You Cannot Download this book untill you login but you can read it .

---

Login Register

ita amma ki qara haka girki shima duk da bani da wani haufi akai amma ki kula sosai wajen kiyaye lokacin yinsa da wajen dafasa, banda almubazzaranci ko rashin yiwa miji godiya ga duk abunda yakawo, kiriqi addu'a da azkar na safiya da marece da lokacin kwanciya insha ALLAH zasu zamo maki fitila arayuwarki, ki guji fushin mijinki, ki nesanta da duk abubuwan da kikasan baya so ta hakanne zaki samu cikakkiyar natsuwa a gidan aurenki, Ina roqon ubangiji da yayi maki albarka, yakare mani ke aduk inda kika shiga ga sharrin mutum dana aljani, ALLAH ya albarkaci dukkanin zuri'ar da zaki samu ya kareki daga fad'awa ko wace irin fitinar rayuwa ta duniya da kuma lahira."

Duk da Rashida nacikin damuwar rabuwa da iyayenta hakan bai hanata jin dad'in lafuzzan mahaifiyarta ba agareta, gaba d'aya zuciyarta da kuma qwaqwalwarta sun gamsu da nasihohin data yimata kuma tayi alqawarin zatayi aiki dasu komai rintsi komai wuya, cikin sheshhekar kuka tace,

"Amin ummata, zan kula da duk abubuwan da kika fad'a mun kuma nayi maki alqawarin zamowa mai tsananin haquri da yiwa mijinta biyayya tamkar yanda naga kinayi." Rungumeta umma tayi tana murmushi had'e d cewa,

"A'a Rashida, bana so kiyi yanda kikaga inayi nafiso kiyisu fiye da yanda nakeyi kinji ko?." Cikin kuka tace,

"In sha ALLAH, ummata zanyi, don ALLAH kiyafemun duk wani abu Dana yimaki, ummata Ina matuqar jin kewar rubuwa dake." Taqarashe maganar tare da naniqeta ajiki tamkar zata tsagata ta shige tana mai k'ara tsananta kukanta,

"Rashida kenan! wake maganar yafiya anan bayan ummanki cike take da soyayyarki da kuma alfaharin samunki taya har za'ayi kiyi wani laifi kome qanqantarsa agareta kuma har yasamu muhalli acikin zuciyata?, Babu komai tsakanina dake face tarin d'inbin albarka da nake yimaki fata awajen ALLAH" cireta tayi daga jikinta sannan tamik'e taci gaba da cewa, "kije kishirya Rashida mahaifanki na jiranki a d'akin kaya kinji ko?." Tana gama fad'ar haka tajuya tafice daga d'akin, wajen qanwarta aunty marwiyya tanufa tayi mata magana akunne sannan tawuce wajen bak'in da suka shigo yanzu, da sauri ita kuma aunty marwiyya tashiga d'akin da Rashida take tasa ta tashi tashiga toilet tayo wanka da ruwan turarukka masu qamshi sannan tasa ta tsuguna saman turaren wutan da tana fitowa ta isko tahad'a mata, bayan yagama shiga jikinta tabata wani had'in madara daya sha kayan gyaran ni'imar jiki tace tashanye sannan tahau kimtsata yanda ya kamata, ba'afi mintuna ishirin ba sai gashi tafito da ita cikin had'ad'd'iyar shiga mai kyau da kuma d'aukar hankali, duk inda Rashida ta gotta sai zuba qamshi takeyi fuskarta a lullub'e, daidai lokacin malan balarabe yashigo cikin gidan yana fad'an afito da amarya anbar mutane zaune suna jira, ganinta yasa yayi shiru tare da nufar d'akin da d'an uwan nasa ke ciki suna jira, acan aunty marwiyya tanufa da ita suka shiga kan Rashida naqasa har lokacin tana zubar da k'walla, Saida ta duqar da ita agabansu sannan ita kuma tajuya tabar d'akin, naseeha sosai suma suka yimata sannan suka aika aka kirawo umma itama ta sake yimata wata sama sama, rungume baba tayi tana kuka mai tsima rai tare da roqonsa gafara nan take shima yaji kukan na nema ya kucce masa, da sauri yamiqe yana fad'in "nayafe maki Rashida ALLAH yayi maki albarka" ya fice daga gidan yana goge hawayen da suka zomasa, wajen umma tanufo ta sake rungumeta tana kuka umma ta dafa kanta had'e da cewa,

"Kitafi gidanki cikin amincin ALLAH da kuma yardarsa Rashida, ALLAH ya albarkaci rayuwarki yakareki ga dukkanin sharrin shaid'an da kuma ahalinsa" tana gama fad'a itama tajuya tayi cikin gida tana hawaye.

Aunty marwiyya ce tazo tarik'ata sai kuma yaya Maryam (yayarsu baba) dama tuni ansanar da 'yan bukin duk mai halin zuwa kai amarya ya gyara yanzu za'a kaita ba sai anjima ba kamar yanda aka tanada, Kai tsaye aka fiti da Rashida tana reren kuka yayinda suna isa bakin gida suka tarar da motar da aka tanada don amarya har anbud'e ana jiran isowarta, aunty marwiyya ta duqar da ita tana mai rad'a mata akunne cewa ta tashiga da _"Bismillah tawakkaltu alallah wala haula wala quwwata illah billah"_

Cikin zuciya tadinga karantota duk da kuwa kukan da takeyi na nema ya rinjayi zuciyar tata sannan sukuma sauran mutane suka shiga sauran motocin aka tayar, dama mota biyarce aka kawo takai amarya sai motarsu baffa sukuma tuni ana fitowa da ita sukayi musabaha da malan balarabe da kuma baba had'e da yin godiya suka wuce gaba, saida mota biyu tashiga gaba bayan tasu baffa sannan wadda rashida keciki tabi bayansu sannan biyun suka bi bayanta suma, wani irin kuka mai tsimarai Rashida keyi tana nazarin kalmar da akoda yaushe take d'auka mai sauqi wajen furtawa (aure nake so) wacce gaba d'aya bata natsu wajen fahimtar kome take nufi ba sai yanzu da aka rabata da iyayenta, tabbas tana farincikin samun muradinta da kuma auren amma rabuwa da iyayenta gaba d'aya ya shamakance ta da bayyana wannan farinciki, tafiya mai d'an nisa sukayi kafin su isa garin bebeji lokacin har anfara kiraye kirayen sallar magrib amma koda suka isa dandazon yaran shiyar dake qofar gidan suna ihun ga amarya bazai bari kaji sautin kiran da akeyi ba, motar da take ciki na tsayawa gabanta ya fad'i da sauri tafad'a jikin aunty marwiyya tana kuka,

"A'a Rashida wai kukannan naki bazai qare bane? Yakamata kiyi hak'uri haka domin duk wata d'iya mace dake gidan mijinta saida ta fuskanci hakan."

A hankali ta tsagaita kukan sannan yaya maryam tarik'ota tafito daga cikin motar tana fad'in kiyi addu'ah _"hazbunallahu wani'imal wakeel"_ Rashida tafad'a acikin zuciyarta kafin ta azo qafarta tafito daga cikin motar fuskarta a lullub'e, ihu yara suka hau suna fad'in, "yeeee.. amarya, amarya, ke kicce kinaso da bakice kina so ba da ba'a baki shiba." ahankali suke tafiya da ita tamkar k'wai har sukazo bikin k'ofar shiga gidan, qafarta ta dama ta aza tana karanto addu'ar "

_"Allahummah inna naj'aluka fi nuhirihim, wana uzu bika min shururihim"_ ma'ana (ya ALLAH! mu muna sanya ka a gabansu, kuma mina neman tsarinka daga sharace sharracensu.) sosai taji tasamu 'yar natsuwa daga ynayin da takeji suka shiga da ita, cike da farin ciki Yaya balkisu ta tarbesu hannu biyu ita da sauran 'yan uwa dasu kareema 'ya'yanta suna "sassannuku da zuwa, ku wucikke, masha ALLAH, kuwucikke da ita nan." Ana nuna masu shiyarta wacce koba tambaya kasan b'angaren amarya ne, suna tsaye kafin su shiga suka jiyo muryar matar baffa Ali tna fad'in,

"To mudai gidannan bamu da bare sai yanzu, ALLAH kasa ba'a d'ebo mana miyagun dangi ba.." kafin wasunsu su ankara da abunda tace inna bilkisu tace dasu "kuwucikke mana kun bar mana amarya tsaye kada qafafuwanta suyi ciwo." Murmushi aunty marwiyya tayi had'e da cewa "A'a muna jiran agwada mana sashen uwar mijin tatace mukaita wajenta tukuna."

"Ahaf illar bare kenan komai nasa daban yake, To mudai ba haka mukeyi ba anamu al-adar, kufara shiga da ita d'akinta tukuna sai tafito da kanta tagano d'akin uwar mijin nata donmu auna hankalinta, mu haka mukeyi inyaso ku kwa jirata anan har tafito" suka sake jin matar baffa Ali dake can bakin k'ofar d'akinta zaune saman wata kujera tafad'a tana tamnar cingwam, cikin sakin fuska Yaya Maryam tajuyo had'e da cewa.

"To kuyi hak'uri tunda har bare nada wata illa Kuma ahaka kuka gani kukace kuna so, kuma mu al'adarmu zamubi ba taku ba tunda bare muke." Wani irin dad'i inna bilkisu taji da amsar da Yaya maryam taba matar baffa Ali kafin tace dasu "kuwucikke ga shiyarta can" tana murmushi ta wuce gaba suka bi bayanta, sallama sukayi Yaya hawwa nakwance saman gadonta d'an bono tana jinsu fiye da minti biyu Amma bata msa ba balle ta taso hakan yasa inna bilkisu leqawa taciki tana fad'in.

"Assalamu alaikum Yaya hawwa ga bak'i nan sun iso." Tana qoqarin shiga ciki, wata irin tsawa Yaya hawwa ta dakawa inna bilkisu da tasa saida Rashida tazabura had'e da rik'e Yaya Maryam tana fad'in,

"Kul! kada wanda ya sake ya shigomun d'aki, bak'i ai nakine don haka kiyi qoqari ki karramasu ki zame mata uwar miji hakan zaisa nasan cewa ked'in 'yar kanzagice lamba d'aya." Shiru bilkisu tayi tanaji kamar ta zubar da kwallah saboda walaqancin da yaya hawwa tayi mata agaban mutane gashi tayi alqawarin bazata sake kula ta kanta ba balle tamayar mata da magana daidai yanda tayi mata, murmushin dake cike da takaici tayi tare da juyowa tana kallon 'yan kawo amarya da sukayi cirko cirko suna sauraren ikon ALLAH, cikin qarfin hali tace,

"Kuyi hak'uri kuzo muje akaita d'akinta ga motocican suna jiranku naji sunata faman yimaku oda" taqarasa maganar tare da juyawa tana qoqarin b'oye damuwarta.

Adai dai bakin k'ofar shiga sashen Rashida inna bilkisu ta tsaya, sunaji matar kawo Ali ta tintsire da dariya tana fad'in "Yaya hawwa tayi tsiyar kenan ko bilki." Had'e da tuntsirewa da wata dariyar, gab d'ayansu babu wanda ya tankata suka wuce ciki bakin Rashida d'auke da addu'a jikinta har wani rawa yakeyi sannan tashiga haka lokacin da zata shiga d'akinta har ta aza qafa aunty marwiyya tadawo da ita baya had'e da aza qafarta ta dama tace, "kiyi bisimillah da ayatul kursiyu, sannan ki karanta _allahummak finihim bima shi'ita_ (ya ALLAH ka isar mani su da abinda kaso) don wannan gida da kike gani sai kinyi hak'uri, baiwar ALLAH nan kad'aice nagani da alamaun mutunci."

"Marwiyya menene haka!" Yaya Maryam tafad'a tana kallonta,

"Hmm Yaya Maryam kenan! Wlh tunanin abunda zan barwa yrinyarnan yasa nakasa tankawa da wllh tundaga waccan angulun har uwar mijin tata saina yimasu wankin babban bargo."

"Ya isa haka marwiyya ALLAH yakyauta." Lokacin Rashida tagama addu'arta sannan suka shiga, nan kallo yakoma cikin d'akin don ba qaramin k'ok'ari baba yayi ba, hatta tv da vedio da fridge duk saida yasa aka sakawa Rashida, komai yayi kyau gwanin burgewa, nasiha suka sake yimata da tayi taka tsantsan da sha'anin mijinta da kuma duk wani abu da zai had'ata da mutanen gidan don kaucewa rashin mutunci sannan sukace tarik'e inna bilkisu hannu biyu ta d'auka 'yar uwarta ce da zata dinga magance matsalolinta kafinsu don sun yaba da halinta, daidai lokacin inna bilkisu tashigo sashen ita da 'ya'yanta salame da kareema d'auke da ledojin ruwa dana muhallip da kuma wani kwali babba dake cike da tarkacen biskit da mintuna da cingwam wanda bafffane ya aiko dasu yace abawa 'yan kawo amarya, sake gaggaisawa akayi ta sake basu hak'uri bisa abunda yafaru sannan ta basu kayan, cikin jin dad'i sukayi godiya sannan yaya maryam tace.

"To bilkisu ga amanar Rashida nan mun baki, duniya da lahira mun amince kiyi mata hukunci daidai yanda kike yiaw 'ya'yanki idan tayi ba daidai ba, mun baki amanarta ki kula da ita batada kowa saike don ke muka sani yanzu, Rashida qaramar yarinya ce da hankalinta bai isa banbance daidai da rashinsa ba don haka kiyi mana taimakon d'orata akan hanya aduk lokacin data kauce, mungode mungode sosai, ALLAH yasaka maki da alkhairi kuma yabaku haqurin zama."

"Amin nagode nima, karku damu da abunda yafaru sharrin shed'annne kunsan halinsa la'ananne ne, dukkaninmu abu d'aya muke kuma in sha ALLAH zamu kula maku da amanar Rashida domin itama 'yar muce."

Sosai su aunty marwiyya sukaji dad'in kalamanta kuma sun samu 'yar natsuwa akan d'azu, mik'ewa sukayi da zimmar fita don tuni sauran mutane da yaran sunfita sukad'ai ake jira Rashida tarik'esu tanata kuka, duk qarfin zukatansu suma saida suka zubar da kwallah saboda tausayinta, so suke sutafi amma tariqesu gam saida su kareema sukazo suka b'anb'areta ajikinsu sannan, riqeta sukayi suna lallashinta su kuma suka wuce inna bilkisu na biye dasu kowacensu na k'walla,

Suna fitowa matar baffa Ali ta toshe hanci had'e da rangad'a uwar gud'a tana fad'in, "wayyo duniya budurwar wawa, wai iyayen amarya da kuka wannan ai anyi abun kunya, koda yake qila amaryar tasu ta gagara yi abunka da yaran zamani shine su suka yimata." Wucewarsu sukayi suna tir da halin fitinanniyar mat irinta inna balkisu nata basu hak'uri har bakin k'ofar gida, sunaji tana fad'in.

"Munafucci dodo akan wasu yake qarewa" Wanda bako shakka sunsan da inna balkisun take...









*ALLAH KAJIK'AN IYAYENMU*👏😭
[8/17, 10:19] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___21💎

Murmushi yayi don yakula da kallon da take yimasa saboda hasken wutar lantarki data haskesu lokacin da suke qoqarin shiga toilet d'in, seda yashiga sannan ya sake mik'a mata hannusa tariqo ya shigo da ita cikin toilet d'in, alama yayi mata data iso gaban fanfon dake tsaye ciki irin na qarfe d'innan da xaka gani a tsakiyar gida ko anguwanni ana d'ib'ar ruwa, ahankali tafara takowo kanta na sunkuye a qasa, cikin takun da baiwuce biyu zuwa uku ba ta isa gaban fanfon had'e da duqawa wajen, d'ayan hannunta ta d'ora saman kan fanfo zata kunna taji shima ya d'ora nasa akai da niyar kunna mata, d'ago kai tayi ta kallesa suka had'a ido ya sakar mata murmushi, da sauri ta sinne kanta qasa itama tana mayar masa da murmushin, ahankali yafara juya kan fanfo har lokacin hannusa na saman nata, ganin ruwan sunfara zubowa yasa ta tara d'ayan hannunta tana d'ibar ruwan tana kuskure bakinta had'e da wanke fuskarta, qoqarin jaye hannunta tayi yariqesa gam tamkar wanda za'a kwacewa hakan yasa ta kasa tashi tayi duqenta awurin, tanaji yana wasa da hannunsa akan nata kafin yacirosu akan fanfon bayan yasa d'ayan hannun nasa ya kashe batare da yasaki hannunsa sake riqe da nata ba,

Bayan sun fito toilet yanufi falo da ita ya zaunar da ita qasan center carpet d'in dake shimfid'e ya d'an tura center table d'in dake tsakiyar don sud'an samu isashhen fili da bazasu matsuba, ledar daya shigo da ita yaje ya d'auko tare da shiga kitchen ya d'auko wani d'an k'aramin tray da cup d'aya ya d'aurayosu ya kawo agabanta yana fad'in.

"Washh amarya bakya laifi." yana kallon yanda ta noce kanta qasa tana wasa da 'yan yatsun hannunt, riqo hannun yayi yanabin 'yan yatsun da kallo had'e da cewa.

"Habibty lallen nan yayi kyau sosai gashi garin wannan wasar taki kina nema ki gogemunshi da wuri haka."

Tana qoqarin janye hannun yayi 'yar dariya tare da yimasa kiss wanda yasa Rashida jin wani yanayi atattare da ita, ja baya tayi kad'an kafin ya saki hannun yana mai basawa kamar baisan me tayi ba, naman ya zube masu a plate had'e da ciro gorar fresh youghout d'in acikin leda ya tsiyaya a cup,

"Habibty matso kici abinci nasan bazaki rasa jin yunwa ba." Yafad'a tare da nufo bakinta da yankan naman daya d'auko, kauda kanta gefe tayi alamun bazata ciba shima yasake maida hannunsa a gefen yana fad'in.

"Haa mana." Kamar yanda akeyiwa yara harda d'an bud'e bakinsa murmushi tayi tare da girgiza masa kai tace.

"Naqoshi malamina."

Harararta yayi da wasa kafin yace,

"Ai baki isa ba.maza kibud'e bakinki bana son musu Kuma."

Ganin ya d'aure fuska yasa tabud'e bakin ya tura mata naman ciki yana fad'in "gud gel" haka yayita bata tanaci har naman yakusa qarewa, riqe masa hannu tayi lokacin da yasake d'auko wani yankan cikin marairaice fuska kamar zatayi kuka tace.

"Kayi hak'uri malamina naqoshi tun d'azu ci kawai nakeyi saboda kace baka son musu amma ALLAH idan naqara wani akai yanzu zan iya yin amai."

"Kin tabbata."

"Sosai malamina"

"Ok bari nima na tabbatar idan har da gaske kikeyi" noce kanta qasa tayi ganin yasake matsowa kusa da ita gabanta na dukan uku uku taji ya d'ora hannunsa saman cikinta da saurin ta rintse idanuwa yanda yake shafa cikin ahankali yasa dariya ta soma zomata da sauri tariqe hannun tana fad'in.

"Don ALLAH kadena, ALLAH kayar da Dani na qoshi sosai" tana 'yar dariyar da saida haqoranta suka bayyana.

"Eh to na amince amma har yanzu da akwai inda bai ida cika ba, ungo wannan ki shanye saiki cike wajen kinji ko d'alibata."

Yafad'a tare da mik'a mata cup d'in daya tsiyaya fresh youghout d'in, ba musu takarb'a tunda yariga yafad'a mata cewa baya son musu shi kuma yafara cin sauran naman daya rage yanayi yana kallon yanda take kurb'arsa ahankali, murmushi yayi don gaba d'aya komai na yarinyar na burgesa musamman yanda take motsa bakinta, nad'e takardar naman yayi bayan ya cinye ya ture ta a gefe tare da jawo sauran da kecikin gorar yafara sha shima, saida ya kusa shanye sa sannan ya ajiye gorar da sauran da ke ciki ko rabin gora beyi ba a lokacin itama ko rabin nata bata sha ba, miqewa yayi ya d'auke late d'in tare da ledar naman da kuma gorar youghout d'in daya rage ya nufi kitchen dasu, ledar ya kad'a a dosbin ya d'auraye plate d'in ita Kuma gorar ya ajiye a gefe don har lokacin ba'a cire fridge d'inta acikin kwali ba balle a jona,

A inda ya barta anan ya sake iskota zaune tana jujjuya cup d'in da sauran youghout d'in dake ciki, kallonta yayi had'e da cewa.

"Habibty dare fa yayi ko bakyajin bacci ne?"

Miqewa tayi taje ta d'auraye cup d'in tare da wanko bakinta shi kuma yawuce toilet don ya watso ruwa, koda tadawo falon tajiyo motsin ruwa a toilet komawarta inda take tayi ta zauna tana kallon tsarinfalon nata da kayan da iyayenta suka zuba mata, sosai ta jinjina masu sabo kyan kayan da kuma yanda aka qawatashi da frem masu kyau kalar coppy colour, kujerunta da labulayenta duka suma kalarne sai 'yar madai daiciyar tv dake ajiye saman tv stand da qatuwar flower acan gefen falon daga kudu tana wannan tunaninne taji ya shigo falon saye da doguwar jallabiya yace

"Habibty je kiyo arwala muyiwa ALLAH godiya daya nuna mana wannan ranar."

Bayan tafito ya jasu sallar raka'a hud'u sannan ya sallame, addu'o'i yayita kwararo masu na samun zama lafiya da kuma zuri'a masu albarka, bayan yagama yajuyo yayi mata tambayoyi akan abunda ya shafi tsarki da kuma wanka, yasha mamaki sosai yanda yaji tabashi amasarsu yanda ya kamata hakan yasa baiyi zurfi ba wajen yimata tambayoyin saboda kusan qarfe sha biyu harda rabi tayi, miqewa yayi ya nufi tsakar gidan ya kashe fitila sannan yadawo cikin falo itama ya kashe har lokacin tana nan zaune gabanta na fad'uwa duk da dai bata san gaskiyar abunda zai biyo baya ba Amma keb'antarta daga ita sai namiji awake d'aya abune da Bata tab'a yiba don haka dole tsoro da fad'uwar gaba su kamata, tana jinsa yana kiran sunanta tamakure a gefen kujera jikta na rawa.

"Habibty taso muje mu kwanta." Yafad'a yana qoqarin had'iye dariyarsa ganin yanda ta sake shigewa can bayan kujera,

"Habibty, habibty..." yaci gaba da fad'a ahankali yana qoqarin isa inda take, a hankali hannunsa yakai saman kafad'arta tazabura tana shirin yin qara ya jawota ta fad'o jikinsa, "meye haka habibty? Nifa mijinkine da ALLAH ya halatta maki kiyi duk yanda kikeso dani da kuma gangar jikina haka kema ya halasta mani ke da duk wani abunda ke tattare dake, Ina sonki kina sona, menene abun tsorata da juna, karki manta nayi maki alqawarin zan kula dake Kuma zan baki farinci mai d'orewa matuqar Ina raye, zan soki soyayya mafi girma aduniya, irin soyayyar da zatasa harna mutu bazaki manta dani ba, Rashida kece duk wani bugun lumfashina don haka kiyarda dani bazan tab'a bari kicutuba aduniya, Ina so matuqar zuciyarki ta amince da kalaman dake fitowa daga qarqashin zuciyata ki kwantar da hankalinki muje mu kwanta abunmu kinji ko?."

Ahankali ta d'aga masa kai jikinta narawa jin yanda nasa jikin ke gugar nata tana qoqarin zamewa, riqeta yayi sosai sannan ya d'agata cak ya d'auketa yawuce uwar d'aka da ita, bai direta ko ina ba sai tsakiyar gadon ya zagaya ta gefe yacire jalabiyar dake jikinsa had'e da kashe fitilar ya hau saman gadon shima, jawota yayi ajikinsa yaji ko Ina rawa take na jikinta, ahankali ya sake mannata aqirjinsa sosai cikin kwantar da murya ya rad'a mata a kunne.

"Don ALLAH kinatsu habibty? Nayi maki alqawarin bazan cutar dake ba ko kad'an, kinga gidan yawa muke kada muyi abunda zaisa aganomu kinji ko?"

A hankali ta d'aga masa kai cike da tsoro hawaye na zubo mata,

"Kin amince?."

Nanma d'aga masa kai yasakeyi, cike da jin dad'i yakai bakinsa a goshinta yayi mata kiss, don aransa ya raya matuqar Bata amince ba bazai tab'a yimata dole ba saboda yanayin inda suke ciki zai iya zame mata abun gori idan har wajen tilastata yasa tayi abunda zaisa ajiyosu, ita kuma ta amsa masa ta amincene atunaninta na yakwana d'akin da ita badon tasan meye ainahin abunda yake roqon amincewarta aciki ba. ( _Karku manta Rashida yarinya ce, ba lallai bane don ta furta kalmar aure takeso kuma tasan me ake aikatawa acikin aurenba, batada wasu cikakkin abokanai inba meenah ba kuma a qauye ta tashi ba dolene ace tanada wayewar sanin ko meye ba don haka kada kuyi mamakin jin nace batasan me yake shirin yimata ba da har yake neman amincewarta ba da Kuma yanda ta tsorata har dasu rawar jiki saboda abune da bata tab'a yiba arayuwarta balle ace tasaba, tanada ilimi akan aure amma batada ilimin auren a aikace ko zahirance, sab'anin 'yan matanmu na yanzu da tun kafin akai yarinya tasan meza'a aikata_).

Bakinsa ya d'ora akan idonta d'aya yayi mata kiss haka ma ga d'ayar kafin ya gangaro ga abu mafi burgesa atattare da ita shine bakinta ya d'ora nasa akai da sauri tajaye tana hawaye,

"Don ALLAH kadena bana so?"

"Kiyi haquri habibty wannan shine fa auren." Bil haqqi ta wangame baki zata saka masa kuka yayi saurin rufesa da nasa yana tsutsa ahankali, tun tana qoqarin kwacewa har ta gaji tafara lumshe idanuwa tana karb'ar saqon yanda ya kamata, jinta tayi awani baqon yanayi tare da kasa attaka komai saboda yanda jikinta ya mutu had'e da yin sanyi, hakan yabasa damar cigaba da aika zafafan sak'onnin da zuka dad'e yana son isarwa azuciyarta hannayensa kuwa nak'ara taimaka masa akan dukkanin muradansa naganin ya maida ita cikakkiyar mace a wannan daren, sosai take amsar saqwanninsa tana fitar da lumfashi a hankali, cikin tausayi da nuna jinqai yafara qoqarin sarrafata had'e da karanto addu'ar saduwa har ya cimma burinsa.

Kasancewar bai zomata cikin tashin hankali ba yasa yayi nasarar rabata da budurcinta duk dai shima kansa saida ya wahala wajen qoqarin samun hanya, Rashida kam tasha kuka sosai, tayi dana sanin furta kalmar aure takeso don har seda taroqesa a maidata makaranta zatayi karatu sosai, wannan abun ba kad'an yabashi dariya ba hakan yasa yahaqura duk da bawani jimawa yayi ba balle gamsuwa, saboda duk duniya bayada burin daya wuce Rashida ta samu cikakken ilimin boko kamar yanda take dana arabiya,

Wannan dalilin yasa yanaji yana gani ya haqura tare da komawa rarrashinta, da qyar yasamu taui shiru bacci mai nauyi yayi awon gaba da ita, amma kallo d'aya zaka yimata kasan baccin bana dad'i bane,

Jin alamun gari yayi sanyi da iskan da ake kad'awa sosai yasa yafahimci ruwa za'ayi don haka ya gyara kwanciyarsa tare da jawota ajikinsa yanajin wata sabuwar sha'awarta na taso masa, murmushi yayi cikin farinciki da jin dad'in yanda yasameta sannan ya ja masu bargo suka lullub'a.

••• ••• •••
Yaya hawwa kuwa yana fita ta tashi zaune had'e da jawo ledojin guda biyu tafara bud'e tafarkon, ganin naman ragone yasa ta turesa gefe tajawo dayar tabud'e, wahe baki tayi had'e da cewa

"d'an kwal uba ga naman kaza zaka bani na rago, duk da dai naga irin wanda nake so ne Mai kitse kasiyo."

Zaunawa daidai tayi tabud'e qafafuwanta tasa naman a tsakiya tayago naman kaza taci sannan ta d'auko yankan na ragon Mai kitse bayan ta birkid'eshi da yaji taci, haka tayitayi har ta canye naman ragon da kaza d'aya sannan tajawo gorar youghout d'in ta aza asama, wata uwar gyatsa tayi had'e da cewa

"d'an buhun uba, wato inana kwance turus kashige d'aka da mata kusha wannan uwar dad'in ni kuma ka had'ani da mai kitse kad'ai, yo waya fad'a maka shikad'ai nake so bana son ita wannan