You Cannot Download this book untill you login but you can read it .

---

Login Register

miki acikin kudin ba" tai saurin cewa "Babu komai ai nima ina da nawa kudin kuma ina samu sosai saboda haka ka riqe abunka" ya marairaice yace "Baxa'ai haka ba sakeenatu dole ki fadi abunda kike muradi in miki, manyan kudade fa nasamu sosai" ta danyi tunani tace "To dama ina sha'awar bude salon, kuma nima inada kudade na da nike tarawa amma nasan baxasu isa ba, xan cirosu daga bank sai inbaka ka cika a budemun salon din." yaja hancinta yana kwaikwayon maganarta yace "To ranki ya dade yadda kikace haka xa'ai, amma ki bar ciro kudin tukun mugani kafin asamu shagon" da haka suka bar maganar tacigaba da karatunta.



Sun fara jarrabawa ta dage sosai da karatu da kuma adduar neman saa domin cikawa Sageer da alqawari da tayi masa. Babu wani interval sosai cikin sauri sukayi suka gama aka fara hutu ta dawo xaman gida ta fara ramuwar baccin da taci bashinsa yayin karatun jarrabawa, tana kuma jiran xuwan ranar Saturday su daga Kano kamar yadda Sageer ya mata alqawari.


Ranar talata ya tattageta da daddare suka tafi asibitin Dr sani wanda ya dawo daga sudan yin wani course, yana ganinsu ya washe baki yana cewa "Kaga Sageer da Sakeena masoyan asali, yau kune a asibiti? Da alamu ta samu kenan?" Sageer ya gyarawa Sakeena kujera ta xauna shima ya xauna yana cewa "Likita bokan turai, bakuso a mutu bakuso a xauna lfy" Dr sani yana dariya yace "wannan kuma sharrinka ne, wayaqi xaman lfy?" ya bashi hannu suka gaisa suka dan taba hirar bayan saduwa. Ya dubi Sakeena yace "Hajiya Sakeena kina lfy?" ta amsa tare da gaisheshi. Sageer yayi masa bayanin abunda ke tafe dasu na duba lfyar abunda ke cikin Sakeena ne da kuma fada musu lokacin xuwa fara awo.


Ya daga waya ya kira wata nurse yace suje da Sakeena ai mata scanning. Suka fita tare shi kuma sukacigaba da hira da Sageer, kimanin awa guda suka dawo tare da takaddar sakamakon scanning din ta bawa Dr. Ya karba ya duba ya fada musu adadin cikin Sakeena wata biyu ne da sati biyu kuma xata fara awo in cikin yayi 4 month, ya tabbatar musu da lafiyar abunda ke cikin ya bata magungunan qarin jini suka taho.



Wani abu da Sageer yayi wanda yasa Sakeena xubar da hawaye shine: ranar laraba ya dawo da wuri daga office yace ta shirya da sauri xata rakashi wani guri, da sauri ta canja qananan kayan jikinta da atamfa dama fes take ta yafa mayafi suka fita. Suna tafiya suna hira har xuwa rukunin wasu manyan shaguna yayi parking a gaban daya daga cikinsu suka fito tare, abun mamaki ta tarar da Bilki da kuma Maitama a gurin da wasu mutane kuma a tsatstsaye, tana fitowa aka miqa mata almakashi Sageer ya rada mata cewar ta yanka dan kyallen dake gabanta salon dinta ne ya kammala sukaxo budeshi, kamar a mafarki ta yanke kyallen aka dauki tafi, ta fara shiga ciki salon din wanda akaiwa suna asaman gurin da SAGNA BEAUTY SALON.Ta kalli kayan gyaran gashin da aka maqare gurin dashi ko ina tsaf yana kalli. Ta jinjinawa dukiyar da aka lafta a gurin babu tambaya daganin kura xataci akuya ma'ana ba qananan kudade Sageer ya kashe ba.



Suka gama xaga gurin tsaf harda barin kwalliya wanda itace xata dungayi sai qunshi dasu nadin gwagwagwaro da yaran da xasu dunga xama a shagon suna gyaran gashi gaba daya Sakeena tace Bilki ta samo masu yi wanda ta amincewa tunda ita ta girma a Lagos tafisu sanin mutane. Koda aka buqaci Sakeena tai jawabin godiya saita kasa magana sai hawaye data rinqayi muryarta na rawa tayi taqaitaccen bayani ta rungume Sageer. Aka dau tafi, Bilki tana murmushi ta matso tace "Share hawayenki qanwata, da alama kinxo Lagos da qafar dama kuma dama ba'a xaman kashe wando a Lagos, kedai kiyi addua kuma kicigaba da juriyar neman halak" cikin rawar murya tace "Nagode Anty Bilki"



An watse lfy kowa ya nufi gida Sakeena har xuwa yanxu mamakin Sageer take da kuma girman son dayake mata, daga fada masa sha'awarta nason bude salon yayi mata wayo yace ta dakaceshi ashe Allah sarki kudinsa ya narka ya saimata komi tare da kama hayar shago ba tare da ko sisinta ba. Har sukaje gida tana tunani, da daddare bayan ya dawo sallar isha ta tsuguna domin gode masa ya dakatar da ita da cewa. Ai yiwa kaine, kuma damashi yanaso yaga mutum meson neman nakansa tafi qarfin komi a gurinsa xaman lfy data bada hadin kai akeyi yafi komi, a wannan dare ma soyayyarsu suka sha me tsafta, sageer ya rasa abunda yasa baya gundura da Sakeena kullum sabuwa take a jikinsa da kuma xuciyarsa.



Tacigaba da shirin tafiya Kano ranar asabar kamar yadda yace, sai dai ya daga tafiyar saboda be samu hutun da yake nema ba a gurin aiki sannan kuma ga wata tsirfa inji Sakeena wai xa'ayi birthday din ogansu a gurin aiki (Abdulfatah) ranar juma a da daddare wanda Sageer keson ya halarta.


Bata nuna masa bacin ran daga tafiyar da yayi ba duk da tana daukin xuwa Kano da kuma ganin Iya, yayi mata alqawarin washegarin birthday din wato asabar xasu tafi. Tacigaba da shirin tafiya taiwa kowa tsaraba dai dai da matsayinsa har yan Baggadano bata mantasu ba. Acikin kwanakin ta samu sauqin laulayin da take harta fara girki da kanta, Sageer yaji dadin hakan don yanaso su hutar da Bilki kawo abincin da take, suka kuma dinkewa shida sakeena wacce ke masa biyayya kamar tai masa sujjada, duk da bashi da isashshen lokacin kansa ya maida hankalinsa gurin kammala aikin gabansa don yasamu hutun da xai isheshi suje kano dagacan su wuce Katsina taga danginsa da mahaifarsa.



Ranar Friday da daddare suka tsala wanka, tadau doguwar riga baqa me fararen stones, rigar tayi kyau kwarai kuma da ganinta kasan da manyan kudade aka siyeta, tayi nadinta da dankwalin rigar, tayi kyau sosai saboda ta qara cikowa tayi haske albarkacin cikin jikinta, cikin nishadi take komai saboda murnar gobe war haka tana Kano gurin Iya. Sageer shi kuma yasaka suit baqaqe, suka fita suka shiga mota ya danna order su Bilki suka fito suma a tasu motar suka daga.


Sun samu guri tuni ya dinke da mutane ga maji'an tsaro a baje ta ko ina suka nuna katinsu sannan aka bude musu suka wuce da mota, Suka samu guri sukai Parking suka fito kowa hannunsa sarqe dana matarsa. Sakeena kallon gurin take cikin qauyanci da mamakin tsaruwa da girman gurin. Cikin rada tace "Ya Sageer dama a Lagos ana samun guri me girman wannan? Wane hotel ne wannan?" yayi dariya yana qara sarqe yatsunta da nasa yace "To yar qauye ba hotel bane gidane, in kinji ana cewa family mansion to shine wannan, Oga da iyalansa mamansa da kuma danginsa na kusa ke xaune ciki, kinsan babban me kudine ya riqe muqamai da yawa a hukumar mu sannan ga business da yake ciki da wajen qasarnan" tace "Tabdi aida ganin abun na manya ne" suka samu guri suka xauna su duka hudun akan table daya kamar yadda aka tsara, Sakeena ta dunga kallon yadda aka qawata gurin tana mamakin ace duk girman nan ace gidane, itakam xataso taga mutanen dake rayuwa ciki da kuma oga Abdulfatah daya shagala da duniya ya tanfatsa wannan gida kamar baxa'a mutu ba. Ta qara riqo hannun Sageer tace "Yanxu ya Sageer duk akan wani banxan abu birthday aka narka wannan uwar dukiyar aka tsara wannan guri? Kuma birthday din ma na babba bana yaro ba" Su Sageer a tare sukai mata dariya, Bilki tace "Hmm kedai bari Sakeena nima kaina mamaki nake, masu kudi suna sha'aninsu kamar bada wahala ake tara kudin ba" suna ciye ciyen kayan da aka cika table din dasu kuma Sina taba hira har akaxo yanka cake aka yanka hade dayin hutana, Sageer da Maitama sukaje gurin oga suka gaisa hadi da tayashi murnar cikar xagayowar ranar haihuwarsa, Sageer ya fada musu da iyalansu suke tafe, Abdulfatah yana dariya yace "Ya baku qaraso dasu nan ba? Kuje kuxo dasu mu gaisa inga madam din Sageer wacce ke wahalar dashi" sukai dariya a tare suka juya dan kirawo su Bilki.


Suka taho tare kowa riqe da matarsa suka tarar yana gaisawa da wasu baqin, suka dan jira ya gama sai kuma ya kuma yin gaba gurin wasu, Sakeena ta fara mitar itafa tagaji so take su koma gida tai bacci don tafiyar dake gabansu gobe. Suka bata haquri Maitama ya kuma matsawa ya kira Abdulfatah da cewar dare ya farayi xasu tafi. Ya basu haquri tare da biyo bayan Maitama din.



Sakeena ce ta fara gaisheshi, tundaga nesa yake mata kallon mamaki dajin muryarta ya qara qura mata ido tare da yadda da abunda yake xargi a firgice ya furta "LINDA?" yakai hannu a gigice ya riqo hannun Sakeena yana cewa "Sister Linda kece da gaske?" Sakeena dasu Sageer gaba daya kallonsa suke da mamaki kafin ta fincike hannunta dagudu ta buya a bayan Sageer tana riqeshi cike da tsoro. Andulfatah ya xagaya bayan Sageer tare da qara riqo hannunta ta kwallah qara ta koma bayan Maitama, yana shirin binta Sageer ya shiga tsakaninsu cikin mamaki yake tambayar Abdulfatah meke faruwa. Cikin sauri yace "Sageer wannan yarinyar qanwata ce Linda wacce muke nema sama da shekaru ashirin a ina ka samota?" Sageer ya girgixa kai yace "A a Oga ba ita bace wannan, matatace wannan wacce ka sheda daurin aurenmu wancan karon kuma ka xama waliyyinta sunanta Sakeenatu" Abdulfatah har yanxu be yadda ba yace "Karkai musu dani mana Sageer wannan Linda ce har muryarta be bacemun ba inajin muryarta naganeta"



Haka suka dunga tafka musu har hankalin mutane ya fara xuwa kansu, Abdulfatah ya jasu xuwa Main falo na gidan gurin mamansa. Acan dinma ankuma kwatawa domin maman tana ganin Sakeena ta cikin medical glasses din idonta tace "Linda? Dama xan ganki kafin na mutu?" mutanen dake xaune falon sukaiwa Sakeena caaa suna wani irin yare. Ta qanqame Sageer dake tsaye cikin Al ajabin abunda ke shirin faruwa, tana kuka cikin tsoro tana cewa ya fita da ita xasu cinyeta.



Wani dattijo fari qal ya fito yana dogara sanda dagani ubane ga Abdulfatah, ya dubi Sakeena a nutse sannan ya juya gurinsu yana musu yare tare da ambaton sunan Linda. Abdulfatah ya basu gurin xama ya fuskanci Sageer yace "Babanmu ne wannan, kuma ya ankarar damu abunda muka manta, yace wannan kam ba Linda bace domin Linda yanxu duk inda take ta girma ya wuce ace tanada quruciya kamar wannan amma yace duk inda wannan yarinyar ta fito jininmu ce" ya dakko masa family pictures dinsu saiga masu kama da sakeena sak kamar twins dukkansu sunyi mamakin hakan.



Cikin sanyin jiki Sageer ya fadi yacce ya auro Sakeena da kuma lbrinta kamar yadda Iya ta fada masa. Suka hau kukan jin cewa Linda ta mutu wannan ta tsayen kuma yartace, suka bayyanawa Sageer yadda yarsu ta gudu tabi wani musulmi dan arewa sukai neman duniya basu ganta ba. Suka dunga daqumar Sakeena suna shafata da sumbatarta da cewa in waccan Linda din ta mutu aiga wata. Ta fusgewa ruqonsu ta koma jikin Sageer ta maqale tana cewa Ita sunan mamanta Aisha ba Linda ba kuma musulma ce. Suka hau yin yare da cewa suma ai duk sun musulunta shekaru da yawa tun abaya.



Ta kalli Sageer tace "Nifa gaskiya mutafi babu abunda ya hadani da wadannan mutane ni tsoronsu ma nakeji" Batasan akwai masujin hausa cikinsu ba, wata mata tai karaf ta amsa da cewa "Uwaka kai, xaka xagemu da Hausa bakasan munaji ba, ai Igala ma Hausa ne hijira sukai daga arewa, kuma babu inda xaka kaxo kenan nan gidanku ne" Sakeena tai fiki fiki tana raba ido, su Bilki dai dariya suke cikin mamaki wai kamar wasa anga dangin maman Sakeena.



Bayan dogon tarihi da dauki ba dadi dakyar suka bari Sageer ya tafi da Sakeena da alqawarin cewa ranar Sunday xasubi su Sageer har Kano dan tabbatar da Sakeena jininsu ce. A hakanma saida suka hadoshi da mutane sukaga gidansa a daren dan gani suke kamar xai gudu da ita kafin jibi Sunday. Ala dole ya daga tafiyarsu xuwa Sunday din dan sunce Saturday ya musu kusa xasu fadawa ragowar dangi anga yar Linda. Ranar daga Sageer har su Maitama sunga ikon Allah da qarfin hali gurin mutanannen domin nema sukai su hana Sageer Sakeena saida Abdulfatah yayi da gaske suka barsu suka taho.



Ya xabga tagumi yana kallon Sakeena bayan dawowarsu, mamaki yake Allah me iko wai Sakeena yar qanwar Abdulfatah ce uwa daya uba daya wato a taqaice yace gurin ubangidansa, kuma ikon Allah basu taba haduwa ba sai yau duk da tun abaya ya dace ayi hakan lokacin daya daura mata aure da kuma lokacin shigarsu kotu, amma Allah bai nufa an hadu ba ya kawo uxuri tare da tura wakili. Jikinsa yayi sanyi qalau daya tuna family din uwar Sakeena suna da kudi da kuma madafun ikon da xasu iya rabashi da Sakeena ganin cewar shi talaka ne tiqis akansu, su kuma aura mata me kudi kuma yarensu. Gabansa ya fadi fargaba da tausayin kansa lokaci daya suka ratsashi, yayi murnar bayyanar dangin mahaifiyar matarsa amma kuma yana fargabar rasa macen da yake masifar so a rayuwarsa.



Ta fito ta kwanta a jikinsa tace "Ya Sageer kaxo mu kwanta mana kaxo nan kayi tagumi" ya shafo fuskarta idonsa cike da kwallah yace "Sakeena yadda naga suna qaunarki da kuma yacce suke kallona sai nakega kamar xasu iya rabamu ko" tai saurin dagowa tana kallonsa gami da girgixa kai tace "Su wane su da xasu rabamu? Har yaushe nayi musu sanin da xan yadda su rabani da kai? Wace sadaukarwar sukaimin wacce tafi taka da xan bari hakan ta faru? Nifa ko? banma yadda cewa su yan uwana bane kuma inma kanaso yanxu saimu hada kayanmu mu dau hanyar Kano a daren nan in sukaxo sukaga gidan a rufe ba shikenan ba?" baki bude yake kallonta yace "Sakeena dangin mahaifiyar taki xakice mu guddar musu?" ta qara gyara kwanciyarta a jikinsa tace "Meye amfaninsu indai xasu rabani da kai? Ai lokacin da bansansu bama na rayu cikin jin dadi da kulawa kuma nasan ko babu su xakaci gaba da riqe amanata daka karbo gurin Baba, ni a duniya ta yanxu, Iya ce mahaifiyyata, Baba mahaifina kai kuma jigo mijina kuma dan uwana, uban yayana. Wlh indai basu karbeka ba amatsayin mijina ba to babu ni babu su saboda ina sonka kuma in shaa Allah aurenmu mutu ka raba" Sageer ya qura mata ido cikin burgewa da kuma alfahari da soyayyar da take masa, sai yanxu ya qara yadda Sakeena tana qaunarsa, yaji hankalinsa ya kwanta duk wannan fargabar ta rasata ta kau, ya dauketa sukaje suka kwanta yana rungume da ita tsam kamar xa'a kwaceta masa ita.



Hajia 😊
[8/21, 11:52 AM] Zongo Gal: 🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀
🙆🏽‍♀MUQADDARI NE🙆🏽‍♀
🙆🏽‍♀2018🙆🏽‍♀
🙆🏽‍♀



3⃣0⃣

RAHMATULLAH (Hajia)


FINALE


EIDIL ADHHA MUBARAK TAQABBALALLAHU MINNA WA MINKUN.😊


GORAN SALLAH NE GA DAUKACIN MAKARANTA WANNAN LITTAFI MUSAMMAN


Aunty sis
Maryam Baita Usman
Marbab
Sapna
Sultana N Usman
Meela Adeel
Maryam Saddi
Diyar katibi
Khadija Bala Dandara
Amina Lamba
Maman ikhram
Maman Zahra
Wasila A Labo
Rahma Novels
Taskar Fiddausi Sodangi
Xclusive Ladies
Matan Aure only
AMITY Beauty salon
Naseeba's Novels place
Zauren Bibie Isa
Pure moment of life writers (PML)
Kainuwa writers association (Anty Fauzah)
jama'ata dake qasashen Niger da kuma Ghana (Da duk wanda lokaci be bani damar ambata ba 😊)



Da wuri suka tashi washegari asabar, suka shiga kicin tare ya tayata fere dankali ita kuma ta soya, ya dafa tea suka hado suka xauna akan center carpet suna karyawa. Hankalin Sageer be gama tashi ba sai da me gadi yaxo ya fada musu anyi baqi yace masa ya shigo dasu, saiga mutane qungiya guda, dagashi har Sakeena suka bar cin abincin suka miqe cikin mamaki. Duk da cewa falon ba qarami bane amma saida suka cikashi taf kuma dukkansu wai sunxo ganin Sakeena ne.


Ta dunga sunkuyawa tana gaishesu kamar yadda Sageer ya umarceta, sukayi masa bayani sunxo ganin yadda Sakeena ta kwanane da kuma neman alfarmar ya barta taje can gurinsu akwai yayar kakanta wacce bata iya fita saboda tsufa aka dakkota dan ganin Sakeena. Sageer a xuciyarsa yace kodai kunxo ganin ko na gudu da ita ba. Bai kulasu ba sai fita da yayi harabar gidansa can inda Abdulfatah ke tsaye da wasu mutanen yayi masa bayanin cewa Sakeena fa matarsa ce kuma tana dauke da ciki saboda haka baxata juri xirga xirga ba dan Allah koma menene su dakata xuwa goben aje can Kano. Abdulfatah ya shiga falon yayi musu bayanin da Sageer yayi masa da yarensu, suka gama maganganunsu wanda daga Sakeena har Sageer baji suke ba kana suka tashi suka shishshiga motocin da sukaxo aciki suka koma.


A tare suka saki ajiyar xuciya bayan fitarsu, Maitama ya shigo falon yana kallonsu da mamaki yace "wadannan fa Sageer? Naga convoy na motocin Oga sun fita yanxu" cikin dumuwa yace "wai duk sunxo ganin yadda Sakeena ta kwanane Maitama, nifa na fara tsorata wlh so suke su rabani da ita" Maitama ya dafa kafadarsa yace "Karkai wannan tunanin mana, kasan oga mutumin kirki ne kuma yanasonka baxai bari ayi maka haka ba, kawai dai suna murnar ganin diyarsune da suka dade suna nema. Shawarata yanxu ka buga wayacan Kano gidan su Sakeena ka fada musu abunda ke faruwa sannan itama Umma ka sanar da ita, don ayi a wuce gurin hankalinka ya kwanta"


Sageer yayi naam da shawarar Maitama ya ciro wayarsa ya fara kiran Umma, Allah sarki tana dauka lfy Sakeena ta fara tambaya. Sakeena ta matso jikinsa ta karbi wayar ta fara gaishe da Umma tare da cemata lfy ta qalau umma. Sageer ya amsa yayi mata bayanin abunda ya faru jiya xuwa yau. Tayi Hamdala tace "To meye abun damuwa Muhammadu? Ai murna ya kamata kayi anga yan uwan matarka" yace "Umma masu kudi ne fiye da xatonki kuma sunada manyan jamian gwamnati a cikinsu kuma fa Sakeena yace ga shugaban hukumarmu gaba daya Abdulfatah, gani nake in sun ganni talaka kuma bahaushe xasu iya kwace sakeena su aura mata yarensu me kudi" Umma tai dariya tace "Muhammadu kenan ashe har yanxu baka girma, ko son sakeena ne ya maidaka yaro? To ka kwantar da hankalinka, bana xaton Sakeena xata bari a rabaku saboda wani abu arxiqi ko banbancin yare, sakeena yar halak ce nasan baxata taba butulcewa hallaccin da kai mata ba ita da uwar riqonta, ka kwantar da hankalinka kaji ko kuma xan muku addua kai da ita" ya sauke numfashi cikin jin dadin kalamin umma yace "Wlh umma kamar kina gurin haka sakeena tacemun jiya baxata taba bari su rabamu ba inma nufinsu kenan" tace "Yawwa kaji xancena ba Allah yayi muku albarka" ya amsa suka rabu ya kira Iya.



Sakeena ce ta fara magana da cewa "Hajiya Iya" tana dariya tace "Allah amin Sakeenatu, bani da burin daya wuce xuwa dakin Allah kafin in mutu" Sakeena tana dariya tace "To Allah ya sa aikin Hajji bana dake xa ai" Iya tace "Kayya dai Sakeenatu, abu da anfara tafiya tuntuni" tace "Lah Iya karkiyi mamakin kina daga cikin masu xuwa wannan shekarar in Allah yaso" tace "To tunda kikace Allah nayi shiru ikonsa yafi gaban komi. Ni kintareni da surutu kina lfy? Ina sageerun?" ya karbe wayar yace "Assalamu alaikum Hajiya Iya ganinan" tana dariya tace "Au Sageeru harda kai a zolayar tawa?" shima dariyar yayi suka gaisa kana ya sako mata dalilin kiran, jikinta yayi sanyi fiye da xatonsu tace "Sageeru cewa xakai masu rabani da Sakeenatu sunxo? Nasan dauketa xasuyi ko kuma suyi qararmu akan danmu ya gudar musu da diyarsu tunda kace yanxu sunyi arxiqi, kasan dama tun asali bason auren uwar sakeena da Ababukar suke ba shiyasa ta gudu ta biyoshi" ta qarasa tana share kwallah, Sakeena tai saurin matsowa ta amshi wayar dake hand free tace "Dena kuka Iya, babu wanda ya isa ya rabani dake koda kuwa shugaban qasa ne, ki kwantar da hankalinki" duk da wannan kalami na Sakeena jiki a sanyaye suka rabu tace xata fadawa Baba xuwansu gobe.

******* ******* ******** ********


Bangaren Deni mijin Hajiya Surayya kuwa ya miqe qafa gida yana jinya sai dayayi wata guda cif sannan ya nufi xuwa office bayan gaba daya ciwokan jikinsa sun warke. Monday yayi wanka yasha suit ya baxa turare ya nufi office yana shan qamshi kamar company din ubansa, abun mamaki agurin Deni shine ya tarar da wani a office dinsa yanata aiki, baiyi magana ba ya koma da baya ya qara duba sunan dake jikin katakon kofar shiga office din, ya tarar da wani baqon suna ba nasa ba. A sanyaye ya fito ya nufi office din DG domin jin ba'asi, acan ya tarar da takardar sallamarsa daga aiki, Deni da yaxo yana shan qamshi sai gashi tsugune gaban DG yana hawaye tare da roqon a temaka masa abarshi da aikinsa.


DG din ya dubeshi yace "kaika jawowa kanka Nura, mun qona kudade mun turaka Lagos don yin course domin kaxo ka koyar da ma'aikatanmu na nan sai mukaji lbrin acan din baka maida hankali kayi abunda aka turaka ba, ba kullum kake xuwa gurin bita ba asha ruwan tsuntsaye kakeyi, sannan kuma daga baya ka tattaro ka gudo batare da sanin company ninmu na can ba kamar xaman kanka kakeki, munata jira anan muji kaxo kayi report na abunda ya sameka acan Lagos din amma sai mukaji shiru ka miqe qafa kayi xamanka sai daka shafe wata guda cur harda kwanaki shine yanxu danka rainawa kanka hankali xaka dakko qafa ka taho aiki saboda company naka ne ko?" Deni ya fara sharbar hawaye duk dan DG ya tausaya masa ya maidashi aiki harda shada karyar cewa wai a hanyar dawowarsa daga Lagos ya kuma haduwa da accident har karyewa yayi akai masa dorin gida shiyasa baixo yayi report ba.



DG ya girgixa kai yace "Hakan yayi dai dai gara daka xauna kayi jinya da kyau kuma gara kaje ka qarasa warkewa saboda naka har yanxu kana dingishi. Kamar yadda ka gani dai an sallameka aiki, saboda akwai biliyoyin matasa da suka qare karatu da sakamako me kyau suke neman irin damar daka samu ka wulaqanta, sakamakon haka muka maye gurbinka da waninka domin baxamu xauna kai daya kana wahalshemu ba, Saboda haka mungode muna maka fatan alkhairi" Deni ya dade a office din yana koke koke tare da roqon DG ko wani aikin ne ya bashi wanda be kai nasa ba domin yasha wahala kafin ya samu wannan aikin. Ko kallonsa DG beyi balle ya tanka masa.



Dole ya fito daga office din yana tafe yana kuka be damu da masu kallonsa ba, ya shiga mota ya kifa kai yasaka kuka kamar mace. Wai meke shirin faruwa dashi ne? Yana daya daga cikin matasan da xasu dorar da wahalar samun aiki ga dan talaka a qasar nan, domin ya wahala ba kadan ba kafin Allah ya axurtashi da wannan aikin ta silar Sakeena. Yanxu shikenan ya rabu da aikin dayake taqama dashi kenan? Yanxu xai koma irin rayuwarsa ta baya kenan kafin samun wani aikin? Wai meyasa tunda ya rabu da Sakeena masifa ke binsa daga wannan sai wannan? Yanxu yayi biyu babu kenan uku ba ko daya? Babu aiki kuma babu Sakeena? Ta wace hanyar xai kuma