You Cannot Download this book untill you login but you can read it .

---

Login Register

b'angaren nanma suka sake tarosa suna nufo inda yake, waige waige ya shigayi yana jujjuyawa ko zai samu hanyar guduwa amma hakan tacutara sanadiyar yanda duk suka zagayesa, juyawa yayi zai koma cikin rumfar dake ci da wuta don ya qwammacewa mutuwarsa akan yashiga hannun hukuma su walaqantasa,

"Kana qara taku d'aya zan harbeka." Inspector najida tafad'a tana matsowa inda yake.

Batare daya saurareta ba yaci gaba da tafiyarsa hakan yasa ta sakar masa albashori aqafa yasaki wata irin qara had'e da durqushewa wajen saboda zafin harbin daya ratsa jikin,

"daga hannuwanka sama."

Zafin rad'ad'in da yakeji yasa baisan lokacin daya d'ora hannayensa a bayan qeyar kansaba, nan take taba blessing umurnin tasa masa ankwa tare da mayarda bindigarta a bayan wandonta, qafa blessing tasa ta shurasa tabaya ya fad'a kwance a kife sannan tajawo hannuwansa tabaya zata saka masa ankwa tana fad'in "shegiya wari takeyi." ta d'ad'a masa duka abaya, cikin zafin rai boka bargaji ya juyo da qarfi afusace tare da riqo wuyan blessing data duqo da niyar samasa ankwa daga kwancen da yake, gaba d'aya 'yan sandan sukayo kansa suka nunasa da bindiga suna fad'in ya saketa.

Blessing kuwa da tsabar warin jikinsa tasa takasa attaka wani abun hakan yasa yayi nasarar shaqe mata wuya da kyau har tana fidda wani kakari,

"Kuja baya, kuja baya nace ko in kasheta." Yafad'a yana qara cusata cikin jikinsa, Wanda hakan d'ai ya isa yasa tafita hayyacinta. Ja da baya 'yan sandan suka farayi yayinda inspector najida taciro bindigarta a fusace kafin ya ankara ta sakar masa ita ga hannu yasaki wata irin qara had'e da sakinta yana riqe hannu, da sauri sukazo sukazo suka jayeta tana fad'in

"Yeh Jesus." tana fidda lumfashi daqyar.

Nan fa 'yan sandan suka rufar masa da duka tako ina, kan kace me sunyi masa jina jina ko motsi bayayi, take suka saka masa ankwa had'e da tallabarsas suka tafi, yayinda inspector najida da sauran 'yan sandan suka sake bazama cikin jejen wajen nemo inda Yaya hawwa tashige don atunaninsu guduwa tayi, abunda basu sani ba tuni baqin aljani yayi nasarar shiga jikinta had'e da birkita mata qwaqwalwa, duk iya dube dubensu sunyi acikin jejen amma basu gane taba sai akan hanyarsu ta fitowa sukaci karo da ita tana hizge hizgen hakukuwa tare sabbatun da basuda basuda Kai balle gindi, tana ganinsu ta d'iba dana kare suma suka rufamata baya suna qoqarin kamota.

••• ••• •••
Al-amirin little Nuraddeen kuwa abun alhamdulillah don ana ganin haske sosai, gaba d'aya kuzarinsa da lafiyarsa sunfara dawowa, jikinsa yayi kyau sosai daidai irin na jarirai sa'annin sa, bayada wani naqasu ko wani ciwo da yayi saura atattare dashi, yana samun lafiya yanda yakamata saboda yanda iyayen nasa uku suka jajirce wajen kula dashi, soyayya kuwa tsakanin Fatima da Dr nura sai k'arasa wanda yafi nuna masa ita, haka Rashida wani irin so takeyi masa marar misaltuwa wanda takan b'oyene kawai saboda nuna kara ga mutanen da sukayi mata halacci marar misaltuwa, kulawarsu kad'ai agareta da yaronta ya isa yasa ta iya sadaukar da duk wani farinciki nata agaresu,

Zaune suke a falo su uku ita da fatima sai Dr. nura dake can gefe kwance saman 3sitter riqe da little Nuraddeen yana yimasa wasa shikuma yana b'angalar dariya,

Kalaba ce Rashida keyiwa Fatima akai wacce kallo d'aya zaka yiwa kalabar kasan wadda keyinta bata gwane ba,

"Wlh aunty ko kad'an kalabar nan batayi kyau ba, don ALLAH kibari na tsefeta uncle ya kaiki inda aka sabayi maki." Hannu fatima tasa tashafo kalabar da gaba d'aya tsorayen sukayo mata gaban kai suna yimata reto had'e da kwashewa da dariya tace.

"Kai ka kai! Maman baby meye haka kika yimani tsoraye agaba suna yimani reto, nashiga uku ni inno, niba yarinya ba da tsoraye agaba." Juyowa dr.nura yayi had'e dayin dariya yace.

"Ai kuwa kinga sunyi matuqar yimaki kyau dole nabawa maman baby tukuici." Fillon kujerar dake gefenta tajawo ta cilla masa tana harararsa yayi saurin cab'ewa yana dariya, itama Rashidar dariya tayi tana mai yaba kyawon irin rayuwar da suka tsarawa kansu acikin gidan ta farinciki duk da kuwa matsalar da suke ciki hakan bai hanasu yin rayuwarsu cike da burgewa ba, tunowa tayi da habibynta da ace suna tare yanzu ta tabbatata itama haka zasu gudanar da tasu rayuwar da d'ansu cikin so da qaunar juna, muryar Fatima tajiyo tana fad'in "wato dariya ma zaku samun ko!, to ALLAH bazan tsefa kalabar nan ba, a haka zan zauna da ita sai kuci gaba dayin dariyar har sai ta isheku."

"A'a'ah aunty kiyi haquri mana, ai tun farko saaida nafad'a maki ban iya kalba ba kikace kina so a haka, Bari intsefe maki kinga sai uncle yadena yimaki dariya, qyalesa tukuicinma bana so nayafe masa." Rashida tafad'a tan gumtse dariyar data zo mata had'e da qoqarin fara tsefe kan, kuka little Nuraddeen yafarayi alamun yagaji da wasar Dr nura yataso tare da miqama Rashida shi yana fad'in "karb'arshi kibashi abincinsa, ni bari natsefe mata tunda bata so."

Karb'ar little Nuraddeen tayi tawuce d'akinta, shi kuma ya zauna tare da d'aukar tsinken data ajiye yana fad'in "yawwa matar Bari na tsefe maki ko."

"Bana so, bari kawai nasa ribon nakamesa ahaka, zuwa jibi sai ka kimu nida ita inda akayomun ayo mana ko kuwa?"

"Eh, haka ne?."

"Duk yanda kika ce matar."

Murmushi tayi tare da jawo hular dake gefenta ta saka, sannan takira dattijuwar dake yimata aiki tace ta gyara wajen, acan gefe suka koma suna tataunawa akan maganar mayarda Rashida da zasuyi kamar yanda sukayi mata alqawari tunda yaronta ya soma samun sauqi sai gata tafito goye dashi bayan ta tabbatar data bashi nono ya sha ya qoshi, tare suka d'ago kai had'e da cewa.

"Har yagama sha?."

"Eh, yamayi bacci, shiyasa nagoyasa" tafad'a kanta na qasa tana wasa da 'yan yatsun hannunta,

"to qaraso mana." suka sake fad'a kusan atare, kallon juna sukayi shida ita had'e dayin dariya sannan Rashida taqaraso itama tasamu waje ta zauna,

"Dama akan maganar komawata gidane uncle, shine nace bari inyi maka tuni." tafad'a har lokacin knta na kallon qasa, murmushi Nuraddeen yayi don yasan dama haquri kawai takeyi amma tuni ta damu takoma wajen iyayenta.

"Rashida kenan! Zancen da mukeyi kenan yanzu, dama Ina tunin gobe idan naje zan sake komawa naduba ko an sallamosu, inyaso wani sati idan zan koma sai muje tare gaba d'aya ko?, Inaga kamar hakn yayi tunda kinga bki shirya komai ba balle ince goben muwuce tare, inafatar hakan yayi?"

"Eh uncle" tafad'a cike da farinciki, Fatima tayi dariya tana fad'in

"Amma maman baby acikin labarin da kika bamu, babu inda kika kawo mana matsalar mijinki wato mahaifin little, Kuma ga dukkan alamu akoda yaushe zuciyarki bata rasa tunaninsa, me zai hana kibada address d'insa sweety yaje ya snar masa koda ba'a isko iyayen naki ba qilan shi zaisan asibitin da aka kwantar dasu kuma shima hakan zai sama masa natsuwa aransa idan yaji inda kike. Ko kindena sonsa ne saboda abunda mahaifiyarsa tayi maki."

Ajiyar zuciya Rashida tayi kafin tace..

"Ko kad'an aunty, asali ma kullum da tunaninsa nake kwana kuma dashi nake tashi, daidai da rana d'aya ban tab'a jin natsanesa araina ba saima d'inbin qaunarsa dake qara lunkuwa azuciyata, kawai inajin tsorone kada asanar dashi mahaifiyarsa tasamu labari ta sake aikata abunda yafi haka agareni da kuma jaririna, nafison idan munje nakoma hannun iyayena asanar dashi, nasan in sha ALLAH idan yaji zasu san matakin daya kamata su d'auka akai kafin wani abun yasake faruwa, wannan dalilin ne yasa banyi tunanin aje asanar dashi ba ko kad'an duk da gangar jikina da kuma rouhina na fad'amun baya cikin kwanciyar hankali da kuma qoshin lafiya."

Shiru sukayi suna nazarin kalmanta, tabbas abun duba wane awani b'angaren amma kuma yakamata tayi tunani akan halin da yake ciki, ace matarka da tsohon ciki ta b'ata kuma bakasan inda take ba kimanin watanni uku kenan yanzu cikin na hud'u, wud'anda sune suka kasance watannin haihuwar little Nuraddeen...






*ALLAH KAJIK'AN IYAYENMU*👏😭
[8/17, 10:19] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

Page___49💎

Daqyar 'yan sandan suka samu sa'ar kamo Yaya hawwa, wacce kallo d'aya zakayi mata kafahimci zallar haukan daya sameta tuburan, Saida sukayi da gaske sukayi nasarar sanyata cikin bayan mota tanayi tanaa buge buge da fisgar kayan dake jikinta, wata uwar cacuma takaiwa boka bargaji dake zube qasan motar batare daya san inda kanshi yake ba tana fad'in.

"Kaine, kaine boka bargaji, kaine?, Mun halaka, Munb'ace, mun halaka, Munb'ace......" Wannan kalmar kad'ai take maimaitawa abakinta tanaci gaba da fizgar kayan jikinta, sudai 'yan sanda Imani da tsoron ALLAH rufesu yayi suka zuba mata idanuwa suna kallo, gaba d'aya takusa yaga kayan jikinta saboda yanda take fizgarsu, gani sunkayi tafashe da wata irin muguwar dariya tana ja da baya cikin motar had'e da dukan qirjinta kan suyi yunqurin riqeta aguje ta dirqo daga cikin motar tafad'o k'asa, kasancewar motarsu ce a tsakiya yasa tana fad'owa ta bayansu ta taka burki da qarfi 'yan sandan suka dirqo daga cikin bayan kantar suka rirriqeta tana sakin wata qara Mai tsananin firgitarwa wacce ko ba'a fad'a maka ba kasan bayin kanta bane, kusan su takwas suka taru saman kanta suna qoqarin maida ita cikin bayan motar, inta d'aki wannan ta daki wancan ta yakushi wancan har aka kwashe kusan mintuna ashirin suna abu guda kafin su samu da qarfin tsiya suturata ciki bayan sunyi mata d'an banzan duka sun jijji mata, Amma duk da haka bata saduda ba abunka ga marar hankali, daqyar da sud'in goshi suka samu suka isa da ita policetation suka jefata cell suka rufe, nan ma buge buge tadingayi tanayin wata qara mai tsananin sauti irin na halittu kala kala wanda hakan yamatuqar razana 'yan sandan da inspector najida, shi kuwa boka asibiti suka nufa dashi saboda acire harsashen dake hannunsa da qafarsa sannan suka dawo policetation d'in bayan anbaro 'yan sanda uku da zasu tsaresa acan asibitin.

Kasancewar koda sunka dawo daga asibitin har ankira sallar azahar yasa musulman cikinsu sukayi harmar zuwa wajen sallah, yayinda da akabar su blessing da sauran Christians d'in dake cikinsu su kula da Yaya hawwa da gaba d'aya hargaginta ya karad'e Police station d'in.

Bayan sun dawo inspector najida ta d'aga wayarta takirawo lambar baffa dake can kwance tun jiya da suka dawo yarimawa zazzab'i yarufesa, Nuraddeen na zaune agefensa sai kuma baffa Usman dake zaune ad'ayan gefen nasa ya rafka wani uban tagumi, da alama yana cikin damuwar ganin halin da d'an uwan nasa ke ciki, har wayar tayi ringing tagama babu wanda ya lura acikinsu shida Nuraddeen don kowanensu yashiga duniyar tunani saida sukaga baffa na qoqarin tashi don wayar nacan gefe ansata charji, da sauri Nuraddeen yariqasa ya tashi zaune daidai yana tambayarsa me yakeso, nuna masa wayarsa dake fidda sauti kad'an tana haske yayi ya ciro masa had'e da d'aga kiran dake qoqarin sake yankewa akaro na ukku, Saida ya kalli sunan inspector najida d'in dake yawo a screen d'in wayar sannan yakara akunne, gaisawa sukayi kafin tashiga yimasa bayanin dalilin kiran data yimasa,

Nan take yace mata tabashi mintuna gashinan zuwa yanzu yanzu, binsa da kallo sukayi lokacin daya gama wayar yana kallon drip d'in da ake qara masa saura kad'an suqare yace,

"Usman taimaka ka qara gudun ruwannan su ida shigewa ko kuma kaciremun haka."

"Amma yaya ina zakaje haka kai da bakada lafiya."

"Ai Alhamdulillah nasamu sauqi, wannan la'anannen ALLAHn ne 'yan sanda sukayi nasarar kamowa, Ina so inje inji inda suka kai yarinyar mutane, Usman aduk lokacin Dana tuna da kalaman iyayen yarinyar nan nakanji wani qunci azuciyata, nakanji damuwa tasa idanuwana gaba d'aya rufewa saboda tsananin kunyarsu, mutanene masu tsananin karamci da halaccin dabai kamata nafita batun wannan al-amarin na 'yarsu ba."

"Hakane Yaya, Amma kabari har kaqara samun sauqi."

"A'a Usman kai dai ciremani mutashi mutafi."

Ko kad'an baffa Usman baya son jayayya da d'an uwan nasa shiyasa ya cire masa qarin ruwan, abincinci Nuraddeen ya fara zuwa ya siyo masa kafin yafito wanka, yana fitowa ya zuba masa yaci sannan gaba d'ayansu su ukun suka nufi Police station d'in,

Tun daga bakin shiga wajen suka jiyo tashin sautin qarar Yaya hawwa, sosai baffa yagano muryar tata Amma yabasar yanufi office d'in inspector najida yanajin wani Abu na tokare masa maqoshi, Nuraddeen kuwa yawo yafarayi cikin wajen yana neman inda sautin ketasowa don yatabbata sautin qarar na mahaifiyar sane, inda suka ajiyeta wajene da ba'a fiye ajiye masu laifi awajen ba,hakan yasa yakasa gano ko inda take, hakan yasa aguje yadawo baya yashiga office d'in da yaga mahaifin nasa yashiga, yana shiga ya tarar da baffa Ali da Inna ruqayya anfiddosu dduk sunyi baqi sun rame sun lalace, baffa Ali kuwa yayi laushi tamkar ganyen daya kasa samun kulawar ban ruwa, Saida Baffa yasa hannu ga wata takardar dake tabbatar da sakinsu baffa Ali d'in sannan inspector najida tafara qoqarin yimasa bayanin halin da Yaya hawwa keciki, da sauri Nuraddeen daya shigo yace.

"Inspector najida ina kuka kaimun mahaifiyata? Me kuka yimata ne take wannan qara marar dad'in ji?" d'aga masa hannu tayi had'e da cewa "pls Nuraddeen calm down, ka zauna kaji abunda zanfad'a inaga anan ne zaka samu amsoshin wud'annan tambayoyin naka."

Riqo hannunsa baffa Usman yayi had'e da zaunar dashi akan kujerar dake kallon wacce baffa ke zaune shi kuma yana gefensa tsaye, gaba d'aya Nuraddeen yagama rud'ewa da fita hayyacinsa qarar mahaifiyarsa dake yimasa amo a kunne, wacce ba ko shakka yatabbatar bata lafiya bace.

Gyaran murya inspector najida tayi bayan ta d'auke idanuwanta daga kallonsa da takeyi had'e da cigaba da cewa.

"Baba kamar yanda muka fad'a maka cewa da bakinta tasanar damu cewa ita takai matar d'anta wajen boka akayi mata asirin data bar gidan d'an nata, Wanda wannan dalilin ne yasa yau da safe muka tasata agaba zuwa jejin da bokan yake, ba qaramar wahala muka sha ba damu har ita wajen kamo shi wannan bokan, a hanyarmu ta isa wajen ne wani iska mai qarfin gaske ya tunkaro wajen had'e da turniqemu, bayan wasu mintuna qalilan kuma sai iskan yakoma ta inda yafito wanda ananne muka nemi ita Inna hawwar muka rasa, bayan mun gamo artabu da bokan had'e da kamasa muka bazama nemanta ajejin Amma bamu sameta ba sai akan hanyarmu tafitowa mukaci karo da ita ayanayin da zamu iya kiransa da kamar tab'in hankali, wanda nan take muka kwasosu mukayo nan dasu, Amma saka makon tirjiyar da boka yayi mana yasa muka kai masa harbi har sau biyu yanzu haka shi yana asibiti mun ajiyesa don ayi treating d'insa, wannan shine abunda yafaru zuwa anjima zamuje muyi masa tambayoyin daya kamata kafin mu hannuntasu ga hukuma".

Mutuwar zaune Nuraddeen yayi, domin idan ya fahimta mahaifiyarsa tana mu'amala da bokaye wanda yanzu haka ake tsammanin tasamu tab'in hankali ta sanadiyar hakan,

"Innalillahi wa'inna ilaihirrajiuun" ya furta yana dafe kansa.

Ajiyar zuciya baffa yayi had'e da tambayar inspector najida ko zasu iya ganin Yaya hawwa don tabbatar da abunda tasanar dasu yanzu,

"Mezai hana." tafad'a tare da miqewa tawuce gaba had'e da cewa su biyo bayanta, jikinsu ba qwari sukabi bayanta har suka isa cell d'in da take ciki arufe,

Tsaye suka hangota tana surattai ita kad'ai kafin can suga an d'agata sama anbuga qasa kuma ko kad'an basuga wanda ya aikata mata hakanba nan take suka ga anfara lallanqwashe mata qafafuwa had'e da mummurd'e hannuwanta waje d'aya, juyar da kanta sukaga ansake fuskarta na kallon sama, kan kace me anmaidata wata iriyar halitta marar misaltuwa sai gumza takeyi tana wani irin gurnani, nan take hankulansu suka tashi don gaba d'aya basu tab'a ganin hauka irin nataba, kuka Nuraddeen yafashe dashi yana istigfari tare da duqewa qasa yana nemawa mahaifiyar tasa sauqi awajen ALLAH, juyowa inspector najida tayi tana kallon baffa had'e da cewa.

"Ya kamata kajaye case d'innan kuje gida da ita anema mata magani, domin ahalin da take yanzu ba abunda zata iya kuma batada sauran anfani acikin wannan case d'in baba, Amma kafinnan kabari sai nan da kwana biyu mungama tara suran bayanan daga wajen bokan zuwa lokacin kima kagama yanke shawarar abunda ya dace, don kasan ko kotu mukaje baza'a sauraremu ba tunda ba'a shari'a da mahaukaci?"

Jinjina kai kawai baffa yayi yana mamakin yanda Allah ya fara saukarwa da yaya hawwa hukuncinta tun ba'aje ko inaba, shikuwa Nuraddeen banda kukan da yakeyi na ganin halin da mahaifiyarsa ke ciki Babu abunda yakeyi, riqosa baffa Usman yayi ya riqe qarafunan dake jikin qofar shiga cell d'in yanaci gaba da rere kuka, tabbas uwa da d'a sai Allah, duk wanda yaga irin tashin hankalin da Nuraddeen keciki dole ya zubar masa da hawaye, gb d'aya yarud'e ya fita hayyacinsa yanda yaga mahaifiyar tasa takoma, duk munin halinta shi yana son abursa, yana sonta ahaka kuma dolene yashiga tashin hankali ayanayin da yaga halinda mahaifiyarsa keciki.

••• ••• •••
Su umma kuwa kasa kwana sukayi adaren da labari ya riskesu cewa asirine akayiwa 'yarsu, kuka umma keyi sosai tana tausayin awane irin hali 'yarta keciki Wanda shine ke qara haifar mata da zubar hawayen nata, baba kuwa gaba d'aya yasawa ransa dangana, damuwarsa d'aya halinda umma keciki wanda yana tsoron asanadiyarsa wani abu yasameta, ko kad'an bazai iya jure hakan ba kuma adalilin haka shima zai iya sake komawa cikin yanayin da bai dad'e da fitowa daga cikiba.

Kallonta yayi cike da tausayi kafin yace.

"Mmn Rashida yakamata kitsaida kukan nan haka kada wani abun yazo ya sameki, muyi haquri ALLAHn daya bamu Rashida shine ya d'oro mana wannan jarabawar damu har ita, mubita da addu'a idan har tana raye Allah ya bayyana mana ita, idan kuma ya amshi abursa, to ALLAH kasa tayi shahada kuma yasa tadace da aljannah fiddausi."

"Amin malan, Amma bana tunanin zan iya dakatar da wud'annan hawayen zuba bayan narasa 'yata tilo aduniya, wacce dukkanin burina da kufa farincikina aduniya ya tattarane akanta, musamman idan ina ganin abubuwan da zasusa dole nariqa tunawa da ita, sai nadingaji tamkar lumfashin zai d'auke, wlh ba mutuwa nakewa Rashida gudu ba domin dolece akan kowane mai rai, wahalar da nake tsoratar mata ita da abunda ke cikinta shikesani zubar da wud'annan hawayen."

Shiru baba yayi kafin ya dafata had'e da cewa, "nikaina idan nakalli d'akincan yakan tuno Mani da rayuwar da tayi aciki, haka shima Nuraddeen mijin nata, aduk sanda naganesa gabana na tsananta fad'uwa sai inji kamar zan ganesu ne atare, wannan yasa nafara tunanin yin nisa da garinnan da duk wani abu da zai nadinga tunowa da b'atan nata, daga baya kuma nayi tunanin cewa to idan da mutuwane tayi shima zan kasa rayuwane a inda muka rayu da ita?, Sai kawai naji na gamsar da kaina nahaqura kawai naci gaba da rayuwata anan, Amma yanzu wannan yanayin da nake jina aciki suna kamanceceniya da wanda kika bayyana mani kinaji, don haka idan kin amince yau d'innan zamuyi nesa da garinnan, wataqil hakan zai rage mana damuwa da rad'ad'in da mukeji aranmu, qilama yasama mana farincikin da bama tsammanin samu anan gaba."

"Na amince da hakan malan, Amma ina zamu tafi?."

"Wannan kuma ALLAH shikad'ai yasani kuma duk inda ya zab'a mana daidai ne agaremu."

Nan suka shiga tattaunawa tare da shawarwari akan tafiyar tasu, sun amince kuma sunyarda da shawarar da junansu suka yanke don haka suka tashi suka shiga kakkamta duk wasu abubuwan da suke buqata da bazaya gagaresu d'auka ba, wanda mafi yawanci suturar jikinsu ce sai 'yan kud'ad'ensu da sukayi ajiya da wud'anda suka samu na jinya da sauran abubuwansu masu muhimmanci, koda qarfe hud'u tayi nadare sun shirya tsaf, ana kiran sallar farko na asuba suka silale suka bar garin bayan baba ya ajiye wata takarda adaidai bakin qofar gidan idan anshigo daga ciki..




*ALLAH KAJIK'AN IYAYENMU*👏😭
[8/17, 10:19] Billy S Fari: 🚶‍♀️🚶🏻‍♂️ *SANNU SANNU*🚶🏻‍♂️🚶‍♀️
💎 _Bata hana zuwa..._💎


_WRITTING BY:_ *BILLY S FARI💎*

_DEDICATED TO:_ *BLOOD SISTER'S (AMZAHFAZ)*💋

_BESTOWED TO:_ *ZAINAB AL-AMIN (MOM NA'EEM)* AND *AMINA UBA AYUBA (OUM ASHFAQ)*💞

*DOMIN FARINCIKINKI SISTER SADIYA ZANGO (MIEMAH)*💖

*FATAN ALKHAIRI AGAREKU MOMMAH ME NANA HAFSAT (MISS XOXO) AND MAMANA HAFSAT RANO(OUM AFFAN)*❤️

_Barakallahu lakum😍 naga comment d'inku kala kala akan tafiyar iyayen Rashida, Wanda mafiya yawancinku basu so hakan ba kuma beyi masu dad'i ba, Karku manta sau da yawa ALLAH kan tsarowa bawa wata qaddara arayuwarsa yayin gujewa wata qaddarar tasa. inbaku manta ba iyayen Rashida mutanen qauyene basuda zurfin tunani da hankaltar cewa zamansu agarin shine daidai domin akowane lokaci 'yarsu zata iya dawowa idan tana raye kuma sune nafarko da zata fara nema, damuwarsu d'aya shine, fita daga cikin halin quncin rashinta da suka shiga da kuma yanayin ciwon da suka fito daya kusa kaisu ga rasa rayukansu, A tsoron kada su sake fad'awa cikin qaddarar shiga wani quncin da zai jawo masu ciwon da yafi wancan yasa suka koma fad'awa cikin qaddarar rashin had'uwa da 'yar tasu, to haka abun yake ko a zahirance acikin yanayin rayuwarmu ta yau da kullum, alokacin da muke qoqarin gujewa wata qaddarar tamu to muna sake fuskantar wata qaddarace ta daban da ALLAH yarubuto muna acikin littafinmu, tabbatuwar wannan qaddarar akanmu shike tilastamu da aiwatar da abunda zai zamo silar wanzuwarta, idan mun duba, ko a musulunce ALLAH ya halastawa bawa idan yana cikin tsananin kunci da takurar rayuwa da yayi hijira daga garin da yake zuwa wani garin saboda yasamu sauqi matuqar ba annoba bace, don haka kuyi haquri👏 idan da rai da rabo Rashida zata sake had'uwa da iyayenta, abunda kawai banida tabbaci akai shine, a Ina?, Yaushe ne?, Awane lokaci kuma awane waje?,😍 Domin samun amsar sai kun jure bibiyarmu acikin wannan littafin, SANNU SANNU dai Bata hana zuwa....😍 Luv you guys fillah_💞

Page___50💎

Cikin sa'a sukayi nasarar ficewa daga anguwar ba tare da kowa ya gansu ba, daga su sai jikukunansu guda biyu na kaya da kuma 'yar jikka ta ratayawa irin ta maza dake sagale a kafad'ar baba suka nufi tasha, sunjima zaune abakin wani shago kafin baba yatashi yaje ya d'ibi ruwa a randar dake ajiye bakin qofar masallacin dake cikin tashar yayi arwala, Saida ya d'ibi wasu a buta yaje ya kaiwa umma itama tayi arwalar had'e da ciro sallayar da sukazo da ita cikin kayansu ta shimfid'a sannan yabar wajen da sauri jin antayar da sallar yana fad'in,

"Kibi jam'i maman Rashida Ina fitowa zamu shiga motar duk da muka samu tagama lodi."

Ana gama sallar addu'a kad'ai yayi yafito da sauri da sauri tare da tallabar jikukunan nasu dake gabanta yana fad'in. "Hanzarta maman Rashida naji motoci sun fara tashi."

Tofi tayi acikin hannayenta dake sama bayan tagama yimasu addu'ar ALLAH yazab'a masu wajen zuwa mafi alkhairi arayuwarsu had'e da shafawa sannan tamiqe tanad'e sallayar tabi bayansa, suna isa motar Niger na d'agawa wacce ita yaso su samu don d'azu yana arwala yaji drivern motar nafad'in passinger biyu ya rage masa tacika, sai gashi kafin ya d'oko kayan nasu su iso wajen har ansamu ciko, shiru yayi had'e da ajiye jikkunan yana kallon umma da sai yanzu ta ida qarasowa wajen,

"Ai har motar tacika, kingata can yanzu tawuce" yafad'a cike da damuwa don baya son abunda zaizo ya dakatar dasu daga tafiyar wanda hakanne yasa ma ya kasa sanar da d'an uwan nasa.

Murmushi tayi tare da cewa, "ka kwantar da hankalinka, inda tanufa qilan zuwanmu can d'in ba alkhairi bane."

"Hakane kuma."

Yabata amsa tare da nufar rumfunan da motocin kowace jaha ke tsayawa lodi, duk motar daya duba bai wuce yaga mutum biyu ko ukku aciki har yawuce kusan motocin jahar, gombe, sokoto, katsina, adamawa da kuma bauchi babu inda yaga mota takusa cika balle tashi, har yajuya zai bar wajen yaji ana fad'in.

"Borno mutum uku, mutum uku borno."

Da sauri ya juyo yanufi inda motar had'e da cewa driver borno zaije.

"To kashiga, saura mutum biyu." Karan motar yafad'a yana sake d'aga murya yana fad'in "mutum biyu borno."

A sauri baba yasake matsawa kusa dashi yace "ai mu biyune nida matata."

Yana rufe baki saiga cikon mutum d'aya an samu, da d'an gudu gudunsa yaje yakira