You Cannot Download this book untill you login but you can read it .

---

Login Register

cike da mamakin lafuzzan dake fitowa daga bakinta, musamman Yaya Maryam data soma hasala ganin kukan da takeyi, cikin b'acin rai ta katsa mata tsawa had'e d cewa.

"Kirufa mana baki ko inzo intakaki awurin, munji mungani itace, sai akayi me kuma da zaki azawa mutane kuka?"

"Haba gwaggo! Haba gwaggo, uwar mijina face!, Surukata kakar d'an dana haifa, taya bazanyi kuka ba tana cikin wannan yanayi, gwaggo kidubi fa yanda takoma, dubi irin wahalar da take sha, don me baza'a tausaya mata tunda rayuwace itama."

"Rashida fita d'akinnan kafin na sab'a maki, gwaggon taki ke fad'a kema kina fad'a?" Baffa yafad'a ransa a b'ace.

"A'a bashar, ba dakai takeyi ba don haka kabarni da ita."

Shiru baba yayi had'e da komawa yasamu waje ya zauna jikinsa a mace, haqiqa ubangiji Mai jujjuya al'amurransa ne aduk lokacin da yaso, yau gashi 'yarsu da akaso ajefa cikin wani hali a haukatar masu da ita ALLAH yakareta ita kuma wacce taso hakan agareta ALLAH yajuyar da al-amarin akanta dama haka rayuwa take _(aljaza'u min jinsil amala)_ sakayya nazuwa daidai da irin abunda ka aikata.

Muryar matar baba balarabe hajia Aisha yajiyo tana fad'ar.

"Banda abunki Rashida meye na kuka awannan al-amarin? abunda ta aikatane ya koma mata, to tawane dalilin za'a tausaya mata, kiduba adadin mutanen data jefa cikin wani hali fiye da shekara d'aya, su kwana cikin qunci da baqincikin rayuwa duk ta dalilinta, ke kanki da mahaifanki harma damu duka sai yau ALLAH ya yaye mana d'inbin damuwar dake dasqare acikin zukatanmu, taya za'ayi ALLAH yabarta da wud'annan haqqoqa data d'aukarwa kanta batare da anbima bima masu sub?, Ai addu'armu d'aya itace ALLAH yakaremu da son zuciya irin nata."

"Kar kice hajia mama," da yake haka suke kiranta.

"Dukkaninmu bayi muke ga ALLAH, kuma babu wanda yawuce ajarrabi rayuwarsa da khairan ko kuma akasin haka kuma bawai don namanta da abunda tayi manine ba nake tausayin wannan halin da take ciki, kawai ina tausaya matane saboda darajar haihuwa da tayiwa mijina koba komai ma ai baza'a tab'a canjawa tuwo suna ba, matsayinta na kakar jininku baza'a tab'a kankaresa ba, kuma idan kun duba itama rayuwace kamar mu, wlh hajia mama indai akan abunda ta aikata agareni ALLAH ke azabtar da ita haka nayafe mata duniya da lahira."

Bud'e baki Yaya Maryam tayi da niyar yin magana maigidanta alhaji ubale yayi saurin dakatar da ita.

"Haba Maryam, don me zakiyi qoqarin tirsasata bijirewa kyakkyawar zuciyarta, wlh bana tantama akan yarinyar nan bazata tab'a walaqantaba duniya da lahira saboda akowane irin yanayi dake samunta arayuwa takan kasance mai tsarkakakkiyar zuciya da kuma haquri, ni inaga ku k'yaleta, tanda ikon yafewa duk wanda taga dama, tazubar da hawayenta aduk lokacin da take so kuma ta tausayawa duk wanda taga yadace domin ita take da iko akan zuciyarta, kamata yayi kuyi alfaharin samunta a matsayin 'ya tagari ba kuyi qoqarin chanzata izuwa kangarariyar 'yaba."

Saida Yaya Maryam tawatsa mata wata iwar harara tukuna sannan tace.

"To ai shikenan saita shirya muwuce mukaita wajenta tazauna tayi jinyarta, inaga haka shiyafi kuma shi zatayi tanunawa duniya kyawon zuciyarta da kuma tausayinta."

Murmushi dady da tund'azu ya mayar da hankalinsa ga tv yana mamakin irin yanayin da yaya hawwa take ciki kuma har ahalinta suka tsaya b'ata lokacinsu wajen zuwa asibiti, duk wanda yakalleta da abubuwan da takeyi yasan ba komai ke damunta ba illa matsalar jinnu ce, duk abubuwan da suke fad'a yana jinsu kawai yayi shirune saboda atunaninsa ba huruminsa bane, amma yanzu kalaman Yaya Maryam dake nuni da yanda ranta yab'aci su suka sakashi murmusawa har yake tunanin yakamata yace wani abu awannan gab'ar, musamman idan yayi la'akari da cewa akwai rashin cikakkiyar wayewa atattare dasu wanda yasa har suka iya irin wannan musayar bakin a inda bai kamata ba, kamata yayi ace sun ajiye wannan matsalar a tsakaninsu idan sun koma gida domin sirrin suce amma yanayin qaramcin wayewa dake tattare dasu yasa sun kasa fahimtar hakan.

Saida yayi gyaran murya sannan yafara basu haquri akan su ajiye wannan matsalar daga baya saisu zauna su tattauna akanta domin hakan shine sirri agaresu sannan yayi masu nasiha sosai sannan ya sake tayasu farincikin had'uwa da junansu da sukayi.

Sai alokacin baba balarabe da duk jikinsa yagama sanyi yayi ajiyar zuciya tare da sake miqa godiyarsu agaresu shida d'ansa bisa taimakon da sukayiwa 'yarsu da d'an uwansu da kuma matarsa.

Saida akayi sallar la'asar sannan su baba balarabe suka kama hanyar komawa, sunso a haukarsu su koma dasu umma da baba amma sai Dr ya roqesu subari idan an kwana biyu sun shirya tsaf sai yawuce dasu tunda wurin aikin sane,

Haka suka tafi cike d'inbin alkhairin da dady da ammie sukayi masu suna masu yabawa nagarta irin tasu, haka Dr nura shima ba'a barshi abaya ba don yayi masu alkhairi sosai harda suturu ya siya masu da sauran kayayyakin da zasuyi tsaraba dasu, saida yarakasu har suka fita gari sannan yajuyo ya koma can gida suka shiga tattaunawa da dady akan qudurinsa na mayar da Rashida makaranta da yayi gashi kuma yanzu da alama iyayenta bazasu barta anan ba idan suka tashi komawa.

Murmushi dady yayi had'e da cewa.

"Haba nura, ai kayi wauta, taya daga baka amanar yarinya zaka d'auko zance maida ita makaranta bayan kasan akowane lokaci zata iya komawa hannun iyayenta, bayan haka karka manta yarinyar nan tanada aure bai kamata ace kai tsaye kana zartar da abubuwa akanta ba, don haka ka ajiye maganar komawarta makaranta, iya taimakon daya kamata kayi kayi basai kashiga hurumin da ba naka ba kaji ko."

"Eh dady." Yafad'a yana mai yaba hangen nesa irin na mahaifinsa, sai yanzu yafahimci gaba d'aya shirmene yaso tabkawa, nan suka cigaba da tattaunawa akan sauran alamurran dake gabansu kafin akira sallar magrib suwuce masallaci, bayan anyi sallar isha'i yashigo part d'in na ammie Fatima na kwance ta tattake da bargo ita kuma ammie na zaune tana karatun alqur'ani bayan tagama sallah, gaisheta yayi had'e da yimata seda safe sannan yace Fatima tafito suje gida.

Cikin qarfin hali tamiqe had'e da yima ammie saida safe itama sannan tabi bayansa, sashensu umma suka nufa tana biye dashi,

"Sweety don ALLAH kabarni anan zan kwana, gaba d'aya banajin qarfin jikina."

Juyowa yayi had'e da d'an dawowa baya yariqo hannunta.

"Kiyi haquri Fatima bazan iya bacci acikin gidan canba idan har bakya nan kuma kinga ammie bazata barni na kwanar mata ad'aki ba da sai inyi kwanciyata anan nima.

Cikin qarfin hali tayi murmushi had'e da cewa.

"Haba dr! Ai kaima kasan kayi girma da kwanar mata d'aki."

"Ok, to kinga sai kiyi haquri kawai muje gida gaba d'aya tunda nayi girma."

Da haka suka iso sashen dasu umma suke sukayi sallama abakin qofa kafin umma tabasu izinin shigowa, kwance suka isko Rashida bisa qafafuwan umma shi kuma little nagefe yana bacci sai faman firarsu sukeyi hankali kwance, suna shiga ta tashi zaune tare da matsawa jikin umma ta d'ora kanta saman kafad'arta, sau d'aya Dr yakalleta ya d'auke kai had'e da gaisheda umma yana tab'o little dake bacci.

"Takwara yau har anyi bacci dawuri ahaka!"

"Aikuwa kaganshi nan inba ALLAH yatsare muba sai tsakar dare yatashi ya hanamu bacci da shegen kukannan nasa." I'm tafad'a tana qoqarin zame kafad'arta daga kan da Rashida ta aza mata,

"Maman boy kitashi muje ko." Fatima tafad'a tana zolayar Rashi don tasan babu yanda za'ayi tabisu.

Shiru tayi batare data amsa ba Dr. Yamiqe yana yima umma Saida safe,

"Rashida tashi kuke ko?"

Yanda Dr. Nura yaga ta shagwab'e fuska kamar zatayi kuka yasa yayi 'yar dariya had'e da cewa, "Kai maman boy saki fuskarki da wasa Fatima keyi, dama nazo muyi saida safe kuma muga yaronmu don nasan yau babu mai cewa ya rabaki da umman nan taki yasan ko waye ya aikesa."

Dariya duk suka sannan suka wuce bayan itama tayi masu seda safe.

Kusan ranar rashida da ummanta zaune suka kwana shikuwa baba masallacin dake cikin gidan yayi tafiyarsa ya kwanta bayan sun gama firar dashi kusan qarfe d'aya na dare.

_kuyi haqnayi manage ne nayi maku typing, sai ahankali wlh yikawai nayi, don ALLAH Ina baran addu'arku kada kumanta dani😰🙏🏻_





*ALLAH KAJIK'AN IYAYENMU*👏😭
[11/14, 22:52] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___64💎

Cikin daren Yaya Maryam takira aunty marwiyya tasanar da ita zancen tafiyar zuwa borno tace.

"Bazata samu dama ba saboda itama mai gidanta bayajin dad'i, Amma don ALLAH idan sunje su gaishesu sosai."

Kasancewar son sukeyi suje ranar sudawo yasa tunda sassafe suka shirya, aron mota baba balarabe ya samo masu su hud'u, dashi da alhaji ubale mijin Yaya Maryam, sai ita da kuma matar baba balarabe guda wato uwar gidansa sukasa mai sannan suka d'auki hanyar zuwa borno...

••• ••• •••
*FEDERAL NEUROPSYCHIATRIC HOSPITAL (KWARE) SOKOTO.* canne asibitin da Yaya hawwa ke jinya, duk wani qoqari da yakamata ayi wajen bata kulawa anyi amma abun sai sake hab'b'aka yakeyi, allurori, magunguna da gwaje-gwaje don gano matsalarta da kuma yimata maganinta kullum cikin yimata ita ake, baffa yakashi kud'i da baisan iya adadinsu ba amma babu wani sauyi ko cigaba da aka samu, kullum al'amarinta jiya iyau, kimanin shekara d'aya da watanni kenan yanzu.

Duk wanda yasan Yaya hawwa duniya ya kalleta ba lallene ya iya ganeta ba saboda yanda tabi talalace haukan dake saman kanta yafi hauka muni don hatta mahaukatan dake tare da ita sunfara tsoronta saboda tana cutar dasu, hakan yasa aka killace ta ita kad'ai batare da kowa ba, idan abun ya motsamata saidai jami'an lafiya suga tana lallaqe ailin da bango tamkar wata halintar daba mutum ba, sunaji suna gani zata dinga buga kanta ga jikin bango har sai yayi jini kuma duk wanda yaje cetonta in sunkai su goma suna fitowa da wata kamar tadaban daba tasu ba, kasancewar ma aikatan lafiya mutanene masu matuqar qoqari da kuma jajircewa wajen ganin sunyi yaqi da duk wata cuta dake damun marasa lafiyarsu batare da sun nuna gazawarsu ba yasa gaba d'aya likitocin suka zauna suka yanke shawarar had'a taron gaggawa na qarawa juna sani daga b'angaren mabanbanta likitoci kamarsu daga wasu asibitoci da sauran garuruwa akan wannan sabuwar cutar da Yaya hawwa ked'auke da ita wacce suke tunanin tana nema tafi qarfinsu don samun mafita mai d'auke da topic _HOW TO TREAT PATIENT WITH UNKNOWN NEUROSIS.._

Cikin qanqnen lokaci taron ya wakana, manyan likitoci daban daban sun tashi sunyi bayani kala kala akan wannan matsala tare da samun solution d'aya da suke tsammanin shine qarshen matsalar,

Haka kuma tundaga sokoto wani babban likitansu yaje kano don samun cikakken bayanai akan asalin yanda lalurar tasami yaya hawwa, da baffa Usman suka fara cinkaro kasancewar sun sanshi tunda sune suka kaita asibitin, duk wasu tambayoyi da suka yimasa qin amsa masu ko d'aya yayi har saida ya aika aka kira baffa, gefe suka keb'e dashi yayi masa bayanin abunda ya kawo likitan, d'ari bisa d'ari baffa yayi masu bayanin cewa cutace kawai da suka wayi gari suka ganta da ita, wacce bazasu iya cewa ga dalilin daya haifar mata da itaba, duk yanda likitan yakai qwarewa wajen ganin yasamu wani labari da zai iya basu haske aikai bisa tattaunawar da sukayi wajen taron qarawa juna sani cewa cutar nafaruwa ne tadalilin wasu kalolin halittu masu tsananin tsoratarwa dake bijirowa marar lafiya daga nan sai tasirin ya halbu ga qwaqwalwarsa tayanda zata riqa juyawa tana qara d'auko masa hoton abubuwan, daga nan kuma sai zuciya tafara aiki da sauri sauri saboda tsananin tsora sai kuma suriqa ganin duk wani abu da zai fuskantosu to cutar dasu zaiyi daga nan kuma sai tana tunzura jiki wajen baiwa kai kariya ko kuma neman kub'uta daga inda mutane suke zuwa wani wajen da suke ganin shine zai basu kariya idan sun kad'aita, duk hakan nafaruwane ta dalilin yawan mu'amalar da marar lafiya yayi da wajajen dake d'auke da abubuwan ban tsoro inda ba'afiya samun mutane awajen ba da kuma mu'amala da wani abun da kake tsoron zai iya cutar dakai alokaci d'aya ko rasa wani abun da kake so, amma baffa yaqi cewa komai akan haka, saboda yana kallon fallasa dalilin faruwar haka agareta amatsayin zubar da kimarsa da kuma ta d'ansa.

Haka likitan yaqari masu tambayoyin yagama amma bai samu wani haske akan wancan bayaninba balle sutabbatar da hakan, har zai tafi saiga baffa Ali shida matarsa sun dawo daga wani wajen da ako yaushe suke zuwa tare, tsabar gulma shida bawani shiri yake da 'yan uwan nasa ba amma saboda yaga babban mutum d'an birni tare dasu yanufi wajen.

"Assalamu alaikum, ahhh baqo akayi?"

Yafad'a yana kallon baffa Usman, eh, yabashi amsa ataqaice yana qoqarin jan hankalin likitan subar wajen, d'an matsowa baffa Ali yayi yana kallon likitan had'e da goge hannunsa ga rigarsa sannan yamiqa masa yana fad'in.

"Assalamu alaikum, sannu bawan ALLAH, yanzu ake tafe."

Kallonsa likitan yayi kafin yamaido kallonsa gasu baffa yan tambayarsu shima tare yake dasu saboda ganin yanda sukayi kama su ukun sosai, baffa ya d'aga masa kai, cike da qyanqyamin yanayin da yaganshi na qazanta likita yamiqa masa hannu suka gaisa yana washe baki donshi yazata wani alkhairi ne zasu samu shima ya lakata.

"Ok ko zan iya tambayarsa ko yanada wani bayani d'aya sani akai tunda tare kuke a gida d'aya?"

"A'a Dr iya bayanin da muka yimaka shikenan daga shi babu wani abun, Aliyu zaka iya wucewa."

Baffa Usman yafad'a yana tura baffa Ali cikin gidan, rigima suka soma yi baffa yariqe masa hannu.

"Barshi Usman, Aliyu zo kafad'i abunda kasani.

Cikin jin haushi baffa Ali yagyara rigarsa yana hararar baffa Usman, tambayarsa likita yashigayi akan matsalar Yaya hawwa ko akwai abunda yasani ai kuwa baffa yabud'e baki yanda kukasan indararo yanata zubawa likita bayani akan zuwan Yaya hawwa dajin qare kukanka har zuwa silar haukacewarta.

Sosai likitan yaji dad'i kuma yasamu amsar da suke buqata yayi sallama dasu yawuce, ahasale baffa Usman yayi kan baffa Ali yakai masa naushi yafad'i qasa bakinsa yafashe da jini, cikin b'acin rai yashiga nunasa da hannu da hannu yana fad'in.

"Anya wai kai mutun ne?, Wace irin zuciya gareka mai cike da son cutar da 'yan uwanka, wai kaima d'an uwane koko d'an wuta?..tir da halinka wlh kahi hasarar rayuwarka aliyu matuqar baka canza ba."

Wani naushin yasake kaimasa lokacin daya taso yana son fad'a masa magana yasake fad'uwa yabishi qasa zai dakai baffa yayi saurin riqe masa hannu, idanuwansa na zubar da qwalla yace.

"Don ALLAH Usman ka qyalesa, kada kabiyeshi duniya ta zagemu a matsayin munfito ciki d'aya muna wannan hasuma, meye laifinsa ga abunda yafad'a Usman?, Wannan shine sakamakon abunda yakamata yamayarwa da hawwa bisa tonawa da binnewar da sukayi atare, wataqil inhar yad'a labarin suke sonyi akan cutar dake damunta don mutane su kiyaye sai yazame mata kaffara tahanyar rage mata zunubanta, kuma tazamo silar d'aukar darasi ga duk wani mutum mai hali irin nata ko son aikata abunda tayi don gujewa gobensa, ka qyalesa zo mutafi."

Yafad'a tare da jan hannunsa sukabar wajen.

Tofar da yawu cike da jini baffa Ali yayi yashiga d'ura masu zagi kala kala yana fad'in daga yau babushi babu su.

haqiqa ba qananan kud'i asibitin suka kashe ba wajen ganin sun yaqi wannan lulura da suke ganin kamar wata sabuwar cutace kuma suke fatar asibitinsu tazamo tafarko wajen kauda ita kafin ta watsu ga duniya,

Nan take manyan kafafen yad'a labarai a qasar nan da kuma gidajen jaridu sukayi
dandazo a asibitin don samun tattaunawa da manya manya likitocin da suka jagoranci wannan shiri nakawo qarshen cutar da suka rad'awa suna _neurosis2020_ kan kace me tuni cikin qanqanen lokaci labarin lalurar haukar yaya hawwa yazaga ko ina ta kafafan yad'a labarai tahanyar fira da babban likitan asibitin yana wayarwa da mutane kai akan lalurar ana bayani ana nuno Yaya hawwa da irin yanayin da take ciki da wanda take shiga idan yamotsa, wasu idan sungani tabasu tausayi wasu kuma suyi ALLAH wadda da ita, wasu kuma subita da addu'a.

Nan take suka maida kud'ad'en da suka kashe har riba tabiyo baya, kuma Alhamdulillah bisa sabuwar kulawar da aka koma bata tamusamman sun fara ganin canji akan gwaje-gwaje da suka sake yimata daga baya duknda dai har yanzun akwai sauran rina akaba.

••• ••• •••
Su baba balarabe basu isa garin borno ba sai kusan qarfe d'aya na rana, baba balarabe yakira Dr yasanar dashi zancen isowarsu lokacin yana zaune sungama shiryawa shida Fatima suna fama da ita akan taje ta sako mayafinta suje ganin little Nuraddeen agidansu ammie amma taqi, sai da taga Dr yad'aga wayarsa yana fad'in.

"Na'am baba har kin iso, eh to kutsaya adaidai junction ganinan zuwa."

Waro idanuwa waje tayi had'e da cewa "laaa uncle wane baban?"

"Baba balarabe." Yafad'a in I don't care d'innan yana fad'in Fatima ta tashe suje don dama bai sanar da Rashida batun zuwansu ba su ammie kad'ai ya fad'awa.

"Aunty dama zasu zo shine baku fad'an ba.?"

"Eh to, aiba wajenki zasu zoba shiyasa ma ba'anan zasu sauka ba, gidansu ammie zamu saukesu tunda yarona sukazo dubawa kuma kinga ke kince baki zuwa shiyasa ban fad'a maki ba."

"Amma dai zasu zo ko?"

"Ina, Ina kibar wannan zancen kawai, idan kina son ganinsu kizo mutafi idan kuma bakya so to kizauna warki anan, mu muntafi"

Dr yafad'a yana gumtse dariyar shi had'e da ficewa Fatima nabiye dashi abaya.

Ganin hakan yasa taje ta d'auko mayafinta ta lullub'a tana turo baki itama tabi bayansu.

Suna kawowa titi yayi parking da motar yace Fatima tajesu sutafi shi zai hau mashin yaje yazo dasu baba balarabe.

Cike da kunya Rashida tashiga gidan tana wani nonnoce kai qasa Fatima sai dariya take yimata har suka isa,

Kuda suka shiga part d'in ammie tana kitchen suna girki ita da umma, Kai tsaye Fatima taja hannunta suka wuce bedroom d'in ammie saboda warin girkin da taji yabugar mata hanci,

"Kai aunty meye bazamu tsaya a falo ba har sai munzo d'aki."

"Maman boy bana son qamshin abincin, mu zauna warmu anan bari nakirata awaya." tafad'a tana ciro wayarta cikin jikka.

"Hello ammie mun iso gamu a bedroom d'inki?"

"Ok Ina zuwa." Tabata amsa, tana shigowa sukayi ido biyu da Rashida databi yanda d'akin yatsaru da kallo, da sauri ta jid'ar da kanta qasa tana wasa da 'yan yatsun hannunta.

"A'a 'yata kice yau bikon maman Nuraddeen kika yomana, koda yake nasan badon mijina tazo ba don taga iyayenta ne ko Rashida." Ammie tafad'a tana dariya.

Saukowa daga zaunen da suke kan doguwar kujerar dake cikin d'akin sukayi had'e da duqawa har qasa suka gaisheta tadafa kansu tana fad'in.

"Lafiya qlw 'ya'yan albarka, kutashi ku zauna ALLAH yayi maku albarka." Itama ta zauna bakin gado.

"Agaisheki Rashida sarkin fulanin duk duniya, wato haka kika yiwa maigidana sai yau don kinji su gwaggonki zasuzo ko?"

Murmushi kawai Rashida tayi batare data tanka ba har lokacin kanta naduqe aqasa.

"To ai shikenan kin kyauta, ALLAH yarabaki da wahala, 'yatah ya jikin naki da sauqi ko?"

"Eh ammie, kawai yanxu baccine ke yawan damuna."

"To may be rankon wanda bakiyi bane kwanakin baya, Ina son take?"

"Yaje tahowa dasu Yaya maryam."

"Au har sun iso? Bari make muqarasa aikin kafin su iso, Rashida kinemi kud'in da zakifa biyamu kafin mugwada maki maigida naga sai warar idanuwa kikeyi kina bid'ar inda zaki hangoshi."

Cike da tsokana ammie tafad'ima rashida haka sannan tafice tana dariya.

Koda su Dr suka iso su ammie na a harabar gida ita da dady suna jiran isowarsu ita kuma umma nacan tagama shishshirya abincin da sukayi tana gyarawa little daya qara wayau yayi kyau sosai, tawai tashiga yimasa tana fad'in.

"Maigida mai raki, d'an Fatima mai kukan yaye, mijin hajiya mai babbar kyauta."

Baba kuwa dake gefe zaune yana kallonsu sai faman dariya yakeyi, shima little d'in dariya yakeyi harda qyaqyatawa riqe da marfin mai yana wasa dashi.

Cike da farinciki su ammie suka tarbesu had'e da yimasu iso zuwa part d'in nata, bin gidan su baba balarabe sukayi da kallo suna jinjina ki had'e da mamakin yanda suka fita daban acikin masu arziqi wajen girmama d'an Adam da kuma karrama shi har suka iso cikin falon, Yaya Maryam kam kusan lumfashinta d'aukewa yaso yayi saboda irin qamshi da sanyin a.c daya bugi fuskarta, ji tayi jiri na neman d'ibarta da sauri tariqe hajia Aisha matar baba balarabe, juyowa tyi takalleta had'e dayin murmushi cikin murya qasa qasa tace.

"Yawwa Yaya riqeni, nima nan jiri d'ibata yakeyi ina neman fad'uwa"

"Bari Aisha! wannan shi ake kira da aljannar duniya, anbasu duniya kuma ga dukkan alama lafira ma zasu samu"

Bayan sun zazzauna ammie taje da kanta ta d'auko masu ruwan swan masu sanyi a tire tana jero masu sannu, bayan ta ajiye masu ruwan takoma ta d'auko wasu had'e da kofuna tanufi d'ayan parlon da dady yaja su baba balarabe, Saida ta ajiyema kowanensu agabansa sannan tanemi d'aya daga cikin kujerun tazauna tana gyara mayafinta dake qoqarin zamewa fuskarta asake.

"Sannunku da zuwa, ya hanya?"

Saida mijin Yaya Maryam ya ajiye cup d'in daya tsiyaya ruwan yasha sannan suka had'a baki shida baba balarabe suna fad'in.

"Yawwa hajia, hanya Alhamdulillah, mun sameku lafiya?."

"Lafiya klw wlh, ya kuka baro mutanen gida."

"Kowa lafiya klw hajia, since agaisheki sosai da d'awainiya ALLAH yasaka da alkhairi."

"ALLAH sarki ai Bakomai yiwa kaine, "
"Hakane gaskiya angode sosai, yau ALLAH yanufa kun ganemu agarinku waccan rangon saurayinnan naku ya taddomu cikin wannan rana saboda rakinsa sai kace ba namiji ba."

"Aikuwa dai ya kyauta tunda gashi yasa anyi zumunci."

"Hakane gaskiya, tofa angode da d'awainiya sosai Ubangiji ALLAH yabiya kuma yasaka maku da mafificin alkhairi."

"Amin ya ALLAH."

Ta amsa masu had'e da miqewa tanufi wajensu Yaya Maryam ta barsu nan tare dasu dady suna qara gaggaisawa.

"Hajiya sannunku fa da hanya, don ALLAH kuyi haquri nabarku zaune ko?" tafad'a lokacin da take qoqarin shigowa inda suke.

"Ai babu komai hajia, ya gida munsameku lafiya."

"Lafiya klw Alhamdulillah."

"Ya 'yan yaye sarakunan raki da jiki, muna zaunenmu yatado damu muda angwayenmu saboda rakinsa."

"To ayi haquri hajia, ba raki bane kewarku ce tayi masa yawa shiyasa shi zazzab'i, gashi kuma tunda kuna son maigidan kun rugo ko kuwa?"

"A'a indai mazan rakine mun barmiki namu sun ishemu, mukam dai albarkacin 'yarmu mukazo gani ba shiba." Yaya Maryam tafad'i hakan tana dariya.

"A'a fa hajia, karfa yazo kugansa kuce baza kubi su alhaji ba ku kunga wurin zama inda maigidanku yake."

Rashida kuwa tunda taji muryar su Yaya maryam take qoqarin fitowa Fatima tariqeta had'e da cewa tabari sugama gaisawa tukuna suma sufita gaishesu.

Muryar ammie sukajiyo tana qwalawa Fatima kira da sauri tamiqe had'e da amsawa sannan tacewa Rashida tazo sutafi.

Tare suka fito da gudu Rashida taruga qiris kad'an ta ture fatima tana fad'in "oyoyo gwaggona nayi kewarki sosai."

Dariya duk suka aza mata Yaya Maryam nafad'in.

"Oh ni maryama ko yaushe Rashida zakiyi hankali."

"Kai gwaggo da hankalina fa, kawai dad'i nakeji naganku, ina su baba?"

"Gasucan awancan d'ayan falon ammie tabata amsa tana mamakin irin sakewar da tayi, amma d'azu gaba d'aya tabi duk ta takura, sai alokacin Rashida ta tuna da ashe ammie nawajen cike dajin kunya tamiqe tanufi inda su baba balarabe suke cike da farinciki.

Murmushi Fatima tayi lokacin da take qarasowa wajen tana girgiza kai tare da duqawa tagaishesu tana yimasu sannu da zuwa.

Bayan sungama gaisawa ammie tace.

"'yata jeki kikira umma tazo takawo masu Nuraddeen, naga matan nan nasa sai hararata sukeyi."

Gaba d'aya sukasa dariya suna fad'in.

"A'a hajia indai wannan maigidan nakine mai kukan yaye mun barmiki kiyita kaya basai yazo ba."

Suna rufe baki umma nashigowa d'auke dashi yana wasarsa cike da gwalamniya, kasancewar taqofar baya tashigo yasa Rashida dake qoqarin fitowa daga wajen su baba balarabe tana dariyar labarin da suke bawa dady nata lokacin da aka yayeta tayi ido biyu dasu, kasancewar bataga fuskar umma daidai ba saboda tajuya tana yimasa wasa should kad'ai tahango gasu ammie a tsakiyarsu tasan bazata rasa ganinta ba yasa tayi saurin sadda kanta qasa, can kamar an tsinkaleta tayi saurin d'ago kanta tunawa da gefen fuskar wacce tagani, turo idanuwa tayi ganin wai ummanta ce agabanta d'auke da little, jitayi lumfashinta na neman d'aukewa da sauri tace.

"Um..um..ummah.." tana nunata da hannu,

Da qarfi umma ta d'ago kai jin muryar 'yarta tilo da bazata tab'a mantawa da ita ba, yayinda gaba d'aya su ammie suka miqe suna