You Cannot Download this book untill you login but you can read it .

---

Login Register

aza qafa zaishiga cikin rumfar d'akin nata ya hangota wajen da dabbobi suke tana dama masu qasari, juyowa yayi tare da nufo inda take yana fad'in,

"Ahhh..innarmu ashe kina nan." Dayake kanta aduqe yake batama lura da shigowarsa ba sai yanzu da taji maganarsa ta d'ago kai da sauri had'e da cewa.

"A'a oyoyo oyoyo, d'an baffansa shigowar yaushe?" Takwankwahe hannun rigarsa yayi had'e da saka hannunsa cikin bahon da take had'awa dabbobin qasari yayi yana murmushi yace, "banjima da isowaba innarmu, ai nazata yarannan sunshigo sun fad'a maki, wajen baffa kawai nafara isa na duboshi da jiki."

"Rabu da ja'iran banza, yanzu haka wasa ta d'auke masu hankali basu shigo suka fad'a munba aida tuni na isa wajen kafin ka zazzagewa mahaifin naka aljihunka, gashi yanzu sun jamun tsiyar da k'ilan ko sisi bazan samu ahannun kaba."

"Kai innarmu! Ai kinsan yanzu ba'ayi albashi ba ko sisi banzo dashi ba balle baffa klya karb'a."

"Kai ni rufemun baki, kai da baffan naka ai ba'a gane kanku, Ina dai lafiya naga yau ka iso kafin a hau masallaci kai da baka isowa gidannan sai bayan sallar juma'ah wani lokacin ma har ana gab da sallar la'asar.?"

"Lafiya klw innarmu kinsan yanayin yanda rayuwar take, balle yanzu da abubuwa suka shigo gabana."

"ALLAH yakyauta, tashi kaje ka watso ruwa kaci abinci kafin afara kiraye kirayen sallah."

"To innarmu, wai kije baffa na nemanki."

"Kai nifa akwai aikace aikacen da nakeyi bana so inje yafara mani suruttannan da basuda gaira balle dalili." Kasa cewa uffan yayi ya girgiza kai cikin ransa yana mai addu'ar ALLAH ya shirya masa mahaifiyarsa.

Har yayo wankansa ya sauya kaya tana nan zaunenta ita da wata mata da tazo wajenta suna fira, wannan karonma girgiza kai kawai yayi yawuce abunsa, har yad'anyi nisata k'wala masa kira yazo,

"Kashiga kitchen akwai sauran d'imame ka kad'auka kaida mahaifinka don namanta bansamu tun d'azu nasa ankai masa ba." agogon hannunsa ya duba yaga sha biyu saura amma ace har lokacin mahaifinsa bai karyaba wannan wace irin rayuwace mahaifiyarsa keda ita bayan tasan ko cikakkiyar lafiya bayada, kamar zaiyi kuka yace.

"Innarmu badai sai yanzu baffa zai karyawa ba?"

"Eh mana, ai kaji nafad'a maka mantawa nayi, kaje ka d'auka katafi in kuma so kakeyi saika gama tuhumata to bisimillah."

"Bahaka nake nufi ba innarmu, kinsan ba cikakkiyar lafiya yake da ita ba ko kad'an bai dace ace yakai wannan lokacin bai karya ba domin hakan zai iya shafar 'yar sauran lafiyar data rage masa," mik'ewa tsaye tayi had'e da dukan qirji tana zaro idanuwa tace

"Nashiga uku ni kuluwa, yanzu yaronnan nizaka qarewa magana akan mahaifinka, eh lallai ta tabbata za'a rabani da d'ana tun ba'aje ko Ina ba, to tunda nabar ubanka da yunwa zoka dokeni kaji ko nura?."

"A'a innarmu ai batakai can ba ALLAH yabaki hak'uri." Yafad'a tare da shiga kitchen ya d'oko abincin sannan yawuce, yanaji matar dake zaune tare da ita tana fad'in.

"Kai hawwa! Haka nura yakoma maki marar kunya daga jin zancen aurensa?, To wlh sai kintashi tsaye inba haka ba da ankawo yarinyarnan yasan yanda lamarin yake shikenan kashinki yabushe, dubi wannan rashin kunya daya zuba maki daga ganin zaiyi aure to inata da anyi auren, gaskiya akwai aiki babba e'ehhhmmm nura kam ya lalace" cike da takaici ya qarasa barin wajen ba tare da yaji amsar da zata fitowa daga bakin mahaifiyar tasa ba, yana kaiwa bakin qofar shiga d'akin da baffa yake yaci karo da baffa Ali shi kuma zai fitowa, yana gaishesa amma kota kansa baibi ba jikinsa har rawa yakeyi ya isa wajen yaya hawwa ya kwarmato mata duk da dai baffa yace yaje ya kirawota, binsa da kallo yayi sannan yawuce cikin d'akin ransa a dagule, baffa isman daya gani zaune ya sashi sakin murmushi had'e da duqawa har qasa ya gaisheta bayan ya ajiye kwanon tuwon agaban baffa,

Baffa Usman na murmushi ya amsa masa cikin fara'a had'e da cewa,

"Agaida ango d'an gidan baffa, sannu da qoqari, ashe da tsiminka ab'oye kasa yayana yanata wahala." Cike da kunya ya noce kai qasa yana murmushi baffa Usman yaci gaba da cewa,

"Madalla to ai ka kyauta, ALLAH yayi albarka yaqara bud'i."

"Amin baffa Usman." Ya amsa masa a kunyace, jiyayi baffansa yace,

"Meye nan ka ajiye nura."

"Tuwone innarmu tace akawo maka."

"Kai kaci naka.?"

"A'a baffa alhamdulillah naqoshi.?"

"To Nima dai Alhamdulillah don qanena ya sawo mani abunda na samu na karya kuma har nasha magani, ubangiji Kuma ALLAH ya shirya yaganar." Dashi har baffa Usman sun fahimci yanayin damuwar da yashiga yanzu amma saboda shi mutumne mai haquri da rashin son aibata babba gaban qarami a maimakon yayi fad'a sai ya sauya maganar ta hanyar addu'a."

Kamar iska haka sukaga yaya hawwa tashigo d'akin rai ab'ace tana dube dube ALLAH kad'ai yasan abunda baffa Ali yafad'a mata wanda shi ya haifar da shigowar tata ahaka, tsaye tayi cak ganin akwatunan tana cika tana wani batsewa kafin ta kalli Nuraddeen tace,

"Amma kai wannan yaro munafuki ne, yanzu kasan da wud'annan kayan kazo a matsayina na mahaifiyarka a maimakon ka kaisu can saika tsaya anan dasu ka ajiye don d'ai munafucci, to meye alaqar uwaye maza da kayan lefe indai ba k'ulle k'ulle ake son ayimun ba wai don har ka renamun da wayo ina yimaka magana kace ba'a wani yimaku albashi ba, to su wud'annan uban kayan daka jido uban waye yabaka kud'in...." Bata qarasaba taji baffa yace,

"Ubansa ne yabasa ko bai isa ba?" Shiru tayi tare dayin tsaye tana girgiza jiki ita mai zuciya, cikin b'acin rai da takaici baffa ya katsa mata tsawa had'e da cewa "maza kizauna kafin ranki yab'aci." Cikin tsiwa tazauna saboda sanin halinsa kafin nan baffa Ali yashigo tare da sauran matan, shidai baffa Usman dama tunda tashigo ya noce kai qasa yana karanto addu'o'in daya sani abakinsa, shid'in mutumne mai sanyin hali da kuma haquri tamkar yayan nasa amma ko kad'an bai iya b'acin rai ba, shiyasa ba kasafai yake kula wasu abubuwan ba don gudun b'acin rayuka, batare da baffa yanuna komai aransa ba yasa matan qannen nasa suka jawo kayan aka shiga bubbud'awa kowanensu na yaba kyawon da sukayi tare da ALLAH yasanya alkhairi, har aka gama Yaya hawwa batace uffan ba sai da taji matar baffa Usman tace,

"Nura kam kayi qoqari sosai kuma kaya sunyi kyau amma ni banga sarqoqi da ribon ribon d'in 'yar tawa ba ko ka mantane.." ai kamar jira takeyi kafin tarufe baki tace,

"To tsohuwar munafuka, irin kune masu qaryar arziqi alhalin bakuda komai, da zakice babu kaza da kaza duk wud'annn kayan da yayi inba raahin imani ba ace har sai yaqaro wasu ko don bake kika haifesa ba ba'asan amshi ba sai dai karb'a zakice hakan." Tabud'e baki tabata amsa baffa usman yace, "kul..bilqeesu karki fara." tashi Nuraddeen yayi yabar d'akin ransa ab'ace yayinda matar baffa Usman tace,

"Haba maigida, yanzu meyayi zafi acikin wannan maganar da zata jefomun wud'annan kalamai, inadai 'ya'yane nima ina dasu kuma Alhamdulillah idan amshi kad'ai nasani tunda 'ya'ya mata nake dasu banida takaici dama haka ankasan macce da abata, ita kuma dake alfaharin.." Bata qarasa ba yace tabar d'akin tunda tayi ALLAH sanya alkhairi shi dai baya son fitina, dole tafita tanajin wani sululi aranta saboda Babu ranar da Yaya hawwa bata goranta mata rashin d'a namiji saboda gaba d'aya 'ya'yanta biyar duk matane har sun aurar da biyu saura uku.

Tana wucewa baffa Ali yace, "amma dai Usman yakamata ka tsawtarwa matannan taka, ni bansan abunda yaya hawwa ta tare mata ba duk tabi ta renata, Wlh yaya wannan balkisun da kake gani so takeyi tawatse mana zuria amma inba haka ba daga fad'ar gaskiya saita rufe yaya hawwa da baqar magana, ai wannan rashin mutuncin ne.." yana rufe baki matarsa da tuni tuquqin baqincikin ganin wud'annan kayan bana 'yarta bane ya mamaye mata zuciya taja wani irin dogon tsaki tabar wajen,

"Itafa wannan kace me?" Baffa Usman yafad'a yana nuna masa hanyar data fita, tsuru tsuru yayi da idanuwa tare da noce kai qasa baffa yyi murmushin da yafi kuka ciwo sannan yace

"Ubngiji ALLAH yaganar damu muduka"

Mere baki Yaya hawwa tayi kafin tace, "Amin, Ali kwasomun kayannan tunda angama gani gobe akirawo makwabta suma su gani kafin atashi kaiwa" tana gama fad'a tawuce abunta don kar wnda yaga damarta, jiki narawa baffa Ali yanufi kayan baffa yace...





*_ALLAH KAJIK'AN IYAYENMU_*👏😭
[8/17, 10:19] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___18💎

Bayan yakoma gida ya tarar da mahaifiyarsa nafad'a ita da inna bilkisu akan jagorancin da baffa yabata tayi mata tas had'e da cin mutunci kala kala, tun inna bilkisu nahaquri har taji bazata iyaba ta tanka mata sunata zubar da rashin arziqi kala kala, mutanen gida sunyi basu haquri har sun gaji amma sunqi su dena, kowacensu jitakeyi zuciyarta abaki tamkar ta kashe 'yar uwarta, gashi baffa Usman bayanan shi kuma baffa baya iya tafiya balle yatashi ya tsawatar masu, yayi kiransu har yagaji amma babu wacce ta tanka masa balle yasaran zasu dena, ga 'yan uwa da abokanan arziqi da sukazo bikin da mak'wabta duk sunyi cirko cirko suna kallon ikon ALLAH, abunda zaifi baka haushi ma yanda hatta 'ya'yansu manya da yara duk suna wajen a tsaye, wani irin baqin cikine da damuwa suka taso masa waje d'aya suka turnuqe masa zuciya, ji yakeyi babu babbar damuwarsa aduniya yanzu irin wannan jarabawar da yake ciki kasancewar gashi da ransa ba mutuwa yayi ba amma yakasa iya dakatar da fitina acikin ahalinsu a lokacinda 'yan uwansa basa gida, hawayene suka zubo masa daga cikin idanuwa ahankali ya rufesu yana karanto sunayen ALLAH, cikin ikon ALLAH kuwa yaji wani k'arfi da kuzari sunzo masa yafara jan gindi yana nema yasamu ko bakin qofane yakai wataqil ganin idanuwansa susa sudena, cikin azabar da shikad'ai yasan ko meyakeji ya iso bakin qofar d'akin jikinsa na rawa lumfashinsa na fita sama sama da qyar yabud'e baki yace,

"Bilkisu" saiga Nuraddeen yashigo cikin hanzari saboda hayaniyar da yaji tana tashi, da sauri yayo kansa yana fad'in,

"Baffa lafiya? Ya akayi kazo nan da kanka." Cikin zubar hawaye ya d'ago kansa yana nuna masa tsakar gidan daya hango anyi dandazo ana sauraren fad'an inna bilkisu da Yaya hawwa ga mamakinsa kawai sai ya hango baffa Ali gefe zaunensa yana sharb'ar tuwo ita kuma matarsa agefe tana tintsirar dariya, baisan lokacin daya dafe saiti zuciyarsa yan bud'ar baki saboda lumfashinsa dake neman d'aukewa, kan Nuraddeen yayi wani yunqurin lumfashin baffa ya d'auke tare da langab'ewa daga jikinsa da yake,

"Innalillahi wa'inna ilaihirrajiuun" yafad'a da qarfi tare da fashewa da kuka yana girgizarsa yana fad'in, "baffa, baffa, baffa don ALLAH kada katafi kabarni." Jin hakan ya maido hankalinsu bakin qofar d'akin da Nuraddeen ke rungume dashi, da gudu baffa Ali yayi kansa daidai lokacin shima baffa Usman yashigo gidan sargafe da kwashensa a kafad'a, jefar da ita yayi yanufi wajen d'an uwansa tare da jawosa ga jiki daga rungumen da yake ga Nuraddeen.

Girgizas ya shigayi yana fad'in, "yaya, yaya" alokaci guda yana tattab'a tafin hannunsa, gefen wuyansa da kuma k'asan hancinsa inda lumfashi kefita, jin fitar iska kad'an daga hancin nasa ya tabbatar masa da cewa yanada sauran lumfashi ya kinkimesa yayi cikin d'aki dashi had'e da cewa Nuraddeen yakawo masa ruwa, dama tun a bakin gida da yaji hayniya nafitowa daga cikin gidan yatambayi Yusuf d'an baffa Ali abunda kefaru, jin da matarsa ake fad'an yasa yashigo ransa ab'ace sai gashi ya isko wannan tashin hankalin, muryar Nuraddeen daya dawo riqe da cup da ruwa yana fad'in, "baffa gasu." Yasashi fitowa daga tunanin daya shiga, karb'ar ruwan yayi ya yayyafawa baffa a fuska har sau biyu amma bai farfad'oba, Yaya hawwa dake tsaye abakin qofar ita da suran mutanen gidan suka fashe da koke koke suna wayyo, a fusace baffa Usman yajuyo yace, "gaba d'ayanku kub'acemun da gani, kuma dake dake duk sai nayi qararku idan kuka sake yayana yamutu, shashashun mata kawai, ku b'acemun da gani" yaqarasa maganar cikin tsawa yana nunasu da yatsa idanuwansa sunyi jajur tamkar wanda aka zubawa yaji aciki, jiki ba qwari kowa yabar wajen tare da komawa cikin gida sukayi jigum jigum tamkar basu bane suka gama cacar baki ba yanzu.

Sake d'ebo ruwan yayi ya sake shafawa baffasu har sau uku a fuska yana mai addu'a ALLAH yasa yafarfad'o, cikin ikon ALLAH sukaji yaja wani dogon lumfashi cikin dasashshiyar muryar da babu wanda kejinsa saidai sukaga bakin namotsi yana fad'in "hazbunallahu wani'imal wakeel" wani irin sanyi da farinciki baffa Usman yaji azuciyarsa ya runtse idanuwans a hawayen dake maqale suka zubo, ahankali yafara bud'e idanuwansa ya saukar dasu saman na baffa Usman dake hawaye ya riqo hannunsa,

"Sannu Yaya" baffa Usman yafad'a yana murmushi kafin suma su Nuraddeen da baffa Ali suyi masa sannu fuskarsu cike da farincikin farfad'owar tasa, cikin rawar murya had'e da damuwa baffa Usman yace

"Yaya bari naje wajen musa ya aro mana mota akaika asibiti" yana k'ok'arin d'agasa daga jikinsa ya kwantar dashi akan katifa, cikin muryar dake nuna yana jin jiki yace,

"A'a Usman ba sai munje asibiti ba Alhamdulillah nasamu sauqi, amma Ina so don Allah Aliyu yafita daga d'akinnan bana son ganinsa yanzu, bantab'a tsammanin cewa duk wannan fitinar dake faruwa acikin gidannan ba yana ciki kuma koda fad'amun akayi wlh bazan yarda ba, amma sai gashi da idona nagansa zaune shida matarsa iyalinmu nafad'a anrasa wanda zai rabasu shida ita, wannan wace irin rayuwace haka ace d'an uwan bazai iya karewa 'yan uwansa mutuncin suba, da ranmu kenan yayi haka inaga bama raye." 'bata rai yayi yana qunquni wai aishi baisan yanda zaice masu ba tunda duka matan yannens ne Amma anaso aga lifinsa, cike da takaici baffa Usman dake kallonsa yace, "Bakomai Aliyu duniya ce, idan mutum ya gyara kansa, idan kuma ma yab'ata kansa, rayuwa da kake gani batada tabbasa kuma shi zumunci ba wasa bane, don haka duk abunda kayi don kanka, mudai iya fatanmu da kai ALLAH yagyara maka halinka" juyowa yayi wajen baffa yaci gaba da cewa "ka k'yaleshi yaya indai duniyace ta ishesa riga da wando" mik'ewa yayi ransa ab'ace yabar d'akin yanaci gaba da qananan maganganunsa, baffa ya kalli Nuraddeen dake gefe idanuwansa sunyi jawir saboda b'acin rai da kuma kukan da yayi yace "Nuraddeen ya hidima?"

Murmushin qarfin hali yayi masa sannan yace "Alhamdulillah baffa, ya jikin naka?"

"Alhamdulillah Nuraddeen, ubangiji ALLAH yayi maka albarka ya albarkaci zuriar da zaku samu, gobene d'aurin auren ko?."

"Amin baffa, Amma don ALLAH a d'aga d'aurin aurennan har kasamu lafiya, kaga sai muje asibiti gobe adubaka tunda yanzu marece yayi sosai"

"Hakane yaya, gaskiya yakamata muje asibiti, zamannan gida naga babu wani sauqi da ake samu abunma sai qara tsamari yake." Baffa Usman yafad'a had'e da kawo mafici yana yimasa fiffita.

"Kul! Usman kada in koma jin zancen d'aga auren nan yakoma fitowa daga bakinku da kai har Nuraddeen, wlh ko rasuwa nayi banyafe ad'aga d'aurin aurennan ba kunji nafad'a maku, lafiya da kuma rashinta duka daga ALLAH ne haka itama rayuwa da mutuwa duk ahannun ALLAH suke, aure kuma hukuntawarsa ce adaidai lokacin daya so, don haka ban lamunta ad'aga aurennan ba saboda rashin lafiyata, mutuwa da kuke gani bata hana komai aduniya balle rashin lafiya, don haka abar komai ynda aka tsarashi da yardar ALLAH Kuma zan samu sauqi kunji ko nafad'a maku?"

"Eh Yaya" suka amsa masa atare kowane najin wani abu azuciyarsa.

Sosai baffa yasaki jiki don ya nuna masu yaji sauqi sosai sukayita fira har bayan isha'i, amma cikin jikinsa shikad'ai yasan meke damunsa, duk wannan hali daya shiga Yaya hawwa bata koma tunanin koda leqa ta gefen da d'akin baffa yake ba balle taje tadubo sa saboda fad'an da baffa Usman yayi masu wanda hakan ba qaramin sake qonawa baffa rai yayi ba har yake tunin tabbas koda mutuwa yayi yasan hawwa bazata tab'a damuwa ba balle yasa ran zata tuna dashi tayi masa addu'a, hawayene suka gangaro masa a fuska yayi saurin gogewa don kada sugani, baffa Usman bai bar d'akin ba sai kusan qarfe d'aya na dare shi kuwa Nuraddeen kwancensa yayi wajen baffa sukaci gaba da firarsu wacce rabinta duk nasihace yakeyi masa akan rayuwar aure da kuma amana da hak'k'ok'an da ALLAH ya d'ora masa na matarsa, yayi mashi nasiha sosai akan muhimmancin hak'uri da iyali da kuma kyautata masu har aka kira sallar asuba, da kanshi ya riqasa sukaje baye yayo arwala sannan ya maidosa shikuma ya koma yayo tasa had'e da wucewa masallaci acan sukaci karo da baffa Usman shima ya zauna bayan anyi sallar asuba yayi masa nasiha sosai, bayan sun dawo ne masallaci lokacin rana tafito baffa Usman yasa aka kirawo masa yaya hawwa da bilkisu anan d'akin da baffa yake, Amma har matarsa bilkisu tazo Yaya hawwa nacan abunta zaune don cewa tayi baza tajeba saboda jiya agaban mutanen gida yara da manya ya wulaqantasu don haka Babu inda zataje tunda bashi ya ajiyeta ba.

Sun jima suna jiran isowarta amma fiye da minti talatin babuta ba tsammani, hakan yasa baffa Usman ya maido hankalinsa ga bilkisu batare da yajira bayanin komai abakin taba yayi mata tas dama tun jiya da daddare yafara sauke fushinsa akanta yau kuma yasake d'orawa hak'uri tayi ta basa tana roqonsa gafara ya katsa mata tsawa had'e da cewa,

"Kiyimun shuru ba wannan nake son ji daga bakinki ba, wlh daga yau nakoma jin kin tankawa yaya hawwa acikin gidannan sai ranki yayi mummunan b'aci don bazan lamunci garin shashanci irin naki kibiye mata kuna fitinar da zata haifarwa da d'an uwana matsala ba, daga yau duk abunda zatayi maki Ina so taci albarkacinsa matuqar ni inada muhimmancin agareki a matsayinsa na yayana."

"Shikenan zanyi yanda kace in Sha ALLAH, Yaya kai Kuma don ALLAH kayi hak'uri bisa damuwar da muka haifar maka da ita jiya" tafad'a tana goge hawayen jin d'acin hukuncin da maigidan nata ya yanke mata, taso ace yabarta takoyawa Yaya hawwa hankali idan ita mahaukaciyace amm dole tabar maganar ko don yiwa mijinta biyayya, girgiza kai baffa yayi don baiso baffa Usman yayi mata hakanba agabansa, yaso ace amtsayinsu na miji da mata sun kashe sun binne a d'aki amma sanin yanda zuciyar d'an uwan nasa take idan ransa ya b'aci yasa bai dakatar dashi ba, cikin taushin murya baffa yace,

"Babu komai bilkisu, kiyi hak'uri kema nasan duk dalilin jagorncin dana azaki ga aurennan ya haifar maki da wannan fitinar awajen iyalina, don ALLAH kuci gaba da hak'uri da ita kunsan hali zanen dutsi, ubangiji ALLAH ya shiryeta kuma ya ganar da ita, Usman don ALLAH kada kasa bilkisu tacire hannunta awannan hidimar domin burinta aduniya bai wuce a kunyata a wannan al-amarin ba, don haka Ina baku haquri na yau d'ai kujurewa duk abunda zatayi har agama lafiya kaji ko?" yaqarasa maganar yana kallon baffa Usman da gaba d'aya yaso iyalinsa tafita harkar sha'anin auren saboda matsalolin hawwa, wata ajiyar zuciya ya sauke sannan ya kalli d'an uwan nasa yace

"Duk abunda ka yanke Yaya shine daidai kuma dole ayisa ubangiji ALLAH ya kauda fitina kuma yasa agama taro lafiya."

"Amin ya rabbhi Usman nagode, ALLAH ya zaunar dakai lafiya da iyalinka kuma yanda kake kula dani tare da yimani biyayya kaima ALLAH yabaka mai yimaka haka, yanda ka kula da sha'anin Nuraddeen kaima ALLAH yakula maka dana dukkanin zuri'arka nagode nagode sosai.." yaqarasa maganar yana mai fashewa da kuka saboda tunanin abunda zai faru bayansa don shikad'ai yasan yanda yakeji acikin jikinsa,

Abunda duk ALLAH yatsaro babu wani mai iya hanashi sannan ita matar mutum kabarinsa yau misalin qarfe biyu da rabi na rana masallacin juma'a na unguwar yarimawa yacika da tarin dan dazon mutane 'yan kasuwa da malamai don sheda d'aurin auren MALAN NURADDEEN IDRIS ALIYU (MALAN IDRIS) da kuma amaryarsa RASHIDA BASHAR MAI TAKALMA, inda nahango baffa zaune agefe sai kuma baffa Usman tsaye agefensa yana gaggaisawa da mutane cikin farin yadinsu boyel d'unkin babbar riga sunyi matauqar kyau kai kace tagwayene kowanensu sai fara'a yakeyi saboda tsammanin cikar burinsu, haka baba da qanensa malan balarabe suma sunsha manyan rigunansu kalar ruwan omo iri d'aya fuskokinsu cike da annuri suna yiwa baqi masauki kafin isowar ango, Nuraddeen na hango tare da abokanansa sai wasar hauru yakeyi cikin had'ad'd'iyar shaddarsa milik suna tahowa shima d'unkin babbar rigane ajikinsa ya matuqar zauna masa had'e da yimasa kyau sosai wanda ko ba'a tambaya ba kasan cewa shine ango, suna qarasowa aka nuna masu masaukinsu acan gefen dake tsakanin iyayensa dana amarya limamin masallacin juma'ar yafara gabatar da sigar aure kamar yanda yazo a musulunce sannan aka gudanar da yarjejeniyar karb'arwa Nuraddeen auren Rashida daga hannun iyayenta bisa sadaki dubu hamsin laqadan ba ajalanba yayin da iyayenta suka damqawa nuradden amanar aurenta tahannun iyayensa bisa yarda da amincewar cewa zai kula da cinta, shanta, suturarta da kuma lafiyarta sannan aka tofa addu'a, wani murmushi baffa yasaki had'e da cewa,

"Alhamdulillah, dama sannu sannu bata hana zuwa saidai adad'e ba akaiba, ubangiji ALLAH ka amintar da wud'annan bayi naka bisa dukkanin alkhairanka awannan rana da dukkanin ranakun da zasu biyo bayanta har iya qarshen rayuwarsu" baffa Usman dake gefensa ya amsa masa da "Amin Yaya" yana dariya, shikuwa gogan naka ana gama d'aura auren lumshe idanuwansa yayi yanajin wani irin farinciki na ratsa dukkanin sassan jikinsa da kuma rouhinsa, yajima ahaka kafin d'aya daga cikin abokanansa ya zunguresa suka bushe masa da dariya suna yimasa sheri.

••• ••• •••

Acan gida kuwa bebeji gaba d'aya anguwar mutanen arziqi suna wajen d'aurin auren Amma banda baffa Ali da tun jiya da yayi fushi akan maganar da baffa suka yimasa yasha alwashin ko d'aurin auren bazai jeba, Babu yanda baffa Usman baiyi dashi ba amma yace babu inda zaije tunda suka had'e masa kai suka nuna masa cewa shi bawani tsiya bane acikinsu, ganin lokaci na qurewa yasa ya ajiye masa kayan da suka d'unka su uku suka wuce cike da tsammanin cewa zai biyosu abaya, Amma ga mamakinsu har aka gama d'aurin auren bai jeba wanda hakanma yasake tab'a zuciyar baffa sosai ganin cewa idan baya raye sukad'aine zasu iya karb'arwa 'ya'yansa aure amma ace yaqi halartar auren d'an nasa, awannan karonma sake danne damuwarsa yayi saboda gudun haifarwa da d'ayan d'an uwan nasa damuwa.

Bilkisu ma sake zage damtse tayi cike da farinciki tamkar wani abun bai tab'a faruwa ba jiya tayi duk abunda yakamata, duk wasu baqi da zasuzo kai tsaye Yaya hawwa kace masu suje wajen qirjin biki wato kinfi uwar ango bilkisu don ta tozartata amma ita hakan ko ajikinta don baffa Usman yabata isasahin kud'i tayi abinci ita da 'ya'yanta su kareema da sukazo, koda suka jewa Yaya hawwa yimata fatan alkhairi ko kallon banza basu isheta ba balle ta tankasu suka juyowarsu batare da sun damu ba don dama saida bilkisu taja masu kunne kafin sutafi, baffa Ali kuwa shida matarsa bini bini sun fito tsakar gida ko kunyar mutane basaji sun yadawa bilkisu magana au da Yaya hawwa itako tayi kamar bata masan sunayi ba.

Kasancewar akwai 'yar tazara tsakanin garuruwan guda biyu wato qauyen yarimawa da kuma bebeji yasa su baffa suka roqi alfarmar abasu amaryarsu suwuce da ita don tuni suka zo da motocinsu k'waya biyar da za'a d'aukar amaryar, ko kad'an baba bazasu iya yimasu musu b saboda tsananin girmama juna da sukeyi don haka sukace abasu mintuna ashirin za'a fito da amaryar su baffa nata godiya tare da yaba karamcin da suka yimasu...






*_ALLAH KAJIK'AN IYAYENMU👏😭_*
[8/17, 10:19] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___20💎

Bayan sun tafi Inna bilkisu tadawo tare da tsayawa tsakar gidan saitin da matar baffa Ali ke zaune ta rangad'a wata uwar gud'a tana fad'in.

"Alhamdulillah ALLAH kaine abun godiya, ita dai hassada ga mai rabo takice