You Cannot Download this book untill you login but you can read it .

---

Login Register

infection ne acewarsu, amma kallo d'aya zakayi masa kasan yana jin zafin wud'annan quraje lura da yanda yake fitar da lumfashi.

A b'an garen inna ruqayya kuwa safiya na wayewa aka ganeta a sheme inda take kwana jikinta duk jini, ashe daren jiya 'yan iskan dake dakonta cikin tashar su kusan bakwai sunyo shaye shayensu suka farmata, saida suka qwace duk 'yan kud'ad'enta sannan d'aya bayan d'aya suka dinga amfani da ita ko tsufanta da qazantarta basaji, mutum d'ayane ya ganesu a tashar yana qoqarin fitowa sai gashi ya hango wata baqar mota qatuwa tayi parking wajen wanda ganin motar yasa samarin guduwa na qarshen dake kanta ma riqe da wandonsa yabar wajen, anfi mintuna uku kafin yaga wasu qatti su biyu sun fito cikin motar suna kallon gefe da gefensu, har bakin shigowa tashar da can gefen da samarin suka arta dana kare saida suka dibo suka tabbatar ba kowa sannan suka sunkuci Inna ruqayya dake kwance a sheme wajen sukasa cikin motar kamar yanda mutumen ke bayani, tsoro da fargabar abunda ke iya faruwa dashi tasa yakasa fitowa har motar tabar wajen, can gabanin asuba sai gashi yaga motar tadawo su sake fitowa da ita da sauri sun ajiyeta inda suka d'auketa farko, shine bayan sallar asuba gari yafara wayewa mutane suka ganeta a inda tasaba kwanci yashe jikinta duk jini, babban abunda yafi d'aga masu hankali shine, ancire mata ijiya d'aya sannan anfasa gefen cikinta da alama wani Abu aka cira daga ciki anka mayar anka d'unke don har filista akwai wajen, ga qasanta sai jini kefaman fita wanda basusan dalili ba, gaba d'aya ancire yatsunta na hannun hagu dana qafar dama amma duk da haka fata mutu ba lumfashi nafita ajikinta, hakan yasa nan take shugaban tashar nazuwa yayi gaggawar kiran 'yan sanda, ba'afi mintuna ashirin ba suka iso, yanda suka ganeta suma hankalinsu ya matuqar tashi, nan take yakira assibiti tunda da ranta bata mutu ba, tuni 'yan sanda suka zagaye wajen da wannan d'oruwan zare da suke sawa idan wani abu yafaru da suke rubutawa (don't across the line...) sukaci gaba da sauran bincike bincikensu kafin motar asibitin ta iso,

Mintuna shabiyar suma suka d'auka kafin su iso 'yan sandan suka basu damar isa wajen su d'auketa saboda subata taimakon gaggawa tunda da ranta bata mutu ba, amma kai kana kallonta ko ba'a fad'a maka ba kasan cikin azaba da bala'in rayuwa take, malaman asibitin na d'agota zanen dake rufe da jikinta daga qasa yafad'i, tsananin tashin hankalin abunda idanuwansu suka gane masu suda mutanen wajen yasasu sakinta, gaba d'aya abunda ya shafi al'aurarta daga qasa tsakankanin cinyoyinta anciresa wajen yayi jawur babu komai sai jan naman dake wajen, mutane kuwa ihu duk sukayi had'e daja da baya suna rufe bakinsa da qwalalo idanuwa, hatta 'yan sandan duk saida sukayi baya saboda firgita, abunda rayuwarsu Basu tab'a gani ba azahiri ko a finafinan hausa ko littafai sai gashi yau agabansu sun gani da idanuwansu, tabbas ko ba'a fad'a ba kasan wannan aikin masu sihirce sihircene da tsafi suka yayyanke mata sassan jiki,

Kan kace me tuni labari ya soma biye gari mutane sai rutatowa sukeyi cikin tashar don su tabbatarwa idanuwansu abunda sukaji ana fad'a, babu abunda yafi tsorata mutane irin yanda duk irin miyaku da cuwurwutar dake jikinta rad'ad'in baisa ta mutu ba, cikin qarfin hali da tausayawa d'aya daga cikin jami'an lafiyan da sukazo ta d'auki zanen ta nufi inda take da zimmar rufeta saiga wata irin guguwa daga sama tanad'o baqa qirin da ita ta turnuqe Inna ruqayya dake sheme wajen tana fidda lumfashi d'aya bayan d'aya,

Banda qarar sautinta da kururuwa tana ihu babu abunda suke iya ji ko gani, wani irin ihu takeyi tana qarar da duk Mai sauraro zai tabbatar da cewa inba rahamar ALLAH ba babu abunda zaisa halittar dake fiddashi ta dace balle asa ran zata rayu, mutane kuwa duk wanda ka kalla yayi jugum yana kallon ikon ALLAH, wasu Kuma da qarfin hali suna vedioting ga wayoyinsu,


Saida aka kwashe fiye da mintuna goma wannan iskan na juyi da wani qugi akanta ita kuma tana qara sannan ya b'ace.

Koda likitocin suka dubata tuni rai yayi halinsa ta cika a bainar jama'a cikin wani mummunan hali tayi mummunar cikawa a idanuwan duniya bisa laifukka da zunubbai data aikata arayuwarta. _(wal iya zubillah, ALLAH kakaremu da mummunar cikawa kuma kasa sanya mu muyi kyakkyawar qarshe, dama haka rayuwa take, duk bawan dake aikata zunubi adoron qasa yaga ubangijinsa ya tona asirinsa to alamar yana qaunar sane sai ya hanzarta yin kyakkyawar tuba kafin lokaci yaqure masa, idan kuma kaga kanata sab'awa ALLAH ya qyaleka yana cigaba da baka nasara acikin alamurranka to kaiconka, wallahi talalace yayi maka, cikar wa'adi kawai yake jira yayi maka mummunar damqar da bazaka iya kuccewa ba, alokacin babu batun bud'ad'd'iyar qofar tuba agareka domin wuri ya qure maka, tabbatuwar alqawarin ALLAH akan kane kawai zai wanzu agareka, shikenan kazamo cikin tab'ab'b'u bayinsa kuma kayi asara, ya ALLAH ka aminta damu kabamu ikon tuba wa dukkanin laifukanmu da zunubbaban da muka aikata maka👏)_

Haka likitoci suka d'auki gawarta akaje akayi binciki akai, inda su baffa Usman na asibiti wannan labari yazo masu wanda dama sun san hakan zata faru kamar yanda d'an uwansu yayi masu bayani, ALLAH kenan! Wato duk abunda mutum ya aikata arayuwa da sannu zai dawo ya riskesa, batare da sun damar da kansu akan maganganun da sukaji nata yawo agari akanta da mutuwarta ba sukaje police station sukayi bayanin cewa sune 'yan uwanta aka basu hannu sukasa sannan sukaje asibiti aka basu gawarta, bayan likitoci sun basu qwaqqwaran bayani akan binciken da sukayi suka gano cewa mutum bakwai sunyi amfani da ita har sau bakwai kafin tamutu, haka kuma cikin bincikensu sun gano ancire mata sassan jiki da dama kafin tamutu kama daga ijiyarta d'aya, dukkanin yatsun hannunta na dama da kuma qafarta ta hagu, haka kuma an yanke mata al'aura, ancir mata qoda d'aya da kuma mahaifarta wanda suna tsammanin aikin masu anfani da sassan jikine wato (secret society) amma sun miqa dukkanin bayanan daya dace ga jami'an tsaro Kuma in Sha ALLAH zasuyi qwaqqwaran bincike akai, baffa kam kuka yafashe dashi saboda tsananin tausayin irin azabar da ya kafin ALLAH ya amshi ranta, nan ma saida sukasa hannu ga wasu takardun sannan aka basu gawarta suaka tafi da ita gida don suyi mata wanka a sallaceta....

••• ••• •••
A qasar malesia kuwa Dr nura na kwance akan gadonsa sai faman juyi yakeyi saboda tun kwanakin baya da suka shud'e ya soma jin kamar akwai wani Abu daya rasa acikin rayuwarsa amma meye? shine abunda qwaqwalwarsa takasa tuna masa, kwana biyu ma da suka wuce yaji wani d'aya daga cikin abokanan aikinsa ya ambaci zaije qasar Nigeria har yake tambayarsa wace qasa ce haka, yayi masa bayani, tun alokacin yake nanata sunan a qwaqwalwarsa kuma yake son ya tuno wani abun yakasa, kusan kullum haka yake don musamman yake shiga google ta laptop d'insa yayi searching akan qasar don kwata kwata tun lokacin da baffa yakirasa awaya yaji muryarsa har abun ya nemi zame masa tab'in hankali idan yana tunano muryar tasa ya dena amfani da waya, telephone kawaine dake ajiye d'akinsa yake amfani dashi kuma shima saboda idan za'a nemesa emergency ne a asibiti shiyasa ya ajiyesa, ayanzu kuwa ji yakeyi tabbass ya rasa wani abun awannan qasar da yakeji ana ambata, tun daren jiya yake jinsa ba daidaiba har zuwa wayewar safiyar yau hakan yasa yakasa bacci in banda aikin juye juye akan gadon nasa babu abunda yakeyi, can yaji wani irin abu ya tsirgo masa cikin kai tamkar an soka masa wani irin qarfe mai zafi aciki, addu'o'i yafara karantowa yana fad'in.

"Wash..wash.wash!" Tun yana fad'a ahankali har ya soma sakin wata irin qarar da tasa abokinsa da suke gida guda amma kowane da part d'insa rugowa aguje, yana shigowa ya samesa kwance qasa a zube yariqe kansa, fita yayi waje ya kirawo mai gadin gidan nasu ya taimaka masa suka maidashi kan gado, saboda kusan yasan da matsalar Dr nura yasa baiyi wahalar kaishi asibiti ba ya bubbud'a wadrobe d'insa dake jikin bango ya ciro first-aid d'insa ya d'auko wasu allurai yayi masa don a tsammaninsa waccan matsalarce ta matsanancin ciwon kai da yake fama da ita idan ya matsawa kansa da tunani, kafin kace me, tuni wani irin nauyayyan bacci ya d'aukesa, bai farka ba sai kusan qarfe sha biyu da rabi, yana farkowa bakinsa d'auke da baffa cikin wata irin murya mai qarfi da zata tabbatar da cewa yadawoma tunaninsa yana bin ko ina da kallo.....





*ALLAH KAJIK'AN IYAYENMU*👏😭
[11/14, 22:52] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___98💎

Da sauri abokin nasa dake zaune cikin d'akin gefe yana daddanna laptop d'insa ya tureta gefe yayo kansa tare da dafa kafad'arsa, cikin harshen turanci ya shiga tambayarsa lafiya?, Meke faruwa dashi ne?, meye baffa da yaji yafad'a?, dama shi d'an qasar Thailand ne babu yaren daya iya inba nasa ba sai kuma yaren turanci.

Wani irin kallo Dr Nuraddeen yabishi dashi had'e da cewa.

"Baffa mean dady, dt's my father."

"oh! You mean father?, So why have you calling him?, what happened to your father!?"

"Nothing.." yabashi amsa ataqaice
kafin yafara qoqarin tunano abubuwan da suka faru ashekarun baya kafin zuwanshi qasar, a hankali yafara tunano fuskar mahaifinsa da mahaifiyarsa ranar da yaje police station ya iskota awani yanayi har zuwa abunda yafaru ranar da zai baro qasar da maganganun da yayi da baffansa kafin yatafi, anan tunanin matarsa Rashida data b'ata ya fad'o masa arai da sauri ya miqe kamar wanda aka tsikara yanufi inda wardrobe d'in kayansa suke, watso kayan qasa ya dingayi yana dube dube da alama wani abu yake bid'a, a hankali yake kiran sunanta yana fad'in.

"Rasheedah!💔 Habibty!... habibty!!..habibty!!!."

A daidai wannan lokacin Rashida na kwance ita da 'yan jikokin nata hassana da hussaina, gama karyawarsu kenan ta watso masu ruwa suna faman yimata rashin ji shine tasakasu agaba tace sukoma bacci itama baccin takeji, dama tuntuni aka dawo dasu wajenta saboda cikin da batool ke dashi tsufo kuma rigingimunsu na damunta sosai ko kad'an basa bari tahuta shiyasa little ya tarkatosu ya maido wajenta itama gimbiyar tasa tasamu tad'an huta kona wata d'aya ne kafin ALLAH ya sauketa lafiya, taji tsikar jikinta na tashi da wani irin fad'uwar gaba da bata tab'a jin irin saba, kwatsam taji habibinta gaba d'aya yau ya dawo mata arai, cikin wata irin rud'ewa da rashin kuzari ta tashi zaune tana fad'in,

"habiby!, habiby!!..meyake faruwa da kaine?, hasbunallahu waniimal wakeel, tabbas akwai abunda ke shirin faruwa dakai, jikina nafad'amun haka innalillahi wa'inna ilaihirrajiuun."

Muryar yaran da dama basu koma baccin ba tajiyo ta bayanta suna tafi da hannuwa suna zagayata had'e da cewa.

"Habiby!.habiby meyeke faruwa da kaineee." Sun maida abun tamkar waqa, abunda bata sani ba ashe maganar zucin da takeyi har tafito fili sun ji abunda take cewa, shine suka maida abun gaba d'aya tamkar wasa sai faman zagayarta sukeyi suna tafi suna maimaita maganar alokaci d'aya kuma suna dariya.

Dariyar itama suka bata tasa hannu tajawo d'aya daga cikinsu wacce tafi rashin ji don itama bata fiye ganesu ba saboda tsantsar kamar da sukeyi da juna tana cewa. "Ja'ira zonan, wato so kukeyi ku koma yaran wofi ko? kun maidani sai kace wata abokiyar wasarku yau duk sai nayi maganinku?" ta d'aga hannu da niyar kai mata tulla a bayanta d'ayar tayi saurin riqe hannun tana fad'in.

"A'a kaka, ALLAH kada ki doketa, kinsan fa ba kyau mugunta ke kike fad'a mana idan muka doki ikram" yarinyar su iman da shakur ce wacce kad'an suka girme mata, d'an harararta Rashida tayi kafin tace.

"Jimun yarinya, cikamun hannu ko nahad'a dake, ai wannan ba mugunta bace, horone zanyi maku, kuda kuke tararwa ikram ku biyu kuyita cin zalinta ai shine mugunta ba nawa ba."

"To ALLAH bazaki duketa ba su abbanmu basa dukanmu, hussaina yi sauri ki gudu nariqe mata hannu." Tafad'a tana qara qaqume hannun Rashida hannu bibbuyu har tana nishi, da sauri hussainar ta tashi daga jikin Rashida ta ruga bakin qofa tana fad'in, "cikata hassana kizo mugudu wajan kaka mama."

Sakin Rashida hassana tayi da sauri ta ruga wajen 'yar uwar tata tana dariya suka fice daga d'akin suna yimata gwalo, murmushi Rashida tayi tanajin wata irin qaunar yaran har cikin tsakiyar ranta, idan tace zata iya banbance qaunar da takeyi masu da wadda take yiwa mahaifinsu to tabbas tayi qarya don bazata iya ba..

••• ••• •••
Gaba d'aya duk yabi ya tone d'akin da kuma kayansa yana bincike binciken abunda idanuwansa ke matuqar mararin gani amma bai ganshi ba, abokin nasa yayi magana har ya gaji amma kota kansa baibi ba balle yasa ran tanka masa, wani irin kuka yafashe dashi had'e da duqewa wajen yanaji kamar ransa zai fita, Saida yayi abunsa mai isarsa sannan yamiqe jiki ba qwari ya kalli abokin nasa yace.

"I most go back to my country, my nation, my everything..."

"What!" Abokin nasa yafad'a tare da miqewa tsaye yana binsa da wani irin kallo na tuhuma, cikin yaren na turanci Nuraddeen yaci gaba da yimasa bayanin cewa tabbas yau zai koma qasarsa ta haihu, wacce ta renesa ta bashi gudun mawa arayuwa wato Nigeria, yaci gaba da fad'a masa cewa shi bai san me yafaru kanshi ba da har ya zauna wannan qasar har na tsawon wud'annan shekaru bayan yabaro mahaifansa da iyalinsa da alokacin baima san inda take ba, koma dai meye yau ba gudu baja da baya sai yabar wannan qasar yakoma qasarsa, yana so yasan awane hali iyayensa da iyalinsa ke ciki, suna raye ko sun mutu duka bai sani ba, meya faru dashi ne haka?, Yaqare maganar cikin kuka da tausayin kansa akan mezai je ya riska.

Bai tsaya jiran wata shawara ba nan take ya shiga har had'a kayansa da duk abunda yake so tare da rubuta takardar ajiye aiki aqasar bisa dalilinsa nason komawa qasarsa sannan yafad'a toilet ya sakarwa kanshi ruwa, ya dad'e ruwan na dukansa kafin yayo wanka yafito yana jin wani irin yanayin da sharabon ya riski kansa aciki har ya manta,

Kamar ance ya duba gefen gadon dake d'akin wajen bed side ya hango jikkarsa acan sakad'e wacce da itace ya zubo wasu kayansa da zaizo qasar, da sauri yaqarasa wajen ya cirota duk ta d'anyi qura duk da bawai sosai bane tunda shi mutumne mai tsananin tsabta akoda yaushe cikin gyaran d'akin da kakkab'esa yake ko kuma yasa ayi masa, Amma kasancewar bai fiye amfani da ita ba yasa ta d'anyi datti yasa wani d'an qaramin towel ya kakkab'e sannan ya bud'eta, abubuwan daya ta bid'a duk ya watse d'akin sune aciki wato hoton habibty d'insa da wayarta daya shiga part d'insu ya d'auko ranar da zai tafi, bin photon yayi da kallo yana murmushi saboda tsananin farincikin kallonta da yakeyi, ko yanzu ya habibtynsa takoma?, Shin anganeta ko kuwa?, Tana nan da ranta kota mutu?, Shin idanma tana raye tana tunawa dashi ko kuwa tayi aurenta da wani ta manta dashi?, Ina abunda ke cikinta?, Shin tahaifesa yana raye shima ko baya raye duka bai sani ba, Wud'annan sune tambayoyin da ya dinga yiwa kans kenan don ya tabbata tsawon wud'an nan shekaru daya kwashe baya nan dole sai d'aya daga cikin hakan sai tafaru, ji yayi zuciyarsa na wani irin bugawa da sauri da sauri wanda ya tabbata rashin fatan faruwar d'aya daga cikin abunda yake tunanine ya jawo hakan, addu'o'i yadinga karantowa abakinsa na neman tsari kafin yaci gaba da qoqarin kunna wayar Rashidar dake hannunsa amma taqi tashi.

Murmushin qarfin hali yayi yana ganin wautarsa na tunanin cewa wayar zata tashi bayan yasan cewa jiya ba yauba, koba komai yasan cewa tuni baturin cikinta ya lalace ya dena aiki, miqewa yayi ya shirya kansa tsaf cikin qananan kaya suit royal blue sai farar riga 'yar ciki da necktie shima kalar royal blue da d'ige d'igen fari acikinsa, kallon kansa yayi a madubi yaga yanda farin gashi yasoma d'an feso masa cikin kai yayi wani irin murmushi dake d'auke da ma'anoni kala kala.

Takardar daya rubuta ta ajiye aiki ya d'auka ya saka cikin aljihu sannan ya nufi wata babbar psychiatric hospital da ake kira (Columbia Asia hospital) babbar asibitin masu tab'in hankali ce aqasar da ake matuqar alfahari da ita wacce aqarqashinta ne yake aiki, kai tsaye office d'in shugaban asibitin ya nufa wacce ta kasance macece 'yar qasar China, cikin girmama ya shiga ya gaisheta da yaren turanci ta bashi izinin qarasowa ciki ya zauna, bayan ya zauna yayi mata bayanin abunda ke tafe dashi tare da miqa mata takardar ta karb'a, Saida tagama karantawa tsaf sannan ta linke tamayar tana kallonsa kafin tace.

"Yana da kyau kafin ace kayanke wannan hukunci kayi tunanin makomarka, anan muna matuqar girmamaka tare da baka daraja kasancewarka zaqaquri kuma haziqin likita da muke dashi, bana tunanin cewa komawarka qasarka zai Haifa maka d'a mai ido saboda basusan darajar kaba, bazasu iya gane irin qwazon da kake dashi ba balle har subiyaka albashi mai tsoka da zai iya riqeka yanda kake buqata, Ina baka shawara da kayi zamanka anan, idan har salary d'in da muke biyanka ne beyi ba zamu lullunka maka shi har sau uku matuqar zakaci gaba da aiki damu." Duk wannna surutun da takeyi da yaren turanci take yimasa shi kuma ya zuba mata ido yana kallo cike da mamakin yanda kowane d'aya daga cikin 'yan qasashen nasu keda son Kai da son cigabar qasarsa sab'anin tashi qasar da a saninsa nada ba haka suke ba sai in ALLAH yasa yanzu sun canza, ajiyar zuciya ya sauke kafin shima cikin qwarewar yaren nasu na turanci da idan kaji zaka d'auka dashi aka renesa har ya girma yayi murmushi had'e da cewa.

"Ina bada haquri mah! tare da yimaku godiya sosai bisa karramawar da nake samu daga wajenku akoda yaushe, kalmomi kawai bazasu iya tabbatar maku da hakan ba amma daga qasan zuciyata zanci gaba da alfahari da aikin da nayi a wannan asibitin taku tare da yabawa agareku aduk inda nashiga had'e da kuma addu'o'in fatan alkhairi har iya qarshen rayuwata, kuyi haquri! Bazan aje aiki bane don bana so ko kuma don qasata, zan aje aikine saboda ni Ina buqatar qasata awannan lokaci kuma Ina son nakoma cikinta a matsayin cikakken d'an qasar dake alfahari da ita, qasata uwace mai matuqar girma da daraja, qasata uwace data reneni kuma tabani ingantaccen ilimi, Bata barni ahaka ba har saida ta turoni don insamu ilimin da zan taimaketa da 'yan uwana dake cikinta tare da bani cikakkiyar kulawar da duk yakamata, ashe kuwa wannan uwar baici na wofantar da itaba, baici namance da nauyin mutanen dake d'auke a kanta ba tana basu kulawa wud'an da sun kasance sashen jikina da kuma rouhina, ni Dr N.I ALIYU na amince zan ajiye wannan aiki koda zaku yimani salary da zalar gwalagwalai ne, kuma nazab'i na koma qasata in tayi mata bauta koda bazasu bani naira ba acikin kud'insu domin sun cancanci haka, infact ina da buqatar iyayena, iyalina, ahalina, abokanaina da kuma 'yan qasata don haka zan koma garesu."

Shugaban makarantar data bud'e baki tana kallonsa had'e da sauraren kalaman da yakeyi bata san lokacin da wasu hawaye suka zubo mata ba tashiga tafa masa, sosai ya burgeta yanda yanuna mata yana kishin qasarsa kuma yana martabata haka, kawai dai taji ba dad'ine saboda rasa zaqaqurin likitan daya san aikinsa da zasuyi shiyasa tazubar da qwallah, miqewa tayi had'e da miqa masa hannu daidai lokacin da shima ya yamiqe daga zaunen da yake ya miqa mata hannu sukayi sallama sannan tayi masa bayanin yanzu zata gabatar da takardarsa zuwa can samanta don haka ya kasance cikin shiri ko yaushe zasu nemesa.

Ko kad'an baiso hakan ba don a ranar yaso barin qasar amma hakan ta cutara saboda basu nemesa ba.

Nan take yashiga sa duk wasu qaddarori daya mallaka kasuwa ya sayar dasu, hatta gidan da yake ciki da motocin hawansa guda biyu duka ya sayar don dama gidan sane yayiwa abokin nasa d'ahiri ya zauna, yanzu kuma da zai bar qasar sai yakoma wani wajen shi kuma ya saida abunshi, Saida aka kwana biyu sannan aka nemeshi wajen aikinsa ashe wata gagarumar walima suka shirya masa don karramasa da kuma appreciating d'insa akan qoqarin da yayi wajen kawowa asibitin tasu cigaba sosai.

Cek d'in maquddan kud'in da idan aka canzasu i zuwa na qasar nageria zasu kai kimanin miliyan ashirin da wasu d'aruruwa akai suka bashi tare da kambun karramawa a matsayin qwararren likitan da yafi iya kula da marassa lafiyansa da kuma kambun likitan da yafi kowa hazaqa da kuma sanin aikinsa, yayi masu godiya sosai bisa karramawar da suka yimasa bazai tab'a mantawa dasu ba sannan aka watse bayan anci ansha anyi hotuna Wanda mafi yawa daga cikin ma aikatan asibitin na sama dana qasansa Saida sukayi qwallar rabuwa dashi kuma sun tabbatar masa da yanada alfarma a asibitin ya turo duk wanda take son a d'auka aiki matuqar ya amince da hazaqarsa da kuma jajircewa, sannan shima suna marava dashi aduk lokacin da yayi sha'awar dawowa qasar yaci gaba da aiki dasu.

Murmushi kawai Nuraddeen yayi aransa yana raya cewa shi da qasar waje kuma indai ba saudiya ba to sai bayan ransa, don ko kwana biyun daya qara saboda matsalar visa ne ita ta tsaida shi da tuni ya tafiyarsa qasarsa saidai suyi walimar ba dashi ba.

Duk mutanen da yake huld'a dasu saida yaje yayo bankwana dasu har wajen shugabar makarantarsu inda yayi karatu da ita tafara riqesa don awajenta ya zauna kafin yakafu da kansa, matar kama itama yanzu ta tsufa sosai yayi mata bankwana bayan yamata bayanin zai koma qasarsa, tayi kuka sosai don ta matuqar sabawa dashi tamkar d'anta na cikinta ya yimata alkhairi sannan ya wuce.

Dama tuni ya gyara komai yana dawowa abokinsa d'an qasar Thailand ya d'aukesa zuwa airport, wani irin farinciki yakeji azuciyarsa marar misaltuwa awani b'angaren na zuciyarsa kuwa tsorone fal da fargabar abunda zaije ya isko qasar tasa bayan ya shafe tsawon wasu shekaru batare daya wai wayota ba.

••• ••• •••
Kimanin sati d'aya kenan kusan kullum sai hajia mama tayiwa baffa nasiha akan yayi haquri ya yafe 'yarsa ta dawo gida, fushin ya isa haka ace shekaru kusan bakwai amma yakasa mantawa da abunda yafaru, tsananin damuwa da baqinciki yasa aduk lokacin da batool tayi yunqurin shigowa garin in ta tunada mahaifinta ya haramta mata shiga gidansu saita fasa, saboda bata san da wud'anne idanuwa duniya zata kalleta ba ace tazo mahaifarta inda iyayenta amma an hanata shiga gidan kuma matuqar tashiga garin bazata iya d'auke idanuwanta daga gidansu ba saboda qaunar da takeyiwa mahaifinta da 'yan uwansa da kuma sauran ahalinta, hakan yasata haqura tun ranar da aka d'aukota daga garin aka kawota gidan mijinta bata sake waiwayar garinba saboda kada takasa bin umurnin mahaifin nata ta taka gidansu tsinuwarsa da yafetan da yace zaiyi sutabbata agareta, taci gaba da haquri cike dasa burin cewa zai sauko kowane lokaci ya nemeta ya dawo da ita cikin ahalinta ko don qaunar da yake yimata amma fushin zuciya yasa yakasa haqura har yanzu, hakan yasa haqurin mahaifiyarta ya qare take tunkararsa da maganar akoda yaushe kimanin sati d'aya kenan, kullum saita nuna masa illar abunda yayi na tsawon shekaru bakwai da abunda fushin nasa ke iya jefa 'yar tasa aciki, yakanji zafi da rad'ad'in hakan da yayi shima amma yaqi fahimtar abunda take son fahimtar dashi, jiya da daddare bayan ya watso ruwa ya kwanta ita kuma tana gefen gado tagama sallarta ta shafa'i da wutri tayi addu'a tajuyo tana kallonsa yana sanye da farar riga doguwa jallabiya tayi murmushi.

Murmushin shima yayi mata fuskarsa ba yabo ba fallasa yace.

"Hajia mama lafiya wannan kallo haka.?"

"Lafiya klw alhaji, cikakkiyar surarka da kamalarka