You Cannot Download this book untill you login but you can read it .

---

Login Register

anyisa domin ALLAH to ALLAH na amsawa yabiya buqata.

Jawo ledar yayi sukaci naman dake ciki atare tare da lemun hollandia sannan yaje yacire kayan dake jikinsa ya watso ruwa tare da kakkashe fitillun dake gidan,

Gab da zai shiga d'akin batool tayi saurin kashe fitilar yayi murmushi tare da tura gambun qofar sannan ya hau gadon, a tsammaninsa zai jita saman gadon a kwance amma yana lalubowa yaji wayam, hakan yasa ya zabura da sauri yamiqe yana kiranta a hankali,

"Gimbiya,gimbiya, Ina kike ne, Ina kika shigene?"

Tana jinsa tayi shiru had'e da shan jinin jikinta a bayan gambun qofar, tun yana kiranta ahankali yana lallalubowa har yasoma d'aga murya.

"Pls batool, where are you ne?, Kada kisafa jinin abu sumayya ya hau ko zuciyarsa tabuga, zo mana gimbiyata, sanyin idaniyar abu sumayya,.."

Maganar yakeyi yana qoqarin kamo abubuwan dake cikin d'akin ko zaici sa'ar damqota ita kuwa tanayi tana qara maqewa ajikin bango dariya na neman kuccikke mata, duk taku d'aya da zaiyi sai yafad'i kalmomi masu matuqar tsada da isar mata da saqon irin tsantsar qaunar da yake yimata, tun yana saran zai kamota har ya gaji ya nufi inda makunnin fitilar zai kunnawa, tana ganin haka tayi saurin juyawa tare da aza fuskarta ajikin ginin taba d'akin baya har lokacin tana saye da hijab d'inta.

Yana kunna fitilar haske ya mamaye d'akin ya hangota awajen, dariya yayi tare da sakin wata ajiyar zuciya sannan ya sake kashe fitilar ya taka ya iskota har wajen, azo kansa yayi asaman kafad'arta had'e dasa hannuwansa ya rungumota yana shaqar qamshin dake fitowa daga tsakankanin wuyanta, lumshe idanuwa yayi had'e da cewa.

"Gimbiya ni kaka shammata haka?, Wato kina so ki auna girman soyayyarki awajena ne ko kuma kina son irin wannan wasar tajawo narasa raina ne?."

Da sauri tajuyo had'e da aza yatsanta a saman lab'b'ansa tana girgiza kai,

"Kadena fad'ar haka Abu sumayya, mutuwa bazata ziyarcemu awannan lokaci d'aya zame mana mafi tsada acikin lokutanmu, idanma zatayi hakan to na tabbata anan gabane kuma atare zata d'aukemu, tsananin soyayyarka tasa na aikata hakan Amma idan na b'atama kayi haquri kayafeni."

Taqarasa maganar had'e da d'ora kanta asaman qirjinsa, shafa bayanta ya shigayi tare da lumshe idanuwansa sannan yace.

"Ina fatar hakan zata kasance atare damu, yanda muka rayu atare kuma mumutu atare, zuciyata nafad'amun cewa soyayyar da muke yiwa junanmu bazata bari d'ayanmu ya rayuba matuqar babu d'aya, "
"Idan ma hakan tafaru Abu sumayya to tabbas rayuwar wanda aka Bari bazatayi amfani ba domin Babu mahad'inta aduniya, Ina matuqar tsoron zuwan wannan ranar domin bazan juri rashinka ba Abu sumayya."

"Haka nima gimbiya bazan iya rayuwa babu keba."

"Da gaske?"

"Fiye da gaskiyarma idan akwai yafad'a tare da sake jawota ajikinsa suka nufi saman gadon" suna dariya.

_Ina ganin haka nafito aguje had'e da cewa Saida safe duk da ba lallaine su jini ba tunda basu san dani ba_😅🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️🏃🏻‍♀️asuba tagari.













*ALLAH KAJIK'AN IYAYENMU*👏😭
[11/14, 22:52] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___92💎

Haka rayuwa taci gaba da kasancewa a b'angaren su baffa wani lokaci farinciki wani lokaci kuma baqinciki musamman idan sun kalli halin da d'an uwansu ke ciki yanda rayuwa ke basa wahala amma yakasa fahimta, ga matarsa gaba d'aya ta gujesa yanzu, babu wata kulawar da yake samu daga wajenta saboda yanda ta qara kwand'arewa a lokaci d'aya, Babu Wanda ya isa gareta kuma babu maiyi mata magana taji sai abunda take so, ta maida bara umrun azhimun tare da bashi muhimmanci fiye da komai arayuwarta, duk iya qoqarinsu baffa na ganin sun dakatar da ita hakan ya cutara dole suka haqura suka zuba mata idanuwa amma abun na matuqar cimasu tuwo aqwarya,

Ganin irin yanayin da baffa Ali ke ciki na rashin samun cikakkiyar kulawa yanda yakamata duk da d'ansa Yusuf na iya yinsa yasa suka yanke shawarar kaisa asibiti saboda basuda lokacin zaunawa subashi kulawar data dace tunda kowanensu na wajen kasuwancinsa matarsa kuma batada lokacinsa tana can wajen bara, gashi magani akeyi amma kamar ba'ayi, saboda tsananin baqar zuciya baffa Ali ya nuna masu baya buqatar taimakonsu, sunyi sunyi dashi har sun gaji amma fir yaqi amincewa dole suka haqura shima suka saka mashi idanuwa don kowacce duhu to baiji zawo ba,

Wasa wasa qafar baffa Ali ta sake kumburewa wasu ruwa nafita daga cikinta masu shegen wari, tun baffa Ali yana haquri da jurewa har yakai yafara kuka saboda tsananin azabar ciwon dake damunsa, reras yake zaunawa yayita kuka Amma babu wanda ke kulasa sai yusuf, baffa Usman kuwa dama yayi zuciya yafita al'amurransa yana jiran lokacin da zai gano cewa shayi madarane yakawo kansa da kansa in taqamarsa kafiya da mugun riqo azuciyarsa,

Da daddare yau baffa Usman na kwance yajiyo ihun d'an uwansa na kuka yana qarawa saboda azabar data kaimasa karo yana kiran sunansa yazo ya taimakesa ya kawo masa d'auki, yaso ya qyalesa har sai yaqara gano kuskuren da ya aikata amma qarfin jinin zumunci dake gudana a tsakankaninsu yasa yakasa aiakata hakan, saukowa yayi daga saman gadon da yake kwance tare da jawo wayarsa ya zura aljihu sannan yabud'e d'aki yanufi d'akin da baffa Alin yake lokacin qarfe uku da minti biyar na dare, koda yashiga ya isko yusufa rungume dashi shima yana kuka had'e da tofa masa addu'a, yana ganinsa yafara qoqarin qwace jikinsa daga yusufa tare da riqo qafafuwan baffa Usman yana fad'in.

"Ku taimakeni Usman ku kaini asibiti, mutuwa zanyi don ALLAH ku taimaka mani kada narasa rayuwata, wayyo Usman qafata zan mutu."

Duqowa baffa Usman yayi saiti dashi had'e da cewa.

"Bazaka mutuba Ali said dai idan dama lokacinka yayi, kaga abunda muke guje maka tun farko rayuwarka, d'an uwanka kuma yayanka uwa d'aya uba d'aya ka zauna kana goranta masa don ALLAH ya jarabcesa da lalurar da tazaunar dashi waje d'aya kana yimasa dariya da kuma isgilanci, to yau gashi kaima ubangiji ya damqeka, Ina waccan lafiyar da kake tinqaho da ita?, Ina alfaharin da kakeyi na kanada qarfin yawatawa duk inda kake so don ALLAH ya aramaka lokaci?, Dubeka kagani yanda ALLAH yayi da kai yanzu wa gari yawaya tsakanin kai da kuma shi da ka dinga yiwa dariya?"

Wasu zafafan hawayene suka sake karyikkewa baffa Ali yana kuka yace.

"Kadubi ALLAH da girmansa kutaimaka mani ku kaini asibiti, inajin tamkar ana jawo lumfashina daga qasan qafata izuwa bakina, yanzu haka kokuwa nakeyi dashi ta yanda banida tabbaci akan zaici galaba akaina ko kuma ni naci galaba akansa, kutaimakeni, kutaimakeni, kutaimakeni, kutaimakeni 'yan uwana fisabilillahi badon halina ba."

Shidai Yusuf banda kuka babu abunda yakeyi, tausayinsa yasa jikin baffa Usman macewa yaciro wayarsa a aljihu yakira baffa ya sanar dashi halin da d'an uwan nasu ke ciki, cikin daren baffa ya taso ya bud'e qofa yanufi gidansu baffa Usman jikinsa na rawa ba tare da yadamu da yanayin daren da ake ciki ba sai addu'a yake abakinsa har ya isa, baffa Ali naganinsa ya sake bud'e baki kai kace qaramin yarone yana gumza saboda azabar ciwo.

"Yaya kutaimakeni, qafata, zan mutu, zan mutu yaya, wayyo qafata,"

Kasancewar baffa mutumne mai raunin zuciya nan take zuciyarsa ta karye ganin yanda qanen nasa ke kuka shima yafashe da kukan.

"Innalillahi wa Inna ilaihirrajiuun, Ali kayi haquri, ka kira ALLAH in sha ALLAH bazaka mutu ba, yusuf bani ruwa a kofi."

Yafad'a tare da zaunawa gabansa saman wata kujera dake jikin bango don bayada qarfin iya jurewa tsayuwa hawaye nacigaba da zubo masa.

Baffa Ali kuwa sai nishi yakeyi yana fad'in.

"ALLAH!, ALLAH!!, ALLAH!!!.."

Kamar yanda yaji baffa yace yakira ALLAH yadena ihu da kukan da yakeyi baffa Usman natsaye yana kallonsa, aransa yana tunanin dama akwai ranar da d'an uwan nasu zai ajiye baqar zuciyarsa ya nemi taimako daga wajensu?, Tabbas ALLAH shine mabuwayi acikin al'amurransa maiyin yanda yake so alokacin da yake buqata, muryar baffa yaji yana fad'in.

"Usman karb'i ruwan nan katofa masa addu'ar da ada Rashida tayi tofamun a ruwa Ina sha alokacin da ina fama da lalurarnan, zaka tunata?"

Ko rufe baki baiyi ba sukaji baffa Ali yayi carab ya riqe sunan Rashida yana fad'in.

"Rashida, Rashida, kiyimani addu'a, Rashida, Rashida Ina kike, don ALLAH kitaimakeni, yaya, yaya, Yaya ku kira mani ita tayi mani addu'a, don ALLAH yaya ku kirata ta taimakeni."

Gaba d'aya zafin ciwo yasa yarud'e yafara fitar da sabbatu, amsar ruwan baffa Usman yayi yana girgiza kai, aransa yana fad'in ko shegema da ranarsa, wato yau Rashidar da suka tsana yake neman tazo ta taimakesa, duk da dai yana jin tausayin halin da yake ciki amma yana ganin koma meye ya samesa shi yajawowa kansa kuma dama ita SANNU SANNU bata hana zuwa...duk abunda mutum ya shuka sai ya girbesa, tofa masa addu'ar yayi aruwan ya duqa ya bashi yasha sannan baffa yace yad'an yayyafa masa aqafar, wani irin qara yasaki lokacin da ruwan suka saukar masa saman qafa don jiyayi tamkar an watsa masa ruwan zafi, ataqaice dai ranar su baffa basu koma runtsawa ba dasu harshi, kwana sukayi suna abu guda sanin cewa ko sun fito alokacin bazasu samu abun hawa ba, nan take baffa Ali yafita hayyacinsa banda sabbatu babu abunda yakeyi har aka kira sallar asuba, baffa yafara zuwa shida Yusuf sukayi sallah sannan da suka dawo baffa Usman yaje yayi tasa.

Duk wannan abun dake faruwa Inna ruqayya na d'aki abinta kwance tana sharqar bacci saboda baqin yawon baran da tasha, gaba d'aya batasan me akeyiba kai in kaganta tamkar wacce aka yanke sai faman kakari takeyi sai da Inna Bilkisu da itama baccin yayi mata qaura a idanuwa taje ta qwanqwasa mata qofa, shima d'in tafi mintuna biyar kafin ta taso tabud'e tana yatsina fuska cike da gajiya,

"Lafiya dukan qyaure a tsakar daren nan?" Tafad'a tana sakin wata uwar hamma kamar zata had'iyeta, d'anja baya Inna Bilkisu tayi sannan tace mata.

"A'a ba dare bane ruqayya, asubace ni Ina kukan Ali ya tadake tun d'azu kina can, sai yanzu na lura da ashe d'akin rufe yake bacci yayi maki nauyi baki farko ba."

"Eh! to meya samu Alin ne?"

"Inaga zazzab'insa ne yad'an motsa nima yanzu zanje wajen naga yanda suka tashi."

"Mtss.! Nagode ALLAH da banji ba, da yanzu ya hanani d'an baccin nan, wlh yafiye rakine, meyasa lokacin da Yaya yayi jinya shi bai ishi mutane ba har ya warke, saishi zaizo ya fitini kowa, ALLAH Toni bazan iya ba?."

Tsabar tsoron ALLAH yasa Inna Bilkisu takwashi jikinta tabar wajen tanufi d'akin Yaya hawwa tana mamakin yanda mata ke iya juyawa mijinta baya haka bayan tarabasa da kowa nasa, ta izasa wajen kashewa da kuma binnewa ga abubuwan da basu kamata ba ace yanzu ta juya masa baya, koda yake ba wannan ne farau ba agidan saidai ace ALLAH yasawaqe.

Tana shiga d'akin Yaya hawwa ta iskota zaune tana can carbi, kasancewar gaba d'aya idanuwan Yaya hawwa sun dena gani tuntuni yasa tana jin motsi tafara tambayar waye awajen don ba laifi yanzu tana d'an iya magana duk da bawani fita maganar keyi sosai ba.

"Nice Yaya!"

"Kece wa?" Yaya hawwa tafad'a cikin muryar dake nuna antsufa sosai.

"Nice Bilkisu tawajen Usman, nazone inga ko kin samu tashi kiyi sallah!."

"Aiho! Balkisu ce?, Natashi tun d'azu, sautin kuka nakeji shiya hanani bacci."

Saida Inna Bilkisu tanemi waje ta zauna sannan tace.

"Bari Yaya, Ali ne ciwon nasa ya tashi wlh gwanin tausayi, gaba d'aya jiya basu runtsa ba."

"Waye?"

"Ali nace"

"Wane ali?."

"Ali na nan gidan."

"Bayada lafiya ne?."

"A'a! keko Yaya har kin manta ai yafi shekaru dashi ko kin manta.?"

"Namanta balkisu, shi take wannan ihun?"

"Eh, kinsan kuwa abun yayi masa nauyi ace babban mutum yana kuka da ihu irin haka ai kasan shi kad'ai yasan yanda yake ji, ALLAH dai yabashi lafiya."

"To Amin balkisu, ALLAH yakyauta Kuma ya rabamu da son zuciya."

"Amin Yaya, Bari naje na duboshi."

"To kigaida shi."

Yaya hawwa taqare maganar cikin irin yanayin yanda tsofaffi ke magana, ta tabbata cewa wannan na cikin hukuntawar da ALLAH keyi masa bisa abubuwan da suka aikata tare da ita, don ita gaba d'ayama bata san abubuwan daya aikata shida matarsa daga baya ba.

Inna ruqayya nakaiwa Yusuf da baffa Usman da wani abokinsa sun tallabo baffa Ali da baimasan inda kansa yake ba baffa na biye dasu don bayada qarfin da zai iya riqa masu shi zasu je asibiti.

Fashewa tayi da kuka tana sallallami baffa yace taje takirawo Inna ruqayya ta sanar da ita kuma tadena wannan kukan don kada ta tayarwa da mutanen gida hankali.

Koda tafad'owa Inna ruqayya cewa tayi taje tajiya zata bisu daga baya ita baccin bai isheta ba, girgiza kai kawai Inna Bilkisu tayi tare da cewa.

"ALLAH ya sawaqe," tabar wajen,

Koda suka isa asibitin dake nan cikin qauyen don yanzu anqara gyarata sosai fiye da shekarun baya da sauri aka amshesa, gwaje gwaje suka fara yimasa kafin suyi masa wani abun inda suka tabbatarwa dasu baffa saidai akaisa can asibitin cikin gari saboda gaba d'aya qafar tarub'e.

Jiki narawa baffa yakoma gida ya sauyo kaya tare da d'auko d'an sauran canjin da take dasu ajiye, hankalinsa atashe ya sanar da baba nusaiba halin da ake ciki cike da damuwa, ganin yanda duk yabi ya hargitse yasa tashiga kwantar masa da hankali tana gaya masa cewa yayi Imani da ALLAH shiya jarabcesu sai suyi qoqarin canye jarabawar ta hanyar qarfafa zukatansu da kuma imaninsu, sosai yasamu raguwar damuwarsa ta d'auko masa abunnkarinsa da rarrashi da ban magana tasamu ya karya daqyar sannan yafice yana mai addu'ar ALLAH yasa takasance abokiyar rayuwarsa har a aljannah.

Yana komawa asibiti ya tarar shima baffa Usman har yaje ya dawo ya d'auko tashar mota suka d'auki baffa Ali sukayi general hospital dake cikin gari dashi,

Suna isa likitoci ska amshesa aka shiga yimasa gwaje gwaje nan take suma suka tabbatar masu da cewa qafar tasa tarub'e tun daga tafi har zuwa Rabin cinyarsa wanda yazama dole acire qafar gaba d'aya har cinya in ana so ya samu lafiya, idan kuma ba haka ba to ciwon zaici gaba da tafiyane har can cikin jikinsa, idan sun amince ga takarda nan sai susa hannu saboda agaggauta yimasa aikin kafin ciwon yakai inda ba'a buqata bayan an fad'a masu wasu maquddan kudd'i da zasu biya.

Basu tsaya wata doguwar shawara ba nan take sukasa hannu atakardar sannan sukaje sukasa wata babbar gonarsu da suke da ita su uku ta gado akasuwa wanda daqyar suka samu aka basu rabin kud'in ak'asa sauran kuma sai nan da kwana uku za'a basu suka karb'a sukayo asibiti, kasancewar kud'in na isa ayi aikin har su rage yasa suka amince suka karb'o kud'in suka biya aka yimasa aikin.

Tsawon kwana uku baffa Ali yayi kafin ya farfad'o Amma sau d'aya Inna ruqayya ta tab'a zuwa dubasa shima d'in tabiyo ta asibitin ne tana bara tahad'u dasu Rashida d'ayan baffa napep ta ajiyesu sunzo kawo abincin, shinefa tabisu suka shiga tare lokacin yana bacci, kasancewar baffa ne awajen yasa baima kulata ba balle yayi mata fad'a akan abunda ta aikata, shi kuwa baffa Usman dake cike da ita baya samunta gida ko yakoma balle yayi mata zancen, dama yanda sukeyi yau idan baffa yawuni asibiti sai baffa Usman yaje kasuwa, gobe kuma baffa yaje kasuwa baffa Usman ya zauna a asibiti shi Kuma Yusuf da wani abokinsa suke kwana anan.

Tsabar daqiqancinirin na Inna ruqayya kai tsaye tanufi wajen kan baffa Ali dake bacci tana bubbugawa had'e da kiran sunansa.

"Ali, Ali, Ali katashi, nifa da akwai inda zani yanzu, bazaka tashi ba?, Shikenan ALLAH yasawaqe, dama naji ance karasa qafarka kaga dole naqara maida himma wajen nemo mana abunda zamuci, shikenan an qara mayar mana dakai cima kwance gurgu da bayada amfani dama haka ake son ganinmu, wlh dai ALLAH ya isa ga Wanda yasa aka cire maka qafa, da Wanda yabada kud'i aka cire qafar da wanda ya tuqo motar da aka d'aukoka da qafafuwanka aka mayar dakai gurgi, da wanda yasayi motar da wanda ya gina asibitin da wanda yakarantar da shegennlikitan yanda ake cire qafar duk ALLAH ya isar mana."

Taqare maganar had'e da fashewa da kuka tana sharar majina da mayafinta, shi kam baffa abunma dariya yabashi don yaga haukan natama yayi yawa.

Ganin bai tankata ba yasa taja qafafuwanta tabar d'akin, tana fita tafara bin mutanen dake jinya tana kuka wai su taimaka mata aiki aka yiwa mijinta anka cire masa qafa basuda kud'in magani, haka tazagaye asibitin tana fad'a tasamu kud'inta sannan tafito ta tabar asibitin tana harhad'a kud'in da tasamu, daidai zata fita bakin gate d'in taga wani dattijo a tsaye da alama wani yake jira, ai kuwa tayi tsaye tana roqonsa, kallo d'aya yayi mata ya d'auke kai har wacce yake jira ta qaraso cikin napep ta sauketa.

Da d'an sauri ta qaraso tana fad'in kayi haquri maigida, napep d'in tamuce ta tsaya muje ko,

Amarya idan kinada hamsin d'an taimakawa tsohuwar nan tun d'azu ta nace tana bara kuma banida canji, irin 'yar jikkarnan qarama ta hannu da ake d'unkawa tabud'e taciro d'ari tana fad'in.

"Bari nima nabata hamsin sadaka gami da taka d'ari kenan, ALLAH yaba baffana lafiya."

'Dago kan da zatayi suka had'a ido biyu da mahaifiyarta wato Inna ruqayya, da sauri takarb'e naira d'arin sannan tace,

"ja'ira nice..."




*ALLAH KAJIK'AN IYAYENMU*👏😭
[11/14, 22:52] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___91💎

Yauma kamar kullum Inna ruqayya tafito zataje wajen baran data saba tajawo qyauren qofar d'akinta tana rufewa had'e da gyara mayafinta saiga baffa Usman yafito daga cikin d'akinsa shima, kallo d'aya yayi mata ya d'auke kai muneera na kwance bakin qofar d'aki tasa qafa ta zungureta tana fad'in.

"Ke kasa uwar bacci tashi muje inda mukafi wayau don indai zamu yini mukwana acikin gidannan saidai takaici ya kashemu don babu abunda za'a iya tsinana mana yanda muke so, tunda ubanku yanzu bayada mamora kullum yana can kwance."

Tafad'i hakanne saboda tab'atawa baffa Usman rai data gani wajen a tsaye, muneera da itama yanzu tad'an miqe hanyar da zaka iya fahimtar takwana biyu aduniya tunda babu wata cikakkiyar kulawa da za'ace tana samu ta tashi zaune tana buga hamma had'e da cewa.

"Inna wai don ALLAH fita baran nan dolene?, Wlh nagaji da yawon nan bana sonsa, muyi haquri da taimakon da muke samu daga hannun 'yan uwan baffanmu in Sha ALLAH zai wadatar damu."

Batare data tanka taba tajawo sandarrta da kwanon da suke fita baran dasu sannan ta d'auki wata jikka irin ta d'unkawar nan tayi majalmajal ta rataya tamiqi hanya, saida takawo saiti da baffa Usman sannan tajuya tana cemata.

"Inzaki taso mutafi sai kitaso in bazaki taso ba kuwa sai kiyita zama anan, yunwa da baqinciki su zasu illataki acikin gidannan kigano cewa da dangin uban naki da kike fad'in suna taimaka maki basuda amfani don wlh saita kasheki batare da ankula kiba, banda abunkima to me nasama yaci balle yabawa naqasan sa da har kike iqirarin suna taimakonmu, mu inba tarin baqinciki ba me alaqa dasu tahaifar mana tunda basa son ubanku basa qaunarsa basa bid'ar had'a jini dashi don tsabar baqinciki, ai saiki zauna cikin gidan kigani in zasu iya tsinana maki wata tsiyar shasha da batasan kanta ba ni kinga inda nayi"

"To Inna kijirani mana."

Muneera tafad'a tana b'ata rai, shidai baffa Usman ko kallonta beyi ba balle yasa ran zai iya tankata, jin abunda muneera tafad'a yasashi d'ago kai yana kallonta kafin yakira sunanta.

"Muneera.."

Juyowa tayi tana qoqarin saka takalummanta had'e da cewa "na'am baffa Usman."

"Kina buqatar fita tare da ita?" Ya tambayeta fuskarsa a d'aure.

Saida takalli fuskar Inna ruqayya dake tsaye ta aza kwanon saman kanta sannan ta maido kallonta ga baffa Usman had'e da girgiza masa kai tace.

"A'a baffa, wlh nagaji da yawon barar nan, banda walaqancin mutane da tozarci babu abunda muke fuskanta, wani zubinma har zagi ake had'a mana dashi."

Baki bud'e Inna ruqayya ke kallonta kafin tace.

"Don uwaki don ubaki amma ai muna samo kud'i ko?, Yo zagi zai laqekine ko zai fito maki ajiki."

"Amma Inna.."

Saurin dakatar da ita baffa Usman yayi had'e da cewa.

"Bashi nake son jiba muneera, kinada ra'ayinne ko bakyada shi Ina so na sani a matsayina na yayan mahaifinki."

"Bana ra'ayi baffa nafi son inzauna gida abina,"

"Shikenan komawarki ki zauna, daga yau naharamta maki zuwa bara kuma duk wanda ya tilastaki to 'yan sanda zasu shiga tsakanina dashi saboda inada iko akan 'ya'yan d'an uwana."

"Baffa Inna bazata bani abinci ba..."

"Bana son shashanci muneera, indai kinyarda yayan mahaifinki nake to kibi abunda nace batare da sab'awa ba, ni kuma nayi maki alqawarin zanyi maki duk abunda yakamata ace yayi maki."

Washe baki muneera tayi don tasan halin baffa Usman fad'a da cikawa ne, qarasawa tayi kusa dashi had'e da cewa.

"ALLAH baffa zanyi yanda kace, amma harda aure zaka yimun?"

"Zanyi maki muneera inkina buqatar hakan kuma kinada wanda kike so..."

"Uban kuturu yayi kad'an wlh, ba wanda ya isa hanani fita bara da 'yata, Ina ni nahaifi abita ba wani ba? Maza kitaso muje kafin na sab'a maki" Inna ruqayya tafad'a tana laqame kwanon acikin hamuttatta, baffa Usman bai tankata ba yashige d'aki abinsa don yasan kowace muneera, batada babbar damuwa duniya irin ahanata abincin da zataci kuma tunda har taji yafurta cewa zai yimata komai tofa babu wanda ya isa ya sake tirsasata batun zuwa yawon bara tunda dama bata so tagaji, qarasawa muneera tayi kusa da ita takarb'i kwanon baran da jikkar da sandar Inna ruqayya tazata binta zatayi sai taji tace.

"Inna ki ajiye batun fita baran nan don ALLAH kizo mukoma cikin gida, su baffa zasu taimaka mana kinga koba komai zamu muhuta da cin mutunci da mutane keyi mana"

Tun kafin yarufe baki Inna ruqayya ta wafce jikkarta tare da kwanon, zata karb'i sandar muneera ta ja baya da ita had'e da cewa.

"Babu inda zaki jefa Inna kawai kihaqura, fisabillahi dubeni yanda nabi duk na tsofe akan titi nakasa samun koda d'an qauyene balle d'an birni ya aureni saboda son zuciya irin taku, izuwa yanzu yakamata ace kun zubar da makaman yaqinku, donni kukeyi kuma tuntuni nace nahaqura meyasa ku bazaku haqura ba, duniyar nan takarantar dani darussa da dama wud'anda a matsayinki na iyayena kun kasa fahimta, ada ana yimani kallon shashasha, sakarai, samna da batasan inda duniya tanufa ba, ana kallon cewa na cika hauka da shirme amma ayanzu inada gwargwadon hankalin da zan iya banvance qarya da gaskiya, Inna baran nan bayada amfani don girman ALLAH kihaqura dashi, bayin ALLAH nan su ake cutarwa amma duk da haka akoda yaushe suna iya qoqarinsu na ganin sun sauke haqqin zumuncin dake tsakaninmu dasu sai muyita shurewa hakan!, Yau ina roqonki don ALLAH da darajarsa kihaqura da zancen bara mukula da baffanmu da 'yar gudun mawar da zamu samu daga wajen 'yan uwansa kafin lokaci ya qule mana, munyi abubuwa da yawa da yakamata mu natsu munemi yafiyar bayin ALLAH n nan..."

Ai kafin taqarasa ta qwace sandar jin zata b'allo masu ruwa sannan tace.

"Ya isa haka, sai kikeki ki zauna, zanga tsiyar da za'a yimaki kuma wlh kika sake kika bud'e baki akan wata maganar da ta shafemu saina tsine maki, jeki ni bazan iya zamaba don ALLAH baiyini da matacciyar zuciyar da zan zauna sai wani yabani ba."

"Assha innarmu, ai inaga duk tafiyar d'aya ce, dama dama wannan shida ba roqa zakije kiyiba, taimaka makine za'ayi acikin gidanki a matsayinki na uwa kuma matar d'an uwansu wanda sune dolenmu."

"Dallah tafi can, nadai fad'a maki ni kinga tafiyata."

Ta ficewarta tanata maseefa da ita, har takusa fita tadawo tanufi d'akin da baffa Ali ke jinya, tana kaiwa bakin qofar kafin ta d'aga labule yajefo wata gora dake gefensa tabugeta ga qwabri yana fad'in.

"Wane d'ebabben albarkane abakin qofar d'akinnan, tsinannin yara, d'iyan abun kware!, Magulmata da basuyi gadan mutunci ga iyayensu ba, wanene anan?"

Muryar Inna ruqayya yajiyo tana fad'in.

"Kai ka kai ka kai!, Ali yau maseefar taka akaina zaka saukar da ita?, Ni kake jifa da gora salon nima ka kaini kabaro