You Cannot Download this book untill you login but you can read it .

---

Login Register

lips enshi duka biyu ya taune da azabar k'arfi,
yana jin zuciyarshi na bugawa da tsananin k'arfi,
yana junsu amman Allah bai bashi ikon yin mgna ba,
cikin kuka da rauni Zulaihat tasa hannu ta d'an d'ago kainshi tare da cewa.
"Yusuf kalleni ka gaya min, wai kaine kayiwa Zahra fyad'e,
dan Allah Yusuf kayi mgna, in bakayi mgna ba ta yaya zaka wonke kanka da abinda Aryan ya shirya."
ido ya tsurawa fuskarta yana ganin tsantsar tashin hankali da take ciki,
so yake ya tambayeta wani hali Mamanshi take ciki,
amman ya kasa ji yake kamar an d'aure harshenshi bazai iya mgnaba,
Hajia Kaka da Mommy kuwa tausayin Yusuf da yar uwarshi ya sasu zubda hawaye.
ita kuwa Zulaihat cikin muryar kuka tace.
"Yusuf kasan halin da Mama take ciki kuwa,
me kakeso in gaya mata in na koma,
so kake ince mata Yusuf d'inta ya zauce baya mgna ya zama karma ne ko yaya zan ce mata."
jin haka zuciyarshi ta tsananta bugawar da takeyi,
tsoro da tausayin mahaifiyarshi ya rufeshi yana son jin mgna amman Allah bai bashi damaba,
ganin yadda Adda Zulaihat d'inshi tasa hannu bibbiyu ta rik'e hab'arshi suna kallon juna,
wani irin zazzafan hawayene yaji ya ciko mishi ido,
ita kuwa Zulaihat kuka ta saki tare da cewa.
"Yusuf ni nasan kai ba mazinaci bane ko d'an uwana?."
lumshe idanunshi yayi alamar eh ya bata amsa shi bama zinaci bane,
sanadin lumshe idon da yayine hawayen suka samu damar kwaranyowa,
ji yakeyi kamar ya tashi tsaye ya rink'a kurma ihu yana cewa duniya.
"Ni bama zinaci bane, wlh ni bama zinaci bane."
amman ina mgnar bazata fitoba.
haka suka tasashi gaba suna magiya da kuka yayi mgna amman ina abu yaci tura,
Hajia Kakace taje ta kira Dr bashir yazo ya dubashi,
inda yace musu tsananin firgicine da tashin hankali da k'unci suka sashi zama hakan domin k'ok'olwarshi tayi sanyi kad'an zuciyarshi kuwa harbawarta tayi k'asa,
Amman hakan ba wata matsala bace zai iya komawa normal cikin wasu yan kwanaki da bazasu wuce 2 ba.

Hajiya Kakace ta koma cikin gida tana kuka ta had'o tea sannan ta dawo parlour cikin sanyi tace.
"Ingo Zulaihat bashi yasha koda ruwan d'umin ne."
karba tayi tare dasa bayan hannunta ta share hawayenta cikin sanyi tace.
"Yusuf karb'i kasha."
bai kulataba ganin haka ta kira Mama a waya cikin sanyi tayi mata bayanin halin da yake ciki ta k'ara da cewa.
"Mama gashi kiyi mishi mgna yaci abinci sannan ya tashi ya koma bedroom ya dan samu bacci."
"Toh bashi wayar".
cewar Mama,
jin haka yasa ta kara mishi wayar a kunnenshi,
yanaji Mamanshi na mgn amman ya gaza cewa komi.
dole ta hak'ura ta katse kiran.
shi kuwa sai rawa da jikinshi ya k'ara.
haka dai sukayi ta alhini amman abin yaci tura,
kaka kuwa ta kira Aryan yafi sau 15 yak'i amsawa,
sai gabanin magrib Jafar yazo ya d'auki Adda Zulaihat ya medata gida nanfa take bawa su Mama lbrin halinda Yusuf ke ciki anyi-anyi ya koma bedroom ma yak'i ko motsi,
gaba d'aya gidan kowa hankalinshi ya tashi banda Hajja inna da Ummi su ko a jikinsu.

Shi kuwa Yusuf tamkar abun sihiri babu wani abunda yake iyayi,
sai dai in yaji kiran sallah sai ya mik'e yayi sallarsa a wurin a kan carpet d'in dake tsakiyar parlour,
yana so yayi karatun kuran cikin fidda sauti amman ya kasa sai dai yanayi a zuciya,
haka ya wuni a wurin baiciba bai shaba,
sai azabar suya da zuciyarshi keyi.
A gidansu Aryan kuwa, sai bayan sallan isha Aryan ya shigo gidan,
a harabar gidan ya samu motar kawunsu alamar yana cikin gida yazo d'aukar matarshi da yarshi,
kai tsaye parlour Hajiya kaka ya nufa inda yake zaton suna can,
da sallamarshi ya shiga
amman duk babu wanda ya amsa mishi sai Rafi'a ,
Hajiya kaka kuwa sai wani irin mugun kallo take binshi dashi
yayinda kawunsuma tsuke fuska yayi yanaji Aryan d'in na gaidashi amman yak'i amsawa,
cikin fad'a Hajia Kaka ta kalli Aryan tare da cewa.
"Amman Wlh kaji kunyar duniya da k'iyama,
in dai haka abota take irinya taka Allah ya wadaran abotar wannan zamani,
ashe dama ka dagene zaka karanci law domin ka k'ware a sharri,
toh Aryan in banda dan adam mugun iccene ka rasa wanda zaka tozarta sai Yusuf?
wlh kaji kunya kasa yaro cikin wani hali gayi can ko mgna baya iya yi,
kasa yan uwanshi a tashin hankali,
ana farin ciki mahaifinshi ya fara hucewa a kanshi shine zaka bullo da wannan mugun k'ulli,
toh wallahi tallahi tun wuri kaje ka janye k'arar nan."
gaba d'aya ido suka zaro suka zubawa Aryan ganin ya mik'e tare da cewa.
"Wallahi tallahi billahil azim babu mahaluk'in da zai hanani gurfanar da Yusuf a gaban hukuma,
sai na cimma burina sai na cika alk'awarin dana d'auka akan Yusuf."
sai ya kuma yin wani irin murmushin da yasani ni kaina tsarguwa lallai Aryan wato sai yanzu yake da shirin nunawa duniya true color enshi,
Hajia Kaka kuwa kuka tasa tana cewa.
"Na shiga uku Aryan wannan wacce bak'ar zuciya ka samo ko dai ka fara haukane?."
cikin izza yace.
"Lfyata lau wannan aikin dole in yishi fa dama kin samawa ranki salama,
domin ke ba uwata bace bare in kin jamin Allah ya isa ya kamani."
cikin tsanani fushi kawunshi ya mik'e tare da yarfa mishi mari yace.
"Kai Aryan maza dawo cikin haiyyacinka mu kake gaya mgnar banza."
hannu yasa ya dafe inda aka mareshin cikin fushi yace.
"Wallahi..!! walllahi..!!! kawu sai na gurfanar da Yusuf kuma bar b'atawa kanku lokaci domin mgnar tana hannun hukumar kare hak'k'in d'an adam ne."
yana fad'in haka ya fice a fusace.

Toh wannan al'amarinfa ya razana su ,
wannan shine ana zaton wuta a mak'era sai gata a masak'a wa zaiyi tunanin Aryan zaiwa Yusuf haka.

A can gidan Amarya Raihana kuwa,
Safwan ne ya kawo musu ziyarar son jin make gudana akan lamarin fyad'en da akawa Zahra,
a parlour Faisal duke dan dama Raihana tana gunshi ta matsa mishi suje gidansu Zahra ko a deren.
bayan sun gaisa ne yake tambayar ya lbrin mai jiki,
har Raihana ta bud'i baki zatayi mgna sai tayi shiru dan jin wayarta na ringing,
da sauri ta amsa kiran ganin Kakace,
Safwan da Faisal kuwa duk shiru sukayi jin abinda take fad'i.
ita kuwa bayan sun gaisane, cikin kuka Kaka ta shaida mata abinda Aryan yayi,
hannu tasa ta dafe k'irjinta a razane tace.
"Ya Aryan d'inne yace Hamma Yusuf ne yayi Zahra fyad'e,
toh wallahi yaji kunyar duniya da k'iyama domin k'arya yakeyi,
ni d'innan da idona naga idris ne yayiwa Zahra fyad'e Hamma Yusuf da baya gidanma a lokacin,
shine ya Aryan zai mishi k'azafi harda shigar da k'ara,
toh ni kuwa zanje in bada shaida."
sai kuma ta fara zubda hawaye tare da cewa.
"Yanzu ya Aryan baiji ko tausayin su Mama da Adda Zulaihat ba shine zaiyiwa d'ansu k'azafin zina."
gaba d'aya ta birkice sai kuka takeyi,
Safwan kuwa wani irin dad'ine yaji ya ziyarci zuciyarshi lokacin da tayi musu bayanin abinda Aryan yace,
shi kam Safwan ji yake kamar ya taka rawa,
yasan yanzu dama ta dawo hannunshi burinshi zai cika,
ai yana gama kwar rahoto ya musu sallama ya tafi,
shi kuwa Faisal yayi ta faman rarrashin Raihana ita kam dai Raihana babu batun amarci.
Shi kuwa Safwan kai tsaye gidan jaridarsu ya wuce a deren ya buga kanun labarun Yusuf a shafin forko na jaridar tare da lik'a hotunan Yusuf dana Zahra wanda ya dauketa jiya tana halin wuya, sannan ya bada damar a saki jaridar da sanyin safiyar gobe.


Idris kuwa tunda ya koma gida bai kuma fitaba,
shiyasa koda maga takardar Hukuncin Allah court yaje shagonshi bai sameshiba,
saida mak'ocinshi yayiwa magatakardar kwatancen gidanshi,
tofa tuna takardar gayyatar court ta isoshi ya shiga wani halin rayuwa,
Nadama mai tsanani ya rufeshi ya gommaci kid'i da karatu,
ya kasa zaune ya kasa tsaye sai mgna yakeyi shi kad'ai.
"Shi kenan ni idris na cuci rayuwata,
na zalumci kaina na biyewa rud'u da hud'ubar shaid'an, na jazawa kaina masifar rayuwa,
ina nasan zan shiga in tsira,
duk inda zanje sai an ganini in dai kusane,
ya mahaifiyata zataji in taking wannan abin kunyar dana aikata kullum nasihar gareni in kama kaina."
sai ya kuma saki kuka kamar mace yana cewa.
"Umma ki gafarceni,
wlh bazan sakeba, kuma babu inda zan gudu zan tsaya in k'arbi hukunci na,
domin nasan in na guduma har garimu za'ahe nemana."
haka dai Idi mai caji yayi ta kuka da nadama mara amfani ranar kwana yayi baiyi bacci ba.

Su Hukuncin Allah court sai nanda kwana 8 zasu shiga zaman k'arar Abba yayi hakane dan kafin nan a binciki Yusuf.


Washe gari ta kama ranar Monday kenan,
kuma ranarce za'ayi zama a kotun tsakanin Aryan da Yusuf,


6:21 Am Affan ne cikin shigar jahan team da alamun zai fita gudun motsa jikine,
dan da gudu ya fito fad'ar masarautar tasu yayinda bayinshi ke biye dashi a baya,
duk da sanyin da ake tsulawa sai da ya d'an had'a zufa domin da iya k'arfinshi yake gudu,
har ya fito asalin k'ofar fad'ar jiha wato Jibpu Jam,
har kamar zai juya sai ya kuma k'ara gaba gefen Kuros mai k'warya domin dandazon mutane da ya gani,
yana isowa sai ya samu ashe layin masu sayar jarida ne,
matsowa yayi ciki yayinda mutane ke bashi hanya sabida bayinshi dake sanye da jajeyen kaya ga bulali a hannunsu suna ture mutane,
yana zuwa gaban me saida jaridar,
yasa hannu ya k'arb'i jaridar da ake mik'a mishin,
wani irin zaro ido yayi ganin abinda yake ashafin forkon na jaridar,
cikin kad'uwa ya zaro kud'i ya mik'awa me saida jaridar,
juyawa yayi a guje ya nufi cikin gari,
ganin haka fadawanshi suka kira cikin masarautar cewar a fito mishi da doki don sun san baya hawa mota da sanyin safiya sai doki,
basu kai ga shiga masarautarba suka had'u da bayi uku da dawakai shida,
Affan na ganinsu ya kama linzamin dokinshi ya hau tare da tsaburarshi ya juya linzamin kan dokin in zuwa hanyar shiga jimeta,
domin yaga yaune za'a shiga sauraron k'arar to babu sauran lokaci shiyasa yakeso yaje ya gana da Yusuf ya kuma nunawa Aryan iya matsayinshi,
cikin ba'in gudu dawakan suke tafiya dan suma sauran bayinshi da suka fito taren su hau sauran dowakan,
Gudu sukeyi kamar zasu tashi sama
shi kam Affan baya ji baya gani burinshi ya ganshi a gaban Yusuf.

Suna isa dai-dai k'ofar gidan dai-dai lakacin kuma yaga motar Faisal yayi parking,
dirowa yayi daga kan dokin tare yin cikin gidan,
inda Kafinma ya shigo Raihana yayi cikin part d'in Hajia kaka da gudu tare da kuka hakan yasa Faisal binta a baya,

ganin haka yasa Affan baibi ta kansu bama, kai tsaye ya nufi part d'in Yusuf,
tare da sallama a bakinshi ya shiga,
shiru parlour ba alamun motsin mutun har mik'e hanyar shiga bedroom sai ya kuma dawo tsakiyar parlour domin tashin hankali da yake cikine ya hanashi ganin Yusuf dake zaune kan kujerar da yake tun jiya da safe,
cikin sauri ya durk'usa gaban Yusuf d'in tare da kamo hannunshi cikin kad'uwa ya nuna mishi jaridar dake hannunshi tare da cewa.
"Yusuf me Aryan yake nufi da wannan,
in na fahimta bakinshi d'aya da Safwan kenan,
shi ya shigar da kara akan yana zarginka da laifin fyad'e to shi kuwa Safwan uban wayene ya bashi wadannan bayane wane dan iskanne ya bashi damar watsa zancen wannan mahaukaci Aryan d'in?."
cikin zafi nama Affan ya juyo jin muryar Aryan dake fitowa daga bedroom yana cewa.
"Affan..! ko kanada abin yine a kai."
cikin juyewar fuska Affan ya koma a jinin sarautar tare da mulki cikin takaici yace.
"Tabbas inada abinyi,
Aryan mu zuba ni da kai shege ka fasa, wlh kaji kunya Allah ya wadaran naka ya lalace."
gaba d'ayansu kuma sai sukayi kan Yusuf da yayi wani irin...!







By
*GARKUWA FULANI*





📝🍇🍇🍇🍇🍇🍇🍇🍇🍇🍇🍇



*HUKUNCIN ALLAH*


Page3⃣2⃣

*NA*
*AYSHA ALIYU GARKUWA*


🍇🍇🍇🍇🍇🍇🍇🍇🍇🍇🍇🍇🍇🍇🍇


Gana gobenku yaseen dan naga yan fans 1 tamkar su jawo goben sukeji



Numfashi yaja da k'arfi tare da rumtse idanunshi
kauda kanshi yayi daga kallonsu.
shi kuwa Aryan gyara tsayuwarshi yayi tare da cewa.
"Kada dai ku mance 12:20 pm za'a saurari k'ararku,
in kunada dama ko kunada wani lawyer da zai jadani a kan case d'innan to bisimilla tunda naga kunada k'udurin ja da hukuma."
Ya fada cike jujjuya kai tare da rumtse ido.
yana kaiwa nan ya fice.
shi kuwa Affan wani irin tarin bak'in ciki yakeji lallai Aryan ya cika mara amana,
Safwan kam dama ya dad'e yana zarginshi,
zamewa yayi ya zauna gaban Yusuf cikin tausayawa da kula yace.
"Yusuf ka shirya zamu halarci court kuma in sha Allah Aryan bazaiyi nasara ba kan tozarcin da yake son yi maka."
shi dai Yusuf sai ido. ganin haka yasa Affan kiran Jafar,
yazo nan suka tattauna hujjojinsu da shaidunsu.

Aryan kuwa yana fitowa part d'in Yusuf yayi kicibis da Raihana,
ai tana ganinshi kawai sai ta fashe da kuka,
ganin haka sai ya shareta ya wuce yayi part d'inshi
binshi tayi a baya har cikin bedroom nashi
wasu takardun ya jawo yana harhard'awa bisa dukkan alamu evidence enshi ne,
kuka tayi ta mishi da mgiya,
amman Aryan kamar bai tab'a saninta ba, ko ta kanta baibiba yayi ficewarsa,
aiko ta koma gun kakarsu tayi ta rusa kuka da kyar Faisal ya lalla b'ata,
to sun fito zasu tafine taga shigar Jafar side d'in Yusuf nanne ta fahimci kenan Hamma Yusuf yana nan,
so sai ta shiga itama ta jone da Daddy da Affan Jafar da ita sune masu tsayuwa dan kare Yusuf,
haka suka gama tsara komai shi dai Yusuf sai ido,
koda Affan zai tafi yacewa Jafar yayi k'ari ya shirya Yusuf suje kan lokaci,
ya kuma cewa Raihana ma ta tabbar ta hallarta a court d'in kan lokaci.

Koda Affan ya koma cikin masarauta kafin ya isa side dinshima yan aike sunfi 3 suka riskeshi,
cewar M Jabeer na nemanshi a waya baya d'agawa,
dan haka ya kira Gimbiya da kanta yace a kaiwa Affan wayar.
jin haka yasa kai tsaye yaje part d'in Gimbiya,
yana shiga ya samu Gimbiyar a parlour hutunta yana shiga kiran wayar na kuma shigowa,
dan haka ta mik'a mishi wayar,
bayan ya gaidashi ya amsa fuska a cushe kamar yana ganinshi yake cewa.
"Kai Affan me gskyar wannan lbrin da gidajen radio da jarudi ke yayatawa?."
cikin tsananin fargaba Affan ya jujjuya kai tare da cewa.
"Aryan ya bawa duniya mamaki, cin amana a baiyane."
da sauri ya daka mishi tsawa tare da cewa.
"Bani da matsala da mgnar Aryan,
gskyar abinda ya faru nake son sani,
shin Yusuf d'inne ya aikata ko yaya?
dan tun d'azu aka cemin ka tafi cikin jimeta na tabbar wurin Yusuf kaje."
Gyara zama Affan yayi tare da tank'washe sawunshi murya cike da k'arfin hali da zuciya yace.
"K'arya ne Yusuf bama zinaci bane,
sherrine Aryan ya k'ulla mishi dan tozar tashi a idon duniya."
cikin wata iriyar murya M Jabeer yace.
"Affan ka tabbar sherrine akewa Yusuf bai aikata hakanba?".
Cikin tabbatarwa ya gyada kansa yace.
"Tabbas k'arya ne domin ni nan shaida ne jiya lokacin da akayi abun muna tare na kai mishi takardun daka aiken yasa hannu."
Kai ya jinjina tare da cewa Affan.
"Toh kai Affan wanne mataki ka d'auka a kan lamarin.?"
gyara zamanshi ya kumayi sannan yace.
"Ni zanje a matsayin lawyern Yusuf insha Allah zan wonkeshi akan wannan mugun zargin."
wani irin malolon takaici Malam Jabeer ya had'iya tare da cewa.
"Kada ku kuskura sunana ko namasarautarmu ya fito a wannan zance domin,
muddin zargin Aryan ya tabbata Wlh babu ni ba Yusuf babu kuma shi a layin 'Yan polo team na,
na baranta dashi,
in kuwa an samu Aryan ne yayi mishi k'azafi to tabbas zai fuskanci hukunci mai tsauri."
cikin tsoro kar Aryan yayi nasara a kansu Affan yace.
"Mun amince."
haka suka gama tattaunawa,
shi kam Affan baya son suyi missing Yusuf a team nasu
baya kuma son abinda zai tozarta Yusuf.

Gaba d'aya baya cikin nitsuwarshi
ganin haka gimbiya tasa aka kawo mishi breakfast,
sama-sama ya tsakura ya mik'e ya fita,
duk da Gimbiya na son taji damuwarshi amman ba lokaci dole ya fita.



Abba kuwa Al'amarin sa yayi tsauri dan shida Daddy sunyi hannun riga Daddy har zubda hawayen bakin ciki yayi domin shi yanada yak'in cewa wlh Yusuf bamazinaci bane,
shi kuwa Abba yace court ce kawai zata fad'i haka bayan anyi bincike in sun wonke Yusuf to ya yarda.

Mama kam al'amari ya tsananta domin taso taje wurin Yusuf da safen amman Abba ya hanata a cewarshi itama ba gskya zata sashi ya fad'aba tunda ta nuna ita d'anta bazai aikata haka ba.

Ummi kuwa kamar ta zubda ruwa a k'asa tasha,
a cewarta ina kullum in an nuna fuskar Yusuf a kafafen yad'a labarai Mama ji take d'anta kamar *waliyi ne,*
ita duk kishinta Yusuf yafi Sulaiman da komai,
tana jin bak'in cikin yadda mijinta ke nuna Yusuf d'in so fiye da yadda yakeson yaranshi.

Zahra kuwa jiki yayi sauk'i sai dai tarin k'uncin rayuwa,
domin tun yanzu ta fara ganin matsalolin rayuwar da duk wanda ya rasa budurcinta ke fuskanta
wunin jiya gaba d'aya saida rabin mak'otansu suka shigo gidan,
yara masu zuwa d'iban ruwa a gidansu sai lek'owa sukeyi wai zasu ganta.


Idris kuwa yaci gaba da zuwa kasuwancinsa
inda ya dage da istigfari dan tuba ih zuwa ga Allah,

Abban dai yace bazaije court ba don yasan duk abinda akayi Aryan zaizo ya gaya mishi,
Daddy kuwa shida Sulaiman suka shirya suka tafi.


12:30 pm Court d'in cike take mak'il,
yayinda k'ananun maganganu ke tashi k'asa-k'asa daga can bakin k'ofar kuwa dandazon yan jaridune da bazasu irguba.
Dai-dai lokacin da mai shariyar ya shigo duk sai mutanen ciki suka mik'e tsaye saida ya zauna sannan suka zauna,
hannu yasa ya d'aga wannan yar guduma tasu ta court's ya bubbuga alamun a nitsu,
ai kuwa ji kake tsit kowa ya baza na zomonshi.

Shariyar wasu aka farayi wanda ake tuhumar uwar gida ta kashe amaryarta,
bayan an yishi an daga shariyar nan wata d'aya,
sannan aka fita hutu don yin salla,
saida kowa yayi sallan azahar nashi sannan aka dawo aka cika mak'il har fiye da d'azu domin yanzu k'arar Yusuf za'a saurara.

Bayan duk an nitsu, kowa ya zura ido,
jerin lawyers suna zazzaune kowa yana duba takardun gabanshi,
can d'aya gefen kuwa hukumar kare hak'in d'an adam ne suke magantuwa da buga luguden leb'e,
Messenger ne ya mik'e tare da d'aukar wasu takardun,
cikin nitsuwa ya k'arisa gaban teburin al'k'alin mik'a takardun yayi tare da cewa.
"Shariyamu ta gaba zargine a kan fyad'e in da hukumar kare hakk'in d'an adam sune suka shigar da k'ara, cewa suna tuhumar Yusuf Muhammad Usman Girie da laifin yiwa Zahra Aliyu Usman Girei fyad'e."
sai ya kumo juyo yana kallon taron dandazo mutane 'yan zaman gulma,
sannan ya meda ida nunshi kan lawyers d'in da suke cikin shiga iri d'aya, ta manyan rigunannan masu hannun irin fiffigen jemage sai hularsu mai murd'i-murd'i
sannan ya koma ya zauna,
Aryan ne ya mik'e cikin tsaurin ido ya fuskanci Al'k'alin sannan ya d'an sunkuya alamar gaisuwa da girmamawa yace.
"Ya mai shariya sunana Barrister Aryan Aryan Abubakar Jada nine lawyer wanda ke k'ara."
kai al'k'alin ya jinjina alamar gamsuwa,
abun mamaki sai naga Affan cikin jerin manyan lawyers,
gyara zaman rigarshi yayi tare da ronk'ofowa kad'an alamun gaisuwa cikin iya sarrafa harshe yace.
"Ya mai shariya sunana Barrister Affan Hamisu Nuruddeen nine lawyer mai kare wanda ake tuhuma."
gaba d'aya sai idon mutane ya koma kanshi dan gwamna kuma jikan sarki,
shine zai kare yusuf,
bada umurni alk'alin yayi aka gabatar da shariyar,
bayan dogon jawabin da Aryan yayi sai kotu ta buk'aci wanda ake tuhuma daya baiyana gaban court,
Jafar ne ya kalli Yusuf dake zaune tunda suka shigo bai sake d'ago kanshi ba,
sai wasu irin zazafafan hawaye da yakeji suna tsatstsafo ta cikin jijiyoyin idonshi,
sam shi dai baya fahimtar abinda akeyi,
sai da yaji Jafar na cewa.
"Hamma Yusuf tashi kaje."
ido ya zurawa Jafar ba tare daya motsoba.
Mai shariyar ne ya kalli Affan tare da cewa.

"Shin wanda kake karewan bai zo bane?."

gyara tsayuwa Affan yayi tare da cewa.
"Eh Yamai shariya duk da yana cikin wani yanayi ya samu damar zuwa da taimakon k'aninshi."

"Toh kotu na buk'atarshi a gabanta."
cewar al'k'alin.

Jin haka Jafar ya mik'e tare da kamo hannun Yusuf yace. "Mai shariya ne ke son ganinka a gabanshi".
shi kuwa Affan inda suke ya tako yazo tare da yiwa Yusuf jagora har inda aka tanada domin tsayuwar wand'anda ake tuhuma da masu bada shaida,
bayan ya shiga ya tsaya yasa hannun ya rik'e saman katakon tare dayin k'asa da kanshi,
Aryan kuwa cikin wani irin takun izza da tsaurin ido yazo gaban Yusuf d'in ya tsaya saida ya k'are mishi kallo na wasu dak'ik'u sannan ya gyara murya tare da cewa.
"Kotu nason jin sunaka."
shiru Yusuf bai motsoba bare ya d'aga kanshi bare kuma batun amsawa,
jin Aryan nata yin mgna ne ba amsa yasa,
alk'alin cewa.
"Shin dama wanda kuke tuhuma kurmane?."
gyara tsayuwa Aryan yayi tare da juyowa gun maishariyar yace.
"Ya mai shariya wanda ake tuhuma ba kurma bane,
sai dai ko in yazo mana da nashi salon rainin hankali ne zaiyi wasa da kotu."
Shiko mai shariyar tarin takardun gabanshi ya d'an kalla tare da cewa.
"Barrister Affan, wanda kake karewa yanada larurar jine ko mgna?".
taku biyu zuwa ukku Affan yayi tare da cewa.
"Eh ya maishariya wanda nake karewa ya samu larurar ji da mgna,
domin tunda aka kai mishi takardar k'ara bai sake yin mgna ba."
Cikin sauri Aryan yace.
"Ya maishari wannan wani shiryeyyen makircine suka had'a dan yin wasa da hankalinmu,
domin zance na gskya wannan shiryeyyen abune dan kowa ya sani bai tab'a samun matsalar ji da ganiba,
kawai dai dan yayi fyad'e wa k'anwarshi ya ga asirinshi zai tonu shiyasa yayi haka."

Cikin tsalon sanin k'aidojin aikin Affan ya mik'e da sauri tare da cewa.
"Objection ya maishariya,
Lawyer wanda yake k'ara ya dena jifar wanda ake zargi da kalmar shi yayi fyad'en kai tsaye, kadafa ya mance har yanzu tuhuma akeyi ba'a tabbatarba."
Cikin jinjina kai mai shariya ya kalli Aryan tare da cewa.
"Barrister Aryan ka kiyaye."
kai Aryan ya d'an sunkuyar alamar to,
shi ma Affan jinjina kai yayi tare da cewa.
"Ngd ya maishariya."
shiru ya d'an ratsa kotun na wasu lokutan sannan mai shariyar ya nisa tare da cewa.
"Barrister Affan kunada shaidar da zata nuna tunda abin ya faru wanda ake tuhumar baiyi mgnaba!.?
cikin sauk'e numfashi Affan ya matso gaban kotun tare da cewa.
"Eh ya mai shariya munada shaida,
domin ga bayanin doctorn daya dubashi."
karba alk'alin yayi ya dudduba sannan,
yasa Dr Bashir yazo gaban kotu shima yayi k'arin bayani,
da yake dama Affan ya shiryawa hakan domin Affan lawyer ne mai kaifin basira.

Bayan Dr Bashir ya matsa sai Al'k'alin ya kalli Aryan tare da cewa.
"Barrister Aryan shin Zahra kam bata da iyayene? In tana dasu ina suke kotu nason ganinsu."
cikin gyara hular kanshi yace.
"Ya maishariya Zahra tanada iyaye,
amman sunyi burus da batun d'aukan mataki kan mai laifin,
a cewar mahaifinta shi bada yawunshi ba,
sabida wai shi a wurinshi Yusuf da Zahra duk d'ayane,
yanzu haka mahaifin Zahra na nan,
rashin d'aukar mata kinsu ne yasa hukumar kare hakk'in d'an adam shiga zancen."
jin haka yasa maishariyar ya nemi Daddy gaban kotu,
inda Aryan yayi mishi tambayoyi,
bayan ya gama amsawa ne ya koma mazaunin shi,
toh a nanne Al'kalin ya kuma kalli Aryan sannan yace.
"Meyasa Zahra bata zoba?.
cikin k'arfin guiwa Aryan yace.
"Sabida bata jin dad'i sosai domin har yanzu bata gama dawowa haiyacin taba."
kai Al'k'alin ya jinjina sannan ya kalli Affan tare da cewa.
"Barrister Affan kanada abin fad'ane ko wata buk'atar domin za'a d'aga shariyar har tsawon wani lokacin domin samun lfyar wanda ake tuhuma da wance akayiwa laifin."
Cikin girmamawa Affan ya mik'e tare da cewa.
"Ya mai shariya ina neman al'farmar court data nemo idris saurayin Zahra domin,
shine wanda k'anwar barrister Aryan ta ganshi ra'null aini, lokacin data shiga inda akayiwa Zahra fyad'e."
cikin bada umarni al'k'alin yacewa Aryan to a zama na gaba a nemo idris.
sannan ya d'aga k'arar nanda wata d'aya.


Haka dai aka tashi.