo ya ratsaki".
Ta fa'di haka ne a fili amma cikin zuciyar ta cewa tayi wannan 'dan rainin hankalin yaron ina zanje ina wani kwantar masa da murya a banza salon.ya ha'da ni da ke in duk ya raina mu".
Ta 'karashe da ta6e bakin ta.

Hannu na har rawa yake yi lokacin da nake 'ko'karin yin dialling numbern shi,  sai na tsaya kallon wayar kamar wawuya.

Yanda nake jin wayar ke 'kara nuna alamun 'kiran ya shiga haka nima nake jin zuciya ta na harbawa...daf da zai yanke sannan ya 'daga amma sai naji yayi shiru...nima kuma sai.na rasa me zan ce da shi dan haka shirun nima nayi.

Satan kallon Addah Maryam nayi sam ban san me zance da shi ba a dai-dai wannan lokacin da ni da kaina fama nake da zuciya ta.

Da idanu Addah Maryam tayi min alamun inyi magana mana sai nace"  Hel...lo" Da rawar murya har nawi naji baki na yayi min...sai Shima yace" Hi" a hankali tamkar dole aka sanya shi yin maganar.
" Ina yi...ni" na sake fa'di ina yin 'kasa da idanu na.
Bai amsa ba sai yace " Yau kin tuna dani kenan".
Ina kan tunanin yanda akayi ya gane ni na bashi amsa da fa'din" A a" Inda nayi maganar ina mai satan kallon Addah ta.

Daga inda yake sai yayi saurin gyara kwanciyar sa sannan cike da mamakin amsar da na bashi yace" Indai ba tunawa dani kika yi ba toh me yasa kika 'kira ni...tell me".

..." _ki 'kira shi ki gaida shi ki tamabaye shi ya karatu sannan...._ maganar Addah Maryam na tuna dan haka sai nayi saurin bashi amsa da fa'din" Yah Makaranta?"

Ajiyan zuciya naji ya sau'ke sannan yana shafo kansa daga 'daya 6angaren ya bani amsa da fa'din" Alhamdulillah...karatu ya 'kare ai saura ka'dan mu kammala insha Allahu..".

" Allah ya bada sa'a".
Na fa'di ina kamo wayar da duka hannuwa na biyu kamar wani kayan nauyi ne na ri'ke.

Shiru ya 'dan biyo baya na 'tan sakanni.. daya ke wayar ba'a speaker yake ba so Addah Maryam sai ta zaci ko shirun da nayin sauraran maganar sa nake yi dan haka bata ce da ni komai ba...yayin da ni kuma cikin zuciya ta aikin harha'do maganganun da zan furta agare sa nake yi ko zan yi sa'a ya bar ni in bi Addah ta.

Kafin nayi magana sai ya rigani da fa'din" Ba wata matsala ko ?" Girgiza kaina nayi kamar yana kallo na sai daga baya kuma nace" a a bakomai".
" Ok...Ya su Mama".
" Lafiyan su qalau".
" Da kyau".
yace sai kuma ya 'kara yin shiru.

Jin yayi shirun ne ya sani nayi niyyan yi mai magana take kuma sai naji jiki na yana 'kai'kayi tamkar marar gaskiya, 6ata raina nayi nace..." Ya..yah".
Yace
" Ina jinki...ya akayi?"
"....Addah Maryam zata koma Darazau gobe...".
Batare da wata damuwa ba yace
" Owk Allah ya kaimu goben akwai matsala ne?"
Sai nace
" a a...ni dai ina so in bita ne..."

" Ki bita kuma? Me zakiyi acan 'din?".
" Bakomai ni dai ina so inje ne kawai".
" Shine aka ce sai kin gaya min?"
" Ummah bazata barni ba inje ba wai sai ka yarda shiyasa".
Shiru yayi na 'dan lokaci sannan yace" Kwana nawa zakiyi?"
" 2months kawai".
" Ban yadda ba...1 week zakiyi ki dawo kinji?"
"Uhum".
Nace a hankali ba dan na amince da hakan ba.

Shiru ya 'dan biyo sai can yace " Dan haka kika 'kira ni ko?"
Shiru nayi masa ban bashi amsa ba dan ni 1week 'din da yace 'din sam bai game ni ba sai ma naji ya 6atan raina gaba 'daya duk da bawai zancen ya hau kaina bane.

Jin nayi masa shiru ne ya sa shi fa'din " Toh bye..sai na dawo ko?".

Bance 'kala ba har ya kashe wayar tasa.
     Kallon Addah ta nayi da ta zuba min idanu tana kallo na...ina 'dan ha'de rai nace da ita yace inje".

" Yauwa ko ke fa...ai dama nasan ba zai hanaki ba, kawai ke 'din ce dai wata iri...daga haka ta 'kara 'dora min wasu lectures 'din cikin 'kwa'kwalwa ta.








Comment
Vote
Share








*Salmerh ce*😍

💕 *NOORUL* 💕
      (Haske nah)

By
*Salmerh MD*
 

*Wattpad @*
*Serlmerh-md*

💫 *DA BAZARMU* *WRITTER'S ASSOCIATION*
💫
We are here to make you happy,smile,educate and to realized that we are the best among all.....
*DA BAZARMU* *MUKE TUN'KAHO*

_*Daga marubuciyar Littafin CAPTAIN ABBAS*_

*Bismillahir* *Rahmanir Raheem*

🅿 *66*

Bayan mun rabu da Addah Maryam sai na 'kira Ammi...ko yau 'din ma bata 'daga ba sai da nawa 'kiran ya yanke kafin ta 'kirani daga baya, gaida ta nayi sannan na sanar da ita cewa na tambaye sa kuma ya amince wai inje.."
" Owk...yayi kyau..ni na fiso ki tafin ma ai kije ki huta abin ki Mama na".
Cewar Ammi...yayin da na 'dan yi murmushi daga 6angaren da nake.

Tambaya ta tayi" yaushe ne ma dama ranar tafiyar ?" sai na bata amsa da fa'din" Gobe ne fa Ammi".
Tace" To shikenan Allah ya kaimu"
Da" Ameen" na amsa ta a ta'kaice...daga hakan bata ce da ni komai ba kawai sai sallama da muka yi.

Da yamma ban zataba kawai naga Ammi ta aiko min ku'di har 10k da tsarabar da zan tafi da shi wai, take kuwa na 'kira ta na sanar da ita cewa ai akwai ku'di a guri na tun wanda Yah Deen ya aiko min farkon tafiyar sa ma suna nan ban yi komai da su ba harda wanda ake aiko min ma".
Tace" Wancan ai naki ne Mamana wannan kuma ni na baki kuyi ku'din mota".

" Ammi ai zasu yi yawa to..."
Ban 'karasa rufe baki na ba ta tare ni da fa'din wai na koyi musu yanzu..."
Jin haka ya sa na bata ha'kuri gami da godiya daga haka ta yanke 'kiran daga 6angaren ta.

Ummah ta kam tunda taji cewar Yah Deen ya bar ni yin tafiyar bata ce da ni komai ba, ashe ita dama damuwar ta shi 'din ce kawai, bata fito fili ta bayyana hakan bane saboda ita tunanin ta babu hanyar da zan sanar da shi cuz bata ta6a ji ko ganin ina waya da shi ba shiyasa kawai ta yanke shawarar hana ni tafiya saboda babu bakin mijina.

.....Ummah ta kullum tausayi na take ji cikin ranta musamman da ta fahimci cewa babu wata sha'kuwa ta kirki tsakani na da Yah Deen, tasan dama zama na dashi zai matu'kar bani wahala cuz ni ba kamar su Addah Maryam nike ba, kaf cikin 'ya'yanta babu wacce ta gado halayyar ta sama da ni, sanyin hali da kuma rashin sawa rai abu.

Shiyasa take ganin da 'kyar ne zaman mu yayi saiti saboda shima 'din bai wani nuna alamun son auren ba koka'dan, a 'dan zaman da nayi agidan ta fahimci auren na mu suna kawai ya tara ba muhimmanci ke gare shi wajen mijin nawa ba balle tayi tunanin ko watarana zai yi kyau...shiyasa a kullum take sani cikin addu'ar ta akan Allah ya daidaita tsakanin mu in har kasancewar mu taren alkhairi ne in kuma ba alkhairi bane ta kance Allah kai kasan yanda zakayi da auren nan Yah Allah babu wanda ya isa yace maka ga yanda zaka yi..Allah kayi mana jagora cikin al'amuran mu ka bawa yarinyar nan kariya.

Addu'ar da Ummah ta ke yawan yi min kenan kusan koda wani lokaci cikin sallar ta.

Kaya na da nake amfani da su wanda aka kawo min daga gidan Ammi da su ka'dai na shirya tafiyar, dan musamman ma Ammi ta 'kira ni tace ya kamata in zo in duba wasu kaya wa'danda yakamata inyi tafiyar da su sai nace mata a a wanda nake tare da su ma ka'dai sun isa..ta so ta nuna 'kin amincewar ta da hakan saboda a fa'dar wai ai sun sha ruwa sai na nuna mata ai ba abinda ya same su ni ban ma fiya amfani da su ba sai dogayen riguna ka'dai, haka dolen Ammi ta 'kyale ni ba dan ta so ba.

Washegari kuwa ni da Addah Maryam muka wuce Darazau cikin kariyar ubangiji muka isa lafiya lau batare da matsalar komai ba.



*****
       Tun tafiya ta ban yi waya da shi ba har na kwana biyar a can, bai 'kira ni ba sam ganin hakan yasa nima kuma ban yi 'kiran sa ba, na kanyi da waya da Ummah, Anty Zainab da kuma Ammi na kusan kullum amma banda shi...ko Addah Maryam sau biyu take tambaya ta cewar mun yi waya da shi ne?"
Sai nayi saurin bata amsa da fa'din" Erh" saboda bana so ta sake sani a gaba tace sai na 'kira shi.

Haka nayi ta faman 6oye mata gaskiyar lamarin ina kaucewa duk dalilin da zai sa ta fahimci tsakani na da shi.

Sau tari idan saif ko Ammi sun 'kira ni matu'kar tare muke da ita na kan yi basaja na tashi daga inda take tamkar shine ya 'kira ni sai na koma can cikin 'daki na amsa wayata cikin kwanciyar hankali, hakan da nake yi kuma sai ya 'dan kwantar da hankalin Addah ta har sai ta ma daina tambaya ko munyi waya domin a tunanin ta shine ke 'kira na.

Sosai Addah Maryam ta zage dantse wurin fahimtar da ni sirrin da ke cikin aure, wasu lokutan nibkam har mamaki take bani yanda ko 'dar bata ji ballantana taji kunya ta, a mafi yawan lokuta idan ta gama tsara min karatun nata nan nake bar mata su saboda nawin da suke wa 'kwa'kwalwata sai inji sam wannan ba hurumi na bane bama zan iya ko abu 'daya daga cikin su ba.

*****
              Ranar dana cika mako guda acan aranar Yah Deen ya 'kira Anty Zainab yake tambayar ta wai yaushe rabon da muyi waya da ita?"
Dagangan tace da shi" Ai ko yau ma bamu da'de da yin waya ba, wani abu ne ya faru?"
Ta 'karasa da tambayar sa sai yace a a ba komai kawai ya tambaya ne..
Shiru ya 'dan biyo Anty kam so kawai take yi taga iya gudun ruwan sa, yayin da shi'din kuma sai yakasa ha'kuri da maganar saboda yanda yake jin abun na tawo cikin ransa sai yace" Anty wallahi wannan yarinyar ta ba 'karamin raina ni tayi ba"
" Me kuma ya faru Mu'een kai kullum ba'a rabaka da masifa me yasa ne?".
" Haba Anty! tun tafiyar ta fa ko 'kira na bata ta6a yi ba, ba dan Allah ma yasa kuna waya da ita da kuma Ammi ba ma ai da ko halin da take ciki bazan sani ba, fisabilillahi hakan ya dace kenan...?"
Anty sai tace masa
" To kai me yasa baka 'kira ta ba?..ai idan.ita bata 'kiraka ba kai da kake matsayin sama da ita kai 'din sai ka 'kira ta kaji halin da take ciki, kuma ma fa kai da kanka kasan yarinya ce Hudah har yanzu me ta sani har yanzu da sauran ta..."
" Yarinya ce Anty amma ai ansan hakan kuma akayi mata aure".
Ya tari bakin ta da fa'din hakan a masifance.

'Dan.murmushi Anty Zainab tayi sannan tace" to ni kam Mu'een miye laifi na yanzu cikin maganar nan? matar ka ce fa yanzu she is your responsibility kai ke da alhakin kulawa da ita lafiyar ta da komai, balle gashi yarinyace 'karama abubuwa da yawa kaine zaka fahimtar da ita...".
" Anty ai shiyasa tun farko ni banso auren ba..lokuta da dama idan na tuna wai wannan yarinyar ce aka 'daura min aure da ita Allah kar kiga yanda nake ji a raina, yaushe zan iya da ita? yarinya 'karama ta maida ni tamkar ni tsaranta?..."

"...kana son girma sosai kaima, kuma tunda kasan yarinya ce me yasa kai baka yi 'kiran ta ba kaci girman?"

" Hmm" kawai yace da ita..sannan ya 'dan sau'kar da murya yace..." Ai yau zata dawo ko..zata gamu da ni ne..".
Anty kuwa sai tace
" Ba dai yau ba kam dan bata ce da ni yau zata koma ba".

" Wai sai yaushe?"
" Ba rana dai inajin?"
" Kuma uban wa zai je mata makarantar?"
Ya fa'di a hassale.
Zaro idanu Anty Zainab tayi sannan tace
" 'Kaniyar ka Mu'een da ni fa kake magana.."
'Dan sosa kansa yayi yana fa'din
" Sorry Anty...amma please kice mata ta dawo ko dan saboda makarantar ma".
" Kai me ze hana ka gaya mata da kanka?"

" Ok Anty zan gaya mata.."
Daga haka suka yi sallama da shi.
Ammi ya 'kira itama yayi mata maganar tace da shi ba yanzu zan dawo ba.

Ai kuwa sosai ransa ya 6aci da jin amsar da Ammi ta bashi.
Shi laifin ma ba nawa ka'dai yake gani ba har da na sauran saboda ai kowa yasan an yi resuming school, tunda kuwa sun san zan 'dau lokaci to dan me yasa za'a barni na tafi kuma? Kuma tsabar na raina shi ma yace da ni 1 week shine na yi banza da zancen sa nayi zama na...haushi na da yaji cikin zuciyar sa hatta su Ammi basu tsira ba, bai sani ba ashe ni ban sanar da kowa batun 1 week 'din da yace min ba.

Ko da Ammi ta 'kira ni tambaya ta tayi cewa wai dama bama waya da Mu'een ne?"
Sai nace da ita" a a Ammi muna yi fa kwana biyun nan ne kawai be 'kirani ba".

" Me yasa to?"
Ta tambaye ni sai nace nima bansani ba Ammi ni dai kawai be 'kira ni ba".
" 'Kyale shi..na san wataran ko ance yayi miki hakan ma da kansa zai ce a a..."
Cewar Ammi kenan cike da jin haushi sai nayi 'yar dariya kawai musamman tuno cewa ko Anty Zainab ma irin abinda take yawan fa'da min kenan...takan ce da ni _watarana da kansa zai godewa wanda ya ha'da auren mu da shi, tace raina 'yar Ammin nan yayi ni kuma nasan bakowa ke sa'an samun irin ta ba..._ "

Anty Zainab kan yawan fa'da min haka ne musamman saboda ta kwantar min da hankali na...kuma har raina nake jin maganganun ta idan tana yi min shiyasa nake jin da'din mu'amala da ita.

Duk da nasan ni ba komai bace, kuma mawuyacin abu ne abinda Anty ke fa'da ya faru ni agani na amma duk da haka nakan ji da'di idan ta fa'di hakan har cikin raina.

Ko yanda muka yi kan batun tafiyar ma dana gaya mata cewa 1 week wai yace zanyi dariya kawai tayi tace rabu da shi ki huta abinki...Bai san cewa ke matar sa bace sai wurin bada umarni ka'dai sannan yasan da haka..."

Ban kai 'karshen tunanin ba na tsinkayi muryar Ammi na fa'din" Amma yaushe kika shirya dawowa ne?" Ammi ta tambaye ni.

Wanda da jin hakan take  sai na 'dan shagwa6e murya ta sannan na bata amsa da fa'din" Ammi ni fa gaskiya ba yanzu zan dawo ba garin akwai da'di wallahi".
Murmushi Ammi tayi tace" Nasani Mama na...amma ai kinga karatu na ta wuce ki a school ya kamata ki zama a kusa, ko shi ma Mu'een 'din complaint 'din da yayi 'dazu kenan".
Sake shagwa6ewa nayi nace" Ni dai dan Allah ba yanzu zan dawo ba Ammi..."

" Sai yaushe kenan?"
"May be nextweek".
" Kai Mama na har da may be kuma?"
'Yar dariya nayi ka'dan tare da fa'din" To nextweek zan dawo Ammi na".
Murmushi tayi daga 'dayan 6angaren sannan tace
" Shikenan to Allah ya kaimu...amma ki gaya masa fa dan kar ya ishe ni da mita kinji".
Da" to" kawai na amsa ta ba wai dan zan sanar da shi 'din dagaske ba.

Haka na cigaba da zama na gidan Addah Maryam hankali kwance batare da damuwar komai ba, ban damu sam da lamarin sa ba, ni lokuta da dama ma in ba zancen sa akayi min ba sam ban tunawa da shi.

Har gara ma in Addah Maryam ta sani gaba da darussan ta na kan zurfafa tunani akan sa cikin raina na kance Addah kenan, ita har yanzu bata san waye Yah Deen ba.

Na kan yawaita fa'din hakan ne idan naji tana ikirarin wai maza ba komai suke ba wajen matayen su matu'kar mace ta san kanta to namiji bai isa ya raina ta ba balle wani abu makamancin tsawa ya shiga tsakanin su..."
Har dariya take bani idan ta fa'di hakan, domin.ni ban hango faruwar hakan ga nawa mijin.ba sam, gani nake ba ranar faruwar hakan.
Tambaya nake jefa mata da fa'din" Addah kuma har da Yah Deen shima?"
Kwafa Addah Maryam take yi sannan ta bani amsa tace" hadda shi mana shi 'din ba namiji ba ne...wallahi in kika tsaya lusaranci haka har abada zaku cigaba da rayuwa bazai ta6a baki kima ba balle ya daraji ki, amma idan kika tsaya kika nuna masa ai kema mace ce mai aji da kanki sai kinyi mamakin biyayyar da zai miki".

Yawancin idan irin wanna n maganar ta zaunar da mu to da dariya muke tashi awurin domin ni kam gani nake Addah Maryam son ranta kawai take fa'di bakomai ba.


*****
             Ko bayan yin wayar mu da Ammi ban 'kira shin ba kamar yanda ta fa'da, haka kawai ni sai banji son 'kiran nashin ba har cikin zuciya ta, balle ma da na samu Anty Zee na 'kara 'dora ni akan wai in cigaba da share shi, tace yanda ya raina ajina 'din nan idan ina shishshige masa watarana abinda zai min har sai ya girmi tunani na.

Shawarwari da maganganu da yawa nake ji game da shi daga mabanbantan baku na wa'danda kuma duk nake da tabbacin baza su cutar da ni ba.

Nasani kowa yana bani shawarar ne bisa la'akari da halayen sa amma bansan meyasa ba haka kawai duk sai nafi jin na Anty Zainab yafi kwanta min a raina saboda nata babu tsanani a ciki, babu abinda zai gagareni aikatawa domin bata sani yin abinda ban da ra'ayin sa.

Addah ta kuwa a kullum  ilimin zaman aure gaba 'dayan sa take 'ko'karin ganin ta koya min, na kan zauna in saurare ta tas wasu lokutan ma har kunya maganganun ta ke bani musamman idan ta fara canza 6nagare wannan kam bana yi mata musu ko jayayya ko nuna 'kin amincewa ta shiru nake in saurare ta,  amma har cikin raina gani nake babu ranar da irin hakan zai faru da ni.

Duk 'ko'karin Addah ta bai wuce nuna min hanyoyin da zanbi in ja hankalin miji na ba..musamman da yake kowa yasan halin sa, kowa yasan cewa shi 'din  manemin mata ne, duk da bata fito fili ko sau 'daya ta furta hakan.ba amma a yadda take karkata zantukanta da kaina fahimci kallon da ake yi masa, wanda ni kaina ma shaida ce ta gani da ido akan halayayr sa..'kilan dalilin kenan da yasa take 'ko'karin wayar min da kai ta 6angaren zamankewar aure.

Ban 'kira Yah Deen ba haka shima bai 'kira ni ba har na cika kwana goma sha 'daya a Darazau, sai a ranar ne ma da 'karfe tara saura na dare naga waya ta na haske, da yake silent take shiyasa bata yi 'kara ba, kwance muke na gama shirin bacci na, duk ma yaran Addah ta sunyi bacci saura ni ka'dai na rage ni 'din ma bacci ne cike a idanu na hasken da wayar ta fara ne yasa na 'dan bu'de idanu na lalu6o ta.

'Dago wayar nayi batare da na ko duba ko waye me 'kiran ba na sada wayar da kunnuwa na tare da fa'din" Hello".
cikin muryar bacci.

" Shiru naji ba'a amsa ni ba, sai na sake fa'din" Hello!!
Ina ha'de raina jin ba'a amsa ni da farkon ba.

" Kin dawo ne?"
Abinda naji ya tambaya kenan da ya sani saurin gwalo idanu na, ciro wayar nayi daga kunne na na sake dubawa tamkar wanda aka ce min zan ga photon sa a ciki.

Maida wayar nayi jikin kunnen nawa sannan da rawar murya nace" Na'am...Yayah..." Tuni baccin nawa ya kama gaban sa.

" Nace kin dawo ne?"
Ya saki fa'di a 'dan tsawace.
Sai na girgiza kaina tamkar ina gaban sa kafin na 'kara da fa'din" a a".
Sai yace
" Saboda kin raina ni ko?"
Nayi saurin bashi amsa da" a a".
" Yaushe nace ki dawo dama?".
Shiru ina 'kif-'kif da idanu na'ki yin magana.
" Wallahi 2days kika yadda kika 'kara a wancen garin zaki ha'du da ni, in ba hauka ba baki san ana zuwa school bane da zaki je kiyi zaman ki a can 'din?"
" Na sani.."
" Owk u just want to proof ur mentality ne ko?"
" um- um".
" Ki yi yadda kika ga dama amma wallahi if kika kuskura kika tsallake ranar dana gaya miki ke da kanki kin san sauran..."

Yana shirin datse wayar sai kuma ya dakata yace"  da zaran kin koma ki gida ki sanar da ni kinji ko baki ji ba?...".

" Naji?"
Nace ina tura baki na sai yace
" Aha"
Daga haka ya yanke 'kiran...jiki na duk sai naji wani iri a lokacin, sakamakon rasa tunanin da ya kamata inyi ne ya sanya ni mitar " Ni me ruwan ka da ni to.."

Tun lokacin nayi niyyan sanar da Anty Zainab saboda a tunani na itan zata ce dani inyi zama na ne kar in tafi cuz ita a kullum abinda yafi kwanta min itama shi take so, amma ganin kamar dare yayi ne ya sanya ni fasa 'kiran nata na bari zuwa safiya.

Ai kuwa washegari sassafe ina idar da sallah na 'kira ta na gaya mata cewa Yah Deen ya 'kira ni jiya da dare.
Dariya Anty Zainab tayi tace" 'Dan duniya yaga dama kenan?"
'Dan ha'de raina nayi nace" Masifa fa yai min Anty".

Dariya sosai Anty tayi tace" Me kika yi masa to?".
Nace" Bakomai fa kawai wai dan ban koma ba shine ya ce wai dole in tafi gobe".
Nayi maganar kamar zanyi kuka.

Anty takaita dariyar ta ta tayi sannan cikin kwantar da murya tace" Ai to ba abin damuwa bane, ki kwantar da hankalin ki kinji?, kinsan koma miye ne yake faruwa Allah bai 'dauke matsayin sa akanki ba ko da 'kwayar zarra still shine dai mijin ki, dole ne kuma kiyi masa biyayya kinsan shine aljannar ki ko?"
'Kasan ma'koshi na amsa da" Umm".
Sai tace" Yauwa kin gani...ai ni hakan ma da yayin ba 'karamin birge ni yayi ba, ko ba komai yanzu nasan ya damu da ke, kin san ya za'ayi?"
Nace" a a?"
Anty sai tace" Yanzu ki gayawa Addan ki cewa yace ki koma gobe ai bazata hana ki ba nasani sai ki shirya ki taho zamu yi