You Cannot Download this book untill you login but you can read it .

---

Login Register

son zuciyarta. Mace me zuciyar kafirci, wadda babu ko ɗigon tausayi a cikin ranta. Macen da za ta iya raba uwa da 'ya'yanta tun ranar da suka zo duniya, ta ɗauke ɗaya, ta saka a salwantar da rayuwar ɗaya? Wannan wace irin mace ce? Wane irin rashin imani ne wannan? Wanne irin kishi ne wannan na jahilci?

"Zo Areef.. Zo na rungumeka ko na samu sassaucin abin da nake ji cikin zuciyata.." Mommah ta faɗa tana kallansa lokacin da idanunta har wani dishi dishi take gani saboda hawayen da ya cika su. Har wani tangaɗi yake yi lokacin da yake ƙarasawa inda Mommahn take. Shi kansa mamaki ya kasa barinsa. Shin me ya kamata ya yi? Kuka ko kuwa me? Babu ɓata lokaci yana ƙarasawa inda Mommah take ta rungume shi tsam cikin jikinta. Ba ta san lokacin da wani kuka me sauti ya ƙwace mata ba. Tabbas Areef ɗin jininta ne. Se yanzu ne ta fahimci dalilin wata irin soyayya da take masa. Se yanzu ta gane dalilin kasa dena sonsa tun yarinta duk da irin rashin kirkin da Mom ke mata. Se yanzu ta gane dalilin da ya sa take jinsa a can ƙasan ranta. A da ta yi tunanin ko dan ba ta da ɗa ne shi ya sa hakan, dan ba ta taɓa kawo hakan kan kasancewa ba. Se yau ta fahimci ashe dalilin kasancewarsa ɗa a gareta shi ne dalili ba komai ba. Ta sake rungume shi, tana jin wata sabuwar ƙaunar Areef ɗin na ratsata. Soyayyar uwa da ɗanta ta shiga ratsa kowannensu. Shi kansa se yanzu ne ya fahimci dalilin da ya sa yake son Mommahn tun tashinsa, yake kuma san komai nata. Duk kuma da yanda Mom ke hana shi zuwa wajenta da kuma hana shi alaƙa da ita ya kasa. Ashe ashe mahaifiyarsa ce. Ita ce ta tsuguna ta haife shi. Sun kai wajen minti 2 a hakan kowa da abin da ke cigaba da tsarawa cikin ransa kafin Mommah ta sake shi. Hannunta cikin nasa ta kamo shi ta zaunar da shi gefenta, tana jin wani matsanancin farin ciki na ratsata. Se dai gefe guda kuma wata fargaba ke ziyartarta. "Ina ɗan uwan Areef?" Tambayar da ta fara zuwar mata kenan, wadda ta tilastata kallan Daddy daidai lokacin da ya soma faɗin

"Kin raba uwa da 'ya'yanta a ranar da ta haifesu. Kin ɗauke ɗaya kin riƙe ba tare da sanin ɗanta ba ne. Hakan be ishe ki ba, maimakon ki bar mata ɗayan a'ah.. tsananin kishi da rashin imani ya hanaki, se da ki ka ɗauke shi ki ka sanya aka je aka salwantar da rayuwarsa.. Toh ki sani matuƙar na yi bincike ban samu yaron nan ba wallahi se na yi shari'a da ke.."

"Don Allah ka yi haƙuri sharrin shaiɗan ne wa..." Hannu Daddy ya ɗaga mata yana sake jin wata kalar tsanarta na ratsa shi. Fuskarsa a haɗe, muryarsa a cunkushe yace

"Na kuma sake ki saki 3.. Ki kuma jira hukuncin da za a miki na wannan laifi da kika aikata.. ba ma ke kaɗai ba, da duk wani wanda ya taimaka miki kika aikata.." Shiru Mom ta yi bayan jin abin da Daddy ya faɗa. Kamar ta ji abin da ya faɗa kamar kuma ba ta ji ba, se ta yi shiru tana sake tunano abin da ya faɗa ɗin. Saboda tsabar ruɗewa jikinta banda ɓari babu abin da yake yi kamar wadda zazzaɓi ya rufe. Wata ƙara da ta saki ita ce ta sanya Aunt Makiyy riƙota da sauri. Ai ba ta bi ta kanta ba ta sake sakin ƙarar a karo na barkatai

"Na shiga 3 na lalace.. Na shiga 3.. Saki kuma? Shi kenan burin Maimuna ya cika.. Na shiga 3, ta gama da ni.. wayyo Allahna na mutu na lalace." Kwatankwacin kalaman da Mom ta cigaba da furtawa kenan cikin ficewar hayyaci. Aunt Makiyy ta riƙota tana kuka ita ma tana kuka. Maimuna ma da ke gefe kuka take na fitar hankali. Nadama da danasani har yanzu su take yi. Kai ba ma ita kaɗai ba, Talatuwa kanta Maimunan take tayawa kuka. Dan ta san duk da ta yi nadama hukunci kam se ta karɓe shi, dan abin da suka aikata ya yi munin da za a iya barinsu su tafi a haka ba tare da wani hukunci ba. Wayarsa Daddy ya ɗaga ya yi kira na tsawon minti 1 sannan ya ajje wayar. Ya kalli Bad Man da idanunsa ke a lumshe. Har lokacin ya kasa yadda ba mafarki yake yi ba. Wannan abu ya ɗaure masa kai fiye da tunanin me tunani. Ashe shi ɗin en biyu ne? Toh ina abokin tagwaitakar tasa? Ko kuwa garin son zuciyar matar da ya ɗauka a matsayin uwa shekara da shekaru ya saka ba ze san inda yake ba?

"Kama mahaifiyarka ka kaita daƙi.. Zan shigo zuwa an jima." Se a lokacin ya buɗe idanunsa da suka yi kama da na me jin bacci. Ya miƙe jikinsa a sanyaye ya miƙawa Mommah hannunsa a tausashe kamar ba shi ba yace

"Mommah.." Se ta ji kamar yau ɗin wani suna daban ya faɗa mata. Duk tsawon lokacin da ya ɗauka yana kiranta da wannan sunan ba ta taɓa jin sunan ya yi kama da na wadda ta haife shi ba. Se a yau se ta ji yana faɗa hakan ya yi mata kama da ita ce mahaifiyarsa. Kamar kuma a ranar ya fara kiranta da sunan haka ta ji. Ta lumshe idanunta har lokacin bugun zuciyarta be saitu ba. Kama hannun Bad Man ɗin ta yi ta miƙe har lokacin kanta be bar sara mata ba. Dab da za su fice daga ɗakin Mommah ta dakata, abin da ke cikin ranta ta kasa barinsa, gwara ta magantu ko za ta samu nauyin da ke ƙirjinta ya ragu. Se dai kafin ma tace komai Maimuna ta soma faɗi cikin kuka.

"Don Allah Hajiya kar ki bar ɗakin nan ba tare da kin ce kin yafe min ba. Tabbas abin da muka aikata miki mafi muni ne, se dai ni kam na tuba.. dan tun a gidan duniya na fara ganin sakayya, daga wannan masifar se waccan.. ki taimaka min don Allah.." Murmushin yaƙe Mommah ta yi kafin ta soma faɗin

"Duk da na san ba yina kike ba Maimuna.. Se dai ban taɓa tunanin za ki iya aikata min haka ba, duba da cewar babu abin da na miki a rayuwa, se ga shi kin min abin da har na mutu ba zan manta ba. A lokacin da kika yarda kika aikata wannan aikin ba ki yi tunanin wannan ranar za ta zo ba ba se yanzu ɗin da ta zo?" Ta dakata a nan tana girgiza kai, tana kuma jin ɗaci har cikin ranta. Kafin ta maida dubanta kan Mom da har lokacin take surutai duk saboda yanda sakin da Daddy ya mata ya girgizata.

"Kin cutar da ni.. Kin cutar da rayuwata da ta 'ya'yana.. Kin saka na yi rayuwa tsawon shekaru masu yawa tare da Areef ba tare da na san ɗana ba ne. Ki na saka almakashi ki datse duk wata alaƙa tsakanina da Areef. Sannan kuma kin raba ni da yarona. Wanne hali yake ciki a yanzu duk ba mu sani ba. Shin yana raye? Idan har yana raye yana ina? Wane hali ze shiga idan ya kasance ya gano iyayensa na raye yayin da shi yake can yana rayuwa a wani waje? Babu uwa, babu uba babu dangi? Kin raba ni da shi ba tare da na taɓa jin ɗumin jikinsa ko shi ya ji nawa ba, kin kuma raba mahaifinsa da shi, haka zalika kin raba ɗan uwansa da shi." Mom ta sake dakatawa a nan saboda yanda ranta ke suya, muryarta har rawa take yi saboda yanda take jin maganar da take furtawa har cikin ranta.

"Idan har kun ga na fara tunanin yafe muku toh 'ya'yana sun haɗu ne waje ɗaya suna rayuwa kamar yanda suka rayu a ciki. Idan kuwa hakan ba ta faru ba ku tabbatar za mu tsaya da ku a gaban Allah.." Daga haka ta juya suka fice daga ɗakin. Daddy ya bisu da kallo cike da tausayawa. Maganar da Mommahn ta faɗa tabbas ta tsaya masa a rai, ya kuma sake tirr da halayen Mom. Ajiyar zuciya Ammi ta sauke, ita kam wannan al'amari ya ɗaure mata kai, wannan rashin imani da me ya yi kama. Se ta miƙe a hankali ta kalli Talatuwa tace

"Allah Ya kyauta.."

"Ameen mun gode sosai.. Allah Ya saka miki da alkhairi.. Ki mana addu'a kafin komai ya ƙare ta yafewa Maimuna don Allah.." Jinjina kai Ammi ta yi kafin ta furta

"Tohm.."

"Wace ce wannan?"

"Ita ce ta rako mu gidan nan Yallaɓai tun daga garinmu.." Talatuwa ta bawa Daddy amsa. Se ya jinjina kai kafin yace

"Madallah.. Mun gode.." Ya san Ammin ta kyauta da ta rako su Maimunan gidan nan, dan haka yanzun da Mommah ba ta nan, se ya rubuta numberta jikin wata takarda da niyyar Mommahn za ta kira ta mata godiya. Daga haka suka yi sallama ta fice daga ɗakin. Ba a ƙara minti 10 cikin ɗakin ba waɗanda Daddy ya kira suka iso cikin ɗakin da umarnin Daddyn. Cikin ƙanƙanin lokaci aka kama Mommah da kuma Maimuna zuwa lokacin da za a gama bincike. Mom kuka take har da birgima kamar ƙaramar yarinya, har kuma lokacin ba abin da ta aikata ke damunta ba, a'ah, sakin da Daddy ya mata shi ne ya tsaya mata, ya dugunzuma mata hankali, yake ƙoƙarin sakawa ta fice a hayyacinta, wanda kuma shi ne ya kusan sakata ƙaramin hauka. Ta din ga surutai tana roƙon Daddyn ya janye sakin da ya mata. A haka dai aka fice da ita daga ɗakin ba tare da Daddy yace komai ba. Se dai mamaki ya ƙi barinsa, musamman da ya fahimci inda maganganun Mom ɗin suka dosa, sam kamar hankalinta ma ba ya kan abin da ta aikata se sakin da ya mata. Ya girgiza kai yana sauke ajiyar zuciya kansa jingine da kujerar da yake kai. Talatuwa da Aunt Makiyy babu abin da suke yi se kuka, haka dai suka bar gidan cike da nadama, da danasani duk da ba su suka aikata laifin ba..


✨MHIZ INNOCENT✨
*AJTICHAPTERTWO67*


___Se da ya kaita har cikin ɗakinta sannan ya nemi waje ya zauna. Ta bi shi da kallo har lokacin idanunta ba su dena zubda ƙwalla ba. Bayan shuɗewar wasu mintuna Mommah ta katse shirun da ya ratsa ɗakin, dan kuwa shi ya rasa ma me ze ce. Tsananin ɓacin rai ya hana shi aikata komai. Ji yake tamkar mafarki ne, wai matar da ya ɗauka tsayin shekarun nan matsayin mahaifiyarsa ashe ba haka ba ne. Matar kuma da ya ɗauka matsayin kishiyar mahaifiyarsa ashe ita ce ta haife shi.

"Areef.." Se ya ɗaga kai ya kalleta. Ta sakar masa murmushi duk da har lokacin za a iya kiransa da iya kan fuskarta saboda har lokacin ba ta gama fita daga shock ɗin da labarin da Maimuna ya shigar da ita ba.

"Ɗauki wayar nan ka kira min Yayata.. Ka duba numberta za ka ga an saka 'Soeur' ka sanar mata ta zo gidan nan yanzu"

"Tohm." Ya amsa da hakan. Kai tsaye wayar ya ɗauka ya kamo number Yaya ya kira. Babu jimawa ta ɗaga. Be tsaya ɓata lokaci ba ya sanar mata da saƙon Mommah. Haka kawai ta ji tsoro ya kamata, musamman da ta ji ba muryar Mommahn ba. Dan haka babu ɓata lokaci ta shiga shiri. Cigaba da zama ya yi cikin ɗakin dan ya kasa matsawa ko nan da can ne. Zuwa can Mommah ta kalli Bad Man tace

"Taimaka ka kira min Ɗiyata.. Daga yau ta gama zaman kaɗaici In Sha Allah.."

"Shi kenan abin da za a miki?" Ya yi maganar bayan ya matso kusa da kujerar da take kai. Se ta jinjina kai kafin a fili tace

"Ehh.." Se a lokacin ya miƙe ya fice daga ɗakin. Mommah ta bi shi da kallo tana jin wani murmushi na ƙwace mata.

"Allah Ya maka albarka.. Ya bayyana min ɗan uwanka.. Ya sa yana raye cikin ƙoshin lafiya." Ta yi maganar a sanyaye.


A hankali ya tura ƙofar ɗakin, tana kwance kan gadon Little a gefenta yana rubutu cikin wata jotter, ta yi shiru kamar me tunanin wani abu. Daidai lokacin ya shigo cikin ɗakin. Tashi ta yi da sauri ta zauna zaune a kan gadon tana gyara zaman rigar jikinta.

"Uncle.." Little ya faɗa lokacin da ya taso da gudu zuwa wajen Bad Man. Hannu ya saka ya riƙo shi yana ƙaƙalo murmushi yace

"Little.."

"Na'am.." Be sake cewa komai ba se takawa da ya yi zuwa cikin ɗakin, a nutse ya kalleta yace

"Ɗauko hijab ɗinki ki zo mu je Mommah na kiranki." Har ga Allah ba ta san lokacin da ta ɗaga kai ta kalli fuskarsa ba. Kwata kwata kamar ba shi ba. Da ma tun da ya shigo ɗakin se take ganin kamar ba shi ba. Yanzun kuma da ya yi magana se ta yadda tabbas akwai wani abun. Toh me ya dame shi? Ta tambayi kanta tana cigaba da kallansa. Daidai lokacin da ya ɗaga kai ya kalleta, se kuwa ta tsinci idanunsa cikin nata idanun. Ta yi maza ta janye tana jin wata faɗuwar gaba na ziyartarta. Se ya kasa janye idanunsa daga kanta. Ya bita da kallo lokacin da ta ƙarasa bakin wardrobe don ɗaukar hijab. Duk da yanda take ta wani sum sum da kai, tana cakuɗe jikinta waje ɗaya saboda doguwar riga ce kawai a jikinta, hakan be hana shi ganin yanda rigar ta yi wa ƙaramin jikinta me kyawun fasali kyau ba. Se lokacin ta yi saurin zura hijab ɗin tana cuno baki saboda kama shi da ta yi yana kallanta sannan ya lumshe idanunsa yana ɗauke kai cikin basarwa. Se kuma ya kama hannun Little ya fice daga ɗakin. Se a lokacin sannan ta zura takalmi ta bi bayansa, cike da mamakin kiran Mommahn, kuma wai shi aka aiko ya kirata. Ba dai tace komai ba haka ta cigaba da binsa har zuwa sashen Mommah. Se da suka isa palour sannan ta soma yin wajen da kujerun Mommahn suke dan neman waje ta zauna.

"Wani yace ki zauna a nan ne?" Ya faɗa yana kallanta. Se ta girgiza kai tana ji duk ta muzanta. Be sake cewa komai ba ya yi gaba dan har yanzu shi kaɗai ya san halin da zuciyarsa ke ciki. Tun da ta lura da inda suke ƙoƙarin shiga se ta ji jikinta ya yi sanyi. Toh me ya faru? Me ze shigar da su har bedroom ɗin Mommahn? Kafin ta ida tunanin ya saka hannunsa ya buɗe ƙofar, cikin lokaci ƙanƙani kuma ya saka kansa ciki. Duk da yanda jikinta ya yi sanyi hakan be hanata runtse idanunta ba ta yi shahada kawai ta faɗa cikin ɗakin ita ma. Da mamaki Yaya take kallan Didi har ma da Bad Man da suka shigo ɗakin. Ba ma ita kaɗai ba, ita kanta Didi kallansu take cike da mamakin, gefe guda kuma cike da son sanin dalilin da ya kawo su har cikin ɗakin Mommahn. Yaya ta buɗe baki da niyyar yin magana Mommah da yanzun ke zaune tace

"Ga ɗanki nan Yaya.. ga kuma sirikarki nan.." Ta ƙare tana nuna su Didi. Kallan Bad Man Yaya ta sake yi, ta kuma kalli Didi, kafin ta maida dubanta kan Mommah cike da mamakin abin da ya shiga kanta. Me ke damun Sa'adahn? Shin wannan da ke tsaye ba ɗan gidan Salma ba ne? Ita kuma macen matarsa? Toh me take nufi da abin da take faɗa? Ita kanta Didi fa kanta ya gama kullewa. Karin bayani kawai take buƙata, dan gaba ɗaya ma ta rasa gane inda maganar Mommahn ta dosa.

"Ban gane abin da kike nufi ba Sa'adah?" Yaya ta faɗa tana kallan Mommah. Ajiyar zuciya Mommah ta sauke, cikin raunanniyar murya tace

"Ku nemi waje ku zauna Yaya.. Labarin me tsayi ne.. Daughter zauna.." Ta ƙare maganar tana kallan Didi. Babu musu kowannensu ya nemi waje ya zauna a sukwane. Bayan shuɗewar minti 1 Mommah ta shiga faɗa musu abin da ya faru tiryan tiryan kamar yanda Maimuna ta faɗa musu. Shiru suka yi bayan sun gama jin abin da Mommahn ta faɗa. Kafe Mommah da ido kawai Yaya ta yi kamar me son gano wani abun daga cikin fuskarta. Mamaki, tsoro gami da tsananin takaici da kuma jin abin kamar almara duka suka haɗarwa Yaya. Ta fi minti 5 ba tare da ta iya cewa komai ba. Ta ɓangaren Didi kuwa kawai se ta tsurawa Mommahn idanu kusan minti 1, kafin ta janye ta maida shi kan Bad Man. Tsananin tashin hankali da tsoron mutanen duniya ya sanya jikinta ke ta ɓari kamar me jin sanyi. Tuni idanunta sun cika taff da hawayen da dan kansa yake sauka a kan kuncinta. Ashe Areef ba ɗan Mom ba ne? Ashe Mom ba ita ce sirikarta ba? Wannan matar me kirki, mutunci da kima me kuma ƙaunarta ita ce sirikarta? Ita gaba ɗaya kanta ma ya kulle, ƙarƙari abin da ta fi tunani shi ne "Waɗanne irin mutane muke da su a cikin duniyar nan?" Ta tambayi kanta har lokacin zuciyarta ba ta dena bugawa ba.

"Ki na nufin ki ce Areef ɗanki ne?" Yaya ta tambaya tana kallan Mommah da jajayen idanunta.

"Ƙwarai kuwa Yaya.." Girgiza kai Yaya ta shiga yi wasu hawaye na kwarayowa a kan kuncinta. Tabbas ikon Allah ya wuce gaban wasa. Areef ɗan Sa'adah ne ba ɗan Salma ba? Wannan wace irin rayuwa ce? Wane irin yankan ƙauna ne aka musu haka? Wace irin zuciya Mom ke da ita? Se ta saka hannunta ta ɗauke hawayen fuskar tata, kafin ta ɗaga idanunta ta sauke su a kan Bad Man. Se ta masa alama da hannu a kan ya taho. Kafin ma ya taho ɗin ita har ta ƙaraso ta rungume shi cikin tsananin farin ciki. Sun kai wajen second 30 a hakan kafin ta ɗaga kai ta kalli Didi da ke kallansu kamar wata sokuwa. Ta sakar mata murmushi kafin ta mata alama da hannu a kan ta zo. Se da ta kalli Mommah, ashe ita take kalla, ta jinjina mata kai tana murmushi. Cike da sassarfa ta ƙarasa inda Yayar take. Hannunta ta kamo ta jata cikin jikinta, ta haɗa su ta rungume. Sosai jikkunansu suka haɗu waje ɗaya saboda rungumar da Yayar ta musu wanda hakan ya tilastawa bugun zuciyar kowannensu ƙaruwa. Se dai kafin su ankara ma se ji suka yi ta kamo hannayensu ta sanya cikin na juna, bayan ta sake su. Ta riƙe da hannu ɗaya tana ɗaga kai ta kalle su. Gaba ɗaya hannun suka bi da kallo musamman saboda wani baƙon al'amari da ya ziyarcesu. Musamman Bad Man da ya ji wani yarr tun daga ƙasan ƙafarsa har tsakiyar kansa, wanda hakan ya tilasta masa lumshe idanunsa. Ita kam Didi ji take kamar ta janye hannayenta se dai ta bar shi.

"Allah Ya kawo zaman lafiya a tsakaninku.. Ya kauda idanun maƙiya a kanku.. Allah Ya kawo muku farin ciki me ɗorewa a rayuwar aurenku.." Ta ƙare tana murmushi. Addu'a sosai Yaya ta musu kafin ta sakar musu hannayen ta koma ta zauna. Mamakinsa ne har yanzu ya kasa barinta, ta san da a da ne da tuni ya janye hannunsa, se ga shi duk da ta sake su amma ya ƙi sakar mata hannu. Ya kuma ƙi kallanta, kuma ya ƙi bata damar janye nata hannun. Toh kenan me ye ya chanja shi haka cikin ƙanƙanin lokaci? Ta saƙa hakan cikin ranta tana sake ƙoƙarin zame hannunta cike da fatan kar Mommah ko Yaya su gani. Ya wani maaze kamar ba shi ya riƙe hannun ba, ya kuma ƙi kallanta, se ma wani babbasarwa da yake yi tamkar be riƙe komai ba. Jin da ya yi ta ƙi haƙura da janye hannun ya sanya shi cikawa daidai lokacin da ya faki idanunsu su duka ya saka ƙafarsa ya ɗan taka ƙafarta da ta fi kusa da shi. Taɓe baki ta yi tana ji kamar ta yi kuka, shi kam yau muguntar shi ta tashi shi ne yake ta gwada mata. Ta sunkuyar da kai ƙasa tana murza yatsun hannunta. Sarai Mommah na lura da abin da ke faruwa tun ɗazu, ta jinjina kai a ranta tana ganin lallai lokacin da take jira ya zo ya zo mata a daidai. Ya kuma zo mata a lokacin da take da damar yin wani abu.

Tun da ta gama ba su labarin se hankalinta ya sake tashi, gaba ɗaya se ya tafi kan ɗayan yaron nata da takamaimai ba za a ce ga inda yake ba. Hatta bugun zuciyarta da ke fita ba a daidai ba yanzun se ya fi ɗazun fita da sauri. Har ga Allah tsoro take ji, tana tsoro ka da garin son zuciyar Mom ta salwantar mata da rayuwar yaro. Se ta girgiza kai tana ɗaukar wayarta ta danno number Daddy. Ringing 1_2 ya ɗaga wayar. Se da ya fara tambayar jikinta kafin tace

"Yallaɓai ka yi haƙuri.. Hankalina ba ze taɓa kwanciya ba idan ban ganni cikin gidan marayun nan ba.. Duk da a waje suka yar da shi Yallaɓai na kasa dena tunanin samunsa a cikin gidan.. Gaba ɗaya hankalina na can.." Mom ta faɗa muryarta a raunane. Daga can ɓangaren cike da tausayawa Daddy yace

"Kar ki damu Rankiyadaɗe.. ku shirya zuwa an jima da kaina zan kaimu can ɗin.. Na ɗauka da ma ko za ki buƙaci hutu ne a yau ɗin shi ya sa na bari se gobe.. amma tun da ba za ki iya ba ku shirya kawai." Murmushi Mom ta yi kafin ta amsa da

"Na gode sosai Yallaɓai." Daga haka ta katse wayar.

"Tashi maza mu wuce Sa'adah.. Hankalina ya daɗe da tafiya gidan marayun can.." Yaya ta faɗa tana miƙewa duk da yanda jikinta ke a sanyaye bayan gama jin labarin abin da ya faru.



... A zaune yake kan gadon ɗakin nasa, kishingiɗe jikin bangon hamshaƙin gadonsa, idanunsa a lumshe, ya yin da gefensa wasu kwalabe ne guda 2 zube. Ɗaya kuma na hannunsa ya riƙe se dai be kai ga buɗeta ba. Gaba ɗaya ya rasa sukuni tun ɗazu, zuciyarsa tafarfasa take yi. Ɓacin rai ke sake taso masa a duk lokacin da ya tuna da abin da ya faru. Babu abin da ya fi ɗaga masa hankali, ya kuma fi ɓata masa rai irin idan ya tuna tsayin shekarun da ya ɗauka ba tare da gane cewar muguwa ce yake tare da ita ba mahaifiyarsa ba. Wata mace ce yake ɗauka a matsayin mahaifiyarsa, matar da babu ko ɗigon tausayi a cikin zuciyarta, matar da babu imani a lamuranta se tsantsar son zuciya da rashin tsoron Allah. Matar da ya zauna yana mata biyayya duk dan a tunaninsa mahaifiyarsa ce. Ta saka shi ya yi, ta hana shi ya yi. Ashe be sani ba ita ce babbar maƙiyyiyarsu a rayuwa, ita ce wadda ta tarwatsa farin cikin wadda ta haife shi. Ta kuma tarwatsa wannan sunan da za a din ga kiransu da shi na 'En biyu' ta hanyar watsar da ɗayan jaririn, shi kuma ta riƙe shi. Wannan wace kalar rayuwa ce? Ya kasa jurewa, duk yanda ya so tausar zuciyarsa a kan kar ya sha komai hakan ya citira. Dan haka ya ɓalle murfin kwalbar ko tsayawa ya tsiyaya cikin cup be yi ba ya kafa kwalbar cikin bakinsa ya shiga sha a gaggauce. A hankali Mommah ta tura ƙofar ɗakin ta shiga. Idanunta a kansa suka fara sauka lokacin da kwalbar ke cikin bakinsa. Haka kurum ta ji wani irin tsoro ya ziyarceta. Cikin sauri ta juya bayanta ta kalli Didi da ke tsaye tana jiranta. Sam hankalinta ba ya wajen yana kan Little da ke ta tsalle tsallensa tana riƙe da hannunsa. Se ta ƙarasa zuwa cikin ɗakin duk da yanda ƙafafunta ke son bijirewa.

"Areef.." Mommah ta faɗa tana kallansa cike da tashin hankali, da kuma tsoro. Zazzaɓin da ɗazun ya soma rufeta yanzun ya soma dawowa, wanda hakan ya tilastawa jikinta soma rawa. Idanunta har lokacin a kansa tana fatan ya buɗe idanunsa ta fahimci ba abin da take tunani ba ne. Se dai cikin ƙanƙanin lokaci