You Cannot Download this book untill you login but you can read it .

---

Login Register

ward 'din da Baby take kwance...yana tafiyar yana yi masa mitan 6acewan da yayi.

Har a lokacin kuwa Yah Deen bai furta masa komai ba har suka isa.

Yana fara hango su Ammi sai yaji 'kafafun sa sunyi masa nauyi a hankali ya 'karasa kusa da su wanda Alhaji Baba ma da hango shi ya yi saurin isa gaban sa suka rungume juna.

Kuka Mu'een ya sanya masa yana fa'din" Dan Allah Alhaji ka yafe min, bansan haka rayuwa ta zata juye min ba..."

Alhaji Baba zaton shi ko duk kan rashin lafiyan Babyn ne dan haka sai ya ringa kwanatr masa da hankali amma Yah Deen ya'ki yin shiru..fa'di yake"  Noor tace nine sanadin komai, ni ne na jawa Baby duk abinda ya same ta kuma na yarda nima Alhaji, wallahi nayi nadamar rayuwa ta na zalunci Baby na 6ata mata future in ta tun kafin zuwan ta duniya batare da na farga da hakan ba...".

Saurin cire shi Alhaji Baba yayi daga jikin sa yana duban sa cike da mamakin kalaman sa, yayin da Ammi da ta matso da farin cikin ganin sa ita ma ta kafe shi da idanu tana duban sa cike da tausawa.

Hawayen dake zubo masa Alhaji Baba ya fara share shi masa, duk tunanin bai ja shi wani wuri ba, yayi zaton ko duk zafin so da tausayin Jasmine ya sa shi furta wa'dannan kalaman.

Ganin Ammi gefen sa ne ya sanya shi waigowa ya tafi gaban ta itama ya rungume ta tana bubbuga bayan sa cike da tausayawa.

Zaiyi magana ta dakatar da shi da fa'din" Shi...ya isa haka nan Mu'een kar jinyan yarinyacya zautar min da kai..ka manta cewar Allah ne ya 'dora mata ko?".

Murmushi yayi tare da cire jikin sa daga jikin Ammin, hannun sa 'daya yasa ya share hawayen fuskar sa, cak idanun sa suka sau'ka kan Noor suka ha'da idanu, itama hawaye ne kan fuskar ta sha6e-sha6e, take kuwa tayi saurin kawar da kanta gefe ta daina kallon sa, bai damu ba sai ya dawo da kallon sa wurin Ammi.

Dur'kuswa yayi ya zuba gwiwoyin sa a 'kasa, sannan ya kamo hannun Ammi yace" Ammi..ku iyaye na ne masu matu'kar 'kauna ta, kun bani tarbiya kun bani ilimi, kun bani farin ciki da gatan rayuwa, kunyi 'ko'kari sosai wajen ganin kun bani duk wani abu da yake hakkin ku, kuka 'kaunace ni kuka koya min son Allah da mazon sa, kuka koya min bauta da kuma bautawa Ubangiji na, kun nuna min haramci da duk abubuwan halal dake cikin rayuwa amma nayi watsi da shi.

Ammi ku yafe min dan Allah, badan hali na, ban ta6a sanin cewa da gaske halayya ta kan iya dawowa ga ahali na ba sai yanzu Ammi, ace da ciwo, na 'dauki abin.wasa ne shiyasa duk na mance da hakan sai gashi yanzu ya faru akan yarinya ta..."
Ammi saurin fizge hannun sa tayi daga nata ta wani zuba masa idanu cikinbalamar tambaya kan batun da yayi, yayin da Alhaji Baba ma daga inda yake tsayen yake duban sa duk alamun tambayoyi ne kan fuskokin su.

Noor kam kuka ta sanya tare da kwantar da kanta bisa cinyoyin ta, koda wasa bata son taji ana sake maimaita wannan batun..'konabmata zuciya yake yi sosai.

Mummyn Safwan ne tayi saurin 'karasawa kusa da ita ta fara rarrashin ta amma ina, kukan ya riga ya zauna cikin zuciyar ta bazata iya daina shi ba.


" Alhaji..Ammi ku yafe min, amma a yau shirya sanar da ku ko way ni, a yau zan bayyana muku 'dayan 6angare na da bakowa me ya sanshi ba..."
Dukkan su kallon shi suke yi suna jiran jin abinda zai fa'da musu, tun farkon maganar tasa suka fahimci cewa akwai lauje cikin na'di, a fili suka fahimci cewa wani mummunan lamari ne ya faru da Jasmine, domin ko su idan ance su fa'di wani hali Mu'een halayya 'daya zasu iya fa'da wanda yake da munin da zai iya illata wa mutun zuri'ah.."
Ammi idanu ta lumshe bata fatan taji wani makamancin hakan ga Baby, ahse dama haka ne ko da mutun ya tuba ya koma ga Allah fa'dar sa sai ya faru ga nakan.ahse dagaske ne?
Abinda tun farko Alhaji Baba yayi ta masa gudu kenan amma ya 'ke'kashe idanun sa ya yi kamar bai san da hakan ba.

Yah Deen bai damu da irin kallon da suke masa ba a hankali ya bu'di baki kaf ya basu labarin halin sa wanda suka sani da wanda ma basu san da shi ba..wanda ya jima yana 6oye musu da wanda Noor ma ta rufa masa asiri, hatta cikin da ya zubarwa Husnah bai 6oye musu ba...dan ganin sa ba bu'katan wani rufin asiri kuma yanzu bai cancanci hakan ba sam...a hankali har ya gangaro kan abinda ya sami Baby, yanda tuncfarko Noor tayi ta nuna masa rashin dacewar Sani amma ya yi banza da ita, ko ka'dan jinin ta bai 'dauki na Sani ba, da sonta ne da tuni Sani ya bar gidan su amma yayi banza da ita, Allah ya kawar da zuciyar sa ya toshe masa tunanin sa akan komai, hatta 'karan Sani da Baby take yawan kawo masa da yanda take fa'din yana cinye mata baki duk ya tuna su, kuma sai yanzu yasan manufar su wanda abaya bai ta6a fahimtar mai Baby take nufi ba, dayke Allah yaso kama shi, shiyasa ya rufe masa idanu yasa masa yadda da aminta da Sani, jinsa yake tamkar su Saif ne shiyasa bai ta6a ko gwada yi masa fa'da akan wani abu ba, ko zai yi ma sai dai suyi maganar kamar da wasa ta a wuce hakan...bai sani ashe Sani na tafe ne da mummunan 'kaddarar sa da Allah ya tamadar masa, wanda da ace ya sani da tun farko ma ko magana ba zai yadda ta ha'da shi da Sani ba babble har ya bashi masau'ki cikin gidan sa...ayu nayi danasanin rayuwa ta Amma, nayi nadamar komai dana aikata, dan Allah ku yafe min Ammi....Alhaji..."
Sai kuka yaci 'karfin sa ya kasa 'karasa abinda yayi niyyan fa'da.

Alhaji Baba kam kansa ya dafe cikin tsananin tashin hankali, ashe duk yanda ya 'dauki abin Mu'een 'din abin ya zarta hakan sosai, bai ta6a zaton yayi nisa har haka fiye da tunanin sa ba, da Husnah ka'dai ya sanshi kuma bai yi tunanin cewa muhallin su 'daya a makaranta ba, ashe har da zubar da ciki yayi, banda wanda ya 'dirkawa 'yar gidan Malam Barau hallau yazo ya dinag bibiyan Husanh bayan yasan da aure akanta...Innalillahi wa Inna ilaihi raji'un, Yah Allah me na haifa?
Ada yayi zaton ko tunda yayi aure shikenan da yake bai sake ji ko ganin wani abu makamancin wancan da yafaru abaya ba ashe yaudaran kansa yayi da wannan tunanin, ko bayan.auren sa ma Hudah ta kamashi da Husnah kuma ta rufa masa asiri..bazai ta6a mantawa da lokacin da ta dawo gida ta'ki komawa ba wanda 'karshe dole sai.kayanta aka kawo mata ta cigaba da zama agida, ashe duk saboda banzan halin sa ne, a lokacin baya zurfafa bincike akansa dayake yana tunanin komai ya wuce..Mu'een Allah ya wadaran rayuwar ka wallahi, banda tarin abin kunyar daka 'kunsa min a Shuwarin, mutun mai mutunci amma ka ha'da ni da shi ka ha'da 'yar sa da kayan cikin 'karshe ma ta rasa rayuwar ta Mu'een ashe wannan ma bai ishe ka ba,.har gobe tsananin kunya da nauyin Malam bai barshi ba banda ma jama'ar gari kawai dannewa yake yana mu'amalar sa dan kar aga fuskan da za'a gaya masa magana amma shi ka'dai yasan yanda yake ji cikin zuciyar sa.

...Alhaji Baba jiri ya fara ji na 'diban sa Safwan ne yayi saurin tare shi suka zauna kan kujerar dake wurin yana bashi ha'kuri.
Sam Safwan bai yi mamakin jin labarin Mu'een ba cuz da kansa ma ya sanar da shi a lokacin giyan son Nuree na 'diban sa so bai 6oye masa komai ba illah batun Jiddah da ya faru daga baya, shiyasa ko yanzun ma bai yi wani mamaki ba.

Ammi kam tsaye ta mi'ke ta wafce hannun ta daga cikin nashi, babban abinda ya 'daga mata hankali shine jin asalin abinda aka yiwa Jasmine ga haushin Noor na rufa masa siri da tayi tun abaya har ta cigaba da zama da shi, wanda da tasan hakan da ko hauka take yi bazata ta6a barin ta ta zauna da shi ba,  wajen ta tayi niyyan zuwa ta sau'ke mata 6acin ranta amma sai taji Yah Deen ya sake ri'ke hannun ta yana ro'kon.ta yafe masa yayi al'kawarin ba zai sake ba...

Wani mahaukacin mari ta sau'ke masa ta sake 'karawa akaro na biyu har bakin sa na jini, kafin tayi na uku Noor bata san lokacin da ta taso da gudu ta shiga tsakanin su ba, duk yanda take jin tsanar sa cikin ranta amma bazata ta6a juran ganin irin hakan tsakanin sa da iyayen sa ba, sosai taji tausayin sa da Ammin ke dukan sa, kuka take tana ro'kon Ammi akan tayi ha'kuri ta bar shi, tavyafe masa, shi da kansa yayi mamakin ta sosai duk kuwa cikin matsanancin tashin hankali yake.

Jikin Ammin ta shige tana kuka tana bata ha'kuri, sosai jikin Ammi yayi sanyi, ta rasa wani irin.zuciya ce ke ga Hudah, duk wanda yaji wanna labarin yasan sosai aka shiga hakkin ta amma duk da hakan alamun tausayi take nuna agare shi.

Yarinyar nan dama na jima ina tunanin bata cikin walwala, tunda na bashi auren ta yarinyar nan bata canza ba, hakan nan take kullum kamar wacce bata cin abinci ashe ita ka'dai tasan me ta 6oye cikin ranta.."
Ammi ce ke wannan tunanin cike da matsancin tausayin ta.

Ita ka'dai ce agaban ta yanzu, Jasmine ai 'yar sa ce, sai yaje can yaji da da ita tunda shine ya lalata mata rayuwa, duk tausayin Baby da Ammi ke ji awanni biyu da suka gabata duk sun tashi sun dawo kan Noor, yayin da haushin Yah Deen ya mamaye mata zuciya.

Mummyn Safwan ha'kuri itama take bawa Ammi at same time kuma tana bata misalai da manyan-manyan 'kaddarorin dake faruwa a wannan duniyar, tace tunda har ya kasance halin sa ya zayyano da bakin sa bai kamata kuma tayi masa irin wannan hukuncin ba, ga dukkan alamu nadama ce mai girma ta shige shi dan haka.nasiha ya kamata tayi masa ba duka ba.


Huci ammi ta sau'ke dan sosai ranta ya 6aci da su, Allah wadai take yi cikin zuciyar ta da rayuwar Mu'een, sam bakin ta ya kasa furta komai, illah nuna shi da take yi da yatsa idanun ta jajazir...da 'kyar ta fizgi magana tace" Allah ya sauwa'ke in sake 6ata yawun baki na dan.kawai in yiwa wannan banzan nasiha, idan har wanda akayi masa abaya bai shiga kansa ba to banga alamar shiryuwa tattare da shi ba, yaje can shi yasa ni rayuwar sa ce ai...banza marar hankali wanda bai san ciwon kansa ba.."
Ta 'karasa fa'da da yaren su na Igbo.

Shi kam sai hawaye kawai yake yi hannun sa dafe da kuncin sa, yacriga ya shiryawa duk hukuncin da za'a yi masa a yau 'din, cuz aganin sa ya cancanci koma wani irin hukunci ne.

Safwan gefe yake da Alhaji Baba yana bashi ha'kuri da kwantar masa da hankali.

Abinda bakin Ammi ya iya sake fa'di kawai shine" Wallahi...ka yi asaran rayuwar ka Mu'een..."
Kafin ta sake yin wata magana Mummyn Safwan tayi saurin rufe mata baki..tana bata ha'kuri.

Gaban ta Yah Deen ya jawo gwiwan sa ya dawo gaban ta yana hawaye yake fa'din" Ammi dan Allah idan duka na zai sa zuciyar ki tayi sanyi ki min komai, ki dake ni ki min duk abinda zaki min indai ranki zai yi sanyi, ni da kaina ma na tsani kaina Ammi, wallahi bana so in sake rayuwa a duniya saboda ban iya faranta wa masoya na rai ba...Mummy ki bar min Ammi tayi ta bugu na son ranta koda kuwa zai yi sanadin rayuwa ta ne bazan ji ciwon sa ba, kaico na da na kasance mujiya cikin ahali na, kaico na da na za6i kazamar rayuwa na sa ta zamto wani 6angare cikin rayuwa ta ....."
Bai kai ga rufe bakin sa ba sai ya fara tari akai-akai yana dafe 'kirjin sa da duk hannuwan sa biyu...wani jini ne ya sake fitowa ta bakin sa take sai ya 'dur'kusar da kansa 'kasa cike da azaba ko hawayen ma tsayawa suka yi.

Da sauri Safwan ya bar Alhaji Baba yayo kansa ya ri'ke shi haka ma Mummy dake yi masa sannu a rikice take bawa Safwan umarnin yayi wani abu mana.

Shi kam da 'kyr yake fizgan kalmar" Ku...bar ni na mutu Safwan...bani da amfani yanzu.....".

Mummy cike da ausayawa take girgiza kanta gaba 'daya jikin ta yayi sanyi 'kalau.
...Safwan ne yayi 'kira wanda ba'a fi mintina biyar ba sai ga shi anzo da gadon tura marasa lafiya za'a tafi da shi inda ya kamata aduba shi.

Har a lokacin Alhaji Baba bai motsa daga inda yake ba, gaba 'daya jin halayen Mu'een daga bakin sa ya matu'kar sanyatar masa da jiki, ya tattabata ko 'karya babu a cikin zancen sa tunda yasan bazai yiwa kansa 'karya ba.

Ammi kuwa rungume take da Noor dukkan sau suna hawaye gwanin tausayi, da dubara ta kautar da fuskan Noor ta yanda bazata hango Yah Deen ba balle har taji tausayin sa.

'Bangaren Yah Deen kuwa fir ya'ki amincewa da a tafi da shi 'din da ka gansa kasan yana jin jiki amma ya'ki.bada daman da za'a taimaka masa wai shi sai yaga  Jasmine tukunna, duk yanda suka zo su yi hanzarin tafiya aduba shi 'kin amincewa yayi, dole yasa Safwan fa'din abar shi ya ganta kawai 'din.

  Da Safwan in suka shiga yana ri'ke da kafa'dar sa...bakin gadon da Jasmine ke kwance yaje ya tsaya sai yaga kuma an jona mata wani sabon drip a hannun ta bacin yasan tun jiya aka gama da wannan.

Haske sosai yaga ta 'kara yi masa a idanun sa.
Da mamaki natare da ya kalli inda Safwan yake ba da yana duban ta ya tambayi Safwan me kuma ya sake faruwa da Jasmine?"
Yayi maganar ne yana barin jikin Safwan daga ri'kon da yai masa a hankali ya isa gaban ta, hannun sa 'dayan ya 'daga ya ta6a jikin ta da shi sai yaji zafi rau a hankali ya shafa fuskar ta...yana jin tsananin tausayin ta na ratsa shi...ga wani masiffafen 'kaunar ta da yake ji kamar ya ha'diye abin sa ta huta da wannan wahalar.
Sai dai ya san koma me ze mata a yanzu ba zai saka ta farin ciki ba, musamman ranar da ta fahimci cewa shine ya ja mata wannan abin yasan duk daren da'dewa Baby tsanar sa zata yi kamar yadda mahaifiyar ta ta tsane shi yanzu.

Shafa fuskan ta da yayin ne ya sanya ta 'dan bu'de idanu, bata iya ta bu'de idanun duka ba saboda zazzafan zazza6in dake jikin ta a lokacin, banda cikin jikin ta dake gudu ko iya 'daga hannun ta bata yi.

Tana ha'da idanu da mahaifin ta sai ta saki murmushi irin na 'karfin hali da murnar ganin mahaifinta.
Bakin ta ka'dai ya iya motsawa tace" Daddy"..Wanda in ba idanu ka na kanta bane bazaka ta6a fahimtar tayi magana ba cuz bata yi shi da wani sauti ba amma a hakan Yah Deen ya fahimci abinda ta fa'di.

Shima murmushin yayi mata tare da 'dora hannun sa 'dayan saman goshin ta yana kallon cikin idanun ta, yayin da 'dayan hannun nasa ke dafe da 'kirjin sa har a lokacin.
Duk ya fita hayyacin sa kamar ba shi ba...amma zaman sa gaban Baby ya 'dan sanyatar masa da wani 6angare daga cikin halin da yake ciki.
Da 'kyar yake magana saboda numafshin sa dake fita akai-akai hannun san dafe da kanta yace"...Allah ya baki lafiya Maman Daddy...Allah tashi kafa'dun ki, Allah ya ta'kaita miki...ciwon nan ki warke cikin...'kan...'kanin lokaci, ko ba na raye Saif zai cika miki burin ki kinji Mama na, Uncles 'din ki da Mummyn ki zasu kaiki Makkah da Madinan ki ko?"
Jasmine bata yi magana ba illah idanu da ta zuba masa tana kallon fuksar sa.
Bai damu ba sai yayi murmushi bayan fahimtar abinda take kallo saman fuskar sa in.

Yasan yanda yarinyar shi take da tausayi, musamman kuma yasan.yanda take 'kaunar sa da rashin son.ganin damuwa tattare da shi, Jasmine yarinya ce 'karama amma sossai yake alfahari da ita wurin tausayi da 'kaunar mahaifanta, yasan badan  itama fama take da kanta ba da babu abinda zai.hana ta tambayar abinda yake yiwa hawaye.
Hannu yakai ya share hawayen dake kan fuskar sa sannan ya sake maida hannun sa da hankalin sa gareta.
Safwan.kam tsaye yayi a gefe yana ganin ikon Allah..gaba 'daya gani yake Mu'een ya canza ya zama kamar ba shi ba, bai sanshi da yawan surutu sai gashi yau in surutun sa har na neman zarta iyaka a gaban yarinya 'karama.
A hankali ya cigaba da fa'din" Inajin kamar rayuwa ta ta 'kare ne Baby, ina ina ganin tankar bazan sake ganin ki ba, na so in canza muku.rayuwa ke da Mummyn ki amma bani da damar hakan yanzu , dan Allah Baby..ki yafe min kinji? Ki yafe wa Daddyn ki da yayi sanadin da aka cutar da rayuwar ki Baby, wallahi ji nake kamar in raba kaina da rayuwa saboda yanda nake tsananin jin tsanar kaina, da kaina na cutar da ke na cutar da mahaifiyar ki...
Idanun sa ya lumshe sannan ya cigaba da fa'din" Ki gafar ce ni Maman Daddy..ki yafe min, Insha Allahu daga yau bazaku 'kara yin ba'kin ciki saboda ni ba....".
Kallon sa kawai Jasmine take yi tana kallon bakin sa inda taga jini ba ma ta fahimtar abubuwan da yake fa'di dan maganganun nasa sun girmi shekarun ta sosai, hakan yasa tayi shiru kawai tana duban sa batare da ta fahimci ko.kalma 'daya daga cikin zantukan nasa ba.
"...ki yafe min duk abubuwan da suka faru badan hali na ba, nasan nine na ja miki gashi ya faru a lokacin da bani da ikon hana faruwar sa wallahi kunyar in 'kira kaina matsayin mahaifi agare ki nake yi a yanzu Baby dan Allah ki yafe min kinji, ke da Mummyn ki ku yafe min, idan Allah ya kar6i raina kiyi min addu'ah, idan kin girma ki tuna cewa mahaifin ki mai 'kaunar ki ne dan Allah kar ki tuna munanan laifuka na, ban ta6a yin wani abu dan na 'kuntatawa rayuwar ki ba sai dan farin cikin ki, ko wannan ma da ace nasan da faruwar hakan da wallahi har abada bazan ta6a ko fara kwatanta aikata alfasha ba, Baby...".

Saurin dakatar da shi Safwan yayi ganin cewa da 'kyar yake 'kwa'kulo maganan yana 'kara ran'kwafawa saboda ciwon dake cinsa a zuciyar sa... kafa'dun duk biyun Safwan ya taklafo sannan yace
" Please ka daina irin wannan maganganun  Mu'een, Jasmine ce fa a gaban ka, nd she is just 5yrs yarinya ce 'karama ba fahimtar ka take yi ba sam, baya ga haka ma da wanne kake so taji? Kaima in wahal da kanka kawai kake yi...ka bari aje a duba ka in ka 'dan warware sai kazo kayi mata hiran kaji..".
Safwan yayi maganar ne yana 'ko'karin tada shi amma ya turje ya gyara zaman sa da kyau, da Safwan ya matsa sai Yah Deen yace sai dai azo a duba shi anan amma shi babu inda zai je yana nan tare da 'yar sa, yace"..idan na tafi na bar Baby hankali na bazai kwanta ba Safwan...".

Safwan fita yayi yana jan 'kafafu, duk kansa ya kulle da wannan lamarin, san ya rasa ta ina zai fara ma, da fitar sa sai ya tarar da su tsaye cirko-cirko daga waje, banda Alhaji Baba da har yanzu yake can zaune inda ya bar shi ya zuba uban tagumi shi ka'dai yasan me yake ji.a zuciyar sa game da Yah Deen..lokaci lokaci yakan furta" Ahamdulillah ala kulli halin, ha'ki'ka Allah ya jarabce shi, jarrabawa mafi girma daya bashi 'da irin Mu'een, bai san me zai ce ba face ya godewa Allah kawai.

Ammi ma har yanzu tare take da Noor tana aikin lallashi, ita kam a yanzu Noor ka'dai ke gaban ta, domin ita ka'dai ke bata tausayi sai kuma Jasmine dake can kwance cikin mawuyacin hali...Yah Deen kam koka'dan bata jin sa a zuciyar ta, gaba 'daya taji ya fice cikin ranta, banda tsanar sa babu abinda take ji a yanzu.

Da fitowar sa sai ya sanar da su abinda Mu'een 'din yace, kowa sai ya bu'de baki da alamun mamaki kan fuskokin su, domin sun san idan aka biye a  haka cikin wannan halin.ba zaibkai labari ba.

  Alhaji Baba kam wani wani 'katutun ba'kin ciki yaji ya tokare shi a 'kirji, duk yanda yake jin babu da'di a jikin sa amma hakan bai hana shi mi'kewa ba, cikin 'dakin ya shige direct da ka ga fukar sa kasan yau 'din akwai bambamci da kullum, tsananin 6acin ransa a bayyane yake a fili.

Yana zuwa ya sau'kewa Yah Deen wani mari mai cike da da jin haushin sa atake ya 'kara masa wani bai ko damu da halin da ya gansa ciki ba, ya sake sau'ke mishi wani yana huci..sannan ya nuna.shi da 'dan yatsa.

Shi kam bai ko iya 'daga idanu ya dube shi ba illah Baby da yake kallo, ya riga ya sawa ransa cewar ko wani irin abu iyayen san su masa matu'kar hakan zai sa zuciyar su tayi sanyi shi bazai damu ba...ya san idan a musulunce ne ma hukuncin jefewa ne akansa wanda zai kai shi har mutuwa, so dan sun mareshi hakan ba zai sa yaji haushin su ba..ya cancanci komai daga garesu domin bai yiwa rayuwar su adalci ba.

Tunda yake da mahaifin sa karo na biyu kenan da ya ta6a sau'ke hannun sa saman jikin sa da sunan  mari, kuma duk shine yake jawa kansa.

Alhaji Baba bai bar shi ba sai da ya sau'ke masa maruka har guda biyar a zuciye sannan ya 'kara da finciko hannun sa ya jashi ya tura shi waje yana fa'din" Maza kaje can da banzan halin ka da ba'a maka nasiha kaji,  bazan yi maka baki.ba Mu'een amma kaje indai rayuwar duniya ce gaka ga ita, bacin ka lalata mata rayuwa kuma yanzu me kazo ka zauna kayi mata, ko kake sai kaga bayan ta tukunna hankalin ka zai kwanta? banza wawa marar hankali, wallahi nayi dana sanin baka auren yarinya ta, sam bata dace da mutun irin ka ba,  baka cancanci zama miji agare ta ba balle mahaifi ga Aishatu...har abada bazan daina danasanin haihuwar ka ba domin baka 'kare ni da komai ba sai abin Allah wadai, tun baka kai hakan ba nake fama da kai, tunda da yarintar ka kake dasa min ba'kin ciki a zuciya wanda cikin 'kannan duk babu wanda ya ta6a ko kwatanta yi min irin hakan sai kai ka'dai 'dan iska marar tunani mai halin gwaraye...".

Wannan karon kam numfashin Yah Deen kafewa yayi, daga inda yake dur'kushen ko motsin kirki kasawa yayi...bai masan su wa  da waye bane ke tsaye a wurin har aka 'dauke shi akayi gaba da shi bai san inda kansa yake ba.

Taimakon gaggawa aka fara bashi da 'kyar aka samu numfashin sa ya daidaita amma har a lokacin bai farfa'do ba...numfashin sa yaja sosai.

Baby kam da idanu ta ringa kallon Alhaji Baba ganin dukan da yayiwa mahaifinta a idanun ta, ba ta iya tace da shi komai ba illa idanun ta da ta maida ta ta rufe su a hankali.

Noor kukan ta 'karuwa yayi jin irin mugayen kalaman da Alhaji Baba ya furta akan Yah Deen, sam bata so hakan ya faru ba, sai ma take ganin laifin sa da ya bada labarin rayuwar sa kaf da bakin sa, mai yasa bai bar shi sun cigaba da rufewa tsakanin su ba?
Ita koda zata rabu da shi ne tayiwa kanta al'kawarin bazata fa'diwa kowa abinda ta gani ba, sai gashi da kansa ya bayyana komai ga iayen sa.
Kuka take tana 'karawa, tausayin dukkan su take har zuciyar ta.
Tasan kowa bazai ji da'din wannan abin ba sam.

Da yake Ammi tasan halin 'yar ta jin kukan da take sake yi yasa ta 'dago kanta tace" Karki ce min dan wannan banzan kike kuka..?"
Girgiza kai Noor tayi tace" Ammi baki ji maganganun Alhajin ba? sun yi tsauri da yawa fa".
" Ina ruwan ki to..ni banason shirme, lokacin da yake yin son ransa ya tausayawa kansa ne, sai