You Cannot Download this book untill you login but you can read it .

---

Login Register

cewa, ashsha yaya, duk meyayi zafi haka da kake aibanta yaron mutane?, Kai kasan cewa duk duniya babu wanda ake haihuwa bada uba ba inba annabin ALLAH isa da adamu (a.s.w) ba, sannan idanma har aka haifi yaro tahanyar daba daidai ba to kuskurene akirasa da shege domin bashine shegen ba, iyayen da suka haifesa tahanyar daba daidai d'in ba sune shegun, kuma fa duk wannan fad'an da kakeyi ni banga amfanin saba tunda bakada tabbaci akan abunda aka fad'a, don ALLAH ka kwantar da hankalinka idan batool d'in tadawo sai ka binciketa kaji idan har gaskiyane,

Kubarni da ita, ganin Ina nuna mata soyayya shiyasa take nema ta kwasomun abun kunya agida kuma wlh hakan bazata tab'a yuyuwa ba, taya zata fad'a mani gaskiya tunda son yaron akace tanayi kamar jela, harfa kuka akace tanayi masa tan faman duqawa agabansa don tsabar sakarci, tir, tir halan Bata san cewa wutsiyar raqomi tayiwa qasa nisa ba?

Haka yaci gaba da suruttansa ko gajiya bayayi, ganin bashida ranar denawa yasa suka yimasa saida safe suka tafiyarsu batare da sun zauna sunci gaba da firar da suka sabayi dashi duk dare ba.

Batool kuwa ranar kwana tayi tana kuka tare dajin tatsani 'yar uwar tata dake nema tarusa mata dukkanin farincikinta, akaro nafarko kenan arayuwarta da mahaifinta ya taba yimata irin wannn fad'an harda zagi batare daya saurareta ba,

Ita kuwa hajia nafeesa wani irin farin cikine taji kwance azuciyarta, aganin tasamu hanyar da zatasa awalaqanta umma da ita har shegiyar zuriar tata kamar yanda take fad'a...






*ALLAH KAJIK'AN IYAYENMU*👏😭
[11/14, 22:52] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___78💎

Shikuwa ashe lokacin ko barci bai tashiba don gaba d'aya ya shafa'a da zancen fitar da zasuyi, kwance yake yana baccinsa hankali kwance uncle hussain d'in ya d'an bubbugi qafarsa ya tashi yace dashi.

"Kaje baba na kiranka tun d'azu ya shirya kai kad'ai yake jira."

Yana gama fad'ar hakan ya juya yafita da sauri yamiqe yafad'a toilet yayo wanka, bai tsaya wani abuba yana tsane jikinsa yaciro qananan kayansa yasa had'e da zura takalminsa yafito, a tsakar gida ya samesa yafito daga cikin d'aki matan nabiye dashi suna yimasa addu'ar ALLAH ya kiyaye ya gaggaishesu cikin girmamawa had'e da karb'ar ledar hannunsa yana gaishesa shima.

Kallonsa baba balarabe yayi tun daga sama har qasa bayan ya amsa masa gaisuwar had'e da cewa.

"Kar kace dani yanzu katashi bacci Naga kamar akwai sauransa acikin idanuwanka."

"Aikuwa dai, don gaba d'aya na sha'afa da zancen tafiyar nan, koda uncle Hussain yaje bacci nakeyi."

"To kawo ledar, maman 'yan biyu jeki kizubo masa abun karya warsa."

"A'a d'an tsohona mutafi, idan naje can sai na karyar."

"Anya zaka iya kuwa?"

"Eh mana, muje tunda ba noma ne zanyi ba."

Su maman 'yan biyu nata yimasa dariya had'e da tsokanarsa wai kar yaje yadawo masu kamar a hurasa yafad'i, murmushi kawai yayi masu had'e da juyawa yafita baba balarabe yabi bayansa suna biye dasu suma suna yimasu ALLAH ya kiyaye.

Suna isa kasuwar bayan ya taimakawa baba balarabe yabud'e shagonsa na kayan d'unki da yadukkan mata da yake saidawa suka gama jejjera komai sannan yasamu waje ya zauna yana kallon yanda d'aid'aikun mutane ke shigowa cikin kasuwar da sauran masu shagunan da suka fara bud'ewa, dariya baba balarabe yayi had'e da cewa

"Yaufa mazan boko ne akasu sai faman raba idanuwa sukeyi, ko yazata kaya dasu?"

"Sa ido kagani, zaka sha mamakin mazan bokon nan sosai, don yau zakayi cinakin da baka tab'a yiba."

"Ah..to madallah ai haka akeso, bara ni naje can nadawo." Yafad'a tare da ficewa yabar shagon, wajen wani mai saida tea da biredi yanufa yace ya bashi leda d'aya ta biredi da madarar ruwa gwangwo d'aya sai bonbita itama sachet d'aya sannan yasa ya soya masa qwai guda ukku tare da ruwan tea a cup ya karb'a yanufo shago dasu, a daidai bakin qofar shiga shagon nasa da yake akan hanya wucewa cikin kasuwar yake yaci karo da baffa d'auke da kondon kajinda yake sayarwa shida yaransa da suke biye dashi d'auke da sauran kwandunan kaji suna shigowa saboda tuni yakoma sana'arsu adalilin qarewar da dabbobin nasa da ada yake kasuwancin saye da sayarwa dasu, gashi badamar ya rabke hannuwa tunda iyali sun riga da sun taso masa don yanzu Masha ALLAH, ALLAH ya albarkacesa da 'ya'yaye har biyar aduniya, yanada 'yan mata hud'u da kuma namiji d'aya wanda shine qarami yanzu yanada shekaru biyar aduniya, hakan yasa yakoma sana'ar kiwon kaji acan gida irin buloros d'innan kuma yana zuwa dasu anan kasuwa yana saidawa kuma balaifi yana samun cinaki sosai da yake rufawa kai asiri dashi, da sauri ya qarasa wajensa fuskarsa asake yamiqa masa hannu yana fad'in.

"Barka da shigowa malan Idris anshigo?"

Baffa da kallo d'aya zakayi masa ka tabbatar da ankwana biyu aduniya shima yamiqa masa hannu fuskarsa ba yabo ba fallasa yana fad'in

"Yawwa malan balarabe, ALLAH yanufa, assalamu alaikum."

"Wa'alaikissalam, ya iyalin? Yau kam kayi sakko da yawa?"

"Wlh kuwa, kasan idan kasuwa naja to baikamata ayi zaune gida ba, iyali duk suna lafiya, ya taku kasuwar?"

"Alhamdulillah."

"To masha ALLAH, ALLAH yadatar damu a sa'a."

"Amin summa Amin."

Har zai wuce da sauri baba balarabe ya qwallawa little kira.

"Kai lele, zo kariqawa baffanku kayannan."

"A'a kabarsu kai kuwa ai yanzune zamu qarasa." Baffa yafad'a yana qoqarin wucewa, adaidai lokacin little yafito yana d'an yatsina fuska sanadiyar hasken ranr daya bugar masa idanuwa had'e dayin miqa don tuni yasoma komawa baccinsa dayaga bedawo ba, kamar ance baffa ya d'ago kai sukayi ido biyu da little gabansa yayi wani irin mugun fad'uwar da har saida kwandon dake kansa ya soma fad'uwa, da sauri little yaje ya riqesa tare dasa hannu yatare kwandon yana binsa da kallo, sunfi minti biyu ahaka baba balarabe na tsaye yana kallonsu cike da tausayi, tabbas jini jinine duk inda naka yake ko kuma yashiga kana ganesa, goge 'yan qwallan da suka zubo masa yayi had'e da qoqarin shigewa shagon riqe da kayan tea daya karb'o masa ya karya dake neman hucewa yana fad'in.

"Ka amsar masa kayan mana kutafi kada ka gajiyar dashi garin kallo irin naka." Yayi maganar cikin d'aga murya batare daya sake juyowa ya kallesu ba, karb'ar kwandon little yayi tare da azawa saman kai yacewa baffa.

"Mutafi kaka."

Wani irin yarrr...baffa yaji ajikinsa har kafafuwansa na neman rinjayarsa, gaba d'aya babu wanda yake gani atattare da yaron sai d'ansa, musamman da yayi magana, sak irinta d'aya data d'ansa Nuraddeen, kamanninsa ne kawai suka rinjaya izuwa na Rashida wacce sanin alaqarta da baba balarabe yasa yayi tsammanin ko cikin 'ya 'yansane, juyawa yayi yana kallon baba balarabe da yayi saurin noce kansa kamar yana wani abun lokacin da yaga yajuyo, amma ganin hankalinsa baya wajen yasa yawuce gaba shi kuma little yabisa baya, bini bini baffa ke juyowa yana kallon little dake biye dashi yana 'yan kalle kallen yanda yanayin wajejen kasuwar yake har suka isa, gaba d'aya hankalin baffa yatashi don jikinsa nabashi wani Abu akan wannan saurayin saidai kuma meye?, shine abunda bai sani ba.

Bayan ya ajiye kwandon yajuyo yana kallon baffa had'e da cewa.

"To kaka sai anjima, ALLAH yabada kasuwa mai albarka, Amma kadena d'aukar irin wannan kwandon gaskiya akwai nauyi, koba don kajin dake ciki ba ynayin girmansa kad'ai ya isa yasa nauyin ya gijyar da mutum balle ga kajin sunfi a qirga aciki, ga yanayin tsufa uma qara kadinga axowa yara kana biya, ni kaina da nakeda d'an qarfi yanzu haka nagaji balle kai da shekaru suka ja ga wajen da d'an nisa sosai" don can qasan kasuwar rumfarsa take inda 'yan kaji ke tsayawa.

Tunda little yafara magana baffa ke kallonsa har yakai aya ya juya zai tafi, da suri baffa yakirasa yaciro d'ari biyu a aljihu yana kallonsa ya miqa masa had'e da cewa.

"Karb'a kasha ruwa nagode kaji ko?, Nima ba'a son raina nake wannan wahalar ba yanayin rayuwarce tazo mani ahaka, ga qananan iyali da suka taso kaga ai saida neman nakai ko."

"Eh kaka da gaskiyarka, Amma kada awahalda kan da yawa idan akwai makarkata ko kuwa?, Kabar kud'inka kaka nagode."

Har yajuya zai sake tafiya baffa yasake cewa.

"Karka maida hannun baiwa mana, ai saka makon kyautatawa kyautawa." Ko kad'an baffa baya son yadena jin muryar yaron, wani irin farinciki yakeji marar misaltuwa idan yana saurararsa shiyasa baya son yabar wajen yake jawo wata maganar.

Murmushi little yayi had'e da dawowa yana kallon baffa, shima kansa ji yake kamar tuncan ya sanshi ko kuma yasaba dashi, koma dai meye shidai tsohon yayi masa kuma ya matuqar kwanta masa arai, amsar kudin yayi ya koma mayar masa ga aljihu had'e da cewa.

"A maimakon wud'annan kud'in da zaka bani kaka, kasa mani albarka mana."

A wannan karon dariya baffa yayi idanuwansa cike da hawaye yana fad'in.

"To shikenan ALLAH yayi maka albarka yasa kagama da duniya lafiya."

"Amin kaka, nagode sai anjima, idan zakaje gida ka aika akirawoni idan baka samu wanda zai riqa maka sauran kayan ba, kada ka d'auka da kanka zanxo in d'aukar maka" sannan yabar wajen,

Tsaye baffa yayi yana binsa da kallo har ya b'ace sannan yayi wata irin ajiyar zuciya aransa yana maijin dole zai ajiye alqawarin daya d'auka abaya ya sake tunkarar baba balarabe akaro na ba adadi bayan tsawon shekaru, ayanzu yanaji yayi kuskuren fusata a wancan lokacin daya dena bibiyar labari akan matar d'ansa da abunda ke cikinta, akwai buqatar yamaido komai baya don yasan ko waye wannan yaron?....






*ALLAH KAJIK'AN IYAYENMU*👏😭
[11/14, 22:52] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___76💎

Binsu Abba yayi da kallo har suka fice kafin yadawo inda take zaune tajuya masa baya ya riqo hannunta, juyowa tayi tana kallonsa idanuwanta cike da hawaye ya girgiza mata kai alamun tayi shiru, yanayin yanda taga jikinsa yayi sanyi ya tabbatar mata da cewa ya sauko daga fushin da yakeyi, batare data yimasa musu ba tamiqe tabiyo bayansa har lokacin yana riqe da hannunta suka nufi wajen dining table inda hajia mama ta ajiye mata abincin ya jawo mata d'aya daga cikin kujerun dake wajen ya zaunar da ita sannan shima yajawo wacce ke kusa gareta ya zauna ya bud'e abincin ya zuba a plate, miqewa yayi yaje ya wanko hannunsa sannan yadawo ya zauna ya dinga d'ibar abincin yana bata abaki, ci take tana zubar da hawaye saboda ganin irin girman soyayyar da yakeyi mata, a d'ayan b'angaren zuciyarta kuwa tunani takeyi yanda zata iya haqura da soyayyar da takeyiwa Abu sumayyanta don tabiya mahaifinta d'imbin qaunar da yake nuna mata.

Ba tare daya cire hannunsa a plate d'inba har saida yaga tacinye abincin dake cikinsa tas don yasan baqarama yunwa take jiba sannan jawo gorar ruwa da lemu yayi ya tsiyaya mata a cup tasha sannan yasa hannu yagoge mata hawayen dake neman bushewa a saman fuskarta had'e da cewa.

"Meye kuma na kuka yanzu?."

Riqo hannunsa tayi da dukkanin hannayenta biyu tana fad'in.

"Don ALLAH Abba kayi hak'uri, ba Ina nufin zan bijire maka neba ko kuma na b'ata maka rai, kawai nidai ina son.."

Saurin dakatar da ita yayi kafin taqarasa tahanyar d'aga mata hannu had'e da cewa.

"Bana son jin komai tunda kinzab'i rayuwa da Wanda bakisan asalinsa ba, don haka tunda kin girma yanzu bakya son farincikina kamar yanda nake son naki, na amince kije ki auresa?"

"A'a Abba ba haka nake nufi ba,"

"Ya isa, kice yazo Ina nemansa."

"Abba bazai yuyu ba."

"Saboda me?"

"Karatu yakeyi, kuma mahaifiyarsa tace ya ajiye zancen soyayya ko wani aure agabansa har sai ya kammala."

Shiru Abba yayi yana kallonta cike da mamaki, wata gwauruwar ajiyar zuciya ya sauke cike da takaici yace

"To ya kike so ayi?, Nidai bazan zauna dake agabana Ina kallonki ba Dole ashekararna zanyi maki aure, shi kuma kince karatu yakeyi kuma mahaifiyarsa tace ya ajiye zancen aure agefe, to ya kike so ayi?"

"Abba ayi haquri yagama, ni zan jirasa har ya kammala ko kuma nima naci gaba da karatun idan jarabawarmu tafito?"

"A ina?, Ke wace yarinya kika tab'a ganin mun bari taci gaba da karatu a makarantar gaba da secondary acikin gidannan?"

"Abba Babu, Amma ai kamawa takeyi wlh Abba shi kad'ai ne nake tunanin zan iya rayuwa kuma insamu isashshen farinciki atare dashi kuma kaima nasan zaka so hakan agareni, don ALLAH Abba ka amice mani"

"Zanyi tunani akai, Amma idan aka samu qamshin gaskiya akan zancen da 'yar uwarki hajia nafeesa tafad'a mani koda kuwa makamancinsa ne acikin rayuwarsa to bazaki auresa ba koda kuwa hakan na nufin zaki qarasa rayuwarki me acikin d'aki baci ba sha." yafad'a tare da miqewa yabar d'akin ransa duk adagule, kawai ya amince da hakanne saboda bayason taci gaba da zama cikin yanayin da take ciki, amma aransa ya d'au alwashin tunda har mahaifiyarsa bata buqatar aurensa nan kusa to zaiyi amfani da wannan damar ya aurar da ita ga wanda ya dace acikin shekarun kafin lokacin da zai sake waiwayarta yayi.

Binshi tayi da kallo har yafita, aranta tana mai shakkun abubuwan daya fad'a don kar tasan mahaifin nata, tunda har ya furta baya son shi to babu yanda zai iya fahimtar abunda zayatarrar akan kowaye masoyinta don kusan tasan duk wasu abubuwa akansa bai b'oye mata ba, musamman data tambayesa dalilin da yasa hajia nafisa ke kiransa da shege akoda yaushe, amma dai ko meye zataci gaba da rayuwarta yanda tasaba batare data ba wani fuskar da zai iya tunkararta da maganar soyayya ba har zuwa lokacin da Abu sumayyanta zai kammala karatunsa yadawo gareta.

Tun daga lokacin tamanta da duk wani Abu dake faruwa tacigaba da gudanar da harkokinta yanda tasaba amma akullum safiyar ALLAH son da takeyiwa Abu sumayya sake lunkuwa yakeyi a zuciyarta, wanda hakan ba qaramin farinciki ya saka hajia mama ba dama shi abban da kansa, Amma ta qarqashin qasa yasa wani amininsa dake can borno ya binciko masa komai akan Abu sumayya da mahaifiyarsa, inda ya tabbatar masa da cewa tabbas ba'asan mahaifin yaron ba kawai anwayi garine anga mahaifiyar tasa da iyayenta acikin garin ne, mijin 'yar uwar tasa hajia nafeesa shike kula dasu shida babban d'ansa, yasamu qeshe qashin labarin cewa su d'in 'yan asalin nan kano ne amma bazai iya cewa sud'in konsuwaye ba, yanzu haka dai mijin hajia nafeesa shike auren kakar yaron saboda ALLAH yayiwa mijin nata rasuwa, ya tabbatar masa da cewa iya gaskiyar abunda yasamu kenan acikin binciken da yasa yayi masa, kusan mutum biyu Abba yasake sa suka sake yimasa bincike amma dai duk amsar d'ayace Babu banbanci, hakan ya matuqar b'ata masa rai, wai yau 'yarsa da yakeso fiye da sauran 'ya'yan da take dasu tarasa wanda zata soyayya dashi sai shege wanda ba'asan asalinsa ba, kuma har tanace akan cewa wai shi kad'aine zai iya bata farinciki aduniya, wata irin tsanar little marar misaltuwa yasake ji aransa, tabbas koda zai rasa 'yarsa ne bazaya tab'a bari da girmansa da mutuncinsa ba tazubar masa da kima acikin garin, zai bita yanda take so har zuwa lokacin da take tsammanin cewa zai d'auketa da hannunsa ya damqawa wanda bayada asali, inyaso alokacin zai nuna mata cewa shi d'in ubane da soyayyar da yake yiwa d'a bata Isa tahanasa yanke hukuncin daya dace akansa ba.

••• ••• •••
A b'angaren little kuwa tuni yafara karatunsa cikin maida hankali da kuma qwazo da son ganin ya cikama mahaifiyarsa burinta, kamar dai yanda akoda yaushe batool ke kwana da tashi da soyayyarsa azuciyarta haka shima ta b'angarensa Babu wani banbanci, yana yimata so da bazai iya misaltashi ba, musamman yanzu da basa tare da juna kuma sukayiwa kansu alqawarin nesanta da juna har zuwa lokacin da suke tunanin mafarkinsu zai cika,

A campus d'in makarantar gwaggo wato Rashida mahaifiyarsa taso ya zauna amma sai Dr yace a'a agidan baba balarabe zai zauna don har yagama magana dashi, ko kad'an rashida bataso hakan ba Amma babu yanda ta iya dole tahaqura, sosai baba balarabe yaji dad'in zamansa wajensa koba komai yana tunanin zai iya gyara kuskuren daya aikata na tsawon shekaru duk da ba'ason ransa ba, yaso tuntuni yaje ya sanarwa da baffa cewa anga Rashida da kuma qaruwar d'a da Allah yabata tsakaninta da d'ansa amma sab'anin daya nemi b'arkewa tsakaninsa da 'yar uwarsa tilo data rage masa aduniya shiya haifar masa da kama bakinsa akoda yaushe, yayi kuka ba adadi kuma marrar misaltuwa lokacin da qaddara tasa yasanar da 'yar uwar tasa yaya Maryam cewa yana son xuwa yaroqi baffa gafarar abunda yafaru daga nan kuma ya sanar dashi cewa Rashida da abunda tahaifa naraye basu mutu ba saboda yanda yaga ransa yab'aci lokacin da suka zo gaisuwar aminin nasa amma sai tanuna masa bata amince da hakan ba saboda ita aganinta babu wani kuskure da suka aikata aciki da har zai d'auki zafi akan abun yanuna ransa ya b'aci don duk iyaye nagari zasuyi fiye da abunda sukayi akan 'yarsu, sannan tunda d'ansu baya gari meye amfanin sanar dasu?, Zasu iya yunqurin cewa takoma d'akinta zasu kula da ita tunda bai saketa ba idan kuma suka nuna qin amincewarsu suce abasu jikansu wanda duk duniya idan zata nad'e wlh bazata bari araba Rashida da d'anta ba don haka inhar zasu sanar dasu komai to sai d'ansu yadawo qasar tukuna kuma shima d'in bawai don takoma dasu ta zauna bane, a'a sai don araba igiyar dake tsakaninsu ne, ita kad'ai tarage masu da zasu kalla amatsayin d'an uwansu suji sanyi don haka babu yanda za'ayi subarta a inda za'a iya sake salwantar mata da rayuwa tunda ba surukar tata kad'ai bace bata sonta ance harda wasu 'yan uwan mijin nata, idan kuwa yaje yasanar dasu wani abun akan Rashida da d'anta bata yafe masa ba a matsayinta na 'yar uwarsa kuma wlh babushi babu ita saidai ya sake wata 'yar uwar, da yayi yunqurin nuna mata muhimmancin fad'a masu musamman ko don d'an uwansa da sanadiyar hakan yarasa rayuwarsa sai tafashe masa da kuka wai yana son surasa marainiyar ALLAH kamar yanda suka rasa mahaifinta, duk iya qoqarinsa naganin tafahimta amma takasa sai nanata take duk ya aikata hakan to babu shi babu ita, wannan dalilin yasa babu yanda ya iya ya haqura saboda tsoron kada zumuncinsu ya lalace itama ya rasata, amma kullum cikin addu'a yake ALLAH yadawo da Nuraddeen yahad'u da iyalinsa ko wannan nauyin zai rage masa azuciya, a kullum cikin bibiyar al'amurran ahalinsu baffa yake asirrance koda zai samu labarin dawowarsa amma shiru, hatta auren da baffa yayi duka yaje, haka lokacin da yasamu labarin abunda yafaru da Yaya hawwa shima d'in yaje amma duk bai samu ganinsuba sai dai ya aika yaro yace aje ace balarabe daga yarimawa yace yana gaida marar lfy, saidai bayada masaniya akan saqon na isa ko kuwa, damuwarsa taqaru alokacin da yaji labarin cewa wud'anda sukaje karatu da Nuraddeen sun dawo amma shi yace bazai dawo ba sai daya yasa yasake komawa yaroqi Yaya Maryam akan don ALLAH tabari bawan ALLAH nan yahad'u da jininsa ko yasamu sassaucin halin da yake ciki saboda shi mutumne mai matuqar muhimmancin da bai cancanci ace ya amshi irin wannan sakamakon daga wajen suba amma for taqi amincewa saima cewa da tayi karya sake nufota da wannan maganar tunda har d'an nasa yace bazai dawo ba kenan yanuna cewa ya manta da yanada wani ahalin anan qasar don haka suma dole su manta dashi kamar yanda ya manta dasu, alokacin yakira umma yasanar da ita hukuncin da Yaya Maryam ta yanke kozata roqeta ta sassauto ko don cikawa marigayi burinsa, amma da yake itama alokacin cike take da b'acin rai akan abun sai tabashi amsa da cewa ai 'yar tace tanada iko akanta kamar yanda shima yake da iko akanta don haka ita babu abunda zatace akai, hakan yatabbatar masa da cewa itama umma tad'au zafi akan lamarin yanzu baida yanda zaiyi dasu, sun sha had'uwa da baffa akasuwa amma banda sallamar musulunci da gaisuwar mutunci babu abunda keshiga tsakaninsu, yana so ya sakijiki da baffan Amma saboda yanda baffan ya d'auka da zafi musamman akan rasuwar aminin nasa da sukaqi sanar dashi yaqi samun fuska daga wajensa, hakan kesa aduk lokacin daya tuna yazauna yayita kukan rashin d'an uwansa don ya tabbata idan yana raye hakan bazata faruba duk da kuwa gaba d'ayansu qanne suke agareta amma saboda suna su biyu shi zaisa su iya galaba akanta, yanzu kuwa zamowarshi shi kad'ai yasa masa raunin da bazai tab'a iya jayayya da ita ba, Yauma kamar kullum ya zaune a zauren gidansa idanuwansa na zubar da qwalla saiga little ya dawo daga makaranta sargahe da jikkar littafansa da laptop d'insa daya azo daga saman wuyansa zuwa gefen hannusa na dama ta sauka a qarqashin kafad'arsa, yana ganinsa yayi saurin kauda kansa gefe yana sharar qwalla, murmushi little yayi kafin yaqarasa wajen yana fad'in "kai d'an tsoho mai ran qarfe" da yake hakan yake kiransa dashi saboda yanda ya manyantar da yayi, "meyake damunka d'an tsohona har kake qwalla, fad'amun idan matan can nawane naje nabasu saki uku uku su barmu muhuta."

Dariya baba balarabe yayi saboda yanayin yanda little yayi maganar cikin kwaikwayon yanda 'yan daaga ke magana ya kaimasa d'an naushi a gefen kafad'a yana fad'in.

"Kaganka ko! ALLAH yarabaka da wahala."

Little na dariya yashafa wajen yana cewa.

"Awwwshhh...Ashe kakan nan nawa da sauran qarfinsa, kai! ai sai ka b'allamun kafad'a irin haka kabarni jinya a hannun wud'an can tsofaffin matan naka jinya."

Baba balarabe nata dariya, ba ko shakka zuwan little a gidan alkhairi ne agaresa domin yana rage masa rad'ad'in dake damunsa azuciya, kuma yana d'ebe masa kewar d'an uwansa sosai, little bai bar wajen ba har saida yaga damuwar daya iske qarara a fuskarsa ta b'ace sannan yamiqe had'e da cewa.

"Yawwa d'an tsohona bari naje na watso ruwa sai na d'auko abincina anan inzo inci kana bani labarin jarumin yayan nan naka mai mata d'aya tilo kamar rai."

Jawo carbinsa yayi ya d'aga zai dka masa da sauri yabar wajen yanufi cikin gida yana dariya,

"Ja'irin banza daya gado taqadirancin gyatumarsa."

Yafad'a tare da komawa ya kishingid'a ga pillow d'in dake gefensa ajiye ya cigaba da tunanin rayuwar duniya da kuma qalubalen dake cikinsa.

Ba'a wani jima ba little yadawo d'auke da plate d'in shinkafa da miyar tasha baqin kifi da kuma salad, gefen sa yaje ya zauna tare da fara motsa abincin ya d'ebo a cokali had'e da kai masa abaki yana fadin.

"Ungo naga tunda nashigo kake kallon plate d'in duk yawunka sunbi sun tsinke."

Ba musu baba balarabe yabud'e baki yasa masa abincin yana dariya.

"ALLAH bazan qara maka ba, ashe da gaske zakaci."

"Anfad'a maka nasan gatsene! Yimaza kaci kagama muyi magana dakai, so nake idan ALLAH yakai ranmu gobe karakani kasuwa kaji ko?,

Saida ya had'iye lomar abincin daya saka abaki sannan yace.

"Aikuwa da naji dad'i kamar kasan ina son zagayawa cikin garinnan Amma narasa Wanda zai rakani, su uncle hassan basa zama gida balle naroqesu, gaskiya d'an tsohona naji dad'i sosai dama gobe bamuda lectures sai zuwa qarfe d'aya. sai naje na bud'ikke qeyar idanuwana."

"A'a fa lele (little) nifa ba yawo nace zaka rakani ba, kasuwa nace karakani don haka kama kahutar da kanka zancen d'ebe qeyar idanuwa."

"Kai d'an tsoho, sunan nan nawafa little ne ba lele ba."

"To meye banbanci, ai shima d'in lele ake nufi dashi, saboda haka ni da lele zan kiraka tunda iyayenka suka saka maka sunan da ban iya ba."

Duk sukasa dariya, little nafad'in to ai shikenan, haka sukaci gaba da firarsu cikin tsantsar soyyayya ai in kagani kace shine kakan nasa na ainahi.

Tunda sassafe baba balarabe bayan yagama karyawa yasa uncle Hussain kamar yanda little ke kiransu ya kirawo masa shi, dama tuni yayi shirin wucewa kasuwa shikad'ai yake jira.....










*ALLAH KAJIK'AN IYAYENMU*👏😭
[11/14, 22:52] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️