You Cannot Download this book untill you login but you can read it .

---

Login Register

samu ba sai yanxu damar samun aikin taxo kana nema ka saqawa xuciyarka wani abu daban, kuma may be wannnan ita kadai ne damar samun aikinka" ta wuceshi taje ta kwanta a uwar daki ta lulluba saboda sanyin da takeji.



Shiyayi aikin kaf tundaga shara har wanke wanke girki da kuma dora ruwan wanka bayan yayi ya shirya yaje tada sakeena dan tayi nata wankan su karya, sai dai tun yana kiran sunanta ta tashi har ya fara tabata amma bata motsa ba, ya tsorata lokacin da yaji jikinta xafi rau ga kanta ma. Duk da a gigice yake bai hanashi gane sakeena a sume take ba.



Cikin sauri ya sabeta yayo waje da ita lokacin Mariya harta tara mutanenta, kuma yanajin lokacin da yake shirin fita tana fada musu cewa "ai inaga ciki tayo gidan da take aiki, dan jiya kwana yayi yana jibgarta yana tambayarta waye Ahlan kuma da sassafe ya tasa qeyarta gidan" yayi tsaki a fili, lallai gidan haya bala'i ne wato duk abunda kake ido nakai, Allah ya horewa kowa yayi nasa. Haka ya fita ba tare daya rufe dakinba. Ya tare napep ya shiga da ita kamar matacciya.




Qaramin asibitin local government ya kaita wato sha ka tafi, suka amsheta aka shinfideta suka debi jininta aka tafi kwaji. sai a lokacin ya tuna babu kudi jikinsa balle ya biya kudin test. yace suyi yanxu xai dawo. Da sauri ya koma ya tarar har umman Amir ta janyo musu dakin, ya bude ya dakko kudin da Abba ya bawa sakeena daxu ita kuma ta ajiye masa yana fushi be dauka ba, ya fito umman Amir ta fito tana tambayar lfy a gurguje ya fada mata sakeena babu lfy tana asibiti nan kusa.



Lokacin da ya dawo har result ya fito likitan dake duty ya rubuta mata treatment, ya biya kudin sukace dole asa mata ruwa saboda jikinta yayi laushi. Duk ya biya kudin akai mata allurai wasu kuma aka saka cikin drip din aka jona mata, har lokacin bata farko ba amma sunce akwai allurar baccin da sukai mata.



Yana gaban gadon a xaune a kujera riqe da hannunta me qarin ruwan, yayi nadamar dukan da yayi mata jiya dan ga shatin belt nan a kafadarta gurin yayi ruwa kamar quna. Koda wasa be nufin fadawa kowa a gidansu ba dan da kunya ace dukan da ta yayi harta suma. Yasan kuma zata rufa masa asiri babu mejin wannan maganar, waishin ma meya kaishi dukan mace kamar wani jahili? Besan meyasa jiya ya kasa controlling din fushinsa ba gashinan ya jawo musu abun fada a gidan haya.




Yana riqe da ita har xuwa yamma be matsa ba sallah ma anan yake, lokacin ruwan ya qare duka biyun. Likita yaxo, sakeena da tundaxu ta farka amma taqi bude ido jin muryar likita ta bude yayi mata sannu ya sallamesu bayan ya gargadeta da shiga gidan sauro dan akwai malaria sosai a jikinta ya rubuta mata yadda xatasha maganin suka tafi.



A gida ma dai haka ya dunga nan nan da ita har yakai mata ruwa ya rakata toilet ya tsaya a Kofar ya jira tayi wankan ta fito saboda tana jiri ya riqeta suka koma taji dadin wankan dan ruwan da xafi sosai. Umman Amir ta shigo suka gaisa tana mata jajen jiki tace "yanxu nake shirin inje dubaku na jira in qare girki ne kuma sai gaku" ta ajiye musu flask tace "ga abincin ma tunda kun dawo sai kuci, Allah ya qara sauki" Deni yayi godiya umman Amir ta burgeshi ta iya jan girmanta bata nuna taji abunda ya faru tsakar daren jiya ba duk da yasan tajin. wannan shine iya xama kabar abunda be shafeka ba.



Ana kiran sallah tayi sallolin dake kanta a xaune, ya hado mata shayi tasha don yunwa takeji, ya bude abincin umman Amir shinkafa da miya da salad. Dama nufinsa ya fita siyo musu abinci kuma sai gashi sun samu tare sukaci. Ana idar da isha tai brush tasha magani ta kwanta bata jira Deni ba kuma tunda suka taho bata tanka masa ba.



Kwana 3 cur yana jinyarta komai saiya mata baya fita ko ina, ta warke ras kuma ta huta sosai, amma fa batace masa komai domin tana cikin wani irin yanayi na masifar kewar su Hassana kamar yan uwanta na jini take jinsu batasan tana qaunarsu haka ba saida suka rabu.



Shi kuma a nasa bangaren ya xata rashin lfyar ce tasata haka dan ko gaisheshi batayi xaman kurame suke a dakin ko abu ya tambayeta sai dai ta nuna masa da hannu. Amma a rana ta 4 yaga ta karbi aikinta har ta bawa Amir kudi yayo mata renting din littafin hausa (novel) sai fuskanci sakeena fa fushi take dashi, ya fita kasuwarsa ita kuma ta yini kwance dan da rana ma awara tasa aka siyo mata taci tunda hannunta cike yake da kudin da Abba ya bata duk da aciki akai hidimar asibiti.




Da yamma tai girkinta harda nama tai wanka tasa English wears amma batai kwalliya ba yacce ta saba. Ya dawo da wuri dan shiri yake nema, amma ba fuska dole shima ya kama kansa ya debi ruwa yaje wanka. Bayan sallah sun xauna cin abinci yana kallonta amma taqi yadda su hada ido, ya gaji da wannan horo nata gara suyi duk wacce xasuyi a dawo dai dai. Ya ture abincin da sukeci ya kamota gaba daya ya dora akan cinyarsa yana kallon fuskarta tai qasa da kanta, yasa hannu yana shafar cinyarta data dame acikin wandon jeans. Cikin sanyin murya yace "I'm sorry baby, nayi lefi ki yafemun na kasa controlling kainane lokacin shiyasa na bugeki amma wlh ba halina bane kuma I promise you baxan kuma ba" tayi murmushin yaqe tace "bakomi ai duk laifinane dana dauka ka yarda dani amma abun takaici ashe xargina kake" Yayi saurin qanqameta yace "stop it plz, bana zarginki xargi fa yana haramta xama, kishine ya rufe mun ido lokacin shiyasa na yi duk abunda nayi" haka dai ya dunga ban baki tace masa ya wuce suka shirya. Da yaga bataci wani abincin Kirki ba yaje ya siyo mata maltina ya hada mata da peak masu sanyi ya bata sha tasha maganinta, ai kuwa taji dadin shansu. Suka kwanta yanata matseta tasan abunda yakeso amma ta share taqi bashi hadin kai dole ya haqura.



Dake yanxu rayuwa da harkar samun aiki ta xama wakasani waya sanka sai gashi ranar juma a wacce tai dai dai da kwana 5 da karbar takaddun Deni ya samu kiran waya cewa yaxo screening din daukar aiki ran Monday a Kaduna state yaxo da original credentials dinsa. Yana kasuwa kiran ya sameshi, ya dunga murna yana godiya ga Allah ya dunga Allah Allah a tashi kasuwa yaje ya fadawa sakeena, yayi sa a sunyi baqi yau akai masa kyakykyawar sallama. Ya dawo gida lokacin ko 5 batai ba, sakeena na kici kicin dora girki sai gashi yana shigowa ya kwallah mata kira, Mariya da mutanenta suka xura ido a xatonsu wani dukan xai kuma yimata. Ta fito cikin hanxari tana tunanin lfy Deni yanxu kuma yana kiranta tun daga tsakar gida? Tana fitowa yaxo da gudu sureta yana juyi da ita kamar ya manta akwai wasu a gidan bayansu. Suna dariya duka ya sauketa ya riqota ya jata daki suka bar sa idawa a tsaye qiqam kamar sun hadiyi rodi. 😆



Acan daki ya labarta mata yadda akai, ta tayashi murna ta miqe dan dora girki, ya hanata yace tayi xamanta kawai wanka xasuyi su fita cin abinci bayan isha a restaurant yau aljihunsa a cike yake.



Kamar yadda yace haka akai bayan sunyi sallah ta hade cikin after dress shi kuma yasa qananan kaya suka fita riqe da hannun juna sukaje sukaci abinci kamar yadda take gani a film, bayan nan sukaje store yayi mata shopping saida ya kusa qarar da kudin daya samo a kasuwa duk kuwa da yawansu, suka nufo gida tana ayyana cewa lallai in Deni yayi arxiqi xataji dadi domin ta fuskanci irin mutannenne masu kyautatawa iyali.




Dariyarsu tasanar da Mariya shigowarsu ta leqosu ta taga ta tarar Deni riqe da ledoji a hannunsa sakeena kuma rataye da Jakarta da wayarsa a nata hannun, suka bude daki suka shige.



A ranar dai sunyi soyayyar da suka dade basuyi ba, tana xaune kan cinyarsa suna kallo a wayarsa tana shan ice cream din da suka siyo shima tana bashi suna dariya.



Yayi yan shirye shiryensa a ranar asabar kuma yaje ya fadawa Abba kiran da akai masa kamar yadda sakeena ta bashi shawara sai dai yayi rashin dace Abban baya gari shi da mama yan biyu kuma suna skull ya dawo ya fada mata. Sun tsara xai tafi KD gobe Sunday da yamma ya kwanacan inda da sassafe xaije gurin screening din.



A daren ranar dai taji tausayinsa ta bashi abunda yaketa qulafuci ta hanashi, yayi murnar hakan dan dama a yunwace yake dashi dandai karya nuna ne tayi fushi. Sunsha soyayyarsu suka tashi da safe sukai shiri yasa kayansa kala 3 a jaka duk suka hada kudadensu guri daya har wanda Abba ya bata duk ta hada masa yayi guxuri inda suka tsaida shawarar baxai dawo ba sai komai na aikin ya kammala tunda ba kusa bane. Itama da nata kayan inda xata koma gida harsai ya dawo itama ta dawo. sunyiwa kowa sallama batare da fadar inda xasu ba, yan gidanma sun dauka tare xasuyi tafiyar.


Acan Gwale xuwansu da kuma lbrin da sukakai na xuwan Deni interview yasa gidan ya cika da sowa duk da basu fadi ainihin abunda ya faru ba kawai sunce me gidan da sakeena take aiki ne ya samar masa, ganin haka yasa shikuma yasa ta ajiye aiki. Baba ya dunga murna ya tattaro yan kudinsa ya qarawa Deni yaqi karba yace yana da isassun kudi Baba yace "karbi ka qara guxuri baya yawa tunda bakasan addin kwanakin da xakai ba" ya karba yayi godiya. Hajjo ta jashi daki tana masa fadan dan me xe raba sakeena da aikinta ai daya barta da abunta koda ya samu aiki saiya dunga tattala abunda yake samu yayi aure ita kuma abunda ake bata a gidan aikin ta dauki nauyin kanta. Shi dai baice komai ba dan mamakin kalamanta. Qarfe 4 ta yamma yayi sallama dasu da sakeena dake kuka Baba ya rakashi tasha yahau motor KD.



Ta kasance cikin kewa sosai bayan tafiyarsa ga takurar Hajjo a gefe wacce ta wajabta mata yi mata wanki da kuma yi mata girki duk ranar nata girkin. Baba bece komai ba haka Iya domin ba kowane abu xaka xauna ka dunga magana akaiba sai ka xama sakarai kuma a rainaka.



A kwana na hudu iya ta lura sakeena fa ko abinci bataci saboda kewar mijinta tasa mata katin 100 a waya ta bata ta kira Deni. Sunsha hirarsu ta soyayya yake fada mata sunyi interview din kuma Alhamdulillahi ya amsa fiye da rabi na tambayoyin da akai masa yanxu yana jiran fitowar result din ne wato jerin sunayen wadanda sukaci kwajin wato suka shiga tsarin daukan aikin, wanda yake daukan 1 wk kanya fito. Tayi masa fatan samun nasara suka dora hirarsu har xuwa qarewar kudin.



A yan kwanakin kullum tana cikin tsaiwar dare wacce ta karkata akalarta akan samun aikin Deni, yayin da Hajjo ta maida hankali gurin kwazawa mutane Deni ya tafi jarrabawar daukan aiki, kullum xancen kenan idan ta xauna cinkin gasara, ita da yayanta kuwa hirarsu ta xama inya Deni yasamu aiki xaiyi musu wannan xai musu wancan.



A kwanan Deni na 13 ne a KD ya dawo da yammaci liqis, kuma yaxo da kyakykyawan lbrin ya samu aiki har an bashi gida qarami cikin rukunin ma aikatan company din.



Qiriri Hajjo ta hanashi cin abincin da sakeena ta hada masa ta jashi dakinta ta xuba mata nata abincin datai masa, yana ta tsakura yana hangen sakeena dake wanke wanke a tsakar gida ya matsu kwarai su kebe da ita ya jita jikinsa dan yayi missing dinta sosai amma Hajjo data lura saita xuge labulen dakin ya dena gano matarsa.




A gurguje ya gama ana idar da sallah yace sakeena ta fito su tafi gida, Hajjo tai tsalle ta dire tace babu inda xasu yau ya dawo ya kwanta ya huta a gidansu batasan jaraba, ala dole yabi umarninta tunda uwa ce ya haqura da tafiyar.




Baba ya dawo aka dora murnar samun aikin Deni dashi amma jikinsa yayi sanyi jin aikin a kaduna ya samu shi a nasa tsarin yafison xamansu kusa dashi amma ya ya iya? Deni ya qara kwantar masa da hankali da cewa ai company din babban company ne kuma a Arewa a kaduna kadai suke da reshe saboda haka yana iya dawowa kano da xarar sun bude company din da suke ginawa yanxu.



Yayin da kowa ke murnar wannan aiki sakeena na daki na tunanin wani qalubale da take hangowa yana tunkarota a dalilin wannan aiki na Deni.



Sai dai kash abunda duk basu sani ba samun wannan aikin na Deni shine silar qaddarar Sakeena Abbakar Liman wanda xamu iya Kira da MUQADDARI NE.


Hajia ☺
[7/31, 2:18 PM] Reine Ghana: 🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀
🙆🏽‍♀MUQADDARI NE🙆🏽‍♀
🙆🏽‍♀2018🙆🏽‍♀
🙆🏽‍♀



1⃣5⃣

RAHMATULLAH (Hajia)


A yan kwanakin da suka biyo baya sakeena ta fuskanci wasu irin canje canje daga mijinta Nura wadanda tun tana kawar da kai taga abunfa ya fara yawa.


Da farko ita da Deni sun fara wani irin xama kamar na sabbin ma'aurantan da aka hadasu aure basusan juna ba. Basa um basa um um, inya dawo yakan shige daki yayi xamansa har xuwa lokacin dayaga damar fitowa yaxo ya ci abinci intana kusa ta xuba masa inbata kusa kuma sai dai taxo ta tarar yaci abunsa.


Babu magana babu, hirar soyayya, babu yaganta acikin damuwa ya tambayeta rabon da Deni ya kebanta da ita a shimfida harta manta duk kuwa da cewa tasan be cika jurewa hakan ba, wayar Deni da take xama a hannunta bata da shamaki da ita a yanxu dai ko kiransa akai baya bari ta miqo masa xai tashi ya dauka yayi waje, ya dena amsa waya a gabanta. Gaba daya Deni dai ya janca mata. Tagaji da wannan hali nasa ta xaunar dashi tayi masa magana akan hakan ta roqeshi akan in tamasa lefi yayi haquri.



Cikin rashin kulawa yace mata "babu komi just aikine yamun yawa a office" ya shiga bedroom ya barta. Tabi bayansa da kallon mamaki ta share yar kwallarta. Ta fara tuno rayuwarsu a baya lokacin da Deni baya da komi amma yana sonta yana tattalinta, yayi mata wanke wanke yayi mata shara yayi mata girki wanki gugarta duk Deni kemata, kai sada bra Deni ke wanke mata a rayuwarta xata iya cewa pant ne kawai bai wanke mata ba kuma shidinma dan tana wankeshi a wanka da tasan inta ajiye xai wanke mata. Deni baison yaga ko fuska ta canja yayi mata tausa, ya tsefe mata kai ya yanke mata farce amma yanxu Deni duk ya manta wannan soyayyar.



To abun tambayar anan wai dama abaya yana mata hakane don bashi da kudi kuma bashi da aikinyi yanxu kuma ya samu bashi da wannan tym din ko kuma yaudararta yake a baya? Ko kuma yanxu yayi kudi yaga bata dace dashi ba a matsayinta na matar ladar noma kamar yadda taji ana yawan fadar cewa matar talauci daban matan arxiqi daban yawanci indai kaci talauci da namiji inyayi arxiqi saiya auro maka yar tayin cin arxiqi? Waxai amsa mata wadannan tambayoyi.




Ta qara sautin kukanta tana nadamar wannan samun aiki na Deni saita gwammace xamansau a cikin talauci suci garin rogo su kwanta amma suna soyyarsu me shiga rai. Wannan aiki na Nura ya rabata da farin cikinta kuma ya kawo mata tarin matsaltsalu gabas da yamma kudu da arewa. Sai dai fatan Allah ya mata magani.



Washegari xai fita dan ta gwadashi tace masa "Dan Allah ya Deni ka tahomun da ayaba ina so naci" bai amsa ba yayi gaba ita a xatonta ma beji ba. Sai da ya dawo tana masa sannu da xuwa a gajarce yace mata "yawwa" ya dire mata ayaba a gabanta ya wuce ciki. Ta dubi jikinta kwalliyar da intayi Deni ke gigicewa ko kuma ya dauketa ya shigar da ita daki yau itace a jikinta amma Deni ko a fuska be nuna yagani ba.




Ta qara xage dantse wajen kwalliya da tsafta da kuma roqon Allah amma fa abun babu sauki kamar ana qarawa wuta iskar gas. Ita ba qawaba ita ba waya ba ta rasa yadda xata kanta taji sanyi sai dai kullum ta yini ta TV a kunne.



A nasa bangaren shima Deni ya rasa abunda ke damunsa, tabbas yasan baya kyautawa amma ya xaiyi shima haka ya samu kansa, sakeenarce gaba daya ta fice masa arai kamar battery din waya yana sauke caji haka kullum yakejin sakeena na kuma fita a ransa.




Ra'ayinsa na baya daya dade da gogewa a ransa wato na aurar mace yar gayu lamba daya, yanxu kam ya dawo sabo fil. Dan haka ya fara qawance da irin fala falan yan matannan da suke cuno baki suyi selfie asaka a social media. Dake shima ba baya bane wajen kyau da iya daukar gayu ga kuma yan canji da suka qara fito dashi shiyasa yan mata sukai masa caaa.



Sau tari yakan tambayi kansa wai meya ja raayinsa ixuwa auren sakeena duk da cewa ba class dinsa bace? Allah ya tuba badan kar yayi butulci ba da saiyace yana regretting aurenta.



Amma kuma yasan ko giyar wake yasha ko wace irin saqa xuciyarsa tai masa baxai iya rabuwa da sakeena naba saboda wasu dalilai.



Matar daya aureta bashi, babu lefe, babu kudin aure, matar da mahaifinsa ya danqa masa amanarta sannan tasha kwana da yunwa saboda shi matar da take yini aiki a gidaan masu kudi domin samar musu abunda xasuci ita dashi. Sannan abu na qarshe a dalilinta nema ya samu wannan aiki to shi kuwa inyasaki sakeena yasan be cika dan halak ba kuma da wane ido xai dubi Baba da Iya da kuma ita kanta sakeenan? Kai! Baxaima iya ba dole sakeena tacigaba da xama a matsayin matar halacci kuma ladar noma duk rintsi duk wahala domin be manta haliccinta ba a gareshi. Wannan dalili shine yasa ya kasa yiwa sakeena wulaqanci kamar yadda xuciyarsa ke tunxurashi yayi mata.



Kuma shi kansa bayajin dadin yanayin da yake ciki kullum xuciyarsa babu dadi ya rasa inda xaisa kansa ya samu sauqin quncin dake addabarsa.

****** ******* *********


Haka wannan xama nasu yacigaba salam babu sauki wai ciwon arne. Hankalin sakeena be gama tashiba sai ranar da abokan Deni sukaxo gidan Karo na farko tun aurensu suka yada xango a falo yayin da sakeena ke bedroom, tana xaton wani aikine ya kawosu domin taji Deni na tayi musu bayani su kuma suna tambayarsa abunda basu ganeba.




Can wani ya nemi a kawo masa ruwa xaisha Deni ya kwallah mata Kira tare da umartatta ta kawowa baqo ruwa. Ta yafo mayafi akan riga da xanin dake cikinta ta fito ta shiga jikin ta fasa pure water ta cika jug na glass ta dora cups ta dora a tray ta kai musu. Ta tsuguna ta gaishesu, duk suka xubo mata ido. Dayan wanda taji suna Kira da Mani ya dubi Deni yace "kai mutumina wannan fa daga ina?" Deni ba tare daya dubesu ba ya bashi amsa da "qanwata ce taxo jarrabawa ne" sakeena ta dago a raxane tana dubansa amma hankalinsa yana kan computer din gabansa. Hankalinta ya dawo kan Mani inda ya dafa kafadarta yace "sannu yan mata, meye sunanki? Jiki sanyaye tace "sakeenatu" yace "yawwa sakeena ya jarrabawar? In kingama kijirani xanxo inmadaki kano inyiwa Baba gaisuwa da neman iri" Deni yayi saurin cire hannun Mani a kafadar sakeena yana cewa "kaifa dan iska ne meye haka" direct Mani yace "nifa Nura naga matar aure kawai intaqare jarrabawar ku auran ita tayi karatun a gidana" Deni ya daka mata tsawar data katse mata mafarkita yace "ke da Allah shiga ciki kinxo kinsamu a gaba"



Ta kifa kan gado ta fashe da kukan baqin ciki. Ashe abun na Deni yakai haka? Ashe abun nasa ya wuce duk yadda take xato? Shin wai me taiwa Deni yake mata wannan hukunci? Wai yau Deni ke kunyar nunata a matsayin matarsa wanda hakan yasa wani banxa wanda ba muharraminta ba ya tabata tare da furta yana sonta a gabansa.



Ta tuno a baya lokacin da Ahlan ya nuna hakan akanta ta tuno yaqin da akai da Deni akan hakan amma yanxu ko ajikinsa.




Tabbas yanxu Deni baya sonta baya buqatarta a rayuwarsa, a wancan lokacin Deni duk inda ya xauna sai yayi xancen matansa amma yau duniya me yayi itane yake kunyar nunawa a matsayin matar tasa. Lallai ya cika mayaudari wanda yayi amfani da damarsa ya yaudareta daga baya ya watsar da ita.



Koda lokacin bacci yayi haka suka kwanta ita tana kallon yammma shi kuma yana kallon gabas. Ranta cikin quna yayin dashi kuma yaketa chatting da yan matansa.




Da safe ta tashi ido jajur saboda tayi kwanan kuka da kuma ciwon ido. Tana falo ya fito cikin shirin office yasha dark blue suit yayi kyau sajen fuskarsa ya kwanta luf ya kuma haske ya cika sosai ya xama namiji cikakke giant wanda yan mata masu budadden ido ke nema ruwa a jallo. Ta qura masa ido cikin yaba kyau da tsari iri na Deni. Tana sonsa tana qaunarsa har yanxu babu abunda ya ragu na soyayyarsa a ranta saima qaruwa da yayi. Ya shigeta ya fice ya bar mata qamshinsa, da so samu ne da kwanciya takeso tayi a jikinsa ta fada masa damuwarta don bata da aminin da yakaishi a duk fadin duniya.




Tayi kwalliyarta me kyau (amma fa a ganinta 😆) ta cakare ta xauna a falo tana jiran dawowar Deni. Tayi sa a ko rabin awa batai da xama ba ya shigo, ta tashi da gudu ta rungumeshi tana sinsinar jikinsa. Yadan bubbuga bayanta kafin ya cireta jikinsa ya shige uwar daki.



Bayan sallar isha ma daya dawo masjid haka tayi qarfin halin haye masa cinyarsa ta kwantar da kai a qirjinsa abunda ta dade bata samu ba. Yana ta danna waya be kulata ba har ta fara bacci, can taji ankirashi ya xameta a qasa ya fita can waje amsa wayar. Tana xaune gurin tana jiran dawowarsa, sai dai me? Tun tana irga mintuna ya gama wayar ya dawo har aka shude awa yana waje yana waya.




Jiki a salube ta shige bedroom ta kwanta, tayi xunbur ta tashi tana kallon kanta a madubi. Tayi duba na tsanaki sai ta ganta tayi wani muxu muxu ta xube sosai ta fita hayyacinta babu komi jikinta sai farar fata fuskarta kuwa daga dogon hanci sai manyan idanuwa. Kwalliyar datai ma sai taga sam batai masa kyau ba. Tabbas dole Deni ya gujeta yanxu don babu yadda xa ai ahadashi da ita a bangaren gayu da kuma aji. Bama wannan kawai ba komai na rayuwa Deni ya fita ko acan baya bare kuma yanxu don haka bashi da lefi dan yaqi nunata a matsayin matarsa. Anci moriyar ganga inji hausawa.




Ashe dama da gaskene da ake cewa in mutum ya sake ya auri wanda ya