You Cannot Download this book untill you login but you can read it .

---

Login Register

samun wani aikin? Ya kunna mota ya nufi gida cikin mawuyacin hali.



Surayya ta fita aiki dan haka ya samu sukunin shiga bedroom yana tunanin mafita akan wannan abu daya sameshi. Yana kwance ko sallah beyi ba har Surayya ta dawo aiki ta sameshi kwance cikin wannan halin. Ta taba kansa tana tambayar meya sameshi taga idonsa haka? Cikin muryar kuka ya bayyana mata an sallameshi aiki. Taja tsaki tace "To saime? Dan kawai an sallameka aiki xaka xauna kana kuka kamar mace? Wannan ai ba abun damuwa bane saika koma qarqashin Daddy na dama yana neman sabbin ma'aikata" Deni ya harxuqe yace "Waike wace irin mahaukaciyace? Ince an sallameni aiki kice ba wani abu bane? Kuma Allah ya sawaqe inyi aiki a qarqashin Babanki mutumin da akace baisan darajar mutane ba, shiyasa kullum ma'aikatansa suke guduwa saboda wulaqancin da yake musu" ta gyara tsaiwa ta riqe qugu cikin futsara tace "Yayi wulaqancin ca nike shiyasha wahalar tara dukiyarsa ba uban wani ya tara masa ba, kuma duk tsiya arxiqinsa kake ci koka manta nan gidansa ne kake xaune? Kuma abincinsa kakeci? Ko kataba siyan koda kwayar gero a gidan nan?" Deni sarkin rashin haquri ya tashi ya dauke Surayya da maruka guda biyu hagu da dama ta kwantsama ihu, ya dora da cewa "Ke har kin isa ki xagi ubana dan ubanki? Kuma gida da kayan abinci ai ba nema nayi ba, rainawa nawa kukayi shiyasa na haqura naxo naku lokacin ina sonki bansan shapeless bace ke kuma mahaukaciya" ya koma ya kwanta Surayya kuma ta juya xuwa gidansu ta fadi duk yacce sukai da Deni babu qarin ko kallama daya domin ita duk iskancinta bata qarya.



Babansu bayanan yayi tafiya xuwa China dan haka babban wansu wanda yafi Deni xafin kai shine ya kira waya akaje har cikin gidan aka daqume Deni kamar barawo. Yanata tambayarsu me yayi babu wanda ya kulashi saida sukaje station sukai masa mugun dukan da akewa yan fashi sannan sukace Surayya ya mara shiyasa aka danqoshi kuma inyanason fansar kansa saiya bada 100k diyyar marin Surayya sannan a sakeshi. Hawaye ya xubawa Deni cikin nadama, ba kukan dukan da akai masa yake ba a a kukan tuno rayuwarsu da Sakeena yake yacce abu kadan xai mareta in bai manta ba har da belt ya taba zane ta kuma babu wanda ta fadawa balle ayi masa jan kunne, sai dai tai kukanta ita kadai ta share hawayenta hakan kuma baxai hanata yimasa abunda ta saba ba na biyayya. Amma yau gashi duniya juyi juyi wai shine a rufe a police station don kawai ya mari Surayya. Lallai ya gazgata maganar dake cewa sakayyar aure tun a duniya Allah yake yinta, kuma auren baya sadakin na gaba, ma'ana duk abunda ka shuka a aurenka na baya tsaka tsinci sakamakonsa a gaba. Saida ya kwana ya wuni xuwa yamma yaga basu da alamun sakinsa saiya bada 100k din da sukace, ya basu no wayar Saddiq suka kirashi da fada masa station din da Deni yake, cikin rabin awa saigashi shida Hajjo hankali a tashe, ya fada musu duk yacce akai ya bawa Saddiq ATM dinsa da pin din yace ya ciro 100k din ya kawo a sakeshi. Hajjo ta samu guri ta xauna tana kuka har Saddiq ya dawo da kudin suka amshe babu kunya suka sakeshi.




Hajjo ta riqeshi tana kuka, Deni yace "Ina Baba naga be xoba?" Saddiq ya bashi amsa da cewa "Cewa yayi baxaixo ba babu ruwanshi domin bashi ya aikeka ka mari yar mutane ba, sannan ba tunyau yake gargadinka akan xafin xuciya ba kuma bayan haka ai Surayya xabinka ce kai da Hajjo shiyasa ya bar Hajjo mukaxo belinka tare" Deni yayi shiru idonsa cike da kwallah, Hajjo tana kuka tace "Deni ka saki yarinyar nan kawai mu huta ni da kai tunda ita ba haihuwa take ba, sannan ga dankaren rashin tarbiyyyarta daya addabemu" Saddiq yayi saurin daga mata hannu yace "Dakata Hajjo, in maganar gaskiyace duk halin da Deni ya shiga kece sila" ta dafe qirji tace "Ni kuma Saddiq? Tayaya kenan?" yace "Ta hanyar buri da kuma adduar da kike masa tun yana yaro na Allah ya bashi yar me kudi ya aura yacce basai yayi hawalar neman arxiqi ba yana xaune ubanta xai axurtashi, wannan buri naki shine yasa kika tilasawa Deni xama a gidan uban Surayya wanda tunkan auran yaci talatarsa da laraba aka fara samun matsala, kinga yadda auren sanfurrin aureni ka huta yake qarewa ko? Kinga irin tarbiyyar wasu daga cikin diyoyin masu kudi ko? Tayaya baxata rainashi ba yana xaune qarqashinta? Yana xaune da matar arxiqi kuka kafa mata qahon xuqa kuka xalunceta kuka rabasu, ai wlh ko haqqin Sakeena ya isa ya hanaku xaman lfy. Gashinan kowa a cikinku yana fuskantar hukunci dai dai da abunda ya aikata daga gurin ubangiji yayin da Sakeena kecan tana xaman lfy a gidan aurenta. Tanxz God dana farga na dawo rakiyarku da tuni hardani acikin wannan sakayyar"



Deni ya gyada kai domin yasan maganar Saddiq gaskiyace tsakwaronta, shima makantar xuci da xafin rai gami da tsautsayi sune sukashi sakin Sakeena. Jiki sanyaye ya fada musu an koreshi aiki kuma daya dawo daga Lagos ya tarar Surayya ta cire ciki. Hajjo ta rafka salati ta koma ta xauna dabas a gurin. Saddiq ya share xuffa saboda cikin rana suke tsaye yace "Kinga tasirin adduarki akansa ko? Kinga tasirin bakin uwa akan danta ko? Shikenan burinki ya cika Hajjo Deni ya gama xama mijin Hajiya yanxu ne xai xama yadda kike buri domin xai xauna qarqashin mulkin Surayya tunda bashi da aiki, taci dashi, ta sha dashi, ta bashi muhalli, kana yayi mata gadin gida ta fita aiki, wannan shine cikakken aure saffurin aureni ka huta, baxai wahalar komai ba ammafa sai yadda akai dashi ya xama matar ta xama mijin. Shiyasa akeson kyakykyawar addua ga yaya" Hajjo ta riqo hannun Deni tace "Mu wuce can gida Gwale baxaka xama mijin Hajiya ba wlh, ban haifi marar xuciya ba muje kai wanka ka huta ka rubuta mata takaddar shika kuje da Saddiq kukai mata ya rakaka gidan ka kaso dukiyarka da kayanka" Saddiq yayi saurin cewa "Sakinta fa ba shine mafita ba, kuma ni baxan xama baqin jakada ba wato wakilin mutuwar aure kiyi haquri kawai muje gida shiya tafi nasa gidan mu dingi adduar nemarwa matarsa shiriya domin a binciken da nayi akanta kafin ya aureta ance wlh basa sakuwa, ko mijin yayarta daya saki yayar surayyar haukatashi sukai tuburan, sannan naji ana cewa ma iyayenta babu aure tsakaninsu xaman haramci suke, uban surayyan ya dade da sakin uwar amma taqi fita kuma har saki uku"


Abunda ya daure musu kai duk su ukun shine ganin motar Surayya ta shigo cikin station din tayi parking a gabansu taxo inda suke tace "Deen yanxu dan sandan yayimun waya yace ka biya kudin tarar har sun bada belinka shine naxo daukarka mutafi" babu wanda ya tanka mata kallonta suke da mamaki, ta juya tace "Saddiq baka da kirki ko leqomu bakayi, Hajjo muna lfy ya qafar taki?" Hajjo tai shiru dan ita yanxu tsoron Surayya take, Saddiq kuwa amsa mata yayi da cewa "Wlh kuwa Hajiya Surayya abubune sukai yawa amma inna sami lokaci xan shigo" taja hannun Deni tana cewa "To muna barama da baquntarka domin nasan kai baka raba raba sunnar ma'aiki" Deni ya daqire yaqi binta Hajjo ta turashi tace "Bita mana domin dasu haukatamun kai gara ka bita" Surayya ta kalli Hajjo tana murmushi tace "Madallah, lbr yaxo muki kenan? Bayan shima muda wani tambarin daya fishi muni in aka nemi kawo mana turjiya domin mu duk masifa da bala'i aurenmu baya mutuwa dan haka aurena da Deni xama daramdam" babu shiri shima Denin ya bita ziiii kamar raqumi da akala suka shiga mota suka daga. Saddiq yaja Hajjo sukai gida tana kukan nadama.



Ya miqe qafa ya fara xaman banxa a gida, sai dai ya yini bacci ko kallo ko chatting kamar ba magidanci ba (Haba mal Deni, ai yanxu ko mata sun daina xaman banxa balle maxa) yayin da Surayya ke fita aiki ta barshi, babu shiri ya cire girman kai ya nemarwa kansa mafita lokacin dayaga abun na Surayya yayi yawa domin yanxu inxata fita saitace "Deen ka wanke mana undis dinmu mana tunda babu uwar abunda kakeyi a gidan, da xaman banxa ai gara mugun tunani ko? Ni nafita ka kulamun da bedroom din sosai" ai babu shiri Deni ya tattaro dan abunda yake dashi a account dinsa ya hada da tsohuwar ajiyar sarqar gold din daya saiwa sakeena tun lokacin data bata da nufin inta dawo ya bata, wacce yaketa ajiyarata har yanxu a haukansa yana jiran ranar komawarsu aure ya bata ita a first night dinsu.(🤣) Xuwa yanxu ya tabbatar da mafarkinsa baxai xama gaskiya ba saiya dena yaudarar kansa yaje ya saida ita ya hada kudin ya kaiwa Baba yace masa yanason bude provision store a cikin nan unguwar dan yaga xaman haka baxai yiwuba.


Baba yasa albarka kuma ya shige masa gaba ya samoma masa hayar wani shago babba daura da gidansu Denin aka maqare store da kayan provision yayi kyau harda qatuwar freezer, Deni ya fara xama a kantinsa, yana xuwa goman safe amma kafin yaxo 7 AM Saddiq ke fara xamar masa yayi masa cinikin safe, yana yini a shagonsa in lokacin cin abinci yayi ya shiga gida yaci ko a miqo masa, qarfe takwas din dare yake tashi ya nufi gidansa yayin da shi kuma Saddiq xai karba har xuwa 11 na dare sannan ya rufe ya shiga gida, kuma suna ciniki babu lefi kuma dan abunda yake samu dashi yake sayawa Hajjo irin cimarta ta masu Diabetes da kuma magunguna in abun ya tashi. Sai surutan mutane da suke xuwa takanas dan ganin Deni a kanti wasu suyi dariya masu hankali kuma su qara kiyayyar lamarin duniya wacce ke xuwa da sauyi kala kala. Ranar da Surayya ta biyo Deni a baya dan ganin inda yake xuwa ya yini kullum har weekend taganshi a kanti, ta tsaya a qofar kantin tana kallonsa tana sheqa dariya ta gama dariyarta kaf tace "Ina ruwan birin kanti, kai yanxu da wannan xaman naka anan ai gara xamanka a qarqashin Babana daka raina domin koba komai duk tsiya xakaci me kyau, nan kuwa nasan sai dai Hajjo ta miqo maka gabxa kaci" ta gama iskancinta be kulata ba duk kuwa da xuciyarsa na tunxurashi ya tashi ya nada mata duka, amma dole ya taushi xuciyar tasa don karya daketa ya kuma ballowa kansa tarar 100k wacce yanxu besan ta inda xai sameta ba. Ta shige cikin gidansu gurin Iya shan kunun aya kamar yadda take xuwa sha intayi ra'ayi, Hajjo na ganinta ta gudu daki, a mutunce suka gaisa da Iya ta kawo mata robobin kunun ayar tasha ya isheta ragowar ta xuba a jaka, ta juya ta fice tana cewa Iya agaida Baba inyadawo, ko dakin Hajjo bata kalla ba balle ta shiga gaisheta. Iya dai tanashan mamakin wace irin surukace wannan? Duk da dai ita bata taba yi mataba, girmamawace a tsakaninta da Surayya dan haka ta xama yar kallo kuma ta tabbatar da Surayya ce dai dai da Hajjo shiyasa suke gogawa.



Ranar Sunday suka dira kanon dabo da misalin qarfe goman safiya, motocin hukumar custom ne sukaxo suka debesu daga airport. Dangin Abdulfatah sun kusa mutum hamsin itadai Sakeena sai yaqe take ganin yadda suketa nan nan da ita, ta dan sake kadan a dalilin samun sa'anninta kuma masu kamarta sak acikin xuriar dasuka kira kansu dangin mamanta. Wata matashiyar budurwa yar kimanin shekaru 25 wacce taji suna kira Maryam kuma wacce ta kira kanta a matsayin yar autarsu Aisha (maman sakeena) itace ta mannewa sakeena sosai kuma ta fadawa Sakeenan ita tana karatu ne a jamiar Abuja jiya taxo adalilin jin ansamu yar yayarta, sakeena ta sake da ita saboda ita tanajin Hausa kuma tana mayarwa a dalilin xaman hostel da take a jami'a, ta fadawa Sakeena yacce dangi hankalinsu ya tashi da aka rasa Aisha duk da a lokacin ita maryam din bata da wayo yarinya ce sosai amma ta tashi taga ana yawan xancen bacewar Aisha. Sannan ta bayyanawa Sakeena yadda suka sha fama da talauci sosai amma kuma duk da haka suna karatu saboda a kudu da wuya kaga matashi babu ilimi duk wahala suna tsayawa suyi, suna cikin wannnan xaman Allah yasa wani uncle dinsu ya samu kujerar gwamnan garinsu bayan lashe xabe a farkon dawowar mulkin farar hula, hakan yasa ya dunga ciccibasu suna samun aiki ya baxa matasan da sukai karatu a yayan yan uwansa wasu aikin soja wasu kuma police wasu custom a irin haka Abdulfatah wansu yaje hukumar custom kuma ya fito a babban jami'i saboda iliminsa. Wannan shine tushen kafuwarsu wato albarkacin ilimi sukeci, kafin shekara 10 sun kafu yawanci kowanne gida a xuriar sunada babban jami'in gwamnati, yan boko ne sosai masuci da biro. Sageer ya matso yace da Sakeena "Naga taku taxo daya da Anty Maryam kamar yadda kikafi kama da ita fiye da kowa a xuriarku har muryarku iri dayace" Sakeena da Maryam suka kalli juna tare sukai dariya yace "Lah har dariya wlh iri daya kukeyi, kinsan Allah babu wanda xaice ba yan biyu bane ku" Suna wannan hirar har suka isa gidansu Sakeena da Sageer ya musu kwatance. Lokacin xuwan Deni kenan gidan ya shiga sun gaisa dasu Baba xaije ya karbi Saddiq xaman kanti saiga mutane suna shigowa, Sageer ne kadai namijin daya shigo riqe da akwatinan da Sakeena taxo dashi, Deni na ganin Sageer ya kama kansa yayi gefe, haba saiga sakeena da Maryam sun shigo riqe da hannun juna, cikin rawar baki yace "Dama Sakeena yan biyu ne?" sai kuma ga manyan mata da yaran mata masu kama da sakeenan sai cuccudowa suke cikin gidan.



Acan waje mutane sun cika kofar gida don jin jiniya da kuma uban motocin da suka cika kofar gidan mal Lawan, aka kaiwa Saddiq lbr yayi saurin rufe kantin yayo gida ganin abunda ke faruwa.



Baba da Iya suka fito tsakar gida a tare Iya tana cewa "Eh wannan dagani babu tambaya yan uwan Aisha ne domin ga kama nan" Baba ya fito ta tabarmi yana shinfidawa a tsakar gida saboda yawansu yace da Saddiq yaje ya shigo da maxan ciki. Hajjo da Amina suma sukayo waje jin muryoyi da qamshi ya cika gidan.



Babane ya bude musu taro da addua aka shafa, Sageer ya miqe ya maimaita abunda ya faru a daren ranar Friday, Iya ta miqe tai musu bayanin yadda qaninta Abubakar yaxo da mace ta musulunta aka sakamata suna Aisha da kuma auren da sukai, tana fada Abdulfatah na fassara musu da yaren Igala. Iya ta dakko musu hoton Aisha da Abubakar wanda suka dauka ranar sunan Sakeena tana riqe da Sakeenan. Suka rude da yare wasu kukan jin yar uwarsu ta mutu, suka tabbatar da Lindace a jikin hoton sannan dayan shine drivern motar daya gudu da ita lokacin Abdulfatah yana walda a tasha. Ana haka saiga tawagar yan Baggadano sunxo qarqashi jagorancin babban yaya Dahiru, suma jiya Baba ya fada musu a waya anga dangin uwar Sakeena, su dinma harda megari suke tafe wanda ya fada musu shida liman suka musuluntar da Aisha suka kuma aura mata Abubakar.



Gida ya kuma cika da kuke koke domin angama warware komai, Sakeena hawaye ya xubo mata wai yau itace haka kuma wadannan da suka cika gidan dangin uwarta ne dana uba? Allah me yacce yaso, a sanda yaso, ga kuma wanda yaso. Ta matsa gaban mama wato karkata tace a nuna mata matsayin kowa a gurin. Maryam ta riqe hannunta ta dunga nuna mata kowa tare da matsayinsa gurinta, tun daga kan Mama har kakanta namiji da suke kira Daddy, yawancin manyan matan gurin yayyun mahaifiyartane su 9 mama ta haifa amma maryam tace mata guda biyu basanan dayar tana Ghana tana aure dayan kuma namiji ne sojan ruwa(navy) yana can gida Kogi kuma yanakan ruwa suna sauka xaixo, Abdulfatah shine babban namiji a gidan, yan matan gurin kuma da samari duk cousins dinta ne wato jikokin mama. Sakeena ta share hawaye ta matsa gaban Mama da Daddy ta riqo hannunsu a tare tace "Dan Allah ku yafewa Gwaggo na lefin da tayi na guduwa daga gurinku, ba laifinta bane soyayya ce taja ta aikata hakan kuma da kun amince da aurenta da Baba da baxata gudu ba" Mama taja Sakeena ta rungume tana cewa "Babu komi Sakeena mun yafe mata, munsan rabon shiga musulunci da kuma rabon haihuwarku ya sata ta gudu, Allah ya jiqanta ita da Abbakar kuma daga yanxu ke yata ce ba jika ba xan dunga kallonki a matsayin Aisha" Sageer ya yaba da hankalin Sakeena na nemarwa mahaifiyarta gafara gurin iyayenta.



Baba ya kuma tashi ya fada musu tun daga kan mutuwar Nura da dakko Sakeena da Iya tayi har xuwa kan aurenta da Deni da yadda auren ya lalace saboda shigowar auren Sageer da yadda ta kuma auren Sageer a karo na biyu. Yayi bayanin komai babu san xuciya kuma babu tada husuma. Suka dunga kallon Hajjo da Deni cike da kyama aka kuma yiwa Sageer caaa ana rungumarsa tare da yaba masa, haka Iya da Baba sunsha yabo wajen dangin Aisha bisa jajurcewarsu da riqon marainiya, Abdulfatah shima ya fadi abunda ya sani akan aurensu na farko da kuma xuwa kotu. Ya dafa Sageer yace "Mungode Sageeru dakai da Iya da Baba xakusan kun riqe yar gata kuma yar dangi" Mama kuwa sai daqumar Sageer take tana cewa ya xama danta tunda ya riqe mata Sakeena da amana kuma yasakata a makaranta. Shima sai yanxu ya samu nutsuwa ganin ya samu karbuwa a gurinsu.



Iro yayan Sakeena ya miqe ya watsawa Hajjo da Deni mugun kallo yace "To ya kukaga abun? Yaudai gashi Allah yayi ikonsa Sakeena ta samu danginta na uwa sannan gamu mukuma na uba, daga yau sai adaina yimata gorin asali da gata ko?" sukai wuqi wuqi, Iro yacigaba da bawa su mama lbarin abunda Hajjo taiwa Sakeena ita da yayanta, Maryam na interpreting masu abunda basu gane ba, Saddiq ya runtse ido beso wannan taunan sililin da Iro yayi musu domin ya qisma wani abu a ransa wanda wannan magana ta Iro tana Iya kawo masa matsala acikin abun.



Abdulfatah yasa akai shiru ya matso ya dafa kan Sakeena yace "My daughter kene kika xauna da muttanen nan kisan abunda kowa yakeso saboda haka ki fada mana abunda kikeso aiwa kowa acikinsu, a matsayin tukwuicin riqonki da sukayi da amana" tai shiru tana kallonsa cikin tunani yayin da Deni ya kafeta da ido yana ayyanawa a ransa inama tasan ansallameshi daga aiki da tasa an samo masa wani. Sageer ya lura da kallon da yake mata yayi gyaran murya ya fallara masa harara, ba shiri ya janye idonsa daga kanta ya mayar qasa. Abdulfatah ya katse mata tunani da cewa "Komeye ki fada indai a duniya yake xanyi iya qoqarina insamar musu dashi" ta dago tana kallonsa matarsa wacce suke kira Mummy tace "Fadi sakeena Babanki ya tara kudi kuma yanada alfarma sosai xakiyi mamakin alfarmarsa"



Cikin sunkuyar da kai tace "Baba inda hali dan Allah akai Iya da Baba da kuma Umman Sageer qasa me tsarki suyi aikin Hajji, sannan asamawa Baba wata sana'a da xata dunga samar masa da kudin da xai dunga daukar nauyin iyalinsa kafin xuwan fansho, yan uwana kuma da muka hada uba basuyi karatu ba amma manoma ne dan Allah a sauqaqe musu hanyar neman abincinsu sannnan suma a basu jari, ga Saddiq nan ya gama karatu babu aiki shima a sama masa aikin yi" Kowa kallonta yake da mamaki domin ta fadi abunda kowa ke buri kamar ta shiga xuciyarsu. Abdulfatah ya matsa yace da Iya da Baba "Kun shirya xiyarar qasa me tsarki wannan shekarar?" cikin sauri Baba ya share hawaye yace "kullum cikin shiri muke amma ai munga anrufe biya har anfara tafiya ko?" Maryam ta matso tace "Baba ai akwai kujerun da ake bawa manyan jam'ian gwannati duk shekara wanda suke tafiya a jirgin yan alfarma kuma sune tashin qarshe to yawanci yayanmu in xamu tafi anan muke tafiya yan gidanmu duk shekara, bana tunda kagu baku taba xuwa ba sai amaye gurbinmu daku sai kuje, wadanda kuma yake biyawa duk shekara tuni sun tafi dama iyamu yan gidane dashi muke tafiya a jirgin alfarma.suka jinjina kai a tare, Mama tace "Sakeena ke da Sageer bakusan xuwa aikin Hajji ne ko kuntaba xuwa ne?" Sakeena tace "Munasan xuwa Mama wai dama kar abun yayi yawa ne" sukai mata dariya a tare domin da alama batasan waye Abdulfatah ba. Yace "To duk ku shirya xuwa gobe xakuje can office din immigration don yin passport wanda kuma yake dashi a cikinku shikenan saiya kawo, sannan yace kai kuma Dahiru kuyi haquri xuwa wata shekarar sai a fara kai wasu acikinku sauke farallin" ya kalli su Deni yace "Waye Saddiq?" da sauri Saddiq ya xube gabansa yace "Gani yallabai" yace "Wane aiki kake so?" cikin sauri Saddiq yace "Duk wanda ya samu inaso yallabai amma dai B ED na karanta" ya jinjina kai yace "kanason irin aikinmu na custom xaka iya jure training?" yace "Eh inaso xan iya duk wahala" yace "To in an bude portal na hukumarmu xan sanar maka kayi registration saika kawomun takaddunka" ya fara godewa oga da kuma Sakeena tace "Bakomi Saddiq ka godewa Allah shiya baka ba niba"


Iro ya harari Sakeena yace "Waike wace irin xuciya gareki harda xakice a samarwa irin matar da taso watsa rayuwarki aiki? Shin wai kinmanta axabar da kikasha a hannunta? Kin manta qazafin zina da sukayi miki suka bata miki suna ita da yayanta?" Sakeena tai murmushi tace "Yi haquri yaya Iro, ai lefin wani baya shafar wani kamar yadda ko a lahira wani yanacin arxiqin wani. Ni Saddiq bemun komai ba wlh kuma suma wadanda sukaimun na yafemusu ragowar hakkin kuma ya rage tsakaninsu da wanda ya haliccesu. Sannan kuma inka tashi temako ko alheri ai baka duba cewa lallai sai mutum ya maka kirki ko kuma xaka moreshi bayan ka temaka masa, indai muna duba hakan kam baxamu taimaki kowa ba, abunda kawai nakesawa xuciyata shine: a duk sanda naga wanda ke buqatar temako ina kuma da ikon taimaka masa to xanyi iya qoqarina in temaka, baxan duba ya taba yimun wani abuba na bajinta, ko kuma innai masa temakon shima saiya dawo ya ramamun, xan qudure a xuciyata nayine domin Allah kuma sakamakon abunda nai xai riskeni ko a duniya ko a lahira indai na tsarkake niyya, sannan shima wanda aka taimakawa inyana hankali inya samu dama xai temaki wani kwatankwacin irin temakon da akai masa, kaga ko ban mori ribar ba al umma ta mora. Yanxu dubi Saddiq ya kammala karatu shekaru biyu baya amma yana xaune babu aiki, akwai kuma biliyoyin matasa irinsa a kusa da nesa wadan da basu da aiki, fisabilillah tayaya qasarmu xataci gaba haka ana dakushe tomorrow leaders? In mutum yayi karatu ya rasa aikin da xaiyi da iliminsa to dole fa yayi amfani da ilimin nasa ta muguwar hanya domin tunanin mara aikinyi masaqar shedan. Kamar yadda naji wani malami yana fada cikin wa'axinsa a watan Ramadan yake cewa "Wlh da kason kudin da ake warewa tsaro a qasarnan ake warewa ilimi da samar da aikinyi ga matasa da tuni anyaqi ta'addancin dake haifar da rashin tsaron, domin mafiya yawan masu shiga ta'addancin xaman banxa kesa su shiga" Dan Allah mu dage wajen temakon wadanda basu