You Cannot Download this book untill you login but you can read it .

---

Login Register

yayi tare da tankwashe qafafuwansa yana bud'e kular dake gabanta, "munzama 'yan gatan baffa Usman meye yasa aka kawo mana"

Yafad'a yana qarasa bud'e kular, "wow my fav..."

"Kana son jalop rice kenan?"

"Sosai kuwa habibty musammamn idan tasha kayan ciki, wannan aikin Inna Bilkisu ne don tafi kowa sanin abubuwan dana fiso aduniya in kika cire su baffa da innar mu agidannan."

Murmushi tayi had'e da mik'ewa taje ta d'auko plate da cokula biyu ta zuba abincin ta ajiye masa agabansa, ledar hannunsa ya miqa mata had'e da cewa.

"Ungo wannan kisa a electric tunda naga akwai nepa sai ki gyara mana." Hannu biyu tasa ta karb'a tana fad'in

"Angode ALLAH ya qara bud'i."

"Amin ya rabbhi, amma jeki ki ajiyesa kitchen sai kidawo muci abincin."

Bayan sun kammala ya shiga toilet don ya watso ruwa ita kuma tawuce kitchen wajen aikinta, yana fitowa yadawo falo yacire fridge d'inta dake cikin kwali ya jona, cikin 'yan sakanni yafara sanyi yaje ya d'auko sauran youghout d'in da suka rage jiya tare da wanda yazo dashi daga wajen Yaya hawwa yasa a fridge, tsakar gidansu ya leqo yakira Yusuf yabashi nira d'ari yace yaje ya siyo masa ledar package water sannan yakoma ciki, kitchen yanufa ya samu tana yanka albasa ya rungumota tabaya had'e da turo kansa ta wuyanta ya yimata kiss, murmushi tayi ta d'ago kai tana kallonsa, "cikani mana kada in yanke."

"Bazaki yanke ba tunda ina wurin, natabbata kaifin wuqa bazai iya cutar dake ba agabana."

"Hmm to ai shikenan."

Tafad'a tare da ajiye wuqar agefe,

"Aw baki yarda bane?."

"A'a nayarda, kawai nagama yankan albasarne Bari in zuba kafin ruwan su ida tsanewa."

Had'e da jaye jikinta daga riqon daya yimata, daidai lokacin yusuf yayi sallama yana fad'in,

"Yaya ga ruwan."

Fita yayi ya karb'a tare da cemasa "Yusuf ba zakazo kugaisa da auntyn taka ba?." Qarasa shigowa yayi tare da d'an d'aga muryarsa yace

"Aunty ina wuni?"

Rashida dake kitchen tajiyo ana gaisheta tafito had'e da cewa,

"Lafiya klw, kana lafiya."

"Lafiya klw" yabata amsa sannan yawuce abunsa,

"Yusuf kenan d'an gidan baffa Ali." Nuraddeen yafad'a yna kallonta,

"ALLAH sarki yaron tubarkallah kyakkyawa dashi kamar kai."

Taqarasa maganar tana dariya tare da komawa cikin kitchen ganin yanda ya juyo yana harararta irin da wasa d'innan.

Kai ruwan yayi yasa a fridge sannan yadawo cikin kitchen d'in tare da jinginawa ajikin qofar yana kallonta,

"me kikace? Yusuf mene?"

"Ni! Bance komai ba fa."

"Banyarda ba ALLAH sai kin sake maimaita abunda kikace" Yafad'a tare da fizgota tafad'o jikinsa, qurawa idanuwanta kallo yayi itama tabishi da kallo hannunta na dafe da qirjinsa, "maimaita abunda kika fad'a."

Taji yasake furtawa cikin wata kasalalliyar murya, turo d'an bakinta tayi zata jaye jikinta daga riqon daya yimata ya sake matseta sosai,

"Karfa naman yaqone." Tafad'a tana cuno baki gaba, tagefen da tukunyar take yad'e karkata kansa yana kallo kafin yace.

"Ok inajinki, maimaita nace,"

"Kai malamina, cewafa nayi kyakkyawa da..." Kafin ta qarasa ya game bakinsa da nata yana sakar mata wani irin passionate kiss, kafin nan yace,

"Daga yau bana son inji wannan bakin naki ya yabi kowane irin namijine agabana kinji ko?" Jikinta a mace ta d'aga masa kai had'e da cewa.

"Kayi hak'uri baza'a sake ba."

Kiran sallar la'asar da yaji yasa ya kauda zancen had'e da cewa.

"Habibty bari naje nayi la'asar idan kin qarasa Aysha zatazo ta rakaki cikin gida kigaishesu daga nan siki dubo innar mu da jiki don batajin dad'i ni Kuma daga cn zan biya wajensu kamal zasu rakani yarimawa wajensu baba balarabe nayo godiya"

"Don ALLAH in shiraya zakuje dani nagano ummata?."

Tafad'a had'e da marairaice fuska kamar zatayi kuka, bayason ranta yab'aci don haka kawai yace tashirya, amma yafad'i hakanne bawai don zai dawo ba sai don karta aza masa rigimar da zata jawo b'acin ranta.

Cikin d'oki tarungumesa had'e da cewa

"Sai kadawo bari nayi sauri naqarasa aikin."

"Ok amma kifara shiga kigaishesu tukuna kafinna nadawo d'in kinji ko."

'Daga masa kai tayi ya sakar mata murmushi tare da yimata kiss a goshi sannan yawuce d'aki yayo arwala tare da sauya kayan jikinsa izuwa manyan kaya ya feso turare yafito yana gyara zaman hular kansa, kallo d'aya tayi masa taci gaba da kwashe naman tana fad'in

"Tubarkallah malamina kayi kyau."

"ALLAH habibty?."

"Sosai kuwa, adawo lafiya nima bari naje na shirya kafin kadawo." Murmushi yasakar mata sannan yafice daga sashen, inda Yaya hawwa yasake shiga ya dubota da jiki sannan ya shiga shiyar baffa Ali har lokacin bai dawo ba Inna ruqayya kad'aice zaune tana yiwa munira fad'a akan tazo ta tsefe kanta, tana ganinsa tayi shiru tare da d'auke kai gefe.

"Inna ruqayya ina wuni?."

"Lafiya"

Tafad'a tana sake juyar da qeyar kansa gefe, idanuwansa ne suka sauka akan muneera data wani dashe haqora tana susar kai had'e da kallonsa ya zabga mata harara yana fad'in.

"Ke lafiya wannan kallon?."

"Ina wuni yaya."

Tafad'a tana sake bayyana fara'arta garesa, tsaki yaja had'e da miqewa yabar wajen, yana jin inna ruqayya na fad'in.

"Iskancin banza da wofi, har ni za'a gwadawa cin gira kusa da ido, yaro da SANNU SANNU zaka zo hannuna da Kai har waccan 'yar iskar jarababbiyar yarinyar daka kawo sai kun yabawa aya zaqi, ke kuma zaki tashi ki tsefa kan ko sai nasa wannan tab'aryar na makeki."

Tafad'a tare da jawo tab'aryar dake gefenta,

"Kai Inna don ALLAH abar tsifar nan zuwa jibi..." Bata rufe bakiba taga tayo kanta da tab'aryar ta tashi da gudu tabar wajen tana susar kanta.

Shiyar baffa Usman yanufa Inna Bilkisu na tankad'en gari shi kuma baffa Usman na arwla da sauri saboda jin ana qoqarin tada sallah, a tsaitsaye ya gaisheta ta amsa cikin fara'a tare da tambayarsa iyalin tasa, murmushi kawai yayi yace.

"Inna sannu da hidima ALLAH yasaka da alkhairi ya qara bud'i."

"Amin nura, ai babu komai d'a nakowa ne, kaidai kakula da amanar yarinyar mutane daka karb'o, ALLAH yabaku zaman lafiya,

"Amin inna dama cewa nayi ko Aysha zata rakata cikin gida tagaishesu?."

"Af kaji nura da wata magana, Aysha ai qanwar kace ko bak fad'amun ba kanada ikon aikinta duk inda kaga dama balle nan cikin gida maza ka hanzarta kaje kasamu sallah kada jam'i ya wuceka in sha ALLAH babu wata matsala."

Kusan tare suka fita da baffa Usman cikin sauri sauri don su samu ayi jam'in dasu,

Duk inda yakamata akai Rashida acikin gidan Aysha ta kaita in banda wajen yaya hawwa da baffa, shima d'in Inna Bilkisu ce tace tabari idan nurah yadawo sai sutafi tare, duk cikin gidan babu inda Rashida tasamu matsala hatta ga 'yan uwansa da suke uba d'aya Wanda b'angarensu nacan gefe sai wajen Inna ruqayya, tasha tambayoyi da maganganu kala kala da kallon banza amma da yake gaba d'aya hankalinta baya wajen saboda ganin yanda magrib ta gabato bai dawo ba zancen zuwansu gida tagano ummata, shiyasa ko ajikinta don bata maji wasu maganganun ba Aysha ce kawai taji itama taja bakinta ta tsuke tamkar bataji ba.

Har akayi sallar isha'i Rashida nazaune tana jiran dawowarsa amma shiru hakan yasa tad'auko wayarta da tunjiya data ajiyeta cikin jikkar hannuta bata sake waiwayarta ba sai yanzu da yake tasan wayar akashe take shiyasa tana d'aukowa tayi saurin kunnawa, tana gama logging tafara qoqarin lalubo lambarsa saiga kiransa ya shigo, cuno baki tayi sannan ta d'aga wayar kamar zatayi kuka tace.

"Shine kayi tafiyarka kabarni ko?"

'Dan murmushi yayi don dama uasan za'ayi hakan sannan yace.

"Yihaquri habibty koda nakammala sallah nasamu suna jirana a mota kinga bazai yuyu in b'ata masu lokaci ba, amma nayarda nayi laifi ayimun afuwa ga munan munkusa qarasowa gida."

"Ai dama nasan haka zakace, shikenan ALLAH yakawoku lafiya, ya umma dasu baba?"

"Lafiya klw suke ga saqonan sun bayar akawo maki,"

"To shikenan sai kadawo."

"Yawwa habibtynah I love you."

"I luv you too" itama tafad'a akunyace sannan takashe wayar,

Bayan yadawo yaci abinci ya watso ruwa ya huta lokacin har qarfe tara na dare yayi suka fito tare da rufo qofar tana saye da hijabinta, d'akin Yaya hawwa suka nufa yayi sallama tana kwance tabashi izinin shigowa tare da qara nishin da takeyi,

"Shigo nura har yanzu dai jikinnan ya qiyamun duk da dai ciwon cikin yafad'a gudawar daice har yanzu."

Tafad'a tana qara mimmiqewa akan gadon batare da tasan tare yake da ita ba sai daya koma gefe yana cewa Rashida dake lab'e bayansa gabanta na dukan uku uku. "shigo mana"

Wata irin zabura Yaya hawwa tayi sai kace ba itace tagama nishi tana fad'in har yanzu jikin nata yakasa koma mata daidai had'e da cewa.


"Fita, fita, fita tsaya can bkin qofa Ina zuwa, Kai ma tashi fita tabarma na nan gefe ka shinfid'a ganinan fitowa" tana nuna masu qofar fita da hannu, jikin Rashida na rawa tajuya zata fita da sauri yariqo hannunta,

"Haba innar mu keda bakida lafiya mezaisa sai kin wani fita, Rashida cefa ba wata ba ni kuma d'anki ne, me zaisa kice muzauna awaje."

"Kaga kayi abunda nace maka, idan Kai d'ana ne ita wannan abarfa, karka manta shifa bare ba'a bashi amana Taya za'ayi inbarta tashigo tagane mani sirrin d'aki asamu damar cutar dani, maza kufita nace." Juyawa yayi yana riqe da hannunta yana d'an mammatsawa ahankali saboda tasamu suka fito d'akin,

Tabarmar dake gefe Rashida tajawo yana kallonta ta qaqaro murmushi ta sakar masa had'e da shimfid'awa ta suka zauna, murmushin shima ya sakarmata kafin Yaya hawwa tafito a dudduqe ta zauna abakin qofar shiga d'akin nata, kallonta yayi yace

"Ina wuni innar mu, ya qarfin jikin?"

"Lafiya klw" tafad'a fuskarta ad'aure tana qarewa Rashida data sinne kanta qasa kallo da yake akwai wuta, d'ago kai Rashida tayi batare da tasan tana kallonta ba tace,

"Ina wuni? ya qarfin jiki."

"Lafiya" ta amsa mata tana dalla mata wata irin muguwar harara, addu'a ta shigayi cikin zuciyarta saboda tasamu sauqin yanayin da take jin kanta aciki, can tajiyo dirar muryar Yaya hawwa akunnuwanta.

"To atashi atafi idan shikenan Ina so inyi magana da d'ana." Jiki ba qwari Rashida tamiqe tabar wajen.

"Kai nura nifa inkan bid'ar lafiya ga yarinyar nan kada ka koma kawo man ita shiyata saboda natsaneta bana son ganinta ko kad'an."

"Haba innar mu, ai yakamata ace ko albarkaci na taci, bai dace ace kinyi mata haka ba ko kad'an, don ALLAH kicire wannan tsanar da kikayi mata tunda batada dalili."

"Iyyeee lallai nura kace wani abu, wato ni zaka gwadama cewa kaima cikakken namiji ne yanzu saboda waccan 'yar abar, koda yake bansan wane kalar surk'ulle akayo maka ba kabi ka lashe dole kafad'a mani magana, to bari kaji nafad'a bana sonta zo ka dokeni, yarinya bare da ita har kace banida dalilin tsanarta bayan ta ruguje mana al'adar gida."

"Haba innar mu, al'adafa ba addini bace.."

"Kai ni tashi tafi kabani waje ban iya sauraren wud'annan suruttan naka."

"To jikin fa?"

"Nawarke tashi kaje."tafad'a cike da takaicins.

"ALLAH yabaki hak'uri innar mu seda safe."

Yafad'a tare da miqewa yafice, yanaji tasaki wani uban qyacci dake nuna akwai wata aqasa amma ransa yaroqi ALLAH ya fahimtar da mahaifiyarsa taso matarsa farincikin sa...




*ALLAH KAJIK'AN IYAYENMU*👏😭
[8/17, 10:19] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___25💎

Koda yafito yasamu bata wajen kuma babu alamar takoma part d'insu don arufe yake, shiyar Inna Bilkisu ya leqa ko zai gata acan, cikin sa'a ya hangota gefe zaune ita dasu na'ima da fadila yayun Aysha suna fira ita kuma Inna Bilkisu na d'aura jiqaqqar ayar da take sayarwa, ajiyar zuciya ya sauke sannan ya gaida Inna Bilkisu had'e da cewa Rashida.

"Ashe nan kika shigo?"

"Eh nafita d'auko ayar nan ne naganeta tsaye abakin qofar shiga shiyarku shine nace tazo nan tajira kafito saboda wajen akwai sauro sosai."

Inna Bilkisu tafad'i haka tana kallon Rashidar data noce kanta qasa tayi kamar batasan da shigowarsa ba saboda kunya.

Sosa d'an qeyar kansa yayi had'e da cewa "eh da yake munshiga gaida innarmune shine nace tajirani muje wajen baffa."

Tashi kuje Rashida kinbar mijinki tsaye, miqewa tayi tayi mata seda safe itama su aysha nace mata "aunty seda safe" suka wuce.

Kafin su isa wajensu baffa don da alama duk suna can d'akin da yake ya kalli fuskarta da yake akwai hasken wutar nefa ko Ina agidan yace "habibty kiyi hak'uri da abunda innar mu tayi maki kinji ko?"

"Laa..bakomai mai malamina ai don ta isa ne, karka damu ni banji komai ba tunda mahai fiya take agaremu." Murmushi yayi yan qara jin qaunarta aransa kafin ya jawota ajikinsa "Ina sonki sosai d'alibata." dariya tayi tare da k'wace jikinta daidai lokacin suka iso bakin qofar shiga d'akin baffa sunajin tashin firarsu, sallama yayi suka amsa sannan yashigo ita Kuma tayi tsaye abakin qofar, Sosa kansa ya shigayi had'e da kallon baffa Usman yace,

"Baffa zuwa tayi tagaisheku."


"A'a'ah to to Masha ALLAH, shigo da ita."

Leqowa yayi had'e da cemata tashigo, tashigo bakinta d'auke da sallama kanta na qasa a duqe ta duqa har qasa tana gaishesu, daga baffa sai baffa Usman suka amsa mata shikuwa baffa Ali gefe ya koma abunsa tare da d'aukar redion baffa ya kara akunne don kar yaji abunda suke fad'a, ya jiki tayiwa baffa had'e da yimasa addu'ar ALLAH yabashi lafiya,

Ba baffa kad'ai ba hatta baffa Usman sun yaba da Rashida sosai tare da yimata nasiha akan tabi mijinta akan dukkanin abunda bai sab'awa ALLAH ba, kafin su sake had'asu subiyun suyi masu nasiha sosai akan haqqoqin junansu dake kansu, har suka gama baffa Ali baice komai ba saida baffa yace

"To Ali kai bakace masu komai ba, yakamata a matsayinka na mahaifinsu kasa masu albarka da 'yar nasiha ko kuwa?"

Ganin Babu alamun wasa a fuskar baffa Yasa ya ajiye redion had'e da cewa.

"To duk abunda yakamata ince ai kunce sai dai nayi d'an qari akai, Kai nura kasani zumunci ba wasa bane don haka kanunawa matarka tariqe maka 'yan uwa da daraja kada ta walaqan tasu haka kaima, kada kanunawa matarka fifikonta akan 'yan uwanka don ana rabuwa da mata amma ba'a rabuwa da 'yan uwa, 'yan uwa da kake gani duk inda suke sunfi bare.."

"Haba Ali.." baffa Usman yafad'a ransa ab'ace da zimmar dakatar dashi baffa yariqe hannunsa alamar ya qyaleshi.

Cikin isa yaci gaba da cewa "Kuma kar inji kar ingani kisake inji ance kin ware mana d'aya acikin 'yan uwa duk d'aya muke, bama son had'e had'e balle anyi ance don cikin ahali guda kika shigo bamu yarda kiraba mana d'aya biyu ba, yanada 'yan uwansa mata da kika iskosa dasu don haka kada mugun kishi yasa inji ance kin rabashi dasu ko kin hantaresu kinji nafad'a maki?."

"In sha ALLAH baffa nagode sosai" Rashida tafad'a cikin girmamawa da kuma sakin fuska,

Hakan baqaramin yiwa su baffa Usman dad'i yayi ba don azatonsu nan take yarinyar zata nuna b'acin ranta wanda da wannan baffa Ali zai samu damar cusguna mata akoda yaushe,

"To Rashida munsan gidanku Kuma munsan tarbiyarki don haka kiji kiqi ji ki gani kiqi gani, duk idan akace akwai taron mutane to dole saida hak'uri saboda sai kaga mabanbantun halayye da Kuma d'abi'u don haka kisa haquri kuma kiriqi ALLAHn ki ubangiji ALLAH yayi maku albarka ya zaunar daku lafiya kuma yabaku zuri'a masu albarka."

"Amin baffa ngd" tafad'a tana maijin dad'in addu'arsa.

Miqewa Nuraddeen yayi aransa yana mai godewa ALLAH daba baffa Ali kad'ai yabashi a matsayin qanen mahaifi ba badon haka ba da baisan meye makomar rayuwarsa data iyalinsa acikin gidannan ba, amma yanzu koba komai yasan idan yaji d'aci awani b'angaren to zaiji dadda'an zaqi awani b'angaren guda.

Saida safe yayi masu sannan yawuce agaba tana biye dashi abaya, adarare baffa Ali ke satar kallonta aransa yaji natsuwar yarinya ta kwanta masa arai duk da dai zuciyarsa bata buqatar haka, Amma Babu yanda zaiyi don yabon gwani yazama dole, ko maqiyin ALLAH ya kalli Rashida yasan batada makusa ta ko ina gata da shawar kallo a fuska, kallo d'aya zakayi mata taburgeka idan kuma ka zauna da ita cikin qanqanen lokaci zata shiga ranka wanda hakanne yasa cikin lokaci qalilan soyayyarta tayiwa Nuraddeen mugun d'auri azuciya.

Kwanci tashi babu wuya awajen ALLAH tuninrashida tabuge sati d'aya agidan, abubuwa da dama sun faru na b'acin rai gareta amma bata tab'a tada kai ta kalla ba, kullum addu'arta shine kada ALLAH yabarta da dubararta acikin alamurranta kuma yabata haquri mai yawa agidanta, tana samun kula sosai awajen Inna Bilkisu dasu baffa Amma awajen yaya hawwa banda tsangwama da kyararta babu abunda takeyi, Babu ranar da zatazo bataje ta gaisheta ba kuma duk take saita b'ato mata rai, hakan kuma bazai hana gobe ta koma ba, musamman tacire kular da take zuba mata abinci kullum safiyar ALLAH Amma bai hana ta iskota da kwano tace tazubo mata abinci, wanki da sharar gida duka yimata takeyi amma koda yaushe dad'a tsigarta takeyi, kulawa da tarairayar da take samu awajen Nuraddeen yasa bata ajiye abubuwan agabanta balle su dameta, gashi akullum idan umma takirata cikin yimata wasiya da haquri take Wanda hakan yaqara zame mata linzami wajen gudanar da rayuwarta agidan, baffa kuwa tun tana jin kunyarsa har tadena ta d'aukesa tamkar mahaifinta, lokuta da dama takan shiga wajensa idan Nuraddeen baya nan da littafanta na arabiya ya dinga qaramata daga inda ta tsaya agida, wasu lokuttan kuma tayi masa gyaran d'aki ta share ta kawo masa abinci yaci, hakn kuwa ba qaramin tai maka masa yayi ba don daka kallesa zaka fahimci yasamu sauyi arayuwarsa,

Wannan dalilin yanqara haifar mata da tsana mai qarfi azuciyar Yaya hawwa fiye da wacce take yimata ada, hakan yasa tasake d'aura d'amarar ganin tafidda ita gidan tako wane hali, duk ranakun da Nuraddeen yake gida Yaya hawwa batada wajen zama imba shiyarsu ba, haka zata ararrashe akan kujera tace akunna mata kallo adafa mata wannan a soya mata wancan, duk wani motsi da zasuyi akan idonta basuda wani shaqat, ga Nuraddeen mayen soyayyane yanaso akoda yaushe yadinga rab'ar jikin matarsa Amma bayada wannan damar saboda yanda tayi masu kane kane, tun Rashida Bata damuwa har taso ma jin daban saboda tun hutun sati biyun daya d'auka yagama sangartata da kuma lalatata da kalolin soyayyarsa, sun koma saidai suyi soyayyar a kitchen idan tace ta d'ago mata wani abun sai yayi kamar zai fita shi kuma anan yake samu ya lallab'a sushige suyita soyayyarsu kamar wasu munafukai, randa Yaya hawwa tagani kusan Tara masu jama'a ta tashiyi saboda masifa sai kace ba miji da mata ba, wai sun maida ita 'yar iska sun barta a d'aki ita kad'ai,

A ranar baffa yakirata yayi mata fad'a sosai akan taqyale yaran nan tadena shiga shiyarsu inbada qoqqwaran daliliba kada mutuncinta yazube, ai kuwa tayi masa tas tace bazata Dena ba in ya isa ya taso ya riqe mata qafafuwa ta hanata shiga, tsananin b'acin rai ranar daqyar yayi bacci saboda ciwon daya nemi taso masa kamar zai kashesa.

Haka aka d'aukesa akayi asibiti dashi da safe aka duddubasa had'e da yimasa allurai sannan suka dawo,

Aranar data tashi shiga shiyar duk saida tasa aka kirawo mata yaran gidan tace su ahigo suyi kallo suma su d'ebe qeyar ido, adako korarsu takeyi tana hantararsu muneera ba kunya itama tabisu sukaje suka cika d'akin tab ko masokar tsintsiya babu banda hamami babu abunda ketashi aciki, da yake lokacin har tagama girki kawai ta d'auki na baffa tanufi qofar fita riqe dashi zata kaimasa bayan tasa takunna masu kallon, tana wucewa Yaya hawwa tayi tsaki had'e da cewa "yarinya indai wannan gidanne sai nasa kinficesa da kaifin qafafuwanki."

Nuraddeen kuwa dama yana uwar d'aki kwance yana bacci sai dai kawai yajiyo yayar yara afalo da sauri yafito don ganin ko lafiya,

Tsaye yayi cak yana kallon ikon ALLAH sake da baki tare da kallon mahaifiyar tasa data ashisahire saman kujera, tsabar b'acin rai baisan sadda yayi kukan kura ba yafara fatattakar yaran daga d'akin, aguje duk suka fita in banda muneera da tayi tsaye tana kallonsa had'e da susar kanta, wani irin zazzafan mari ya d'auketa had'e da cewa.

"Uban me kikeyi anan."

Kallon yaya hawwa data miqe tsaye tana gyara zanenta tayi dafe da kunci tana kuka tace,

"Inna ce.." tare da nunata,

"Buhun uba!, yaushe nace kishigo ba yara nakira ba kika taso da wud'annan gwalmammin qafafuwa naki kika biyosu don kina sakarai, Kai kuma akan me zaka koresu suna kallonsu."

Shiru yayi hannunsa riqe da kunkuru ya sa d'ayan ya shafo kansa sannan cikin b'acin rai ya sake d'auke muneera mari yana fad'in, "maza kibar d'akinnan kafin naji maki" b'are baki tayi tare da fad'uwa zaune wajen tasa wata irin muguwar qarar da saida Yaya hawwa dake shirin komawarta tazauna akan kujerar tazabura tana fad'in.

"Ke munafukar ALLAH tashi kifita kafin nima naqara maki."

Rashida, Rashida, Rashida, Nuraddeen yashiga k'wala mata kira ransa ab'ace, dama gashi cikin b'acin rai ya wuni saboda halin da mahaifinsa ke ciki, basu jima da dawowa daga asibiti bane yasamu ya kishin gid'a sai ga wani b'acin ran mahaifiyarsa na neman qara masa....






*ALLAH KAJIK'AN IYAYENMU*👏😭
[8/17, 10:19] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___26💎

Rashida kuwa dake can d'akin baffa takai masa abinci bata san wainar da ake toyawa anan ba saida Aysha yarinyar Inna Bilkisu ta iskota aguje tafad'a mata, murmushi kawai tayi batare data nuna abun yadameta ko kad'an ba taci gaba da yiwa baffa yankan farcen da take yimasa don koda tashigo ta iskosa yagama cire na hannuwa yana dubarun yanda zai duqo ya cire ta qafafun shine takarb'i rezar tana qarasa masa suna d'an fira jefi jefi.

Muryar Aysha dake a tsaye har lokacin ta tsinkayo daga dogon tunanin da take akan ynayin rayuwar da take ciki dangane da matsalolin uwar mijinnata na yau da kullum tana fad'in, "Aunty fa Yaya nakiranki."
Adai dai lokacinne tariqe farcen qarshe da zata qarasa cirewa baffa akaifar, saida tacire sannan ta d'ago kai tana kallonta had'e da cewa.
"Jiki ganinan tafe kinji." Kallonta baffayayi lokacin tana mik'ewa daga zaunen da take bayan ta d'auki k'yallen data aza qasan qafafuwan nasa qumbar da take yankewa na zuba akai ta kakkab'ik kesa awaje tadawo ta lunkesa ta mayar a inda yasa tad'aukosa d'azu. "A gaida Rashida ALLAH yayi maki albarka, sai nakeji gaba d'aya jikina yayimun sayau tamkar an d'auke mun wani abu akai."
Baffa yafad'a yana jujjuya yatsun hannuwansa, dariya tayi had'e da cewa. "Kasan dattice idan ta tararwa mutum shiyasa wanda suka saba yankawa idan tataru basajin dad'in zama da ita ajiki, baffa bara naje nadawo nazuba maka abincinka kaci sai kasha magani."
Yana kallon qafafuwansa yanda faracen sukayi masa tas saboda shi mutumne mai tsananin zafta da son gyara jiki yace. "To jeki, ALLAH yasa kigama lafiya, yakawo maki rabo Mai albarka."
Akunyace tabar d'akin batare data amsaba tana murmushi tanufi qofar shiga part d'insu, tana kawowa Inna ruqayya nakawowa itama saboda qarar 'yarta data jiyo, qoqarin kaucewa Rashida tayi ta bata hanya tawuce amma saboda rashin imani irin na Inna ruqayya tasa kafad'a da qarfi ta mangajeta tafad'a ajikin ginin shiyar tasu kanta kuma yabugi gambun qofar tayi baya baya tafad'awa sauran buloluwan da akayi aikin sashensu dake ajiye gefen jikin ginin.
Cike da azaba zafin buguwar da tayi tasaki wata irin qarar da saida Nuraddeen dake falo zaune ya dafe kansa zabura, da sauri yafito sukaci karo da Inna ruqayya da babunko d'igon imani da tausyi atattare da ita tabaro Rashida can kwance ta tahowarta tana masifar waya tab'a mata 'ya, ko kallonta beyi ba shima ya wucikke warsa tare da tsayawa bakin qofar ya leqo don ganin ta Ina yaji muryar qarar Rashida, daidai lokacinne yaga Inna Bilkisu tarugo aguje tare da 'yarta fadeela tana fad'in. "Innalillahi wa'inna ilaihirrajiuun Kai ruqayya wannan wane irin rashin imanine haka ki bangaje yarinyar mutane tafad'i kuma duk da kinji qararta bazaki tsaya kiduba halin da take ciki ba."
Har ta aza qafarta tashiga d'akin tajuyo cike da maseefa tadawo don