You Cannot Download this book untill you login but you can read it .

---

Login Register

take bukata kafin ta zabi hadiman ta da kanta kinaji na, bansan musu komai takeso kiyi mata."

Dukawa takarayi tace. "Angama ranki shidade."
Sake cewa tayi "kije ki kaita ɗakin ta, Jakadiya kuje tare ki bata kayayyakin ta na sawa da dukkan kayan bukata, yanzun za'a fara yimata tilgeza batare da bata lokaci ba."
"Toh angama uwar ɗakina."
Itako Bahijja sai take ganin abin tamkar a cikin mafarki musamman da taji ance Mansura itace hadimar ta, ina ita ina saka wani aiki, jitake bazata iyaba dan tasan zafi da ciwon bauta, bare tasa yan uwanta bayi aiki gaskia da kamar wuya.

Bata tsinke da lamarin ba saida taga sun shiga cikin wani mashahurin ɗaki mai tamfatsetsen gado yasha gyara sai kamshi mai sanyi yake busawa, ga gadon yasha duwatsu masu sheƙi da ɗaukar ido, a hankali take taka kasan dakin ji tayi kafarta ta luntsume jin ta taka wani abu, saurin janye kafarta tayi ba tareda ta bari kowa
ya gani ba, ashe grass kafat ne mai aminci da kyau sauke ajiyar zuciya tayi, tarasa mi takeji a cikin zuciyar ta, jitayi Mansura nacewa.
"Ranki shidaɗe angama haɗa maki ruwan wanka ki, Allah ya taimaki gimbiyar Daborah."
da idanu takebin Mansura da take zube bisa guiwowin ta tana magana a cikin sigar cikakkar baiwa, mamaki fal a saman fuskar Bahijja hatta Jakadiya ta fahimci hakan tasan da wahala Bahijja tasaba da abubuwan jinin Sarauta tasan sai a hankali, murya na rawa Bahijja tace. "Nagode Mansura saidai inzakimin magana bansan kina dukawa, duk ɗaya muke nidake kinji."
ta ida maganar kwalla na zirara a saman kyakyawar fuskar ta, hatta Jakadiya saida taji wani abu a ranta, karo na farko da taga masu mikami sun fara tausayin bayin su, wata zuciyar ce tace. "Aiba abin mamaki bane, tunda itama ta taɓa zama wannan matsayin dole tasan ƙimar su, cikin tausayawa tasake cewa, tabbas Bahijja ta silar kine bayi zasu zama cikakkun 'ya'ya kamar kowa, murya a sarke tace.

"Yata kinga ga sif nan kayane a ciki, ga wannan inkin gama wanka kisaka, sannan ga mai nan da turaruka da kayan bukata duk akwai, zanje inyi wani abun kinji, sannan ga Mansura nan zaki iya kiranta bazatai nisa dakeba, kada kisa kawaici ki nemi komai, anjima kaɗan mai dilka zata zo tafara aikin ta."
rausayar dakai tayi tace
"toh Ummi nagode saikin dawo." jinjina kai tayi alamun gamsuwa sannan ta fita."

Suko su Sarauniya Zulaiƙa da Kubra kawarta suna danƙareren bedroom ɗinta suna tsara kalar hidimar da zasuyi a bikin ɗan nasu, cikin kula Kubra tace.
"Kawata gaskia Abdulmalik ya dace wannan madarar kyau ga sanin ya kamata yarinyar tai mani sosai."

Cikeda gamsuwa Sarauniya tace. "Ajika Bahijja asha kuwa, Lallai Kubra keda kanki kikace yarinyar nan taimaki, shiyasa nace kuje gidan su, koda mahaifin ta bai bartaba nasan kya ganta, kiyi sharhi."

Dariya ta saka tace. "Kedai bari wannan mahaifin nata akwai taurin kan tsiya, da ya hana ta zuwa ɗan uwan shine yace mutafi da ita."

"Uhmm Abdulmajid kenan tunda uwar data haifeni bantaba haɗuwa da bawa mai taurin zuciya marar tsoro ba irinsa kinga yanda mukayi artaba dashi, hmm Hajia Kubura Allah kada ya kara maimaita lamarin nan."
da ameen ta amsa, nan sukaci gaba da aikin gaban su, wasu akwa tunane da akayi su da fatar damisa masu kwarin gaske, da gani suna da mahimmanci a cikin Masarautar Daborah, dan sai Yarima ya cika Yarima sannan mai jiran gadon mulki ake haɗa mashi kayan lefe a ciki, haka Sarauniya Zulaiƙa ta dinga jibga kaya ciki kamar ba gobe, musamman material, da alkabba iri iri sai atamfa da less masu kyaun gaske, haka suka cika akwai tin dasu, sai wani karamin na karshe aka zuba sarkoki iri iri musamman dangin su, azurfa da diamond sai jawhar, murjani lu'u lu'u da saurn kayan ado na mata.

Bayan magarib kuwa mai dilka tazo tafarama Bahijja alewa da dilka, ba kama hannun yaro sai ɓarin turare take mata lungu da sako ga wani irin gyaran gashi tana mata, ko falo basu fitowa, itako Sarauniya Zulaiƙa sashen tabari, ta koma wani makimancin falo dake ɗauke da daki biyu, saidai ta gargaɗi Jakadiya kada tabari Yarima yasan Bahijja na sashen ta, sannan kuma kada abari ya ganta, aikuwa haka daren nan aka wuni ana abu ɗaya ga jikon tsumi irin na Daborah wanda akema budurwa daban hakama idan yarinya ta haihu shima na daban ne akema ta, itadai Bahijja in aka bata wani tsumin saitaji kamar ta kurma ihu dan tagaji ita daman batasan shan magani koda kuwa bata da lafiya, wannan kenan.


Washe gari Yarima Malik ne zaune a cikin ɗakin Huzaifa shida Yazid sai Dawud suna ta shirin biki don yau yakama saura kwna ukku ayi bikin, MalikusSaif ne ya zauna ya kalli Huzaifa yace.
"Huzaifa shirun nan na lafiya ne har yanzun yau kwana hudu ban kuma ganin amarya taba."

Sakakai suka bishi da ido, shi kanshi baisan sanda yai maganar ba, ganin irin kallan da suke mashi ne yasa shi ya cukule fuska tamkar bashine yai maganar cikin basarwa yace.

''Nidai ina baku shawara wlh kada kuyi wasan doki da bikin nan duk wahala ne."
"Uhmm." cewar Lurwan gwarzayen Daborah masu takama da Jarumta yace. "Bama tseren doki ba, har wasan Barri sai munyi, bikin Yarima Sarkin gobe sunkutukum dole a tunawa baƙi da mafari kuma asali, muna tareda Takobin Barri, ga zoben Barri da 'yan kunnen su, musamman Takobin Barri da kowane basarake ke kwaɗayin mallaka dan haka akwai hidima naka ido sai munyi komai."
"Wlh kuwa faɗa mashi dai."cewar Yazid.

Shiko ɗanbin ƙoƙonto Huzaifa kenan duk yanda MalikusSaif yaso yabar zancen Bahijja saida ya dawo da zancen yace. "Yarima kasan kuwa amaryar ka tana wajen Ummu."

Wani matsiyacin kallo ya watsama Huzaifa yace.
"Kaidai ka shiga tara wato saida kadawo da wannan zancen ko, kuma zolaya ta tashi ko? ga MalikusSaif majnunin Bahijja ko?"

Dariya suka saka baki ɗayan su, Huzaifa ne yace. "Wlh dagaske nike maka wannan zancen Bahijja na sashen Ummu, kuma ni inada majiya mai kwari daga bakin gimbiya Abida take gayama Ummin Zahara'u."
Kishingiɗewa yayi aranshi ko cewa yayi.
"Lallai Ummu dan kar inga Bahijja kenan, zaki mani wannan horon Allah saina ganta nasan yanda zanyi."
Jiyayi sunce baki ɗayan su."ya zakayi Yarima."

Da mamaki yabisu da ido azatan sa sunji, saidai suma kalmar kashe ne kawai sukaji, murmushi yayi ya basar da lamarin.


Washe gari tunda aka tashi Jaruman Daborah suka fara shirin wasan tseren dawakai da wasan jefa mashi a cikin wani katan zobe na bakin karfe duk wanda ya jefa matukar ya wuce cikin kankanin lokaci shine gwarzo kuma yana da gaggarumar kyauta, aiko waje ya cika da bayi wajen su daban hakama masu Sarauta sai wani waje na musamman Sarki Abu-Jalal ne dasu Kangiwa,Matawalle Waziri da suran royal families, sai wani ɓangare na daban kuma Sarauniya ce da kawayen ta sai su gimbiya Abida matar Matawalle da gimbiya Salsabila mamar su Huzaifa da sauran gimbiyoyin Daborah, sai ɗayan gefen kuma Jarumai ne kama dasu Huzaifa Yazid Lurwan Adam Dawud da sauran su sai baƙin su dasuka zo daga sassa daban daban, dan labarin auren Yarima Malik ya karaɗe kaf nahiyar Daborah harma da kasar Gambia baki ɗayan ta da sauran kasashen duniya wa'anda suke makobtaka dasu, shiyasa Daborah tayi tankam da bani Adama musamman in akaji labarin Yariman Daborah magajin Sarauniya Zulaiƙa MalikusSaif zai auri baiwa sai kowa yazo dan kashe kwalkwatar idan shi, wajen yai tsit mai shela keta shela za'a fara gasa inda kowa yai shiru tamkar an mutu, su Yarima Malik ne shi da Galadiman Sarki Abu-Jalal, ya riko hannun MalikusSaif cikin shiga ta alfarma daya gaji da haɗuwa cikin kayan gasar yake saidai na ango daban yake, wani kayane masu tsantsi da sheƙi sai ɗaukar ido sukeyi inda MalikusSaif yasaka royal blue da dogon baki jikin shi, su kuma sauran abokan wasan suka saka coffe sai digon brown, sai karamar alqabba da ya aza itama royal blue ɗince, su kuma sauran Jarumai basu da alqabba saman kayan su, saman wata kayatacciyar kujera Galadima ya aje shi, a ƙa'idar wasan daman kakanni ke kamo ango shiyasa Sarki Abu-Jalal ya wakilta Baffan su ya riko Yarima.

Wajen ne ya ɗauki murnar ganin angon ankawo shi, shiko Yarima sai faman raba ainun yakeyi yana son yaga gimbiyar tashi saidai bako alamun ta, Sarauniya Zulaiƙa kuwa dariyar kasan makoshi takema ɗan nata dan sarai tagane Bahijja yake nema tayi alkawali bazai ganta ba sai an ɗaura aure.


_Tab kaiko Yarima kaga ta kanka ko zaka iya jurewa kuwa? Masoyan MalikusSaif gareku lol🤣_

Cikin kankanin lokaci aka fara wasa, inda Huzaifa da Yazid suka fara hawan dawakai, busa sarewa aka fara cikin kankanin lokaci suka faraba dawakan su wuta kamar ba gobe haka suke faman gudu cikin tamfatsetsen filin Barri wanda ko yaki akeyi a cikin filin akeyin shi dan girma da fadi, aiko cikin gudun ne aka sake tado mutun biyu Lurwan da Adam suma suka maye masu baya kowa da wanda yake so yakai wajen tutar Masarautar dake ɗauke da hoton wata da tauraro sai kasan ta hoton mutun ne bisa doki rike da shafceciyar Kansakali (takobi) ta BARRI.


Huzaifa ne kan gaba a cikin yan tseren dokin har akayi round na biyu, ana ukku Yazid ya shiga gaban Huzaifa, cigaba da bama dokin su wuta sukeyi, wanda yanzun kuma Lurwan kejan tawagar saura round ɗaya ta rage, Huzaifa da Yazid suka isa lokaci ɗaya kuma atare suka rike, tutar Daborah, kowa yaki saki, wani irin shewa akayi kowa najin daɗi musamman MalikusSaif yana alfahari da haziƙan abokan shi, hakan yasa Sarki Abu-Jalal ya mike yace.

"Masha Allah wasa yayi kyau kuma ya ƙayatar saidai yanzun dole tsakanin Yazid da Huzaifa a fidda gwani."
Wani ihun aka sake yi dan murna.
Cikin kankanin lokaci aka sake hura usur suka durmiya cikin tseren su dan kowa gwanine anrasa cikin su wayafi wani gwannan cewa, wannan karon round ukku ne ba biyar ba, idan Yazid ya wuce Huzaifa shima saiya wuce Yazid a round na karshe kusan atare suke tafiya saida suka zo daf da ɗaukar tuta Huzaifa ya buga uban tsalle ya riga Yazid caɓe tutar, kamar jira aka fara murna, kowa saijin daɗi sukeyi rungume juna sukayi tsakanin Yazid da Huzaifa, sannan kowa ya zauna

Bayan minti ashirin aka fara wasan mashi wannan karan kuwa Yarima Malik da Huzaifa sai Lurwan
Cikin kirari na mazigan Masarautar aka fara koɗa Yarima Malik cikin girmamawa yace.
"tashin ka lafiya MalikusSaif angaishe ka angon gimbiya Bahijja ɗa ga Sarauniya Zulaiƙa, jikan Sarki Abu-Jalal, ɗan Saifulislam, Kadimulislam Kangiwa angaishe da ɗan lelen Abduljabbar Matawalle gaba lafiya baya salama, magajin gobe angaishe da jikan Sarauniya Yahanasu, girman kane na Sarauniya Maimoon, Allah yakara lfy ɗan uwan Sarauniya Mulaika, gaba dai gaba dai ɗan uwan Huzaifa abokin Yazidu da Lurwan Allah yakara girama jinin Sarki Abduljabbar na I."

Shidai Yarima harji yayi kanshi zai fara sarawa dan yatsani wani tsumburen na Sarauta har ya isa cikin fili, wannan karan ba daɗewa ake a wasan ba, mashi aka mikama Yarima anaso kowa ya jefa shi cikin hudar zoben Barri wanda ke makale cikin wani jan karfe.
Aiko Yarima yana ansar mashin ya saita shi da hannun shi cikin saitin kofar zoben ya wulla shi

Rabi da kwatar jama'ar wajen sai fat fat sukeji kirjin su nayi, shi kanshi rufe idon shi yayi dan ya jima baiyi wasan Barri ba, ji yayi ansaki sani irin ihu, shiko alhmdullhi kawai ya iya furtawa dan ganin wasan yake tamkar ainahin wasan Barrin ne za'ayi, wani mashin aka sake bashi shima cikin ikon Allah ya jefa ta cikin hudar har cikon na ukkun shima ya shiga baki ɗaya bai zubda ko guda ba.
Sai murna da ihun mutane sukeyi haka koma ya zauna, Huzaifa ne yazo shima yafara na farko shima ya shiga saidai ya zubda har guda biyu, saidai wajen yai shiru kamar ba kowa dan sunso a fafata tsakanin Huzaifa da Yarima dan sunsan shima Huzaifa gwanine, haka shima ya koma ya zauna, sai Lurwan shikam saida ya saka biyu na ukkune ya fadi, murna aka saka, wajen ne ya ɗan lafa sakamakon gyaran murya da Abu-Jalal yayi sannan yace.
"Angaishe da Jarumai abokan ango, kunyi kokari, yanzun za'a gabatar da kyautuka ga Jarumai, nan aka fara raba kyauta da kayan saƙi da takubba sai kuma kuɗi duk cikin kowace kyauta saidai wa'anda sukaci wasan nasu na musamman ne, ana gama ba wa'anda sukayi wasan tsere aka kira MalikusSaif shine yai na farko na wasan zoben Barri nan akabashi kyautar zoben azurfa mai masifar kyau da tsada haka akaci akasha danko naman kaji ba abin nema bane, kowa yayi nahi'an ba bayi ba masu mulki saidai kowa da nasu ɓangaren haka kowa ya koma gida cikin farin ciki da anna shuwa.

▪️▪️▪️▪️▪️▪️▪️▪️▪️▪️▪️

Masarautar Raifasu kuwa labarin auren Yarima Malik da Bahijja ya gauraye cikin Masarautar, bakaramin farin ciki Jakadiya tayi ba, da kanta taje ta sakarwa Sarki Muhammad, duk da yaji wani iri musamman kewar Bahijja saidai a halin yanzun tamkar 'yar cikin sa haka ya ɗauki Bahijja cikin kankanin lokaci yasa Jakadiya tafara haɗa kaya wanda uba kema ƴarsa lokacin aure yace su shirya a ranar zasu isa Daborah kasancewar ba'ajima dayin sallar la'asar ba, wannan karan dashi da Jakadiya sai Tasi'u da sauran ainahin bayin Daborah sai jama'ar fadar shi kama da Galadima dagaci sai kuma Sarkin dawaki, cikin kankanin lokaci suka kama hanyar tafiya Daborah.

************************************
Wajen Sarki Haishir kuwa kafurci sai abinda yayi gaba dan basu daina kudurin halaka Sarkin Raifasu ba, kusan kullin yana tareda aljanin dutse ko wajen Sarrilƙus suna tsafin yanda zasu darkake Masarautar Raifasu da komai nata, danma riko da addinin sune yasa har yanzun basu cimma burin suba akan su.
Shi kanshi Haishir ɗin ba abinda ya ragu na fasikanci dayake abin dai ba kyaun gani, ga kullin sai an zubda jini anbama dodon tsafi.
Shiko Sarki Danwar shine ɗan kore shike kara zuga Sarki Haishir kan kudurin su, yau ɗin ne yazo cikin Masarautar Waisu kasancewar ba nisa tsakanin ta da Masarautar Ƙaisu, yana zuwa cikin bangaren aminin nashi ya wuce suka zauna suna zantawa, cikin munafunci yace. "Kasan Yarima MalikusSaif zaiyi aure?"

"Uhmm niko yanzun banda damuwa da MalikusSaif saboda sunfi karfin mu nesama ba kusa ba."
Cikeda takaici yace. "Uhmm kusan haka saidai baiwar nan da mukaje mukayi Yaki akanta itace zai aura, waima mine sunan ta?"

Numfashi mai zafi ya furzar dan shi kanshi yasan ya ɗaura buri akan Bahijja saidai abinda yafi karfin ka dole kasa ido, cikin hushi yace "Bahijja."
"Kwarai kuwa yanzun ma labari yasa meni Sarki Baidulƙais yatafi yimusu murna."
tashi zaune Sarki Haishir yayi yace. "Aikuwa Yanzun yakama ta kaje Masarautar Daborah kaida amintaccen bawana, ku gane mana wace irin alaƙa da kusanci ke tsakanin mutanen Masarautar Daborah da jama'ar Masarautar Raifasu, tashi kutafi nan akwai duk kayan buƙata."
Bai mashi musuba dan daman shima so yake kashe kwalkwatar idanun shi, haka suka tashi cikin kankanin lokaci suka shirya da bayi ukku masu yi masu hidima suka kama hanyar tafiya Daborah.

➿➿➿➿➿➿➿➿➿➿➿

Wajen Bahijja kuwa dilka tai dilka dan tasha gyara ta kowane fanni inba cikakken sani kaima Bahijja lallai bazaka iya ganeta ba dan samun nutsuwa da tayi ga kula da tattali Sarauniya Zulaiƙa naima ta sosai ta canja, duk yanda MalikusSaif yakai da kwakwar ganin Bahijja, Sarauniya ta hana shi, haka dai kullin yana neman alfarma amman abu ya faskara hakan yasa yasama ranshi hakuri, saidai zuwa gobe ake ɗaura masu aure, a ranar kuma aka kai lefen Bahijja turakar bayi kowa yazo ya gani murna wajen bayi ba magana, harta iyayen ta saida Sarauniya ta haɗa musu kaya nagani na fada, sannan wani sashene tasa aka gyara, aka zuba kayan duniya a cikin sa nanne Yarima MalikusSaif zai tare da amaryar tasa komai ya haɗu dan duk Masarautar Daborah ba sashen daya gaji da kayatuwa irin wannan sashen daman ta tanaje shine dan in Yarima Malik yai aure ya zauna da iyalin sa.

Haka rayuwa ta kasance suma iyayen ta sunkai iyakar kayan da sukai mata musamman kayan ma'aikaci da anklƙi ansa Abu-Jalal yace akarba, ai da kayan iyayen ta zatayi gadara haka kuwa akayi.

Karfe goma na dare kuwa Sarki Muhammad dasu Jakadiya suka iso cikin Masarautar Daborah ba karamin tarba akai masu ba, a sashen saukar da baki na musamman aka ajesu,
Haka baki tako ina na nesa nesa sukai ta zuwa Daborah dan halarta auren Yarima Malik, harta Sarki Danwar cikin daren suka iso, abu dai ba'a magana suko yan Masarautar sai karrama baƙin su sukeyi suna basu abinci da abubuwan buƙata, wannan kenan.

Washe gari da safe Yarima Malik ne dasu Huzaifa suketa shiri kamar ba gobe saboda za'a ɗaura auren Yarima Malik da Bahijja da misalin karfe biyu na rana,kowa da irin shirin da yakeyi shiko Yarima baki yaki rufuwa, Yazid ne ya shigo da baƙin Yarima Malik na Masarautar Runo duk sunzo dan halarta auren sai 'yayan abokan Saifulislam, wanda duk suke harkar Kasuwanci a tare, da dai sauran jama'ar su, sai zolayar Yarima sukeyi shiko sai murmushi kawai yake masu, karfe goma daidai Yarima ya shiga bedroom ɗin shi kamar yanda ya saba, yana shiga yayi wanka wani ɗanyen yadine ya saka a jikin shi mai ɗan karen kyau saidai ash color ne, wankan turare yafara yima jikin nashi dan shima akwai son harkar kamshi.


_Lol da Yarima Malik da Sadaukin Burhaan kowa yafi wani son harkar kamshi yan team Malik gareku, yan team Sadauki kuna ina👌🏻🥰_


Haka ya gama shirin shi tsaf sannan ya shimfiɗa kafat yafara sallar nafila, haka ya wuni yana addu'oi samun nasara da zaman lafiya, a cikin auren shi da zaiyi karatun alqur'ani ya hau yi, kamar kullin bashi ya tashi ba sai wajen karfe sha biyu, sake wanka yayi wannan karan kau shigar wasu fakistan yayi irin na india maroon color, Yarima Dawud ne ya shigo baki ɗayan su suka ɗunguma suka tafi masallaci danyin sallah.

A cikin sashen Sarauniya Zulaiƙa kuwa mai gyaran jiki ce keta gyare amarya, Sarauniya Zulaiƙa ce ta kira Jakadiya Hajara tareda Jakadiya Aisha sukazo nan suka gaisa da Sarauniya bakaramin karrama Jakadiya taiba, nan ta ɗauko wani dankareren leshi royal blue da ratsin pitch color a jikin shi, sai wata masifaffar alqabba da taji stone na alfarma ita kuma fari ce amman tanada adon royal blue a jiki, hakama takalman ta masu rufi daga sama shima royal blue sai tabata sarkar ɗanyen gold mai kyau haka ta haɗa tabama Jakadiya Hajara tace. "Gashi aje a taya ƴar tawa shiryawa, ida angama ɗaurin aure zan kaita wajen Baffana ta saka wannan kayan a jikin ta."
"Toh ranki shidaɗe angama." kallan Jakadiya Aisha tayi tace.
"Ummin Bahijja muje kiga 'yar taki."
Haka suka shiga cikin sashen har cikin bedroom ɗin da Bahijja take, wani masifaffan kamshi ne ya daki hancin su baki ɗayan su, suka rufe idanun su, dai dai lokacin Bahijja tagama sallar nafila itama tana ta baza kamshi addu'a taga mayi wanda hannun ta ya gaji da adon lalle irin na sudan gin nan akai mata da salataf yasha Ja gwanin burgewa daman ga fatar Bahijja fara abin saiya kara ƙayatuwa, tashi tayi ta ninke sallayar jikin ta sanye yake da wata tamfatsetsiyar atamfa coffe brown sai ratsin maroon tana juyowa taga Ummin ta, tana sakar mata wani sanyayyen murmushi na nuna tsantsar so da kaunar yar tata, wani uban tsalle ne Bahijja ta buga ta ɗane saman Jakadiya Aisha tace. "Ummi na yaushe kikazo waya gamaki."
duk lokaci ɗaya ta jefo mata waɗan nan tambayoyin,hawayen farin ciki ne ya lullube Jakadiya,zama sukayi bisa kujera har yanzun Bahijja na jikinta sai shagwaɓa take mata, itako kallan shi'awar yarta takeyi, cikin sanyin murya tace.
"Ƴata daga yau na haneki kada ki sake yin irin wannan tsallan kinaji na.?" rausayar dakai tayi alamun eh.
dafata tayi cikin kulawa tace. "Yawwa ƴar albarka inyeh Bahijja na angirma yau kece za'aima aure."

Cikeda kunya ta sadda kanta ƙasa sai kamshi takeyi ga wani uban shining and glowing da skin ɗinta keyi taji gyara, sake cewa tayi.
"Da Sarki Muhammad mukazo suna wajen Saifulislam, yana gaidaki."
"Toh ina amsawa,Ba'bata inasu Zainab da Indo, da Baba Saude."
"Suna turakar bayi kinsan dasu mukazo dan taya mana hidima."

Dan buga kafarta tayi kasa tace. "Uhmm nifa inasan komawa gida dan ganin yan uwana."
"Karki damu ana tafiya ɗaurin aure zaki koma tunda kinga a filin Barri za'a daura auren."
Cewar Jakadiya Hajara, cikin gamsuwa Bahijja ta rausayar dakai, itako Jakadiya Aisha cigaba da kwatanta ma ƴar tata tayi akan rayuwar aure da abubuwa irin nasu na manya itako Bahijja sai kunya takeji, haka dai har aka kira sallah suka tashi suka yi sallah

A wajen su Kangiwa kuwa sun gama shiri tsaf cikin kayan alfarma na Sarakai shida Matawalle iri ɗaya suka saka, sai shima Abu-Jalal ya gaji da haɗuwa duk wanda kagani baki har wuya dan farin ciki, a wajen Abdulmajid shima Saifulislam ya aika mashi dana shi kayan saidai kowa da kalar nashi shida Idris yai masu, hakama Binta ta cancaɗa ado cikin kayan alfarma kamar ba ita, hakama su Mairo da Ladidi sunsha ado, abinci kuwa shigowa aketayi dashi cikin kattin kuloli daga ko ina suma sunyi nasu iya karfi,danko kaji kamar a cikin sashen Sarauniya Zulaiƙa suke komai tasa ankawo masu na bukata ba abinda suka nema suka rasa, hidima kam saidai muce Alhmdullh anata hidimar arziƙi, kamar ba gobe.
Haka wajen anguna har sun gaji da haɗuwa, Huzaifa da Yazid ne sukayi ankon wata dakekiyar shadda sky blue tasha aikin brown ɗin zare, sai Lurwan shima sha wata shadda ruwan kasa, shida Dawud tasha aiki da coffen zare sai yabada coffe brown color.
Shiko mai kankat wato MalikusSaif cikin wani dakakken yadi ya fito royal blue da digon pitch a jikin shi ga aiki yasha shima pitch sai hula kirar yar barno mai masifar kyau itama royal blue ce da kwalliyar fari a jikin ta, sai yasa farar babbar riga tasha aiki da zaren royal blue, takalman shi farare sai kamshi yake tashi ga fuskar mai yalwar murmushi sai kare washe fararen hakoran sa yakeyi, yana fitowa falo kowa ya hau kiran masha Allah angon gimbiya Bahijja Allah yakara lafiya wannan madarar kyau, shidai murmushin yake masu baki dayan su suka ɗunguma sai babban filin Barri kowa ya halarta kusan sune karshen shigowa wajen ɗaurin auren sai kallan su ake domin sun bada color da hannu Sarki Abu-Jalal yai kiran su, wanda yabasu masauki mai tsari.

Waliyin ango wato Matawalle sai waliyin Bahijja Idris duk sun hallara duk da sunba Saifulislam walicin auren Bahijja, mai shela ne keta shela kowa ya saurara, aiko wajen yai tsit, limamin fa'da wanda shine imam na biyu idan Saifulislam bai nan har jam'i yake jan su,kallan shi ya maida ga jama'ar wajen sannan yace.



_Ƴar Mutan Kankia ce ❣️_


Share
Comment
And
Vote
❣️


*BAYI MA 'YA'YA'NE*

~Touching Heart Story💔😭~


_BOOK TWO_

_By_
*Jameey Yar'mutan Kankia*


*MANAZARTA WRITERS ASSOC*
https://www.facebook.com/107980080946102?referrer=whatsa
______________________


_Best of 2k21_


بسم الله الرحمن الر حيم



*Wannan labarin ƙirƙirarren labari ne kamar yanda kukaji tun a Book One, banyi shi dan cin zarafin wani ba, wanda yai dai dai da rayuwar shi aimin afuwa akasine🙏*



Episode 109&110



_Ɗaurin Aure_


"Ina waliyin amarya?"
"Gani nan."cewar Saifulislam.
Sake cewa yayi ina waliyin ango?"
Gani nan."cewar Matawalle.

Batareda wani ɓata lokaci ba, Matawalle ya juyo wajen Kangiwa yace.
"Ni Abduljabbar ina nemawa ɗana Abdulmalik auren iri na yarka Bahijja."
Saifulislam da farin ciki yagama addabar shi yace. "Nabaka."

Har saida Matawalle ya maimaita hakan sau ukku, Saifulislam yace. "Ya bashi amma abisa sharuɗɗa, na cinta, shan ta, suturar ta, lafiyar ta, ilimin ta, addinin ta, da kuma makwacin ta, dana zuriyar da Allah zai aturtasu duk ya rataya a wuyan sa."

Cikeda gamsuwa Matawalle yace.
"Abdulmalik ya karɓa kuma insha Allah ba abinda zai gagari yarku."

Cikin ɗaga murya mai shela yace. "Jama'a ku shaida waliyan ango sun anshi sharuɗɗan waliyin amarya."

Sannan limamin fada yace " akaranta fatiha da salatin annabi."
Baki ɗayan su aka karanta kamar yanda addini ta tanadar danko Yarima Malik harda kwallan farin ciki sai yake gani kamar cikin mafarki, duk abinda akeyi har cikin sashen Sarauniya Zulaiƙa anaji hakama har cikin turakar bayi.

Anagama fatiha kowa ya shafa, har dasu Sarauniya Zulaiƙa sai