You Cannot Download this book untill you login but you can read it .

---

Login Register

suna qifar gidan Dr sun rakkosu bakin mota, a tsarin tafiyar bada su hassana zasuyi ba duk da taso hakan aranta saboda Abba yaga jikokinsa Amma saboda kawaici da kara da kuma alkunya ta kasa magana, suna shigewa cikin motar da zimmar tafiya suka ga 'yan biyun sun rugo a gyare tsaf Rashida na biye dasu da akwatinsu, karb'a Dr yayi yana dariya had'e da cewa.

"Lalle kinyi dubara kuma kin kyauta, yanzu nake zancen araina nace to ita wannan 'yar tawa wayau zatayi masu ta gudu wajen abbanta bada suba bayan suma tagudar masu da nasu abban? Sai gashi Naga kin tasosu agaba, inaga maman little wannan kora da haline kike yimasu don kema kihuta da rigimarsu kwana biyu."

Saida tad'an dara sannan tace.

"Aikuwa kamar kasani uncle, suje can wajen sabon angon nasu muma muhuta da qiriniyarsu kwana biyu."

Duk akasa dariya wajen tare da yimasu ALLAH ya kiyaye, suna qoqarin tashi Dr yaga tayarsu ta baya tayi faci yace.

"Ashsha! Kai takwara ai tayar motar tayi faci."

Fitowa yayi yad'an dudduba had'e da shafa kansa yana fad'in.

"Ahaf, sauri ya haifi nawa, to malama uwar zumud'i sai kifito, Bari naje nakirawo mai faci asa mana iska had'e da juyawa.

Har ya kusa kai bakin qofa Dr yakirasa had'e da lalaba gaban aljihun rigarsa yaciro makullin mota sabo dashi ya miqa masa yana fad'in.

"Karki tsaya b'ata wannan lokaci, jeka kaciro waccan sabiwar motar da shekaranjiya ka kai aka yimata service, Ina komai dai daidai ko ina andubata ko."

"Eh Abba, ammafa cewa kayi sai shahida zata dawo za'a lonceta."

"Manta da wannan, Kai da zakaje wajen surukinka babbar gaisuwa ta musamman da wajen dangin mahaifinka ai kai yakamata ka lunche mana ita muga yaya lafiyarta ko kuwa matana."

Dr yaqarasa maganar yana kallon 'yan biyu da sukayi cirko cirko da alama sun matsu atafi yana dariya.

Godiya litte yayi masa sosai cike da farinciki sannan ya amshi makullin motar yanufi inda take, bayansa Dr yabi yariqa masa suka cire ledar dake jikinta sannan yashiga cikinta bakinsa d'auke da addu'a ya fiddo tare da sake fita ya kwaso kayansu a waccan motar yazuba sannan suka sake yimasu sallama suka shiga suka tafi su Dr da ita rashidar da Fatima da sauran yaransu nayi masu addu'ar ALLAH ya saukesu lafiya bayan ya tabbatar masa dasu tafi ahankali har su isa lafiya don SANNU SANNU bazata hana tafiya ba...tunda har sun tashi dawuri.

Suna kan hanya hajia nafeesa takira awaya don tun jiya sukayi sallama dasu tace mata gasu sun kama hanya a sakasu a addu'a, cike da jin dad'i tayita zuba masu addu'a tanaji tamkar tabisu taga irin farincikin da Abba zaiyi idan yaga yanda batool d'insa takoma fiye da yanda take son ta kasance akoda yaushe, tasan baqaramin dad'i zaiji ba musamman idan yaga 'yan kyawawan jikokinsa.

Suna gama waya takira hajia mama da Abba tayi masu albishir cewa Batool d'insu nakan hanya batare da tasan zullumin da suke ciki akan faruwar hakan ba.

Suna gama wayar hawaye suka ratatowa hajiya mama a fuska, cikin tawakkali tare da miqa dukkanin lamurranta ga ALLAH tace.

"Ubangiji ALLAH ya kawosu lafiya, dama nasan kafiyar batool bazata bari ta haqura ba, musamman yanda kullum take fata da d'okin ganin wannan ranar da abbanta zai jaye tsattsaurar katangar daya shata a tsakaninsu."

Kallon Abba tayi da fitowarsa kenan wanka yana goge jiki yaji abunda hajia nafeesa tafad'a yayi mutuwar tsaye awajen.

"Kayi haquri ka amshi duk abunda ALLAH zai zo mana dashi duk da ni aqasan zuciyata banyi Imani da mafarkinka zai tabbata akansu ba, Abu d'aya nayi imani dashi shine, ALLAH yakan sassauta jarabawar bayin da suka roqesa kuma ya sauqaqa qaddarar daya tsaro zata faru akansu, don haka kawai ku haqura da wannan tafiya kuma muyi fatan ALLAH yakawosu lafiya."

Kasa cewa komai yayi yayi qarfin hali yagyara yaje ya sanar da 'yan uwansa da tuni suma sun shiryo da zimmar tafiyar, nan take duk sai sukaji jikinsu yayi sanyi Amma sai sukayi qoqarin b'oye hakan don kar damuwarsa ta lunku.

Arwala hajia mama tayi taje taci gaba da ganawa da ubngijinta akan ALLAH ya kawo masu su lafiya.

••• ••• •••
Dr Nuraddeen kuwa yana tashi da asuba bayan ya gama sallah tare da azkar yasamu manajan hotal din yace yana buqtar a bincika masa idan akwai jirgin da zai tashi zuwa kano yau ayi masa booking..

Nan take da yake sun gashi da maiqonsa ba'afi mintuna goma ba suka binciko masa amma jirgin sai zuwa Sha biyu da rabi na rana zai tashi, baiso hakan ba, gashi bazai iya doguwar tafiya ba saboda yanayin gajiyar dake tare dashi da wani iri da yake jin kansa saboda fargabar data addabesa kuma bazai iya bin motar kasuwa ba yasa dole ya haqura yace ayi masa booking dinsa hakanan.

Tuni ma'aikatan airport d'in suka sanar da 'yan jarida da 'yan redio cewa shahararren likitan da ska buqaci subasu bayani akansa jirginsa zai tashi nan da awanni hud'u da rabi kamar yanda yayi booking da safennan.

Kan kace me tuni manema labaran suka Isa filin jirgin bayan sun sanar da abokanan aikinsu dake kano cewa su zamo cikin shiri don wanda suke neman labaransa zai iso nan da awanni biyar da rabi masu zuwa.

Lokaci na cika ya shirya cikin suit d'insa farare sai jar riga ta ciki da farin necktie yasa takalma irin cover shoe's din nan suma farare sannan ya d'auki jikkarsa yaje ya biya charges din masu hotel d'in tare da yimasu alkhairi Mai tsoka suna ta jin dad'i had'e da yimasa godiya.

Tsabar farinciki manajan da kansa ya d'aukesa cikin motarsa ya kaisa airport,

Yanda yaga taron manema labarai ya tabbatar masa da cewa sun samu labarin dawowarsa kenan, cikin halin ko inkula yafito ya fara takawa zuwa bakin jirgin don tuni an soma kiran pasinjas don har sun soma makara, kasancewar tuni fuskarsa ta bayyana ga labaran qasar malesia yasa suna ganin fitowarsa sukayo ruuu kansa, sai dai yaga hasken kyamarori na bugar masa buska da wasu dogayen abun magana da aka karo masa,

Fuskarsa ba yabo ba fallasa ya tsaya yana fuskantarsu daidai yana jiran tambayoyin da suka shirya yimasa, Wanda kai tsaye labaran suke tafiya ga kafafen yad'a labarai.

Tunda suka fara tambayoyinsu bai amsa masu ko d'aya ba har sai da yaji sun saurara.

Daidai lokacin Rashida ta shigo cikin falon su Dr da fatima na zaune suna kallon labaran da tun safe suke jin ana yayatawar dawowar wani shahararren likita, amma ko kad'an basu kawo hakan aransu ba cewa wai Dr Nuraddeen ne mijin Rashida, Saida sukaji cikin harshensa na turanci yafara amsa masu tambaya d'aya wacce ita kad'ai yaji zai amsa, lokacin Rashida na bayansu tayi mutuwar tsaye ganin fuskar da bazata tab'a iya mancewa da ita ba.

_"Nadawo qasatane awannan lokacin saboda duhun da ALLAH ya yayemun dake kaina har nakasa banbance koni waye, Wanda shi kad'aine yasan dalilinsa na jarabtata da hakan, batun shekarun dana kwashe awaccan qasar batare dana waiwayo qasata ba shikuma rubutacciyar qaddarar rayuwata ce dako ina so ko bana so saita tabbata akaina, zancen iyayena, ahalina da iyalina Kuma..."_ kafin ya qarasa kawai sai akaga ya fashe da kuka tare da haye matattakalar da sauri.

Ita kuwa Rashida sai jin kukanta kawai sukayi ta duqe wajen, cikin wata irin murya mai cike da ban tausayi tana fad'ar.

"Ko kad'an bayada gaskiya, bazai iya wanke kansa ba, wannan kukan duka na kunya ne da nadamar abunda ya aikatawa qasarsa, iyayensa, matarsa da kuma d'ansa har taya zai iya bada wannan amsar bayan yasan tuni yabada ita ga idanuwan duniya."

_afuwan idan bakuji dad'in rashin had'uwar little da mahaifinsa ba, ko kad'an yau idan suka had'u a titi abun bazai bada ma'ana ba balle ya qayatar, SANNU SANNU dai bazata hana mu Isa wajen ba gobe in sha ALLAH, pls kuyi haquri kuma kusani cikin addu'o'in ku saboda zazzab'i na nema yayi Mani qawanya👏thanks all_




*ALLAH KAJIK'AN IYAYENMU*👏😭
[11/14, 22:52] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

_Gaisuwa tare da fatan alkhairi agareki ROUHINAH, *FATIMA TAMBARY (BATOOL)* Aminci ya tabbata agareki tare da dukkanin alkhairan Allah bisa soyayya da qaunar da kike nunamun, fatana ubangiji ALLAH ya baki miji nagari da zai kula dake har qarshen rayuwarki kuma yakare mana ke aduk in da kike, soyayyarki ga wannan littafi na matuqar faranta mani, ubangiji ALLAH yabar tare har a aljannah fiddausi👏_

Page___103💎

Tsaye sukayi had'e da qurawa motar idanuwa suna kallo, yayinda d'an jaridar naganin motar ya juya da gudu yanufi wajen riqe da makirfon d'insa hannu.

Kafin kace me tuni manema labaran sun dandazo a bakin motar sai hasken kemarori kawai kake gani nafita tako ina tun kafin yafito, so yake yafito amma duk sun tare wajen babu ta yanda za'ayi ya bud'e gambun motar balle yasamu fitowa, hakan yasa yayi zaunensa aci yana kallon ikon ALLAH, wata motar jami'an tsaro ce naga ta shigo aguje wanda mataimakin gwamnan jahane ya sake turosu saboda sanin taron da 'yan jaridu sukayiwa garin don kar wata matsala tafaru, tun kafin motar ta tsaya wasunsu suka dingi dirqowa daga samanta suna kukkutsawa cikin mutane da tutturesu gefe har suka iso bakin motar suna faman mazurai da idanuwa.

Saida suka tabbatar an saki hanyar da zai iya wucewa sannan wani yasa hannu ya bud'e masa gambun motar, a hankali ya azo qafarsa waje kafin ya ida fitowa da gangar jikinsa gaba d'aya yana qarewa qofar gidansu kallo, tana nan ayanda yasanta babu wani sauyi atattare da ita balle jikin gidan, wata irin damuwa yaji tarufesa yana mai tuhumar kansa akan cewa duk laifinsa ne daya jawo wannan rashin samuwar sauyin da aka samu ako Ina cikin wannan shekarun atattare da iyayensa, ji yayi wasu zafafan hawaye sun zubo masa xubo masa a fuska ga 'yan jarida kuwa sai famana aikinsu sukeyi na yimasa hotuna, cikin sanyin jiki ya fara takawa zuwa wajen yayin da su kuma su baffa dake kallon ikon ALLAH daya ishesu tun d'azu ganin yanda hankalin kowa yakoma akan wannan motar ana jiran fitowar ko suwaye aciki amma shiru yaqi fitowa suka fara qoqarin juyawarsu da nufin shigewa gida, suna juyawa suka sake juyowa da sauri saboda tozalin da idanuwansu suka yimasu da fuskar mai fitowa daga cikin motar da bazasu tab'a manta tab'a, cikin wani irin matsanancin mamaki baffa ya shiga nunasa da hannu, murza idanuwasa ya sakeyi yana son gasgata abunda suka gane masa, tabbas ba shakka wannan Nuraddeen d'insa ne, cikin karkarwar murya bakinsa na rawa yafara matsawa zuwa garesa yana cigaba da nunasa yana fad'in,

"Sh..shi..shinefa Usman, d'a..d'ana ne nu..ra!,"

"Tabbas shine ne yadawo Yaya, nuran mune bako shakkah." baffa Usman yafad'a yana hawaye, baffa Ali kuwa cikin d'ingishin katakon da yake takawa dashi yanufi wajen Dr Nuraddeen dake nufowa wajensu idanuwansa na tsiyayar da hawaye saboda yanda idanuwansa sukayi masa tozali da iyayensa awani yanayin da ba hakan yaso ba, yanda 'yan jaridun suka yimasa qawanya suna faman d'aukar hotonsa had'e da jefo masa tambayoyi kala kala suna Kara masa makirfon d'insu don neman amsa yasa ya shiga sa hannuwa yana tutturesu gefe don ya qarasa izuwa ga iyayensa dake tun karowa, tsabar saurin da baffa Ali keyi ya isa garesa yasa katakon da yake takawa dashi ya dinga gocewa daga hannunsa yana qoqarin fad'uwa, ganin hakan yasa Dr Nuraddeen d'aga qafa ya qarasa garesa da sauri ya riqesa yana binsa da kallo, zamewa qasan qafafuwansa yayi had'e da rirriqesu sosai yana kukan takaici da nadamar abunda ya aikata, cak Nuraddeen ya tsaya yana kuku cike da tausayin meya sami qaramin baffansa haka har ya rasa qafarsa, cak baffansa ya tsaya lokacin da sukazo dab dashi wata irin ajiyar zuciya ya sauke tare da rufe idanuwansa hawaye suka shiga zarya akan fuskarsa ya durqushe wajen had'e dayin sujada saboda tsananin farinciki, kuka baffa keyi sosai acikin sujadar yana kirari ga ubangijinsa had'e da washi da yabo daya dawo masa da d'ansa kuma gudan jininsa agaresa a lokacin da baiyi zato ba balle tsammani, yajima a hakan kafin baffa Usman da tsantsar farincikin dake kwance a fuskarsa ya kasa b'oyuwa yasa hannu ya d'ago sa, tsananin kukan da yayi yaqara karya zuciyar Dr Nuraddeen hannayensa na rawa yasa duka biyun ya riqo fuskar baffansa da gaba d'aya ya kasa magana sai binsa kawai yakeyi da kallo yana zubar da hawayen da tun d'azu suka kasa tsayawa,

"Baf..ba.baffaa.." Dr Nuraddeen ya fad'a tare da jawosa ajikinsa, riqesa sosai baffa yayi tamkar wanda za'a kwacewa cikin muryar da tamkar yana rad'a yace.

"Nurah..!" Cikin wani irin sauti dake nuna tambayarsa ce yakeyi wai shi d'in da gaske.

Jinjina kai kad'ai Dr Nuraddeen ya shigayi wasu hawayen na zubowa a fuskarsa wasu bayan wasu tare da sake rungume baffa sosai ajikinsa, tun yana kukan marar sauti har yafara wanda kowa ke iyajin sautinsa da qarfi yana fad'in

"Ka yafemun baffa.."

Ciro sa baffa yayi a jikinsa Nuraddeen yayi saurin riqo hannayensa ya shiga marin fuskarsa dasu yana fad'in.

"Ka hukuntani baffa, ka mareni sosai mana, ka dake da qarfi yanda zanji zafi kafin ubangijina ya hukuntani da kansa!, Kaico na kaicon rayuwata, mezan cewa ubangijina bisa butulci da wofantar da iyayena da nayi aduniya?, Ka hukuntani baffa na cancani hakan ko zaka rage rad'ad'in da kakeji azuciyarka, kayimun duk abunda zaisa kaji sanyi aranka baffa ko ubangijina zai yafemun zunubin haqqoqanku dana tauye dake kaina."

Kuka yakeyi yana marin kansa sosai da hannayen baffa har saida yagaji don kansa ya durqushe agabansa, gaba d'aya baisan ta Ina zai fara roqon mahaifin nasa wannan mummunan laifi mafi girma da yayi masa ba aduniya, duk 'yan jaridun da motananen gari dake wajen suma sai hawaye sukeyi yayin da wasu suka dakata da d'auke d'auken hotunan suna kallonsu wasu kuma mutanen garin da suka san da zancen sai qus qus akeyi ana fad'in, ai shine d'ansa daya tati qasar turai yayi zaunensa, shine ai, shine yadawo...haka dai sukayi suruttansu, ji yayi baffa ya d'ora hannayensa akan fuskarsa yana goge masa hawaye had'e da cewa.

"Taya zan iya hukuntaka nura bayan bakada laifin komai?, Taya zuciyata zatayi zafi da quna saboda kai bayan kai aka zalunta?, Kadena kuka baffanka baya fushi dakai balle kaico tazamo cikin tsarin rayuwarka, kai amintaccen d'ane awajena, nasan kowaye d'ana bazaka tab'a wofantar dani ba koda akan juji nake kwana kuwa, nasan ko wace irin tsadaddiyar kyautace kai da ubangijina yayi mani bazan tab'a bari zuciyata taci gaba da zargin kaba bayan gaskiya ta bayyana agareni, ina kukane awannan lokacin kawai saboda farincikina daya dawo Mani bayan wasu tsawon shekaru da shed'anin mutum dana aljanin suka tasirantu acikin rayuwarsa da son zuciyar wud'anda ke tunanin anzaluncesu har suka rabani dashi na tsawon wannan lokacin, na sani kaifin hankalinka da qarfin tunaninka bazasu bari ka iya mantawa damu ba don haka bazan yaudari kaina ba ta hanyar d'ora maka laifin da bai zamo naka ba kuma bazai tab'a zamawa naka ba,"

Cikin kuka Dr Nuraddeen dake kallonsa da sauraran kalaman da gaba d'aya sukasa yaqarajin haushin kansa na nisanta da mahaifinsa na tsawon wannan lokaci batare daya san dalilinsa nayin hakan ba.

"Karka fad'i hakan baffa, ni mai laifine agareka, taya d'an dake da mahaifi kamar ka dake da zuciyar zinare ace ya rabu dashi cikin matsananciyar rayuwa da kuma damuwa na tsawon lokaci kuma har ace baiyi laifi ba?, ace kaico bazata biyo baya arayuwarsa ba, ya ALLAH! Wace irin gagarumar hasarace na tabkawa rayuwata?, Wace cutarwace nayiwa kaina da zata had'ani da shiga ukuna nahar abada?"

Had'a hannayensa yayi waje d'aya cikin wani irin kuka dake qiqqire lumfashinsa yanaci gaba da cewa.

"Natuba baffana kayi haquri ka yafeni, bansa taya hakan tafaru ba!, bansan ko meye ya shiga kaina ba na aikata hakan!, bansan abunda ke faruwa da rayuwata ba, Na gujeka alokacin da kake tsananin buqatata, na butulcewa qasata, na zalinci kaina baffa meye makomata?"

Saida baffa ya share hawayen fuskarsa da goge qasan hancinsa sannan yace.

"Bakada makomar data wuce kyakkyawa aduniya nura, kuma baza kasan dalilin dayasa kayi hakan ba domin bakada niyar aikata hakan aranka, bazaka san meyasa hakan yafaru dakai ba domin ALLAH ya lullub'e mana sanin abunda ke gaibi, kayi imani da cewa wannan qaddarar kace da bazamu iya hana tafaru akanka ba, ka yarda ALLAH shiya tsaro maka hakan kuma karoqesa akan hakan yazamo yafiya da kankarar zunuban da kayi masa, ni nayarda da tsarin qaddara mai kyau da marar kyau akaina da kuma dukkanin zuri'a ta, fatana kawai ALLAH yasa daraja da d'aukaka ta biyo bayan amincin da mukayi ga qaddarar daya tsaro mana. Ka kwantar da hankalinka araina banida wani qaiqayi ko damuwa akanka"

"Amma baffa..."

Zaiqara wata maganar baffa Usman yayi saurin rufe masa baki tare da d'agosa daga durqushen da yake agabansu yana fad'in.

"Ya Isa haka mana nura, kasan ko waye mahaifinka don haka kayarda dashi akan abunda ya fad'a kaji ko?."

"Kuyi haquri baffa Usman wlh bada son raina na ba hakan ta kasance.."

"Nima nasani nura, ubangiji ALLAH ya tsare gaba kuma yaqara kareku aduk inda kuke, mukam Alhamdulillah mungode ALLAH tunda ya dawo mana dakai lafiya babu sauran wani Abu tsakaninmu dakai sai ALLAH yayi albarka." Juyowa Dr Nuraddeen yayi yana kallon baffa dake murmushi hawaye kuma na kwance a fuskarsa lokaci d'aya ya jinjina masa kai alamar gaskiyane abunda baffa Usman ya fad'a.

Baffa Ali kuwa da tuni kunya da nadamar abunda yayi tasa yaji Bari shi da kansa ya tona asirin kansa duniya tasan ko meye silar rashin dawowar little qasarsa masu zaginsa da zarginsa sudena, don inba hakan ba yasan 'yan uwansa bazasu tab'a bayyana masa ko meye gaskiya abunda yafaru akan saba, don haka kai tsaye yanufi wajen 'yan jaridar yace suzo zai basu labari akan abunda yafaru da Dr Nuraddeen har yakasa dawowa qasarsa, su baffa nacan na koke kokensu saidai suka hangosa 'yan jarida sunsa shi agaba yafara basu labarin komai..

_"sunana Aliyu Aliyu amma amfi sanina da baffa Ali kamar yanda ake kirana, ni qanene ga mahaifin Dr Nuraddeen, nakasance mutum mai son kansa Wanda hakan yasa nayi sha'awar aurawa shi Dr 'yatah batare da nayi la'akari da yanada wacce yake so ba ko baya da ita wanda sanadiyar hakan yasa da bai aureta ba muka azawa yarinyar daya aura tsana....." Haka yayita basu labarin komai tun daga farko har zuwa qarshen sakamakon da suka samu daga wajen ALLAH dashi har matarsa, ya qara da cewa.

"Masu zargin sonkai da abun duniya yasa Dr Nuraddeen ya guji qasarsa yaqi dawowa to ku dena ba haka bane, sahrrin shaid'an yasa batare da nayi la akari da cewa shid'in d'and'an d'an uwana bane muka aikata masa abunda yasa ba qasarsa ba hatta iyayensa da ahalinsa saida ya manta, nayi kuka sosai da nadamar hakan lokacin da shiriya tazo mani bayan ubangiji yayi masa sakayya shida mahaifinsa tun duniya akaina, wannan kuwa shine sakayyar da ALLAH keyi ga bayinsa da aka zalunta koma fiye da hakan."

Ya qare maganar had'e da nad'e qafar wandonsa da aka guntulu gundululun wajen yafito, sannan ya bud'e wasu sassansa qurajen da ke jiki suka bayyana dama tuni na fuskarsa sun bayyana.

Ana hakanne su baffa suka ahamo da abunda yakeyi da sauri Dr Nuraddeen da kusan yaji duk wasu abubun yazo ya jayesa yana qare masa kallo tun daga saman fuskarsa dake cike da quraje har zuwa qafarsa da aka yanke ya rungumesa yana fad'in.

"Meyasa baffa Ali?, Me yasa zakazo ka tonawa kanka asiri bayan ALLAH yarufa maka, idanma laifine aini yakamata na sani ba duniya ba, don me zaka zab'i tozarta kanka hakan?"

"Kayi haquri nura, son zuciya ne, gashi yanzu ta kaini ga nadama kala kala, don ALLAH ka yafemun kuma kayafewa ruqayya."

Yafad'a cikin kuka had'e da qoqarin zamewa yaduqa agabansa yayi saurin d'agosa.

"Baffa na yafe maka duniya da lahira, Kai mahaifina ne da har yanzu nake alfahari da shi, kuma zanci gaba da alfahari dakai har iya qarshen rayuwata, kowa na kuskure kuma mafi girman mutum acikin mutane shine wanda zaiyi laifi kuma ya gano cewa yayi laifi ya tuba har yayi qoqarin guarawa, haqiqa kai d'in babban mutumne mai girma baffanmu,"

A yanayin yanda Nuraddeen ya karb'i zancen har yayi saurin yafewa qanen mahaifinsa shine babban abunda yafi burge wasu daga cikin 'yan jaridar har yasa suka dingi tafawa Dr Nuraddeen.

Sosai Dr Nuraddeen yake jin rad'ad'in abun aransa amma ganin irin yanda rayuwar baffa Ali takoma yasa Dole ya haqura da duk abunda yakeji ya yafe masa kamar yanda yake fatar shima ubangiji da sauran al'ummar da take tare dasu suyafe masa laifin da yayi masu tunda mai faruwa tariga da tafaru.

Hannayensa yasa ya goge fuskarsa da idanuwansa da suka soma kumbura sukayi jawur saboda kukan da yayi sannan ya fuskanci 'yan jaridar yana kallonsu d'aya bayan d'aya, yanda yake kallonsu yasa sai duk sukaji jikinsu yayi sanyi suka nonnoce kai qasa, babu wata tambayar daya rage suyi masa don gaba d'aya sun samu amsoshinsu abakin qanen mahaifinsa, izuwa yanzu suna ganin yakamata su dakata da wannan bibiyar da suke yimasa har zuwa wani lokaci idan buqatar hakan tasamu don ayanayin da suke kallonsa duk rashin imanin mutum dole zai tausaya masa, kusan mintuna biyar suka kwashe babu wanda yace uffan shi kuma bai ce komai ba domin ayanzu yanada qwarin guiwar da zai iya amsa dukkanin tambayoyinsu, can cikin qarfin hali wani d'an jarida yace.

"Ranka ya dad'e ko me zakace ga abunda yafaru da kai ta sanadiyar qanen mahaifinka daya cutar dakai tahanyar yin asiri ya rabaka da qasarka iyayenka, da kuma iyalinka kamar yanda yafad'a.?"

Cikin zafin rai Dr Nuraddeen ya d'agawa d'an jaridar yatsa had'e da cewa.

"Kuskurene yin hakan agareka domin shi d'in mahaifina ne, don haka kada kaui yunqurin shigahurumin da ba nakaba, kada kayi qoqarin fad'in kalmar b'atanci akansa domin shi d'in babban mutum ne kaji nafad'a maka.."

Yana rufe baki wani ya sake kad'o wata tambaya kamar hakan.

"To Amma ranka ya dad'e baka ganin hakan da kayi kamar kabud'e qofar da wani na nesa ko kusa zai iya sake qoqarin cutar dakai ganin yanda ka kasa d'aukar mataki akan wanda ya cutar..."

Bai qarsa ba Dr Nuraddeen yace.

"Kaima ka kiyayi harshenka akansa, ko bakajin nafad'a masa cewa shid'in mutumne mai girma, ni awajena bayada sauran laifi, na yafesa ga duk abunda yayimun kuma nayarda da cewa kuskurene wanda ni da kai da Kai da kuma kai duk zamu iya aikatawa," yaqare maganar yana nuna kansa da wanda ya tambayesa farko da kuma shi wanda yake bawa amsa yanzu.

"To wane yanayi yanzu da kadawo qasarka kake jin kanka aciki yallab'ai?"

"Alhamdulillah!, Yanayine da bazan iya misaltasa ba saboda farinciki, amma duk da haka inajin damuwar wani sashen atare dani, wanda nake fatan had'uwa dashi nan kusa bada jimawa ba."

"Ranka yadad'e idan na fahimceka kamar kana magana akan iyalinka ne ko?"


"Qwarai kuwa amma bazance komai akansu ba domin bansan wane irin aiki qundin qaddara ya wanzu atsakanin ni dasu adaidai wannan lokacin, sai dai koma meye na tabbata cewa rouhi bazai rabu da gangar jiki ba kuma har asamu cigaban wanzuwar rayuwar."

"Wane irin qalu bale ka fuskanta ayayin da kake zaune awaccan qasar?"

"Babban qalu bale shine rashin rouhi a gangar jikina da kuma rayuwar kad'aicin abokanan da zasu tayani ingantacciyar rayuwa inba kayan aiki naba."

"Yallab'ai Inna fahimta kenan bakada iyali acan?"

"Taya zanyi iyalin bayan suna anan!?"

"To taya akayi kadawo hayyacinka har kabuqaci dawowa qasarka."

"Wannan daga ALLAH ne da kuma qarfin addu'ar iyaye da suka dage da yimun, duk da inada yaqini akan akwai wata addu'ar ta musamman dake tare dani tana bani kariya."

"Ya batun aikinka daka baro, shin zakaci gaba dayin sane aqasarka ko ka ajiyesa kenan!"

"Banida amsar wannan har sai yuyuwar hakan tasamu, Amma Ina so qasata ta sani nadawo da zimmar taimakon duk wanda ke buqatar taimakona a fannin abunda nakaranta."

"Wane sqao zaka miqa zuwa ga 'yan qasarka?."

"Su zamo masu yadda da qaddara aduk yanda ta riskesu, su zamo masu uzuri, yafiya da kuma kyautata zato ga wanda suke tunanin ya zaluncesu, qaddara abace da batada shamaki ga dukkanin mutumen dake da rayuwa, wani tazo masa da sauqi wani kuma tazo masa