You Cannot Download this book untill you login but you can read it .

---

Login Register

Yaya nura, to ni nama Dena sonsa wlh nafasa aurensa, don haka kimaida masu nasu fuskokin uwa na angulu, ALLAH haka zaisa su fad'i inda bokansu yakai Rashidar ya nura, Abba, Inna sai kun dawo," tafad'a tare da juyawarta tabar station d'in,

Dariya Yaya hawwa dake zaune fuskarta duk jini tayi had'e da cewa.

"Ahaf, ai indai waccan Mai gwalmad'ad'd'in qafafuwace nafad'a maku sai kunyi nadamar haihuwarta, kad'an kenan daga cikin aikin waccan mai kama da 'yan ruwan, Bata rufe baki ba Inna ruqayya da takaicin muneera ya isheta tayo kanta da duka, fad'a suka kaure dashi sunata murzar juna acikin cell d'in, cikin sa'a Inna ruqayya tayi nasarar fashewa Yaya hawwa baki had'e da fitar mata da hauru biyu nagaba, hakan yasa itama ta mirgina ta hayeta tana kaimata naushi a fuska tana tofa mata yawun bakinta daya koma jawur saboda jinin daya surku dashi, kan kace me ta kumbura mata fuska, saida suka gama wahalar da juna sannan don kansu suka tsaya da fad'an, inspector najida dake gefe zaune ta aza qafafuwanta saman benci tana kallonsu ta tara police d'in dake wajen su kusan goma tace subud'e cell d'in su shiga suba su yaya hawwa pepe, ai kamar jira blessing keyi take tad'ebo ruwa bokiti hud'u sannan tabud'e cell d'in ta shiga dasu, saida tajiqesu da ruwan sannan taba 'yan uwan nata umurnin shigowada kulkayensu suka dinga dukansu har saida suka dena motsi sannan inspector najida tabasu umurnin su dakata hakan,

Baffa kuwa tsananin azabar da suka basa tasa tun jiya baisan inda kansa take ba har yau, gaba d'aya sun bubbuge masa qafafuwa da hannaye sai kin sukeyi ga wani qaton qololo daya fito masa ga goshi gwanin tausayi....








*ALLAH KAJIK'AN IYAYENMU*👏😭
[8/17, 10:19] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___43💎

Duk wahalar daya kamata abama su yaya hawwa don su fad'i inda Rashida take anbasu amma maganarsu d'aya shine basu san inda take ba, sai daga baya baffa Ali da Inna ruqayya da sukaga wahala na neman kashesu suka zauna suka yiwa inspector najida bayanin komai da suka sani dangane da matakin da yaya hawwa tafad'a masu cewa zata d'auka akan surukar tata saboda saboda su samu sassaucin azabar da ake basu dake shirin hallakasu alokacin suna cikin sati na uku da 'yan kwanaki da kawowa wajen amma daidai da rana d'aya baffa Usman da baffa basu tab'a tako qafarsu duba suba balle har susa ran zasu je belinsu, Nuraddeen kad'aine lokacin daya samu labarin cewa harda mahaifiyarsa nacan kulle wajen 'yan sanda yaje sau d'aya, kukan baqin cikin ganin wai yau mahaifiyarsa ce kulle a hannun 'yan sanda ake tuhuma akan b'atan matarsa yasa kafin yafara yimata magiya tare da roqonta idan tanada wata masaniya akan maganar ta taimakesa tafad'a kodon afitar da ita wajen, Amma tsabar rashin imanin Yaya hawwa ta fatattakesa agaban 'yan sanda har tana fad'in Bata son ganinsa karya koma takowa da sunan zuwa inda take tunda dasa hannunsa mahifinsa ya tozartata a idanuwan duniya, sun zab'i bare akanta da take uwarsa kuma matar shi baffan, don haka tunda anan take farincikin ganinta tunda matarsa ta b'ace yaje tayafe mata shi, ranar Nuraddeen yashiga damuwa da tashin hankali sosai, kuka yake yana riqon qafafuwanta akan bayada wata masaniya akan haka tayi haquri Amma fir tace dashi idan har baibar wajenba kuma ya qauracewa ganinta wlh saita d'ebe masa albarka, wannan dalilin yasa Nuraddeen barin policetation d'in cikin wani hali marar misaltuwa, ayanzu Babu banban tashin hankalinsa irin zaman mahaifiyarsa a hannun 'yansanda domin duk lalacewar uwar mutum uwarsa ce, daqyar yasamu yakai gida wajen baffa yafad'i agabansa yana kuka yana roqon yasa asaki mahaifiyarsa, koma meye zai rungumi qaddara yaci gaba da addu'ar ALLAH yabayyana masa matarsa amma baya buqatar ganin mahaifiyarsa awajen, duk da yasan wannan ita kad'aice mafaitar da za'a iya samun bakin zaren sanin inda habibty d'insa take amma ya zaiyi dole ya haqura, sosai baffa yafahimci damuwarsa don haka sai yariqa hannunsa yana biye dashi yana sharar hawaye suka nufi tasha, bai zame dashi ko Ina ba sai asibiti wajen iyayen Rashida dake kwance cikin mawiyacin hali, d'aya bayan d'aya yashiga dashi yana nuna masa irin yanayin da sukeji akan b'atan 'yarsu, idan har yace asaki mahaifiyarsa ya yakesu suyi da alhakin wud'annan bayin ALLAH da aka zalunta tare da 'yarsu, haquri ya shiga baahi tare da nuna masa cewa bawai don yanajin dad'in ganinsu acanba yasa yayi hakan, yana sone asamu koda wani haskene kad'an da zaiyi masu jagoranci wajen gano inda 'yar mutane take, Kuma idan har yace asaki mahaifiyarsa su kuma d'an uwan nasa da matarsa dake ciki fa?, Bayanda Nuraddeen ya iya dole ya haqura tunda iyaye basufi iyaye ba, Amma tun daga ranar yakwanta ciwo cikin matsanancin hali, Kuma yaqi amincewa aje asibiti, yana matuqar shan wahala amma ya gwammaci zama cikinta tunda mahaifiyarsa da matarsa ma yasan basa cikin jin dad'in.

Baffa Usman kuwa duk da baya zuwa station d'in haka yasa Inna Bilkisu nadafa masu abinci ana kai masu shima d'in saida yayi da gaske baffa ya amince saboda duk lalacewar hannunka bazaya ru'beba ka yanka, sosai inspector najida tasa aka sake tsananta masu bincike bisa bayanin da suka bayar har suka tabbatar da cewa suma su baffa Ali basada sa masaniya akan b'acewar Rashida, amma sunada sa hannu domin sunada masaniyar akan abunda aka aikata, duk da gaba d'aya laifin na Yaya hawwa ne suma d'in sun taka muhimmiyar rawa wajen taimakawa mai laifi aikata laifinsa.

Hakan yasa suka yanke shawarar kiran baffa su sanar dashi don dama shima tun ranar da yaje yasa aka kamosu bai koma takawa station d'in ba sai dai yakirasu awaya ya tambayesu ko sun fad'i inda Rashidar take suce a'a daga nan kuma bai sake cewa komai zai kashe wayarsa, bugu d'aya sukayi masa ya d'aga wayar lokacin yana zaune gefen da Nuraddeen yake kwance duk yayi baqi ya rame tamkar bashi, bayaci baya sha sai baffa ya tsareshi tare da nuna masa b'acin ransa sannan yake samu yasha damammiyar fura itama d'in 'yar kad'an, kallo d'aya zakayi masa kafahimci tsantsar damuwar da yake ciki shida mahaifinsa, cike da fatar ALLAH yasa kiran nasu yazama alkhairi baffa yayi sallama had'e da cewa.

"Ranki shidad'e ALLAH ansamu wani bayani daga bakinsu ne?"

Girgiza kai inspector najida tayi tamkar tana agabansa kafin tace "kayi haquri baba, munyi iya qoqarinmu don muga cewa sun amsa laifinsu har suyi mana bayanin inda take amma hkan ya cutara, a iya bincikenmu mungano d'an uwanka da matarsa basuda masaniya akan inda take saidai an had'a baki dasu wajen b'atar da ita, domin duk abunda hawwa ta aikata sunada masaniya akai, ita kuma hawwar mun gana mata azaba kala kala amma taqi bud'e baki tayi magana akan komai wanda hakan ya tabbatar mana da cewa itace ta aikata duk wani abu da yayi sanadiyar barin yarinyar gidan don haka mukaga tunda ga wacce mukeda tabbaci akan aikata laifin da ake tuhumarta akai babu buqatar muci gaba da tsare d'an uwan naka shiyasa muka kiraka don mu sanar dai" wata irin ajiyar zuciya baffa yayi kafin yace.

"Innalillahi wa'inna ilaihirrajiuun, ranki shidad'e inaga tunda har akwai sa hannunsu a b'atan yarinyar bai kamata a sakesu ba, acigaba da tsaresu koda kuwa ba'ayi masu komai ba har sai lokacin da akaga yarinyar saboda aja masu kunne, domin yanzu haka su d'in barazanane akan d'ana da suke neman takowace hanya sai sunga sunyi galaba akansa sun aura masa 'yarsu, bawai Ina tsoron hakan da zasuyi bane kawai idan ansakesu, Ina tsoron abunda zan iya aikata masu bayan fitowarsu idan wani abu yasamu yarona, wanda bana fatan hakan shiyasa nagabatar dasu ahannunku akaro na farko, don ALLAH kuduba yuyuwar hakan kozai koya masu hankali da zaman rayuwar duniya."

"Shikenan baba, ai dama wannan shine qa'ida tunda suna cikin suspect namu, dama naduba abun ne atawani b'angare koda za'a samu sauyi, Amma tunda harga qudurinsu zamuci gaba da tsaresu har lokacin da za'a samu masaniya akan inda 'yar mutane take."

"Yawwa nagode sosai, ALLAH yayi maki albarka." baffa yafad'a idanuwansa cike da hawaye,

"Amin baba, kayi haquri in sha ALLAH zamusa hawwa dole tayi magana, kaui hak'uri kaji." Taqarasa maganar tare da kashe wayar, tana matuqar tausayin halin da baffa yake ciki, tsohon nabata tausayi sosai duba da yanda yadamu da case d'in yarinyar tamkar 'yar daya haifa da cikinsa, hakan yasa ta d'auki alwashin zata tirsasa hawwa tayi magana da kalolin nau'ukan azaba kala kalan da zata tanadar mata.

Shiru baffa yayi yana tunanin irin wannan rayuwar da ake ciki duniya, ace saboda son ran mutum d'aya ta tarwatsa farincikin zukata da yawa, Aiko ba'a hukuma bata hukuntata ba ya tabbatar ALLAH bazai tab'a barinta ba,

Kallon Nuraddeen dake kwance Kai kace ya shekara yana jinya yayi tare da dafa kansa yace.

"Nuraddeen, Ina so kayi haquri, kasawa ranka dangana, Kai kad'ai karagemun da aduniya nake kalla naji sanyi sai kuma baffanka Usman, don ALLAH kada kabari damuwar nan tasa kaima narasaka hakan zaisa duniyar tayi mani quncin da nima zan iya rasa kaina mubar Usman cikin mawiyacin halin da bayada Mai tausayinsa sai ALLAH, indon Aliyu natabbata zuciyarsa bazata kareba akan wannan abun daya faru saima sake tunzurasa da zata sakeyi inba wata shiriya daga ALLAH ba, mubarwa ALLAH komai shiyasan dalilin da yasa yayi mana wannan jarabawar kaji ko?."

'Daga masa kai kawai Nuraddeen ya iyayi hawaye nazuba ta gefen idanuwansa tare da kallon yanda duk baffansa shima yabi ya rame sosai, yasani yanada matuqar juriya da qarfin imanin daba don haka ba da tuni zuciyarsa tabuga, halshe yasa yalaso lab'b'ansa da suka bushe irin na maijin jiki sosai tare da miqa hannu ya riqo hannun baffa yace.

"Kayi haquri baffa bada son raina kake ganina cikin wannan halin ba, gazawar zuciyatane da kuma rushewar mafarkainane suka haifarmun da wannan rashin juriyar, Amma yanzu nayarda da muqaddarin da ALLAH yatsaro mani arayuwata, zanyi koyi dakai wajen jajircewa da kuma juriya had'i da yarda da qaddara maikyau da marar kyau nayi amfani da sauran lumfashina wajen sanyaka farinciki duk da nasan cewa ni nawa farincikin ya tafiyarsa har abada."

"Karkace haka Nuraddeen _laa taqnad'u min rahmatillah_ (kada kayanke qauna da rahamar ALLAH) domin shiya halicci farinciki kuma idan har addu'ar mahaifi nada tasiri inada yaqinin cewa farincikinka zai dawo gareka komai daren dad'ewa, kai dai kacigaba da haquri don SANNU SANNU Bata hana zuwa...da sannu in Sha ALLAH faricikinka zai dawo agareka kaji ko?"
Jinjina masa kai kawai Nuraddeen yayi hawaye naci gaba da zubo masa, sun jima a haka kowanensu na saqa yanda zai samu suyin rayuwa nan gaba acikin tafiyar da yakeyi arayuwar duniya kafin baffa yajawo redion sa ya kunna, shi kuma Nuraddeen idanuwansa narufe uyanaci gaba da saqawa da kuma kwancewa azuciyarsa, can sukaji anfara sanarwa cikin redion cewa malaman da gomnati ta d'auki nauyin cigaba da zuwa qaro karatunsu Jeri na farko dake dakon tafiyarsu nan da watanni uku an maidosa zuwa nan da wata biyu masu zuwa saboda wani dalili, don haka su zamo cikin shiri akodo yaushe za'a iya nemansu domin tantancesu (screening), gaban sane yayi wani irin fad'uwa had'e da tuna irin kalaman da Rashida tayi a ranar da yazo yasanar da ita cewa yana cikin malaman da sukayi nasara, dafe kansa dake yimasa barazanar tsagewa yayi da sauri baffa ya kashe redion yana tambayarsa ko lafiya don shi gaba d'aya yama manta da zancen tafiyar tasa saboda tashin hankalin da yake ciki, shi kanshi Nuraddeen wannan sanarwarce ta tuno masa da ita badon haka ba har lokaci ya wuce bazai tuna da komai ba.

••• ••• •••
A can b'angaren iyayen Rashida ko duk wani bincike daya dace ayiwa umma na qwaqwalwa anyi mata, manyan gwaje gwaje (scanning) masu matuqar tsada da zasu tabbatar da haqiqanin abunda yasamu k'wak'k'war tata duka anyi amma sun tabbatarda kwakwalwarta lafiyar klw take, tsananin tashin hankaline ya jefata cikin wannan matsananciyar damuwar da sai a hankali zata iya komawa daidai, shimad'in idan tasamu cikakkiyar kulawa.

Haka shima baba yananan ayanda suka kawosa b'aren jiki ya shanye, magana ma daqyar yakeyi gashi har sun buge kusan wata d'ya a asibitin, sosai d'an uwansa ke qoqarin basu kulawa da dukkanin qarfinsa da kuma dukiyarsa duk da shima yanada tashi hada hadar agabansa amma hakan baisa yagaza wajen bashi kulawaba, Aunty marwiyya ma haka ko yaushe tana tare da umma tana bata magana da ban haquri kuma hakan namatuqar tasiri agareta, ada ba abunda bakinta ke ambata idan ba sunan Rashida ba kuma bataci bata sha, Amma yanzu cikin iyawar ALLAH da addu'o'in da 'yan uwa keyi kuma suna da anayi masu duk sun fara samun sauqi kawai maganace umma bata fiye yiba, dama can ba ma'abociya surutu bace sai abun yahad'e mata yanzu amma jinta, ganinta, hankalinta da komai nata yakoma daidai iyakarta idan ana mgana ta tsurawa mutane ido batare da tace qanzil ba ko kuma tayita bacci.

Yauma kamar kullum tana zaune bisa gadon da aka kwantar da ita na marasa lafiya sukuma su aunty marwiyya da matan bab balarabe na zaune suna fira tana binsu da idanuwa, kamar an tsikareta tayi saurin matsowa bakin gadon had'e da sauko da qafafuwanta qasa zata tashi da sauri aunty marwiyya ta dafeta tana fad'in. "Ina zakije aunty.?" A hankali tabud'e baki tana kallonsu d'aya bayan d'aya kafin tamaido kallon nata ga aunty marwiyya had'e da cewa. "Wajen baban Rashida." Qilan hakan baya rasa nasaba da fitarsa da sukeyi akan wata jayayya da suka tab'ayi shida qanen nasa malan balarabe acan gidansa shine matansa keba aunty marwiyya labari anata dariya, hakan ne yasa tayi saurin fahimtar cewa ai shima yana cikin asibitin kamar yanda taji sun fad'a.

"Kina so kidubo sane?" Aunty marwiyya ta tambayeta tana kallonta, d'aga mata kai tayi alamar eh tana so tace

"To zauna anan Bari nakira likita, idan ya bada damar kije sai muje."

Dariya su hajia larai sukayi cike da zolayar son ganinta cikin farinciki hajia larai tace.

"A'ah, Yaya ko soyayyar ce tamotsa, anjima ba'aga juna ba?."

Umma dai bata tankata ba, saima kafeta da idanuwa da tayi, ahaka aunty marwiyya tadawo ta iskota bakin gadon, d'an matsawa gefe tayi kad'an taba likitan dake tare da ita waje ya dudduba umma had'e da yimata 'yan tambayoyi, ta amsa masa wasu, wasu kuma taqyalesa sannan yace zasu iya tafiya Amma sutabbatar ba guduwa (absconding) ne zasuyi ba.

Riqata sukayi dukda tana iya tafiya lafiya lau suka nufi ward d'in da aka kwantar da baba aciki, kasancewar ana 'yan share sharene da goge goge yasa wanda ke tsaron qofar yace bazai barsu shiga ba har sai angama, bayani aunty marwiyya tayi masa sanan yace to tashiga tare da ita su kuma sauran su tsaya waje har agama itama tana kaita d'in tafito.

Godiya tayi masa sosai sannan suka wuce don dama sun san qa'idar asibitin kenan idan ana aiki ko idan likitoci na round ba'a bari kowa yashiga sai in sun gama ko kuma in lokacin ziyara yayi.

Suna shiga suka iskosa kwance baba balarabe na zaune akan kujera kusa dashi ya duqo had'e da kara kunnensa saiti da bakinsa, da alama wata magana ce yakeyi masa bayaji shine ya kara kunnensa yanda zaijisa sosai.
Murmushi baba balarabe yayi had'e da d'ago kansa jin aunty marwiyya saman kansa nayi masa magana sai yaga ashe tare take da umma, fad'ad'a murmushinsa yayi yana kallon umma had'e da cewa. "'yar halak kinqi ambato, yanzun nan maganarki yakeyi mani shiyasa kukaga na d'ago murmushi ashe kina kusa." Miqewa yayi daga kan kujerar yanaci gaba da cewa.

"Zauna yaya, ya qarfin jikin?."

Bata tankasaba sai kallon baba dake murmushin jin dad'in ganin tasamu sauqi takeyi, yayinda ita kuma hawaye ke zubo mata, aza kanta tayi agefen gadon kus da hannunta ahankali tace "malannnn.." tare da fashewa da kuka.

Aunty marwiyya naganin haka ita da baba balarabe sukabar wajen, baba ya d'ora hannunsa akanta cikin maganarsa da bata fita sosai yace "sannu maman Rashida , muyi haquri."

Haka kawai ya iya furta mata batare da yayi yunqurin hanata ba shima yana nasa hawayen.

Sosai yake qoqarin fitar da damuwar rashin Rashida aransa saboda yasmu lafiyar da zasu iya yin nesa da garin domin hakanne kad'ai zai iya bashi damar cigaba da rayuwarsa batare da wani mummunan abu ya koma faruwa akansa ba amma matuqar suna garin kuma suna ganin abubuwan da zasu iya tuna masu da ita to tabbas yasan wata rana zasu iya rasa rayuwarsa akan tunaninta, musamman idan sukaga mijinta hakan zai dinga tado masu da mikin dake cikin ransu.

Sun jima tare duk da ba wata doguwar magana sukeba face tausayawa kansu da tunanin ko awane irin hali 'yar tasu ke ciki, sai misalin qarfe tara da kusan rabi sannan umma takoma ward d'in da take tanajin wani sassauci aranta duk da halin data gansa bataji dad'i ba ko kad'an, ta fannin baba ma anga sauyi sosai don ranar ya d'an sake, ko zazzab'in dake yawan rufesa da taso masa yau da sauqi sosai, wannan na d'aya daga cikin tasirin da ALLAH kesawa tsakanin mata da miji, tausayi da soyayyar dake tsakaninsu kan haifar masu da natsuwa alokacinda sukayi musayar matsalolinsu.

••• ••• •••
Dr Nuraddeen kuwa saida akayi kwana uku da maganarsu da Rashida sannan yashirya tsaf yanufi garin kano ta dabo tumbin giwa...dama ranarce takama zai koma wajen aikinsa, kasancewar ya kwana biyu bai jeba saboda matsalar rashin lafiyar yaron Rashida yasa koda yazo yatarar da aiki sosai agabansa, wanda hakanne yasa bai fara qoqarin neman iyayen Rashida ba sai bayan kwana uku aikin ya rage masa, tafe yake cikin motarsa yana sauraren wata waqa ta Abdul d one daya yayiwa mahaifiya yana mamin d'inta ahankali har yakai qauyen nasu data kwatanta masa, wata 'yar gajeruwar takarda ya fiddo agaban aljihunsa yana karanta address d'in gidan su data fad'a masa da sunanan mahaifinta da akasanshi dashi, wajen wani mai kayan miya ya tsaya lokacin daya iso anguwar tasu had'e dayi masa sallama sannan yace....







*ALLAH KAJIK'AN IYAYENMU*👏😭
[8/17, 10:19] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___44💎

Wajen wani Mai kayan miya ya tsaya lokacin daya iso anguwar tasu Rashida had'e dayin parking d'in motarsa gefe ya kashe be sannan yafito, nufo inda mutumen ke zaune cikin rumfar tasa da yake saida kayan miya yayi had'e dayin sallama, bayan ya amsa masa cikin girmamawa dr nura ya gaishesa had'e da cewa "Sannu baba, don ALLAH tambaya nakeyi."
Sai daya sallami wani yaro dake tsaye gabansa da yazo sayen kayan miya ledar dake hannunsa sannan ya d'ago kai yana kallon Dr nura had'e da cewa.

"Yawwa d'an saurayi, yi tambayarka inaji ALLAH yasa nasani."

Murmushi kwance a fuskar Dr nura ya gyara tsayuwarsa sannan yace, "Dama gidan malam bashar mai takalma nake nema."

"To.to..to ikon ALLAH, gidan malam Bashir Mai takalma kake nema?, To kaga kabi wannan hanyar ka miqeta sosai zaka had'u da wani masallacin juma'a to daga hannunka na dama inkawuce gida na farko, to nabiyun nanne gidansa." Tsohon yaqarasa fad'a yana nunawa Dr nura hanyar da zaibi ta sadashi da gidansu Rashida. Miqa masa hannu yayi had'e da yimasa godiya sosai sannan yakoma cikin motar tasa ya tayar had'e da kama hanyar da tsohon ya nuna masa, a hankali yake bin kwatancen har ya isa daidai qofar gidan yayi parking acikin inuwar wata bishiya dake gaban gidan yafito tare da jinginawa ajikin motar tasa ya tsaya yana jira ko zai samu yaron da zai aika ayo masa sallama da mahaifin Rashidar, kusan mintuna goma ya kwashe awajen tsaye amma baiga gittawar mutum ko d'ayaba balle yaro, kasancewar lokacin wajajen qarfe sha d'aya na ranane kusan duka yara na makaranta, sosai shiyar tayi tsit bakaganin wulgewar kowa inba ta dabbobin dake kai da kawo suna kuka ba, juyawa yayi da nufin komawa cikin motar saboda ya soma qosawa da tsayin saiga wani yaro ya hango tafe aguje da taya hannunsa nariqe da sabulun wanki da omo, da alama almajirine aka aika da sauri ya taresa yana fad'in.

"Don ALLAH shiga can gidan kace ana sallama da maogidan kaji ko?"

Da sauri yaron ya gungura tayarsa yanufi gidansu Rashida, yana zuwa ya isko gidan garqame da kwad'd'o da sauri ya juya yaje ya sanar dashi, cike da tashin hankali yanufi qofar gidan don gasgata abunda yaron ya fad'a masa ai kuwa yana zuwa ya tabbatar da hakan ganin qaton kwad'o ajikin qofar,

Juyowa yayi da niyar tambayar yaron ina sukaje yaga ashe tuni shi har yabar wajen, waige waige yafarayi ko zai samu wani da zai tambaya saiga wani mutum zai wuce yanufi inda yake da sauri.

"Assalamu alaikum, don ALLAH bawan ALLAH masu gidannan nake tambaya ko kasan inda suka tafi?."
Saida yakallesa sama da qasa sannan ya kalli qofar gidan kafin yabashi amsa cikin rashin sani, don da alama ba mazaunin b'angarenne ba. "Yi haquri bansani ba gaskiya."

"Amma banan anguwar kake neba?"

"A'a acan qasa nake."

"Ok to shikenan babu damuwa ngd." Dr nura yabashi amsa cike da damuwa,

Bakin motarsa yakoma ya tsaya yana tunanin to ina sukaje?, Kar dai ace wani abu yabiyo bayan b'atar 'yarsu ne?, Yana wannan tunaninne saiga wani mutum yazo zai wuce yayi saurin tsaidashi.

"Bawan ALLAH, maigidannan nake tambayar ko kasan I sukaje, ni baqone nazone natarar da gidan nasu arufe."

"To kakirasu awaya mana."

"Maganar gaskiya kwatance akayo mani banida lambarsu."

"To gaskiya bawan ALLAH bansan inda sukaje ba, nadaiji kwanaki kamar ana rad'e rad'in cewa 'yarsu ta b'ata to amma.." bai qarasa maganarba sanadiyar kiran da akayi masa a waya, d'agawa yayi kafin Dr nura yaji yace.

"Mene? Subhanallahi to gani nan zuwa yanzu." Da alama wani abu yafaru wanda nan take hankalin mutumen ya tashi, batare daya koma kulawa kansa ba da sauri yabar wajen cike da tashin hankali.

Kusan awa d'aya yayi a anguwar yana tambaya, daqyar yasamu wani yace masa yaji kamar ana zancen suna asibiti daya tambayesa wace asibitin kuma sa yace shima bai sani ba,
Wata irin fad'uwar gaba Dr nura yaji had'e da shafa kansa yana fad'in "innalillahi wa'inna ilaihirrajiuun."

Jiki ba qwari Dr nura yabar anguwar, yana wucewa mashin na aje baba balarabe aqofar gidan yazo d'aukarwa baba kayan da zaya canza saboda yanzu yafara samun sauqi sosai don har tashi zaune yanayi idan anriqasa, bakinsa da hannunsa kawai ne basu ida saki ba Amma hatta qafarsa yad'an samu sauqi saboda ko yaushe umma natare dashi don itama ba laifi tasamu sauqi har an sallameta.

Acikin kwanaki biyu da suka rage Dr nura yakoma borno kusan kullum sai yaje anguwar ko zai samu labarin awace asibiti suke ko kuma idan ansallamosu amma yakasa samu saboda gaba d'ayama mutanen anguwar sun fara jin tsoronsa abunka da mutanen qauye sunga qatuwar mota da had'add'en mutum sai suka dena kulasa balle su sauraresa, atunaninsu so yake ya cutar dasu ko kuma 'ya'yansu, hakan yasa yakoma ziyartar qananun asibitotan dake zagaye dasu amma kasancewar bai sansu a fuska ba yakasa ganosu, har asibitin da aka kwantar dasu saida yaje, gashi ga gadon umma suka wuce shida wani likitan dake asibitin suna magana amma da yake bai santaba yawuce, duk iya qoqarin daya kamata yayi akan ganosu yayi amma baiyi nasarar had'uwa dasu ba, watak'il hakan yafarune sanadiyar rubutacciyar qaddarar da ALLAH ya tsaro wanzuwarta a tsakanin RASHEEDA DA NURADDEEN ne.

Tunda Dr nura yadawo daga kano ya sanarwa da Rashida halin da ake ciki tashiga babban tashin hankalin da baya misaltuwa, batada aiki sai kuka had'e da tayar masu da hankali cewa lallai sai sun barta taje kano don tagano inda iyayenta suke,