You Cannot Download this book untill you login but you can read it .

---

Login Register

domin tayi abunda ko wadanda aka haifa a birni suka rayu aciki ba lallaine su iya ba. Wannan ma ai tafi su Hadixa da fiddausi wayo bare wata banxa Amina. Ya tattara hikima da xantukan qarya dan ya wanke kansa a gurinta amma kuma reshe ya juye da mujiya domin tayi masa wankin babban bargo cikin hikima da azanci, wannan yarinya duk randa ta samu ilimi wadatacce ba qaramar fasihiyar mace xa aiba. Tayi masa bulala da kalamanta kuma ya daku sosai. Yayi wata nadamar akan wacce yayi a baya wato haka zina ke zubar da qima da haifar da raini tun kafin a aikatata? To inaga an aikata? Ya dunga juyi cikin wani irin yanayi wanda yayi Kama dana farin shigan soyayya.



Ita kuwa Sakeena tunda ta barshi a soro bata qara tunashi ba, taje tai wanka taci abincinta dare nayi ta miqe tai baccinta harda munshari.

***** ***** ***** ***** ***



Rayuwa taci gaba a haka sai dai wata damuwa daya itace Deni ya kafawa sakeena takura, yawan kallo, tare mata hanya, binta duk inda xataje da daddare kamar wani bodyguard. Tun abun baya damunta har ya soma damunta don bataso wani a gida ko a waje ya fahimci halin da suke ciki.




Tuni ta kammala jarrabawarta tayi candy ta kuma cigaba da xuwa aikinta cikin kame kanta da nisantar duk wani abunda xai hadata da wani namiji. Yayin da su Amina suka dora daga inda suka tsaya na yawon bin maqota ita kuwa Hadixa tafi gane danna waya da hirar masari masu kudi, duk da basu rasa manema ba amma fa su da uwarsu sun tsaya tsayin daka wajen ganin sai mai kudi duk kuwa da fadan da Baba ke musu na suyi amfani da dama su fidda miji.



A yauma kamar kullum ta fito xata tafi aiki Deni ya fito daga dakinsa ya tareta ta kewayeshi xata wuce yayi ajiyar xuciya yace "I LUV U SAKEENA" wannan kalma ta daketa sosai kuma itace ta hanata fitar datayi niyya ta tsaya tsam tana nazarin kalmar karon farko a rayuwarta da aka furta ana sonta. Tayi matuqar qoqari wajen yakice kalmar daga ranta, ba tare data juya ta kalleshi ba tace "u'r too late" ta sa kai ta fita daga soron. Ya tsaya idonsa cike da kwallah dan ya rasa abunda yakeji game da Sakeena, ya kasa tantancewa soyayya ce? tausayine? Ko Kuma ganin qimarta yake? Kawai dai ta tsaya a ransa tayi kyam duk kuwa da yasan ba itace kalar matar da yakeson aura ba. Saddiq dake bacci a daki ya fito ya tadda Deni a soro ido cike da kwallah ya dafashi yana tambayar meye? Amma bai bashi amsa ba sai komawa yayi daki ya kwanta yana mai tausayin kansa.




Acan makaranta itama haka ta yini kalmar Deni na yimata amsa kuwwwa a kunnenta kamar a lokacin ya fada. To me hakan ke nufi? Wata salon yaudarace ko kuma gaskiya? Kai! Inma gaskiya ce itadai anshata ta warke bazata qara yadda dashi ba.



Kafin a tashi ta amsa kiran Hajiya ta amshi albashinta dan yau wata ya qare, tai godiya taje gida ta saka 2k a banki kamar yadda takeyi duk wata 3k kuma ta bawa Iya wacce ita sakeena ke bawa duk sanda ta dauki albashi tace ta kasafta musu har Baba idan Iya taqi karba tace haqqinta ne tayi yadda taso dashi sakeena kan marairaice tace baki daukeni ya ba kamar yadda na daukeki uwa. Dan haka Iya ta daina musu take karba ta raba musu tare da tarin adduoin nasara a rayuwar sakeena.



Iya ta warewa sakeena 1500 ta bata, ita kuma ta dauki 500, sannan ta ware 1000 tace "wannan kije ki siyo taliya ko macaroni ki bawa Baba dan ba a dau bansho ba kuma inaga aljihunsa babu komai gashi ko kwaya bamu da ita a gidan. Kuma shima Deni inaga kwana biyu kasuwar sai a hankali "Sakeena tace "to iya ta dauki 500 a cikin nata kudin ta qarawa Iya tace kema ki dau 1000 kinga anraba kenan, ni turare kawai xan siya da always, kema kisai turare ki fesa Baba yaji qamshin" Iya takai mata bugu tana dariya tace "yar banxa kin maidani kakarki dai, to nagode Allah yayi albarka" sakeena itama tana tata dariyar tace "Amin" ta fita da kanta taje kanti ta siyo taliya leda 2 macaroni ma leda 2 ta nunawa Iya tace "ka kayan Baba sai ki kaimasa" Iya tace "a a jeki da kanki ki kai masa ya saka miki albarka." tai sallama qofar dakinsa ya amsa yana xaune yana tunanin inda xashi ciyo bashin abunda xa a ci gashi har biyar ta kawo kai ba a dora abincin dare ba da rana ma dumamen tuwon jiya akaci.




Sakeena ta gaisheshi ya amsa da tambayarta aikinta tace "Alhamdulillahi Baba munyi salary ne shine na kawo wannan gashi babu yawa ta fada tana tura masa ledar gabansa wacce har canjin ta hada masa 280" ya dauka ya bude, ya dungawa shiwa Sakeena albarka da adduar Allah yajiqan iyayenta. Ya kwallah kiran Hafsatu, Iya ta shigo tana gyara dankwali tace "gani malam ya bata ledar da kudin yace "gashi sakeena ta kawo mana abunda xamuci saiku dauka ki dafa mana ga kudinan ayi cefane." Iya tace "a a malam sa kudinka a aljihu xanyi cefanen a nawa kason data bani" yace "To Allah yayi muku albarka keda diyar taki Allah ya qara cika hannunku da arxiqi na halak" suka amsa da amin suka fito tare, Baba ma ya dauke yan canjin da sakeena ta bashi ya rufe dakinsa ya fita.


Hajjo na xaune kan tabarma Hadixa na gefenta tana danna waya, ta dokawa su Iya harara tai tsaki tace "ni kuma nawa yayan Allah ya tsine musu ko? Tunda kin qullah makirci an sakawa yar riqo albarka? To itama wayasan abunda take kafin kudin suxo? Ai wlh gara intaxa da yayana da su dunga yawan bin maxa da sunan aikatau"



Daga Iya har sakeena babu wanda ya kulata harta gama, Iya ta aiki Sakeena ta siyo mata kayan miya suka dora girkin dare.




Da daddare an taru akan babbar tabarma a tsakar gida saboda zafin da ake gashi babu wuta, kowa da kwanon taliya da miya harda salad a gabansa yanaci yayin da suke ta hira hade da santi, Deni dai yanaci yana kallon sakeena babu ko qiftawa yayin da take a takure abincinma ta kasaci saboda kallon da yake mata har saddiq yaso ya fahimci akwai wani abu tsakaninsu.



Abun kunya Hajjo nacin taliya tana sakin santi da cewa "yanxu fa da ace a gidan arxiqi muke da abincin nan kowa nasa da rabin kaza akai"😂 Baba ya dubeta yana murmushi yace "hakan ma a godewa Allah Hajjo wani ko wanda be kaishi va nema yake, ai babban arxiqi shine wannan gamu guri guda munacin halak cikin kwanciyar hankali" saddiq kuwa cewa yayi "kyaleta Baba wlh hakanma abincin yayi dadi yanxu wa xaice babu nama aciki?" haka dai aka dunga hira har suka gama aka tashi sallar Isha.



Bayan sallar Isha sakeena ta gyara fuskarta da powder tace da iya xataje wani store a qasan layinsu siyo turare. Tace "to sai kin dawo karki dade banason fitar dare"




Ta fita tana tafiyarta a nutse har taje store din tasai turarenta "lailatus sahara" da kuma always (pad) ta juyo xata fito daga Deni a bayanta wanda tun daga gida yake binta bata sani ba.




Ta hade rai sosai taji kunyar ganinta da yayi tana siyan always, ta biya kudin suka fito ya jera da ita ya karbi ledar hannunta harta hanashi taga yana shirin fuzga ta sakar masa. Ya leqa ledar ya ciro always din, ta qara daure fuska tamau dan karyayi mata xancen iskanci. 😂😂😂





Yace "Hmmm Sakeenatu yan matan Iya da Baba, banda abunki ai bai dace kije siyan wannan abun da kanki ba, dan in anga kin siya ansan kene xakiyi amfani dashi, da kin aikeni ai sai insiyo miki da kaina inkawo miki basai kin fito da daddare ba kina qamshin turare harda saka powder. Haka ya dunga xantukansa kamar motsatstse, ita dai ko tari batai ba balle bashi amsa. Sai sukaxo soron gida sannan ya miqa mata ledar yace "gashi ki kiyaye abunda na fada miki dan inada kishi kan abunda nikeso" ta karbi ledarta tare da tabe baki, ta watsar da xantukansa anan inda yayisu ta shige gida. Shima sai dayaga shigarta sannan ya juya ya koma majalisa.





Ranar alhamis suna zaune da Iya aka aiko yaro ana sallama da sakeena, tun kafin Iya ta lallabeta akan ta fita ta miqe ta gyara fuskarta ta qara fesa turare tasa hijab ta fita.




Suna tsaye da saurayin nata da yace sunansa yunusa yanata xuba tana binsa da kallo ba tare data tanka ba, ta matsu ya tafi don taje ta kwanta. Deni ya sawo kai soron, idonsa tas akansu albarkacin hasken wutar nepa. Ya doka tsaki ya shige cikin gida.





Bata wani jima ba ta shige gida. Deni kuwa ya kwana cikin wani irin bahagon yanayi ya rasa ina zaisa kansa yaji sanyi, ji yake kamar yaje ya samu sakeena ya nada mata dukan tsiya saboda tsaiwar da tayi da wannan yaron. Ya juya ya kuma juyawa ya rasa mafita kawai saiya fashe da kuka yanayi yana toshe bakinsa saboda kar saddiq yajishi da haka bacci ya daukeshi cike da mafarkan sakeena.




Wayewar garin juma a tun daga sallar asuba yana daki bai fito ba breakfast dinsa ma sai daki Hajjo tasa aka kai masa. Bashi da niyyar fita kasuwa domin zuciyarsa babu dadi sam.




Sakeena ma yau babu aiki a makarantarsu saboda rasuwar wata malama da aka tashi da ita har taje ta dawo, dan haka tana zaune tana taya Iya qullin kayan miya.




Qarfe goma da rabi na safe 10:30 AM Deni ya shigo cikin gidan a lokacin duk ahalin gidan suna tsakar gida kowa yana harkarsa. Direct gurin da Baba ke alwala Deni ya nufa, ya tsuguna gefen Baba yace "Baba aure nakeso, ka dubi Allah kayimun."




Duk wata halitta dake gidan hankalinsa ya dawo kan Deni da Baba, suka kasa kunne kwarai dan jin amsar da Baba xai bashi. Baba ya gama nazarta Deni kuma ya lura yana cikin hayyacinsa ya kada kai yace "To Nuraddeen wacece xata aureka baka da halin riqe ta?" yayi murmushin takaici yace "Baba wacce nakeso take sona babu ruwanta da xan iya riqeta ko baxan iya ba, soyayya takemun tsakani da Allah babu abunda muka sani sai san junanmu." Hajjo ta xaburo xatayi magana Baba ya daga mata hannu ta dakata. Ya kuma kallon Deni yace "wacece kake so din Nura?" Baiyi magana ba sai tashi da yayi yaje ya riqo hannun sakeena da gabanta ke masifar faduwa. yana janta tana turjewa mutan gidan na binsu da kallon mamaki, bai barta ba saida ya kaita gaban Baba ya duqar da ita yace "Baba sakeena ce wacce nakeso kuma take sona mun yarda xamu rayu tare duk wuya duk dadi" Baba ya dubi sakeena da take a mutuqar tsorace gumi sai yanko mata yake ta ko ina yace "Sakeenatu da gaske ne kuna san juna keda Nuraddeen?" Ta girgiza kai da sauri ta qara da cewa "wlh qarya yake yau na farajin wannan maganar daga bakinsa" Bata ankara ba taji mari "Tas" a fuskarta ta juya taga Deni na huci, maganar da ya farayi cikin qunar xuciyace yasa ta gane shine ya mareta "Ni xaki rainawa hankali? Soyayyarmu xaki qaryata Sakeena? Banxaci haka daga gareki ba, na dauka soyayyar gaskiya kikemun" yana gama fadar haka ya fashe da kuka. Sakeena kuwa kanta a qasa taji duk ta muxanta.




Baba ya kwantar da kan Deni a kafadarsa yana buga bayansa cikin lallashi. Yayin da sakeena ke duqe gabansa cikinta wata iriyar fargaba da debe tsammani.



Hajjo kamar an kunnata ta zaburo ta fara magana cikin daga murya tana girgaixa Deni "Deni yarona dan albarka meya sameka haka yau? Me abokai suka baka kasha? Nasan dana baya shaye shaye, waya bata maka tarbiyya da shan ganye? Nasan Kana cikin hayyacinka baxaka taba zabomin sakeena a matsayin suruka ba" Yana cigaba da kukansa yace "Hajjo acikin hayyacina nake, babu abunda nasha kuma ina qara tabbatar miki ni Sakeena nakeso indai kina qaunata kuma kunason xaman lfy a auramun ita"




Su fiddausi suka fashe da kuka duk su ukun, Hajjo kuwa ta rufeshi da duka iya qarfinta tanayi tana kukan cewa "wlh baka isa ba duk wani burina da tanadina akanka dan ka xama mutum ka samomin matar kwarai amma rana tsaka ka dakko min yar talaka jikar talakawa wacce aka haqiqance uwarta ma a bariki suka hadu da uwarta" Baba dayaga abun nata bana hankali bane ya janye Deni ya dakawa Hajjo tsawa. Ya tasa Deni a gaba yayi alwala ya canja kaya suka fita tare.



Suna saka qafa waje gidan ya hargitse, bayan Iya taja sakeena daki su Fiddausi da Hajjo suka dunga kuka kamar wadanda saqon mutuwa ya ruskesu yayin da Saddiq uban marasa mutunci yace da Hajjo kiyi shiru Hajjo in an isa ki xubar da hawayenki saboda wata tsinanniya Allah ya tsinemun, ita din banxa ta auri dan bakyaso itace ta haifar miki shi? Dama ni tun ranar da mukecin taliya naga sai kallonsa take shegiya me idon mayu. Amina ta karbe maganar da cewa "ai dama ta taba cewa akwai wanda takeso muna daukanta mahaukaciya ashe yaya Deni ta hango, me xaiyi dake? Wlh asiri sukayi masa tsinannu irin tsiya" Haka suka dunga xagin sakeena da Iya cikin tsabar rashin tarbiyya in wannan ta gama wancan ta karba. Ita dai Hajjo bata tanka musu ba kukanta takeyi, daga qarshe Saddiq ya rufe xancen da cewa " Allah ya tsinewa duk bokayen Baggadano domin sune sukai asiri dan uwansu ya haukace sannan uwarsu ta xubar da hawaye yayi kwafa da qarin cewa Ayi auran mugani" ya tashi ya fita.



Acan daki kuma xaman jugum jugum ya shiga tsakanin Iya da sakeena kafin Iya tayi qarfin halin fara magana "Sakeena dama Deni shine wanda kikeso din?" Bata bawa Iya amsa ba sai fashewa datai da wani irin kuka mecin rai tace "Iya dan Allah kiyi haquri ki yafemun na janyo miki xagi da cin mutunci bakiji ba baki ganiba har iyayena ma dake qarqashin qasa basu tsira ba." Iya tai shiru na dan lokaci kafin ta fara magana "Sakeena bawai san aurenki da Deni ne banayi ba Deni yaron kirki ne kawai qiyayyar uwarsa da yan uwansa nake hange miki don nasan abune mawuyaci su soki saboda baki da gata su kuma diyar masu hannu da shuni kuma yar gata suke buqata ya aura. Amma ki fadamun gaskiya akwai soyayya tsakaninku ko babu?" Sakeena bata da mafita illah fadar gaskiya dan haka ta fadawa Iya komai tsakaninta da Deni sai dai ta boye mata yunqurin bata mata rayuwa da yayi domin tayi alqawari baxata tauna masa asiri ba.



Iya ta kwantar da sakeena kan cinyarta tace "to har yanxu kina sonsa ko kuma bakya sonsa ki fadamun gaskiya dan baki da wacce xaki fadawa bayan ni" ta qara gyara kwanciyarta a cinyar Iya tace "wallahil azim Iya na haqura da Deni tun watannin baya, abunda ya fada yau kawai raayinsa ne ba nawa ba dan bamu taba tsaya munyi musayar kalmar soyayya dashi ba, ni burina yanxu be wuce insamu lfyar ido ba inyi karatu" Iya tace "To naji dadin jin hakan da sannu Allah xai kawo miki dai dai ke wanda yan uwansa xasu mutuntaki" a haka maganar ta qare, amma kuma Iya dake babbace saita fahimci Sakeena dai nasan Deni kawai ta haqura ne saboda qalubalen da take ganin xata iya fuskanta inta amince da soyayyarsa don a kalaman sakeena ma na yanxu batace bata sonsa ba cewa tai ta haqura dashi.



A wannan rana dai aka raba tukunya a gidan Mal Lawan don koda Hajjo wacce keda girki ta gama girkin rana bata bawa Iya da sakeena ba. Suma ganin haka basu tambaya ba suka dora nasu daban.



Da daddare ma haka aka kwatanta, kuma Baba ya gani amma baiwa Hajjo magana ba wadda ya lura qiris take jira tayi rashin mutunci.



Ya gama cin tuwo ya kunna radio yana saurare yayin da Deni ke gefensa wanda yau babu inda yaje suna tare da Baba tun sanda abun ya faru. Hajjo ta matsu kwarai su kebe da Danta ta kwabeshi ta fada masa abunda take hange masa na auran diyar mekudi amma kash! Daga Baban har Deni sunqi bata damar hakan.




Duk suna kan tabarma ita da mijinta da yayanta inka dauke bare (sakeena da Iya) dake can daki a qunshe sunacin ragowar abincin rana a matsayin dinner. Hajjo ta fara magana kamar yadda yayanta suka shirya mata "malam dama akan maganar daxu ne ta Deni, wato shirmen da yayi na cewar sakeena yakeso. To nifa gaskiya ban yadda ba a matsayina na wacce tai naqudar haihuwar da rainonsa kuma ni banaso ma dana yayi aure yanxu na fiso ya fara samun aiki ya ramamun wahalar da nayi akansa kafin yaje ya auro wata. Saboda haka wannan shine tsarina maganar aure ga Deni a jingineta dan baxata yiwuba wata can ta qulla makirci tayo masa shunen yar riqo dagani ya fara xuwa kasuwa ehe 😏" ta qarasa tana murguda baki kamar yarinya.


Baba ya kashingida fuskarsa bata nuna komai ba yace da Hajjo "innaqi bin umarnin naki fa uwata?" a harxuqe tace "sai nayi babban rashin mutunci ayi wacce xa ai don baxan xauna wacce batasan ciwon haihuwa ba ta kassaramun rayuwar Da" Hadixa dake saitin Hajjo tayiwa Hajjon alamar jinjina 👍🏼 yadda Baba da Deni baxasu lura ba.



Deni dai yana xaune kusa da Baba yana jinsu baice komai ba.



Iya ta riqo hannun sakeena suka fito daga daki suka nemi guri kan tabarmar suka zauna. Deni yana ganin sakeena ya gyara xama ya kafeta da ido kamar yadda sauran yan uwansa suma suka kafeshi da ido saboda ganin kallon da yakewa sakeena wasu ma harda tsaki.




Bayan gaisuwa da sannu da xuwa da sukai masa iya tace "Dama na kawo sakeena ne ta fada maka abunda ta fadamun da bakinta don waqa a bakin me ita tafi dadi."




Baba ya dubi sakeena yace "Ina sauraranki sakeenatu" babu wani shayi ko shakkar Deni yana kusa sakeena ta fara magana "Baba, kayi haquri da abunda xakaji, abunda ya faru daxu babu yawu na a ciki, ni da Ya Deni bamu taba tsayawa munyi musayar kalmar soyayya ba balle fahimtar juna duk abunda ya fada ya fadane don muradin kansa amma wlh babu wannan tsakaninmu na daukeshi kamar yayana uwa daya uba daya wanda babu aure tsakanimu har abada. Ni a tsarina babu aure anan kwana kusa na fiso insamu lafiyar ido incigaba da karatuna dan Allah Baba kayi haquri" Baba ya gama sauraran sakeena tsaf kana ya juya ga Deni da shima yake kallonta baki bude yace "Nuraddeen kaji abunda Sakeenatu ta fada, saboda haka kayi haquri ka nemi wata kasan baxan mata dole ba kamar yadda banwa yayana ba, inaso daganan maganar ta mutu Allah ya hada kowa da rabonsa na alkhairi"



Hajjo ta saki ajiyar xuciya afili duk suka juyo suna kallonta, sannan ta dora da cewa "Alhamdulillah yanxu naji batu, kunnemi xaman lfy kenan? Allah ya kiyaye gaba haka kawai da xa a tsiro mana da jafa 'I muna xaman lfy" Babu wanda ya kulata, Baba ya tashi yayi waje Deni ya bishi, sakeena da Iya kuwa suka shiga daki.



Su fuddausi suka Saki tafi tare da shewa, Amina tace "gaskiya Hajjo aikinki yayi kyau acikin 15 minutes kin rusa qulunboton da akaiwa yaya Deni kinsa mutum yayi amai ya lashe." Hajjo tayi dariya ta bawa Amina amsa da cewa "Amina ai bar uwa akan danta, ai ita uwa babu abunda baxata iyaba dan ganin rayuwar danta tayi kyau" saddiq yace "shegiya wuya babu dadi ai fitar da nayi gidan wani malami naje yace asiri akaiwa Deni da kawukan mage shiyasa ya rikice atake a gurin ya karya asirin sannan nasa yayi turaren barkono dan ramako ga wanda yayi asirin" Hadixa tace "da Allah malam yimana shiru sarkin kwai, a fitarka har akai aikin karya asirin kuma aikin yaci? Ba dama kaji sanyin guri sai kahau sakin kwan jimina" ya taso yana durawa Hadixa xagi da cewa xai tumurmusata wlh dan shi ba saanta bane ko Zarah dake gidan miji ya girmeta bare ita. Hajjo ta shiga tsakaninsu da taga abun xai xama dambe.





Kwana biyu bayan wannan wato Lahdi da safe Iya ta aiki Sakeena kanti siyo sabulun wanki lokacin wajen qarfe taran safe, taje ta siyo ta shigo soron taji an danqi hannunta anjata har cikin daki. Ta firgita kwarai da tayi arba da Deni ido jawur yana kallonta, ta qanqame jikinta dan a tsorace take dashi rabon data ganshi tun shekaran jiya da daddare. Ya rutsata a bango yayi mata katanga da hannunsa yadda bata da damar guduwa.





Ya gama qarewa fuskarta kallo yayin da idonta yake a rufe ruf tana jiran abunda xai mata, yayi murmushin takaici kafin ya toshe mata baki ya fara magana. "shiiii, kimun shiru, ba kin qaryatani ba? Kince bama soyayya? Ni xaki watsawa rayuwa? Rayuwar dana wahala nida iyaye na wajen ginata shine a yan kwanaki zaki rushemun ita? To ai shikenan kinyi dai dai Sakeena Abbakar Liman, amma tunda kinqi a auramun ke ai saimu muyi rayuwar dadiro ko? Kinga hakan ma yafi muyi ta sheqe ayarmu muna haifawa iyayennu yaya shegu tunda sunqi subi maganata sunbi taki, kinga ma mun huta mu kwana muna sheqe ayarmu da safe ki tafi aiki intafi kasuwa su kuma suyi mana rainon yayan rariya su dau dawainiyarsu kamar yadda suka dau tamu su basu abinci kamar yadda suke bamu tunda son xuciyarsu ya hanasu su gane kina qaunata kamar yadda nake qaunarki, son zuciya ya hanasu su bamu dama mu kafa namu gidan mu xama iyalai, in sunqi ji ai baxasuqi gani ba. Ya dago fuskarta ya matse mata baki yace ai hakan yayi ko?"




Ta fara kici kicin kwacewa, ya fada hannunta duk biyun ya murde mata sannan ya qara matse bakinta yace "ai wlh babu inda xaki sai kin amince kuma kin furta cewa shawarata tayi" Sakeena dataji matsa kuma taga alama yaufa Deni ba a hankalinsa yake ba sai tace "Eh shawararka tayi" yayi dariya ya kuma kafeta da jajayen idanunsa kana ya saketa, ta dunga maida numfashin wahala tana xare ido. Ya sunkuya ya dakko sabulunta daya fadi lokacin daya murde mata hannu ya miqa mata. Ta karba jikinta na rawa ta nemi hanyar fita.




Yayi saurin dakatar da ita yace "tsaya saurin me kike nanfa dakin nan da dare xai xama namu ni da ke, don yau xamu fara soyewa, yanxu xanje kasuwa in shaa Allahu xan samo kudi xan fadawa Alhaji yau ango nake ya bani aron kudi in siyo miki kaza da fresh yo, kafin na dawo ki wanka kimun kwalliya kisa turare sosai inadason qamshi." cikin rawar baki tace "To" har ta kusa kaiwa kofa ya kuma tsaidata yace "dakata! Karki xaci xakimun irin wancan rainin hankalin da kikaimun na qaryata soyayyarmu ki kwana lfy. Wlh in kikaqi xuwa har dakin uwar taki xanxo in daukeki muxo muyi soyayyarmu. Ya kuke da itama? Ya fada da alamar tambaya, Babarkice ko kakarki?" Sakeena mararta ta kuma qullewa, lallai Deni ya zare tunda har ya manta matsayin Iya a gurinta, to ko wiwi yasha ne? Ita dai ta qara mai ta cire sakatar dakin