You Cannot Download this book untill you login but you can read it .

---

Login Register

shi da bazai iya kwatanta taba duk da dai bako yaushe suke had'uwaba, ana haka baba balarabe yasamu sauqi ranar da kansa ya shirya yaje har garinsu baffa bebeji don little nafad'a masa irin kyautatawar da yake yimasa, da yawan tambayar lafiyarsa da yakeyi wanda hakan ya tabbatar masa da akwai abunda take zuciyarsa yake son tambayarsa Kuma yad'auki alqawarin koma me zai faru zai sanar da baffa duk abunda yakamata yasani ko zai rage nauyin dake cikin zuciyarsa, saidai zaiyi hakanne tare da roqonsa alfarmar daya tabbata ba lallene yasameta ba amma yana fatar samunta ko don kaucewa lalacewar zumuncinsa da 'yar uwarsa...

_Bazance komai ba, Amma Ina mai roqonku don ALLAH da girmansa kuyi mani afuwa bisa jini da kukayi shiru, in Sha ALLAH bada jimawa ba zamu kammala littafin nan kusa kusa da yardar ALLAH ngd sosai👏🤝_






*ALLAH KAJIK'AN IYAYENMU*👏😭
[11/14, 22:52] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___82💎

Ba gwaggo Rashida kad'ai ba hattasu Dr da dady sunyi farincikin sakamakon daya zomasu dashi tare da sanya masa albarka, nan take Rashida tashirya masa 'yar qwarya qwaryar walima don nunama ALLAH godiyarta daya gwada mata wannan lokacin,

Bayan ankammala walimar ne data samu halartarsu dady, ammie umma harma dasu Dr. da Fatima da suka kasance masu masaukin baqi, cikin zolaya Dady ya kalli Rashida had'e da cewa.

"To Rashida, tunda yanzu ALLAH yanufa ya kammala karatunsa lafiya sai kiqara dagewa wajen yimasa addu'a domin ba anan nake son karatunsa ya tsaya ba in Sha ALLAH har sai ya had'a master's d'insa, inda nake son turasa qasar Lebenon shida d'an uncle d'inki wato qaninsa Abbaty," d'ansu dr nafarin da akayiwa marigayi baba takwara.

Zaro idanuwa tayi tana kallon dady, da sauri su Dr da fatima harma da su ammie dake kallonta suka qumshe dariyar da tanemi kuccikke masu ganin kallon da takeyi masa suna kallonta, ganin yanda kowa ya tsuro mata idanuwa yasa ta had'iye maganar dake neman fitowa daga bakinta had'e da maida kanta qasa,

Dady da shima dariyar ke neman fito masa yayi saurin had'iyeta had'e da cewa.

"Rashida naji kinyi shiru bakice komai ba?"

Saida ta runtse idanuwanta saboda yanda maganar ta dirar mata a lokaci d'aya cikin zuciya tare da tuna mata da mijin nata da har yanzu takasa mantasa aranta sannan yace.

"Duk yanda kukayi dady ai kuma kuna da iko akan shi, banida ja ga duk hukuncin da kuka yanke akansa."

"To Masha ALLAH, in ALLAH ya yarda nan da wata uku zan..."

Bata bari yaqarasa ba tayi saurin d'ago kanta tana kallonsa had'e da cewa.

"A'a Dady! Agaskiya nidai bana sha'awar hakan ko kad'an, nafiso ya zauna anan gida tare damu yaci gaba da karatunsa ko kuma idan aure yake so sai yayi aurensa, hakan zai fimun kwanciyar hankali sosai fiye da yaje qasar wajen nan qaro karatu!"

Awannnan karon gaba d'aya kasa riqe dariyarsu sukayi duk suka kece da dariya don dama da biyu dady yayi hakan, yana so ne yaje kano nemawa Abu sumayya auren batool kamar yanda ya alqawarta amma baya son Rashida tadakatar dashi ta hanyar qin amincewarta saboda sanin matsayin da take dashi awajen 'yar uwar yarinyar da kuma qanqantar shekarunsa, don lokacin shekarunsa ashirin da biyar bai dad'e da shiga cikin ta ashirin da shida ba, wanda zata iya lab'ewa tanan tace abari sai nan gaba ko kuma tace tafiso yaci gaba da karatun, murmushi dady yayi sannan yace.

"Taya zayayi aure tunda bakyason ya had'a karatu da soyayya, kuma kinsan matuqar yana nan qasar dole sai ya had'asu tunda qara girma yakeyi, inaga zaifi sauqi yaje can yayi karatunsa kinga idan ya kammala sai yazo nan yayi aurensa hankali kwance kamar yanda kika buqata."

'Bata rai tayi kamar zatayi kuka tana kallon dr had'e da cewa.

"Don ALLAH uncle kace wani abun, gaba d'aya dady bai fahimceni ba."

Ware hannuwa Dr yayi alamun babu ruwansa ta kalli umma itama ta kauda kai gefe, wajen ammie tanufa tariqo hannunta tare da cewa.

"Ammie don ALLAH kicewa dady ko duka biyun zai had'a masa na amince amma kar ataurasa wajen nan, wlh tsoro nakeji kar yaje shima..."

Saurin rufe mata baki ammie tayi tana dariya sannan cikin muryarta dake nuna manyantar da tayi tace.

"Kenan kin amince yayi aurensa ko yaci gaba da karatunsa.?"

"Duka na amince ammie idan ma biyu yake so ya had'a amma anan qasarsa."

Dariya ammie ta kwashe da ita sauran mutanen dake wajen na tayata tace.

"Ja'ira, ai dama ansan halinki shiyasa aka b'ullo maki ta hakan, ni Ina ganin nakai ga maigida ya isa aure tunda yanada masoyiyarsa amma duk kikabi kika riqe masa mara kika hanasa fitsari, to yanzu tunda yagama karatunsa lafiya saiki sakar masa ita in Sha ALLAH wani sati alhaji zaije can kano su had'u aje gidansu yarinyar nan a nemo masa aurenta, Ina dai kin amince ko?"

Wata irin kunya ce tarufeta da sauri ta tashi tashige cikin gida sunata yimata dariya, gaba d'aya yau d'an kawicin nata da takeyi masu akn yaron soyayyarsa takasa bari tayi masu don bilhaqqi har qasan zuciyarta bata buqatar yaronta yafita kowace qasa da sunan karatu koda kuwa da gaske sukeyi bazata amince ba saidai aga rashin kunyarta.

Fatima data bita da kallo tana dubin yanayin jikinta, Inka ganta bazaka tab'a yarda cewa ita tahaifi Abu sumayya ba tace.

"Ina ruwan auntyn yara, ai banga laifinta ba nikam, tama d'an jure data iya saurararku, don da nice wlh bori zan azawa, dady ai ko abbaty bazan yarda yaje waje karatuba wlh balle ita da take ganin sanadiyar hakan mahaifin little yabarsu gaba d'aya."

"Da gaskiyarki kema my dota, ALLAH dai yaraya manasu kuma yanuna mana shima mahaifin nasa yadawo, wannan abun da yafaru yana d'aya daga cikin rashin amfanin fita wajen karatu, kawai bama ganewa ne, Amma babu abunda zakaje can qasarsu ka karanto da bazaka iya karantarsa anan qasarka ba, ko tsabar son kai irin nasu nasa suriqe mutum acan saboda basa son cigaban tamu qasar." dady yafad'a cike da takaicin abun.

Ita dai umma tunda taji an d'auko zancen mahaifin little batace komai ba saima komawarta gefe da tayi ta zauna tana kallon samarin dake har had'a kujerun da akayi walima dasu wasu kuma na warware rumfar da aka kakkafa, gaba d'aya bata son jin zancen Dr ko kad'an saboda duk daren ALLAH sai tayi kukan halin da 'yar tata keciki, wanda badon haka ba da yanzu itama ta tara nata zuri'a a gabanta kamar yanda su Fatima da Dr keda su, don yanzu 'ya'yansu bakwai aduniya, bayan haihuwar abbaty, shahid da shahida, walida, sultan da kuma jidda fatima ta sake haihuwar zainab wanda yanzu tanada shekaru goma aduniya saboda haihuwarsu da takeyi kusa kusa daga ita kuma bata sake haihuwa ba.

Ganin haka yasa little yaje inda take ya zauna tare dasa hannuwansa ya tallafe fuskarta yana kallonta, d'an harararsa tayi takai masa ranqwashi akai had'e da cewa.

"Lafiya?" Saida ya d'an sosa wajen yayiwa fuskarsa kamar zaiyi kuka sannan yace.

"Da zafi umma."

"Ai Kai kajawa kanka, meyakawo nan!"

"Haquri nazo nabaki, Naga kamar kinajin haushin mahaifina ne har yanzu?"

Jin tayi jikinta yayi sanyi saboda yanayin yanda yayi maganar sai taji yamatuqar bata tausayi, hannunta ta d'ora akan nasa tana d'an mummurzawa a hankali alamun ban haquri sannan tace.

"Kayi haquri amma Ina matuqar jin haushin mahaifinka saboda yanda yasa mahaifiyarka ta b'ata duka qurciyarta akansa, dole naji ba dad'i ko kad'anne domin bana son ace yanda take 'yah tilo awajena itama yazamana taqare rayuwarta kai kad'ai awajenta, duk da wannan hurumine na ALLAH amma ina fatar ace ita tatara zuri'a fiye dani."

Sosai little yafahimci pain d'in da takeji a matsayinta na uwa, don haka sai yayita fad'a mata kalamai masu matuqar sanyi da kuma dad'i da zasu kwantar mata da zuciya har saida yaga tasaki takoma daidai yanda take d'azu sannan yabarta da yake su dady najiranta suka wuce gida.

Bayan anyi sallar la'asar little ya iske mahaifiyarsa cikin shirinsa na manyan kaya yayi matuqar kyau har yagaji, murmushi tayi data kallesa tare dayin hamdala tana Mai godewa ALLAH acikin zuciyarta da yayi mata ni'imar samunsa a matsayin d'ah, murmushi ya sakar mata ganin rin kallon da takeyi masa itama tana murmushi yace.

"Gwaggona barka da marece, anwuni lafiya?"

"Yawwa little, lafiya klw, wannan irin gayu kuma sai Ina?"

Saida ya sosa kansa sannan yayi qasa dashi had'e da cewa.

"Kano zanje in Sha ALLAH."

"Tohh!..injin dai lafiya?, Ina yau d'in nan da safe kadawo?, to kuma me zakaje yowa a can yanzu?"

Shiru yayi batare daya bata amsa ba yanaci gaba da sosa kansa har lokacin kan nasa na aqasa tayi murmushi don tafahimci inda zancen yanufa!.

"Au shiyasa tun dawuri kaje ka kai qarata gunsu dady akayi mani shigo shigo ba zurfi?"

Dariya yayi tare da d'ago kansa yace, "haba dai mamana!, ALLAH yatsareni da son duk wani abu da zaisa har inkai qararki ko awurin waye kuwa, shi dady kawai alqawari yayimun shiyasa yayi hakan, ni kuma bisa umurninki nayi mata alqawarin bazan sake waiwayarta ba har sai ranar dana cika maki burinki, shiyasa yau dana tabbatar da hakan nake qoqarin itama naje nacika mata alqawarinta."

"To kayi haquri ranka yadad'e har zuwa gobe tukuna kaga yanzu marece yayi, yaushe har ka isa kuma har kace kaje zakaje wajenta, ai kamata yayi ace yau kafin kazo kafara zuwa saboda kada jewad'in yayi yawa."

Zaunawa yayi ya tanqwashe qafafuwansa agabanta kamar mai shirin d'aukar karatu sannan yace.

"Duk duniya Babu wanda yakamata yafara sanin nasarar dana samu inba keba hakan yasa nafara zuwa agareki domin neman sa albarkarki da kuma addu'o'inki kafin naje wajenta, idan hankalinki yafi kwanciya dana bari sai gobe zanyi hakan don faranta maki koda kuwa zuciyata bata so."

"Eh bawai nafi son hakan bane, kakirata kaji idan tayarda kabari sai goben shikenan don kada ta d'aukeka cikin masu karya alqawari."

Murmushi yayi had'e da cewa.

"Dame zan kirata gwaggo bayan tunda muka rabu da ita bamu koma waya ba balle muhad'u da ita, asalima har nasoma mantawa da muryarta saboda nadad'e banji ba, wataqil itama ta canza lambar waya tunda jiya ba yau ba."

Riqe kunnensa tayi had'e da cewa.

"Da kuwa kazamo gajiyayye a fannin soyayya domin komai dad'ewar masoya basu had'uba idan da halacci bazasu manta muryar juna ba matuqar akwai amana a tsakani."

"Kiyi haquri mamana da abunda zance, kenan hakan na nufin har yanzu kema baki manta da muryar abbana ba?."

Jikinta a sanyaye tasaki kunnensa da take riqe dashi fuskarta na mai sauyawa daga yanayin farinciki da take izuwa damuwa, da sauri yayi nail down had'e da cewa.

"Kiyafemun idan fad'ar hakan ya b'ata maki rai, akoda yaushe Ina mai qoqarin nesanta kaina da duk wata kalma data shafi mahaifina saboda nafaranta maki kamar yanda kike buqata amma hakan ba yana nufin na manta dashi bane a matsayinsa na uba awurina, kiyi haquri bana gaji bane da bin umurninki kawai yau natsinci kaina da fad'ar hakanne sanadiyar abunda kika fad'a, don ALLAH kada kiyi fushi dani akan haka"

Ganin yanda yadamu yasa tad'an saki fuskarta tare da d'aga hannu kamar zata maresa sannan ta ajiye tana fad'in.

"Bakayi laifi ba amatsayinka nad'a don ka ambaci mahaifinka, nakan ji ba dad'i kawaine aduk lokacin da aka tuna mani dashi, amma taya kake tunanin zan manta da muryarsa bayan a kullum inajin muryarka?, Hakan zai kasancene kawai idan rouhina yarabu da gangar jikina, tashi katafi, ALLAH yasa kaci galaba a soyayyarka kuma yabaka ikon shiga gaban duk wani Abu da zai shiga tsakaninka da ita, ya hanaka zubar da qwalla acikin soyayyarka kamar yanda nayi."

"Amin ya rabbi gwaggo, Amma nafasa tafiyar sai gobe in Sha ALLAH, bazan iya tafiya nabarki da b'acin ran da nine silar sakaki acikinsa ba koda da qwarar zarra ne."

Wani farinciki taji ya dirar mata azuciya saboda jin kalamansa, tabbas tasan yana iya qoqarinsa wajen faranta mata, don haka itama dole taso duk abunda zai faranta masa, ko kad'an bata tab'a sa tsammanin biyayyarsa tayi girman da zai datse duk wata alaqa da abunda yake matuqar so ba musamman waya da baza'a iya yiwa kowane mutum shamaki akanta ba, murmushin daya fassara masa irin farincikin dake zuciyarta ta sakar masa had'e da cewa.

"Tashi kaje marece nayi Abu sumayya, ALLAH ya tsare hanya, kuma kagaishemun da ita sosai kaji ko.?"

Cikin qwarin guiwa yamiqe yanajin farinciki shima aransa tare da yimata sallama sannan yabar d'akin, part d'in Fatima yanufa itama yayi mata sallama had'e da kama hanya yana mai fatar samun masoyansa cikin qoshin lafiya.

Bashi ya isa kano ba sai zuwa qarfe takwas da rabi na dare, kai tsaye ya nufi anguwar su batool batare daya biya ko Ina ba don ko baba balarabe da baffa bai sanar dasu zancen zuwansa ba saida ya iso sunata mamakin abunda ya dawo dashi bayan sunsan yau yakoma,

A anguwar sharad'a phase 1 little yasa Mai mashin d'in daya d'aukosa ya ajiyesa kamar yanda batool ta tab'a fad'a masa.

Bayan ya sallami mai mashin d'in yanufi qofar wani gida daya hango mai gadin gidan awaje shida wani mutum saman kujeru, hannu yamiqa masu duk suka gaisa sannan yashiga tambayarsu don ALLAH a ina ne gidan Alhaji umar fari,

Tasowa d'aya daga cikinsu yayi ya d'an matso kusa dashi tare da nuna masa wani gida can gaba kad'an da yatsa yana fad'in.

"Kaga wacan gidan mai gate kalar ruwan qwai?, to ka matsa gaba canne gidansa?"

"Alhaji umar fari nake tambayarka fa?"

"Eh! Kaje mana canne gidan, halan kai baqone agarin?"

"A'a! kawai dai bansan gidan bane."

Little yabashi amsa had'e da miqa masa hannu yayi masa godiya sosai sannan yawuce.

Bakin gate ya tsaya lokacin daya isa qidan yana qarewa girmansa da had'uwarsa kallo, gabansa ne ya soma fad'uwa da sauri ya dafe qirjinsa tare da isa jikin gate d'in ya d'an qwanqwasa mai gadin ya leqo had'e da cewa.

"Waye?"

"Amm..nine?"

"Kaine wa?"

"Baqon batool ne."

Bud'e masa yayi tare da cewa ya shigo, bayan yashiga ciki maigidan yadinga qare masa kallo tun daga sama har qasa sannan yace.

"Jira, Bari afad'o mata."

A daidai bakin qofar shiga falon part d'insu batool ya tsaya tare dayin sallama,

Cikin sa'a kuwa yaji muryarta ta amsa lokacin ita kad'aice a falon kwance tana faman karanta wasiqar jaki, gaba d'aya tashin hankalin da take ciki akan mazajen da mahaifinta ke kawo mata ta aura tana bijirewa yasa ta manta cewa shekarar da take zaman jira ta shigo har taqare batare data sani ba, gaba d'aya tarame ta lalace saboda matsi da takurar mahaifinta, Babu wani farinciki da take samu awajensa yanzu saboda gazawar da tayi wajen yimasa biyayya, gashi bai saba mata da hakan ba sai abun ya kashe mata biyu, agefe d'aya tunanin masoyinta da d'imbin soyayyarsa dake qara cika tana timbatsa acikin zuciyarta ad'aya gefen kuma takura da kuma damuwar da take cikine sai sukabi suka tasota agaba tabi duk taqare, Yauma saida mahaifin nata yayi mata duka saboda b'acin ran da tasashi aciki na walaqanta d'an amininsa da yazo wajenta bisa umurnin mahaifinsa akan zasu had'asu aure kuma yaganta yace yana so, zaune suke a Paris hutun da aka samu yadawo dasu nageria, ai kuwa tayi masa tas, tabuga masa warning akan ya nesanta kansa daga mafarkin dake nuna masa cewa yanemi soyayyarsa domin itad'in mallakin wani ce, gaba d'aya rouhinta, da kuma gangar jikinta na masoyinta ne kuma koda zai shekara d'ari yana bibiyarta bazata tab'a amince masa ba balle yasa ran zata auresa, da taga yanace yana son takurata harda riqe mata mayafi ta zabga masa mari had'e da cemasa yayi kuskuren aikata mata hakan domin hatta abubuwan da suke mallakinta mutum d'aya ne keda hurumin tab'asu, shine masoyinta, cikin gida tashiga ta d'auko ashana tare da kalanzir ta canzo wani mayafi tazo da wanda tacire ta jefasa agabansa tasa masa kalanzir ta cinna masa ashana yaqone, Saida yagama qonewa sannan ta d'ago kanta had'e da cemasa, "kamar yanda kaga na qona wannan mayafin haka zan qona duk wata zuciya da tayi qoqarin tunkarata da kalmar so, zaifi sauqi agareka ka manta da wannan kalmar agareni acikin rayuwarka ni kuma nayi maka alqawarin zanci gaba da kallonka a matsayin Yaya Kuma nabaka girma a matsayinka nad'an aminin mahaifina, ai kuwa tana rufe baki taji an d'auketa zazzafan marin da saida taga wuta, ashe duk abunda yafaru mahaifinta nacan daga gefen corridorn bayan d'akinsa yana hangota, shinefa har ya iso bata sani ba ya d'auketa mari, da gudu tayi cikin gida yabita yayi mata shegen duka, da Kuma yasanarwa da mahaifiyarta shine itama tayimata fad'a sosai kuma ta d'auki fushi da ita.

Tana tunanin wud'annan abubuwanne taji mai gadin yace.

"Wai anayiwa batool sallama."

"Je kace bata nan." Tabashi amsa ataqaice cike dajin haushi.

Bayan mintuna biyu ya sake dawowa yace.

"Wai yace don ALLAH kizo ba dad'ewa zaiyi ba kawai yanaso yagane kine."

"Kaje kace masa bana buqatar hakan koshi waye."

A hasale ta taso lokacin da taji yadawo tana fad'in.

"Idan kasake dawowa nan wlh saina tabbatar abakin aikinka."

Cikin rawar murya mai gadin yace.

"ALLAH yabaki haquri ranki shi dad'e ai har ya tafi, Amma yace afad'a maki Abu sumayya ne daga borno.."

Ai kafin yarufe baki da gudu tafito cikin falon har tana turesa gefe da kad'an ya fad'i tanufo bakin gate tana fad'in...







*ALLAH KAJIK'AN IYAYENMU*👏😭
[11/14, 22:52] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___81💎

Duk iya qoqarin da baffa Usman zaiyi awajen don ya gamsar da baffa cewa Nuraddeen ba'a bisa hankalin kansa yaqi dawowa qasarsa ba qinyarda yayi daga qarshema ya shashantar da maganar tahanyar yiwa baba balarabe da shima yake had'a baki da da baffa Usman wajen qoqarin lurar dashi nuni da kwanon furar dake gabansa yana fad'in.

"Bisimillah malan balarabe kasamu ko furar ce kasha maqoshinka yabud'e sannan kaci abinci tunda naga nema kake ka ida dallashesa bayan kukan da kasha." Yaqare maganar cikin zolaya gaba d'aya sukasa dariya.

'Daukar kwanon furar yayi yasha sosai har saida yakusa shanyewa sannan ya ajiye baffa yace.

"Yawwa ko kaifa, yanzu fad'amun ya labarin 'yatah Rashida da mahaifiyarta?, Suma suna fushi damu ko?"

"Gaskiya banace haka ba, Amma dai ita mahaifiyarta taji ba dad'i sosai musamman da yarinyar taqi amincewa da hukuncin da shi mijin mahaifiyarta yayi yunqurin d'auka naganin yazo in akwai hanyar da za'abi don samun maslaha abi idan kuma babu sai aje kotu taraba auren, acewarsa bazai yuyu ta zauna da aurensa ba kuma bayanan."

"ALLAH sarki, dole zataji hakan ai, abubuwanne sunyimata yawa akai, Kuma bai kamata abiyewa ra'ayin yarinyar ba tunda ko musulunci bai yarda da hakan ba, kaga dai har yau babu wanda aka cutar acikin wannan al'amarin kamar ita Rashida, mtsss kwata kwata wannan abun beyi dad'i ba, wlh da anje kotun anraba auren da duk sai yafi akan wannan zaman da tayi tab'ata quruciyarta gaba d'aya ga wanda baisan darajar aure ba."

Baffa yaqare maganar cike da damuwa d'auke a fuskarsa, bashar (Abba) ne yashigo shida yayunsa asiya da Bilkisu riqe da jikunkunan littafansu na leda zasuje islamiya baba nusaiba tabakkasu abinci ga kwano sukawowa Yaya hawwa, kasancewar shine agaba yana hango baffa yarugo yafad'a ajikinsa, nan take duk damuwar dake tattare afuskar baffa ta b'ace ya d'agosa cike da fara'a yana fad'in.

"A'a aminina har anfito zuwa makarantar?"

"Eh baffa, Ina wuni?"

"Lafiya klw aminina, injin babarku tabaka abinci kaci ka qoshi." Yaqarasa maganar yana dariya tare da d'an mammatsa cikinsa.

Dariyar shima yayi sannan ya juya yaje wajen baffa Usman yabashi hannu suka kashe don shine gaisuwar tasu yana fad'in "Ina wuni baffanmu?."

"Lafiya klw malan bashar, za'a makarantar ko?"

"Eh.."

"To madallah, Allah yabada ilimi mai albarka."

"Amin." Yaron yafad'a tare da juyawa wajen baba balarabe daya hangosu asiya duqe agabansa suna gaishesa shima yaje yamiqa masa hannu sukayi sallama sannan ya gaishesa, dariya sosai yabawa baba balarabe ganin yanda yamiqo masa hannu suka gaisa batare da tsoro ba kamar yanda sauran yara keyi, yace

"Agaida yayana aminin baffansa, ALLAH yayi maku albarka." Ya amsa da amin mungode sannan yabi bayan 'yan uwansa da suka nufi cikin gida yana tsalle tsalle.

"Aminina kenan!, ALLAH yasa kagado mai sunanka da dukkanin nagartarsa."

Su baffa Usman suka amsa da Amin, aranar baba balarabe yaga irin tsantsar soyayyar da baffa keyiwa d'an uwansa don gaba d'aya firar tasa komawa tayi akan rayuwar da sukayi da abokin nasa alokacin da yake raye, wani wuri yana basu labari yana dariya wani wuri Kuma saidai ya girgiza kai ya goge qwalla had'e da cewa ALLAH yajiqansa.

Suna zaune bayan sun dawo daga masallaci sallar la'asar saiga kiran little ya shigo awayar baba balarabe, yana dubawa yaga kusan 21missed call daga mabanbantan lambobin daban daban saboda a silent wayar take, yana d'agawa little yafara fad'a dashi yana fadin.

"Haba d'an tsohona, a Ina ka shigane yau tun safe aketa nemanka ba'a ganka ba kuma anata faman kiran lambar wayarka kaki d'agawa sai yanzu?, ga wannan rigimammiyar tsohuwar nan yayarka tazo dubaka da jiki ta tadda baka nan, a maimakon tajira kadawo sai masifa takeyi da tsofaffin mutane wai ansan bakada lafiya akabarka kafita, duk inda ya kamata nadubaka na dubaka amma ban sameka ba, yanzu haka ganinan kasuwa nazo shima baka nan su uncle hassan kawai na isko, har a rumfar kaka naje nanma baka nan, Ina kajene gaba d'aya duk kabi ka tada mana da hankali?"

Maganar yakeyi batare da yabashi damar da zai amsa masa tambayoyin da take yimasa ba, hakan yasa baba balarabe yayi murmushi had'e da katse wayar, ko ajiyeta beyi ba yasake kira awannan karon cikin girmamawa yace.

"Yihaquri d'an tsohona, hankalinmune yatashi kasan bazamu iya jurar wani abun ya sameka ba, kana inane ranka yadad'e baban gwaggonah."

"Canake ko inbari harka gama fad'an tukuna sai na amsa maka tambayarka ko kuwa."

"A'a d'an tsohona Yihaquri natuba fad'amun inda kake inzo in d'aukeke."

Rage murya baba balarabe yayi kamar mai tsoron wani abu yace.

"Kana inane kai yanzu."

"Ina nan kasuwa,"

"To I akwai kud'i a hannunka kaje tasha inda kake rakiyar dattijon nan abokina kashiga mota kazo ina nan qauyen nasu, Idan kazo sai kakirani, kuma kada kafad'awa kowa kaji?"

Gaban little ne yafad'i cikin sarqewar murya yace "e.e.eh naji, amma meyake faruwane?, me kajeyi acan? lafiya d'an tsohona?"

"Lafiya klw lele, kaidai kazo, Idan kazo zaka samu dukkanin tambayoyinka acan, maza ina jiranka, kaga marece kenemanyi"

Bai bari yasake jefo masa wata tambayar ba ya kashe wayar tare da sauke wata it ajiyar zuciya.

Little naji ya kashe wayar da sauri yakoma shagonsu ya karb'i dubu d'aya a hannun uncle hassan don d'ari uku kacalce a aljihunsa ya nufi tashar da ake shiga motar bebeji, yana zuwa shine naqarshe ya shige sukabar tashar gabansa kuwa sai faman fad'uwa yakeyi shi kuma yana cigaba da karanto addu'o'in daya sani abakinsa.

Kasancewar drivern motar na gudu yasa suka isa cikin qanqanin lokaci ya kirasa had'e da sanar dashi cewa sun iso, kallon baffa usman yayi tare tambayarsa Ina zai cemasa akawosa ya fad'a masa sannan ya sanar dashi, saida yanemi mashin ya hau ya fad'a masa sunan inda zai kaishi yaji yafad'a daidai sannan yakashe wayarsa,

Kallonsa baffa keyi yanajin wani farinciki marar misaltuwa aransa, wai yau jikansane da aka fita da cikinsa acikin gidannan zai sake tako da qafafuwansa bayan tsawon wasu shekaru, tabbas ALLAH mabuwayine acikin al'amurransa don in bashi ba babu wanda ya isa yayi hakan, shikad'aine ya isa yanuna ikonsa ga yanda take buqatar wanzuwar abubuwa alokacin da yakeso kuma alokacin da yaga dama, bini bini baffa yakai kallonsa ga abakin qofar zaure yana jiran isowarsa, gaba d'aya ya matsu sai mutsinniya yakeyi tamkar wani yaro kai kace yauce rana tafarko da zai fara had'uwa da little d'in, murmushi baffa usman yayi yana kallon yanda fuskar baba balarabe kefidda annuri, shima sai kallon baffa yakeyi da alama yasamu farinciki sosai da gamsuwa akan abunda ya aikata yau.

Tsayawar Mai mashin aqofar gida yasa baffa Usman saurin fita ya samu yana sallamar mai mashin d'in, har little yaciro wayarsa zai kiran baba balarabe sai yaga baffa Usman