You Cannot Download this book untill you login but you can read it .

---

Login Register

sakeena ashe qarami ko kuma xugar gurbatattun qawaye tunda an isa a tankwarata kuma tanajin maganar na gaba da ita" shima dai Sageer yabi sahun Inna bayan yaji dadin dawowar ainihin sakeenar daya sani a baya, harma da qarin wani sanyin halin nata da bai gama sani ba. Ya gama yadda da cewa abunda tayi a baya lallai sakata akeyi tayi kuma wannan friend din nata wanda har xuwa yanxu duk bincikensa begano kowaye ba shi yake sakata, amma yana jiran ranar da zasuyi resuming lectures xai bita ba tare da saninta ba domin ganin waye haka yake abota da matar aure kuma yake qoqarin tarwatsa masa gidansa da rayuwar jin dadin da yake musu tanadi shida Sakeena.


Suna dawowa daga kai su Iya ta wuce dakinsa ta hado kayanta tsaf tana mayarwa nata dakin tunda sun tafi, yana xaune a falo yaga wucewarta da fagon kaya, ya kuma gani ta koma ta debo wasu, yayi gaggawar tashi ya riqeta yace "Sakeena dan me yasa xaki raba mana makwanci? Kiyi haquri mana mu mayar da bedroom dina namu ni da ke, naki kuma saimu barshi a na baqi in munyi, basai anyi baqi ki dunga kwashe kaya ba kina mayarwa nawa" ta dubeshi yana riqe da kayan daya karbe daga hannunta, ta danyi tunani kadan, ya kuma cewa "Baxan miki abunda bakyaso ba, nayi alqawari, ranar ma da kikaga nayi na gaxa juriya ne" batace komai ta juya ta mayar da kayan data dakko shi kuma ya koma dakinta ya kwaso wanda ta riga takai. Shiya tayata suka shirya kayan a makekiyar drawer dakin me guda 6 tayi nata barin daban shima nasa daban. Ta kai kayan wankanta toilet din dasu brush suma ta shirya. Yinin ranar dai tare sukayi komai yana tayata har xuwa dare suka kwanta.


Wayewar garin Monday bayan ya fita aiki ta kwaso undis dinsa gaba daya wanda ta ciccirosu jiya gurin gyaran kayansa ta hada da nata masu dirty ta jiqasu da bleach ta wankesu tsaf ta shanya, sannan taje tasa hannu a aikin kunun aya, yau kam batai aikin gidanba tunda ga aiki ya samu. Ta tambayi Inna akwai tsamiya, (tamarind) Inna ta amsa mata da eh akwai taje ta dakko mata. Ta wanketa tsaf ta daka kayan qamshi da dan barkono kadan ta dora a wuta. Cikin awa guda sai gashi tayi lemon tsamiya wanda yaji kayan qamshi da sugar, ta ciccika robobi ta kuma quqqula a leda saboda masu siyan na 20 naira. Ta cika jug ta sawa Sageer a fridge. Inna dai mamakin sakeena take tana binta da kallon burgewa yarinyar akwai xafin nema gashi kuma tayi dace tana da hannun kasuwanci wanda juriya da haquri akan kasuwancin ya haifar mata, da wuya ta kasa abu bata siyar ba. Da kanta ta shiga gurin Bilki kamar wancan karon ta kuma kai mata. Bilki tace "Da kyau qanwata haka nakeso duniya bata auren rago, ai da xaki daure ma da dinki xan koya miki tunda naga kinada haxaqa" sakeena ta xauna kusa da ita tana cewa "A a Anty Bilki banaji inada rabo a dinki, baya burgeni da dai gyaran gashine dana koya inaso na iya" Bilki tace "To ai shidinma babu matsala akwai school guda da ake koyawa sai ki shiga. Dama kuma inaso in miki magana wata matan uncle dina ne xatai birthday na yaranta su biyu next week shine takeson xaki masu makeup ita da yaran nata, inatason yimiki batun ina tsoro naga lefin sageer ya shafemu yanxu bakyayi damu" Sakeena ta sunkuyar da kanta batace komai ba, Bilki ta qara cewa "Kiyi haquri na shiga personal life dinki amma kinyi ba dai dai ba duk da naga yanxu kin fara gyarawa, daga shiga jamia saiki falle ki xama tantiriya ki fitini kowa? Ai kinga wannan shi xaisa a tsoraci yan matan jamia kuma duk wanda yaga kinyi haka xai hana yarsa ko matarsa shiga, dan karta xama yacce kika xama. Kinga nima nayi karatu har matakin degree a Uni Lag kuma a hannun Maitama na qarasa karatuna amma ko kadan ban sauya masa ba, jamia gurine me hadari saboda ta tattara mutane iri iri amma in kika tsaya kika nutsu kika janyewa friends barkatai kika xabo wadanda tarbiyyarku tayi dai dai xakiji dadinta. Dole ba kowane kare da doki xaki kula ba kamar yadda ba kowa xaki budewa sirrinki ba karmadai a taku makarantar da take ta kudi. Dan Allah qanwata ki nutsu kinji ki dena bari xancen mutane da xugarsu na rudarki, ke yanxu ba yarinya bane domin da wancan cikin be xubeba da tuni kina shirin xama uwa, ki bar wannan quruciyar ta masu irin shekarunki shi girma yana xuwar maka koka shirya ko baka shirya ba"


Sakeena ta share kwallah bayan gama sauraren Bilki tace "Nagode Anty Bilki kuma in shaa Allah xanyi amfani da shawararki" Bilki ta qara duban sakeena tana tunanin matsalarta fa koda quruciya da akwai kuma rashin wanda xaiyi guiding dinta ya nuna mata yacce duniya take ciki, shiyasa sarrafata baxaiyi wahala ba kuma tabbas wata aka samu a waje ta shiga jikin sakeena take kangarar da xuciyarta kamar yadda Sageer yake fada, rashin masharwaci yasaka duk abunda aka gaya mata to akansa take doruwa. Ta dafata tace "Dena kuka ai munxama daya, nasan matsalarki bata wuce bakyason Sageer ba wanda kuma ni har yanxu yarda ba, domin soyayyar da kukaiwa juna a baya hujja ce kuma ba qarya bace, sannan babu yacce xa'ai wannan soyayyar taku tashin farko ta rikide ta koma qiyayya, kawai dai abunda na yadda dashi shine akwai wanda kikeso fiye da Sageer, wanda in kinso cikin qanqanin lokaci xaki koyawa kanki son Sageer kuma xaki maye gurbin wancan dashi" Sakeena ta qurawa Bilki ido tana jiyo qamshin gaskiya a maganarta. Ta miqe tace "Nagode da shawara Anty Bilki bari in koma gida ban gayawa ma Ya sageer xan shigo ba" Bilki tai dariya tace "kaji manyan masoya har sabon suna aka saka masa? To nagode Babyn ya sageer sai mun turo siyan tamarind kuma xan nunawa maqota."


Da sauri ta nufi kicin don dora girkin rana, ta tarar Inna ta dora tace "Yi tafiyarki kiyi aikin sana'arki ai munyi arxiqi tunda gidanmu ya koma xaman lfy kin nuna kin haifu tunda an tsawatar miki kuma kinyi biyayya. In kina da aikinyi ko makaranta sai ni kuma in dunga girkin" ta fita ta bar mata girkin dama kuma tanada wani aikin, ta kwaso undis dinsu data wanke ta gogesu tsaf ta fesa turare ta shirya masa nasa a guri guda daga qasan kayansa. Tana cikin shirin ne taci karo da kwalin laptop din daya siyo mata taqi tai masa iskanci taqi karba, ta rintse ido tana tuno abunda ya faru a waccan ranar taji kwallar tausayin sageer ta kuma ji tayi mugun tsanar kanta. Tasa hannu ta dakkota ta bareta taje dakinta ta sata chaji ta dawo tai sallah ta kwanta.


Qarfe 4 ta tashi, ta diro daga kan gado, taji dadin baccin sosai taji kwakwalwarta ta kuma washewa, da sauri tayo alwala tayi sallah da azkar din yamma, ta shiga kicin ta dora girki, Inna tace ta barshi. Ta marairaice tace "Ya sageer nakeson yiwa burabusko dan Allah ki barni" tana dariya tace "To na barki maxa yiwa mijinki kirki Allah ya qara hada kanku ya xaunarku lfy." ta fita ta barmata kicin din. Ta fara kici kicin dorawa, saidata dora turaren barxajjiyar shinkafar ta kuma dora stew wacce taji busashshen baqin kifi ta badeta da qayan qamshi da jajjagayyiyar albasa don kore qarnin kifin, ta lura sageer yafison kifi akan nama shiyasa tasa kifin, sannan ta fita ta kira Deborah me aikin gidan tace ta kuma gyara falon ita kuma ta koma daki ta qara kyareshi tsaf ta fiddawa sageer kaya marasa nauyi. Cikin rabin awa gidan ya dinke da qamshin girki da kuma na turaren wuta da freshners masu sanyin qamshi, ta shirya table sannan taje tayi wankanta tsaf tai kwalliya cikin wani material orange riga da skirt rigar irin wacce ake doro tattara daga qasan qirji ce, tayi fes cikin dinkin Bilki da yake kamar na maxa yabi jikinta ya lafe saboda taushinsan material din, tasa sarqa me cika wuya ta kalli kanta a madubi tayi murmushin burge kai, ta fita falo ta xauna tana kallo.


Shida tana gotawa taji qarar shigowar motarsa, ta danyi jiran shigowarsa har tsawon 5 minutes be shigo ba, ta fito harabar gidan dan ganin abunda ya hanashi qarasowa ciki, ta hangeshi can tsaye bayan mota ya juya baya, ta nufeshi a hankali saidata je dab da su sannan ta gane shida Maitama suke magana suna tsaye sun bata baya, ta riga ta taho dan haka bata koma ta lallaba a hankali ta bayansa ta rufe masa ido da hannayenta. Yayi dib ya daina maganar da yake, duk da jikinsa yana bashi cewar sakeena ce kuma ga qamshinta nan amma sai xuciyarsa take neman qaryatashi da fada masa sakeena batai masa soyayyar da xatai masa wannan wasan kawai tana xaune dashine da kuma kyautata masa saboda kashedin Iya.


Ya banbare hannunta tare da juyowa, sukai 4 years ta sakar masa murmushi tai qasa da idonta tana cewa "Ya sageer sannu da xuwa, naji baka shigo bane shiyasa na biyoka ashe kaida Baban Haidar ne (Maitama)" ya kafeta da ido babu ko qiftawa, gaskene sakeena ce ta tsala kwalliya harta fito taryarsa ko kuwa mafarki yake? Ta katse masa tunaninsa ta hanyar karbe jakar hannunsa tace "Kawo in tayaka riqewa" ta juya ta gaida Maitama, ya amsa a mutunce da nuna jin dadin daidaito da suka samu ita da abokinsa. Ta juya ta tafi cikin gida tabar Sageer tsaye kamar ya hadiyi rodi yana binta da kallo harta shige. Maitama ya karkada masa maqulan hannunsa a fuska sannan ya dawo da hankalinsa kansa yana cewa "Na'am yaushe kake cewa xamu bulla mu gano gurin?" ya dakawa Sageer harara yace "Ka da Allah can, waya kawo xancen guri anan? Muna xancen xuwa duba marar lfy daga ganin sakeena duk ka burkice ka dimauce kamar baka taba ganin mace ba" yayi murmushi ya shafa kai yace "To kaga laifina? Ka dubafa salon dataxomun dashi" shima Maitaman dariya yayi yace "Allah ya qara danqon qauna, kuma naji dadin xuwansu Umma dan alama xuwansu ya gyara xamantewar aurenku da sakeena data kusa rushewa, kuma kaima kasa ido a kanta da kuma wadanda take mu'amala dasu acan makarantar sannan ka koyi tsawatar mata intayi ba dai dai saboda kaine shugaba dole saikana motsa kwanjinka kan wasu abubuwan, ba koda yaushe xaka dunga barin wannan makahon son da kake mata ya tasiri da kuma yana fitowa ba" Sageer ya daga masa hannu yace "To naji afakhallahu, ware gidanka" ya qarasa yana nuna masa hanyar gate. Maitama cikin dariya yace "Au korata kake?" Sageer yace "Eh mana kai bakasan sabon aure nayi ba kaxo ka tsare ni da xance marar tushe har sweetie na ta gaxa haquri ta fito" yana gama fadar haka ya shige ciki yabar Maitama tsaye yana dariya da cewa "Kafin ai daran dai akai kwandi, xakaxo ka taddani har gida"


Bai taddata falo ba ya shige bedroom acan ya sameta a bathroom tana hada masa ruwan wanka, har tagama ta fita ta barshi yana kallonta ya daka tsalle bayan fitarta yace "YES" Cikin farin ciki ya sallo wankansa ya fito ya kuma tarar da kaya a gefen gado, yana murmushi ya dauka ya saka a gaggauce ya shirya ya nufi masallaci. Yaukam be tsaya jiran ayi sallar isha ba ya taho gida, sakeena itama ta iddar da sallar kenan ta fito, tana murmushi ta riqo hannunsa ya bita kamar soko ta kaishi kan dinning, ya xauna yana binta da kallo ta shaqe masa plate da burabuskon shinkafa da jar miya tasa mai spoon ta tura masa gabansa ta dakko cups ta cika masa daya da ruwa dayan kuma tamarind shima ta tura masa. Cikin sanyin muryarsa yace "Baby wannan duk ni kadai?" ta danyi murmushi iyakacin lebenta tace "Ya sageer ka daure kaci abinci plz" be kuma magana ba yayi bisimillah ya faraci. Ta xuba nata itama kadan ta xauna tanaci tana satar kallonsa. Tayi mamaki kwarai dataga ya cinye abincin kuma ya shanye tamarind din duka, ta miqe tace "In qara maka?" ya cikin sauri "Haba ai sai kice jaki ne mijin naki, wannan lemon dai kawai xaki qaramun yamun dadi a ina aka samoshi?" tana tsiyaya masa tace "Kai ya Sageer banda santi dai, lemon tsamiya ne fa yau na gwada kadan nagani ko xaiyi kasuwa" saida ya shanye sannan yace "Lallai yar kasuwa, gaskiya yayi dadi sai naki yafi na kanti armashi saboda kayan qamshin da kika saka a memakon flavour. Allah ya kawo kasuwa me albarka. Nagode da girki, ya akai kikasan inason wannan abun?" tayi qasa da kanta tace "Amin nagode da addua, kuma umma ce da muna hira tacemun kanason duk wani abinci dangin dambu shiyasa nayi maka" ya riqo yatsunta da take wasa dasu yace "nagode sosai Sakeenatu yau kinsani farin ciki, nayi qoshin dana dade banyi ba" Suna xaune yana mata hira tana amsa masa da Eh ko kuma A a har ta fada masa daxu ta leqa gidan Bilki, aka kira sallar Isha ya fita ita kuma ta shige daki yin tata.


Koda ya dawo sallah bata fitoba ya nemi guri a falo ya xauna ya kunna TV yana kallo, ta budo qofa ta fito riqe da laptop ta qara gyara fuskarta tasha pink din lipstick ta kuma baxo turare. Ya bita da kallo hartaxo ta tsuguna gefensa jiki a sanyaye tace "Ga computer na dauka daxu acikin kayanka, dan Allah kayi haquri da abunda ya faru a baya inka huce saika fara koyamun" Yabita da kallon burgewa harta gama magana, yasa hannu ya riqota ta taso ya direta akan cinyarsa yana shafa fuskantar yace "Baxan taba fushi dake ba sakeena, kuma naji dadin karbar kyautata da kikayi kuma ko yanxu ai saimufara koyon ko?" tai murmushi tayi qasa da kanta don har yanxu tana kunyarsa na abunda tayi a baya, xamanta akan cinyarsa saiya tuna mata da xamanta da Deni domin shi indai xasuyi hira akan cinyarsa yake dorata, tai saurin kauda tunanin Deni a ranta ta maida hankalinta ga sageer wanda ya bude system din ya kunna yana nuna mata yacce ake shooting down, ya bar mata ta gwada yaga ta iya, sannan suka qara gaba. Ya dubeta yace dakko wayarki mana ki kunna in yi connecting dinta da system in koya miki wani abu. Tai saurin girgixa kai tare da cewa "A a baxan kunna waya ba gaskiya" ya kalleta da mamaki, yasan tabbas akwai abunda ya hanata kunna waya duba da yadda waya ta shiga ranta, amma ya basar sukacigaba, saidayaga ta fara hamma xuwa lokacin kuma ta koyi abubuwa da yawa sannan yace suje su kwanta.


Taje ta tsaftace bakinta ta canja kayan bacci ta miqe ta kwanta don a gajiye take. Ya bude drawer xai dau kayan bacci ya tarar da undis dinsa da sakeena ta wanke, yakai hannusa ya shafosu ya juya ya kalleta harta fara bacci, ya sako kaya yaxo ya kwanta kusa da ita ya kira sunanta cikin muryar bacci ta amsa yace "Yau har wanki kikaimun?" tayi murmushi kawai, yakai bakinsa kan goshinta ya sumbata yacigaba da shafa gashinta yana saka mata albarka, tana jinsa tana lumshe ido daga qarshe tajishi ya kwanta a jikinta tai bacci ta bashshi shi dai dakyar ya samu baccin begen sakeena ya hanashi sakat.

***** **** ******* ********* ****

Kwana biyar da suka biyo baya, rayuwa suke me dadi gidansu xaune lfy qalau kowa ya sake yana harkokinsa, Sageer dai kusan yafi kowa farin ciki biyayya sakeena ke masa kamar ta kwanta ya takata har wani lokacin saiyace mata ya isa haka shi mijintane kuma best friend dinta bawai boss dinta ba don haka ta dena sunkuya masa, so yake su gina gidansu da soyayya da kuma tarbiyya don haka ta sake da shi. Duk da babu abunda ya hadasu dashi ta bangaren auratayya amma dai suna cikin farin ciki da kuma nishadi. Kusan kullum sai Iya ta kirashi ta tambayeshi yanayin xaman nasu tare da hadashi da Allah karya boye mata inda akwai matsala domin ice tun yana danye ake tankwarashi. Kullum dai amsa daya take samu shine suna xaune lfy babu matsala, sai lokacin taji hankalinta ya kwanta.


Sakeena anata bangaren rayuwa take kadaran kadahan wato babu farin ciki kuma bata baqin ciki, tana matuqar qoqarin ganin ta tusawa kanta son sageer kamar yadda Bilki ta shawarceta amma ina sai a hankali saboda so ba'a dole, itadai kawai abunda ta sani shine tana matuqar tausayin Sageer saboda son da yake mata da kuma kyautatawa gami da sadaukarwa wanda hakan yasa take matuqar girmamashi da kuma bashi wani irin matsayi na musamman a xuciyarta. Deni tuni ta share babinsa a ranta kuma tadau matakin guje masa shiyasa ma bata kunna wayarta ba har kawo yanxu. Tayi keeping kanta busy don karta bawa xuciyarta damar tuna Deni balle taji sonsa. Inta tashi tun asuba bata komawa, tana idar da sallah xata dora karatun qur ani sannan ta hadawa sageer breakfast saiya fita take samun damar gyara dakinsu da wanke undis dinsu sannan taje tayi nata breakfast din, ta fita aikin kunun aya da kuma tamarind data samu karbuwa yanxu, sai sun gama tas sannan taje tai wanka ta xauna bitar abunda Sageer ya koya mata na computer bata tashi sai anyi sallar zuhr, sannan taje tai sallah ta kwanta, Inna ke girkin rana ita kuma tayi na dare saboda sageer. Bata tashi sai anyi laasar tayi sallah ta dora girki, saita gama daf da dawowar sageer sannan take wanka ta chaba kwalliya, yawanci tafiyin traditional food saboda yafi sonsa, wani time din ya kirawo Maitama suci tare suna santi da yaba mata tana musu dariya. Bayan sallar isha kuwa lokacin da suke naxarin computer ne da sageer wanda hakan ke masa dadi domin sai yaja sakeena jikinsa sosai suna manne da juna yake koya mata.


Sakeena saidata saki xuciyarta sosai sannan ta gane ainihin wanene mijinta Muhammad Sageer. Da farko ta fuskanci mutum ne mai kirkin gaske da kuma kyauta, hakama a bangaren addini bashi da aibu, yana dadin mu'amala da matuqar sanyin hali wanda koda da house maids dinsa yakewa magana da wuya kaji tashin muryarsa kamar ba namiji ba. Data kwatanta halinsa da Deni saitaga halayensu su biyun kishiyoyin juna ne, domin Deni sam bashi da haquri kuma akwaishi da maida qaramin abu babba kuma sam baya iya controlling din kansa yayin da yake fushi. Data auna a mixanin hankali da adala sai taga Sageer kam yafi Deni dadin xama wanda ko babu komai xa'a soshi kodan mutuncinsa da kuma sanyin halinsa. (To sakeena kodai kin fada tarkon qaunar dan katsinawa ne? 😜) Sana'arta tana garawa fiye da yadda ta xata kuma tana hadawa da addua. Ranar Monday suke shirin komawa makaranta bayan hutun 3 wks da sukai tsakanin first nd second semesters, kuma ta gama shirinta tsaf na sake taku a school kamar yadda ta shirya gujewa Deni. Shima anasa bangaren Sageer ya gama nasa shirin domin bin sakeena a boye da kuma ganin waye namijin da take abota dashi.


Ranar Monday taxo mata cikin wata irin fargaba da faduwar gaba, tun tsakar daren jiya qirjinta ke bugawa bacci ma dai inya dauketa saita farka cikin firgicin yadda haduwarsu da Deni xata kasance. Dataga babu sarki sai Allah ta kasa baccin saita dena yaudarar kanta ta miqe ta shiga toilet ta dauro alwala ta shimfida pray mat tahau yin sallolin nafila da roqon Allah ya yaye mata wannan mugun tsoron da taji tanawa Deni sannan kuma ya gina katangar qarfe tsakaninta dashi. Duk abunda take Sageer na lura da ita tunda kan kasa baccin da tayi har xuwa kan sallar da taketa xabgawa kamar ance mata xaa tashi qiyama. Kuma yasan tabbas akwai abunda ke damunta wanda keda alaqa da komawarta makaranta gobe domin bata da wayon da xata danne abu inyana damunta.


Tana idar da sallar asuba ta fara aikin breakfast, xuwa 8 har Sageer ya shirya yaci abinci ya fita, ita kuma tace masa sai 10 tunda yau suka koma sai taje taga time table. 9:30 ta shirya ta fita xuwa lokacin faduwar gaban ta galabaitar da ita, tayi wani xuru xuru da ita saboda fargaba kuma ko abinci ta kasaci da kyar ta kurbi ruwan tea rabin cup.


Matakin data dauka shine canja gurin da take ajiye motarta, ta samu wani gurican yamma da car park din tayi parking da hanxari ta fito ta nufi department dinsu tana buga sauri kamar xataci da baka, batai nisa ba taci karo da Qudurat suka gaisa ta nuna mata time table suka shige venue din da suke da lec, acan suka tarar da wata qawar Qudurat yar Maiduguri Maijidda suka gaisa aka xauna ana dan taba hira, ita dai sakeena tayi xukudi tana tunani sai dai in sunyi dariya tayi yaqe dan karsu gane hankalinta baya gurin. Suna xaune malami ya shigo sannan ta hada hankalinta ta fara sauraranshi.


Sai a lokacin Sageer ya fito daga maboyarsa ya juya ya koma mota ya koma office. Tun 9:30 yake school din cikin wata motar abokin aikinsa daya aro me baqin glass don kar yazo a tasa sakeena ta ganshi, akan idonsa taxo har ta shiga department, ya fito a motar yana binta a baya, har haduwarsu da Qudurat, yaje bord din department din ya kwafi time table sannan ya juya da nufin xai dawo in anjima domin sai yaga wanda ke hurewa matarsa kunne wanda har fargaba ko murnar haduwa dashi ta hanata bacci jiya.


2 suka gama lecs din ranar gaba daya kuma xuwa lokacin ta jigata kwarai da yunwa, suna fitowa suka nufi wurin cin abinci suka siya duka su ukun Qudurat ta biya kudin har sun xauna a kan wani table a gurin Sakeena tace musu su shiga daga ciki suci nan maxa sunyi yawa, sukabi shawararta suka shiga suka take cikinsu kana suka fito suka nufi Masjid sukai sallah, duk wannan abunda suke Sageer na biye dasu, tun 1:45 PM yayiwa school din tsinke dan yasan lokacin xata gama lecs kuma babu intervals. Yaji dadi kwarai data nuna baxataci abinci a gaban maxan gurinba hakan ya qara nuna masa kamun kanta. Yana xaune gefen masallacin sanye da baqin glasses ya basar kamar yanayin wani abune, suka fito suka wuce kowacce ta shiga motarta suka jero suka fita tare suna waving juna. Yana biye da motarta har kwanar gidansu tanata xabga gudu, wanda da tana cikin nutsuwa xata lura da motar dake binta tun daga school, amma ina hankalin yayi gaba wajen cimma burin gujewa Deni. Saida yaga ta shiga gida sannan ya sauke ajiyar xuciya ya juya tasa kan motar ya nufi gurin aiki da nufin sai gobe kuma domin yaci burin saiyaga kowaye wannan.


Itadai tunda ta samu ta kubuta yau sai hankalinta ya kwanta ta gama sakawa a ranta Deni yagaji da jiranta da kuma kiran wayarta a kashe ya haqura ya Kama gabansa. Cikin kwanciyar hankali ta kwanta tai baccinta me dadi, wanda bata tashiba sai qarfe biyar din yamma, tai miqa da salati taje tai sallah da azkar din yammaci ta nufi kicin. Taji dadi data tarar Inna harta dora mata sanwa, cikin farin ciki tace