You Cannot Download this book untill you login but you can read it .

---

Login Register

nasu dakin.




Da asuba Hajjo tai arba da Iya ta fito alwala, ta cije yatsa ta fallarawa Iya harara tace "ke kuma yaushe kika dawo?" Iya ta bata amsa da cewa "jiya cikin dare"




Iya ta zaunar da sakeena ta fada mata yadda sukai da Inna da kuma yayanta inda sukace tunda sakeena batazo da kanta kawo musu goron bikin ba da kanta har saida aka daura aure to baxasu xoba kuma duk yadda iya taso yimusu bayanin auren yaxo baxata ne sunqi sauraranta kuma bayan haka ma a fadarsu tunda sakeena tabar qauye bata taba xuwa gaishesu ba ko aika musu da wani abun duk kuwa da tana burni dan haka taje suma sun rabu da ita yadda ta rabu dasu. Iya ta basu amsa da cewa dama dai bakuyi niyyar xuwa ba saboda kunji talaka ta aura, amma inbadan haka ba ta yaya xa a ce ku kuna manya kuma kuna da yawa amma babu wanda ya taba ko tambayar sakeena ta waya? Saboda haka Iya tace su raba gadon gidan da Abbakar ya bari su fidda Sakeena da Nura. Anan ma suka turje duk kuwa da suna da halin fitar dasu sakeena amma sai sukace basu da kudi amma in sun samu xasu turo mata da kudin.




sakeena ta share hawaye tace "yanxu Iya haka xa ai bikina ko kare baixo ba daga dangin ubana? Na uwa kuwa bani da kowa. Iya Dan Allah ba dole aimun gorin asali ba, ni wlh xuwansu yafi duk abunda xasu bani"



Iya ta dubeta tace "sakeena share hawayenki ki daina kuka akan wadanda basu damu da ki mutu ko ki rayu ba, na tabbata da Lauratu da yayanta sunga me kudi xaki aura wlh da ko ba a gayyacesu ba xasuxo amma yanxu tunda ke talakace kuma matar talaka basu da buqatarki" sakeena ta yadda da maganar iya ta share hawayenta tana fatan Allah yayi mata arziqi ko sayi xumunci da yan uwanta.



Ana saura kwana 6 wata ya qare Deni ya kirawo Iya har dakinsa ya bata atamfofi guda 5 wadanda kudinsu basu wuce 3k ba kowacce yace "Iya gashi uban gida nane ya bani in xuba a lefe, kuma gashi bani da halin yiwa sakeena lefen amma ga wannan ki bata dan Allah iya ayi mata dinki me kyau irin wanda ake yayi banaso kowa ya sani. Ya dorawa Iya 3k akai yace wannan kudin dinki ne. Tayi malejinsu. Ya dakko wata leda yace wannan ma abata abokainane suka hadamun yan kudi shine na sai mata babu yawa ragowar kudin xan siya mana kayan abinci ne dan kar wahala taiwa Baba yawa" Iya ta karba jikinta a sanyaye tana kallon Deni da tausayi ta fuskanci yana qaunar sakeena amma yana mutuqar tsoron uwarsa. Maganarsa ta katse mata tunani "Iya boye kayan kiyi kamar daga unguwa kike, kice da sakeena inna kuma samun wasu kudin xan bata kudin qunshi da retouching" Iya ta share kwallar tausayinsa ta boye kayan a mayafin jikinta kamar yadda ya buqata tace "kabar kudinka Deni kaima kai naka shirin, ni xan bawa sakeena kudin qunshin da shamfo" ta juya ta fita yanata yimata godiya.



Tayi sa a babu kowa a tsakar gida tayi wuf ta fada daki, ta samu sakeena tana guga ta zazzage atamfofin a gabanta. tace "gashi inji Deni yace inbaki a boye ga kudin dinki ma ya bayar saboda haka sai muje anjima akai gidan dinkin a gwadaki yace ai miki me kyau amma bayaso yan uwansa da uwarsa su sani" sakeena ta dunga daga kayan tana binsu da kallo tana yaba kyan atamfofin. Iya ta miqa mata daya ledar, sakeena ta zazzage ta undis suka biyu baya, pant 6, bra 6, sai skirt 2, shimi me roba 2, sai takalmi guda 2, da mayafai 2, sai turare kwali 2. Duk masu sauqin kudi. Iya da sakeena suka kalli juna a tare, iya ta fara cewa "Allah sarki Deni ya sakemun abunda nake shirin yi, wlh jira nake aban dashi na gobe muje insiya miki yan kayan sakawa kinga yaro kamar ya shiga xuciyata ya gani. Allah ya saka masa da alkhairi adduar da nake miki ta samun miji nagari ashe Deni ne nagarin ada kam banason aurenki da yaron nan amma yanxu na fuskanci yana qaunarki kuma komai talaucinsa baxai bari ki tagayyara ba, kinga yan kudin ai na sai miki yan kayan kicin ko?" Sakeena dai tayi shiru tana tausayin mijinta wato kamar yasan bata da undis nata duk sun saki ko ina yasamu kudi haka? Soyayyarsa ta qara ninkuwa a xuciyarta ta quduri aniyar biyayya a gareshi. Ta tattara kayan ta boye atamfofin kuma sukai dinki da Iya aka gwadata duk riga da skirt. Koda iya tadau dashinta ajiyewa sukai da xummar sai qarshen wata sakeena ta samu albashi sai suyi siyayyar gaba daya.

****** ****** ******* ****
Komai aka saka masa lokaci tofa angama dashi, kamar yadda aka tsara qarshen wata taxo amma ta kama ranar talata dan haka aka saka ranar tariyar su sakeena ranar asabar xa a yini da kai amarya gaba daya. Baba ya bata sadakinta naira dubu ashirin kamar yadda ya fada, ta karba ta kaiwa Iya a inda ta saiwa sakeena drawer me biyu ta hannu me kyau tunda basu da halin yin kayan daki kuma basa dunga xuba kaya a leda ba ko a buhu. Washegarin ranar Baba yaxo da labarin ya kama musu gida amma basu samu a kusa ba saboda babu na irin kudin da suke buqata. Kamar yadda taji Iya na fada mayan sunje sunga gidan dake Sani mai nagge dakuna uku ne a gidan ciki da falo kowane daki, akwai mace daya a gidan yar dattijuwa xata haifi sakeena a haife da yayanta 4, wacce ke a daki daya. To Su sakeena ma daki dayan aka kama musu cike da falo yayin da daya dakin ma akwai mace aciki amma tayi tafiya sunje garinsu ganin gida ita da mijinta. Bandaki dayane a tsakar gida babu famfo sai rijiya a gidan babu kicin kowa a qofar dakinsa yake girki. Sai tsakar gida lailaye da siminti kamar yadda iya tace gidan dai bashi da laifi kuma matar gidanma iya tace tana da kirki ga dukkan alamu.




Sakeena tai sallama da malaman makaranta da kuma Hajiya, suma suka hada mata gudummawar 10k ga albashinta ta hada 15k ta nufo gida tana murna a wani bangaren kuma tana jimamin rabuwa da mutanen kirki da suka xauna da ita da mutunci.




Ta nunawa Iya kudin ta dunga godiya, aka fasa bankin sakeena wanda take tarin kudin aikin ido da takeso ayi mata suma kudin sun taru babu lefi aka hada da dashin Iya. Iya tai dariya bayan ta gama irga kudin tace "masha Allah wato dai su kudi wawaye ne taruwarsu bata da wuya, yanxu wannan kam ai sun isa rufa mana asiri a matsayinmu na talakawa" Iya tace maxa tashi shirya sakeena mu tafi kasuwa kafin wani abun ya shigo ya kassara kudin" sakeena ta marairaice tace "Iya ai ban tambayi ya Deni ba" Iya gwalo ido tana kallon sakeena tace "ke dan qaniyarki tashi mu tafi in mun dawo ni da kaina xan fada masa" sakeena ta qara marairaicewa tace "Iya infa na fita bada izininsa ba malaiku tsinemun xasuyi tayi har in dawo" Iya tace "to shikenan gobe ma fita da wurwuri inya dawo yau Kya tambayeshi yar dadi miji" sakeena tana dariya tace "Iya aike na gada, dan bantaba ganin kin fita bada ixinin Baba ba" Iya dariya kawai tai dan tasan sakeena gaskiya ta fada



Da dare Sakeena da taje kaiwa Deni abinci ta fada masa Xancen fitarsu da Iya gobe, yana kallonta yace "To Sakeena amma dan Allah inxaki fita kisaka hijabi kinga cikin maxa xaki shiga, inada kishi akanki sakeena" tana murmushi tace "to ya Deni xan kiyaye in shaa Allah" ta miqe xata tafi Shima ya miqe ya riqo hannunta ya mairaice ta dubeshi tana kallon hannunsa dake cikin nata tace "xan tafi ya Deni" ya qara marairaice mata yace "sakeena wlh so kawai nake injiki jikina, dan Allah in rungumeki?" bai jira amsarta ya jawota ya matseta tsam a qirjinsa, sun dade a haka kafin ya saketa ya koma ya kwanta ba tare da yace komai ba itama sakeena ta fice a dakin.



Washegari suka nufi kasuwa da Iya basu kasuwar rimi basu kofar wambai haka suka kusa yini a kasuwa sukayo siyayya ta rufin asiri, andan siyo mata kayan kicin na amfani harda risho Iya ta siyo mata Suka xubo kayan a qatuwar robar tara ruwa suka taho. Suna sauka yara suka shige da kayan dakin Iya su Hadixa nata baxa ido suga abunda aka siyo. Iya bata xauna ba ta tafi gurin wanda aka bawa fentin drawer din sakeena ta kai masa cikon kudinsa, ya fente tas tayi kyau kamar sabuwa.




Da daddare saiga Baba da katifar gado no 1 sabuwa qal a leda, ya kira iya da sakeena ya basu da cewa "gashi sakeena kiyi haquri naso inmiki kayan daki amma Allah be nufa saboda abun ya hademun gaki ga Deni amma ga katifa da ledar tsakar daki kiyi haquri kinji diyata Allah ya baku xaman lfy." ta duqa suka hada baki da Iya suka dunga godiya da fatan raya zuria.




Suka koma daki Iya ta dunga hamdala dama tana tunanin inda xata samu kudin saiwa Sakeena takifa tunda gado bai samu ba sai gashi Allah da iko ya kawo yanxu kam abunda ya rage kadanne wanda take fatan in shaa Allahu kafin ranar asabar din xata samu ayi.




Ranar juma a da safe ta tsefe kanta taje saloon akayi shampoo, yayi shar gashin ya miqe saboda bata taba shampoo ba. Tana dawowa ta wuce qunshi akai mata ja da baqi hannu da qafa tai shar tayi kyau. Dare yanayi aka taru akayi kamu aka feshe sakina da turaren kamu.



Aka watse bayan gama kamu, akabar sakeena da sanyin jiki don taga fa auren da gaske ne. Denin ma duk sai taji ya fita a aranta tunda zai rabata da Iya matar da tasota ta qaunaceta a lokacin data rasa kowa a duniya. Denin ma rabonta dashi tun shekaran jiya daya shigo tambayarta ankawo mata dinkin ta tace masa eh. Tun farar safiya akaje aka gyara inda xasu xauna aka kai mata yan kayan dakinta aka shirya risho ne kawai ba a kaiba Iya tace saita xuba kalanzir. Sakeena ta fashe da kuka bayan ta gama tunaninta. Iya dake saka lagwani a risho ta Kalli Sakeena tace "me kuma akai sakeenatu?" bata cewa iya komai ba sai sautin kukanta data qara. Iya ta matso bayan ta ajiye aikin da take ta kwantar da Sakeena a jikinta tace "nasan abunda kikewa kuka, kowa da haka ya girma sakeena, mu lokacin da akai mana aure ma bamu kaiku wayo ba, kuma nima ina jin ba dadi xan rabu dake amma kuma ya muka iya tunda haka rayuwar ya mace ta gada? Kiyi haquri kinji kibi mijinki ki xame masa matar rufin asiri" Sakeena cikin murya kuka tace "Iya Dan Allah ki yafemun haqiqa kinyi qoqari tun daga kan bani taribiyya har ixuwa kan ilimina da aurar dani ga mutum nagari nagode Iya ki yafemun" iya tana nata kukan tace "na yafe miki sakeenatu Allah ya baku xaman lfy da xuria ta gari ku kawomin yan yayanku inyi rainonsu kamar yadda nayi naku 😄" Sakeena da iya sukai dariya lokaci daya.




Sallamar Alhaji dan gidan Anty ta katse musu sallama, Iya ta hade rai dan bata manta dukan da uwarsa taiwa sakeena ba. suka gaisa da sakeena cikin raha har tana tambayar ragowar yan uwansa. Ya miqa mata envelop yace "wai gashi inji Abbanmu yace baisamu lbr kinyi aure ba sai yau, wai yana miki fatan alheri" ta karba tayi godia duk da batasan meye ciki ba. Suka bude envelop din bayan tafiyarsa tai karo da kudi yan 1000 guda 10 sabbi gal. Iya tai hamdala ta karbi kudin tasa hijabi ta nufi dakin Baba daganan tai waje da alama unguwa ta tambaya. Sakeena ta miqe ta tana tunanin ina Iya xata a wannan daren? Taci gaba da tunanin yan uwanta bazasu ba kenan kamar yadda suka fada? Da haka bacci ya kwasheta. Batasan ko qarfe nawa ba lokacin da taji Iya na tashinta a barci, ta miqe tana mutstsuke ido, Iya ta miqo mata samira tace "maxa ci dahuwar kaza nasa ai miki ban bada kudinba to yanxu Allah ya kawo shine naje na karbo. Ta miqo mata zanin gado tace dama shima ba a siya ba shine yanxu naje na siyo." ragowar kayan kuma Iya bata nuna mata ba kuma itama bata damu ba tayiwa Iya godiya taja kwanon kazar taci fiye da rabi taji ta qoshi amma fa badan dadi ba. Taje ta kuskure bakinta Iya ta miqo mata jarka tace "sha iya shanki kiban ragowar" ta kafa kai tasha da yawa ta bawa Iya ragowar.




Gari ya waye gida ya cika da dangin Hajjo wadanda suka bugo sammakon xuwa. Aka fara dora girki irin na bikin gidan talaka, yayin da suketa xarya dakin Iya dan ganin sakeena amarya, tayi tas cikin daya daga cikin atamfar da Deni ya bata riga da skirt kowa yaxo kuwa sai ya yaba da cewa a yayi iya xaben kyakykyawar mace ga kunya.



Ta barin sakeena kuwa tana tashi Iya ta bata ragowar kaxar jiya ta cinye ta dama mata wani gari da nono ta shanye sannan tayi wanka ta shirya cikin atamfar Deni.




wajen azahar aka kawo motar haya wacce Baba ya dakko haya aka cikata da dangin Hajjo suka nufi Sani mai nagge ganin gidan Deni. Sukaje suka dawo a salube, marasa hankali a cikinsu suka dunga sakin maganganu da cewa "a amaryar dai gatanan fara qal babu lefi amma daki fayau babu komai, da alama dangin amarya dai basu da xuciya. ko dan gadon bono babu? Yo wannan da a qauye ne wlh baza a aureta ba, amarya kam anyi kyan banxa" wata qanwar Hajjo ta karbe maganar da cewa "Yo ina dangin suke balle ace sunyi rashin zuciya? ai Nura me gajeran asali ya dakko mana ko kunga wani wanda xa a kira da dan uwanta a a taron nan?"



Duk wannan magana da suke a kunnan Iya da Sakeena da kuma abokan arxiqi da suka cika dakin Iya dan taya murna. Sakeena ta fashe da kuka jin ana mata gorin asali abunda tafi tsana a rayuwarta. Iya ta dubi Sakeena xuciyar na ciwon kukan da akasa sakeena a ranar bikinta, ta miqe ta fita tsakar gidan cikin bacin rai. Ta kalli masu yiwa sakeena cin fuska tace "Wai shin da kukewa sakeena gorin ba ai mata kayan daki ba shi Nuran meya yiwa sakeena a matsayin kayan aure? Ko ya baku lbr ya kawo wani abune in banda sadaki da ubansa ya biya masa? Saboda haka da sakeena da Nura kwaryar sama ke dukan ta qasa, sannan maganar cewa sakeena bata da asali wai shin daga ina wannan lbr ya samo asali? Wlh babu kaffara sakeena tafi Nura asali domin ita danginta babu jikokin tsinburbura da barbushe kuma inkunasan sanin asalinta ku tafi Dawakin Tofa (Baggadano) ku tambayi zuriar Malam Liman. Saboda haka inbakusan inyi muku tone tone ku samawa yara xaman lfy tunda sunasan junansu inba haka ba wlh xan farke muku laya domin nasanku yadda bakwa xato ko kun dauka bansan cewa uban wata boka bane babarta kuma yar bori?" Ai dajin haka uwar Hajjo dake cikin daki ta fito tana hada hanya ta bawa Iya haquri ta kada yayanta wadanda suka tsiro da fitinar tayi daki dasu.




Ta koma daki ta lallaba sakeena tai shiru, ta tasata a gaba taje ta kaimata ruwa tayi wanka ta fito ta sakata ta shirya lokacin har qawayenta sun fara xuwa wata yar ajinsu a boko da sukai aji daya tai mata makeup ,tayi kyau sosai, Iya ta miqo mata lace wanda kudinsa xai kai 5k tace "maxa saka kinji yar albarka" sakeena ta karba tana kallon Iya a ranta tace to inaji iya wannan kayan jiya ta anso daga dinki shiyasa take boyewa. Ta Kalli lace honey colour me kyau dinki riga da skirt me net anmata high neck yayi kyau kwarai ya dace da xamani, ta dunga godiya, ta saka akai mata dauri me kamar gwaggoro iya ta kuma miqo mata sarqa da su agogo da sabon takalmi da mayafi duk ruwan madara wanda suka dace da lace din. Sakeena ta washe baki tace "Iya duk ni kadai? Haka kika iya hada too much?" Iya tana dariyar ganin sakeena cikin farin ciki tace "yar banxa kin dauka nima ban iya gayu ba irin naku?"



Ta fito amaryarta tas ta fito tsakar gida qawayenta masu waya suna daukarta a photo. Kamar abun shiri saiga Deni ya shigo cikin milk din shadda dinkin tazarce ya kafa hula. Abokan wasansa suka saki shewa tare da yimasa gudar ango kasha qamshi. Ya Kalli sakeena kamar ba itaba kwalliyar ta mata kyau sosai ya dakko wayarsa ya miqawa Zahra yace "Dauke mu hoto zahra" ta karba ta qunshe dariya tana cewa ya Deni anty sakeena ta rudaka, yace eh wlh Zara kamar ba itaba tayi kyau. Tace anty sakeena cire mayafin mana, kafin tayi wani motsi Deni ya fusge mayafin ya miqawa Amina da suke gefe suna tabe baki da surutai irin na baqin ciki wai biki a gida kamar a qauye? Wata qawarsu tace "ai kuwa Amina sakeena dai tayi kyau kuma ni banga illar biki a gida ba, da can ba haka akeba kafin mu saki al adarmu mu aro ta wasu? Kuma gashi mijinta kyakykyawa dan gayu dashi daga ni yana sonta Allah ya bamu e tata" Amina cikin fusata tace "Allah ya baki dai don ni nafi qarfin candy aure wlh" tace "to xauna kiga qarshen biro da takadda wlh ni inasamun wanda yayimun aure xanyi domin aure baya hana karatu"



Sakeena dai da Deni sai hoto ake musu yayin da Deni beji kunyar mutanen gurinba ya riqe matarsa ana ta yi musu ita kuwa kanta yana qasa cikin jin kunya. Haka aka qarasa yinin biki aka watse




Dayin magriba Iya tasata kuma wanka lokacin sakeena kamar xata shide saboda kuka, ta kuma bata tsumi tasha. Ta bata atamfar da Deni ya kawo ta saka da komai sabo harda mayafi da takalmi ta bata 1k ta saka a Jakarta qarama pos. Ta dunga fesawa sakeena turare kafin ta rakata dakin Baba ta tarar da Deni shima a xaune ta nemi guri ta xauna ita kuma Iya ta fice. Baba yayi musu doguwar nasiha ya tunasar dasu haqqin miji akan matarsa da kuma haqqin mace akan mijinta ya rufe da addua bayan ya jaddawa Deni amanar sakeena da cemasa yarinya ce yayi haquri da ita kuma yayi tarbiyyarta.



Ya tashi ya fito dasu tsakar gida, yan tsirku suna nan ana jiran ace a taho kai amarya suje suga daki. Baba yace "kowacce mace ta tafi gidanta na soke kai amarya ni xan rakasu gidansu kamar yadda addini ya tanada" aka fara yan qananan maganganun cewa wane irin biki ne wannan babu kai amarya? Shi kuwa Baba yayi hakanne saboda gudun kuma faruwar rigimar da akai daxu.




Suna shirin fita daga gidan sakeena ta coge cikin kuka tace "Baba banga Iya ba, ban mata sallama ba" Baba yace "yi haquri kinji sakeena muje ai ba kun rabu bane har abada" suka fita tana kuka. Iya uwar dakinta ta qule itama tana kukan rabuwa da sakeena.




Suka shiga motar da Baba ya aro gurin uban gidansa, babu abunda kakeji sai tashin kukan sakeena. Ya kaisu har qofar gida ya fadawa sakeena adduar da xatai tayi tasa qafar dama ta shiga gidan. Baba ya rakasu har dakinsu a gurguje ya fito ya tafi saboda rugugin hadarin da garin yake.





Deni ya kunna fitilar wayarsa ya dakko caja a kunna ya lalubo tabarma ya shimfida musu a falon da abubu komai sai tarkacen robobin ruwa da yan tsirarun kayan kicin. ya kamo hannun Sakeena wacce ke tsaye ya xaunar da ita akan tabarmar daya shimfida. A daidai lokacin aka fara ruwa kamar da bakin kwarya, yayi murmushi ya yayewa sakeena lullubin kanta wanda ta rufe har fuska yace "Sakeena lallai soyayyarmu gaskiya ce, kinga adduar da nayi Allah yasa a kawoki ana ruwa Allah ya karba" tai shiru babu amsa tana cigaba da kukanta. Yasa hannu ya dago kanta dake duke ya kalli yadda idonta yayi ja saboda kuka yace "Haba mana sakeena, kukan namiye kamar ba dani xaki xauna ba? Kuma fa auren soyayya mukai" ita dai batace komai ba. Ya jata suka miqe tsaye yace "xo muyi alwala muyi sallar godewa Allah." suka tsaya nan qofar daki sukai alwala saboda ruwan da ake tsakar gidan babu kowa ga alamu an rufe kofar gidan kowa yana daki. Deni ya dakko qatuwar robar ruwan sakeena sabuwa da bokitai ya tara musu ruwan sama anan kofar dakinsu.




Ya jasu sallah raka'a biyu sukai suka idar, ya tamabayeta abunda ta sani akan adddini ta fada masa, yayi murmushi yace "madallah" ya dafa kanta yayi mata addua. Ya dakko qulin kazarsa wadda sakeena bataga lokacin daya shigo da itaba, ya baje musu, amma qiri qiri sakeena taqi ci domin ta rasa abunda ke mata dadi gashi yau wata irin kunyar Deni takeji. Da kyar da dadin baki ya lallabeta ya bata abaki sukashanye kwalin hollandia guda daya. Ya dakko sabbin brush guda biyu ya matsa musu oral B suka wanke baki a inda sukai alwala. Suka koma dakin jikinta sai karkarwa yake. Deni ya cire rigar shaddar jikinsa, ya xama daga shi sai dogon wando da singlet yace da sakeena "shiga ciki kisa kayan bacci Baby" da sauri ta shiga uwar dakin, shima kamar falo babu komai sai sif da kuma katifa daga jikin bango wacce tasha sabon xanin gado da filo biyu. Ta nemi gefen katifar ta xauna cikinta yana bada sautin qululu. Kimanin mintina 5 taji tahowarsa cikin dakin tai saurin kwanciya ta bawa qofa baya, yaxo ya kwanta gefenta ya kashe fitilar hannunsa ya ajiye, yasa hasken waya yana haska fuskar ta runtse ido. Yace "ya baki canja kayan ba sakeena?" cikin tsananin firgita tace "haka nake kwana bana canja kaya" ya ajiye wayar a gefe yace "to bari in rage miki su kisha sassanyar iskar da ake" ta tashi xaune tace "ni ka kyaleni sanyi nakeji" yayi murmushi ya maidata ya kwantar a kan jikinsa yace "to Baby xo inbaki dumin jikina ki rage jin sanyin." ta dan dade akansa a kwance tun gabanta na faduwa harya dena saboda ta xaci yayi bacci.



Can taji ya yunqura ya kwantar da ita kan katifar ya fara rabata da kayan jikinta a hankali. Hawaye ya wanke mata fuska lokacin da taji yana balle mata bra dinta, ta riqo hannunsa cikin rawar murya tace "ya Deni ban shirya ba" shima cikin tasa rawar muryar yace "kiyi haquri sakeena babu wanda ya taba shiryawa hakan" yacigaba da abunda yake, shinshinata yake yana sumbatar duk wata gaba ta jikinta ta labbansa yana sakin nishi ahankali daga baya ya dire kan abunda yake matuqar daukan hankalinsa a jikin sakeena. Ya taba, ya murxa ya kafa baki yana sucking nipple dinta kamar babu gobe, tun sakeena tana daurewa har ta fara shirin raba kansa da qirjinta domin nipple din ya fara yimata xafi. Ya dago kansa idonsa jajur yace "kina qaunata sakeena?" tai shiru babu amsa, duk da bata fada ba yasan amsar ta Eh ce. Ya qara cewa "indai har kina