You Cannot Download this book untill you login but you can read it .

---

Login Register

dashi, daga qarshe yayiwa ALLAH godiya tare da roqonsa yaci gaba da yafewa mahaifiyarsa har iya qarshen rayuwarta, haka itama Inna ruqayya yaji d'aci sosai aransa data jinkirta tuba har ALLAH ya amshi ranta, itama ya roqi ALLAH daya gafarta mata kuma ya haskaka kabarinta sannan yayiwa su baffa gaisuwar rashinta.

••• ••• •••
A can borno kuwa tuni labari ya Isa ga kunnuwansu dady da umma don kai tsaye Dr nura yaje yasanar dasu zancen dawowar mahaifin little, inda umma tanuna hakan ko ajikinta don ta d'auka almarane har sai bayan sallar azahar da dady yazo da sauri ya kunna tv saboda kiran da Dr Nuraddeen yayi masa yace su kunna sugani gaya nan ana fira dashi, ganin yanda abubuwan suka kasance da kiran dasu Yaya Maryam sukayi mata suka qara sanar da ita yasa ta gasgata hakan, yanda aka nuno baffa mahaifin Nuraddeen shine Abu na farko daya tab'a zuciyarta har yasata zubar da hawaye, tayi kuka sosai tare da nadamar irin tsattsauran hukuncin data d'auka akai, aranar babu wanda yafad'o mata arai, yanda ako yaushe yake tausarta idan ranta ya b'aci da irin nasihohin da take yimata akan tsaurara bincike kafin yanke hukunci da tsayuwa akan gaskiya komai d'acinta da rama alkhairi ga wanda yayi maka sharri, da haquri akan kowace irin zaman takewa amma tsananin soyayyar da takeyiwa 'yarta da ganin yanda kamar aka cutar mata da ita yasa tawatasar da duka wud'annan nasihohin tabi son zuciyarta suka d'auki alhakin bawan ALLAHn da akoda yaushe bayada burin daya wuce ya kyautata ga dukkanin wanda ya rab'esa, shidai dady banda kallonta babu abunda yakeyi har taci kukanta mai isarta tayi shiru sannan yace.

"To kinga irin ranar da awancan lokacin nake guje maki zuwan irinta, ba don kin d'auka da zafi sosai ba da bazaki rasa tunanin cewa taya mutum naji da ransa da hankalinsa zai guji qasarsa, iyayensa, iyalinsa da 'yan uwansa ya zab'i zama inda babu ko d'ayansu awajen bayan sune abun tutiyarsa aduniya, azzannu zanbun walau kana haqqun, wato zato zunubine koda yazamo gaskiya amma kai da ganin hakan kasan akwai wani b'oyayyen alamari da d'aurin goro acikin wannan batu, yanzu kam koma meye anriga an gama kuma tunaninki da damuwarki nasan duk bazasu wuce b'oyewa bawan ALLAHn nan gaskiya da jininsa da kukayi har tsawon wannan lokacin, to Alhamdulillah dama hankalinku da namu ba irid'aya ba, duk da ambi turbar yanda kukaso daga baya munyi tunani kuma mun had'a yaronnan da kakansa da sauran dangin mahaifin nasa, duk wani sha'anin aurensa da qaruwar daya samu dasu akeyi, anb'oye maku hakanne don azauna lafiya daku tunda ku mata baku fiye tunani akan abunda ke daidai ba."

Wani sanyi umma taji aranta cike da kunya tamiqe tabar wajen don bata masan me zata ceba, dariya dady yayi had'e da cewa.

"Ai nan kukafi gwanewa da auki, wato kunya bayan kun tafka shirme."

Ummie dake gefensu zaune tayita dariya har tana fad'in.

"To dama ai mu raunine damu, basai ka goranta mana ba, Wanda kuma duk ya tsaya biye mana shima irin wannan kunyar da mukeji zaiji kaga babu kafi balle na d'ara koda kuwa namijine."

"Ah to ai ku kuka sani, daku har wanda ya tsaya biye maku, Ina ai nima haka kika izani naje na biye maki da tsufana ka dinga tata mani rashin mutunci agida, kullum sai naji kunya idan aka tafka wata tsiyar, Amma yanzu alhamdulillah ALLAH yaqara bamu haqurin zama har zuwa lokacin da mai rabawa zata rabamu."

"Amin ya ALLAH, Amma saina nafad'awa hajia nafisa yanzu kagama yimata gugar zana, bayan abunda yawuce yariga daya wuce."

Ummi tafad'a tana dariyar dady.

A fannin hajiya nafeesa kuwa yau ji take tamkar tabar doron duniya akan abubuwan data aikata abaya, gaba d'aya ta gagara fidda farincikin da take ciki itama saboda jimamin aibata little data dingayi tana kira masa shege duk da kuwa tasan ta dad'e da roqonsu gafara, safa da marwa ta dingayi a tsakar falonta tana tunanin yanda yaau zata had'u da umma ta d'aga kai ta kalleta, yanda zata kalli Rashida data jefa da mummunar kalma tazina alokacin halattaccen mijinta ya bayyana agareta, yanda zata kalli Nuraddeen data kira da shega ayayin da yake agaban mahaifinsa, so take tayi hawaye amma sunqi zuwa, natsuwarta da zaune da tsaye duka sun gagareta saima wani zazzab'i da takejin na Shirin taso mata, bata san lokacin data fara sabbatu tana fad'in.

"Kaicona kaico ni kaina, wannan itace ake kira da ranar nadama, ranar xubewar kima da matsayi, ranar da mutum ke tsanar harshensa, ranar da dana sani ke dabaibaye qwaqwalwa tare da raunata qarfin gangar jiki, ALLAH kasani na tubarwa laifukana, ya ALLAH kayafemun kabani qarfin halin fuskantar kunyar abunda na aikata."

Haka tayita suruttai ita kad'ai tana d'ora hannu akai tare da zagayar falon, zuciyarta sai bugawa takeyi tana fargaba tare da hasaso lokacin da zatayi arangama da wud'annan fuskoki data aibata agaban wanda yawankesu daga wannan zargin.

Rashida kam bacci qaurace mata yayi adaren, babu abunda idanuwanta ke hakaito mata sai fuskar habibinta, babu zantukan da kunnuwanta ke sauraro mata idan ba nasa ba, musamman alokacin da take cewa. _Babban qalubale shine rashin rouhi a gangar jikina da kuma kad'aicin abokanan da zasu tayani ingantacciyar rayuwa idan ba kayan aikina ba_ ta tabbata cewa awannna gaba'ar saqone take isar mata domin itace wannan rouhin nasa da yake fad'ar babu a gangar jikinsa don ya jima ako yaushe yana fad'a mata cewa itace rouhin gangar jikinsa, idan babu ita atare dashi to tabbas bazai samu ingantacciyar rayuwa ba, ayau ta yarda da hakan kuma ta aminta da kalamansa, saqonsa ya iso kai tsaye azuciyarta saidai bata tunanin karb'arsa hannu biyu bayan ya shafe shekaru batare da yayi tunanin tunata koda na rana sau d'aya ne, haka ta kwana tana faman juye juye akan gado had'e da bitar duk wasu kalamai nasa har aka kira sallar asuba ta tashi tayi sallah tana mai d'oki da kuma dakon zuwansa gareta akowane lokaci.

••• ••• •••
Tun daga can gida baffa yasa aka d'auko abun karyawa aka kawowa su Dr nan gidansu baffa yana biye abaya don shima bai karyawar ba, nan d'akin Yaya hawwa aka kai kayan ga itama Inna Bilkisu ta shirya masu lafiyayyen abun kalaci takai can d'in duk suka taru waje d'aya suka karya ana fira cikin jin dad'i da farincikin sake had'uwarsu waje d'aya, gani sukayi baffa Ali ya miqe ya koma gefe yana goge hawaye.

Tashi baffa yayi yakoma wajensa ya zauna tare da d'ora hannunsa saman nasa yayi saurin jayewa tare da matsawa gefe yanaci gaba da sharar qwalla.

"Meye haka Aliyu? Me yafaru kake guduna Kuma?"

"Ba gudunka nakeba Yaya, gani nakeyi kamar banyi maku adalci ba idan Ina cakud'a cikinku duk da kuwa wannan cutar da take tare dani, idan girman karamci da kawaicinku ya hana ku qyamaceni bai kamata ni kuma son zuciya yasa naciga da cakud'a daku ba, domin shine ya kaini yabaro tun abaya."

"Haba Aliyu, har sau nawa kakeso kaci gaba da muzanta kanka agaban idanuwan mutane?, Meyasa kake son tilasta kanka akan saika gamsar damu ka canza kuma kayi nadama baayan mu tuni zukatanmmu sun amince kuma sun gamsu da hakan, don ALLAH kadena qasqantar da kanka haka acikin mutane ya isa kaji ko.?"

"A'a kabarni naci gaba dayin hakan don nunawa zuciyata datayita azani bisa hanyar daba gaskiya ba da nunamun cewa ni wani ne in nuna mata cewa ni ba kowa bane, banida wani girma ko d'aukakar da zataci gaba da kamba mani aduniya balle har tasake cin galaba akaina."

"Kayi hakan da dad'ewa baffa, Kuma insha ALLAH ALLAH ya yarda da tubanka, don haka kadena qasqanta kanka baya son haka domin shi da kansa yace ya karrama d'an Adam adoron duniya, kaga baici ace kuwa kana gardama hakan ba."

Baffa Usman yafad'a yana zaunawa kusa dashi yayinda shi kuma Dr Nuraddeen ya qura masa idanuwa yana karanto irin damuwar dake kwance a zuciyarsa tare da alwashin gusar masa dasu ko don yarama cutarwar da yayi masa da alkhairi.

Kamar dai jiya haka yauma gidan aka wuni mutane na shigowa ciki kuwa harda Abba dasu uncle h, inda little ya gabatar dasu ga mahaifinsa amatsayin iyayen matarsa kuma ya gabatar dashi a matsayin mahaifinsa, Abba kam yaji matuqar nauyi akansa sosai bisa abubuwan da suka faru amma haka ya daure ya bayyanawa Dr Nuraddeen komai abunda yafaru wanda daga baya yayi nadamar hakan batare da sanin cewa ashe yana gab da dawowa ba, Dr yaji Babu dad'i Kuma abun ya Sosa ransa yanda akankusa hanawa d'ansa aure saboda ana zargin cewa shi shegene bayada uba, Amma komai yariga daya wuce tunda gashi ya dawo antabbatar da cewa d'ansa d'an halak ne don haka bazai iya maido da hannun agogo baya ba, cikin mutuntawa yayi masu godiya tare da fatan alkhairi akan d'orewar zumuncinsu sannan suka tafi, ganin rana na somayi Dr Nuraddeen yaba little kudd'i yaje yayi masu bkin d'in jirgi don lallae lallae yau bazai sake kwana garin ba har sai yaje wajen habibty d'insa kamar yanda mahaifiyarsa ta umurcesa, yanzu kam gaba d'aya baya fahimtar komai kuma baya gane komai inba ganinsa yayi wajen habibty d'insa ba gashi tunda little yafita bai dawo ya barshi sai faman duba agogon hannunsa yakeyi, ashe shi saida yabiya wajen batool yaga tashinta da yaransa sannan yatafi wajen booking d'in ticket d'in jirgin, cikin sa'a ya samu akwai har sauran ticket uku na jirgin da zai tashi misalin qarfe biyu narana, nan take yayi duk abunda ya kamata sannan ya kama hanyarsa ta komawa bayan ya tsaya ya saiwa mahaifin nasa waya da layoya har guda biyu mabanbanta network.

Yana isa ya isko dandazon mutanen da suka kawowa mahaifin nasa ziyara ta b'angaren ma'aikatar lafiya, yana ganinsa ya taso batare daya damu da mutanen daya bari wajen ba. nan yayi masa bayanin jirgin da suka samu wanda zai tashi qarfe biyune na rana, cikin jin dad'i ya d'an bubbugi kafad'ar little yace ya maza yaje ya shirya yana zuwa shima da zaran ya sallami mutanen,

Bayan yayi sallama dasu yaje ya sanarwa da Yaya hawwa zai tafi tayita sanya masa albarka da addu'ar ALLAH yakaisa lafiya yasa ya dace su dawo tare da matarsa cikin qoshin lafiya, anan bayen dake shiyar Yaya hawwa yashiga ya watso ruwa agurguje ya shirya, dama ya sanar da su baffa don haka suka d'auki hanyar zuwa airport d'in auna masu yimasu addu'ar zuwa lafiya sudawo lafiya.

Kasancewar koda suka isa airport d'in akwai sauran lokaci yasa little ya zauna yakira battool ya sanar da ita don mantawa yayi da yaje d'azu bai fad'a mata ba, addu'a tayi masa tare da fad'a masa Abba yasa an d'auko motarsu da sukayi accident jiya har an gyara, Saida yace tayiwa Abba godiya kafin yakirasa sannan ya kashe wayar yakira dady da Dr nura ya sanar masu suna tafe shida mahaifinsa kuma jirgi zasu biyo.

Wayar mahaifiyarsa ya gwada kira bai samu ba don tun safe ya kirata lambar akashe, murmushi yayi tare da kad'a wayar a aljihu sannan yaciro ta abban nasa ya dinga saka masa lambobin da yasan zai iya buqatarsu ciki kuwa harda ta mahaifiyarsa da yayi saving da my wife.

Sannan ya miqa masa yana fad'in.

"Baba ga wayarka, nasaka maka lambobin da zaka iya buqata."

Karb'a yayi had'e dayin murmushi yace "agaisheka ALLAH yayi maka albarka."

Sannan yafara dudduba lambobin har yakai gata Rashida da yayi masa saving da my wife, editing ya shiga ya mayar habibty sannan ya jefa wayar a aljihu little na kallonsa ta gefen ido yayi murmushin shima, aransa yace.

"ALLAH dai yasa Kar habibty d'innan ta kwabsawa babansa don yalura ba kad'an yake jinta ba."

Yana wannan tunaninne yaji anfara kiraye kirayen sunaye har aka kai ga sunansu suka tashi suka shiga, bayan sun zauna cikin jirgin da yake waje d'aya suke kafin jirgin ya tashi Dr Nuraddeen ya ciro wayarsa had'e da kaikaita idanuwan little yashiga akwatin tura saqo yafara rubuta saqo kamar haka.
_I am sorry for all the pain, I am sorry for the tears I am sorry for the anguish, But please fulfill my only wish, Please forgive me this time, And I won't do this again, Nothing to pretend, Just forgive me! I am sorry!_

Ya karanta yafi aqirga kafin ya lalubo lambar habibty d'insa ya tura mata, Rashida da bata dad'e da kunna wayar ba tana zaune taji qarar shigowar message ta d'auko wayar ta karanta, ganin lambace yasa batare data damu da tabada amsa ba ta ajiye wayar, can bayan wasu mintuna tasake jin qarar shigowar wani message d'in ta d'auko wayar ta sake dubawa tana karantawa kamar hakan.
_Iknow it's very pain and It's hard to make you understand, But, believe me I don't pretend, Mistake has happened and I won't deny, Blame on the situation to defy, I just want that you forgive me through, So that I don't feel blue, Please forgive me now habibty!, b'coz it's all part of our destiny and I don't have any words or how! Forgive me! Habibtyyy_

Awannan karon wasu zafafan hawaye suka zubo mata domin tafahimci daga Ina saqon ke zuwa, juya wayar ta shigayi tare da rashin sanin mema zata cemasa kawai ta cillata saman gadon takife tana kukan da da'ace hawaye na qarewa to da tsakanin jiya da yau nata sun qare kaf.

Tun daga umma dasu Dr Babu wanda ya sanar da Rashida zancen zuwan Dr Nuraddeen saboda yanayin da suka ganeta aciki, gashi dama tun safe bata fito d'aki ba har zuwa wannan lokacin, abun karinta dana Rana duka saidai mai aiki takai mata a d'aki hakan yabasu Fatima damar yin shire shiren tarbarsu Dr yanda ya kamata kafin su iso,

Kasancewar akwai banbanci tsakanin tafiyar jirgi data mota yasa cikin mintunan da basu wuce arba'in zuwa arba'in da biyarba su little suka iso,

Gaban Dr Nuraddeen ne ya shiga fad'uwa saboda rashin ganin amsar saqonsa ko d'aya daga Rashida Wanda ya tabbatar tagani kuma tasan shine, hakan yasashi fargabar kada taqi amincewa ta amshesa bayan yayi nadamar abunda ya aikata kuma bayin kansa bane.

Little bai tsaya jiran azo d'aukarsuba ya tari taxi, saida suka shiga yakira dady ya sanar dashi sun iso gashi har suna cikin taxi ina zasu sauka yace su sauka gidan Dr suma gasunan kan hanya in Sha ALLAH.

Motarsu little Bata dad'e da ajesu ba tasu dady ta tsaya inda a babban falo Dr yayi masu masauki bayan yayi ma Dr Nuraddeen wato takwaransa babbar tarba.

Rashida kuwa har lokacin tana can a d'aki duk da kuwa qarar tsayawar motar da taji har sau biyu, tsananin bugawar da taji zuciyarta nayi yasata fitowa da sauri tana share qwallar idanuwanta taci Karo dasu umma, ummie, dady da hajiya nafeesa da suka shigo yanzu, da sauri ta qarasa jikin umma tare da fashewa da wani irin kuka dake tsima zuciyar duk wani mai sauraro.....





*ALLAH KAJIK'AN IYAYENMU*👏😭
[11/14, 22:52] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___105💎

"A'a, a'a! Rashida meyene haka kikeyi sai kace wata qaramar yarinya?, Don ALLAH ni d'agani kada ki karyani, daga shigowa kongaisuwa babu sai kifad'omun ajiki kina kuka, fisabillahi ko gajiya bakyayi abu tun jiya!" Umma ta fad'a tare da cireta daga jikinta,

Riqo hannunta dady yayi suka nufi falo suka zauna itama ya zaunar da ita qasan qafafuwansa had'e da dafa kanta yace.

"Yi haquri Rashida, ita rayuwar mumini haka take, matuqar kayi Imani to dole sai anjarabceka, to Alhamdulillah yau Ina cike da alfaharin cewa 'yata tayi Imani kuma anjarabceta ta canye jarabawar da akayi mata, Abu d'aya yarage shine kimiqa godiyarki wajen ALLAH daya baki ikon canye jarabawar da yayi maki tahanyar rungumar sakamakon da yayi maki da hannu biyu kinji ko."

Cikin kuka ta d'aga masa kai yaci gaba da rarrashinta shi dasu ummi, umma kuwa batace komai ba sai kallon 'yar tata da takeyi har suka gama bata baki,

Dr ne ya shigo shida Fatima fuskokinsu d'auke da fara'a suka gaida iyayen nasu bayan suma sun nemi waje sun zauna,

"Ina shi little d'in dr."

Dady yafad'a yana kallonsa.

"Ai dady little ba'a magana, don yau shima yazame mana baqo yana can liqe da Dr suna cin abincin."

"Ah to Masha ALLAH, ai haka akeso, banga laifinsa ba iyaye ai rahamane, aqallah shima yanzu zaiji irin dad'in da kowane d'a kiji idan yana tare da mahifinsa, fatan dai sun iso lafiya ko?"

"Lafiya klw dady."

Dr yabashi amsa yana kallon fuskar Rashida data bayyanar da mamakinta qarara jin cewa wai little na garin kuma wai harda mahaifinsa, murmushi yayi kafin yace.

"Gwaggon yara kinfito?, Yau sai kika yimana yajin fitowa Saida kikaji takwarana ya iso ko.?"

Batace komaiba kanta na aqasa ta sake nocesa tana maijin zuciyarta na wani irin matsanancin bugawa da sauri da sauri,

'Dan harararsa ummi tayi had'e da cewa.

"Meye haka son? So kakeyi ka tsargamun 'ya agabana ne."

"Afuwan ummi, 'yar takice nakasa gane kanta daga jiya zuwa yau, ita da tayi haqurin shekaru da yawa sai naga tana qoqarin b'atasa tsakanin jiya da yau."

"To ya za'ayi, mubita ahankali, wlh al_amarinne da ciwo, Amma tunda ALLAH yakawo sauqinsa sai a haqura don asamu a cike mizanin lada ko kuwa 'yata."

Taqarashe maganar tare da d'ora hannunta saman kan Rashida, a daidai lokacin little ya shigo yana shafar ciki fuskarnan tamkar hasken farin wata saboda annurin dake kwance akanta na kasantuwarsa tare da mahaifinsa, ganinsu ya dashi sakin wani murmushi had'e da buga wata irin uwar gyatsa yana fad'in.

"Alhamdulillah."

Wajen dady yaje ya zauna tare da gaishesa idanuwansa nakan mahaifiyarsa yana son yaga awane yanayi take ciki amma taqi d'agowa,

"Barka da arziqi Nuraddeen, yau dai kewa ta qare, gaka ga mahaifinka, don haka sai kayi qoqarin kyautata masa tare da nuna masa nagartacciyar tarbiyar da mahaifiyarka ta jajirce wajen baka, kada ka kuskura kayi abunda zaisa ko kad'anne yaji aransa don baya tare dakai shiyasa kazama haka, Ina yimaka fatan gamawa lafiya tare dashe cikin amincin ALLAH da yardarsa."

"Nagode dady, in Sha ALLAH bazan tab'ayin wani abun daya sab'awa tarbiyar da kuka bani ba, zan zamo d'a nagari atare dashi har sai yaji cewa bababu wanda yayi sa'ar samun nagartaccin iyaye bayansu sama dani, sai na gamsar dashi cewa d'ansa ya tashi a hannun mutanen da sukafi kowa karamci da halacci aduniya, kuma na nuna masa irin irin nagartacciyar uwa da yayi sa'ar sama mani aduniya da zata iya kulawa dani had'e da bani nagartacciyar tatmrbiya ko baya nan!."

"Masha ALLAH, ubangiji ALLAH yabaka ikon yin haka, mukuwa da munci gaba da alfahari dakai har iya qarshen rayuwarmu."

Juyawa little yayi had'e da gaisheda su ummi sannan ya kalli umma ya d'aga mata gira yana fad'in.

"Na gaida uwar gidana, babuki ba canzawa komai tsufanki kina nan daram a muhallinki, kujerarki ba gudu ba ja da baya."

"Ja'iri, ja da baya kam ai saidai kar aqara, tunda kasamu batoolu ka watsar dani, balle yanzu da babanka ya dawo nasan nan gaba ganinka sai nacika fayil."

Umma tafad'a tana dariya su ummi na tayata, kallonta dady yayi had'e da cewa.

"Kwantar da hankalinki aini hakan yayimun dad'i, daga ni sai ke bawani da zai koma zuwa yana takuramu had'e da 'yar muryar neman ferfesun tsufa, sai kiyita zuba mani Ina cinye abuna ko ba haka ba." Dady yafad'a shima yana dariya.

Jin sallama da motsin shigowar Dr Nuraddeen da Dr nura yaje yayowa jagora zuwa falon shi ya katse masu firar tasu, da sauri Rashida da gabanta yayi wani irin fad'uwa tamiqe har tana tuntub'e da gefen kujera ta shige d'akinta acan sahenta data nufa.

Cikin girmamawa Dr Nuraddeen yashigo falon biye da Dr nura ya zauna qasa kansa na sunkuye qasa yana kallon qasa ya shiga gaishesu d'aya bayan d'aya cikin wata irin jin kunyar da yakeji tamkar qasa ta tsage ya shige.

Bayan sun amsa ya d'ago kai yanda zasu iya ganin fuskarsa ya shiga yimasu gaisuwar baba da ALLAH yayiwa cikawa tare da addu'ar ALLAH yajiqansa kuma yayi masa rahama duk suka amsa da Amin.

Shiru ya biyo bayan wasu mintuna kafin dady ya shiga yimasa tambayar ya hanya da ban gajiya ya amsa da duka Alhamdulillah sannan ya d'ora da fara bada haquri akan abunda yafaru don dama Dr nura ya gabatar masu dashi a matsayin mahaifin little kuma mijin Rashida wanda a daidai lokacin hajia nafeesa ta had'a ido da little ya sakar mata murmushi taji tamkar ta nitse cikin qasa saboda tsananin kunyar da taji.

Yanda Dr Nuraddeen ke magana cikin natsuwa tare da qasqantar da kai da nuna baqincikinsa da nadamar abunda yafaru har kuka na neman yaci qarfinsa yasa dady ya dakatar dashi ta hanyar cewa.

"Ya isa haka d'ana, mu musulmaine kuma munsan da qaddara maikyau da marar kyau kuma duka munyi Imani da hakan, wlh mudai baka yimana laifin komai ba, sannan shi musulmi aduk inda take d'an uwan musulmine, don haka ana buqatar tausayi, yarda, kyautatawa da kuma kyakkyawar fahimta a tsakani, abunda ya faru tsakaninka da iyalinka ne, mu bamuda wani zargi akanka ALLAH kuma shine sheda saboda haka ka kwantar da hankalinka, bayanan ma da muka gani a kafafen yad'a labarai wlh sun Isa suwankeka ga kowa, fatanmu ALLAH ya tsare gaba kuma yayi mana kariya da miyagun qaddarori,"

"Amin" Dr Nuraddeen yafad'a cikin jin dad'in yanda duka abubuwa kezo masa da sauqi, fatansa d'aya ALLAH yasa awajen habibty d'insa ma suzo masa da sauqi.

Nan dai yayita godiya tare da d'orawa akan wata godiyar ta kulawa da karamcin da suka nuna masa shi da iyalinsa da kuma ahalinsa daga qarshe yaroqi abashi damar ganawa da Rashida idan da yuyuwar hakan.

Dariya dady yayi kafin yace. "Ikon ALLAH, kaikuwa Mai zai hana mutum da iyalinsa?, Ai har yanzu Rashida na aqarqashin inuwar aurenka don tun bayan tafiyarka daidai da Rana d'aya Bata tab'a amincewa da abunda zai shafi auren naku ba, mu daine daga baya mukayi yunqurin samun iyayen naka akai maganar a kotu taraba auren kafin dawowarka saboda gudun kada acutar da ita Amma sai tanuna batada ra'ayin hakan don haka muma dole muka haqura, yanzu tsakaninka da iyalinka ne, idan ta amince ko yaune kanada damar d'aukar abukka kutafi.

Shiru Dr Nuraddeen yayi yana tunanin wannan irin Sadaukarwar kai da habibty d'insa tayi masa, koda me zai iya biyanta shi aduniya? Ya tambayi kansa yana goge hawayen da suka zubo masa saboda tsananin tausayinta.

Nan dai aka shiga d'an tab'a fira amma shi gaba d'aya hankalinsa na kan ta inda zai iya hangota, ganin hakan yasa dady yayi gyran murya had'e da miqewa yana fad'in.

"To malan Nuraddeen, bari mutafi marece nayi gashi anbaro yara agidan, son sai akira masa Rashida mu zamu wuce, duk abunda ake ciki saika tuntub'emu awaya."

Yaqarasa maganar yana kallon Dr nura, sallama sukayi dashi sannan suka fice umma nayi tana waiwayen yanda gaba d'aya ya canza ya zama cikakken mutum, koda yake jiya ai ba yauba tafad'a aranta tare da ficewa su Dr d Fatima nabiye dasu zaauyi masu rakiya, har sunkai qofar fita falon Dr yajuyo ya kalli lite dake zaune kusa da mahaifinsa yace.

"Abu sumayya jeka ka kirawo masa gwaggonku kace injini." Yafad'i hakan don yasan zata iyaqin fitowa sannan tajuya yafice daga falon.

Saman kujera Dr Nuraddeen yakoma ya zauna yana jiran fitowar Rashida tare da qurawa qofar da yaga little yashiga idanuwa.

Little ne yafara fitowa a maimakon yayo cikin falon sai yayi waje wajensu Dr da fatima da suka fita rakiyarsu dady.

An d'au tsawon mintuna uku kafin tafito lullub'e da mayafinta maigirma daya lullub'e mata ko Ina na jikinta kanta na sunkuye qasa.

Tunda tafito take kallonta har tasamu waje ta zauna acan d'ayar kujerar dake sakad'e a lungu, bata iya d'agowa ta kallesa ba amma saita samu kanta da iya bud'e baki tagaishesa, tunda ya amsa bata sake tankasa ba yaci magana har yagaji,

Duk wasu kalamai na ban haquri da nadama yayi mata, duk wani lallashin duniya da dad'ad'an maganganu da zasu sanyaya mata rai yayi Amma taqi tankasa.

Cikin karyewa muryar dake nuna gab take da yayi