You Cannot Download this book untill you login but you can read it .

---

Login Register

take ta matso kusa dashi tana murmushi tace "ai tunda naga kana Kallona haka Nura nasan akwai lbr, tashi kabani insha yau me akai a makaranta?" ya dade yana kallonta sannan ya magantu "ya sakeena babu abunda akai, kawai dai inaso ne inta kallonki sai nakeji kamar mun kusa rabuwa" ta zaro ido 😳 kafin tace "Nura karka qara Kira mana kalmar rabuwa duk rintsi muna tare Nura, ko aure xanyi sai nasamu wanda zai yadda intafi dakai sannan xan aureshi" ta Dan nisa kadan tai tunanin wazai auri qazama irinta? Ganin har yanxu idon Nura yana kanta tai saurin kintse tunaninta. Ya riqe sannunta duk biyun yace "ya sakeena Allah ya saka miki da alkhairi, Allah ya baki miji nagari, Allah ya kawo miki matemaki in shaa Allahu burinki na xama me karanta labarai xai cika komai wuya." kalaman Nura kenan wanda suka hana sakeena bacci a wannan dare tana tunanin ta ina dan qanqanin yaro kamar Nura ya iya tsara wadannan kalamai?



Kusan kwana uku kenan yau da yin hakan, kuma tanajin kanta sukuku kuma ba rashin lfy take ba ita kanta batasan meke damunta ba duniyar tai mata wani irin rashin dadi. Sau uku wata maqociyarsu na aikowa taxo tai mata wanki amma ta kasa xuwa. ranar ta biyar bayan antaso makaranta Nura ya sami sakeena har daki a kwance bata da lfy tun jiya yace mata zai tafi tallan ruwa wanda ya sabayi a tasha inyataso daga Boko. Ta kyada masa kai ba tare da tace komai ba, ya juya ya tafi idonta a kansa har ya fice daga dakin.




acan tasha wajen qarfe ukun rana cinikin ruwa nata garawa Nura har yayi dauka ta uku ya ware kudin me ruwan ya ware ribarsa ya xuba a aljihu. Wata mota dake shirin tashi wata mata ta yafitoshi da hannu da cewa "me pure water bani guda 4" kafin ya debo mata har me motar yaja shi kuma da quruciya yabi motar da gudu ba tare daya kamota ba har suka fita daga tasha, bai dena bin motar ba cikin tsautsayi wata motar ta taho daga daya barin a lokacin da yake qoqarin miqawa matar ruwan ta bankeshi ya fadi gefen titi wata motar tabi ta kansa. Innalillahi wa inna ialaihi raju'un ko shurawa Nura beyi ba ya mutu kansa yayi raga raga.



sakeena na kwance tana wahalanlan bacci sallamar maza ta tasheta, tayo wajen dakin da gudu saboda ihun Inna data jiyo. Tayi mugun ganin abu nannade a tabarma tana digar jini, cikin azama ta qarasa ta bude tabarmar duk da raunin ganinta da kuma yadda gawar Nura tai kwatsa kwatsa Haman be hana sakeena sheda Nura ba. Ta sulale a qasa ta fadi a gurin.




Wani maqocin margayi mal Abbakar dake xuwa cikin garin kano duk sati wato ranar asabar shine da yaje ya nemi gidan Hafsatu wato yar uwa ga margayin bayan sun gaisa yake fada mata mutuwar Nura da kuma halin da sakeena ke ciki. Ta dunga kuka tana sallalmi, duk da muna zamani na wayar hannu amma a yaran gidan yan samari a rasa me kiranta ya sheda mata saboda basu dauketa wata abuba? megidan yana dawowa ta fada masa asubar fari tana cikin motar xuwa Baggadano.



Acan kuma bayan kwashe awanni 36 acikin coma sakeeena ta farko, amma fa cikin wani irin yanayi domin babuci, babusha, babu magana, babu sallah. Tanadai xaune tanabin tsirarin yan xaman makoki da kallo. Duk wani me imani ya tausayawa sakeena, aciki kuwa harda Inna wacce har kwallah take sharewa inta Kalli sakeena. Domin inda wanda xai bada lbrin soyayyar sakeena da Nura to itace no 1. Ita kanta taji mutuwar yaron kuma tayi nadamar abunda tai musu.




Babu yacce batai da sakeena ba tun jiya data farko akan taci abinci tai wanka amma sakeena saidai taita kallonta kamar bata santa ba. itadai sai takega kamar sakeena ta samu tabin hankali.



Ana cikin wannan yanayine Hafsatu tazo wacce suke kira da Iya. Ta shigo gidan da ragowar hantsi kasamcewar tayi tafiyar sammako, yan Samari da yanmatan yayan Inna suka dunga xuwa gaisheta babu wanda ta amsawa saida suka tattara gaba dayansu tas su 7 inka dauke sakeena dakecan daki bata fito ba sannan Iya ta fara magana cikin bacin rai "yanxu duk yawanku arasa wanda xaisa katin naira 10 a waya ya fadamun mutuwar Nura? Karku manta nidin yayar ubanku ce kuma duk duniya baku da dangin uban daya wuceni, kodan qasa ta rufe idon Habubakar kukemun haka? Ko kuma dan Allah be bani haihu ba?" ta fada tana share kwallah. Inna dakecan gaban murhu tana rura wutar ruwan dama koko tai gatsal ta shiga cikin maganar "kinga Hansatu karki dorawa yara lefin daba nasuba, sune suka hanaki haihuwar? Ko kuma tunda ubansu ya mutu kikazo xaman mutuwarsa kin kuma dawowa duba zuriar sa? Ko kin taba kawo gishiri kince a barbadawa marayu a abinci?" da wannan kalami Inna ta rufe bakin iya domin tasan itama gaskiya ta fada, kuma dama can babu jituwa tsakaninta da Lauratu xamane suke irin na doya da manja duk da sukan kwashe shekaru basu hadu ba.



Iya ta miqe ta shige dakin da Indo diyar Inna ta nuna mata sakeena na ciki, ita kuma Inna ta wuce da mitar cewar "haka kawai da sanyin safiya kixo ki tasamun yaya agaba da masifa wai basa kulaki yo ke kulasun kike?"



yadda takewa mutane haka taiwa iya ta xura mata ido tana kallonta, iya dai ta kasa magana sai kuka ta kama hannun sakeena tace "haka kika koma sakeena?" tafi awa daya tana aikin lallashi amma sakeena ko gizau. Ganin haka ta kamota suka fito tsakar gida ta dauki tukunya da nufin ta dora ruwa akan murhun da Inna ta gama amfani dashi Inna ta banko labule ta fito tare da cewa karki tabamun itace na girkin ranane, ke baki qullo kin kawo ba kixo nayi tanadi ki rusamin da iyayinki na banxa da wofi. Iya tace "to hakan ma yayi dai dai" taja hannun sakeena suka fita maqota can gidan mal Ado wanda yaje ya fada mata mutuwar. Bayan sun gaisa ta nemi alfarmar Dan Allah ruwan xafi take so xataiwa sakeena wankin kai, dake sunsan halin Inna basuyi mamaki ba suka tashi suka dora mata cikin tukunya. Suna dan taba hira dake matan gidan biyu ne tana tsefewa sakeena cukurkudaddan gashinta. Anan iya takejin irin gwagwarmayar dasu sakeena sukai har ixuwa mutuwar Nura, kuka tayishi yafi gaban a fada ta tattara lefin gaba daya ta dora akanta be kamata ta bari zuriar Aisha yarinya me girmamata ta qare a hakaba duk da ta nuna bataso aurenta da Habubakar ba amma hakan be hana Aisha girmamata ba a matsayin yayar mijinta.



A cikin awa guda saida iya taiwa sakeena ruwa 3 daga kanta xuwa jikinta sannan taga ta fita. Bayan ta surka ruwan kokon da aka bata a gidan da ruwa ta bata tasha dakyar, amai ya biyo baya kamar ta amayar da kayan cikinta. Ta koma ta xauna sharaf jikinta ya kuma laushi saboda yunqurin amai. Mal ado da kansa ya fita ya samowa sakeena madarar shanu sabuwar tatsa, ta kafa kai ta shanye tas sannan iya tace tasa kaya, amma abun takaicin kayan sakeena sun mata kadan bayan yayyagewa da sukayi rigar da tasa ta dame mata qirjinta daya fara tasawa. Iya tace ta ciresu ta dauki nata kayan da taxo dashi wanda takeso gobe inxata tafi ta canja ta bawa sakeena tace ta saka. Duk da kayan sun mata yawa sai taji tafi sakewa aciki.





yinin ranar iya ta yishine tana kula da sakeena, kuma Alhamdulillahi ansamu cigaba dan taci abinci kuma iya tayi mata kitson hannu a kanta wanda tana kitson tana yiwa sakeenan nasiha akan mutuwar Nura, ta dago kanta karo na farko tai magana da cewa "iya Nura ya mutu, ya tafi yabarni ni kadai, babu gwaggo babu baba yanxu kuma babu Nura ya mutu wajen neman halak bani da kowa." iya ta kwantarta kan cinyarta tana qara lallashinta tace "hakane sakeena baki da kowa amma kina da Allah, haka ya tsara miki rayuwa, indai kina buqata xan tafi dake can birni gurina. Amma sakeena nima ba a dadi nakeba mijina ba shine dashi ba sai dai rufin asiri ga kuma kishiyata karkiga a birni nake kiyi xaton cikin jin dadi nake wannan dalili shiyasa kukaga bana xuwa muku saboda banda abunda xan baku. Inkin yadda xakibini bani da kowa kamar yadda kema baki da kowa sai muje muyi gwagwarmayar rayuwa tare" sakeena ta miqe daga kwance ta qurawa iya ido tana kwallah tace "iya xan biki komai wuyar da xansha acan, babu irin wahalar rayuwar da ban saniba, tun ina yar shekara tara nake nemawa kaina abinci. Kuma dama natsani qauyen nan banga amfanin xamansa ba tunda babu Nura" iya tace 'yawwa sakeena, tsakaninki da Nura yanxu addua ce"



Washegari a maqota sukai wanka daga sakeena har iya domin iya tayi batun tafiya da sakeena birni wanda baqin ciki yasa Inna tace bazasu taba mata komai na gidanba in sunje birnin sayi wankan. A gidan mal Ado sika qarasa kintsawa, tsahare matar sa ta bawa sakeena doguwar rigar yarta ta atamfa Leda sabuwa jin cewa xasu tafi burni harda turare karon farko da sakeena tasa turare a rayuwarta, sai taji kanta a matsayin yar gayu lamba 1 ashe qamshi haka yake saka nishadi? Inama dai masu yimata gorin wari zasu ganta yau suji qamshin jikinta. Suka koma gida dan sallama wa yan gidansu, sukam yaran sun nuna ko a jikinsu sakeena taje gaban Inna tana kuka tana cewa "Inna xan tafi Allah ya qaddara saduwarmu da alkhairi ki yafemun" Inna tace "meye na kuka? Kinyiwa kanki dama da kin xauna aure xanyi miki amma kinxabi kibi wacce batasan ciwon haihuwa xataje birni ta nemi kudi dake, in gaskiya ne mana ta daukeku tun kuna qanana sai da taga kin isa moruwa dayan kuma ya mutu wahala ta ragu sannan taxo? Allah ya raka taki gona" ta taso jikinta a sanyaye suka nufi tasha bayan anrakata kabarin Nura tai masa addua.



Wannan shine mafarin barin sakeena Qauyen Baggadano xuwa garin kano cikin unguwar Gwale. Wanda daganan rayuwar sakeena ta fara.



Hajia ☺
[7/31, 2:01 PM] Reine Ghana: 🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀
🙆🏽‍♀MUQADDARI NE🙆🏽‍♀
🙆🏽‍♀2018🙆🏽‍♀
🙆🏽‍♀



3⃣

RAHMATULLAH (Hajia)



Mal Lawan mijin Iya tsohon malamin makarantar qaramar secondary (retired) wanda bayan ritaya albashinsa ya gagareshi riqe gidansa duk da yana iyakar qoqarinsa amma ya gaza fansho ne kafin yazo ancinye rabi a bashi rabin kuma baya kai masa koda rabin wani watan ya qare wanda shikesa tilasa masa cin bashi. Wannan shine babban dalilin matansa suke sana a domin tagizawa da rage masa wasu wahalhalun.


Matansa 2 iya itace matarsa ta farko wacce suka kwashe shekaru basu haihuba kafin ya auro Hajara wacce yayanta ke kira da Hajjo wacce ta haifa masa yaya guda 2 maxa 4 mata. Hajjo ta raina qoqarin mal lawan akanta da yayanta don kullum cikin mita take, dan haka ta kama sana a haiqan tana saida gasarar koko kuma sanaar ta karbeta sosai amma duk da haka bata godewa Allah. Babban danta namiji ne me suna Nura wanda suke cewa Deni, sai saddiq , matan kuma Zara wacce aka aurar sai Hadiza fiddausi da kuma Amina autarsu. Duk da Fiddausi da Amina sun iya kitso da qunshi amma basu dau sanaar da wani mahimmanci ba sunfi gane xaman banxa da yawan bin maqota. Iya kuma itama tana sanaar yan qulle qullen kayan miya wanda ba wani abun azo a gani take samu ba. Matsayinta a gidan kuma irin matsayin matar da bata ajiye koda kwai ba a gidan da tarbiyya bata wadata ba, don sau tarima intai musu magana kan wani abu naba dai daiba sukan yimata dariya inta nuna jin haushinta uwarsu tai mata gorin haihuwa, mal lawan yayi iya qoqarinsa ya yaqi wannan abin amma kuma abin lura shine duk yadda namiji yakai ta tsari da tarbiyya inbai samu mace ta gariba wannan tsari bazai taba tasiri ba.



Iya dattijuwar macece mai kirkin gaske duk da in antabata tana da fada amma sau tari xakasamu fadanta akan gaskiya takeyi, tana da kirki da maida dan wani nata dan yayan mijinta ma haka ta daukesu nata ne tunda ita Allah be bata ba kafin uwar yayan tai tsalle ta dire tace bazata sabuba me haihuwa da naquda daban me iko daban dan haka ta janye yayanta daga iya. Duk da haka batai fushi ba takan gyara duk abunda taga yana buqatar gyara a matsayinta na babba a gida kuma Haman ya qara mata qima a wajen mijinta. Tsakaninta da zara Deni dai girmamawa ce don sun dauketa uwa, amma ta bangaren ragowar bata wuce yar shishshigi ba da shiga sharri ba shanu.


A dabi ance yawanci duk mutumin da be haihuba xaka sameshi me tsananin ibada. To iya ma dai hakan take abidar macece wacce baka rabata da nafilfilu dare da kuma rana ga azumin alhamis da litinin wanda da wahala ya wuceta.

Wannan kenan


**************



Sakeena ta saka qafarta a gidan tare da sallama me cike da kura kurai irin ta wadanda ilimin addini be ratsasu ba, iya itama tayo tata sallamar. Babu amsa duk da suna jiyo shewar mutane daga dakin dake kallon kofar shigowa gidan. Iya ta qarasa har qofar dakin ta daga labule tare da qara wata sallamar, hajjo ta amsa tare da tambayar iya ya hanya da qarin haquri? Ragowar yaran suka gaida iya da wata irin gaisuwar raini samfurin me sufurin. Sakeena dake bayanta da durqusa har qasa ta dunga aikin gaishesu daya bayan daya duk saboda kar ace tayi ba dai dai ba, suka dunga kallonta suna amsawa cikin kwaikwayar maganar ta qauyenci cike da shaqiyanci suna qunshe dariya. Iya taja hannunta sukai daki.


Gidane ginin bulo na xamani irin na mai rufin asiri, soraye biyu soron farko dauke da shagon samarin gidan sai soro na biyu wanda zai sadaka da cikin gidan. Dan tsakar gidan ba cika girma ba dan filin rabin fuloti ne, wanda hajjo ta cike fiye da kashi 2 cikin 3 da robobin gasarar. dakuna biyu ciki da falo iri daya sak masu matsakaicin girma mallakar iya da Hajjo sai falle daya na mai gidan kicin dan qarami sai bandaki guda daya tal wanda duk ahalin gidan ke amfani dashi.



Bayan sunci taliyar da iya ta bararraka musu don hajjo tace batasan xata dawo ba batai girki da ita ba, sukan taba hira suka kwanta don huta gajiya.




Sakeena tanacin tuwon dare a dakin iya yayin da iya kecan dakin mal lawan tana fada masa yacce ta wakana a Baggadano da kuma hukuncin da tayi na dakko riqon sakeena saboda halin data ganta ciki. Mutum ne me tawakkali da miqa lamura ga Allah yace "kin kyauta Hafsatu, ai riqon maraya lada gareshi Allah ya bani wuyan dauka" tayi masa godiya bisa hadin kan daya bata yace ta kira masa sakeena.



Bayan xuwan sakeena ta gaisheshi har qar shi kuma ya amsa cikin dattako yayi mata nasiha tare da yimata gaisuwar Nura. Ya kirawo yayansa mata guda 3 da kuma uwarsu hajjo ya gabatar da sakeena amatsayin baquwar da tazo zama dundundun da kuma roqon hadin kansu na taya shi da iya riqon marainiyar da babu uwa babu uba. Sunyi tsit dan babu lefi ya isa da gidansa ko xa ai rashin mutunci sai a bayan idonsa.



Bayan ya sallamesu sun fito sun bar iya aciki Amina ta bangaje sakeena wanda hakan yayi dai dai shigowar saddiq da kawo wutar lantarki lokaci guda. Sakeena data kusa faduwa saboda bangaxar da Amina tai mata tai saurin daidaita tsayuwarta ta duqa tana gaida saddiq. Ya kalleta ya kwashe da dariya yana kallon Hadiza yace "wannan goat dinfa daga ina?" suka kwashe da dariyar shaqiyanci jin ya kira sakeena da akuya, fiddausi ta tsaida dariyarta tace "daga England me dorawa kifin gidannan ta taho mana da ita wai ta dakko riqonta" sakeena dai batasan abunda ake nufi da goat ba balle ta damu, dataga saddiq ya wuce be amsa gaisuwarta ta tashi ta koma daki.



Ranar dai tayi kwanan dadi ita kadai akan gadon iya na katako a daki ciki da falo mai dauke da ledar tsakar daki a mulmule ga iskar fanka na kadata.


Mal Lawan na barin gidan Hajjo ta dasa mita yayin da agefe guda kuma take saida gasararta wa mutanen dake shigowa siya jifa jifa inda take cewa "haka kawai dan tsabar kyashi da mugunta yanda gidan nan yake har sai anje an dakkowa malam riqon wata dangin dangaro nasa iyalan ma da Allah ya dora masa dakyar yake iya dawainiyyarsu bare ankawo wata, dan kawai baki haihuba shine xakije dan mugunta ki dakko wata daga qauye dan a tauye nawa yayan" tafi qarfin minti 40 tana sakin maganganu makamantan wadannan, yayin da duk Wanda ya shigo siyan gasara idan meson jin tsegumine yakan tambayeta me akayi take wadannan kalamai ita kuma xata fada masa iya ce ta dakko riqon wata qazamar yarinya daga qauye.


Iya dai na daki tana lazimi kuma tanajinta yayin da sakeena ke baccin da iya ta tilasa mata bayan sallar asuba data tashi xatai aikin share share tace ta koma bacci in anjima tayi.


Har Hajjo ta gama saida gasararta tare da mitar zuwan sakeena Iya bata tanka mata ba. Ta karkade zaninta ta debe kudin cinikinta ta koma daki tabar tsakar gida kaca kaca da ruwan gasara wanda ya bushe ya xama fari da bokitan gasarar a tsakiyar tsakar gidan kuma dama haka takeyi kullum yayin da yayanta kecan daki na bacci sai sungama baccinsu tsaf wacce bata xuwa makaranta wato (Hadixa tayi candy) xata fito ta gyara gurin tana mitar Hajjo ta barta da aiki.



Iya ta tashi sakeena bayan shigar Hajjo daki, ta tashi da sauri dan dama baccin bawani dadi yake mata ba saboda rashin sabo. Ta fara shara tunda daga uwar dakin iya har tsakar gida ta share tas ta wanke tsakar gidan da ruwan famfon dake xuba kamar ya tsaga famfon tsakar gidan, ta wanke bandaki ta wanke qazaman bokitan gasarar Hajjo tas ta jeresu sannan ta wanke randa ta cikata da ruwa wanda kuma dai dai lokacin Hajjo ta fito. Ta kalli yanda gidan yayi tas a arabin awa, tasan ko ba a fadaba sakeena ce ta gyara dan nata yayan basayin ko shara ta dadin rai. Sai kuma tadanji kunya, sakeena ta sunkuya tana gaisheta ta amsa tana cewa sannu da aiki tare da cewa ga kokonki can da dumamenki a kicin. Sakeena tace 'to Allah anfana' ta dauka ta koma daki da nufin karyawa. Iya dake kallon sakeena tare da nazari tana godewa Allah da sakeena bata da San jiki kotanan ta samu saukin xama da Hajjo dan Hajjo macece meson ai mata bauta. Sai dai abu daya da Iya ta lura dashi sakeena nada qarancin tsaftar jiki don ko baki bata wanke ba balle tayi tunanin wanka gashi tana shirin cin abinci ahaka.




Ta kalleta a tausashe tace "sakeena baki wanke baki ba zakici abinci?" Ta dan diririce tace "ai banga gawayi ba" Ta dakko sabon brush ta matsa mata maclean tace tashi kije kiyi wanka ki wanke baki sai kixo kici abincin.



A bandaki ta dunga durzar jikinta da ruwan famfo da sabulu, ita kanta tanajin dadin yanda jikinta ke santsi ta gama ta fito ta tsuguna a bakin famfon tsakar gida tayi brush, ta miqe ta bude randa ta debo ruwa xatasha saboda kishirwar da takeji. Ya shigo cikin gidan riqe da nasa brush din a hannu daga shi sai singlet da dogon wando, kurbar ruwan sakeena da shigowar lokaci guda dan haka idonsu cikin na juna gabanta yayi wata irin muguwar faduwa ta fara tari babu qaqqautawa. Yana tsaye yana kallonta cike da kyamata, tarin yadan tsagaita ta ajiye kofin akan randar ta sunkuya tana washe yalayen haqoranta wanda take ganin wankensu da tayi yanxu ya isa yasa yellow din fita. Bai amsaba sai runtse ido da yayi ya qarewa qafarta me farce tsaqoqo da faso kallo kana jikinta xuwa qazaman haqoranta. Ya kwallah kiran "Hadixa" ta fito a gigice Hajjo na biye da ita dan ganin abunda ya sashi wannan ihun tace "gani yaya Deni" ba tare daya kuma kallon sashin da sakeena ke tsugune ba ya nunata da yatsa yace "meye wannan? Ina kuka samo wannan dirty girl din?" jin haka Iya ta fito tana bashi amsa da cewa "Nura yatace, diyar qaninace da yarasu shekarun baya na taho da ita jiya daga qauye" jin an ambaci suna Nura sakeeena ta qura masa ido cikin zuciyarta kuma tana maimaita sunansa Nura, suna mafi soyuwa gareta.




Ya kalli Iya yace "OH! Ai bansan ke kika kawota ba iya" ya juya ya kalli sakeena dake kallonsa kamar ta cinyeshi yace "ke karki kuma taba kofin gidannan daga nan har xuwa lokacin da wannan dirty mouth din naki zai samu tsafta" ya kai kallonsa ga Hadixa yace "wancan kofin na randa ta kafa baki ajiki a yardashi, sannan ki ware mata kwano da cokali nata da kofi karta kuma taba duk abunda akasan ina tabawa, ki kiyaye abunda nace" Hajjo ta fara sababi "a bar mata kofin dai ai baza a yarba, kuma ke sakeena kinajin abunda yace ko? To ki kiyaye domin saboda ke baza a takura dan masu gida ba, dan inbaki daina taba kayan gidanba yana iya dena cin abincin gidan lamarin da baxan yarda dashi ba" Iya ta bada amsa da "to Nura xata kiyaye" taja sakeena sukai daki cikin takaicin abunda Nura yayi duk da tasanshi da shegiyar tsafta da kyama amma abunda yayi ai be dace ba kuma a gaban sakeenar dan cin fuska kamar wata kuturwa?

***** **** ***** **** *****

Acikin sati dayan da sakeena tayi a gidan ya xamana itace me aiki, domin itace keyin duk wata ta hidima ta gidan tunda kan shara har wanke wanke har i xuwa wanke kayan gasarar Hajjo kuma safe da yamma take wannan aiki. Yayan Hajjo da daman basan aiki suke ba sai suka kuma sangarcewa suka qara gyara xama da miqe qafa xuwa yawan bin maqota. Kuma wannan hidima da take a gidansu bawai ta tsira daga iskancinsu bane, a a iskanci nanan daram daqam. Domin bata isa ta xauna ko kusansu ba duk da kasancewarta meson shiga mutane kuma sai tayi rashin sa a bata da farin jinin mutane sam tun a qauye bare kuma a birni. Duk kuwa da kasancewar Amina saar tace a haihuwa amma ko giftasu tayi sai sunyi mata dariya, ta rasa abunda sukewa dariya a tare da ita tunda yanxu dai ai tana wanka kullum tana wanke baki. Iya bata taba kyashin sakeena ke hidimar gidanba don tasan hidima a gida kamar xubin dashi ne gaba xaka dauka.



Wani abu da yayi ya mutuqar faranta ran Iya da sakeena shine: ranar da sakeena ta cika 13 dayz a gidan ya kawo mata takardar dauka a makarantar qaramar secondry da uniform da littatfai kayan makaranta dai rankatakaf. Sakeena ta dunga kuka tana masa godiya dan ta fidda ran xata kuma shiga aji. Iya ma bakinta yaqi rufuwa duk da tayi zaton haka, domin mal Lawan yayan wasu ma ya sakasu a makaranta balle sakeena domin shi mutum ne dayasan zaqin ilimi. Hajjo kuwa sai ta kasa shiru tace in sakeena ta fara makaranta waye xai dunga aikin gidan? Mal lawan ya bata amsa da