You Cannot Download this book untill you login but you can read it .

---

Login Register

bata da wayo sai ta 'dage kanta sama alamar Erh tana mai turo baki gaba.
Noor sai tace
" Shiyasa ashe nake ganin bakin naki wani iri amma ai Baby idan na tambaye ki 'kin gaya min kike yi".
Shiru Jasmine tayi tana kallon idanun mahaifiyar tata...ganin.hakan yasa Noor fa'din" Ko tsoro kike ji idan kin fa'da min kar in do ke ki.." A a Mummy ai Sani yace kar in fa'da miki da Daddy, kuma ai Mummy kin hanani surutu ko..."
Rintse idanu Noor tayi wani mahaukacin suka taji cikin zuciyar ta, ha'ki'ka ita da kanta tasan ta aikata hakan, a lokacin da take tsaka da damuwar Yah Deen, sosai ta tsani wata damuwar kuma shiyasa take hana Baby yawan yi mata surutu, amma bata ta6a sanin cewa babban kuskure ta aikata ba sai yanzun da lokaci ya riga ya 'kure mata bayan anyia rayuwar 'yar ta Babbar illah.
Ha'kika tayi babban asara tayi sake a rayuwar ta ta tafka kuskure, kuskure mafi muni da ya kaita ya baro, bata ja Baby ajikin ta ba saboda rashin natsuwa gashi wanda take abin domin san ma bai san tana yi ba, bata ci wata riba face 'karin takaici tunda gashi abinda idanun ta ya sake gane mata a karo na biyu.

Bata ta6a jin dana sani irin na yau, ji taka da tasan wannan 'kaddarar na tafe cikin rayuwar su da wallahi mantawa zatayi da soyayyar Yah Deen ya tayi jifa da batun makarantar ta ta dan kawai ta bawa Baby kulawar da ta dace, amma ina ba dama, da kanta ta hana kanta sauraran surutan Baby, ta 'ki.janta ajiki balle taji damuwar ta, ta 'ki warewa kanta lokacin da ya kamat su zauna da Baby su sha'ku ganin cewa ta samu soyayyar mahaifin ta a dili shikenan tayi watsi da nata 6angaren, ba ta wani damu ba tunda aganin ta ai tana son.abin ta tunda ta haifa so ba sai ta nuna mata kulawar zahiri ba, a ganin ta yanda suke rayuwa a hakan ya wadatar bata san ashe abubuwa da dama ke cikin zuciyar yarinyar ba, da ya ha'du da garga'din sani kuma sai ya kasance ko Yah Deen 'din ma bata iya sakewa ta sanar da shi halin da take ciki ba.

Bu'de idanun ta tayi akan fuskan Babyn a fili ta furta" Yah Allah ka yafe min, ka yafe min cin amanar da na yiwa rayuwar Jasmine.

Ha'da idanu suka yi da Baby sai ta 'danyi mata murmushi sannan ta tataro dauriya ta sanyawa muryar ta a hankali" Daga yau Duk wanda ya sake yi miki abu ko wani iri ne ko zagin ki mutum yayi kizo ki fa'da min kinji Baby..bana sake fatan faruwar wani abu amma ko hannun ki mutun ya gwada kamawa kizo ki gaya min kinji Mama na".
" Sani yace zai yanka min ciki na da wu'ka idan na fa'dawa Daddy".
" Kar ki damu ba ruwan ki da su Sani yanzu, bama ganin ki zai sake yi ba insha Allahu, ni zaki na gayawa duk abinda akayi miki kinji ko?"
" Toh Mummy...amma kice kar ya yanka min ciki na nima".

Murmushin 'karfin hali tayi mata gami da jinjina mata kai tana shafo fuskar ta.

Tana nan tana jan Baby da surutu har gari yayi haske ma'aikata suka shigo suka yi aikin su bayan sun yi mata ya jiki tsaf suka gyare wurin kafin suka fita.



*****
'Bangaren Safwan kuwa bai dawo da wuri ba dan ko daya gama abinda yake ma sai da ya jira Hafsat ta ha'dawa su abin kari kafin ya fito a gidan, daga nan kuma sai ya biya gidan Mummy (mahaifiyar sa) ya sanar da ita abinda yake faruwa kafin ya 'karaso asibitin.

Mummy kam hankalin ta tashi yayi sosai, duk abubuwan da ke faruwa ko 'daya bata da labarin su sai yanzu da Safwan ya biya ya gaya mata...haka suka rabu da al'kawarin itama yanzu tana tahowa, Allah sarki Safwan duk da take matsayin mahaifiyar sa amma bai fito fili ya sanar da ita ainahin abinda ya faru ba, ya dai ce mata ne kawai Jasmine na asbiti sun samu accident jiya ita da drivern ta amma bai gaya mata abinda Sani yayi mata ba.


'Karfe takwas da mintina kafin Safwan ya dawo asbitin inda yazo musu da sa'kon Hafsat kan cewa itama anjima ko zuwa yamma zata dawo.

Sai da ya duba Baby yayi mata abinda ya dace kafin ya fita bayan ya sanar da Noor abinda zatai mata, warm wata yace ta sanya ta ciki na 'yan mintina saboda kumburin jikin tan, sai Noor tace da shi ai ta sanya ta ma tun 'dazun har tayi fitsari ma.

Take ya nuna farin cikin sa gami da godewa Allah cikin ransa da irin kulawan da Noor tayi da Baby, shaf ya mance ne kafin ya tafi bai sanar da ita hakan ba, da yake ma bai shige ta ba so ba bu'katan sai anyi mata aiki a hankali in ankula komai zai daidaita.
Da gama wannan tunanin ya fita ya basu wuri dan su samu daman sanya abu a cikin su.


Tea mai kyau Noor ta ha'da musu sai da ta bawa Baby sannan itama ta sha, dukkan su bawani abun kirki kuwa suka shaba cuz cup 'daya da ta ha'da musun ma sai da ya rage basu shanye ba.







Comment
Vote
Share








*Salmern ku ce* 😍

💕 *NOORUL* 💕
(Haske nah)


By
*Salmerh MD*

*Wattpad @*
*Serlmerh-md*


💫 *DA BAZARMU* *WRITTER'S ASSOCIATION*
💫
We are here to make you happy,smile,educate and to realized that we are the best among all.....
*DA BAZARMU* *MUKE TUN'KAHO*


_*Daga marubuciyar Littafin CAPTAIN ABBAS*_

*Bismillahir* *Rahmanir Raheem*


🅿 *76*

Safwan da barin inda suke 'din sai ya nufi 'dakin da aka kwantar da Deen, shi ka'dai ne 'dakin sai na'ura da aka sanya masa a hancin sa, hannun sa kuwa canular ne da tun jiya aka cire drip 'din da aka jona masa bayan ya 'kare.

Ko motsi baya yi amma kuma idanun sa gefe da gefe hawaye ne ke bi a hankali, hakan ne ya tabbatar masa da cewa Mu'een ya farka daga suman da yayi... _Alhamdulillah_ ya furta a fili yana me 'karasawa bakin gadon.

Hannu yasa ya cire masa abin hancin tare da zama gefen sa yana 'kiran sunan sa cikin natsuwa, bai amsa ba haka kuma bai bu'de idanun sa ya dubi Safwan ba illah hawayen sa da suka cigaba da tsiyaya sai dan wannan karon cikin turereniya wani ke bin wani.

Ko ba'a fa'da masa ba ya san zuwa yanzun kowa ya tsane sa, kowa ya riga ya san mugun halin sa da ke 6oye...kunyar Safwan yake ji mafi tsananin kunya, domin Safwan ba sau 'daya ba ba sau biyu ba yake yawan yi masa tuni akan illar Zina, Safwan sosai ya so yaga rayuwar gidan sa ta daidaita ko dan yadda da yayi da natsuwar Nuree yake kuma bata wata daraja ta daban, amma duk ya watsar da shawarwarin Safwan ya cigaba da rayuwar sa yanda yaga dama.

Ganin bai tanka shi ba sai aikin hawaye da ke bin gefen idanun sa ya sanya Safwan furta" Haba Mu'een manta ko kai waye kayi ne, me yasa zaka dinga zubda hawayen ka har haka? Cuta ai ba mutuwa bace Insha Allahu ba abinda zai sami Jasmine...bu'de idanun ka inyi maka wani albishir.."
Ya 'karashe maganar yana murmushi.

A hankali Mu'een ya bu'de lumsassun idanun sa ya sau'ke su kan Safwan dake zaune gefen sa, yun'kurawa yayi da niyyan tashi Safwan sai yayi saurin taimaka masa ya zauna da 'kyar yana dafe 'kirjin sa da hannun daman sa.

Bai iya ya kalli Safwan cikin idanu ba, fuskar sa gefe cikin muryar da daka ji zaka fahimci cewa yana jin jiki yace
"...Safwan Allah yasa albishir 'din Nuree ta yafe min zaka yi min...kuma kace min Baby na tana lafiya".

Hannun sa 'dayan Safwan ya kamo cikin nasa da alamun rarrashi yace da shi" Ka kwantar da hankalin ka please, kai fa namiji ne, 'karfafa musu gwiwa zakayi Mu'een ba wai kaima ka tashi hankalin ka ba".
" Dole hankali na ya tashi Safwan, da kanka kasan ni ne silar komai, ni na jawa Baby wannan abin, 'kila da ban kasance mahaifinta ba da hakan ba zai faru da ita ba.. gaskiyan Noor ne, gaskiyan ta ne da take neman cire ni daga rayuwar su, ha'ki'ka ban kasance abin alfahari a gare su ba...i wish mutuwa nayi Safwan da ace Baby ta taso da wannan tabon agaba na ina ganin ta da shi zuciya ta bazata iya 'dauka ba Safwan..."
Ya 'karashe da sakin kuka mai tsuma rai irin wanda bai ta6a yin irin sa ba..kansa ya kwantar bisa hannun Safwan ya cigaba da kukan sa.

Safwan kam shiru yayi shi kansa idan ka ganshi duba na farko zaka fahimci a matu'kar tashe hankalin sa yake.

Hannun sa 'daya ya 'daga ya 'dora a kan Yah Deen tamkar wani yaro 'karami da ake shirin lallashi, a hankali yace da shi" Kayi ha'kuri, abin ba da'di kam amma babu yanda zamu yi, u have to bear that pain Mu'een, ko ba komai yanzu nasan zaka fahimci abinda na da'de ina nuna maka a baya game da rayuwa, nd ka kwantar da hankalin ka Baby na nan lafiya haka Noor ma..yanzu haka ma na baro su ne zaune Baby zata ci abinci".

Murmushi yayi mai ciwo yana jin zafi cikin ransa, ko shi da kansa ya tsani kansa tunda ya kasance silar rugujewar farin cikin gidan sa..kuma ko Safwan bai fa'da ba yanzu kam ya san irin ciwon da ake ji idan aka lalata rayuwar wani naka, Hayat ya tuno, yanda hankalin sa ya kasa kwanciya bayan ganin da ya yi masa da Rahma 'kanwar sa, hankalin Hayatu bai kwanta ba sai da ya tabbatar da ya aurar da Rahma tukunna.

Ma'u Malam Barau kam da kansa ya san ba 'karamin 'kunci iyayen ta suka shiga ba musamman mahaifin ta, dan sosai yayi 'ko'kari wajen ganin ya kula da tarbiyar ta amma duk ya 6ata masa shirin sa, abu mafi muni da mahaifinta ya fara cin karo da shi shine cikin da take 'dauke da shi, yasan wannan ba 'karamin tada hankalin sa yayi ba.
While a lokacin shi bai wani damu ba, da yake bai san yanda ake cin abin ba haka yayi watsi da Ma'u Alhaji Baba ka'dai ne ke kulawa da rayuwar ta har ta rasa rayuwar ta sanadin cikin.
Sai gashi Allah cikin ikon sa shima ya bashi haihuwa, haihuwa kuma ta 'ya mace wacce ta kasance mafi soyuwa cikin zuciyar sa fiye da komai, daga 'karshe ya jarrabe shi da abu makamancin wanda ya jima yana aikatawa akan 'yar sa, yasan Allah yayi hakan ne badan komai ba sai dan kawai ya nuna masa nasa ikon ya kuma sawa shima ya 'dan'dani 'dacin da ake ji akan duk yarinyar da aka 6atawa Rayuwa, Yah Allah ka yafe min....
'Dago kansa yayi a hankali da jajayen idanun sa yace
" ...Ina so inga iyali na Safwan, inaso inga Baby, ina so in ro'ke ta ta yafe min alhakin ta da ke kaina, amma tsoron Nuree nake yi tace ta tsane ni bata son gani na, tace in fita daga rayuwar su, please Safwan help me..."

" Is okay...ya isa haka nan Mu'een be a man mana, ka daina yin abu tamkar mace please, Baby ma ta yafe maka ka daina damun kanka dan Allah".
" Ni dai ina so in gansu, inaso in rungumi Baby a jiki na.."
" To shikenan ka kwantar da hankalin ka zaka gansu amma ka bari sai zuwa anjima ka'dan idan ka samu 'karfi sai in kaika wurin su kaji, Nuree ma ta sakko yanzu kuma inada ya'kinin zata yafe maka itama insha Allahu ".
Kallon Safwan yake yi har ya dasa aya a maganar sa, sai da ya lumshe idanu ya bu'de kafin ya tambaye shi
" Sau nawa Nuree tazo ta dubani anan Safwan?"

Shiru yayi bai kamar mai tunani cuz rasa amsan da zai bashi yayi, bai san zai tambaye sa hakan ba kwata-kwata, dole dan ya sake kwantar masa da hankali ya 'kirk'iro 'karya yace masa tazo sau 'daya amma a lokacin bai farka ba".

Komawa yayi da bayan sa ya kishingi'da yana murmushin takaici a hankali yace..." Nasan halin Nuree sosai Safwan, Nuree na da taurin kai da kafiya, nasan ko mutuwa nayi da 'kyar ne ta min.duban Rahama bazata ko kula gawa ta ba tunda ta tsane ni sosai yanzu..."
Idanun sa ya mayar ya rufe su tare da cije la66an sa daga gefe" 'Kirji na zafi yake min Safwan ina jin tamkar rayuwa ta 'kare ne, farin ciki na yazo 'karshe, 'kilan ma bazan sake kallon Baby ba, bazan sake kallon Nuree na ba har abada..."

Safwan hannun sa ya sanya cikin nashi zai yi magana sai Yah Deen ya riga shi da cigaba da fa'din" Alhaji Baba, Ammi na dan Allah Safwan kace su yafe min nasan suma idan suka ji labarin abinda ya samu Baby tsanata zasuyi hadda Uncle Ja'afar, Safwan dan Allah ka kula min da iyalina ka basu farin ciki...ka...".
Kasa 'karasawa yayi saboda wani suka da yaji a 'kirjin sa, hannun sa dake cikin na Safwan ya dam'ke da 'karfi while 'dayan hannun san still na nan saman 'kirjin.sa saitin zuciyar sa.

Numfashi mai 'dumi ya furzar yayin da Safwan ke faman jera masa sannu cuz ya fahimci sosai yake jin jiki.." bari in 'kira Dr."
Safwan ya fa'di cike da kulawa.

Dauriya yayi ya 'dan bu'de idanun sa tare da cire hannun sa daga cikin na Safwan a hankali ya yun'kura ya kwantar da kansa da kyau...Da kansa ya tsani rayuwar sa yanzu, shi kansa baya so ace ya cigaba da rayuwa saboda bai san da wani idanu zai sake kallon Baby ba matsayin sa na mahaifin ta da ya kasa bata kulawar da ta dace ya kasa tanadar mata kyakkyawan 'kaddara yayi silan rushewar farin cikin ta dana mahaifiyar ta mafi tsananin takaici cikin zuciya.

Fita Safwan yayi ya 'kira likitan dake kulawa da shi, ko da suka dawo kuma sai suka tarar baya 'dakin kansu duk ya kulle yayin da hankalin Safwan yayi mummunan tashi, kafin ya dai-daita tunanin sa suka gansa ya fito daga bayi, wani ajiyen zuciya Safwan ya sau'ke, bai tanka su ba ya wuce ya zauna bakin gadon sannan ya kalli Safwan yace masa" Zanyi Sallah".
" Ok"
Safwan yace tare da fita ya tafi sauri-sauri gudu-gudu ya 'dakko masa dadduma daga office 'din sa.

Suna nan zaune har ya idar da dukkan sallolin dake kansa tun na jiya har na yau, ya jima yana addu'ah sannan ya shafa.

Duk yadda likitan yaso sake duba shi Yah Deen 'kin amincewa yayi yace shi kam ya bar shi ya riga ya warke...key 'din sa da wayar sa yace su bashi Safwan ya 'dakko ya mi'ka masa ya kar6a amma bai kunna wayar ba saboda baya son a dame shi a halin yanzun.

Dole haka suka ba dan sun so ba suka barshi ya nufi hanyar fita bako takardar sallama.😀

Safwan ne ya bishi abaya yana ro'kon sa akan kar yayi driving, yace ko yasa a sau'ke shi a gida ya girgiza masa kai, da 'kyar yake tafiya daka gansa zaka fahimci yana jin jiki amma a hakan ya cigaba da tafiya, 'dakin da su Noor suke ya nufa ga mamakin Safwan sai yaga bai yi gigin shiga ciki ba ta window ya tsaya yana 'kare musu kallo yana murmushi ganin kamar bakin baby na motsi tana yiwa Noor magana, yayin da ta kwantar da kanta gefen na Babyn tana shafa kanta.

Sanyi yaji har cikin zuciyar sa, tare da godewa Ubangiji...haka kawai ya tsinci kansa da son ganin su, yaso wannan hirar ta kasance da shi amma ba dama ya riga ya yiwa kansa babban katanga tsakanin su, sam bai ga laifin Noor bisa hukuncin da ta yanke masa ba, fiye da hakan ma yasan ya cancanci ayi masa.

Yana daga wurin ko jin abinda suke fa'di baya yi amma sai sakin murmushi yake yi lokaci zuwa lokaci kuma yana share hawayen tausayin su.

Cikin ransa ya ayyana indai hakan shine farin cikin ku Nuree har abada bazan 'kara takura muku ba, ni kece farin cikina haske na da walwala ta amma tunda kin za6i rayuwa ba ni, kin za6i in barki in fita daga rayuwar ku, nayi al'kawarin bazan sake takura muku ba bazan sake shiga rayuwar ki ba Nuree...".

Girgiza kai Safwan yayi ganin yanda Mu'een ke uban zubda hawaye, sosai yake jinjinawa wannan lamarin da har ya isa sa mutun irin Mu'eenuddeen zubda hawaye, abu mai girma ne zai iya sa hawayen sa sau'ka... dai-dai lokacin da wayar sa ta 'dauki ringing yana dubawa sai yaga mahaifiyar sa ce, 'dauka yayi yace" Kar dai har kin iso Mummy?".
Deen baiji mai aka fa'da daga 'daya 6angagaren ba sai gani yayi Safwan ya fara faciya yana fa'din" Gani nan nan zuwa yanzu".

Saurin barin window in Yah Deen yayi ya ha'da bayan sa da jikin bango yana sakin numfashi, sosai ya gaji da tsayuwan numfashin sa har sama-sama yake yi amma saboda jin da'din ganin su da yake yi a hakan.ya daure ya cigaba da tsayuwa.

Ahankali ya bar wurin ya fara tafiya hanyar da yasan bazata ha'da shi da Safwan ba yabi ya koma parking space na asbitin ya bu'de motar sa da tun jiya take a wurin ya shiga ya 'dage duk gilasan motar ya kwantar da kansa idanun sa a lumshe.

Idan baka sani ba bazaka ta6a tunanin da mutun acikin motar ba, duk yayi hakan ne kuma dan kawai ya kaucewa ha'duwa da Mummy, sosai yake jin kunyar ta, nawin ha'da idanu yake yi da ita..zaton sa ko itama tasan abinda ya faru ne shiyasa yayi hakan, dan yasan babu wanda zai goya masa baya, shi da kansa ma yasan shi mai laifi ne, bai ta6a sanin akwai ranar da zaiji da kansa ya tsani kansa kamar yau 'din nan ba.

Safwan ne yayiwa Mummy jagora har zuwa 'dakin da suke, sosai ta tausayawa baby ganin halin da take ciki tare da fatan Allah ya basu lafiya gaba 'dayan su, koda ta nemi duba Sani driver sai akace mata ai shirin shiga thearter room ake yi da shi sai dai in sun fito, sosai Mummy ta tausayawa lamarin nan ta zauna suna 'dan ta6a hira da Noor.

Koda wasa kuwa bata yi gigin sanar da ita gaskiyan lamarin ba tunda tasan babu maganin da fa'dan zai yi mata.


Mu'een kam kwantar da kujera yayi ya mi'ke ganin kamar hakan zaifi masa, jira kawai yake yi wa'adin sa ya cika, dan gani yake tamkar ba shi da wani amfani yanzu, so ma yake mutuwa ta riske shi kafin ha'duwar sa da mahaifan sa cuz ya san 'kwayar zarra na sassauci ba zai samu daga wurin su ba, kwatankwacin tsanar da yayiwa kansa haka yake tsanar Jiddah ma, domin itama.ta bada babban gudunmawa wurin tunzira zuciyar sa Nureen sa.

'Kirjin sa ya dafe a hankali ya fara tariyo tun farkon ha'duwar sa da Jiddah....










_Comment_
_Share_
_Vote_








*Salmerh ce* 😍

💕 *NOORUL* 💕
      (Haske nah)


By
*Salmerh MD*
 

*Wattpad @*
*Serlmerh-md*


💫 *DA BAZARMU* *WRITTER'S ASSOCIATION*
💫
We are here to make you happy,smile,educate and to realized that we are the best among all.....
*DA BAZARMU* *MUKE TUN'KAHO*


_*Daga marubuciyar Littafin CAPTAIN ABBAS*_

*Bismillahir* *Rahmanir Raheem*


🅿 *77*


             Wata shida kenan yanzu da fara aikin sa a Abuja amma tun ranar zuwan sa na farko 'kaddara ta ha'da shi da Jiddah, motocin su ne suka yi sanadin ala'kar su.

Tafe yake yana 'dan hanzari ya isa inda ke gaban sa yayin da ita kuma ta taho da zafin kanta na 'yan matan ci ta wani 'kwama tabarau a fuskan ta kana ganin ta kallon farko zaka san cewa sosai Naira ta zauna a jikin ta ga kuma wani ji da kai cikin yanayin ta.

Cikin rashin sani ya gogi jikin motar ta a kan Junction da zai shigar da shi cikin unguwa while ita kuma tana fitowa.

Nan take kuwa ta fito cike da masifa tana wani huhhura hanci ta tunkaro shi, saurin dakatar da ita yayi da fa'din" kiyi ha'kuri please kuskure ne".
Yayi hakan ne dan ya gaji a lokacin sam baya san gajiya ga shi ga dukkan alamu kuma ba ha'kuri ne yarinyar ba, ba ya so abin yayi tsayi sam.

Harara ta banka masa sannan ta juya cikin takun ta na isa ga kuma 'daukan hankali tana tafe take mitan" Mutane sai su dinga abu kamar basu da idanu..."
Baiji mai tace ba dan shi daga cikin motar yake bai fito ba amma duk da hakan bai sha wahalar fahimtar 'kananun mitan da take yi ba.

Sai da ya bi bayan ta da kallo sama har 'kasa ya ta6e baki kafin ya juya gami da mi'ka hannun sa ya ciro wasu ku'da'de dai-dai tana shirin bu'de nata motan ta shiga yace" Baki ji ba...".
Waigowa tayi ta dube shi hannun sa 'daya na kan stairy shima ya zuba mata lumsassun idanun sa sannan yace" Idan da matsalar babba ce ga wannan Please ki kai a duba miki motar..."
Yayi maganan tare da  mi'ka mata ku'din da ke hannun sa wanda zasu kai kimanin 20k.

Fasa bu'de motan tayi ta zuba mishi idanu harda har'de hannuwa a 'kirji zuciyar ta cike da takaicin wannan rainin hankalin, gani tayi kamar tunda take ba'a ta6a ci mata mutunci irin wannan ba, sai ta rasa me yake ji da shi da har yake tunanin ita Jiddah zata ansa ku'din hannun sa saboda wannan dalilin.

Tana daga tsayen bata ko motsa ba illa 'kan'kance idanu da tayi, kwata-kwata ma bata san ma amsar da ya kamata ta bashi a zahiri ba.

Da kansa ya fahimci ya bata haushi musamman yanda yaga ta tsaya tana yi masa kallon _ka rena min hankali_...gira ya 'dan 'dage sama tare da duban hanya yace" Ga dukkan alamu baki bu'kata...ko? Anyway kiyi maza ki bar kan hanya ni sauri nake yi akwai abubuwa agaba na".
Yayi maganar yana maida ku'din sa inda ya ciro su tare da yiwa motar sa key yaja yayi gaba abin sa batare da ya ko sake duban inda take ba.

Jiddah kam binsa tayi da idanu har yayi nisa sosai ya 6acewa ganin ta, cikin ranta ta ayyana" Ni kuma ga maras abin yi mana dan ka raina min hankali.."
Sosai ya 'kunsa mata ba'kin ciki cikin zuciyar ta, yayin da a wani 6angaren kuma taji ya matu'kar birge ta sosai ya tafi da imanin ta...haka itama taja motar ta tama fasa fitan kawai ta koma gida.

Lokaci zuwa lokaci take sakin tsaki da 'kyar ta samu ta manta da lamarin cikin ranta.

Ha'duwan su na biyu a shopping mall suka ha'du, wanda ya kasance kwanaki takwas bayan ha'duwar su na farko, itace ta fara gane shi ai kuwa sai ta matsa kusa da shi ta tari gaban sa.

Idanu ya waro yana duban ta da mamaki sam ya kasa yuno inda ya santa but her face looks familiar to him.

Murmushi tayi sannan ta tace" Seems like baka gane ni ba".
Kansa ya girgiza mata alamar " Yes".
Sai tace" Last week mun ha'du a junction...".bata 'karasa ba yayi murmushi   tare da fa'din" Awwn..waccen mai masifan ko?".
Murmushi ta sake yi masa sannan suka gaisa  tamkar sun san juna, tare suka zagaya suka yi shopping 'din su yazo ya biya suka fito, kafin su rabu sai da suka yi exchanging number shikenan tun daga ranar suka 'kulla abota.

Ta kan yawaita 'kiran sa taji lafiyar sa haka shima tun ba ya tuna 'kiran ta har ya fara 'kiran ta da kansa suna gaisawa.

Sau tari ta kanje har asbitin da yake aiki musamman saboda ta ziyar ce shi, amma Mu'een bai ta6a zuwa gidan su ba, bai ta6a binta wani wuri dan kawai gana ba...in kuwa ya taho Bauchi hankalin ta sam baya kwanciya ta ringa damun sa da 'kira kenan tana tambayar yaushe zai dawo.

Wasu lokutan har haushin ta ke kama shi amma baya nuna mata, sau tari idan ta 'kira shi sanda yake gida sharewa yake yi sai ya bari idan ya   fita masallaci ya tsaya yayi 'kiran ta...baya ta6a yadda yayi waya da mace cikin gidan sa matu'kar yana Bauchi.


Wasa-wasa abu makamanciyar soyayya ta fara 'kulluwa tsakanin su, sai ya zama na ma Jiddah har gidan sa take zuwa masa ziyara batare da wata damuwa ba.

Takan yawaita zuwa masa musamman a weekend ko kuma idan ya tashi daga aiki har girki tana yi masa watarana sai tace yau ya huta bazai yi take away ba.

Shi kam bai damu ba idan tayi