You Cannot Download this book untill you login but you can read it .

---

Login Register

duk hakan bai wani dame ni ba dayake yanayin rayuwar mu bata canza daga yanda take farko ba, duk wani da yasan zan bu'kata tun.kafin in nema yake kawo min shi, abu 'daya ne kawai nasan ya ishe ni shine yawan ganin 'kiran Yusrah da nake yi cikin wayar sa.

Ranar ma lokacin bayan Isha'i yana zaune kan dinning ina serving masa abinci sai wayar shi ta fara ringing, wayar kuma tana can kan center table dake tsakiyar parlourn mu.
" 'Dauko min wayar".
Yace yana me kar6an serving spoon dake hannu na.

Zuwa nayi na 'dakko masa wayar nan naga sunan mayyar nan" Yusrah.
Nan take naji wani 'kululun ba'kin ciki ya taso min har zuciya na canza salon harbawan ta.
Baki na ta6e ina mai 'karfafawa zuciya ta gwiwa da fa'din" Ina ruwan ki ke kuma Hudah?"
Wata zuciyar tace dani" Ai mijin ki ne ba nata ba".
Cikin raina nace" Jarababbiya kawai".

Zuwa nayi na mi'ka masa still ina jin yanayin yanda heat beat 'dina ke saurin harbawa.
Cikin idamun sa nake kallo domin inga reaction 'din sa amma ban ga komai ba.
Kar6an wayar sa kawai yayi dai-dai lokacin da 'kiran ya yanke sai ya danna flight mode ya ajiye ta, sai a lokacin kuma ya kalle ni muka ha'da idanu.

Saurin kawar da kaina nayi jiki na sanyi 'kalau na bar inda yake da yake dama batare muka saba cin abinci ba shima sai bai kula ni ba kawai ya bini da idanu.
A fili ya fahimci kishin da ya taso min, shi da kansa bai ji da'din faruwar hakan ba har cikin ransa amma sai yaji ya kasa tantance abinda ya kamata ya aikata, tunanin sa ya kasa bashi abinda ya kamata ya aikata.

Hakan yasa ya sunkuyar da kansa kawai ya fara cin abincin sa.

Sati 'guda bayan faruwar hakan naje gidan mahaifiyar Safwan domin yin sallama da Anty Fiddausi zata koma Katsina garin da take aure, nan na samu ma har Mimah tazo 'karamar 'kanwar su dake aure a nan cikin garin Bauchi, itace ma na samu duk ranta a 6ace sai naji wani iri, lokaci-lokaci takan saki tsaki, har bayan zuwa na muka gaisa still naga fuskan ta bai canza ba, na samu Mummy bata nan tana wurin aikin ta suka ka'dai a gida dana tambaye su ita ne shine Anty Fiddausi ta gaya min.

Na kan lura da su idan Mimah tayi wani 'dan reaction ko kuma tayi tsaki sai kiga Anty Fiddausi ta harare ta ni kuma muna hirar mu da ita cikin kwanciyar hankali.

Da ta gaji da yanayin Miman a zuciye sai tace da ita" Wai ke ka'dai akace miki kika ji haushin abin ne? Ko kuwa son ta kika fi kowa aaka gaya miki? Bana son iskanci idan zaki dame ni anan maza ki shirya ki koma gidan ki na yafe miki zuwan, ai ma munyi sallaman ko..to maza ki tashi tafi gidan ki kije can ki kai 6acin ranki can kin ishe ni".
Mimah sai cewa tayi" Wallahi abin ne da haushi wallahi Anty bazaki gane bane, ji bi 'yar yarinyar nan dan Allah amma ace tun yanzu har an fara raba mata hankali fisabilillahi".
A zafafe Anty Fiddausi ta nuna ta da yatsa tana fa'din" Zanci mutuncin ki anan Mimah idan baki min shiru ba, baki da hankali ne?"
Matsawa tayi nesa ka'dan sannan ta cigaba da fa'din" A a fa Anty ki barni in fa'di abinda yake cikin raina, wallahi abin ne da haushi sosai, yarinya tana ganin mutuncin mu kuma ace ga abinda ya fito ta 6angaren mu ai babu da'di, kuma in ba abin Anty Yusrah bama ina zata je da irin wannan rayuwar?....
Sunan Yusrah ka'dai da naji Mimah ta ambata sai da zuciya ta ta tsinke.
Yayin da ta cigaba da fa'din"....Da gani ma fa bai wuci sa'an ta ba wallahi, amma tsabar duniyanci tabi ta nace masa bacin yana da matar sa a gida".
" Ce miki akayi ita ta nace masa ne..ka fa fita ido na Mimah".
" Anty ai cikin maganganun ta zaki fahimta, koma dai shiyace yana son ta amma ai ita ke damun sa yanzu kam, bakiji complaint 'din ta bane wani wai baya 'daga 'kiran ta idan yana gidan sa harda yi mata warning akan 'kiran sa idan yana gida, wai fa da gangan take yin 'kiran taji mai zai faru wai dan ya hanata.. shima 'din fa da alama saboda matar sa ne yake gudun 'kiran tan amma dan iskanci ta nace masa, ke bakiyi auren ba wa'danda suka yi kuma ki bi ki uzzura musu ki hana su zama da mazajen su lafiya...mtheww ni fa shiyasa tun farko jini na da nata sam bai ha'du ba wallahi, ko kunya ma bata ji wai tazo tana hirar abinda saurayi yake yi mata, fiye da haka ma ya kamata ta gani ai tunda ita bata san abinda ya dace da ita ba...duniyar ai gata nan ta ishi kowa, sa'o'in ta duk sunyi aure ita tana nan tana bin mazan wasu, amma tunda mutumiyar ki ce Anty dan Allah ki bata shawara ta barwa yarinya mijin ta in ba haka ba wallahi sai na gayawa Mummy abinda ke faruwa ba ruwa na...".
Idanu kawai Anty Fiddausi ta zuba mata haka nima har ta dasa ayan maganar sannan Anty Fiddausi ta sau'ke numfashi tare da fa'din" To naji Mimah zan bata, amma please tashi ki ban waje dan Allah kinji?"

Tashi Mimah tayi ta bar 'dakin tana fa'din" ai gaskiya ne Anty, mutune babu abinda suka iya sai biye-biyen maza ko'ina, sai sun je sun kwaso cuta kuma su cuci wacce bata ji ba bata gani ba a 'dauki hakkin ta a banza tana zaune a gida zaman bauta da biyayya...duk sai Allah ya saka musu wallahi".

" Allah ya shiryeki Mimah...Fitinanniya kawai".
Haka kawai Anty Fiddausi tace bayan fitan Mimah sannan ta dawo da kallon ta gare ni tace" Kiyi ha'kuri dan Allah Noor, Mimah duk ta hana mu hira da hayaniyar ta".
'Dan murmushi nayi murya ta har na kakkarwa nace da ita" Lah haba bakomai Anty" Na 'karashe maganar da sunkuyar da kaina na wasa da yatsun hannu na.

Jiki na duk yayi sanyi da maganganun Mimah, ina tsoron kar wannan Yusrahn ta kasance itace da ke 'kiran Yah Deen, in kuwa itace nasan labarin ya riga yasha bambam, ayanda na fahimci aka bayyana halin Yusran to kuwa babu tantama biyu ne suka ha'du dan shima 'din ba baya bane wajen iya bin mace matu'kar tayi masa...Idanu na lumshe da kaina a 'kasa cikin zuciya ta na fara jero Addu'ar" Allah ka rufa min asiri, Yah Allah kasa ba mijina bane, Yah Allah kar ka jiyar dani abinda yafi 'karfin kunnuwa na wanda na gani da idanu na ma sun ishe ni, Yah Allah ka shiryar min da miji na ka raba shi da matan banza".

Hawaye nake jin na son gangaro min amma na matse su 'karfi da yaji kan dole nake tilastawa zuciya ta kawar da tunanin ina maimaita Allah yasa ba shi 'din bane Allah yasa maganganun Mimah basu ha'da ala'ka da Yah Deen ba".

Ina wannan tunanin ne kawai, mma ni da kaina nasan yaudarar kaina kawai nake yi domin ko da bani da hankali a yanda naga Anty Fiddausi ke 'ko'karin kawar da zancen tana kakkarewa nasan akwai dalili, 'kilan bata so ne ni inji shiyasa take 'ko'karin Mimah ma ta 6oye min kamar yanda ita tayi, sai akayi rashin sa'a ita kuma Mimah da yake fushin ta a kusa yake sai ta kasa jurewa.

Anty Fiddausin kanta yau bamu wani yi dogon hira da ita ba, duk sai naga bata sakin jikin ta da ni wanda ni kaina ma a daddafe nayi yinin duk na 'kosa in koma gida.

Koda Mummy ta dawo kuwa sosai ta nuna farin ciki da zuwa na, har kyuatan turaren wuta tayi min mai shegen 'kamshi.

Mimah kam dama bata iya zaman ba ta tattara ta koma gidan saboda haushi.

Da lokacin tafiya ta tayi kuwa sai Anty Fiddausi  ta 'dan bani shawarar ina 'ko'karin yiwa kaina da miji na Addu'ah saboda yanzu duniya agur6ace take".
Nace" to Anty Insha Allahu zan ringa yi".
Addu'ah kam ai ba ba'ko na bane, inda sabo ma na riga na saba bazan kuma gaji ba insha Allahu, da kaina nasan akwai ranar da Allah zai amsa min, ko ba yanzu ba wataran Allah zai amsa addu'ah ta zai kuma canza min ba'kin ciki na ya koma farin ciki insha Allahu.

Yah Deen kansa da ya ganni sai da ya tambaye ni" Lafiyar ki kuwa?"
Saboda gani na da yayi wata iri sai nace da shi lafiya ta lau".

Daga haka na maida kaina gefen titi ina kallon.hanya har muka iso gida.

Wannan abin sosai ya dame ni a zuciya gashi bani da wanda zan zauna inyi hirar da shi, sa'a ta ma 'daya yanzu ba sosai nake ganin 'kiran Yusrahn ya shigo wayar sa ba, amma duka da haka a yanayin yanda yake rayuwar sa na fahimci tare suke har yanzu.

Bani da yanda zanyi da shi saboda rayuwar shi, kuma ban isa in sa ko hana shi aikata abinda ya ga dama ba, hakan yasa kawai na cigaba da bibiyan abin cikin raina.

Wani lokacin haushin kaina sosai nake ji ganin yanda duk na damu kaina bacin abin bai shafe ni ba, amma idan na tuna ai miji na ne sai kuma inji erh ai da gaskiya ta.

Idan kinga yanda nacrame har zaki yi mamaki amma ko da wasa ban iya na yi masa magana akai ba ko kuma in nuna masa cewa na san yana tare da wata ba.
Shi kan sa ramar tawa na matu'kar 'daure masa kai amma bai san yanda zai yi da ni ba, idan tambaya ta yace zai yi yasan babu wata amsa gamsashhsiya da zai samu sanin hakan da yai yasa ya cigaba da zuba min idanu kawai.

Sanadin rashin sakewar tawa ya sanya ya fasa zuwa Shuwarin da ni da dama ya ayyana cikin ransa cewar idan zashi wannan karon tare zamu tafi..ta ina zai 'dauke ni a haka ya tunkari Ammi da ni? da kansa ya san ko wurin Alhaji Baba sai ya amsa tambayoyi, sanadin hakan yasa bai ko sanar da ni ba ya fasa abinda ya shirya.

Wasa-wasa sai da suka shafe a'kalla  kusan watanni uku suka suna tare da Yusrah, sannan Allah ya taimake ni labarin ya isa kunnan Safwan bayan haka ma da kansa ya sa idanu ya fahimci irin ala'kar da ke tsakanin sun.

Sam bai ji da'di ba dan haka sai yayi saurin datseta da yake yasan asalin halayyar Yusrah ba mai kyau bane dama ta saba biye-biye.

Kuma acewar sa ma yaushe Yah Deen 'din yayi aure harda zai fara raba hankalin sa kashi-kashi, da 'kuruciyar ka ka tsaya kana gur6ata rayuwar ka Mu'een, yace yarinya 'karama da ko haihuwar fari bata yi ba shine zakayi mata kishiya a waje? kishiyar ma irin Yusrah, yace matu'kar Yah Deen bai rabu da ita ba ya 'daukan ma kansa al'kawari har Shuwarin zai je ya gayawa Alhaji Baba in yaso.sai ya san mai zai ce da shi.

Jin hakan ne ya sa Yah Deen rabuwa da Yusraj badan yaso ba, har kuma sai yaga ma wautar sa na 'daure kansa da kansa da yayi, domin kuwa Safwan shine mutun na farko da Yah Deen ya zauna ya bawa tarihin rayuwar sa kaf, har girman matsayin da nake da shi azuciyar sa sai da ya fa'da masa da dalilin hakan, a lokacin bai ta6a zaton akwai irin wannan ala'kar da zata sake ha'da sa da wata ba kwatsam sai yaga Yusrah, ya kuma ji son kasancewa da ita bisa tursawan Shai'dan y kuwa yi galaba akansa har ya leading 'din sa izuwa cimma manufar sa duk da yasan cewa Yusrahn matsayin 'kanwa take ga Safwan, ya 'kara basar da hakn ne ma lokacin da ya fahimci ba shine farkon da ta fara bada kanta ba, ga dukkan alamu ta riga ta saba da hakan.

Safwan kam da yaji asalin halin Yah Deen daga bakin sa sosai abin ya bashi mamaki alokacin, dan yasan bazai ta6a yiwa kansa sharri ba, in hakane kuwa babu 'karya koka'dan cikin kalaman sa, tun lokacin shima ya 'kara jinjina min yake kuma 'kara bani daraja har a zuciyar sa, ya kuma bashi shawaran to ya ri'ke ni da kyau da amana dan bakowa ke sa'an samun irin hakan ba, da 'kyar ka samu wacce zata iya irin hakan ma cikin mata,( ko ita Salmerhn ba iyawa zata yi ba kuwa har ga Allah..lolz Allah ma ya tsare faruwan hakan)

Cikin labarin da Yah Deen ya bashi ne ya fahimci har yanzu yana shakkan Alhaji Baba indai kan wancan batun ne shiyasa yayi saurin yi masa barazana da sunan sa ya kuwa yi sa'a Yah Deen ya janye dan gani yake tamkar Safwan zai iya aikata abinda ya fa'da musamman yanda yaga ya nuna 6acin ransa a fili shi kuwa ba zai sake kuskuren da Alhaji Baba zai zarge shi kan irin wancan rayuwar ba har abada, tsoron sake fuskantar fushin sa yake yi.








Comment
Vote
Share






*Salmerh ce*😍

💕 *NOORUL* 💕
      (Haske nah)


By
*Salmerh MD*
 

*Wattpad @*
*Serlmerh-md*


💫 *DA BAZARMU* *WRITTER'S ASSOCIATION*
💫
We are here to make you happy,smile,educate and to realized that we are the best among all.....
*DA BAZARMU* *MUKE TUN'KAHO*


_*Daga marubuciyar Littafin CAPTAIN ABBAS*_

*Bismillahir* *Rahmanir Raheem*

🅿 *70*

Tun zuwan mu kuwa har yau ban ta6a zuwa Shuwarin ba, Yah Deen shi ka'dai yake zuwa ya dawo abin sa, duk yanda nake nuna damuwa ta  akan son tafiyar amma baya kulani ya kan je ya kwana 'daya tak ya dawo.

Duk bayan tafiyar ta sa kuwa kuka nake yi sosai abu na saboda tsananin son zuwan da nake yi.

Gashi abin haushin ko yaje ya dawo bana samun jin wani labari daga bakin sa abinda yake gaban sa kawai yake cigaba da yi...

Duk yadda nake 'kaguwa inji yace min su Ammi sunce kaza, ko kuma Ummah tayi kaza...haka nake ha'kura domin Yah Deen baya bani labarin komai, ni kuma bana iya tamtayar sa.



*****
        Watannin mu takwas a garin Bauchi a lokacin mun yi nisa da fara zana SSCE, cikin 'dan hutun dake tsakanin Waec da Neco acikin sa  na fara fuskantan wasu sauyi tattare da lafiya ta.

Zazza6in dare, da kuma yawu da baki na ya fara yawan tarawa, abin sosai yake bani haushi har cikin zuciya ta...gashi bansan dalilin ba sam.

Da farko nayi tunanin Maleria ce ke damuna amm sai naga inba daren ba ba na sake jin alamun zazza6i ko wani abu sai dai ko yawun da yake 'dan takura ni wasu lokutan.

Da yake ba gida yake yini ba hakan yasa bai da labarin halin da nake ciki.

Ranar wata Juma'ah zai fita aiki da safe bayan har ya min sallama yana daf da fita daga parlour na 'kira sunan shi.
Cak ya tsaya sannan ya waigo, sai nace" Dan Allah idan zaka dawo ka siyomin magani kullum yawu damuna yake yi sai na nasa abu a baki na.

Kallo na ya tsaya yi batare da ya furta komai ba, yayin da cikin zuciya ta nake ayyana" Allah yasa dai ba 'kin siyomin zai yi ba".

Kawar da kansa yayi ka'dan daga kallona tamkar wani tunani a hankali kuma naga ya tako izuwa gaba na.

Fuska ta ya tsaya kallo kamar mai karantar wani abu.." Me ke damun ki?"
Ya sake tambaya ta as if bai ji me na fa'da da farkon ba.

Ban damu ba na sake maimaita masa cuz sosai nake so inga na daina wannan yawun.

" Bayan shi fa ba wani abu?"
Saurin girgiza kaina nayi.
Sai yace min" In 'dauko mayafina mutafi tare idan an duba ni sai in dawo gida".
Shi da kansa ma daman ya fahimci wani sauyi tattare da ni musamman na rashin sukuni a 'yan kwanakin kawai shiru yayi da tunanin in damuwa ce ke damuna ai da kaina zan fa'di.
               Sai kuma gashi hakan akayi, Yah Deen da kansa ya gwada ni bayan isarmu asbitin nasu.

Bayarwa yayi aka akai Lab shi kuma ya zauna tare da ni, kwata-kwata ma sai ya kasa yin aikin komai, har 'kiyastawa yake cikin ransa yanda zai ji idan hasashen ya zama gaskiya.

Ai kuwa sosai nayi mamakin sa, dan kuwa hauka ne ka'dai be yi ba ganin sakamakon gwajin da akayi min da abinda ke 'kunshe a ciki.
Wai ni Hudah ce ke 'dauke da ciki a jiki na.

Dama tunda yaji abinda na gaya masa da sukayi kama da symptoms in masu ciki sai zuciyar sa ta kasa natsuwa.

Lokacin da ya tabbatar cikin ne dagaske kuwa murna tamkar zai cinye ni, haka ya dinga bin jiki na kisses yana samin albarka da fara'ar sa...Alhamdulillah kawai yake ta faman maimaitawa cikin zuciyar sa.
Haka kawai bazata ya tsinci kansa cikin matsanancin son cikin jini da zuciyar sa.

A asbitin ne aka tabbatar mana da cewa cikin na watanni biyu ne kacal da 'yan kwanaki..godiya wa Allah ya ringa zubawa yana jin soyayyar cikin na 'kara ratsa shi.

Ni kaina naji da'di sosai duk dama ban ta6a kawowa a kaina cewar nima zan haihu cikin lokaci 'kan'kani irin haka ba, amma yanzu da ya kasance na samu cikin sai nake jin da'di har cikin jini na, a gani na ai ko ba komai zan samu abokin hira a gida.



*****
        Samun cikin da nayi shine nasara na farko da na fara samu cikin zama na da shi, da kaina wani lokacin na kanji farin ciki matsananci, har ma sai inyi tunanin ai da na san hakan zai canza min zaman 'kuncin da nake yi da shi da tun farkon dawowar mu garin Bauchi zan ringa ro'kon Allah ya bani kyautar ciki ko dan in samu farin ciki ma, amma ko yanzun ma Alhamdulillah kawai zance domin a yanzu ne na fahimci 6oyayyiyar soyayyar da Yah Deen ya da'de ya ke min wanda bani da masaniya akai koka'dan sai ta dalilin cikin, duk dama wasu lokutan na kanyi tunanin cewa Yah Deen cikin sa kawai yake wa son bani ba amma wasu lokutan da kaina nake sake 'karyata tunani na, domin a yanda nake ganin yanayin sa sai kuma inga kamar abin yafi 'karfin cikin dake jiki na ka'dai.

Kulawa ta musamman yake bani da ko a mafarki ban ta6a zaton samu daga gareshi ba.
Yah Deen har kitchen yana shiga da kansa musamman da safe lokacin breakfast abinda ban ta6a ganin yayi ba kenan a kaf 'din rayuwa ta.

Zallar soyayya da 'kauna mai sanyi gami da kulawa yake nuna min, sha'kuwa ce sosai ta shiga tsakani na da shi amma ta ba'dini, tun zaman mu da shi ko da wasa bai ta6a bayyana min abinda yake so game da ni ba, amma sai gashi yanzu da bakin sa yake irga min, yace babban abinda yafi 'kauna cikin halayya ta shine sanyi na...taurin kai na kuma baya 'kaunar sa sam.

Da bakin sa yake zayyano min 'dumbin 'kaunar da ya jima yake min cikin zuciyar sa wanda kafuwar hakan ya samo asali tun daga ranar da ya fahimci na rufe masa sirrin sa wurin Ammi.

Yace tun daga ranar ya ware min wani matsayi  daga cikin zuciyar sa wanda babu wanda ya kai gurin har gobe, ya bani muhimmanci fiye da kowa a zuciyar sa baya ga ahalin sa.

Ban yi mamaki ba ko da naji hakan daga bakin sa, duba da yanda ya jima yana sanya ni cikin tunani ya 'daure min 'kwa'kwalwa ta na kasa fahimtar takamamme ko shi 'din waye ne da kuma matsayin da nake da shi a wurin sa.

Da kaina yanzu idan na zauna na kanji natsuwa na ratsani, wasu lokutan ni ka'dai idan na zauna sai in ringa murmushi musamman idan na tuno kulawar da yake bani.

Yau ina Addah Maryam, ina Anty Zainab kuzo kuga yanda a rayuwa ta ta canza a gidan aure na, ni ma da kaina nasan ina son miji na, so kuwa mai tsananin gaske.

Yanzu ne na gane cewa miskilanci kawai a jinin Yah Deen yake, bawai yana min bane dan ya tsane ni ni ka'dai ko kuma wani abu daban.

Sai dai kuma duk da hakan har a lokacin ban iya na saki jiki da shi ba, gani nake kamar watarana zai 'kara yi min irin wancan abin, 'kila sai bayan yaga na saki raina da shi sai ya sake kawo wata macen kuma, bazata inzo inci karo da abinda zai iya yin sanadin rayauwa ta, cuz na tabbata a halin da nake ciki na tabbatar da 'kaunar da nasan nake yi masa, nasan matu'kar na sake cin karo da irin wancan abin 'kilan sai dai a 'dauki gawa ta.

Hakan yasa naji ban yadda da soyayyar da yace yake min ba, sai kuma na dawo da tunani na baya, da yake nasan yanzun ma dalili ne ya sanya shi furtawa ada bai ko ta6a nuna min ba, sai na barwa cikin da ke jiki na duk soyayyar da ya nuna min wanda na tabbatar har gobe bazai daina ba matu'kar cikin na nan kwance a jiki na...'kila da ba cikin ba zan ji komai daga gare shi da ya danganci so ba har abada.

Haka na maida kaina kamar na'ura wurin tunani, duk wani abu da ya faru tsakanin mu sai dai in bishi da idanu, amma cikin zuciya ta kuwa tamkar zata fashe saboda yawan tunane-tunane.

Batun kishi ma da kansa yace min shi tun asali ma yakanji matsanancin kishi na tun ma kafin batun aure tsakani na da shi ya gifta, yace ko da dasu Saif yaga muna mu'amala har cikin jinin sa yake jin haushin hakan amma a lokacin sai ya rasa dalilin sa na jin haushin mu gaba 'daya matu'kar ya gammu tare muna walwalar mu, sai daga baya a hankali ya fahimci halin da yake ciki.

Duk kuwa 'yar sha'kuwar da ta gifta tsakanin mu da shi still ba koda yaushe ne zaki gan mu tare cikin farin ciki ba, da yake ma sha'kuwar bata zahiri bace hakan yasa duk kowa ke kama kansa wani sa'in, surutun Yah Deen na zuwa ne lokacin da ya ga dama har ma kiji yana bayyana abinda ke ransa, wanda nima cikin hakan nake 'dan tsintan wasu abubuwa da suka shafe ni, amma da yake wani lokacin yana 'dan canzawa ya koma asalin Mu'een 'din sa sai hakan ya 'kara sawa nake jan jiki na daga gare shi har sai in shi ya nemi zama tare da ni.

Idan na zauna kuwa banda tunanin 'yan matan sa dake yawan min zirga-zirga cikin brain 'dina babu komai, duk wani abu idan kinga ya tsaya min arai to idan kika bincika ya shafi Yah Deen komenene kuwa abin, tun ban dangana  batun da su ba har dai nazo salon tunani na ya fara canzawa akai, sai nake ganin ai da dagaske yana so na 'din kamar yadda ya fa'di da ba zai 'kara neman wasu matan ba bayan ni.

Wannan dalilin ne abu na 'karshe da yasa ni na kasa amincewa da cewa erh dagaske Yah Deen na 'kauna ta kamar yadda ya fa'di da bakin sa, a kullum sai na kasance cikin tunani da kokwanton maganar sa..abin kullum shine cikin raina ina jjujjuya shi, lokuta da dama ko da Yah Deen yazo min da sakin fuska ko da wata 'yar zolaya response 'din da yake lura da shi ta 6angare na shike sakan mai gwiwa da ni, dan ko abin dariya ne ban fiya taya shi yi ba, in hira ce kuwa sai dai in ta kallon sa duk da shima 'din ba wai gwani bane wajen hirar amma sosai yake 'ko'karin yaga ya faranta min yayin da ni a kullum nake nuna masa halin ko in kula batare da damuwar komai ba.

Tun yana 'ko'kari yana danne rashin jin da'din sa game da yanda nake nuna masan har dai ya zo ya watsar da komai, muka koma irin zaman mu na baya, abu 'daya kawai ne bai bari ba shine kula dani da kuma cikin da nake 'dauke da shi.

Gashi ta ko wani 6angare banda abokin shawara 'daya, in familyn Safwan ne ai suma Yusrah ta su ce, nasan da wuya ne su za6e ni su 'kyale ta akan koma menene, tunda ga ma misali 'daya yanzu kusan 5weeks bamu koyi waya da Fiddausi ba, ni agani na duk akan maganar Yusrah ne, duk da kuwa Mimah ta fito fili ta nuna 6acin ranta amma ai nasan naka nake ne.

Ban