You Cannot Download this book untill you login but you can read it .

---

Login Register

fita sautinsa bayayi saidai sheshshekar da take famanyi kamar za'a cire ranta,

'Dagota uncle Hussain yayi had'e da riqo hannunta na dama uncle Hassan yariqota a gefen hagu suka nufi part d'in Abba inda d'akinsa yake, suna zuwa suka tarar da qofa kulle suka bubbuga yaqi bud'ewa, sunfi mintuna biyar suna magana amma bai tanka suba balle susa ran zai bud'e hakan yasa suka juyo da ita tana kuka tana waiwayen qofar d'akin had'e da kiran sunansa amma yaqi bud'ewa.

Ganin har zasubar part d'in bai bud'eba yasa ta kwace hannuwanta da gudu takoma bakin qofar d'akin tana kuka tana bubbugawa.

"Abbana don ALLAH kabud'e, Abbana, Abbana to kayimun magana ko zan samu albarkarka kaji Abbana, Abbana don ALLAH kabud'e na sake ganinka ko sau d'aya ne.."

Yana jinta yayi banza da ita harsu uncle h suka gaji suka dawo suka riqeta, wani irin kuka tafashe dashi had'e da cewa.

"Wayyo Abbana..za'a tafi dani don ALLAH kafito, abba, Abba.."

Ganin bazai tankata ba yasa taroqi su uncle subarta ko sau d'aya tayi magana dashi, bakin qofar takoma ta jingina tana fad'in.

"Abbana ina matuqar qaunarka, nasan cewa kana fushi dani bisa bijire maka da nayi amma don ALLAH ka yafemun, zan tafi cike da d'imbin kewarka azuciyata, ban sani ba zan dawo agareka ko kuwa rai zaiyi halinsa kafin nadawo gareka idan ka dena fushi dani, zan rayu cike da tsammanin cewa wata rana zaka waiwayeni da idanuwanka na rahama da kuma tausayina, Abba kacire damuwa akaina, natabbata cikin 'yan uwana da yawansu zasu share maka hawayen wannan halin dana saka, kayi haquri nakasa sarrafa zuciyata tafi qarfina akan abunda take so, Ina sonka abbana, Ina roqon ALLAH daya tabbatar da kai cikin amincinsa ya cika qirjinka da farincikinndan kasa sakaka aciki."

Tana rufe baki uncle Hussain yaja hannunta suka fita da ita kuka takeyi sosai kamar ranta zai fita har suka kai bakin motar da zata shiga, tana aza qafarta da sauri ta dawo da ita had'e da juyowa jin takun tafiyar da tasan ta mahaifinta kawai ce, shine yafito yana nufato inda suke fuskarnan tasa ba walwala aciki da gudu tanufi wajensa zata rungumesa yayi saurin dakatar da ita, tahanyar d'aga mata hannu, cak tsaya batare daya damu da wud'anda ke tsaye wajen ba yace.

"Nayafe maki Fatima Amma bisa sharad'i d'aya."

Da sauri ta d'aga masa kai tana qoqarin qarasowa inda yake ya sake dakatar da ita, alokacin su uncle h suma suka matso don sauraren me zaice suma ya dakatar dasu ta hanyar cewa.

"Ina buqatar yin magana da ita kad'aine ba daku ba, kunyi yanda kuke so naqyaleki, kun nuna isarku akanta na amince da hakan ayanzu kuma Ina so in nuna maku tawa isar akanta har ma daku gaba d'aya"

"Batool kije nayafe maki Amma bisa sharad'in karki sake tako qafarki anan gidan har sai lokacin dana barsa ko kuma raina ya rabu da gangar jikina, idan kuma kika kaucewa hakan to kitabbatar babuni babu ke kuma nafiddake a matsayin 'yata, Zaki iya had'uwa da duk wanda kike so ciki harda mahaifiyarki Amma ba'a cikin gidanan ba."

Yana gama fad'ar haka tajuya yanaci gaba da cewa.

"Wlh wlh duk Wanda yasa takarya wannan umurni nawa acikinku to yakarya dangantakar dake tsakanina da ita na uba da 'ya kunji nafad'a maku."

Bud'e da baki suke kallonsa don Basu tab'a tsammanin cewa zuciyarsa zata kasa lanqwasawa ba da kalaman da 'yarsa tayinmasa sai yanzu, asali ma da sukaga yafito sun zata ya saukone ashe wata baqar zuciyarce tasa taso, ai kan su juyo batool tazube awajen some sukayo kanta aguje.

Hajia mamace tafito tana hawaye riqe da cup da ruwa aciki ta yayyafa mata ta farfad'o, tana bud'e ido tafad'a jikin mahaifiyarta tana kuka, d'agata tayi tariqata takaita har cikin mota sannan tace.

"Batool indai ni nahaifeki Ina roqon kibi umurnin mahaifinki tunda yace hakan kad'aine zaisa ya yafe maki, kici gaba da addu'a nima zanyi maki ALLAH ya sassauta masa zafin rai, addu'a ta Kuma natare dake duk inda kika shiga in Sha ALLAH dakansa zai nemeki, b'acin rai yasa dole yayi haka Amma Ina roqon saukowarsa akoda yaushe, kidena kuka kinji ko Nima zanci gaba da rarrashinsa har zuwa lokacin da zai sauko."

Ta share mata hawaye sannan tanufi cikin gida itama tana share nata hawayen da suka jiqa mata fuska...




*ALLAH KAJIK'AN IYAYENMU*👏😭
[11/14, 22:52] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___90💎

Ana fara kiraye kirayen sallar asuba little ya miqe daga kan gadon don dama baiyi bacci ba, tun faruwar abubuwan da suka wakana tsakaninsa da ita adaren jiya ya kasa rumtsa idanuwansa sai albarka yake samata, wani irin farinciki da nishad'i marar misaltuwa ya tsinci kansa aciki, tabbas batool alkhairice sosai agaresa domin adaren yau kad'ai ya gamsu da kasancewarta acikin rayuwarsa, kallon yanda take fidda lumfashinta hankali kwance tana barci yayi had'e dayin murmushi yana shafa fuskarta had'e da cewa.

"Waye yafi Abu sumayya samun mata 'yar baiwa kamarki, waye zai kaini sa'ar samun mace tagari a duniya? Gaba d'ayanki komai naki yiyi d'ari bisa d'ari bakida wata matsala, fatana ALLAH yabani ikon kulawa dake sosai ta yanda zanci gaba da alfaharin kasantuwata dake nahar abada."

A hankali tafara bud'e idanuwanta har suka sauka akan kyakkyawar fuskarsa, murmushi ya sakar mata itama ta mayar masa tare da d'ora hannunta akan nasa dake saman fuskarta.

"Lafiya Abu sumayya?"

"Ina fa lafiya nayiwa gimbiyata laifi!"

"Hmm! Ai duk abunda zakayiwa gimbiyarka bazakayi laifi awajenta ba matuqar kayi hakanne don kasamu farinciki."

"ALLAH gimbiya ta?"

"Sosai kuwa." Tafad'a had'e da rufe idanuwanta kamar mai shirin komawa bacci, jawo hannunta yayi ya sumbata sannan yace.

"Nagode sosai gimbiyata ALLAH yayi maki albarka, kin sakani acikin farinciki da bakina bazai iya misaltasa ba kuma komai zsn baki aduniya bazai iya biyan wannan daren alkhairin da kika tanadarmun ba, amma nayi maki alqawarin cewa matuqar muna tare araye zan bautawa soyayyarki har iya qarshen rayuwata, zan kula dake kuma nabaki gatar da bazan tab'a bari hawaye su kwaranya awud'annan kyawawan idanuwan naki ba, Ina sonki da qaunarki acikin zuciyata, rouhina dama dukkanin gangar jikina."

Wata irin ajiyar zuciya ta sauke tashiga bud'e idanuwanta ahankali tana kashe masa su had'e da cewa.

"Idan kayimun haka kagama mani komai Abu sumayya, ka biyani dukkanin dakon qaunarka da nakeyi azuciyata har kabiyoni bashi."

"To kid'auka hakanma tafaru matuqar ina raye, yanzu muje na taimaka maki kiyo wanka kafin a kirayi kiran sallah na biyu."

"Karka damu zan iya da kaina, kaje kafarayi karka rasa jam'i."

Baiyi mata musu ba ya miqe had'e da shigewa toilet ya tsarkakikke jikinsa tare da d'auro arwala ya fito ya zura babbar rigarsa sannan yanufi masallaci, bayan yafita itama tamiqe taje tayo wanka tayi sallah, tana sallamewa tasamu katsar watsar tayi azkar saboda baccin dake damunta tamiqe ta kakkab'e gadon taqara gyarasa sannan takoma ta kwantawarta tana mai jin wani irin farinciki ya mamaye mata dukkanin zuciya.

A b'angaren Shakur dai shima kusan hakan ta kasance, yasamu iman d'insa ayanda yake buqata yayita sanya mata albarka, kuka kam tashashi sosai tare da zuba masa shagwab'a shikuwa sai nan nan yakeyi da ita.

Da safe umma ta tashi dawuri ta shirya abun karyawa lafiyayye tasa shahida 'yar su Dr da yake anan gidan dady takwana tace taje takai masu, Saida tafara biyawa gidansu Shakur takai masu nasu sannan tawuce gidansu little, lokacin yana kwance a falo donnkoda yadawo daga masallaci ya isko takoma bacci, saboda bayason takurata yasa ya dawowarsa falo ya kwanta don inhar ya kwanta inda take to ya tabbata bazai iya qyale taba, gashi tamatuqar shan wahala jiya amma saboda jarumtarta takasa hanasa har saida ya samu gamsuwa, don haka bazaiso ya takura taba yanzu.

Jin ana bubbuga qofa had'e dayin sallama yasa ya tashi yaje ya bud'e, d'an rissinawa shahida tayi ta gaishesa sannan tawuce ciki ta ajiye kwandon abincin, tsaye tayi tana murmushi yace.

"Yaya aunty batool fa?"

"Bacci takeyi shahida ko a taso tane?"

"Eh yaya, Ina son mugaisa ne sai in fad'a mata saqon umma."

Tsura mata idanuwa yayi kafin yace.

"A tasota fa kikace shahida! Cab gaskiya saidai ki haqura anjima kidawo, fad'an saqon na umma sai nafad'a mata idan ta tashi."

B'ata rai shahida tayi had'e da turo baki tana fad'in.

"Yaya wato rowar auntyn tamu zaka yimani, ALLAH baran sake dawowa ba idan kace haka?"

"Eh naji! jeki abinki baza'a tashetan ba, haka kawai zakice atasheta tana bacci don ki ganta, Ina ai shikenan yanzu kullum tana tare daku? to meye na neman takurata awannan lokacin?"

"Lalle Yaya, Aikuwa saina fad'awa gwaggo wlh."

"Eh kifad'a mata, nasan ai itama bazata so atakurawa 'yarta ba."

Yana rufe baki batool nafitowa daga cikin d'akin ta taso saboda muryoyinsu data dingaji sama sama wanda sune suka tasheta daga baccin, dariya shahida tayi tare da qarasawa inda take tana fad'in.

"Auntynmu barka da safiya. Ina kwana" Har lokacin idanuwanta nakan little dake faman zabga mata harara.

Cikin sanyin muryar dake nuna tashinta daga bacci kenan tace.

"Yawwa! lafiya klw shahida ko?"

"Eh aunty." shahida tafad'a tana qara fad'ad'a murmushin dake kan fuskarta, qarasowa cikin falon batool tayi tana d'an yayyamutsa fuska saboda d'an zafin da takeji qasanta duk da dai ba irin sosai d'innan ba shahida nabiye da ita ta zauna akan kujera, kallon little dake faman binta da kallo tayi tare da sakar masa murmushi sannan tace.

"Barka da safiya ranka shidad'e, antashi lafiya."

"Lafiya klw gimbiya, am sorry wannan talkative d'in ta tayar mani dake ko?"

Fuskarta na d'auke da murmushin tajuyo tana kallon shahida da tuni sun gama burgeta tace.

"Shahidaya gida yasu gwaggo da mama?"

"Lafiya klw suke duk da dai ba'a can nakwana ba gidansu dady."

"ALLAH sarki, to yasu umma dasu ammie da aunty?"

"Kowa lafiya, umma cema ta aikoni nakawo maku abun kari, tace na gaisheki sosai kafin tazo?"

"To kice nagode shahida, Ina amsawa sosai nima ina gaishesu."

"Zasuji aunty, bara natafi kafin idanuwan Yaya su fad'o qasa." tafad'a had'e da miqewa tana dariya,

Hannu ya d'aga kamar zai mata soqo tafice aguje tana yimasu sai anjima.

Da kansa yajawo kwandon abincin zaiyi mata saving ta dakatar dashi, d'aki takoma tayo brush tafito shima yaje yayo nasa sannan ta zuba masu a plate be d'aya sukaci suka qoshi ta kwashe kayan da suka ci abincin taje ta d'auraye sannan takoma d'aki ta sake kwantawa,

Hakan yasa yashiga gyaggyara duk inda yakamata duk da bawani datti yayiba sannan shima yakoma inda take ya kwanta tare da jawota ajikinsa suka koma baccin atare.

Basu tashiba sai kusan qarfe sha d'aya na safe, shima d'in abbaty ne yakirasa awaya ya sanar dashi cewa Dr yace su shirya za'azo a d'aukesu zancen walima an mayar qarfe sha biyu na rana zuwa qarfe d'aya saboda mutanen kano da zasu koma don dama da marece aka shirya yinta to saboda su 'yan kano da sukazo kawo amarya dady yace ayita da Sha biyun zuwa d'aya saboda su samu su tashi dawuri donsu isa gida cikin lokaci.

Kasancewar lokaci yaqure yasa agurguje sukayo wanka suka fito little yafiddo mata da wasu sababbin kaya da batama san dasu ba rigar naja har qasa tasaka, sosai tayi mata kyau shima yasa nashi kala iri d'aya da nata, sun matuqar yimasu kyau sai faman qyallin amarci sukeyi,

Kallon juna suka shigayi saboda kyan da sukayi atare sukace kinyi kyau itama tace kayi kyau har suna rigegeniyar fad'a, a hankali ya tako zuwa inda take yariqo goshinta ya sumbata yana fad'in.

"Masha ALLAH, matata tafi takowa! Gimbiya kinga yanda kika sake had'uwa kuwa!, Gaskiya nafiye sonkai da yawa da nayiwa maza zarra nayi masu wayon mallakarki nikad'ai, na tabbata da sunada dama da sun dingi yanka Naman jikina d'aid'ai saboda takaicin hakan ko zasu rage zafi."

"ALLAH Abu sumayya! Karfa kafasa mani kai kasa nakasa kallon kowace mace a matsayin macce awurinka inba niba."

"Da zakiyi hakan da nayi maki tukuici mai tsoka don kin gama cika mani burin dake Raina."

Odar motar da suka jiyo awaje lokaci d'aya kuma wayar little tad'au ruri yasasu tsaida kalamansu, ganin abbaty ne yasa little riqo hannunta batare daya d'aga kiranba suka fito suna taku d'aid'ai, kana ganinsu ko ba'a fad'a maka ba kai kasan sababbin amarene dake matuqar son junansu, bud'e mata baya yayi tashiga sannan shima yashigaya zauna agefenta ya rufo qofar,

"Ahh! Driver zan koma maku little dad!?"

Abbaty yafad'a yana qoqarin tayar da motar had'e da juyowa yana kallonsu, Masha ALLAH yafad'a azuciyarsa ganin yanda sukayi kyau sosai sannan ya gaida batool ta amsa masa a kunyace, kallon Little da idanuwansa ke kansa yayi shima ya gaishesa ya amsa masa da cewa.

"Lafiya lau, barka da safiya old man! tazurun gidan Abba?"

"Iyyeeee, lallai Abu yakawo ga ma'iya, Bakomai indai da rai wata rana jaririma angone! Lokacinmu nazuwa in Sha ALLAH."

Haka suka dingi fira suna tsokanar juna har suka isa, lokacin su Shakur har anmanta da an iso yana gefe inda aka tanadar masu shida amaryarsa sun had'a kai sai qusqus sukeyi ko kunyar idanuwan mutane basaji.

Manyan malamai Dr yakira sukayiwa ma'auratan nasihohi masu ratsa zuciya akan haqqoqan junansu dake kansu sannan aka rufe taro da addu'a aka watse, wasu dalleliyar mota guda biyu Dr yabawa shakur da little bayan anwatse lokacin daya gama yimasu nasiha gaba d'aya, sunji matuqar dad'i sosai sunata yimasa godiya har saida yagaji da amsawa yakoma yimasu murmushi kawai.

Rashida kuwa dasu umma da dady saida suka had'awa matansu auncle h shatara ta arziqi sannan suka d'auki hanyar zuwa gida suna masu yabawa zallar karamci da irin da cewar sarakanan arziqi da batool tayi bayan sunyi mata nasiha tariqe mijinta hannu biyu da danginsa tanata kuka da zasu tafi.

••• ••• •••
A b'angaren b'angarensu Inna ruqayya da baffa Ali kuwa halinsu na nan Babu abunda ya sauya, ita dai Bata daina yawon baran da take fita tare da muneera ba duk da kuwa irin taimakon da suka samu daga wajensu baffa Usman da baffa, ga Yusuf shima sai tashi fad'i yakeyi dasu amma duk bata gani tafiso tafita baran, shi Kuma baffa Ali qafa takumbure har tafara fidda ruwa tana wari amma hakan yaqara sashi komawa fitinanne fiye da da, kullum cikin tsinar d'iyan gida yake idan sun wulga ta d'akinsa yana d'ebewa iyayensu albarka, gani yakeyi kamar wani ya azo masa lalurar da yake ciki, musamman ganinsa da yakeyi zaune kullum cikin gida shikad'ai, sai yawuni a d'aki babu wanda ya leqasa saboda masifarsa inba Yusuf ba wanda hakan ke matuqar qona masa rai har yake tunanin tabbas yayan nasu ba qaramin juriya da haquri yayi ba lokacin da ALLAH ya jarabcesada had'arin daya samashi lalurar zaman gida ba tafiya kamarsa.





*ALLAH KAJIK'AN IYAYENMU*👏😭
[11/14, 22:52] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

_😅Bazan manta da kuba domin nakan taka salon kowace rawa tawa da bazarku, *AISHAFAREEDA, OUM AMEERA, AINA'U BASHIR (MAMAN UMMU SALMA), MURJA TSAFE, MAMAN MUHAD, KUBRA, HIJJA YAKS,MAMAN KHALEEL, MY SIDIYA, AISHATU MJ, @AISHABALA37, UMMIEY ALKALI SANI, BODINGA, HAUWA'U A AUWAL SARINA, BILQEESU LAMEEN, PRINCESS NANA, UMMU KHALIL, NASMI🥰, MOMYN AMATULLAH, RUQAYYA YUNUS, MAMAN SALEEM, MAMANBAFFA, MAMAN FATI,* wash... a gaskiya kunada yawan gaske da bazan iya ida lissafeku acikin wannan page ba, Ina miqo gaisuwa tare da fatan alkhairi agareku bisa lokacinku da kuke bayarwa wajen nuna gamsuwarku ga saqon da nake son isarwa har kuke bibiyarsa tare da addu'o'in fatan alkhairi agareni, nagode sosai ina fatan ubangijina ya yalwata rahamarsa agareku da dukkanin ahalinku, haqiqa Billy s fari takuce kuma kuma d'in natane, Ina mai addua'ar ubangiji ALLAH yabar tarenmu har a aljannah.🤞🏻ALWAYS ONE LUV NI DA KU😍_


Page___89💎

Su uncle h su suka d'auki batool cikin mota tare da matansu suka d'auki hanyar zuwa borno, momy kuwa matar Abba dasu Yaya Maryam da aunty marwiyya da d'aya daga cikin matan baba balarabe motarsu abbaty da akazo biko da ita suka shiga tare dani bayan motarsu uncle h sannan sauran motoci suka bi bayansu, misalin qarfe uku na rana suka miqi hanya amma basu isa ba sai qarfe takwas da rabi na dare,

Kai tsaye gidan dady aka nufa da amarya lokacin ankawo imana amaryar Shakur itama, haka dady da matansa da Dr suka had'asu tare suka yimasu nasiha, nan ma saida batool ta sakeyin kuka don ta tabbata tarabu da iyayenta kenan sai Kuma idan ALLAH ya sake had'asu in tatafi kosu in sunzo wajenta, bayan an gama masu nasiha hajia nafeesa tayi gyaran murya zatayi magana dady ya dakatar da ita had'e da cewa "kutashi kutafi ALLAH yayi maku albarka kuma ya zaunar daku lafiya da mazajenku yabaku 'ya'ya nagari."

Suna fita dady ya juyo ya kalli hajia nafeesa had'e da cewa.

"Karki kuskura koda wasa naji kin shiga hurumin yaran nan har sai lokacin da kikayi hankali.."

Su umma najin haka suka miqe ita da ammie sukabar d'akin don basuda alaqa da maganar da yake qoqarin yi, batare daya dakatar dasu ba yaci gaba da cewa,

"Ayanzu bakida wani iko akan batool tunda takoma qarqashin inuwar mijinta wato Nuraddeen, dama nafad'a maki cewa duk abunda zakiyi baki isa ki dakatar da qudurar ALLAH akan wud'annan bayin nasa ba domin yana tare dasu, to kinga ya nuna maki d'aya daga cikin ikonsa wanda da kinci gaba da tsaurarawa to da tabbas kin jawowa kanki matsowar ajalinki kusa don shi rabo Kashi yakeyi, sai maganar hafsat wato iman, ban yarda koda wasa wani abu marar dad'i ya shiga tsakaninki da itaba don tana auren d'anki, kitsaya matsayinki in ba haka ba tsattsauran hukunci zai biyo bayanki kinji nafad'a maki."

"Amma meye dalilinka na hanani yin magana amatsayina na uwar miji ga surukata da aka kawomun kuma agabanta bayan kowa ka barshi yayi magana? Wannan ai salon arainani ne da kuma cin fuska."

"To koma dai meye kinji abunda nafad'a maki don haka sai ki kiyaye kafin tab'atar mana ni dake."

Yana gama fad'an haka yafice ya samu su uncle Hussain awaje suka sake gaisawa tare da damqa masa amanar batool ahannunsu don tuni baffa da mijin yaya Maryam suna tare dasu tunda suka iso,

Ita dai iman gidanta aka wuce da ita, ita kuma batool gidan Dr aka nufa da ita inda Rashida, cike da farinciki Fatima ta taso ta tarbosu tana rungumota ajiki,

"Oyoyo takwarata, sannunku da zuwa kunsha hanya."

A mai makon Fatima tabarta ta zauna aqasa saita zaunar da ita akusa da ita tana riqe da hannunta suka shiga gaggaisawa da mutanen da sukazo kawota, matar uncle hassance tace.

"To iyayen batool, don yanzu kam kune iyayenta bamu ba, batada wasu agarinnan da suka fiku, gata nan mun kawo maku bisa amana, intayi ba daidai ba alurar da ita, ayimata afuwa bisa kuskurenta domin qaunar d'anku tasata rabuwa da iyayenta, don ALLAH muna roqonku daku d'auketa a matsayin 'ya ba suruka ba hakan zai taimaka mata wajen jajircewa agidan aurenta, muna roqon ALLAH daya bata ikon kyautata maku tare da yiwa mijinta biyayya har ace qara da ankayi."

"Amin ya ALLAH,"

Rashida dake zaune can gefe sai faman murmushi takeyi tafad'a, gaba d'aya yau wani farinciki takeji a tattare da ita marar misaltuwa, wai yau itace aka kawowa suruka had'e da damqa mata amanarta, tabbas duk abunda yayi farko zaiyi qarshe, tana roqon ALLAH daya sanya tarin albarka mai yawa acikin rayuwar auren d'anta ya karesu daga dukkanin sharrin mutum da kuma aljani, nan dai itama tayi mata nasiha sosai ita da Fatima wadda tamatuqar faranta rayukkan matansu uncle h kuma sun samu natsuwa d'ari bisa d'ari akan cewa batool zata samu ingantacciyar rayuwa acikin wannan ahali data jajirce wajen zab'awa kanta domin nagartasu ta tabbatar masu da cewa batayi zab'en banza ba, daga nan aka d'auki amarya batool aka wuce da ita gidanta da sai tashin qamshi yakeyi kana gani zaka san cewa ya dace da masu shi.

Su uncle h kuwa tuni suka d'auki harmar komawa kano su da su baffa da kuma mijin Yaya Maryam, babu yanda Dr da dady basuyi dasu ba akan subari sai gobe saboda dare yayi amma sukace a'a sudai yimasu addu'a, hakan yasa dady cewa to subar matan su su kwana anan har zuwa gobe, kasancewar sun san da zancen walimar da za'a gudanar yasa suka amince da hakan don bai kamata ace ba'a bar wani nata anan ba.

Saida su Uncle Hassan sukasa dady yayi masu sallama da hajia nafeesa suka sheda mata cewa suna sane da duk abubuwan data aikata don haka ga 'yar uwarta nan sun kawo mata suna son tayi qoqarin aikata abunda yafi wanda ta aikata abaya, sukuma suzo suyi mata aika aikar da bata tab'a tsammani ba, suka dai yimata fad'a sosai tana tafaman nonnoce kai qasa saboda wata irin kunya data rufeta, gaba d'aya batayi tsammanin sunsan da abunda kefaruwa ba don tasan halinsu ba itaba ko mahaifiyarta tayi ba daidai ba a matsayinsu na yayunta zasu iya zuwa su b'ab'b'allata balle ita, Saida suka tabbatar sunja Mata kunne sosai saboda karsu tafi subar baya da qura sannan uncle hassan yakira matarsa awaya ya sanar da ita cewa si zasu wuce, hakan yasa ta tattaro sauran 'yan uwa suka nufo gidan dady a tsammaninta tare zasu wuce, don haka gidan yarage amarya ce kad'ai aciki tana jiran angonta,

Suna isa uncle hussain yayi masu bayanin anan zasu kwana sukuma zasu wuce, addu'a sukayi masu tare da fatan ALLAH ya kaisu lafiya sannan suka wuce sukuma suka shige nan gidan dady wanda mafi yawancinsu a part d'in ammie suka sauka, aunty marwiyya da Yaya Maryam kawaine suka kwana apart d'in umma a zaune suna firar yaushe gamo, wacce rabinta duk akan Nuraddeen sukeyinta wato mahaifin little.

••• ••• •••
Cikin wata shadda milik d'unkin babbar riga little yashiga d'akin da acan ne yake tsammanin batool d'insa na ciki shida abbaty daya rakkosa riqe da leda, bakinsa d'auke da sallama ya shiga tana zaune akan sallaya tagama ranka sallolin da ake biyarta da batayi ba, qasaqasa ta amsa sallamar batare data d'ago kai ba har sai da taji muryar wani abayanta, da sauri ta juya taga abbaty ne yana murmushi ya ajiye ledar dake hannunsa had'e da cewa.

"Kar dai har kin tsorata matar qaramin baba?, To kwantar da hankalinki nasan matuqar kina tare da wannan mai sunan dadyn nawa babu abunda ya isa ya matso kusa dake ya cutar dake, so yayyarki agaresa ta Isa ta wadatar dake wajen samun kariya har iya qarshen rayuwarki, Ina fatar zaki kula mana dashi sosai had'e da gusar masa da duk wata kewa taki data kasance a tattare dashi na tsawon shekaru."

sosai kalaman abbaty suka yimata dad'i tare dayin murmushi tace dashi.

"ALLAH yabani ikon aikata hakan!"

Ya amsa mata da cewa.

"Amin ya rabbhi, Bari naje dare nayi, ALLAH yabaku zaman lafiya tare da zuria masu albarka."

Saida yakalli little da tun d'azu ita yake kallo yana murmushi sannan yace.

"To sarki! Yau fa gaka ga gimbiyarka, ubangiji ALLAH yasa adaren yau ka amsa sunan nan naka na abu sumayya."

Yaqarasa maganar cike da shaqiyanci tare dayin dariyar qeta sannan yafice, girgiza kai kawai little yayi yana dariya tare da bin bayansa yayi masa Saida safe sannan yarufe gidan had'e da tofa addu'a.

Koda yadawo ya tarar batool tamiqe akan sallayar da tayi sallah tana lunkewa yace.

"A'a keko gimbiya, kibar mana ita muyiwa ALLAH godiya bisa wannan burin soyayya tamu daya cika mana mukayi aurenmu na sunnah koba haka ba?"

Murmushi kawai tayi masa ta maida sallayar ta shimfid'a a inda ta tashi shi kuma yashiga toileta yayo arwala suka kabbarta sallah.

Raka'a biyu sau biyu yayi masu yana sallamewa sannan yayi addu'ar neman alkhairan ALLAH acikin aurensu mai tsawo, yayiwa ALLAH washi da kirari, yayi masa godiya tare da yiwa annabi salati, sannan ya roqesa daya dawo masa da mahaifinsa agaresu ya tsawaita masa rayuwar mahaifiyarsa ya kuma sanyawa aurensu albarka albarkacin girman haquri da ktawakkalin da mahaifiyarsa ke dasu, yayi hakanne saboda yanada yaqini akan duk abunda mutum yayi tawassali dashi matuqar