You Cannot Download this book untill you login but you can read it .

---

Login Register

inada aboki acan kuwa, sunansa malan idi ko kasanshi, muna had'uwane idan munje cin kasuwanne dashi."

Dariya yayi had'e da cewa, "in dai malan idi mai awaki kake nufi toshi d'in ai mahaifina ne."

"Allahu akabar malan dawo mu zauna." Baba yafad'a yana maijin cewa in sha ALLAHU haqarsa zata cimma ruwa, dama shi kuma malan idris kamar yanda yafad'a bayada wani ajin yanzu don haka ya sake dawowa suka zauna, "Aikuwa aminina ne sosai, sharabona dashi tun watanni biyar da suka wuce yacemun zaiyi tafiya to har yanzu kuma bamu sake had'uwa ba, ko har yanzu bai dawo bane?"

"A'a baba yadawo amma a hanyarsa tadawowa yasamu had'ari yanzu haka yananan gida zaune ana jinya yau sauqi gobe ciwo, wannan watansa na hud'u kenan baya zuwa ko ina"

"Subhanallahi, gaske mukajisa shiru kuma gashi ALLAH baisa mukabi bayansa ba muji ko lafiya? Sai satinnan daya wuce muka fara shawarar zuwa nemansa don munzata tafiyar tasa mai dad'ewa ce shiyasa muka jisa shiru, ubangiji ALLAH yabashi lafiya yasa kaffarane, insha ALLAH ranar lahadi munanan tafe mudubashi, bawan ALLAH! malan idi ai mutumen kirkine."

"Amin baba ALLAH ya yarda." Wannan zancen da baba yaji shine yahana yayiwa malan Idris zancen Rashida alokacin amma sosai yasake samun natsuwar mik'a aurenta a hannunsa kodon nagartar mahaifinsa da kuma tasa, sun d'an jima suna hira anan yake sanar dashi yau d'innan in ALLAH yaso zaije can qauyen yadubo mahaifin nasa kuma insha ALLAH zai fad'a masa cewa yana gaisheshi sannan baba yawuce bayan yakarb'i address d'insa.

Bayan yawuce malan Idris yayi dariya tare da cewa "ALLAH mai iko!haka rayuwa take shiyasa akeson kazauna da kowa lafiya, da ace jiya bayyita tausar zuciyarsa ba akan abunda baba yayi masa daba qaramar kunya yau yajiba kasancewarsa abokin mahaifinsa." Sake murmushi yayi sannan yakoma cikin office d'insa

Rashida kuwa tuni cikinta yad'uri ruwa ganin mahaifinta a makarantar, atunaninta yazone saboda abunda yafaru jiya, tsoronta d'aya kada yauma idan takoma gida ya doketa idan malan idi yafad'a masa sauran abunda tace, jikinta har rawa yakeyi atashi taje wajen malan Idris taji abunda yakawo mahaifinta don gaba d'aya ta manta da zancen da tayi dashi da safe akan yazab'a mata duk mijin da yaga dama kuma tunaninta bai kawo mata baba zai iya nema mata malan Idris ba, ana tashi tanufi office d'insa har suna cin karo dashi yana qoqarin rufe office d'in batare data damu ba cikin turo idanuwan dake nuna tsoro qarara a fuskarta tace "don ALLAH malan meya kawo baba makarantar nan!? Wlh inajin tsoron kar ace ka koma cemasa wani abun akaina ya sake dukana, ko ranar da kaje gidanmu saida yazaneni sosai da tsintsiyar shara" qura mata idanuwa yayi yana kallon yanda bakinta ke motsawa da yanda idanuwanta suka firfito saboda tsoro, ji yayi kamar ma bai tab'a ganinta ba sai yau saboda yanda yanayin tsoron nata ya bada wani fasionable atattare da ita, yanda take game hannu tana tambayarsa yasa jikkar hannunta fad'uwa da sauri ya duqa zai d'auko mata itama alokacin taduqo sukayi karo da juna,

"Yi hak'uri malan." tafad'a had'e da d'aukar jikkar ta rataya akafad'a, girgiza kai yayi kamar wani soko sannan yafara tafiya yana murmushi had'e dajin wani abu akanta, da gudu ta cimmasa tace, "malan baka fad'amun kome mahaifina yazoyi anan ba."

"Kashi yace abaki." Shine amsar daya Bata atakaice yanaci gaba da tafiyarsa, tsaye tayi kamar andasata awurin kafin tasake rugawa ta cimmasa, "malan, malan kashi fa kace!, to ni menayi kuma.?"

"Saboda bakyason karatu."

"Amma ai d'azu shiyace ya amince tunda aure nakeso zai yimun!" Tsaye malan yayi zuciyarsa nabugawar da baisan dalilinsa ba kafin yajuyo yana kallonta had'e da cewa, "waza'a aura makine?" gyara jikkarta tayi had'e da ware hannuwanta tana fad'in, "Ban sani ba, da akwai wani Rabe dake sona amma baba yace beyi masa ba, don haka shizai zab'ani miji da kansa" ajiyar zuciya ya sauke had'e da cigaba da tafiya tana biye dashi agefensa yaci gaba da cewa "Kuma ke kin amince?"

"Eh, ni nace ya zab'amun duk wanda take so"

"Kuma duk wanda aka zab'a makin zaki yarda ki auresa?."

"Eh mana zan yarda tunda ni nace na amince."

"Ko waye shi?."

"Eh, kowaye shi"

"Koda ace nine? zaki yarda"

"Eh, zanyarda man.." Bata ida fad'aba tayi saurin rufe baki tare da zaro idanuwanta tana kallonsa jin abunda yafad'a, juyowa yayi shima yana kallon cikin idanuwanta d'aya bayan d'aya sannan jinjina mata kai tare da sakar mata murmushi yace "ina sonki! Zaki aureni!" Yaqarasa maganar yana dariya tare da barin wajen batare daya jira jin amsar da zata bashi ba yana jin wani shauqi da kuma farinciki atattare dashi,

Ita kuwa Rashida gaban tane yayi mugun fad'uwa tare da sakin jikkar dake sagale a kafad'arta tafad'i k'asa, kallonsa takeyi har ya qurewa ganinta kalmar Ina sonki d'aya fad'a nayi mata yawo a k'wak'walwa, tafi mintuna biyar awajen tsaye kafin tad'auki jikkarta tanufi hanyar gida jikinta kamar wacce aka zarewa lakka,

A ranar yini tayi data motsa fuskarsa take tunanowa da kalamansa tayita murmushi, ganinta cikin wannan yanayin yasa umma ta sake tsorata da al-amarinta, don atunaninta tsabar farincikin amincewar da mahaifinta yayine akan zaiyi mata auren kesata wannan nishad'in, d'azu garin kallonta har k'walewa tayi ajikin bangon qofar shiga d'aki,

Haka ab'angarensa daya rufe idanuwa babu abunda yake gani sai yanda bakinta ke motsawa da idanuwanta, ahankali yakejin sonta nashiga acikin zuciyarsa da kuma sauran sassan jikinsa,

Rashida kyakkyawar yarinya ce irin black beauty d'innan, tanada tsayi sosai don takusa kaimasa a kafad'a, tanada manyan idanuwa da zarazaran gashin ido hancinta bayada wani tsayi sosai amma saboda ramin idanuwa da take dashi zaka d'auka dogon hanci ne da ita hakama bakinta d'an madaidaicine ciccif fuskarta, bai tab'a lura da hakan ba sai yau daya qura mata idanuwa,

Daga shi har ita matsuwa sukayi weekend taqare saboda mararin son ganin juna sai dai ab'an garenta takan shiga damuwa idan tatuna da cewa tariga da taba mahaifinta damar zab'a mata mijin da zata aura, gashi ba zato ba tsammani malaminta ya dasa mata soyayyarsa azuciyarta, duk wani motsi da zatayi tsananin sonsa ke sake shiga ranta, kuma ayanda tasan halinsa tunda har tafurta da bakinta kuma ya tambayeta ta amince da duk zab'in da zaimata to bata isa yanzu taje masa da wani sauyin magana ba,

Shikam malan idris safiya na wayewa ranar asabar ya isko mahaifinsa ya sanar dashi komai ba tare daya b'oye masa ba akan aminin nashi da suka had'u da kuma zancen 'yarsa d'aya gani yana so wacce ayanzu yake da nufin aurarwa, sosai mahaifinsa yaji dad'i kuma yayi murna ya tabbatar masa da cewa idan ALLAH yabashi lafiya nan da sati mai zuwa zaije suyi zancen ko yatura qannensa suyo masa maganar, anan yake sanar dashi cewa ai yasan halin aminin nasa yanada matuqar kirki amma akwaisa da zuciya da kuma kafiya, shiru malan idris yayi tuna yanda suka fara kwashewa dashi shekaran jiya wanda yatabbatar zuciyace tasa yayi hakan, nisawa yayi kafin yace

"To baffa don ALLAH kayi masa magana dawuri saboda ko yaushe zai iya bada aurenta ga wani, gashi kuma kace yacika kafiya da yawa" dariya baffa yayi tare da bubbuga kafad'arsa yace

"To Nuraddeen, ka kwantar da hankalinka in Sha ALLAH bazan bari haka tafaru ba, bari idan sunzo gobe d'in sai nafara b'ulguta masa maganar sai muji me zaice kaji ko?." haka sukaci gaba da tattaunawa akan matsalar ciwonsa har yake cemasa shi dai yaso ace cikin 'ya'yansa wani yayi karatun kiwon lafiya kodon taimakon gida da waje, gashi yanzu sai faman kashe kud'i akeyi akan matsalar ciwonsa kuma sunk'i fad'a masu gaskiyar abunda ke damunsa balle a tsammani waraka nan kusa ko kuma nesa.

Ranar lahadi misalin karfe sha biyu na rana, baba da wasu abokanan kasuwancinsa su uku da kuma qanensa da shima duk tare ake akasuwa suka kama hanyar bebeji don gano malan idi, basu kaiba sai misalin k'arfe biyu na rana saboda yanayin injinin motar da sukaje da ita Bata cika kyauba sai an lallab'a, qannen malan idi su biyune suka tarbesu tare da shigowa dasu cikin gida inda yake zaune saboda hatta qugunsa yasamu matsala be iya tafiya.

Sosai farincikin ganinsu ya bayyana a fuskarsa kamar yatashi sama don murna, haka suma saidai su nasu farincikin ya surku da tausayinsa ga yanda fuskokinsu suka nuna, saboda malan idi mutumne mai dad'in sha'ani da kuma hak'uri, kusan ma halin sane malan Idris ya gado, murmushi ya dinga yimasu yana fad'in "karku damu alhamdulillah Ina samun sauqi, muyiwa ALLAH godiya da yasa fuskokinmu suka sake had'uwa badon haka ba ai shikenan rabuwarmu kenan tun ranar."

Abinci aka kawo masu yasa malan Idris daya shigo gaishesu ya zuzzuba masu abincin, bayan sunci sun sai gashi yasake shigowa da gorunan lemu da ruwa yakawo masu hadda mahaifin nasa da qannensa, har zai fita baffa ya kallesa had'e da cewa,

"Dawo nan kazauna" yana nuna masa gefen da baba take zaune, gaban sane yafad'i tare da sadda kai qasa sannan ya qaraso ciki ya zauna amma acan d'an nesa dasu, gyaran murya baffa yayi sannan yace....

_Tofah baffa zai fasa kwai agaban kowa🤣 Bari in gudu kafin kaina yayi girma saboda kunyar da zan tayasa ji😅 don son jin abunda baffa zai fad'a yau to inji ruwan comment idan ko ba haka ba kuda new update sai upper week😒_









*_ALLAH KAJIK'AN IYAYENMU_*👏😭
[8/17, 10:19] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___11💎

Gyaran murya baffa yayi yana kallonsu baba kafin yace,

"Malan bashar nasan kai kasan wannan" yana nuna d'an nasa sannan yaci gaba da cewa "don haka Babu buqatar in sake gabatar maka dashi saidai ko in wud'anna 'yan uwan nawa, amma ku su alhaji surajo, malan hashimu, sa'idu, malan shu'aibu da malan balarabe ga d'anku nan Nuraddeen wato d'an wajena koda ALLAH zaisa wata rana a had'u zaku iya ganesa shima yagane ku, wud'annan su biyun da kuke gani kuma qannena ne uwa d'aya uba d'aya wato Usman da aliyu, inafatar ko bana raye ace abota da kuma mutuncin dake tsakanina daku bai yanke ba, inaso ya zamana cewa idan anhad'u da juna za'a iya gaisa har kudinga tunowa dani kuna yimani addu'a"

"Ashsha malan idi! don ALLAH kadena fad'ar haka domin ita cuta ba mutuwa bace, mudai fatanmu d'aya shine ubangiji ALLAH yabaka lafiya kuma ALLAH yaraya manasu shi da sauran 'yan uwansa ya tashi kafad'unka acikin iyalinka." Haka suka dinga fad'a tare da yimasa addu'a,

Shiru baffa yayi yana kallonsu d'aya bayan d'aya nan take yaji wasu hawaye sun cika masa idanuwa, tari yafarayi wanda hakan yabawa hawayen dake maqale a idanuwansa damar zubowa, sannu duk suka dinga jero masa cikin jin k'warin guiwa ya kaikaita idanuwansu yana goge hawayen had'e da amsa masu,

Bayan tarin ya lafa masa ya maido kallonsa ga 'yan uwansa da kuma d'an nasa suma ya gabatar masu da aminan nasa inda har yak'ara masu da cewa shi awajensa abokan nasa sunfi qarfin yakirasu da abokanai ko aminai saidai yace sud'in 'yan uwan sane shaqiqai, don haka yana roqonsu dasu riqesu hannu biyu bisa kyautatawa da kuma girmamawa, gaba d'ayansu ji sukayi jikinsu yayi sanyi saboda yanayin yanda yake magana tamkar wanda ke barin wasiya, murmushi yayi ganin yanda fuskokinsu suka canxa had'e da cewa "kada kusaka kawunanku cikin damuwa akan maganganun dake fitowa abakina domin natabbata daga cikinsu akwai wud'anda zasu sanyaya zuciyoyinku kuma su sakaku cikin farinciki marar misaltuwa" juyowa yayi inda d'an nasa me zaune yace, "Nuraddeen tashi katafi, ALLAH yayi maka albarka" ajiyar zuciya malan Idris ya sauke had'e da mik'ewa tsaye yad'an sunkuyar dakai agabansu alamar girmamawa sannan yafice daga d'akin,

Bayan yafita baffa ya kalli 'yan uwansa yace, "usman, Aliyu Ina son kunemawa d'anku Nuraddeen izinin neman auren Rashida 'yar gidan malan bashar a hannun iyayenta dake zaune agabanku idan har ba'a tsayar mata da miji ba kamar yanda d'annaku yabuqata cewa yana sonta"

Wani irin annurine da farinciki ya bayyana a fuskokinsu gaba d'aya jin kalaman dake fito daga bakin aminin nasu in banda baba da kuma aliyu qanen baffa, shidai baba tsantsar farincikine da kuma mamakin jin cewa wai malan idris nason 'yarsa Rashida, shikuma Aliyu tsananin bak'inciki da takaicin hakanne da yaji yasa yakasa b'oyewa saboda 'yarsa muneera yaso ya had'a aurensu da shi saboda yanda take tsananin sonshi. Sosai baffa yalura da sauyawar fuskar da d'an uwansa tayi Amma sai ya basar saboda jin Usman na fad'in "Masha Allah, alhamdulillah, agaskiya haka yayi kyau kuma shizai k'ara dank'on zumunci a tsakaninmu, don baka iyayen rashida kunji buqatar d'anku idan har yarinyar nan ba'a tsaida mata da miji ba, to muna nema masa izinin yafara zuwa wajenta donsu daidaita"

Gaba d'ayansu suka had'a baki wajen cewa, "to aimu da Nuraddeen da Kuma Rashida duk 'ya'yanmune, saboda haka indon ta tamu bamuqi jinin yau a d'aura masu aure ba, don haka mu tabakin malan bashar muke jira sai muyanke hukunci"

Murmushi baba yayi sannan yace "hak'ik'a nayi farinciki, farinciki kuma marar misaltuwa akan wannan al-amarin, narigaku azuciya ne sai kuma ALLAH yasa yaron ya rigani abaki, Amma ALLAH shine shedar azuciyata nayi niyar bawa Nuraddeen auren Rashida saboda yanda nayaba da halinsa da kuma nagartarsa, dad'in fad'awa da naji cewa shi d'an amininane kuma d'an wannan ahali masu d'inbin karamci da kyautatawa, saboda haka kamar yanda kukace ku iyayen duka biyunne to nima haka, gaba d'ayansu 'ya'yana ne don haka ga mahaifinta nan malan balarabe sai muji tabakinsa." Yaqarasa maganar yana nuna inda qanen nasa kezaune, murmushi malan balarabe yayi had'e da cewa, "to madallah tunda duk kunbar mani 'yar tawa nagode kuma ni balarabe Ina so ku sheda cewa ba izini kad'ai ba hatta auren 'yata Rashida nabawa d'ana Nuraddeen duniya da lahira, don haka duk sadda kuka so asa rana da kuma yanka maku sadaki sai ku nememu in sha ALLAH ko yaushene mu a shirye muke"

"Alhamdulillah" kowa yafad'a, baffa yace "Tunda hakane mezai hana ayanka sadakin kuma asa ranar yanzu sai ahuta ko me kukace?"

Cikin rawar murya anensa Aliyu yace, "A'a yaya abari har sai sunje sun tambayi yarinyar idan ta amince ina ga hakan zaifi."

"Indai ta b'angaren yarinyar mune babu wata matsala koda had'asu mukayi munyarda da tarbiyarta zata amince ballema shi yaron yaganta yace yana so, don haka ayi abunda yakamata babu damuwa in Sha ALLAH" malan balarabe yafad'a cike da nuna yarda akan 'yar tasu,ko kad'an ran Aliyu bi yimasa dad'i ba Amma babu yanda zaiyi dole ya haqura tunda duk 'yan uwan nasa sun nuna amincewarsu, kafin kace me aka yanka sadaki dubu hamsin , nan take abokanan iyayen nasu su hud'u suka had'a kud'in suka ba qannen mahaifin Nuraddeen a matsayin tasu gudun mawar ga d'an nasu,

Hakan ba k'aramin sake farantawa baffa zuciya yayi ba tare da yiwa ALLAH godiya daya basa nagartaccin abokanai irinsu,

Abunda ALLAH yaso kuma yariga ya had'a ko ana so ko ba'a so to sai ya tabbata, a ranar su baba basu baro garinba har saida aka dindince ranar d'aurin auren nan da sati biyu masu zuwa tare da sadakin Rashida a hannunsu zuciyoyinsu cike da farinciki, nisawa mahaifin Rashida yayi yace "ALLAH mai iko kuma mai yin yanda yaso, mu da mukaje gano marar lafiya sai gashi mun dawo da sadakin 'yarmu a hannu, tabbas komai nada sanadi arayuwa, ubangiji ALLAH yasa hakan shi yafi zama alkhairi kuma ya had'e hankulansu waje d'aya" kowanensu ya amsa da "Amin" suna masu jinjina al-amarin ubangiji.

Aliyu kuwa suna tafiy bai zame ko Ina ba sai d'akin mahaifiyar Nuraddeen wato matar yayan nasa yay hawwa kmar yanda suke kiranta yana cika yana batsewa, nan ta taso tana tambayarsa ko lafiya ai kamar jira yakeyi ya zayyane mata qarya da gaskiya, ashar ta lailayo ta dire tna fad'in "ai wlh ba'a isa ba, yaushe har shi nuran yayi girman da ya isa yace ga wadda yake so da har za'aje ayo masa qulle qulle a aura masa wata can bare, to wlh bazan tab'a lamuntar wannan abun gori acikin dangi ba, haka kurum ajawo mani abun kunya da fad'a acikin gari, kowa yasan awannan garin namu auren zumunci akeyi, bamuda bare kuma ba'a tab'a kawo mana ita acikin gida ba, shikenan sai yanzu ace akan d'ana za'a fara?to wlh haka bazata sab'uba wai bindiga aruwa" wani farincikine ya rufe Aliyu yaci gaba da ingizata yana zugata haddasu cewa "Nima haka nagani yaya hawwa, Ina laifin ace ko muneera ce an had'asa da ita tunda tana sonsa amma wai antashi an had'asa da wacce batasan kimarmu da darajarmu ba, ga yaran cikin garin basuda mutunci da girmama na gabansu"

"Kai rufamun baki, muneera ko shashasha, tun yaushe nake cemata tadinga oqarin jawo hankalinsa amma takasa, shegiya mai gwalmad'ad'd'in qafafuwa ai koma meye laifin tane"

"Amma yaya hawwa kemafa kinsan yaronnan da baqin rai yake, har yaushe tag fuska balle taje tayi masa karairayar da zata jawo hankalinsa, yanzu dai ya kamata kisan abunyi kafin yarinyar nan tazo tarabamu da d'anmu ta tsigemu gaba d'aya"

"Kai Aliyu tofar da mugun yawun bakinan naka, wannan baqar fata har Ina, Bari naje wajen malan dole a ajiye wannan maganar" fiiiii...tanufi shigifar da baffa ke kwance ta iskosa yana jan carbi, masifa tafara zuba masa yana kallonta har ta gama sannan ya ajiye carbin agefe yace "yanzu ke hawwa awannan yanayin da nake ciki har kinada k'warin guiwar zuwa kiyi tsaye agabana kina wud'annan maganganun, to bari infad'a maki ko kina so ko bakya so sai anyi wannan auren tunda yana son yarinyar"

"Ni kuma bana son yarinyar, don haka bazai aureta ba"

"Saboda meye?"

"Saboda ita d'in barece"

"A'ina aka fad'i hakan, qur'ani yafad'a ne ko a'a?"

"A al'adar garinmu dai ce ba'a tab'a yin hakan ba kuma baza'a fara akan d'ana ba"

"Kaji shirmen banza, al'adar tafi alqur'anin ne? To Bari kiji wannan aure kamar anyi angama ne da yardar ALLAH"

"Amma malan inkayi mani haka bakayi mani adalci ba sabo..." Bata qarasa rufe baki ba yace

"Eh jeki naji d'in ni yanzu barci nakeji bana son wannan hayaniyar!"


Duk inda ran hawwa yake inyayi dubu yab'aci, tafice buuuu.kamar zata tashi sama tana maseefa, karo tayi da Usman akan hanyar tsakar gidan da yake family ne duk anan suke zune tafara yimasa qorafi, murmushi yayi sannan yace, "ikon ALLAH, to aike yaya hawwa banda addu'a babu abunda yakamata kiyi tunda shi yaganta kuma yace yana sonta, don ALLAH don annabi ki kwantar da hankalinki, mai k'aya ya daure kuma sai ace mai cira na kuka!?"

Aifa nan shima tayi masa tatas har tana k'arawa da cewa ai duk munafuccin da akayi dashi akayisa, shidai murmushi kawai yayi yawuce abunsa batare daya sake tankata ba, Aliyu ne ya iso wajen yana kallon irin hararar data raka d'an uwansa da ita yace,

"Ahaf! Ai infad'a maki yaya hawwa duk munafuccin agindinsa yake, shine nan ya qulla komai." Tsaki taja had'e da barin wajen tana fad'in, "sakarci, to kai meya hanaka kwancewa daya qulla, ai wlh duk sai nayi maganinku ga baki d'aya."

😨 _TIRQASHI! RASHIDA KINA CIKIN MATSALA, GASHI KEBA ILIMIN ZAMANI BALLE KI KWACI KANKI🤔🏃🏻‍♀️🏃🏻‍♀️🏃🏻‍♀️🏃🏻‍♀️_







*_ALLAH KAJIK'AN IYAYENMU👏😭_*
[8/17, 10:19] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___12💎

Kallo Aliyu yabi yaya hawwa dashi kafin yace "Kai wannan mata anyi fitinanniyar halitta anan, duk girmanka baza katab'a gwaninta awajenta ba, jarababbiya da ganinta kasan ba qaramin haquri yaya keyi da ita ba."

Kasa zaune da tsaye yaya hawwa tayi saboda tunanin hanyar da zatabi ta hana auren, in tayi nan tayi can kamar mai jiran sauraren wani sak'on, cije baki tayi aranta tana mai ayyana kalar uqubobin data tanadawa yarinyar matuqar bata samu nasarar ruguje auren ba,

Baba kuwa yana isa gida bakinsa ko rufuwa bayayi saboda tsananin farinciki yafara k'walawa Rashida kira alokacin ita kuma tana bayi tana wanka,

"A'a sannu da zuwa malan,lafiya naji kana k'wallawa 'yar taka kira tundaga zaure" tak'are zancen had'e da jawo tabarmar dake gefen d'aki ta shimfid'a masa sannan takoma d'aki ta d'auko ruwa masu sanyi takawo masa, fuskarsa cike da annuri ya nemi waje ya zauna sannan yace,

"Yawwa maman Rashida lafiya klw muka dawo, Ina ita Rashidar take, ko tayi islamiya ne?"

"A'a yanzunnan tashiga wanka, inaji yauma tayi latti ALLAH yakareta daga dukan malamai."

"Amin ya ALLAH" Yafad'a had'e da d'aukar ruwan data ajiye masa agabansa yasha,

"Malan shin ko abun sirrine tsakanin uba da 'yarsa naji kayi shiru, kai da naga kashigo da azamarka kamar Wanda akaba saqo yakawo mani." Murmushi yayi mata sannan yace

"To kusan dai kamar hakanne amma sak'on Kuma bake aka bawa ba 'yarmu aka ba."

"Tooo...! Kace dai harkar tason kaice, to bari nakama bakina, inbar uba da 'yarsa susha sha'aninsu"

"A'a ranki shidad'e ai abun bai kai can ba, ungo wannan riqe inyi maki bayani" ya ciro kud'i a aljihunsa ya mik'a mata, ansa tayi tana bin kud'in cike da mamaki kafin tace, "malan a ina kasamo wud'annan? Ina wajen ganin marar lafiya kuka tafi ko?"

"Eh a can mukaje?"

"To wud'annan kud'infa a ina aka samosu?"

"Kai maman Rashida wud'annan tambayoyin sunyi yawa, sai kace wanda yasato"

"To ai dole na tambaya saboda abun da mamaki!."

"kwantar da hankalinki to wannan sadakin Rashida ne kuma nan da sati biyu za'a d'aura auren in sha ALLAH..." bai qarasa zancen ba sukaji qarar fad'uwar bokiti daga toilet Rashida ta saki jin abunda kefitowa daga bakin mahaifin nata, atare umma da baba sukace,

"Ke lafiya?"

K'ok'arin maida hawayen da suka zubo mata tayi tare da ciro zanenta dake rataye ajikin k'usa ta d'aura sannan ta yafo towel d'in da tashiga dashi yarufe mata daga samn kai zuwa qirji tafito kanta na sunkuye qasa tawuce d'akinsu,

Kallo suka bita dashi kafin baba yace "ALLAH ya kyauta, ni bari inje muyi magana da balarabe yana waje yana jirana.!"

"Shine bakace ya shigoba zaka barshi zaune awaje sekace wani baqo"

"Bari dai natafi kije ki ajiye kud'innan idan nadawo ma k'arasa maganar."

"To ALLAH ya kiyaye kuma yasa adawo lafiya, ka gaidashi"

Yana fita itama Rashida tafito saye da hijabinta na islamiya tace "umma natafi" batare da tabari sun had'a idanuwa da ita ba don kada ta fahimci halin da take ciki,

"To adawo lafiya" itama tabata amsa atak'aice, sannan tamik'e tawuce cikin d'aki.

Rashida kam tana cikin yanayin da ita kanta batasan taya zata fassarashi ba, karatu akeyi amma tayi zaune tahad'a tagumi tana tunani, gashi dai auren da takeso za'a yimata amma damuwarta d'aya shine yanda alokaci guda soyayyar da malaminta ya dasa azuciyarta cikin kwana biyu tayi tasiri aranta har tana tunanin yanda zata iya auren wani idan bashi ba, ji tayi tafashe da kukan da batasan lokacin da yazo mata ba saidai taji malami na fad'in

"Ke Rashida me yake damunki ne?" Firgigit tadawo cikin hayyacinta tana zarar idanuwa had'e dasa hannuwa tana goge hawayen da suka zubo mata,

"Mik'e tsaye." Taji ya sake fad'a tare da nufo inda take riqe da bulala, mik'ewa tayi da sauri tana runtse idanuwanta don duk duniya babu abunda ta tsana kamar a tab'a mata jiki da sunan duka,

"Me kike tunani!"

"Babu malan" tafad'a atsorace har lokacin idanuwanta na arufe, har zai dukanta sai kuma ya qyaleta had'e da cewa tafitar masa daga aji, maimakon tabashi hak'uri kawai sai taja jikkarta tafice daga dama tun d'azu hankalinta baya wajen balle ta fahimci karatun da yakeyi, acan bayan wasu azuzuwa taje ta zauna, ta d'ora daga inda ta tsaya ga tunanin da yakeyi, Bata bar wajen ba har sai da taga antashi sannan tabi sauran d'alibai suka wuce gida,

Tana isa gida ta isko umma na waya da 'yan uwanta dake borno akan zancen aurenta tana fad'a masu ai har ankawo mata sadaki an kuma sa ranar aurenta nan da sati biyu hakan yasake dagula mata lissafi tawuce d'akinta da