You Cannot Download this book untill you login but you can read it .

---

Login Register

abar mai fika fikai.

Nad'e d'ayar kazar tayi ta tura aqarqashin filo tare da gorar youghout d'in d'aya, shi kuma sauran takoma ta kwanta tana sha tana suruttanta har bacci ya soma d'aukarta, can cikin bacci taji kamar ana Kiran sallar asuba da sauri tamiqe tanufi sashensu Nuraddeen tafara bubbuga qofar, kasancewar baaccin ya soma yimasa nauyi sosai shiyasa baiji ba saidai baffa Usman ne yaji qarar ana dukan qofa daga wajen sashen Nuraddeen da sauri yafito don ya zata shine, ganin Yaya hawwa tsaye bakin qofar yasa yaqarasa wajen yana murzar idanuwa cikin rage murya yace

"Lafiya Yaya hawwa kike buga masu qofa awannan lokaci?."

"Aiho Usman ashe kaima kafito, ja'irin yaro kaji har ankira sallar asuba bai fitoba shine nace Bari na tadashi don Karya makara" kallon sararin samaniya baffa Usman yayi kafin yace.

"Ikon ALLAH! To aike yaya ba'a isa kiran sallar asuba ba, qarfe uku da rabi yanzu ko baki duba agogo bane."

"Kace wlh, Niko naji kiran sallah yanzu shiyasa nataso." dariya yayi don ya fahimci zallar damuwane yasa kunnuwanta ke hakaito mata kiran sallah awannan lokacin, dariya suka jiyo shiyarsu baffa Ali wanda har da zai fito Inna ruqayya tariqesa ta hanasa fitowa.

"Wlh waccan yayar tashiga uku, mace baqin hali sekace gareta farau suruka, shiyasa naso muneera ta auresa don ta gyara mata zama wannan takurawa har Ina, fita batunsu baban yusufa koma ka kwanta." Tafad'a tana dariya had'e da kashe wutar d'akin,

Girgiza kai baffa Usman yayi had'e da cewa "ki koma ki kwanta Yaya hawwa idan asuba tayi zan tashesu."

"Asubar batayi ba kenan!"

"Eh" yafad'a tare da juyawarsa yakoma d'aki, Daren ranar kam kasa komawa bacci tayi in banda saqawa da kuma warwarewa azuciyarta babu abunda takeyi,

Baffa shima kansa abun dariya yabashi don duk abun dake faruwa akunnensa yanaji saboda alokacin shima ba bacci yake yiba, zaune take abunsa yana karatun al-qur'ani kafin yafara sallolinsa daga zaunen yajiyo bugun qofarta, rashin qafafuwa ya hanasa tasowa da sai ya riga baffa Usman fitowa, sosai matar tasa tabashi dariya ya d'aga hannuwa sama yana addu'a ALLAH ya shirya masa ita yaganar da ita kura kuranta tun wuri bai qure mata ba sannan yaci gaba da ibadunsa tare da roqawa d'an nasa samun dukkanin bud'i na duniya da zaman lafiya had'e da 'ya'ya nagari...








*ALLAH KAJIK'AN IYAYENMU*👏😭
[8/17, 10:19] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___22💎

Yaya hawwa kuwa har akayi kiran sallar asuba na farko idanuwanta biyu tanaji anfara kiraye kirayein sallar tamik'e had'e da azo qafarta bakin qofar d'aki kawai taji saukar ruwan sama ya kuccike ba zato ba tsammani don tun wurairan biyu da hadarin ya kankama iska ya taso ta ko Ina sai kuma daga baya ya kwanta hadarin kuma ya wargaje cikin ikon ALLAH nan take kuma da asubar ya sake had'uwa saiga ruwa, tsaye Yaya hawwa tayi kamar tafashe da kuka tana kallon sama, wata irin walk'iya akayo da tsawa alokaci d'aya da gudu takoma cikin d'akin tanemi waje ta zauna gefen gado idanuwa sunyi mata qululu, yau take jiran ad'auke ruwa gobe take jira amma sai sake sauka sukeyi kamar da bakin k'warya, hakan yasa kosu baffa Usman basu samu fita masallaci ba balle malan Nuraddeen ango sai dai kowanensu yayi sallarsa a d'aki tare da iyalinsa,

Nuraddeen kuwa saboda sanyi da qyar yasamu yayi wankan tsalki ba tare daya tayar da Rashida ba da sai faman yatsine fuska takeyi cikin baccin saboda babu ruwan zafi, sallarsa yayi sannan ya shiga cikin kicin d'inta ko zaiga inda aka ajiye rishow d'inta, cikin sa'a ya hango kwalin electric stove ya jawo had'e da cirosa daga ciki ya jona ga socket d'in kitchen d'in sannan ya ciro tukunya cikin kwalinta itama ya d'ora bayan ya d'an kara hannunsa saitin electric d'in yaji yafara zafi ya d'ebo ruwa ya zuba sannan yakoma cikin d'akin, gefen gadon ya zauna tare dasa yatsansa yana d'an shafa lab'b'anta, ahankali yaga tafara bud'e idanuwanta suka sauka akan nasa daya qura mata, suna had'a ido tayi saurin rufewa had'e da cuno d'an k'aramin bakinta ta kauda kanta gefe, dariya yayi kafin yace "haba ta malan nura fad'amun waya tab'amun ke kike juyamun kai haka." Shiru tayi batare data amsa masa idanuwanta na arufe, hannunta ya cire daga saman qirji da yake ta riqe bargon yana shafa lallen dake jiki a hankali tare da yimasa kiss, jaye abunta tayi da sauri tana fad'in "kadena bana so.."

Kafin tarufe baki taji ya had'e bakinsa da nata ya sakar mata wani irin sihirtaccen kiss. Idanuwanta ta lumshe tanajin tamkar na'urar jikinta ta d'auke ta had'e da dawowa.

"Morning habibty kin tashi lafiya?" Kad'a masa kai tayi tana tunani abubuwan da suka faru jiya tsakaninta dashi kawai saita tsinci kanta cikin matsananciyar jin kunyarsa, "taso muje kiyi wanka yafad'a had'e da miqewa, har zai d'aukarta sai Kuma ya tuna bai had'a ruwanba ya. "Afuwa habibty bari naje na had'a maki ruwan wankan tukunna."

Yaqarasa maganar tare da barin d'akin koda yaje ruwan har sun tafasa ya juye a boket yakai toilet, wani bokitin ya sake d'auka yahad'a mata ruwan tare da detol sannan yakoma ya d'aukota tamkar wata baby,

Cikin jin kunya tace "don ALLAH ka ajiyeni zan iya tafiya da kaina."

Zaro idanuwa yayi yana kallonta had'e da cewa.

"Da gaske kike?"

"Eh ajiyeni kagani mana."

Tana turo baki agaba, Saida yayiwa bakin kiss sannan ya ajiyeta qasa tafara takawa ahankali yana biye da ita har takai bakin qofar shiga toilet d'in, tana aza qafarta d'aya ta d'ago d'ayar ta aza tayo baya baya zata fad'i da sauri ya tareta tafad'a akan jikinsa saboda wani irin masifaffen zafi da taji a tsakiyarta don ma ALLAH ya taimaketa bai jimataba saboda ba duka ya shigeta ba, binta da kallo yayi ganin yanda tsoro yasa taturo idanuwanta da suka cika tab da hawaye tana shirin yin kuka yace

"Sorry habibty, kibi a hankali mana kinga da yanzu kin fad'i" kafin tace wani abu ya d'auketa ya qarasa shiga da ita ciki, qasa ya direta sannan yajawo wata 'yar kujerar da kecikin bayin ya zaunar da ita had'e da nad'e hannuwan rigarsa yasa cup yafara d'ebo ruwan yana yimata tsarki dasu, ture hannunsa takeyi tana had'e qafafuwanta Amma yayi kamar bai ganta ba saida ya gasata sosai sannan yace tayi wankan tsarki sai tafito,

Ita kam banda satar kallonsa tana mamkinsa babu abunda takeyi, wai yau itace malaminta ke d'auka hadda suyimata tsarki, lalle aure wani babban alamarine daban, da sauri tasa hanuwa tarufe fuskarta tana dariya alokaci d'aya kuma tanajin qaunarsa naqara ruruwa azuciyarta, tajima zaune tana wud'annan tunanin kafin tayo wankan tafito tasamu harya shimfid'a mata abun sallah tare da fiddo mata da doguwar riga da hijabi yabata tasa ta tada sallah, waje yake son fita amma har lokacin ruwa akeyi sosai gashi har goma da kwata tayi yarinyar mutane bataci komai ba,

Yanke shawarar fita haka yayi sai gashi yaji qarar wayarsa dake ajiye saman bedside, da sauri yaje ya d'auka yaga lambar baffa Usman duk sai yaji wata irin kunya ta kamasa, kasa d'agawa yayi akaro na farko har sai akaro na biyu ya d'aga had'e dayin sallama ya gaishesa. murmushi yayi sannan yace

"Lafiya klw Nuraddeen, katashi lafiya."

"Lafiya klw baffa Usman."

"Ya kwanan iyalin naka? Yau mun tashi da ni'ima."

"Alhamdulillah kam ga ruwa nan masha ALLAH sai fatar alkhairin dake cikinsu" yafad'a tar da basar da d'ayar maganar, murmushi baffa Usman ya sakeyi kafin yace,

"Kabud'e k'ofa ga abun karinan Aysha zata kawo maka da sauri kasan ruwan nada qarfi kada su dokarmun auta tayi ciwo.." 'yar dariya Nuraddeen yayi had'e da cewa.

"To baffa Usman, ko abari inzo in karb'a kada ruwa sudoketa nayi laifi, dama yanzu nake Shirin fitowa."

"A'a jira gatanan zuwa, ai babban d'a baya laifi,"

"To baffa Usman mungode."

"Masha ALLAH ka gaida iyalin naka"

Yakashe wayar don yasan bazai amsa ba saboda kunyar da yake da ita, miqewa yayi had'e da zuwa bakin qofar don har yaji isowar ta, yana bud'ewa yace

"Aysha shigo da sauri mana kada ruwan ya jiqaki."

"A'a Yaya Inna tace inyi maza indawo kada natsaya, Ina kwana?"

"Lafiya klw autar baffa yasu Inna?"

"Duk lafiya klw suke, Ina aunty."

Juyawa yayi yakalli qofar d'akin bayan ya anshi kayan hannunta sannan yace "shigo mana tana ciki ku gaisa ko bakya sonta?"

Rufe baki tayi sannan tajuya da gudu tabar wajen tana fad'in "Ina sonta mana Yaya ka gaisheta anjima zamuzo ni dasu aunty fadila."

Juyawa yayi ya koma ciki ya tarar har ta sake gyara d'akin ta koma ta kwanta, amaimakon ya tada ita sai kawai shima yabi bayanta yakwanta abinsa had'e da jawota ajikinsa, tanaji yafara shafo cikinta yana yawo da hannunsa ta rintse idanuwa sosai irin tayi baccin nan, cakulkuli yafara yimata yana fad'in "kima bud'e idanuwanki nasan ba bacci kikeyi ba."

Yanaci gaba da yimata cakulkulin, juyowa tayi tana dariya tashige jikinsa tana fad'in "don ALLAH kadena bana so."

Cikin kwaikwayon muryarta shima ya maimaita abunda tace. "Shikenan to ni kiyimun Ina so."

Aikuwa ta taqarqare tana yimasa cakulkuli tana dariyar shima yanayi, jawota yayi ya rungume jikinsa sosai yana fad'in "to ya isa haka kibarni nima bana so" yana rirriqe mata hannuwa ita kuma tana qoqarin kwacewa, da wayo da wayo yasamu ya sake biyan buqatarsa amma awannan karon Mai gaba d'aya yayimata don seda yaji yasamu natsuwa sosai,

Kuka kam Rashida tashashi har dasu majina, sai faman rarrashi yakeyi fiye da jiya yana qoqarin jawota ajiki turesa ta dingayi tana fad'in "ni ka qyaleni tunda wayone da Kai bazan sake yarda da kaiba."

Dariya ya dinga yimata yana cewa. "Yi hakuri nadena bazan sake ba."

Saida yaga tayi shiru sannan ya tashi yaje ya juyo sauran ruwan zafin d'azu yakai masu toilet yadawo ya sake d'aukarta izuwa toilet d'in, nan ma saida ya cukulkulata sannan ya taimaka mata tayi wankan shima yayi suka fito, ji yake wani irin sonta na qara ruruwa azuciyarsa da bayajin zai iya rayuwa idan babu ita.

Saida suka shirya tsaf sannan ya d'auko abun karin da baffa Usman yasa Aysha takawo masu ya ajiye agabanta, soyayyen kwaine sai ruwan tea da kuma qaton burodi guda sai suga da gwangon madarar ruwa guda biyu tare da bonvita, qananan cups ya d'auko a kitchen tare da plate yajuye soyayyen qwan akan yahad'a mata tea mai kabrin gaske yabata, tana jin yunwa sosai hakan yasa ba musu ta karb'a tafara sha tana had'awa da soyayyen qwan tak'i cin biredin, Babu yanda beyi da itaba akan taci tace taqoshi don dama ita ko agida biredi bai shamata kai ba.










*ALLAH KAJIK'AN IYAYENMU*👏😭
[8/17, 10:19] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___23💎

Haka yagaji ya qyaleta yaci gaba da cin biredinsa tare da kora ruwan tea kafin can ya turesu gefe yana kallonta, murmushi tayi ta tura soyayyen k'wan data d'ebo cikin baki had'e da sunkuyar da kanta k'asa.

"Malamina wannan kallo haka fa?."

Tafad'a tana kai ruwan tean abakinta,

"Ke d'ince indai kina agabana bazan iya dena kallonki ba, musamman idan kina motsa wannan d'an mitsitsin bakin naki dake d'auke da tausasan lab'b'a tamkar tuffa sai inji bana gajiya da kallonki."

"Ehhm."

"Baki yarda bane?"

"Haba! Nayarda sosai kuwa."

"Habibty! Hak'ik'a ba k'aramar sa'a nataka ba da ALLAH ya mallaka manike a matsayin matata kuma asusun ajiyar 'ya'yana har nakanj alfahari araina tare da ganin babu abunda yai sauran mani aduniya face naci gaba da yiwa ALLAH godiya bisa wannan kyauta da yayimun, haqiqa kowace mace da irin baiwar da ALLAH yayi mata aduniya amma inada yaqini akan cewa taki baiwar ta musammance, nayarjewa kaina in rayu rayuwa ta har abada a qarqashin inuwarki ke kad'ai batare dana kwad'aita izuwa wata inuwar ba."

Yanda taqura masa ido tana sauraren kalamansa ya sashi jinjina mata kai had'e da rufe idanuwansa yabud'e alamun tabbatar mata da zancensa sannan yaci gaba da cewa.

"Kiyarda dani Rashida Kuma kibani damar d'awainiya da dukkanin murdanki da burukanki aduniya natabbata zanyi qoqarin cika makisu koda kuwa zan rasa raina, ni Nuraddeen nayi maki alqawarin zan kula dake, zan tarairayeki zan bud'e maki dukkanin qofofin zuciyata kiyi duk yanda kike so aciki, zan mallaka maki dukkanin sassan jikinsa da kuma rouhina, zanyi maki uzuri acikin lafuzzanki da kuma ayukkanki agareni, zan killaceki tayanda Babu wani mahaluqin daya isa yacutar mani dake, zan d'aukaka darajarki da martabarki acikin 'yan uwanki mata, burina d'aya shine ki soni so mai girma kuma ki qaunaceni tayanda duk tsanani bazaki tab'a yarda arabaki dani ba domin farincikina yana wan zuwane matuqar kina tare dani to tabbas zan kasance mai alfahari da rayuwata har abada, Rashida Ina sonki so marar misaltuwa, Ina qaunarki qauna mai tsananin da zan iya sadaukar da dukkanin farincikina akan naki farincikin." Murmushi tayi tana maijin wani sanyi na ratsa zuciyarta da kuma sassan jikinta, tabbas tayarda cewa idan ALLAH ya jarabci bayinsa awanI b'angaren to yana kawo masu mafita a ta wani b'angaren daban, daga daren jiya zuwa wayewar safiyar yau cike take da tsoro da kuma tashin hankali ganin yanda mahaifiyar mijinta da wasu 'yan uwansa suka nuna qarara cewa basa farinciki da aurota wanda hakan ba qaramin jefata cikin damuwa da karaya yayi ba amma ayanzu ganin tsantsar soyayyar da mijinta keyi mata acikin idanuwansa da saqon da bakinsa ya isar Kai tsaye daga zuciyarsa yasa tasamu natsuwa da qwarin guiwa d'ari bisa d'ari wajen jajircewa ta nayarda martani akan soyayyar da mijinta keyimata kuma tashirya tsaf wajen yaqar duk wani shamaki da zaizo ya shiga tsakaninta dashi, zata lullunka dukkanin haqurin da akace tayi tare da jurewa dukkanin b'acin ran da zata fuskanta don ganin sunyi rayuwarsu yanda suka tsara cikin so da qaunar juna.

Wata kasalalliyar ajiyar zuciya tayi had'e da riqo hannayensa biyu tana kallon cikin idanuwansa tace.

"Ka kwantar da hankalinka malamina domin kai kad'aine zuciyata keso, Kai kad'ai taquduri alqawarin yiwa hidima har qarshen rayuwarta, bazan gujeka ba komai rintsi komai wuya, zanyi maka biyayya iya qarfina, zan kula da kai iya qoqarina sannan zan baka farinciki daidai iyawata, zan zauna da 'yan uwanka lafiya zan Kuma kyautawa iyayenka tamkar nawa iyayen sannan zanyi fad'a da qarfin ALLAH ga duk abunda zai rusa rayuwar aurenmu, abu d'ayane bazan iya yimaka alqawari ba, shine na baka soyayyata tahar abada."

Taqare zancen tana sinne kanta qasa had'e da qumshe dariyar da tazo mata saboda ganin yanda ya turikke idanuwansa awaje, cikin rud'ewa ya rumk'e hannuwanta sosai kamar zaiyi kuka had'e da cewa.

"Why Rashida!. Meyasa bazaki iya bani soyayyar kiba tahar abada?"

D'ago kanta fuskarta ad'aure tana kallonsa tace.

"Kayi hak'uri saboda gaba d'aya nariga da nabaka ita tunda dad'ewa har agaban Aabadan kaga kuwa bazan iya sake baka itaba tunda tuni tana hannunka."

Taqare maganar tana dariya had'e da kallon yanda ya dafe saiti zuciyarsa da hannayensa biyu yana murmushi, cikin wani irin shauqi yariqo gefen kuncin ya d'aga d'ayan hannunsa kamar zai mareta yana fad'in.

"Ke ko!" tayi saurin runtse idanuwanta tana dariya, ji tayi ya rungumeta had'e da sumbatar goshinta yace.

"Kai habibty Zaki kasheni da soyayyarki, waya koya maki soyayya haka." Yana sake sakar mata kiss agoshi, gyara zaman kanta tayi a qirjinsa had'e da cewa.

"Malamina mana.." duk sukasa dariya, atak'aice dai ranar sun faranta zukatan junansu da dad'ad'an kalamai dake d'auke da nagartacciyar soyayya.

Ganin ruwan basuda ranar d'aukewa yasa qarfe d'aya da rabi nayi na rana ya fito haka don gabatar da sallar azahar, kallo d'aya zakayi masa katabbatar da natsuwar dake cikin zuciyarsa saboda farincikin dake shifid'e a fuskarsa, kasancewar ruwan sun d'an rage yayyafine akeyi amma mai d'an qarfi yasa bai tsaya yin sallarsa b'angaren baffa ya wucewarsa masallaci, bayan yadawo yashiga inda mahaifinsa yake cike da jin kunyar rashin fitowarsa da safe ya gaishesa, sallama yayi baffa ya amsa masa sannan yashiga yana zaune riqe da littafin majma'ul baharaini yana tilawarsa, kallo d'aya yayi masa ya d'auke kansa ya mayar ga littafin yana murmushi ganin yanda yake wani faman sissinne kai qasa.

"Baffa Ina wuni?" Yafad'a kamar zai nutse aqasa saboda kunya, batare da baffa ya d'ago kansa ba yace.

"Lafiya klw Nuraddeen, ya yinin iyalin naka duk lafiya kuke?"

"Lafiya klw baffa ya ruwa?."

"Ruwa kam gasunan Masha ALLAH sun sauka, kaga badon rashin qafafuwannan nawa ba da sai gona."

"To baffa ya za'ayi sai haquri, in sha ALLAH ijaba takusan sauka, inaji ajikina ka kusan miqewa da qafafuwanka da yardar ALLAH"

Murmushi yayi irin nasu na manya tare da rufe littafin sannan yace,

"Hmm! Nuraddeen kenan! Kai yanzu kana tunanin zan miqe awannan halin da nake ciki?, Duk da dai shi ciwo da mutuwa duka a hannun ALLAH yake bana tunanin zan wud'an qafafuwan nawa zasu sake taka qasa"

_Laa taqnad'u min rahmatillah (kada ka yanke tsammani ga rahamar ALLAH)_

sukajiyo baffa Usman dake qoqarin shigowa yafad'a had'e da yin sallama, murmushi baffa yayi had'e da cewa.

"Malan Usman uban ango yau Ina kashige tun safe ban sake ganin kaba sai yanzu?, kodai d'an naka kake tayawa angwanci?" Sosa qeya Nuraddeen yashigayi yana murmushi tare da kallon baffa Usman dake qoqarin zaunawa kusa ga d'an uwan nasa yana dariya yace,

"To Yaya idanma nayi ai ba garemu farauba balle ta qare kanmu, in banda abunka Yaya duka duka shekarun naka nawane da kake zancen mutuwa koda yake ita batada takamammen lokaci amma muna fatar ba jikoki kad'ai ba har 'ya'yansu kariqa a hannu kafin wannan lokacin har su girma suna biye da kai kuje gona, rayuwa dai muke fatan tayi mana fad'a."

"Usman kenan tunda ALLAH kace nayi shiru, Amma karka maanta shekaruna fa yanzu sun haura hamsin da wani abu aduniya, idanma ALLAH bai nufi nagani ba ina roqon kai da d'an uwanka yagwada maka." Yafad'a yana sharar k'wallah ganin haka yasa baffa Usman ya kauda zancen had'e da cewa,

"Ya qarfin jikin naka? Kasha maganinka?"

"Eh yanzu da hawwa tashigo tabani nasha, jiki kam gayanan Alhamdulillah, yawwa kai namanta infad'a maka maman taka ba tada lafiya, shine dalilin shigowarta tace mun tana fama da ciwon ciki da gudawa don haka ka aika ko filagin da limotin ne asiyo mata ko kuma kaje da kanka."

Baffa yaqarasa fad'a yana kallon Nuraddeen

Baffa Ali ne ya d'ago labulen qofar had'e da kallon Nuraddeen sannan ya kalli baffa daga bakin qofar yace,

"Ya jikin?."

"Da sauqi Aliyu bazaka shigo ba?"

"A'a sauri nake zanje gona nad'an duba wasu abubuwan kasan zaman gida bana namiji bane sai mata."

Batare da baffa yadamu da maganar daya soka masa ba yace.

"To ALLAH yayi taimako yadawo da kai lafiya." Shidai baffa Usman na zaune yana kalonsa don tun jiya take d'aure masa fuska had'e da rashin yimasa magana.

"Baffa Ali ina wuni?" Nuraddeen yafad'a daidai lokacin da yake qoqarin barin wajen batare data kalli ko gefen da baffa Usman yake ba, dawowa yayi had'e da sake d'ago labulen sosai yanda zaiga fuskar Nuraddeen d'in snnn yace,

"Af..shin nura ne? Ai ban lura da kaiba, ashe kasamu damar fitowa yanzu, to agaisheka."

Baice masa komai ba saima noce kansa qasa da yayi shi kuma yawuce yana dariyar qeta don acikinsu yasan babu wanda bai b'atawa raiba da kalamansa.

Murmushi baffa yayi sannan ya fara ba baffa Usman magana akan yaci gaba da haquri da halin d'an uwansa, in Sha ALLAH da SANNU SANNU zai gane dukkanin kuskuren da yakeyi.

Miqewa Nuraddeen yayi had'e da cewa. "baffa Bari naje na siyowa innar mu maganin"

"To adawo lafiya."

Yabashi amsa atak'aice tare da maida hankalinsa wajen baffa Usman sukaci gaba da firarsu.

Bayan mintuna biyar da fitarsa sai gashi yadawo da ledar magani a hannunsa yanufi sashen mahaifiyar tasa yana isa tana fitowa da sauri daga d'aki had'e da cewa,

"Miqomun butar nan Nura." tanufi bayin aguje, kad'an yarage dariya tafito masa yayi saurin d'aukar butar yabita da ita yakai mata abakin toilet sannan yadawo, juyawa yayi da niyar fita tayi masa tari alamun ya jirata, tafi minti biyar acikin toilet d'in kafin tafito riqe da ciki, daddafe ta iso cikin d'akin yana zaune yana daddanna wayarsa tace.

"Nura banda lafiya."

"Subhanallahi innar mu meyake damunki?"

"Bari nura d'azunnan naji cikina ya murd'a nashiga bayi basai ga gudawa ba, ciwon ciki uwa zan mutu gashi kai kashige abunka kamar bazaka fitoba balle kasan halin da nake ciki."

"Yi hak'uri innar mu, yanayin uwan da aka tashi da sune na d'auka kema kina nan abunki kwance saboda qarfin ruwan."

"Kai! haba nura ina naga takwanciya awannan halin, ai mayata bayi tafi biyar acikin ruwannan, inaji nura naman nan bayada kyau, kodai wani abun kasa aka saka maka aciki?"

Tafad'a tana qoqarin zaunawa saman gadon, Bata qarasa zaunawa ba tasake fita aguje zuwa bayi, duk da mahaifiya ce amma abun dole ya basa dariya, yana zaune tadawo tana "wash ALLAH na, nura kaji tsoron ALLAH anya da zuciya d'aya kabani naman nan? Wlh gudawarnan tayi yawa ko qarfin jikina banaji, gaba d'aya ruwan jikina sun qone qurmus nura."

Kauda kansa ya dingayi yana basar da dariyar tare da cewa.

"Sannu innarmu, wlh da zuciya d'aya na ajiye maki, kefa mahaifiyata ce, taya zanso abunda zai cutar mani dake?"

"To Ina nasani nura ko kazab'i matarka akaina shiyasa kayimun haka! Ko ko dai kitsennan ne yatab'amun ciki kasan sonshi nake Amma baya shafamun lafiya."

Ledar hannunsa ya bud'e ya d'auko maganin daya siyo mata ya b'alla matasu tare da d'ebo ruwa atukunyar dake cikin d'akin bayan gambu ya miqa mata,

"Gashi innar mu kisha, maganine baffa yace naje nasiyo maki dana shiga wajensa. Idan anjima kikaji ba canji sai inje inkirawo maki Ibrahim mai allura aqara maki ruwa"

"Yawwa agaisheka ALLAH yayi albarka."

Tafad'a tana karb'ar maganin ta afa abaki sannan ta kora ruwan sama tana b'ab'bata fuska.

"Wannan magani sai d'acin tsiya, shiyasa nafi ganewa maganin gargajiyar nan na basir."

Tana gama fad'a ta d'aga gefen filonta tajawo sauran kazar d'aya data rage jiya tare da gorar youghout d'in tace.

"Ungo nan nura kaje da ita ku silala, batayi komai ba saboda sanyin da kayi."

"Innar mu bari dai agyaro maki ita tunda kinga bakijin dad'i sai anjima kici."

Daqquwa tayi masa had'e da cewa,

"Zaka karb'ane ko saina b'ata maka rai, ai duk wannan namanne da naci yajawomun wannan wahalar, tashi kaje dashi can ni bazan ciba ta sake kawomun wahala, gaba d'aya tama fita raina, ungo had'a da wannan gorar madarar ta wahala ku qara can."

Duk qoqarinsa wajen ganin ya danne dariyar karta fito saida tafito a wannan karon ta jefesa da gorar had'e da cewa,

"'dan buhun uba, dariya ma zaka azamun taahi ficemun da gani ja'irin banza da wofi.."

Da sauri ya miqe yafita riqe da sauran naman bayan ya d'auki gorar youghout d'in data jefomasa yana dariya.

"Oh ALLAH! ALLAH yaqara yawancin rai innar mu nikam naga yanda Zaki kwashe da 'yan jikokinki!"

"Innar mu sanni ALLAH yakyauta Kuma yabaki lafiya."

"Amin, zaka gane bari dai insamu lafiya d'an buhun uban nan duk sai naci mutuncinku da Kai har wannan tsigi tsilar yarinyar."

Shiyarsa ya shige ya tadda Rashida dasu Aysha zaune suna tayata fira bayan sun kawo mata abincin da baffa Usman yasa aka dafa masu, suna ganinsa suka miqe had'e da gaishesa suka fita, bud'e hannuwa yayi yana fad'in "baza'a yimun oyoyo ba?"

Tasowa tayi ahankli tana tafiya tashige cikin hannayen nasa, har zai maida ya kulle ta duqe ta qasa had'e dayin zaunenta qasan carpet d'in ta jingina ga kujera tana dariya,

"Kazo kaci abinci qarfe uku ke shirinyi kada yunwa takamaka."

Tafad'a tare da jawo kular jallof d'in shinkafar da su Aysha suka kawo mata tasha kayan ciki....















*ALLAH KAJIK'AN IYAYENMU*👏😭
[8/17, 10:19] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___24💎

Zaunawa