You Cannot Download this book untill you login but you can read it .

---

Login Register

a akasin hakan, to aduk yanda tazo maka ka amsheta hannu biyu kuma kayi haquri, in Sha ALLAH zakaga qarshenta domin ita mai zuwa ce da kuma wucewa, arayuwa kuwa duk nisan abu to SANNU SANNU bazata hana zuwa ba..Kuma zaka riskesa da yardar ALLAH,"

Haka yayita sauraren tambayoyinsu daki daki yana amsawa har suka gama sannan yayi sallama dasu.

Nan suka nufi wajen baffa shima suka yi masa tambayoyi shida baffa Usman suka basu amsa fuskokinsu a sake Wanda hakan ke nuna irin tsantsar farincikin da suke ciki, sunso abarsu su gana da mahaifiyar Dr amma baffa yaqi amincewa da hakan, hakan yasa suka harhad'a inasu inasu suka fara tafiya bayan sun gama d'aukar hotunan wuraren da duk suke buqata da suka shafi Dr da kuma rayuwarsa batare dasu baffa sun hanasu ba.

A daidai lokacin da suke fita qauyen mashin ya ajiye little qofar gidan yana faman binsu da kallo sannan ya nufi cikin gidan, bakin zaure ya tsaya yana kwad'a sallama wanda hakan yasa Dr Nuraddeen dake zaune agaban Yaya hawwa ya rirriqeta yana kuka tana kuka saurin juyawa.

Baffa bai cemasa komai ba yafita d'akin yayi wurin little ita kuma Yaya hawwa sai faman kuka takeyi tana shashshafa fuskarsa tunda ba gani takeyi ba tana fad'in.

"Ina kashigene nura kabarni?, Meyasa zaka gujeni bayan kasan yanda nake tsananin sonka?, kayi haquri nura kayafeni, na tubarwa ALLAH nayi nadamar laifina, kayafe mani kada ka koma tafiya kaji nura, bazan sake ba kaga nariga da nazo gazgara don ALLAH kabari karufeni da kanka idan na mutu."

"Haba innarmu bazaki mutu yanzu ba kidena fad'ar hakan, ba guduwa nayi ba, ba fushi nake dake ba domin banida wannan zarrar da zanyi fushi da mahaifiyata da nake matuqar qauna, sharrain shed'anin mutum dana miyagun aljani ya nesantani daku, amma yanzu nadawo agareku nahar abada in sha ALLAH innar mu, iyaye ai ba'a fushi dasu."

"Shine katafi kabarni kullum cikin kiran sunanka amma baka amsa ba balle kazo." Taqarasa maganar tar da fad'awa jikinsa tana cigaba da kukan, rungumeta yayi sosai yana fad'in.

"Kiyi haquri innarmu, bazan sake ba."

"Ka tabbata bazaka sake tafiya ka barni ba?."

"Eh innarmu bazan tafi nabarki ba har abada."

"To Ina kabaro Rashida, itama fushi take dani ko, ka kirata naroqeta tayafemun kafin namutu da haqqinta, duk da idanuwana basa gani amma ina so nasake had'uwa da ita naroqeta ko zata yafemun abubuwan dana aikata mata."

Gabansa ne yayi wani irin mugun fad'uwa jin abunda ta ambata saboda tsoran kar ace dai ana nufin ba'aga Rashidarsa bane!, A daidai lokacin little ya shigo d'akin shikuma da gudu saboda albishir d'in dasu baffa suka yimasa cewa mahaifinsa ya dawo, wani irin burki yaja abakin qofar d'akin ganin mutum zaune tsakar d'aki rungume da Yaya hawwa, tafiya ya dingayi tamkar wanda qwai ya fashewa acikin ciki har ya iso cikin d'akin ya duqa ya tab'o Dr Nuraddeen don dama yaba qofa baya ne, juyowa Dr yayi da nufin ganin kowaye Wanda hakan yasa little ja da baya da sauri har yana shirin fad'uwa ganin mutumen da suka rabu dashi d'azu bada dad'ewa ba.

Shima qoqarin cire Yaya hawwa yafarayi ajikinsa yana kallon little amma sai tafashe da kuka tan fad'in.

"Karka tafi kabarni nuraaaa." Taqarasa maganar cikin irin yanayin da kai da kaji kasan muryar tsofaffin dake cike da tsoron faruwar wani abune akansu, cike da rud'ewa gaban little ya fad'i sai kuma yaji baffa Usman dake shigowa shi dasu baffa ya dafosa yayi saurin zabura had'e da juyawa, qarasa turosa baffa Usman yayi acikin d'akin cikin rawar murya little yace

"Tsa..tsaya, tsaya baffa, nakasa fahimtar wani abu anan, shin waye wannan mutumen da tun jiya a borno yake bibiyata? kuma Ina mahaifin nawa da kukace ya dawo?"

"Natsu mana Abu sumayya, wannan da kake gani shine mahaifinka, shine babanka Nuraddeen yau yadawo qasar nan."

Wata irin razana little yayi tare da Isa gaban Dr Nuraddeen da tsananin kunya tasa shi duqar da kansa qasa yana hawaye.

Hannu yasa ya d'ago fuskarsa had'e da furta cewa.

"Mai gida kaine mahaifina?,"

Dr da bayada zarra da kuzarin da zai iya kallon qwayar idanuwan little ya amsa masa cewa shi d'inne saboda yanda suka had'u har kusan so ukku Amma yakasa tabbatar masa da cewa shine mahaifinsa sai yanzu ya d'ago kai yana kallonsa yace.

"Bazan iya amsa wannan tambayar ba domin bancika duk wasu sharud'd'a d'aya kamata mahaifi yacika ga d'ansa ba, baici in amsa wannan suna agareka ba b'acin nakasa amsar kulawa da rayuwarka tunda kazo duniya, bansan da wane ido zan kalleka ba ince nine babanka, bansan da wud'anne idanuwa zan kalleka nace Kai d'ana bane don ALLAH kayafeni."

Ya qarasa maganar yana had'a hannayensa waje d'aya, wani kuka Yaya hawwa ta fashe dashi jin hawayen Dr dake rungume da ita ajiki na zuba mata a fuska tana fad'in.

"Wayyoo.. ALLAH wayene yasa d'ana kuka, don ALLAH kada kub'ata masa rai yagudu ya barni."

Dafata little yayi yana fad'in,

"Kaka taya kike tunanin zan b'ata ran mahaifina Dana dad'e Ina mararin gani?, Na dad'e Ina mafarkin had'uwata dashi kafin nakoma ga mahaliccina?, Na dad'e Ina tanada soyayyar da nake yimasa araina har zuwa lokacin da zai dawo agaremu?, Ko kad'an bazanyi hakan ba kaka domin Ina matuqar qishin son ganinsa."

"Waye kai Kuma.?" Tafad'a tana qoqarin lalubo fuskarsa, riqo hannunta yayi ya d'ora akan fuskarsa yace.

"Nine jikanki kaka, d'a awajen gwaggona Rashida Kuma jinin d'anki dake gabanki."

"Wayyo ALLAH na kada kuyau dareni don bana gani, jikana kuma?, Ina kabaro mahaifiyarka?, Ita bazata zoba fushi take dani?,"

"Ko kad'an kaka babu yaudara ni jikanki ne, kiyarda dani ko don ta hanyar muryar mahaifina dana d'auko."

"Nayarda amma shine kaima ba ka zuwa kana dubani?, Kayi haquri kada ka tsaneni sharrin shaid'an da zuciya sukasa na aikata abunda nayiwa mahaifiyarka, don ALLAH kace tayafeni nayi nadama"

"Taya na tsaneki kaka bayan ko yaushe nakanzo na dubaki, wannan kukan naki da kike yawanyi kina ambaton mahaifina shiyasa bazan iya yimaki magana ba don kada kid'auka shid'inne kukanki ya tsananta."

Cike da sha'awa da kuma burgewa Dr ke kallonsa, gaba d'aya sak d'abi'unsa basada banbanci dana mahaifiyarsa haka sautin muryarsa data dad'e tana yimasa yawo a qwaqwalwa don tunano mai irinta batada banbanci da tasa, Ashe shid'in d'ansa ne, jininsa ne shiyasa jikinsa ke bashi kamar yanada alaqa da habibtynsa ashe shid'in d'an sane, hannu little yasa ya rungumosu gaba d'aya shida Yaya hawwa da tabi ta naniqe ajikin mahaifinsa wasu hawayen farinciki nazubo masa yace.

"Alhamdulillahilazi bini'imatihi tatimmusswalihaat."
Shiru yabiyo bayan wasu mintuna kafin Dr Nuraddeen yace.

"Mahaifiyarka kuwa?, Anya kanaji zata iya yafemun?"

Da sauri baffa yace

"Mezai hana idan bakayi qasa da guiwaba wajen zuwa gareta."

Da qarfi Dr yajuyo yana kallon mahaifinsa yace.

"Taya baffa!, Nasan cewa hakan zaiyi mani wuya don babu tantama ayanzu tana aqarqashin inuwar wani. Sanin cewa anganeta bayan tafiyata da nayi yanzu da kuma jin cewa tana raye cikin qoshin lafiya, da damar had'uwa da d'ana data bani kawai ya wadatar basai naje na haddasa mata damuwa ba agidan aurenta, qaddarata kenan arayuwa wataqil rasata da nayi shine hukuncin da ALLAH zai yimun akan abunda na aikata." Ya qarasa maganar yana goge hawayen da suka zubo masa ya ajiye Yaya hawwa gefe tare da miqewa yabar d'akin, qofar part d'in da sukayi zama ya nufa yayi zaune yan kuka tamkar wani qaramin yaro, shikenan yanzu yajawa kansa rasata sanadiyar nisanta kansa da yayi da ita, wannan wace irin rayuwace da akoda yaushe jarabawa mai nauyin gaske ke biye da ita

Kallon little baffa yayi shima ya kallesa sukayi murmushi sannan sukabi bayansa, daidai lokacin baba nusaiba ta shigo fuskarta cike da farinciki taci karo dasu Inna Bilkisu dake tsaitsaye suna jimamain yanayin da Dr yafito ya shiga ciki, nan fa tashiga tambayar Ina Nuraddeen d'insu da akace ya dawo, kafin tabata amsa yayi saurin d'ago kai yana goge qwalla aka shiga gaggaisawa, kan kace me tuni gidan ya cika da masoya da abokanan arziqi na gaskiya da muna fukai ana taya baffa murna, Inna Bilkisu kuwa ba'a magana yanda kikasan ta tashi sama, farincikinta biyu dawowar Dr Nuraddeen da little daya bayyanar mata ita alokacin a matsayin d'ansa, Wanda hakan ba qaramin dad'i yayi mata ba cewa tuni anga Rashida ashe harda abunda ALLAH ya arzuttasu dashi, anan ta zage tana tayasu murna tare da yiwa Dr bayanin kowace baba nusaiba awajensa da kuma 'ya'yanta da suke matsayin qanne agaresa d'aya bayan d'aya, yaji matuqar dad'i sosai kafin yafara tambayar mutanen gidan inda nan aka sanar dashi rasuwar Inna ruqayya da auren muneera, yayi jimamin mutuwar Inna ruqayya sosai tare da nema mata gafara, ad'aya b'angaren kuwa yayiwa muneera murnar aurenta da tayi bata tsaya jiransa ba, ana hakane sai gasu baba balarabe dasu Yaya Maryam sun iso don tuni labari yakai kunnensu saboda kafafen yad'a labarai babu ta inda bai jeba, tsananin farinciki yasa suka kasa haquri suka biyo hanya don tabbatarwa kansu abunda sukaji tare da roqon baffa yafiya bisa laifin da sukayi masa na b'oye masa ganin Rashidar da akayi da kuma nura d'ansa, musaman Yaya Maryam da tafi kowa nadamar hakan don dama tuni su baba balarabe da aunty marwiyya su sun zubar da makaman yaqinsu, tayi kuka sosai tare da nadama akan yanke hukuncin da tayi bisa rashin sani don gaba d'aya taji bayanin da baffa Ali yayi a qafafen yad'a labaran da 'yan jaridun da gidan redio da talevision sukayi.

Murmushi kawi baffa yayi had'e da cewa "babu komai tsarin ALLAH ne duk da dai itama tayi haquri tuni an had'asa da jikansa, kawai ba'a bayyana hakan bane don kada taji har zuwa lokacin da ALLAH zaiyi ikonsa kuma gashi SANNU SANNU ALLAH yakawo lokacin."

Kallon baba balarabe tayi yayi saurin noce kai qasa yana sosa qeyarsa, murmushi tayi had'e da cewa.

"Haqiqa kayi Abu mai kyau, wannan shine banbancin hankali da kuma tunanin dake tsakanin mace da namiji, badon haka ba natabbata da abubuwa marasa dad'i sun faru da yawa, kayi qoqarin riqe zumuncin d'an uwanka bashar ALLAH yajiqansa Kuma ya saka maka da alkhairi."

Sun jima ana fira cikin farinciki da kuma kewar juna da akayi, wanda anan ne Dr Nuraddeen yaji rasuwar mahaifin habibty d'insa tare da tabbacin cewa ashe batayi wani aure ba tun daya tafi, wani irin tausayinta ne ya rufesa tare da qaunarta mai tsanani, wannan wane irin halaccine da karamci tayi masa arayuwa, gaba d'aya ta qarar da quruciyarta azaman jiransa shi kam dame zai ska mata aduniya.

Jan little yayi agefe bayan ya kauda idanuwan mutane ya shiga tambayarsa labarin habibty d'insa wanda sai alokacinne little ya tuna da gaba d'aya baiyi waya da itaba tunda suka iso saboda wayarsa nacan ya baro a can cikin motar da sukayi accident, da sauri yaje ya anso wayar baffa ya daddanna lambobin wayarta yakirata, Rashida dake zaune cikin d'aki lokacin tagama sauraren firar da akayi da Dr Nuraddeen da baffanninsa tasha kuka har tagaji, Saida tasa hannu ta goge hawayen da suka jiqa mata fuska sannan tamiqa hannu ta d'auko wayar had'e da d'agawa, kallon Dr Nuraddeen yayi had'e dayin murmushi sannan yace.

"Assalamu alaikum, gwaggona barka da marece.." cikin muryar dake bayyana mata tsantsar farincikin da yake ciki,

'Dan Jan majina tayi kad'an had'e da goge hancinta ta daidaita muryarta don kar yafahimci tasan wani abun don ta tabbata yasan da komai yanzu matuqar ya isa wajen sannan tace.

"Wa'alaikissalam d'an gidan mamansa, sai yanzu kake kirana?, Ina kashige ne nayita kiran wayarka baka d'aga ba duk kabi ka d'agamun hankali, Saida nakira 'yatah take fad'amun ai kin Isa lafiya amma sau biyu kuna qetare rijiya da baya da baya?"

"Ina tuba gwaggo, wayar nacan acikin motar na manta da ita, wlh kam kingin qiris mukayi."

"To ALLAH ya tsare gaba, su umma ma da dady dasu uncle sunyita kiranka basu samu ba, kayi qoqari ka kirasu duk da nasan bazasu rasa yin waya da batool ba, ALLAH yahutar da gajiya kadai ci abinci ko?"

"Eh gwaggo.sosai ma, ammm gwaggo nace kiriqe waya zanyi maki wani surprised."

Tanajin yafad'i hakan ta kashe wayarta, sake kira yayi ta d'aga yace.

"Gwaggo nazo wajensu baffa ne, kuma na had'u da mah.."

Bai qarasa ba taruntse idanuwa had'e da kashe wayar gaba d'aya ta ajiye tanaci gaba da wani irin kuka data kasa banbance shin na farinciki ne ko akasin haka..




*ALLAH KAJIK'AN IYAYENMU*👏😭
[11/14, 22:52] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

_Assalamu alaikum warahmatullahi wabara katuhuun, bakina bazai gaji da gode maku ba tare da miqo gaisuwata had'e da fatan alkhairi agareku ba masoyana, tabbas shi mutum rahamane aduk inda yake, wlh namatuqar jin dad'in kiraye kirayenku ta waya kuna yimani ya jiki da addu'o'in samun sauqi kuma Alhamdulillah naji sauqi indai jikin yabi haka, Ina godiya ga dukkanin wanda yakirani da masu turo saqo through inbox na messages ko na WhatsApp, ngd ngd ngd sosai jaxakumullahu bikhair, bazan manta dakuba wud'anda sukayita turo addu'o'insu ta group musamman 'yan group d'ina na amanata😅wato SANNU SANNU FANS GROUP 1&2 Kuma kun nunan qauna ALLAH yasaka maku da mafi qololuwar alkhairansa duniya da lahira._👏

Page___102💎

Jin wud'annan kalamai nata yasa Fatima dasu Dr da basuma san da tana wajen ba juyowa da qarfi, tashi yaransu dake tare dasu zaune sukayi sukabar falon cikin tausayi Fatima da alokacin da ita har Dr suka tabbatar da cewa mutumen daya gama magana yanzu a tv shi d'inne mijin na Rashida kamar yanda suke tunani tayi had'e da zuwa inda take ta d'agota daga durqushen da take qasa ta dawo saman kujerun da suke zaune ta zaunar da ita zakiyar inda take zaune da Dr sannan cikin sanyi murya yace.

"Alhamdulillah, Alhamdulillah, Alhamdulillah wannan shine abunda yakamata yafara fitowa daga bakinki gwaggon yara, na tabbata cewa zuwan wannan rana zai zamo wani abun farinciki azuciyar da wannan kukan da kikeyi bai isa ya gasgata hakan ba domin nasan kowa akke, a ma'auni mizani na zahiri Nuraddeen bai kyauta maki ba kuma baiyi maki adalci ba, Amma abad'ini abunda ke b'oye bazamu iya yanke hukuncin yayi daidai hakan daya yimaki ba ko baiyi ba, domin bamuda hurumin sanin gaibi sai abunda ke zahiri, ayau d'innan nayi farincikin yanda ubangiji keshirin dunqule abubuwan da suka wawwatsu waje daban daban awaje d'aya, ayau Ina cike da farincikin ganin mahaifin little yadawo qasarsa, inajin wani shauqi da farincikin cewa little zai had'u da mahaifinsa d'aya buge shekaru kusan ashirin da tara bai tab'a ganinsa ba, to idan har ni zanji irin wannan farinciki azuciyata to me ake tsammani ga wud'anda sune mafi kusanci agaresa? Musamman zuciyar data rayu tana d'awainiya da qaunarsa da kuma dakon zuwansa agareta akowane lokaci?, Nasani akwai rad'ad'i sosai kaga wanda kake tsammanin ya aikata maka kuskuren da bazai rasa hujjarsa tayin hakan ba sai kuma kaga yakasa wanke kansa akan wannan kuskuren daya aikata maka alokacin da kake tsammani, Amma akoda yaushe ana son mutum yazamo mai uzuri da kuma bincike idan wani abun yafaru, Ina so kamar yanda zuciyarki tayi masa uzurin rashin dawowarsa to tasake bashi wata damar tahanyar binciko ko meye dalilinsa na aikata hakan, wannan kukan duka bayada amfani kamata yayi mugodewa ALLAH daya nufi sake had'a fuskokinku, don ALLAH da girmansa kiyi haquri karki d'auki wannan abun da zafi haka.

"Haba aunty!, Haba aunty wane irin bincike zan b'ata lokacina dayi bayan yakasa bayyana gaskiyar daya b'oye agaban duniya, ada zuciyata nafad'amun cewa duk lokacin da zai dawo agaremu zai dawone da cikakkiyar hujjar da zata tabbatar mani da abunda zuciyata ke zargi wanda harga ALLAH zan iya yimasa uzuri akai, Amma ga yanda yadawo da kuma irin amsoshin da yake bawa manema labarai gaba d'aya ban yadda dashi ba, asalima tsoro yabani kwata kwata don bayada wata hujjar data wuce masa son duniya da kuma holewa ta zaunar dashi awaccan qasar.

"Subhanallahi, maman little me kike son fad'a haka?"

Dr yafad'a tare da qoqarin gyara zamansa yana kallonta, cikin kukan da gaba d'aya takasa denawa tace.

"Uncle kayi dubi izuwa yanayin rayuwar da yadawo tsunkensa shi kad'ai, a tsawon wud'annan shekarun da yayo ba ahaka yakamata kamilin mutum yadawo ba, atleast mata, 'ya'ya su suka kamata suzamo abokanan rakiyarsa domin suzasu tabbatar da hujjarsa ta zama waccan qasar har na tsawon wud'an nan shekarun, Amma idan basuba bayada wani dalili ko hujja da zata gamsar dani, son kai, son zuciya rud'in duniya da holewa suka d'aine zan yarda cewa sun zaunar dashi awaccan qasar."

Shiru Dr yayi yana nazarin kalamanta kafin can yace da ita.

"Eh hakane!, Amma Ina so kiyi amfani da maganganun Fatima, koma meye ki da kacesa har zuwa lokacin da zakiji ta bakinsa, hakan ne kawai zaisa iya yanke masa hukunci daidai da tunaninki, maganar mata da d'iya da kikayi kuma wannan ra'ayine, sai mutum nada cikakkiyar natsuwa da kwanciyar hankali zai buqacesu musamman a inda ba lalle bane yuyuwar samunsu agareka, nidai Ina shawartarki da kinatsu ki kwantar da hankalinki kiyi addu'ar ALLAH yasa wannan dawowar tasa tazamo alkhairi duka agaremu kuma kasa qarshen duk wani sarqaqaqqen al amarine d'aya faru wanda bamuda masaniya akansa."

Ita dai banda kukanta babu abunda takeyi wanda daga qarshe dai cikin zolaya tace da ita gwaggon yara nadai gano wannan kukan naki na dad'ine gaskiya, idan kuwa ba haka ba to kina practicing d'in irin kukan amaren da zakiyine ranar da zamu maisheki d'akinki tun yanzu."

Bushewa da dariya Dr yayi had'e da miqewa yabar falon yana fad'in.

"To mudai koma meye ayiwa takwarana haquri har zuwa lokacin da zaizo ya wanke kansa, ni nama tafi inyowa su dady da umma albishir ALLAH maji roqon bayinsa ya dawo masu da surikinsu lafiya."

"Ah to mudai wlh munyi farinciki sosai, fatanmu d'aya ALLAH yasa hakan ya zamo alkhairi, barima na d'auko wayata nafara riganka wannan albishir d'in."

Ganin suna nema su juyar da tunaninta izuwa nasu yasa tamiqe tana kumbura fuska tabar wajen Fatima nata yimata dariya.

Bayan wucewar tane Fatima tayi wata irin ajiyar zuciya had'e da cewa,

"Tabbas duk abunda yayi farko zaiyi qarshe kuma duk nisan abu SANNU SANNU bazata hana akai garesa ba, yau gashi abunda basu tab'a kawowa zaizo kusaba da SANNU SANNU yazo garesu batare da zato ba balle tsammani.

••• ••• •••
Kimanin awanni hud'u su little suka kwashe akan hanya basu iso kano ba saboda yanayin yanda little ke tuqin, tafiya yakeyi ahankali wanda gudun bai gaza a 40 ba, tun 'yan biyu na qiriniyarsu har suka gaji suka natsu waje d'aya, batool kuwa tayi bacci yafi aqirga saboda wahalar zaman motar da takeji wanda yanzu hakama yad'an ja kujerar da take zaune ta d'anyi baya yanda zata iya kwantawa saboda yanayin tsufan cikin nata dole duk d'okinta zataji gajiyar da zata sakata bacci.

A b'angaren su Abba kuwa su duka sun kasa zaune sun kasa tsaya, bini bini Abba dake faman safa da marwa ya d'aga kai ya kalli qatoton agogon dake maqale ajikin bangon makeken falon da kamar ya zamo matattarar dukkanin ahalin gidan.

Ganin an kwashe awanni hud'u babu labarin isowarsu yasa yasa Abba zuwa ya bud'e wani safe d'insa inda yake ajiyar kud'i ya d'ebo adadin da shi kansa baisan ko nawa bane yafita dasu, Saida yabar anguwar gaba d'aya sannan ya dinga raba kud'in ga duk wanda ya had'u dashi dake da buqata da niyar sadaka, saida kud'in suka qare kaf sannan ya koma gida lokacin ya taraddasu uncle h sun tara samari da 'yan matan gidan manya da yara an rarraba masu irin al-qur'anin nan Mai hizib biyu biyu kowa ya d'auki inda ya iya haddasu ana karantawa, wani irin sanyi yaji aransa tare da tabbatar da cewa komai zai faru ga 'yarsa yanzu yanada yaqinin shine yafi zama alkhairi kuma zai amshesa hannu biyu biyu.

Sauran mata uwayen gidan kuwa kowace na kitchen tana ayukkanta ciki d'ure da ruwa, so sukeyi sukirata suji idan sun iso, musamman hajia mama Amma Abba yasa warning akan kada asake akirasu domin hakan na iya d'auke masu hankali, murmushi kawai hajia mama tayi aranta tace, _(ALLAH sarki! alhaji kenan! Wai shi atunaninsa hakan da yayi dubarace da zata iya hana afkuwar abun da ALLAH ya riga ya tsaro?, Baisan ita qaddara kota qaqa bane baza'a iya guje mata ba, ALLAH dai yasa mudace.)_

A b'angaren Dr Nuraddeen kuwa tuni jirginsu ya iso kano wanda tun daga lokacin da suka taso har isowarsu babu abunda yakeye sai kuka, babu abunda yake tunawa irin tambayar da akayi masa cewa _acan baya yace bayada masaniya akan zancen iyayensa, ahalinsa da kuma iyalinsa, mezai iya cewa akan haka adaidai wannan lokacin?_ duk yatuna wannan furucin sai yaji wani zafi da quna acikin ransa, yanzu da wace irin fuska zai kalli iyayensa idan har ya taraddasu?, me zai cewa masoyiyarsa data adalilinsa tashiga halin da har yau baisan a Ina take ba?, Wud'anne kalamai zai yiwa ahalinsa a matsayin ban haquri bisa wud'annna munanan lafuzza dayayi?, Yana cikin wannan tunanin ne jirginsu ya sauka a filin jirgin sama na aminu kano, nan ma dai kamar yanda ya barone acan jahar, 'yan jarida ne birjik da 'yan gidan redio da talevision suna jiran isowarsa, a wani b'angaren kuma mataimakin gomnan jahar da kansane shida muqarrabansa da manya manyan shuwagabannin aiki a fannin lafiya da sukazo tarbarsa wanda gwamnan jahar ne da kansa yabada wannan umurnin don karramawa garesa daga gwamnatinsa da Kuma nuna jin dad'insa bisa nasarar dawowar shahararren likitan aqasarsa lokacin mulkinsa.

Yana fara tattakowa daga matattakalar jirgin manema labaran sukayo ruuuu suna sakar masa hotuna har ya qaraso, nan take jami'an tsaro suka shiga bud'a mutane ana tutturesu gefe saboda mataimakin gwamna dake qoqarin isowa wajensa,

Yanda Dr Nuraddeen yaga ana girmama mutumen yasa ya tabbatar da babban mutumne don haka yad'an saki fuskarsa daga yanayin da take yana isowa kusan atare suka miqawa juna hannu suka gaisa sannan mataimakin gomnan ya gabatar da kansa agaresa, duk qoqarin 'yan jarida nason ganin sun zanta da Dr hakan ya cutara saboda manya manyan mutanen da kai tsaye suka shiga gaisawa dashi suna gabatar da kansu agaresa tare da welcoming d'insa,

Wata zuqeqiyar mota maikyau mataimakin gomnan yayi masa izinin su shiga domin a kaishi masaukin da gwamnati ta tanadar masa wata 'yar qwarya qwaryar walima data shirya masa ta gaggawa don murnar dawowarsa Amma kai tsaye yace da mataimakin gomnan kai tsaye yafi buqatar wucewarsa gida, bayan ya huta zai isa wurin da ake buqatar zuwansa.

Ba musu mataimakin gwamnan ya had'asa da jami'an tsaro mota d'aya bayan yakira gomnan ya sanar dashi yanda Dr N.I d'in yace yana buqata yaci ayi masa hakan.

Saida suka sakeyin musabaha Dr yayi masa godiya cikin girmamawa sannan aka kawo wata motar ya shiga daga shi sai drivern daya jasa zuwa qauyen nasu na bebeji motar jami'ai d'aya na biye dasu abaya.

Dama tuni wasu 'yan jaridar kai tsaye sun nufi qauyen tun d'azu yayin da sauran yana wucewa suma sukabi bayansa.

Su baffa Usman da baffa Ali da kuma baffa na zaune qofar gida suna hira kwatsam sai sukaga motocin 'yan gidan redio da talevision na shigowa cikin qauyen wanda abun ya matuqar d'aure masu kai, tun daga kusan farkon gari suka daza motocinsu har zuwa gaba da qofar gidansu baffa, saidai sun kaga ma'aikatan na tada qarafunan setily da faya fayin motocinsu suna harhad'awa batare da suncewa kowa uffan ba don dama tun a farkon shigowarsu suka tsaya sukayi tambaya aka fad'a masu gidan, su kuwa mutanen qauyen haka suka firfito sukayi cirko cirko suna zullumin wane irin abune yasamu qauyen nasu da motoci suka cikasu haka ana faman tashe tashen abubuwan mota da sauransu, yayinda wasu kuma suka dingi tattaro 'ya'yansu suna turawa cikin gida musamman matansu da basuda yadda akan duk abunda ya shafi mutanen birni.

••• ••• •••
Sai gab dasu little su shiga kano batool ta farka daga baccin da takeyi lokacin su hassana da hussaina sun gaji da qiriniyarsu suma sunyi bacci, bakinta d'auke da salati ta tashi zaune tana buga wata irin uwar hamma had'e da cewa.

"Wayyo Abu sumayya har yanzu bamu isa ba, ni sai nake ganin kamar yau ana jawa garin nisa, don ALLAH kad'an