You Cannot Download this book untill you login but you can read it .

---

Login Register

kasan hakan ma bazata faruba gaskiya."

"To naji, nima dai da wasa nakeyi amma Ina so ne idan Allah yasa nakoma ranar lahadi za'azo akawo lefe"

"ALLAH yakai ranmu kuma yasa ka isa lafiya."

"Amin habibty, amma Ina so don ALLAH kiyi haquri da duk abunda kika gani, ba haka naso ba yanayin abunne yazo ahaka."

"Malamina kenan! Ni koda duka lefenne baka samu damar yiba bazanji komai ba saboda inada yaqini da kuma tabbaci akanka, nasan idan nazama mallakinka zakayi mani fiye da abunda bana tsammani don haka ka kwantar da hankalinka, bakada damuwa akan haka." Yaji matuqar dad'in kalamanta kuma yasake samun natsuwa akan halayyarta donmin ayanda halayyar 'yan matan yanzu take basa da fahimta wajen maganar aure balle uzuri amma ita gashi cikin sauqi ta fahimcesa kuma ta amshi uzurinsa, bai wani jimaba yakoma had'e da yimata bankwana don gobe tun da wuri zai wuce saboda akwai abubuwan da yake tunanin yi idan yakoma, har bakin qofa tarakosa tare da yimasa ALLAH ya kiyaye sannan tajuya takoma cikin gida, yana barin wajen yanufi wani shagon sayarda kayan sawa da sauran abubuwa dake cikin gari don dama tun jiya ya amshi kud'in adashin da suka had'a shida sauran malamai sunayi dubu d'ari da hamsin, akwatunansa yasaye guda biyu da d'an qarami na sama naira dubu goma sha biyar sannan yasayi atamfuna guda goma masu sauqin kud'i da kuma lace guda biyu na dubu goma sha uku uku, sai shadda d'aya da material yard shima mai sauqin kud'i k'waya uku da doguwar riga k'waya biyu itama da qananan kaya suma kala uku, ya kashe kusan dubu hamsin da wni abu a fannin kaya kawai sannan yasake cire wasu dubu talatin yace ahad'a masa kayan shafa da hijabai da mayafi, kud'in sunyi kad'an sosai amma yace ahad'a mashi su yanda suka samu, takalmi da jaka kala biyu ya siya sai sauran tarkacen underwears kud'in suka qare ya rage dubu d'aya ce ta rage masa a aljihu, hakanan yakwashi kayan yakoma d'akinsa yana mamakin yanda kud'in suka shige kaf cikin 'yar wannan qaramar sayayyar gashi kuma bai qarasa had'a sauran kayan ba, dama zancen inda yake tunanin gyarawa da ya ajiyeta tuni baffa ya sanar dashi yakwantar da hankalinsa duka abunda yakamata ayi za'ayi kawai yaji da had'in lefe da kuma abunda zaiba yarinyar nabuki, hakan yasa yasamu natsuwa sosai har yasamu damar yin wannan sayayyar, safiya na wayewa ya kama hanyar zuwa gida tare da akwatunansa yana tunanin abunda zai iskowa wajen mahaifiyarsa idan taga kayan...




*_ALLAH KAJIK'AN IYAYENMU👏😭_*
[8/17, 10:19] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___17💎

Kul Aliyu kada kasake inga hannunka yakai ga kayannan, Babu inda za'aje dasu anan za'a barsu har zuwa jibi, inyaso kyasanar da 'yan uwanki ko mutum d'ayane sai yazo aje akai kayan tare dasu bilkeesu, har tafidda qafarta d'aya awaje tana shirin aza d'ayar tajuyo da qarfi jin abunda baffa ke fad'a.

"Malan menaji kana fad'i?"

"Abunda duk kunnuwanki suka jiyo maki kuma maza kifice mun da gani."

Fita tayi ranta ab'ace ta tsaya abakin qofa tana zazzaga maseefa ita kad'ai yayin da baffa yace su baffa Usman suriqasa yana so yashiga ban d'aki suka barta can tanata kumfar baki, wunin ranar kusan aqofar d'akin ta wuni tana zazzaga masifa inda taka shiga ba nan taka fita ba tana nemn wanda zai tankata, sai akayi sa'a hatta baffa Alin dake biye mata baice da ita uffan ba ya shirya yawuce masallaci wajen sallarsa ta juma'ah, bayan sun dawo Nuraddeen ya nufi sashen da ake gyara masa cike da farinciki duk da kuwa zuciyarsa dasqare take da damuwowi kala kala,

Ba kad'an tsarin part d'in nasa ya burgesa ba, baran ganin kitchen d'insa da toilet ba'a waje suke ba, hakan ya matuqar yimasa dad'i arai, tuni an kammala komai fentine kurum ya rage, sai wearing na wutar nefa da ba'ayi ba, suma akwai komai aqasa nan da kwanaki za'a ida kammlawa, ya jinjinawa qoqarin mahaifin nasa sosai tare da yimasa godiya da addu'ar ALLAH yaqara masa lafiya da tsawon rai.

Yaya hawwa kuwa duk iya dubarunta da kinibibin da zatayi wajen gani kayan sun dawo hannunta tayi amma takasa samun nasara saboda yanda baffa yakasa ya tsare daga qarshema cewa yayi kar wanda takoma kawo masa da sunan yazo ganin lefe saboda gobe za'a kai lefen, annan ma taso tayi maseefa amma tayi shiru don taga take taken yanzu baffa daidai yake da ita, kad'an yake jira yayi mata rashin mutunci shiyasa ta aminci da abunda yace, gashi tagama zagaye anguwa da makwabta azo aga lefen d'anta takoma saidai duk wacce tazo ganin lefen sai tace mata anrufe, haka sukata fita kowa da kalar tsogumin da yakeyi akan ta aika masu suzo ganin lefe kuma tace anrufe qilan bawani abun azo agani d'an nata yayi ba shiyasa takasa gwada masu gudun kar tayi abun kunya, duk wud'annn suruttai da akeyi suna dawoma kunnuwanta wanda hakan yamatuqar b'ata mata rai, qwafa tayi had'e da cije baki tana girgiza qafa daga zaunen da take kafin tace,

"Wlh malan kayi da gwana, sai kace wannan abun daka yimun da bakayi shiba, yanzu banida lokacinka, Amma kabari idan nagama da wannan figaggiyar yarinyar da za'a kawo nadawo kanka, alokacin zaka gane cewa ka tabka babban kuskure." Ita kad'ai take suruttanta ad'aki wanda abun har ya riga daya zame mata jiki ka, sallamar Nuraddeen tajiyo abakin k'ofa tana hango yana cire takalmansa kafin yashigo, ciki ciki ta amsa masa sallamar don yanzu gaba d'aya tamaida laifin akansa tad'ora, waje yanema ya zauna ita kuma tajuyar da kai gefe, sunkuyar da kansa yayi qasa cikin damuwa kafin yad'ago had'e da cewa.

"Innarmu barka da marece"

"Yawwa" tafad'a adaqile batare data juyo takallesa ba,

"Innamu don Allah kidena wannan fushin inba so kikeyi infad'a cikin fushin ALLAH ba, don ALLAH kiyi haquri kifad'amun duk abunda kike so zanyi maki amma don ALLAH kidena wannan fushin dani" jin abunda yace yasa tad'anyi ajiyar zuciya had'e da juyowa tace,

"Duk abunda nikeso zaka yimun?" Cikin rawar muraya yace "e..e.eh zanyi maki indai bai sab'awa ALLAH ba." Fad'a murmushinta tayi sannan tace

"Ka kwantar da hankalinka bazansa kasab'awa ALLAH ba, so nakeyi ka nunamun cewa ni mahaifiyar kace, ka d'auko lefencan yadawo d'akinnan saboda nagaji da abun gori da kunya da makwabta keyimun, yanzu fisabillahi inba mahaifinka da iyayi ba, Ina ruwansa da harkar mata, Ina lefe sha'aninmu me na mata don me zaiyi wani kane kane aciki, Nima ina so ingwadawa duniya jarumtar da d'ana yayi amma gaba d'aya yazo ya hana"

"Amma innarmu naga da nan da can wajensa duka d'ayane kuma ai kayan gobe ma za'a kaisu tunda har na sanar da ita tafad'awa iyayenta."

"To.to shikenan tashi katafi, don kasanar da ita sai me, Ina ni nahaifeka Kuma nafad'a maka kayannan wasu 'yan uwana duka basu gani ba sai faman yab'a mani magana sukeyi akan haka, ai shikenan ka kyauta tinda so kakeyi nazama abun nune a anguwa" taqarasa maganar tare da fashewa da kuka, Babu banban burinta kamar ace kayan sun dawo d'akinta, don tad'au alwashin zabce rabi tabar mata rabi, don bazata yarda ba ace kura da shan bugu...ita da d'anta ace wata tafita moriya dashi tun ba'aje ko ina ba, sau biyar kad'ai yatab'a siya mata atamfa amma gashi kusan kala ashirin da wani abu yahad'awa wacce zai aura, shiru yayi cike da mamakin meye abun kuka anan da har mahaifiyar tasa zata fashe masa dashi, cikin sanyin murya yace

"Kiyi hak'uri innamu bari nakira yarinyar nafad'a mata cewa amfasa kawo lefen gobe, shikenan haka yayi maki." Da sauri tace "eh yayi, kirata yanzu agabana kafad'a mata" ba musu ya ciro wayarsa yakira Rashida, bugu d'aya ta d'aga had'e da cewa "hello malamina." Cikin jin dad'in sauraren muryarta yace

"Habibty ya kike? Kina lafiya?."

"Lafiya klw, ya naji muryarka bayanda nasanta ba, ko kana kewatane. Taqare zancen cike da zolaya tana dariya, murmushin yayi shima had'e da kallon mahaifiyar tasa data kafesa da idanuwa tana harara suna had'a idanuwa ta d'aure fuska tare da kauda kanta gefe, murmushin ya sakeyi sannan yace.

"Sosai habibty I really missed you." Murmushi tayi don tafajimci meyake nufi saboda duk k'ananan kalmomin nan na soyayya yafara koya matasu kuma tana saurin fahimta da kuma haddacewa, matsalarta d'aya bata iya rubutawa balle takaranta sai dai inda ajami za'a rubuta mata, sanin har izuwa lokacin tana kan layi yasa yaci gaba da cewa, "habibty zancen kawo lefe da za'azo gobe odan baki fad'awa su umma ba to kifad'a masu sai ranar attanin za'a kawo saboda wani dalili kinji ko."

"To shikenan, dama ban fad'aba sai yau nake tunanin fad'a masu don haka babu matsala."

"Yawwa nagode sai anjima idan nakira" da haka yakashe wayar yana kallon umma da farinciki kwance a fuskarta fal tace.

"To ko kaifa, yanzu kaga sai ad'auko lefen akawo zuwa gobe 'yan uwana sun gani an uma tsaida wud'anda zasuje jebi sai akai ko kuwa"

"Hakane innamu ALLAH yatabbatar da alkhairi." Qirikiri tayi mui da baki batare data amsa masa da abin ba don itakam Bata fatan yazauna da yarinyar ballantana tayi fatan wani alkhairi a tsakaninsu.

Mik'ewa yayi zai fita tabiyo bayansa had'e da cewa

"Nace babu d'an wani abu a hannunka nan, kasan kullum mahaifin naka nanan zaune waje guda sai abunda 'yan dubiya suka bashi, d'an tanadin da yayi kuma ya lalatashi wajen wannan ginin wahala, baice komai ba yasa hannu a aljihu yaciro d'ari uku a aljihunsa ya miqa mata had'e da cewa, "kiyi hak'uri da wannan innarmu sukad'ai suka ragemun" karb'a tayi ta saka a hab'ar zane ta d'aure tana biye dashi har waje tace "ba laifi, ALLAH yayi albarka"

"Amin innamu," inna balkisu ce taqaraso wajen riqe da leda irin poly bag d'in nan tana murmushi "A'a malan Nuraddeeni fita za'ayi" tafad'a batare data kalli gefen da yaya hawwar takeba, cikin sakin fuska da girmamawa yace

"Eh inna bilkisu fita zanyi in ALLAH ya yarda, ina wuni?"

"Lafiya klw yaron kirki dama saqone 'yan uwanka saleema da kareema suka aiko dashi sukace akawo maka ka k'ara a lefe." Washe baki yayi yana kallon mahaifiyarsa tasa da tunda taga inna bilkisu taqaraso wajen ta d'auke kai ko zata juya, karb'ar ledar yayi tare da komawa cikin rumfar d'akin mahaifiyar tasa ya jawo tabarma had'e da zazzage kayan, cike da mamaki yace

"Kai kai kai inna bilkisu kice hidima na d'orawa 'yan uwana, wannan irin abun arziqi har ina, gaskiya nagode sosai wlh ALLAH yabar zumunci km yasaka masu da alkhairi."

"Amin ya rabbhi ai ba komai yiwa kaine, kadaici da haquri abunba yawa kasan d'iya mata ne basu san amshi ba saidai karb'a" murmushi yayi yana kallon mahaifiyar tasa da tabbas yasan maganace inna bilkisu tasakar mata amma hankalinta nawajen kallon kayan dasu kareema suka aiko dasu atamfa biyu sai sarqoqi kala biyar da jikkar ribon dozin biyu da kuma hulunan sawa masu kyau qwaya biyar, murmushi inna bilki tayi ganin yanda Yaya hawwa tasaki baki sannan ta sake fiddo da wasu bugaggin shaddodi irin wud'anda akeyiwa rini har guda biyu ta sake miqa masa tace, "Nima ga tawa gudun mawar aqarawa 'yata dasu, ALLAH ya sanya alkhairi kuma yakauda idon maqiya." Tana gama fad'a tajuya tayi tafiyarta don gurinta ya gama cika, damuwar da takeso tagani a fuskar Yaya hawwa da takaicin da take son tusa mata arai tagansu qarara kuma taji dad'i,

Godiya ya dinga yimata yana fad'in ALLAH yabar zumunci kafin yajuyo wajen mahaifiyar tasa amma ga mamakinsa sai yaga tayi fuuuu..tabar wajen ranta ab'ace, kwashe kayan yayi yanufi wajen baffa dasu yana mai yabawa qoqarin 'yan uwan nasa, sunyi masa abunda kaf dangi babu wanda yayi tunanin yimasa kuma yaji dad'i sosai, haka shima baffa cike da jin dad'i yayita sanya masu albarka,

Yaya hawwa taci alwashin cewa koda ansa kayan alefen d'anta saita ciresu a gaban bilkisu tasa masu kalanzir ta qyasta ashana ta qonesu, ita ba ayi mahaluk'in daya isa ya nuna mata cewa ita da d'anta gajiyayyu bane balle ace za'a wani taimako masu har ayimata gori agabanta, ALLAH ALLAH ta dingayi gobe tayi kayan sudawo hannunta don tagwadawa inna bilkisu ita bata isa amma kash koda k'arfe 10 na safe yayi har baffa yasa ankira masa wani mak'wabcinsa dake da mota gwab irin ta haya d'innan yace da baffa Usman da kuma baffa Ali suje sukai kayan babu buqatar sai ankwashi ayarin mata guda anje kai lefe don d'ai d'orawa mutane hidima, duk yanda baffa Ali yaso zagayawa yazo ya sanar da yaya hawwa abun yacutara don baffa zaunar dashi yayi cikin d'akin yace karya kuru yatashi har sai angama kammala komai, baffa Usman shiya kwashe kayan yana kaiwa cikin mota yana dariyar yanda yaga baffa Ali na faman mutsu mutsu da qafafauwa yana son tashi amma baffa ya hanashi, bayan angama kaf baffa yaciro dubu goma aqarqashin katifar da yake kwance yaba baffa Ali yace idan sunkai lefen subayar asayi kayan wanka da ake kaiwa a al'adance.

Kallon baffa Ali yayi had'e da cewa "tashi kutafi kuma wlh karka sake inga kanufi cikin gidannan ina kallonka babban kwabo kawai"

Baice komai ba yamiqe yafita yana waiwayen cikin gida, ji yakeyi har wani cizonsa maganar keyi amma baffa ya kasa ya tsare ga kuma baffa Usman biye dashi yana gimtse dariyar dake cinsa, kamar yaro haka ya dinga kumbure fuska har suka bar qofar gidan,

Hamdala baffa yayi kafin nan yatura yusufa daya hango zai shiga cikin gida yace yakirawo masa Yaya hawwa, da qunquni tashigo cikin d'akin tare dayin tsaye bakin qofa fuskarnan ba annuri ko kad'an saboda fushin da takeyi dashi akan abunda yayi mata tace "gani lafiya?" Shikam dariya ma tabashi ganin yanda take cika tana batsewa akan d'an qaramin abunda yafaru tun kwana biyu da suka wuce, to inata da wannan baisan mezai faruba shiyasa yace qara yafad'a mata da kansa da ace taji ga wani, wannan dalilinne ma yasa yahana baffa Ali komawa cikin gidan don yasan halinsa tsab zai iya qarawa wutar fetur, cikin tsokana yace,

"Haba hawwa wannan irin cika da batsewa da kikeyi haka sai kace ba uwar ango ba, yihaquri zo muyi magana fushi ba naki bane kinji."

"Malan nifa inada aiki cikin gida inzaka fad'amun abunda zaka fad'a to kafad'a sauri nakeyi."

"To yihakuri kishigo mana." Badon taso ba haka taqaraso cikin d'akin tayi masa tsaye qiqam akai, murmushi yayi sannan yace,

"Dama zancen lefennan ne.." bai qarasa ba tace,

"Sai akayi me, ai jiya munriga mungama magana da yarona baza'a kaishi yauba sai gobe don haka nima inada hakk'i da d'ana yau nakira 'yan uwana abamu lefe suma sugani daga nan zamu fidda wud'anda zasuje kai kayan gobe in ALLAH yakaimu don wlh baza'aje da kowace shegiya acikin gidannan ba naji kana kawomun wasu kalan dangi ehe." Baki bud'e baffa ke kallonta har ta dasa aya kafin yace, "ikon ALLAH, waike kam hawwa har yaushe zakiyi hankaline?, Meye amfanin maido da hannun agogo baya da kikeyi yanzu bayan da yardar ALLAH nasan lefennan da kike magana har yakusa isa inda yakamata, don ALLAH kidinga tunani kirege fitina domin in mune aduniya gobe bamu bane, mutuwa na tare damu akoda yaushe saboda haka muzama masu hak'uri.." bai rufe bakiba yaga tajuya da qarfi tana kallon inda aka ajiye akwatunan had'e da lailayo asshar ta tule saboda ganin wurin da tayi wayam shiya tabbatar mata da abunda yake fad'i gaskiya ne, dole yariga da yasan hakan saita faru don haka ya gyara qafafuwansa had'e da mik'esu yayi kwanciyarsa,

Masifa tadinga zazzaga masa had'e da miyagun kalamai tana bubbuge abubuwan dake cikin d'akin tamkar wata mahaukaciya yayi tamakar baisan tanayi ba har tagaji don kanta tabari, amma yinin ranar mutanen gidan sunsha zagi manya da yara acewarta duka sunsan da zancen suka munafucceta, shi kuwa Nuraddeen da mahaifinsa sunsha tsiga da miyagun kalamai kala kala, Kai inkaji kace ba d'anta da mijinta take yiwa suba, yayi mata ranstuwa yana magiya akan baisan da baffa zaisa su baffa Usman suje kai lefen ba yafi aqirga amma fir taqi yarda, saboda tsoron fushinta har kuka yadinga yi yana roqonta Amma tace yafice mata daga d'aki Bata son ganinsa, itama saboda takaici da baqincikin rashin cikar muradinta har da k'walla tayi tana tsinewa yarinyar albarka.🤭🤣

••• ••• •••
A can garin yarimawa kuwa tarba tamusamman baba da qanensa malan balarabe suka yiwa su baffa Usman, sosai sunji dad'in karramawar da aka yimasu don musamman baba balarabe yasa aka gyara masu kaji ga fura da nono mai sanyi sannan aka yimasu abinci da abunsha musamman, ko kad'an baffa Usman baiso tsayawaba bayan sun bada kayan amma malan balarabe yayita roqonsu dole ganin girmansa yasa suka haqura suka tsaya, sunci sun sha sunyi nak sannan su baba sukayi masu godiya, musamman baffa Ali da har saida yayo guzurin nama a aljihunsa don yaji dad'in bawa yaya hawwa labari, dubu uku malan balarabe yabasu yace susha mai ahanya angode sosai baffa Usman yace bazasu karb'a ba hakan kuwa ba qaramin b'atawa baffa Ali rai yayi ba don har yafara hango lalurorin da zaiyi da nasa kud'in idan anbashi, haka aka rabu cikin farinciki da murna tsakaninsu baffa Usman da iyayen Rashida kowanensu na yabawa karamcin da suke dashi.

Duk da ba wasu kayane masu yawa ba ayanda ake qaryar lefe azamaninnan duk wanda yaga lefen sai ya yaba kyansu tare da qoqarinsaa matsayinsa na malami kuma mai matsakaicin k'arfi,

*A gurguje*

Acikin kwanakin da suka rage a d'aura auren Rashida da malan Idris abubuwa da dama sun faru musamman ta b'angarensa don kusan Yaya hawwa fidda hannuwantatayi a sha'anin auren Saida 'yan uwa da abokanan arziqi aka had'u akayita bata haquri sannan ta haqura gaba d'aya gidan bata magana da kowa duk gaba takeyi dasu akan haka har lokacin da auren ya matso ana saura kwana biyu, babu wani shagali da akayi inba walima ba wacce itama ab'angarensu Rashida aka shiryata don sukam suna cikin farinciki sosai musamman iyayen Rashida da ita kanta, shima Nuraddeen ba'a barsa abaya ba amma idan yatunada matsalolin mahaifiyarsa duk sai yaji auren ya fice masa arai saboda tsoron abunda masoyiyar tasa zata fuskanta acikin gidan musamman wajen mahaifiyarsa da kuma baffa Ali, ko ranar da akazo jere yana jin irin walaqancin dasu muneera da baffa Ali sukayi masu banda inna balkisu da tazo ta jajirce wajen da ba qaramin kunya tasu akayi ba hakan yasa baffa yakirata ya damqa mata ragamar kula da mutanen amaryar da zasu zo har zuwa lokacin da za'a kammala shagalin,

Anyi walima taji da gani don su baba balarabe sun taka rawar gani sosai kuma sunyi duk abunda yakamata ayi tun daga kan abubuwan ciye ciye dana lashe lashe, musamman aka yanka rago ranar walimar saboda had'ewa akayi haddata saukarta ta alqur'ani, malamai da dama sun halarci walimar sunyi nasihohi kalakala akan zamantakewar aure da kuma biyayya ga ALLAH da manzon tsira, baqar abayace mai kyau da tasha duwatsu ta ko ina jikinta da Kuma farar alkibba ta saka gashi tasha kwalliya had'e da lalle tayi kyau sosai kamar ba itaba, wani abu da zai qara burgeka ga walimar shine yanda malan Idris da abokanansa da sukayi zuwan bazata awajen walimar Jim kad'an da farawa yasha shaddarasa fara qal d'unkin riga da wando kaftani, nan take aka halarto masa da kujera kusa da inda Rashida ke zaune, wani irin farincikine ya lullub'eta a hankali tad'ago kai takallesa tayi murmushi shima yayi mata sannan tamaida kanta qasa, sosai iyayenta sukaji dad'in halartarsa wajen domin hakan yanuna masu irin muhimmancin da take dashi awajensa, nan aka cigaba da gabatar da nasihohin amarya da ango na saurare wasa wasa Rashida tafara jin gabanta nafad'uwa kafin can kuka ya kubce mata wanda ba sau d'aya aka saba ganin amare nayin hakan ba, anyi komai lafiya anqare batare da wata matsalaba kuma anyiwa amarya da ango fatan alkhairi tare da zaman lafiya da zuria masu albarka sannan kowa ya watse, yanda Rashida ke kuka sosai ba qaramin tab'awa malan Idris zuciya yayi ba don har saida yaso ya keb'e da ita don ya lallasheta amma kunya ta hanashi saidai akan hanyarsu ta komawa gida yakirata awaya ya lallasheta, Saida yaji tayi shiru tadena kukan sannan yakashe yana fad'in,

"Sai gobe habibty idan nazo d'aurin aurenmu.." bai qarasa ba takashe wayar tana dariya don tasan wannan tsokanar da biyu yayita, dariyar shima yayi sannan yakashe wayar yanajin wani irin farinciki marar misaltuwa aransa...






*_ALLAH KAJIK'AN IYAYENMU👏😭_*
[8/17, 10:19] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___16💎

Tun daga qofar gida da mashin ya ajiyesa yaga alamar cewa aiki akeyi agidan nasu saboda tarin yashi daya gani da masu aiki da sai faman shige da fice sukeyi da kayan aikinsu, yaran gidansu dake gefe suna buga k'wallone suka hangosa da gudu suka nufo inda yake suna fad'in "oyoyo yaya nura, ya nura oyoyo" suka qaraso wajen su kusan bakwai suna ruguguwar d'aukar kayan, cikin tsawa ganin yanda suke jan jikkunan akwatayyen suna ruguguwar d'auka yace "ha'a kai kunada hankali kuwa! Ji iskanci zaku lalata kayan mutane, maza ku ajiye kubani waje." Dariya suka aza masa ganin yanda ya zazzare masu idanuwa, kansu yayo ahasale kamar zai dokesu suka bar wajen aguje sunaci gaba da dariya, d'aya daga cikin sune daya d'arasu hankali ya tsaya yana had'e da cewa "yi hak'uri yaya nura" kwafa yayi kafin ya d'auki d'ayar jikkar da tafi girma da qarami yacewa yaron, "yusuf d'auko mun wannan d'ayar." Cikin jin dad'i yaron ya tallabo jikkar ahankali tamkar wanda ya d'auko k'wai yabi bayansa, Kai tsaye shigifar da baffa ke kwance yanufa da kayan yaron nabiye dashi sukayi sallama suka shiga, baffa na ganinsa ya washe baki had'e da cewa, "Kai agaida mutanen yarimawa, sannu da zuwa sannu da zuwa."

"Yawwa baffa, munsameku lafiya" Nuraddeen yafad'a yana ajiye kayan had'e da komawa kusa da mahaifinnasa ya zauna, shima yaron ya ajiye ta hannunsa inda yaga ya ajiye sauran sannan yafita, binsa da kallo baffa yayi kafin yajuyo ya maido kallonsa ga Nuraddeen yace "lafiya klw Nuraddeen yaron can nake kallo kaf cikin yaranmu shi kad'ai ALLAH yayiwa natsuwa sak irin taka, shiyasa yake matuqar burgeni, gaba d'aya halinsa ba irin na sauran yaran bane da kuma mahaifinsa, kaga ikon ALLAH bazaka tab'a ganinsa kace yaron Aliyu bane don gaba d'aya tun daga kamarsa da halin kai hatta tafiyarsa duk irin na Usman ne kai kace shiya haifesa" murmushi yayi had'e da cewa "ALLAH sarki baffa, ao dama zumunka ka haifa maka, ni kaina jinina yafi had'uwa da nasa akan sauran yaran, yanzu nagamo dasu abakin gida gaba d'ayansu basajin magana baffa saidai addu'ar ALLAH ya shirya."

"Amin fatanmu kenan!, Kai dai ka kula kuma dikkaninsu ka rik'esu gaba d'aya da zuciya guda saboda abu d'aya like kuma duk lalacewarsu bakada wud'anda suka fimaka su aduniya don haka kayi haquri da yanda halinsu yake ka sosu ka qaunacesu don bazaka iya canzasu ba, ubangiji ALLAH yayi maku albarka ku duka"

"Amin baffa, insha ALLAH zan kula da hakan har qarshen rayuwata."

"Masha ALLAH da kuwa naji dad'i sosai." Juyawa gefe yayi tare da jawo ledar magungunansa yana duddubawa sannan yace

"Baffa ya qarfin jikin naka?"

"Alhamdulillah ina samun sauqi sosai."

"Amma baffa jikinka ya gagara nuna haka har yanzu, kodai canza maka maganukkan nan za'ayi?."

"A'a nace maka nasamu sauqi sosai, yakabaro can wajensu 'yar tawa, suna lafiya?"

"Duk lafiya klw baffa"

"Madalla kasamu kaje kawatsa ruwa daga nan sai kashiga kagani komai yakusa kammala."

"To baffa, dama cewa nayi ga kayannan nagama had'awa sai 'yan abubuwan da baka rasa ba."

"Ahhh to masha ALLAH, ai wannan Bari kakeyi har saika huta sai ka kirawo ita mahaifiyar taka da sauran dangi abud'a agani, agaisheka ALLAH yayi albark."

"Amin baffa." Yafad'a tare da miqewa ya nufi sashen da mahaifiyarsa take, har ya