You Cannot Download this book untill you login but you can read it .

---

Login Register

zuciyarsa dake Shirin mutuwa ta sanadiyar raunin daya samu tamaidasa marar amfani aduniya, bayan da rayuwarsa ba mutuwa yayi ba cikin qarfin hali da jajircewa da kuma miqa dukkanin yaqininsa ga ALLAH akan zai iya abunda yasawa ransa yafara qoqarin rarrafawa yana dafa bango, addu'a yake maimaitawa azuciyar yana ambaton dukkanin sunayen ALLAH abakinsa yashiga bin bango yana fad'uwa yana tashi, wani azababben ciwo yakeji na qara taso masa tun daga kan qugunsa har zuwa tsakiyar qasan tafin qafafuwansa amma haka yaci gaba da takawa saboda rad'ad'in da yakeji da ciwo azuciyarsa yafi ciwon da yakeji yanzu atattare dashi har ALLAH ya kawosa inda zasu iya ganinsa, fad'uwa yayi zaune zufa na tartsikke masa tako ina ajikinsa yana fitar da lumfashinsa sama sama, ji sukayi cikin d'aga murya baffa yace.

"Karka kuskura kasaki matarka Nuraddeen ko bana raye aduniya, ke kuma d'anki ne bazan hanaki kiyi duk yanda kike so dashi ba amma Ina so kisani aduk lokacin da kikayi nasarar sa Nuraddeen yasaki matarsa to kisani ranar nima babu aure tsakaninmu kije kema na sakeki." Afirgice yaya hawwa ta d'ago kai tana kallonsa jin kalaman dake fitowa daga bakinsa cike da mamaki, shikuwa Nuraddeen duk da babu wani qarfi ajikinsa da gudu yataso yayo wajen mahaifin nasa da shed'arsa kefita sama sama batare daya tsaya fahimtar maganganun dake fita daga bakin saba, fuuuu.. Yaya hawwa tayi tawuce sashenta ranta ab'ace, ko kad'an bata damu da yanayin data gansa ba balle tayi tunanin taya akayi yazo wajen, amma gaba d'aya yara da manya dake gidan sunyi mamakin ganin baffa a wurin batare da kowa ya riqosa ba, kansa suka taru hadda muneera dasu Inna ruqayya ana yimasa sannu duk da Inna ruqayya bakad'an taji zafin bayyanarsa awajen ba saboda yanda ya b'ata mata masu tsarin, Rashida kuwa tunda tajuyo takalli baffa daga durqushen da take shima yana kallonta tayi murmushi lokaci d'aya kuma hawaye na yimata kara kaina a fuska kasa tashi tayi har saida Inna Bilkisu tazo ta riqata ta tashi tana mai godiya ga ALLAH daya hana faruwar abunda Yaya hawwa taso faruwarsa.

Wajen suka nufa lokacin Nuraddeen ya rungume Baffa yana kuka cike da tagwayen farin ciki da suka lullub'e masa zuciya, na farko ganin akaro na biyu ALLAH yasake bawa mahaifinsa damar sake taka qasa da qafafuwansa na biyu kuma yanda ALLAH yakawo masa ginshik'in daya shiga tsakanin hana faruwar rabuwarsa da masoyiyarsa, shi kansa baffan kuka yakeyi Amma nasa na takaici da baqincikin irin matar da ALLAH ya jarabcesa da ita, d'ago kansa yayi yana shafa kan Nuraddeen yace.

"Kayi hak'uri dukkani tsanani yana tare da sauqi, Alhamdulillah wama sha'a fa'ala."

'Dago kai Nuraddeen yayi yana jin wani sanyi azuciyarsa ya kalli Rashida da har lokacin kuka takeyi ya girgiza mata kai alamun tayi shiru tare da sakar mata murmushi, hannu tasa tagoge hawayenta itama tana mayar masa da nata sannan tajuya tashiga sashensu ta d'ebo ruwa a joke, duqowa tayi tana karanta addu'o'in data iya had'e da tofawa tabawa baffa, murmushi yayi yakarb'a ruwan yana saka mata albarka yasha sannan ya miqawa Nuraddeen sauran yace ya shafa masa a qafafuwansa, bayan mintuna kad'an baffa ya gwada qoqarin tashi da sauri Nuraddeen ya miqa hannuwa zai riqosa ya dakatar dashi, su dai mutanen gida duk suna nan tsaye cirko cirko suna kallon ikon ALLAH, duk da baffa najin zugi da zafi atattare dashi hakan bai hanasa gwada miqewar da kansa ba yana cije baki saboda zugi da rad'ad'in da yakeji har ALLAH ya taimakesa ya miqe da kansa, rufe idanuwa Rashida tayi hawayen dake cikin idanuwanta suka samu damar zubowa sannan tabud'e tana fad'in "Alhamdulillahillazi bini'imatihi ta timmusswalihat, ya mujibudda'awat, Alhamdulillah kathiran."

Ihu yaran gidan suka fara suna tsalle ganin yanda baffa yafara tafiya ahankali yana dafa bango batare da anriqasa ba, juyowa Nuraddeen yayi ya rungume Rashida agaban kowa yana fad'in.

"Ke alkhairice arayuwata da kuma ta mahaifina, ya ALLAH kada kabani damar shaqar lumfashi a inda babu habibty d'ina."

Cike da jin kunya Rashida ta notar da kanta qasa tana murmushi tare da d'an turesa daga rungumar daya yimata ta juya tabar wajen cike da farinciki azuciyarta."
Juyawa yayi shima yabi bayan yaran dake biye da baffa suna tafi da ihun murnar ganin ya samu lafiya,

Suna barin wajen inna ruqayya taja wani irin dogon tsaki cike da takaicin Rashidar babu babban baqin cikinta yanzu kamar cikin da tagani ajikinta wanda tamada yaqinin shizai qara zamowa shamaki kuma katangar da zata rugujewa 'yarta samuwar nata farincikin, cike da son muzanta Rashida daidai lokacin da ta aza k'afarta zata shiga sashenta tace "Aikin banza da wofi, zuri'ar 'yan tsibbu da mayu da gani anyo gadon buge bugen qasa."

Tsaye cak Rashida tayi tana sauraren kalaman da take jifarta dasu kafin tashigewarta batare da tajuyo ba balle ta tankata zuciyarta fad'a mata kada ta tab'a damar da kanta don tace mata haka, dama shi d'an adam haka yake duk abunda yake aikatawa sai yayi tsammanin kowama yana yinsa, konkad'an baici ta damar da kanta ba tunda tasan sunan da tayi mata da ita yafi dacewa ba itaba.

Da gudu muneera tabiyo bayan Rashida har zata aza qafarta ta shiga sai tatuno jan kunnen da ya nura yayi mata.

"Rashida" muneera takira sunanta cikin sanyin murya, juyowa tayi tana kallonta, ganin tana son yimata magana amma takasa shigowa tace. "Aunty muneera shigo mana."

"A'a bazan shigo ba ya nura na iskoni sai ya maidani tamkar jaki yasha Kara."

Murmushi Rashida tayi tare da dawowa bakin qofar inda take tsaye tace, "to gani aunty muneera" susar kanta tashigayi kafin tace, "naji Inna tana cemaki wai zuri'ar 'yan tsibbu saboda kinyi wani abu aruwa kinba baffa yasha yawarke har yana tafiya, don ALLAH da gaskene shi kikeyi?" Murmushin da bai kai cikiba Rashida tayi tare da gyara tsayuwarta sannan tace "A'a muneera ba gaskiya bane, ni bana tsibbu kamar yanda Inna ruqayya tafad'a maki balle iyayena ko zuriarmu, Amma muna roqon ALLAHn daya halicci cuta kuma yayi maganinta cike da yaqini kuma ya karb'a mana, adduace nayiwa baffa d'azu don yasamu sauqin rad'ad'in ciwon da yakeji sai aka dace da ijaba ta sauka bayan jimawarsa azaune yana shan magani da kuma amfani da addu'o'i Wanda inada tabbaci akan tasirinsu ne yanzu yazamo silar samun sauqinsa bayan natofa masa addu'a aruwa yasha."

"Laaa ashe Inna qarya takeyi, don Allah Nima zakiyiwa ya nura aruwan yasha sai ya aureni." Muneera tafad'a had'e da matsowa kusa ga Rashidar bayan ta d'an sassauta murya,

Saida Rashida tayi dariyar da duka haqoranta suka bayyana sannan tace, "a'a aunty muneera bazan yimaki ba domin duk son da kike yimasa baikai adadin wanda nake yimasa ba, saidai Ina baki shawara akan kema kije kiroqawa kanki ALLAH daya baki shi, amma nidai bazanyi ba." Taqare zancen cike da mamakin sakarci irin na Rashida,
Ture lab'b'a muneera tayi cike dajin haushinta tajuya tabar wajen tana fad'in "'yar baqin ciki, ALLAH ko bakyaso saina auri ya nura, bazaki zauna ke kad'ai ashiyar nan ba tundanima Ina qaunarsa, shegeyw mai tsawo kamar na iccen rama" dariya Rashida tayi sannan tawuce abunta had'e da turo qofar.

Na'ima da Aisha ma yaran Inna Bilkisu dake zaune dawowarsu daga wajen niqa kenan don duk abunda yafaru basa nan akayi suma suka sawa muneera dariya jin abunda yafaru tsakaninta da Rashida, kansu tayo tana susar kai suka tashi suka ruga aguje tabisu tana zunduma masu zagi dama Inna Bilkisu nacan d'akin baffa ana murnar samun lafiyarsa.

Ita ko Inna ruqayya sashen Yaya hawwa tanufa ta iskota cikin d'aki in tayi nan tayi can tana daddagar hannu had'e da cizon baki tana girgiza kai, "hmmm yanxu fa shikenan bakida abunyi yariga d'aya jawo maki reni ga yarinya, ya zubar maki girma agaban idanuwan d'anki sai yanda sukaga dama zasuyi acikin gidannan." Ina ruqayya tafad'a tana watsa hannuwanta baya tariqesu tana jiran amsar da zata fitowa daga bakin Yaya hawwa don tasan yanda zata sake tunzurata idan ta zubar da maka manta a fusace Yaya hawwa tajuyo had'e da cewa "inaaa wallahi qarya ne, bai isa ba matuqar Ina raye, ai fad'a da aljani sai anshirya kuma duk lalacewar bushiya tafi qarfin a takata da qafa koda kuwa da takalmi ne, ni hawwa ban tab'a sawa raina abuba nakasa, atarihin zuriarmu ba'a tab'a sakin mace ba don haka baza'a fara akaina ba, badai ya hana nura ya saki matar saba, to ni kuma zansa matar nurah tabar nura nahar abada koda hakan na nufin zan mutu wlh sai tabar cikin gidan nan ita d'in banza da wofi." Murmushi Inna ruqayya tayi kafin yace, "ahh to Nima dai shi nagani, wallahi idan bakiyi da gaske ba saita rabakinda d'anki da mijinki, yanzu haka fa Ina kallon wasu surqulle da tayi da wasu sabbatu ta tofa masa aruwa yasha sai gashi ya tashi da qafarsa, ke wannan yarinyar itama Ina ganin da nata shirin take don ko yayan Bata barsa ba tunda kikaga kimanin watanni goma sha yana zaune duk rigima da fitintinun da akeyi agidannan bai tab'a tasowa ba sai yau don yaji ance a saketa, aikam kema kinsan sedai ALLAH ya kayauta Amma tagama da Yaya balle nura."

Takai qarshen zancen had'e da fashewa da wani kukan munafucci,

"Ke ruqayya fita, fita kibarni inji da abunda ke damuna don yau dole in koma wajen malan bakada imani, wannan shegen cikin dake jikinta dole adakatar da zuwansa duniya da ransa kafin ita Kuma musn nayi da ita."

"Gaskiya kam Yaya hawwa, ai yarinyar nan wlhi tagama tona mana asiri."

"Mtss..zan zageki ruqayya kitafi nace, akwai mai tona maku asiri kamar hasararriyar yarinyar dake gabanku, ai bakiga tonon asiri ba sai ranar data bud'e baki tafad'a duniya cewa iyayenta shashashune da basu san ciwon kansu ba tukuna, ni nafara tunanin bazan iya had'a zuria da itaba a haifo mun jika sak aku kuturu da gwalmammin qafafuwa."
Yaya hawwa taqare zancen tana turo Inna ruqayya waje had'e da rufo qofar d'akinta. Tsaye Inna ruqayya tayi tana ayyana kalar abunda zata yimata duk ranar da burinta yacika akan wannan walaqancin da take yimasu ita da 'yarta sannan tawuce ranta ab'ace, d'akin da baffa yake tanufa fuskarta sake don kar afahimci yanayin da take ciki, lokacin mutane sun taru sai shigowa sukeyi suna fita ana yimasa barka da arziqi, baffa Ali da baffa Usman suma na zaune gefe fuskokinsu d'auke da farinciki duk da shi baffa Ali bahaka yaso aransa ba, yaso sai sungam shirinsu tsaf Mai faruwa tafaru koda zai samu lafiya gudun kada ya dakatar masu da shiri, yaqe kawai yakeyi amma haushi da takaicin taahin d'an uwan nasa yayi masa katutu azuciya, shi kam baffa yana tsaye yana gaggaisawa da mutanen dake shigowa,
Kallo d'aya Nuraddeen yayiwa Inna ruqayya ya d'auke kai had'e da barin d'akin don yanzu shi ko ganinta baya son yi, bayan an watse yarage su kad'aine mutanen gida zaune baffa sai faman zagaya falo yakeyi yana yiwa ALLAH godiya, kallo d'aya zakayi masa ka fahimci tsantsar farincikin da yake ciki saboda ynda ya bayyana a fuskarsa.

Wata irin muguwar dariya sukaji baffa Ali ya kwashe da ita harda tuntsirawa yana nuna baffa cike da isgilanci sannan yace.

"Ho.ho.ho Yaya kace yau ba zama, tun d'azu ka kasa zaune ka kasa tsaye sai faman zagayar d'aki kakeyi, halan tsoron zaunawa kakeyi gudun kada asake damqeka waje d'aya, koda yake gaskiya ka zaunu dole ka guji abunda zai sakesa ka zauna inba dole ba."
Wani irin dimmm...baffa yaji har jiri na neman d'ibarsa jin kalaman dake fitowa daga bakin d'an uwan nasa, badon yasan lokacin da mahaifiyarsu ta haifi baffa Ali ba da tabbas yace daqyar idan shi jinin sane, saboda gaba d'aya halayyarsa kwata kwata batada kyawo, Babu hankali da lissafi acikin kowane irin zance da zaiyi, amma babu yanda ya iya dole yayi haquri dashi tunda jinin sane, fatarsa d'aya ALLAH ya ganar dashi matsalolinsa ya gyara kafin wuri ya qule masa, murmushi yayi sannan yakoma inda yake zama lokacin da yake jinyar yana kallonsa sannan yace.

"Aliyu, ai ita jarabawar ALLAH takan zone ga bayinsa muminai, tabbas na zaunu anan wurin kuma nakanji na tawaya sosai, shiyasa yau da ALLAH ya yaye mun wannan lalurar nake ganin yakamata nayi farinciki na nuna masa cewa nagode da lafiyar daya bani, ba tsoro nakeji ALLAH yasake jarabtata ba domin shiyasan dalilinsa nayin hakan, nagode da irin naka farincikin daka nuna mun domin yasa nad'auki wani darasi aciki."

Girgiza kai baffa Usman yayi had'e da cewa. "Ashsha Ali Kai kam wane irin d'an uwane haka? Shin kana ganin abunda kayi burgewa ne ko kuma zai samaa maka nishad'ine shiyasa kayisa? To kasani kayi kuskure mai girma domin kayi izgilanci da al-amarin ALLAH wanda shi keyin yanda yaso alokacin da kuma yaso.
"juyowa yayi ya kalli baffa sannan yaci gaba da cewa.
"kayi hak'uri da kalamansa in sha ALLAH zaiyi nadamar yinsu ko yaushene."
Baffa Usman nagama fad'ar haka yabar d'akin dama tuni itama matarsa Inna Bilkisu takoma cikin gida don cigaba da aikinta saboda marecen dake gabatowa, nan take baffa Ali yaji jikinsa yayi sanyi kuma yafahimci bai kyauta ba.

"Yi hak'uri Yaya." Yafad'a tare da miqewa shima yabar d'akin, Inna ruqayya nabiye dashi a baya...







*ALLAH KAJIK'AN IYAYENMU*👏😭
[8/17, 10:19] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___33💎

Ranar kam baffa kasa kwana yayi saboda abubawan da suka tarar masa azuciya, tsantsar farincikin samun lafiyarsa da irin kalaman da d'an uwansa ya jefesa dasu, Abu mafi cimasa rai shine yanda matarsa uwar d'ansa tayi biris da al-amarinsa, duk masoyansa na nesa dana kusa sunzo tayasa murnar samun lafiyarsa amma ita da take matarsa mallakinsa da tafi kowa ribantuwa da ita takasa zuwa ta dubasa balle tanuna masa farincikin da tayi, wasu zafafan hawayene suka zubo masa yana mai nadamar zab'enta a matsayin abokiyar rayuwarsa kuma uwar 'ya'yansa, ganin zai sake jawowa kansa wani b'acin rai da damuwa yasa yashiga bayi yayo arwala yatada sallah yana mai miqa godiyarsa ga ALLAH daya fitar dashi cikin jarabawar da take ciki batare da anrabasa da imanin saba,

Bayan sati d'aya da samun lafiyar baffa duk masu zuwa dubasa sun gama zuwa ciki har da iyayen Rashida, baba da umma da malan balarabe da matansa sai yayarsu hajia maryama da kuma aunty marwiyya, haka sukayo mota guda sukazo dubasa wanda ranarce tafarko da umma tazo gidan, duk da tanajin 'yan wasu matsaloli da 'yarta ke ciki tayi farinciki sosai ayanayin da taganta, don ba qaramar kulawa take samu daga wajen Nuraddeen ba, lokacin ne cikinta yacika wata biyar dam, tayi haske ta murje ko Ina na jikinta ya cika fam sai sheqi da kyalli takeyi abunta, ga d'an cikin daya fito ya zauna mata d'agwas ajiki gwanin sha'awa, duk wani motsi nata na akan idanuwan Nuraddeen da baffa, duk abunda take so taci suna bid'o mata batada wata matsala saboda yanzu komai tanaci kuma tadena yawan aman da takeyi si can baka rasa ba.
Rashida tayi farincikin ganinsu sosai har tanaji kamar takoma ciki, da zasu tafi baffa yahad'a masu sha tara ta alkhairi shida baffa Usman suka rakasu har bkin mota, haka kurum Rashida ta tsinci kanta da fashewa da kuka tanaji kamar karsu tafi subarta tariqe ummanta sosai, saida Nuraddeen yayi da gaske yasamu ya lallab'ata suka koma cikin gida sannan su kuma suka wuce cike dajin kewar 'yar tasu.
Duk wasu abubawa da baffa yasan nashine a d'akin da yayi jinya yana cika satin nan guda da warkewa ya kwashesu yamayar asalin shiyarsu wato d'akin Yaya hawwa dama jinya ce takaisa can shiyasa yanzu da ALLAH yabashi lafiya ya dawowarsa saboda yasamu damar tsawatar mata, sosai hakan da yayi ya matuqar b'atawa Yaya hawwa rai har tana cewa ita ya komawarsa can d'akin kar yazo ya takurata, yi yayi kamar bai jitaba yaci gaba da kwaso kayansa yana maidowa nan cike da burin dakatar da ita ga dukkanin mugun nufinta.

Hakan kuwa da yayi ya matuqar yiwa Nuraddeen dad'i ya sake maida hankalinsa wajen renon cikinsu, wata irin mahaukaciyar soyayya yake nunawa Rashida wadda ko alittafan novel bata tab'a jin irinta ba balle a finafinan zamani, kusan ko yaushe yana gida idan yataso makaranta, tare sukeyin komai kuma yanaci gaba da koya mata karatunta, ba laifi tana fahimta sosai don yanzu karatun hausa kowane irine zata iya karantawa, haka shima na bokon don su ( _come, go, sit-down, walk, run, stop, shoutup, ask_) duk ta iya, haka ma fannin had'a jimloli da turanci irinsu, ( _I will be there soon, stop crying, don't worry, why do you ask, tell them e.t.c_) duk ta iya saboda yanda ya d'aukesu da muhimmanci shiyasa yafara koya mata ire irensu saboda yanda zai samu sauqin mu'amala da ita cikin sauqi idan suna cikin mutane, haka shima duk wasu addu'o'in da be iyaba yana koya daga wajenta, rayuwarsu cike take da burgewa gwanin ban sha'awa saboda yanda suke son junansu, qauna da kuma kulawa abun ba'a magana, kallo d'aya zakayi masu kafahimci yanda kowanensu ke shirye da sadaukar da farincikinsa akan d'an uwansa, furuci da kalamansu d'ai idan ka saurara zaka fahimci cewa shirya suke da su mutu wa junansu, daidai da qwarar zarra basa ba baqinciki damar da zai shigo masu cikin rayuwa, sun yarda da juna kuma sun amince akan zasuyi rayuwa tare kuma zasu mutu atare shiyasa sukeda tsananin fahimtar juna, cikin Rashida na tsufa qwaqwalwarta na dad'a bud'ewa wajen d'aukar karatun da Nuraddeen ke koya mata, Wanda si yanzu ne tafahimci cewa Babu wata wahala cikin karatun kamar yanda take tunani kawai rashin so da maida hankali yasa takasa natsuwa tayisa.

Tuggu da makirci kuwa har yau Yaya hawwa takasa dena shiryawa Rashida shi, idan tayi wannan tayi wancan ta binne nan ta binne can amma duk wanda tayi sai ALLAH ya kubutar da Rashida, sau da yawa tasha zuwa tayi binne binnenta a bayan d'akin Rashida sai ALLAH yatura yara garin wasa su tonosa, musamman ta karb'o maganin da zai sawa Rashida baqin jini agun Nuraddeen ta zauna ta dama matashi cikin fura da nono saboda sanin yanda take matuqar son furar ta ajiye gefe da zimmar idan Rashida tashigo gaishesu zata bata tasha, malan bakada imani ya tabbatar mata da cewa matuqar ta shata Nuraddeen zai tsaneta da ita har abunda ke cikin cikinta kuma bazai qara ko awa d'aya da ita ba a matsayin matarsa zai saketa da kansa, kuskuren da tayi ta manta cewa da bakinta tasha fad'a agaban kowa cewa ba tason Rashida da ita har abunda ke cikinta, shiyasa lokacin da taba Rashida furar da tazo gaishesu baffa dake zaune yana karyawa yafahimci akwai wani abu ciki, har Rashida tamik'e cike dajin dad'i tana yimata godiya baffa yakirata, wata baqar leda yajawo agefensa dake d'auke da fura da nono da ba'a dama ba masu yawa ya miqa mata yace taje da ita tadama masu ita da mijinta sai tabashi ta hannunta yasha, yanda taga furar tayi kyau yasa taji tabiyo mata arai amma bazata iya musawa baffa ba tunda yace yana so, miqa masa furar tayi tana binta da kallo kafin takarb'i wacce ya miqo mata aleda tabar d'akin, tana fita Yaya hawwa tafara masifa akan ya za'ayi tabata abu ya karb'ar mata, murmushi kawai yayi tare da girgiza kai yace "hawwa kiji tsoron ALLAH, yarinyar nan da bakinki kike iqirarin baki sonta akan me zaki bata wani abu yanzu, shiyasa nafahimci akai wata badaqalar da kike shiryawa aqasa ni kuma na karb'e furar."

"To amma ai badonta zanyi ba saboda abunda ke cikinta kuma naga tana sonta sosai." Saida ya mere baki sannan yace, "saboda abunda ke cikinta? Kin manta shima kince bakya sonsa bakya qaunarsa? Taya za'ayi yanzu kiyiwa mahaifiyarsa abu donsa baya baki sonsa."

"Nifa malan kadena jifata da sharri ba abunda nasawa furar nan, kyautatawa ce kawai amma kana bid'a kamaida cibi yazama qari."

"To fad'awa wani hawwa, Amma dai bani ba, kinfi kowa sanin nasan halinki kar babu abunda bazaki iya iyaw yarinyar nan ba tunda baki sonta baki qaunarta, idan kuma kince ba haka bane ungo furar kisha ke." Yafad'a yana miqa mata furar a hannunta. "Ungo riqa kisha nace." Yasake fad'a akaro na biyu yana kallonta.

Ganin ta had'e rai tare da juyar dakai gefe yasa yayi murmushi cike da takaici yace.

"Hmm! ALLAH yaganar dake hawwa, bakida gaskiya ko kad'an acikin alamurranki, zan so ace kin daure kin zibar da makaman yaqinki akan yarinyar nan tunda har rabo yariga yashiga tsakani, kiyaqi zuciyarki kiyarda da qaddarowar ALLAH acikin aurennan idan ba haka ba zakiyi babban dana sani da Kuma nadama lokacin da basa da amfani, yanzu haka hawwa zuciyata cike take da nadamar zab'arki da nayi amatsayina uwar d'ana gashi nadamar batada amfani tunda har rabo ya gitto a tsakaninmu, lokaci yariga yaqure mani da zan iya maida hannun agogo baya badon haka ba wallahi bazan zab'awa d'ana mahaifiyar da Bata tsoron ALLAH kuma take shirka dashi."
Baffa nagama fad'in haka ya d'auki furar yaje toilet da ita yazuba da yake na qasane ya jefar har da kofin aciki sannan yafita yana mai neman sauqi da sassaucin jarabawar da ALLAH yayi masa da ita.

Ita kuwa kamar ta k'walla ihu haka taji don izuwa yanzu tafara fara kaiwa maqura bisa tufk'ar da takeyi baffa nayi mata walwala, gaba d'aya ya kasa ya tsare akan al-amarin yarinyar ko shine mahaifinta ai hakan ya isa, miqewa tayi had'e da riqe qugu tana hurar hanta tace, "Shikenan! Yanzu kam wasan yazo qarshe, zanyi amfani da dukkanin abunda na mallaka a duniya don cikar burina da nuna maka cewa baka isa ka dakatar dani ba." A fusace tajuyo ta d'auki mayafinta da sauri da sauri tabar gidan ta nufi jejen wani mugun boka da tuni taso zuwa rashin kud'i ya hanata ana cemasa boka mai abun mamaki wato (bargaji) kamar yanda kowa yasanshi dashi yau taquduri komai yakeso zata bashi matuqar zai fitar mata da waccan matsiyaciyar acikin zuri'a.

Rashida kuwa na komawa sashenta ta kwab'e hijab d'in dake jikinta zuciyarta cike da farincikin tafara samun karb'uwa a wajen uwar mijinta ganin alkhairin data yimata, ALLAH sarki baiwar ALLAH bata san cewa yanzu haka tana can kan hanyar illatata ba da kuma tabbatar mata da tsanar da take yimata ba, kitchen ta nufa da tulalen cikinta daya shigo wata na tara, nan da kwana ashirin ko yaushe ana tsammanin haihuwarta, wani d'an madaidaicin bokiti ta d'auko taje ta dama furar da baffa yabata tasha sosai sannan taje toilet ta watso ruwa tadawo falon taqara shan furar sannan takai kitchen ta ajiye, tana fitowa saiga Nuraddeen ya dawo daga makarantar can yarimawa da yake koyarwa, don tunda cikinta ya tsufa yadena zuwa yayo kwanaki acan sai dai kullum yaje ya dawo, cike da yanga tanufo inda yake don ta tarbosa tana fad'in, "oyoyo habibynah welcome back my love my everything."
Bud'e da baki yabita da kallo yana kafeta da idanuwansa maau matuqar d'auke mata hankali, murmushi tayi ganin yanda yake kallon takowarta izuwa garesa da d'an cikinta daya yimata kui, dama saye take da wata doguwar riga data d'ame mata jiki ko ina cikin yafito sosai ya matauqar qara mata kyau kamar ba ita ba, rufe idanuwansa yayi had'e da bud'ewa sannan ya bud'e mata hannayensa kafin taqaraso yana fad'in "thank you habibtynah kece haka kuwa?" tana qarasowa tarungesa ya mayar da hannuwansa yana shafa bayanta yana dariya, tace

"Ni d'ince kuwa donma babynka ya b'atamun tsari."

"Kai habibtyn habiby! ba ruwan baby na kyau ma naga ya qara maki sosai." Yafad'a yana janta zuwa d'aki, cuno baki tayi had'e da cewa.

"Ba wani nan habiby wayau dai zaka yimun, Amma kabari nahaife maka babyn nan naka zakaga yanda zanyi fresh in koma 'yar gayu, baran ma idan nafara zuwa school d'in da kace zaka kaini, hmmm sai kasha mamakin ganin yanda habibtyn