You Cannot Download this book untill you login but you can read it .

---

Login Register

leda tace "to maza jeki ki qara gaisheta ki kai mata" ta miqe ta nufi dakin Hajjo.




Ta shiga tayi sa a tasamu duk yan majalissarta a falo inka dauke saddiq da ya fita yanxu. Ta qara gaishe da Hajjo kana ta miqa mata ledar. Ta karba bayan Hadixa tai mata alama da hannu, ta bude ta fito da kayan, ta kalleta tace "sakeena wannan kayan daga ina?" cikin sanyin jiki tai mata bayanin anbata ne a gidan da take aiki shine ta raba musu ita da Iya. Amina tai caraf tace "kan uban can kayya sa, ke dan rainin hankali kwance xaki kawowa Hajjo? Ance miki kowa irinki ne daya saba rayuwar wulaqanci da bauta da qasqanci? To wlh Hajjo tafi qarfin wannan kwancen kamar yadda sukace ki kaiwa uwarki to ki kaiwa uwartaki ku qarata kune matsiyata." Fiddausi tai dariya ta fusge kayan a hannun Hajjo tana dubawa tace "kai rayuwar talauci batai ba, wato da ace yaya Deni diyar kwarai ya aura yar asali da dangi yar masu kudi da fa turame xa a kawowa Hajjo ba kwancen wasu ba" Amina tace "sosai ma kuwa ai wlh dole ma yaya Deni ya auro mana yar gaske ba gamin ganbixar igala da Fulani ba." tana fadar haka ta karbi kayan a hannun Fiddausi ta cillasu waje tace da sakeena "tashi kibi kayanki kafin in cillaki yadda na cillasu" sakeena ta miqe ta Kalli Amina tace "wannan kuma shine qarya, sai dai ki cilla kayan amma wacce ta kawo kayan kinyi tsarara kuma kinyi kadan ki cillata" Hajjo ta bude baki tace "iye! Lallai kin cika jinin qedara, yanxu a gabana kike fadin haka?" sakeena ba qara cewa komai ba ta fita ta dauki kayan da Amina ta wullar ta shige dakin Iya.



Iya taji duk abunda akai. tace da sakeena "share hawayenki babu komai nice na jawo miki amma sunwa kansu kinga kome kika samu baxan kuma saki kai musu ba"



Can dakin Hajjo kuwa sakeena na fita Hadixa tace "wlh Hajjo manyan kayane fa sakeena ta kawo miki ki kaiwa kanki kikaqi karba, daya a tamfar ma fa super exclusive ne wlh kuma itane karshe I mean ba ai ta wannan shekara ba" Hajjo ta dumawa Amina dundu tace "duk ga shegiyar data watsa kayan waje nan dama fa niyyata in karba inna gama ja mata rai saboda karta rainani intaga ina karbar kwance" Amina ta xunburo baki tace "aiku dama ba ai muku gwaninta, to wlh daga yau na dena saka baki acikin abunku"



Sakeena ta yini sukuku duk dauki da take na xuwa gida susha hira da Iya sai taji ya kau. Iya ta dunga lallabata a xatonta abunda su Amina sukai mata yake damunta, amma a xahiri sakeena tana cikin nadamar biyewa Hajjo da tayi aka durka mata allurar planning, tun kafin aje ko ina ta fara gane kuranta domin sai taji abunda su Amina sukai mata da kuma maganar iya ta daxu yasa tanason taga Danta domin koba komai inta haifawa Nura yaya dole Hajjo ta karbesu kuma ta hada jininta da Igala da take kyamata inyaso taga ya xatai dasu. Sannan in ada tana gudun haihuwa saboda talauci yanxu kam ai Allah ya kawo musu mafita xasu iya rainon dansu da abunda take samu na aiki. Kuma dole fa inda Da a rage nuna mata wata qiyayyar kodan Dan. Lallai ta tafka wauta kuma xata duqufa roqon Allah ya bata ciki. Gabanta ya fadi data tuno duk wannan abunda akai fa Deni be sani ba amma tasan duk randa ya sani xata dandana kudarta duk da tunda suke be taba yimata xancen haihuwa ba koda wasa amma tana ganin Deni baxaiqi son Da daga gareta ba. Cikin kuka tace "Allah ka rufamun asiri ka axurtani da dan kaina" Iya ta xauna kusa da ita tace "au sakeena xancen haihuwar da nai miki daxu shiya saki a wannan halin? Inbanda abunki sakeena ai duk abunda Allah be baka ba ba alkhairi bane gareka. Kuma wata nawane da auren naku gaba daya? Sannnan ko Allah be baki haihuwa ba baxai toxartaki ba, ni na isheki misali Allah be bani ba amma saiya a xurtani da ke, kika mayemun gurbin yaya bila adadin. Share hawayenki kinji Allah yana tare dake" tadan saki jikinta don kwantarwa da Iya hankali amma xuciyarta babu dadi.



Ana idar da sallah Deni na shigowa shi da Baba. Baba ya miqawa sakeena qunshin leda tasa hannu biyu ta karba ya qara da cewa "a dunga kula kinji yanayin da dana yanxu ba daya bane Allah ya rabaku lfy" ya juya yana jaddadawa Deni ya qara kula da ita, ta share hawayen tausayin Baba domin tasan a xatonsa ciki gareta. Yayin da Hajjo suka hada ido da Hadixa sukai dariya.



Duk da tilasawar da Iya kemata taci abinci dan da rana ma bataci wani abun kirki ba amma abun yaci tura, dole ta kyaleta yayin da Deni ya karanci akwai abunda ke damunta dan haka yace su tashi su tafi dan suje ta fada masa damuwarta. Iya ta hada mata kaya rankata kaf kamar yadda ta saba yayin da Hajjo ta xuba musu gasara, ta basu.



Suna tafe cikin napep yana mata hira amma tai masa banxa ita kadai tasan yadda takeji. Sun isa gida sukai shirin kwanciya sai a lokacin ta kunce ledar Baba. Ta tarar da kaza gasashshiya yar hausa irin gashin masu tsire, Allah sarki xatonsa ciki gareta shiyasa ya siyo mata. Deni dake bayanta yace" inye diyar Baba wannan ke kadai kenan keda jikansa dake cikinki" Ta fashe da kuka wanda yasa Deni yayi shiru yana dubanta da mamaki, ya juyo da ita yace "fadamun haihuwar ce bakyaso ko kuma da nine talaka bakyaso ki haihu? Ina lura dake tunda Baba yayi miki batun cikin da kike dauke dashi kika canja" batace komai ba sai kwanciya tai a cinyarsa tana kuka wurjanjan.



Ya dunga shafar bayanta da kanta har tayi shiru. Ya dagota yace "fadamun menene ya saki damuwa?" ta qura masa jajayen idanunta tace "kaima kanason haihuwar ne?" yayi murmushi me sauti yace "Haba sakeena wane tambayane wannan? Taya xa ai naqi haihuwa tunda nasan inayin abunda xai kawo min haihuwar, sannan kuma ai kinga gidanmu babu wasu jikoki sai yayan zahra wanda sai dai suxo da yawo su tafi tunda bamu da iko dasu kasancewarmu dangin uwa, amma in muka haihu ni da ke ai kinga dan ya xama na Baba da Iya halak malak tunda bashi da gidan kakannin uwa da na uba wanda ya wuce gidanmu. Bare ma yau da Baba yayi batun cikin jikinki sai naji na qagu mu haihu kinga Baba ma yana buqatar yaga jikokinsa na gudu a tsakar gida rabonsa da ganin yaro a gidansa tun daga kan Amina" sakeena ta kuma jin fargaba ta shigeta tace "to ni bani da ciki wlh kuma daxu ma Iya ta tambayeni na fada sai dai fatan Allah ya kawo" yace "amin ai babu komai xan qara kwaxo musamu" ya fada yana kashe mata ido.



Ta juya ta kwanta cikin wata irin nadama, ya biyota yace "amma fadamun meye dalilin kukanki da damuwar da kike ciki?" a taqaice tace "bakomi" shima ya barshi akan bakomi din ya miqe ya rufe kazar data bude bata ko sa hannu ba, amma a ransa yasan dole akwai abunda akaiwa sakeena wanda yayi imanin Mahaifiyarsa ce ko qannansa. Shima kwanciyar yaxo yayi kowa da abunda ke ransa.




Qarfe hudun dare ta tashi tayo alwala ta duqa sallah da kai kukanta gurin me duka (Allah) tasan shi kadaine xai yaye mata damuwar da take ciki don a wannan lokacin bacci be ganta ba.




Tana duqe har kiran asuba ta tada Deni yayi alwala ya tafi masallaci, ita kuma taci gaba da lazimi har gari ya danyi haske, ta jajjaga kayan miya ta dora musu kaxar jiya tayi pepe soup qamshinsa ne ya tada Deni a baccin daya koma. Ya tashi yace "sakeena qamshin meye haka ya cika gida?" tai masa murmushi kawai ta kaimasa ruwan wanka, ita kam har tayi nata.



Yayi ya fito ya shirya yaje ya samo musu bread suka karya da Lipton da romon kaxa, yanaci yana mata santi tana dariya. Lallai Allah gatan bawa tsaiwar daren da tayi taji damuwarta ta ragu sosai, suka gama ya dakko leda ya fito da hijab qato kamar wancan ya miqo mata yace "gashi tun jiya na siyo miki naga bakya cikin yanayi ban bakiba, gashi ki hada da wancan ki dunga sakawa" ta karba da farin ciki tace "to nagode wlh saina fara sawa yanxu ma" ta wareshi ta saka dake dark purple ne saiya haskata sosai. Ya kalleta yace "kai sakeena shima hijabin sai naga ya fito da kyanki gaba daya kodai insiyo miki niqab?" ta qura masa ido tana mamakin irin kishinsa. Ya sassauta murya yace "ina takura miki ko? Kiyi haquri ina sonki ne shiyasa nake protecting dinki" Batace komai ba, qarfe tara suka fito yayi kasuwa ita kuma tayi gidan aiki.



Tana shiga falo Hassana dake kan dinning tana breakfast ta taso da gudu ta rungumeta tana cewa "sakeena munyi missing dinki jiya bakixo ba" Usaina kuwa bata taso ba sai murmushi take wanda ke nuna taji dadin ganin sakeena. Ta tsunguna ta gaishesu, suna sauri sauri xasu tafi skull. Hassana ke fadawa sakeena tayi musu rice nd beans with salad shine favourite din Abba kuma suma 12 xasu dawo tare zasuyi lunch da Abban.



Ta dunga daga musu hannu har suka fita suma suna daga mata, itama tana qaunar yan biyu har cikin ranta. sune mutane na farko da basu nuna mata kyama ba duk da kasancewarsu yayan gata. Tayi fatan itama Allah ya kawo ranar da xa a wayi gari ta tafi makaranta ba aikatau ba ko xaman banxa.




****** ***** ***** ******


Aikinta yacigaba kamar yadda takurar Ahlan itama tacigaba, tsakaninta da iyalan gidan babu matsala ko kadan inka cire shegen kaya wato Ahlan wanda duk sanda suka hadu saiya xagi mijinta da jinjinawa muguntarsa. Yan biyu kam xata iya cewa sune qawayenta na farko a rayuwarta duk da sun girme mata amma sun jata ajiki sun maidata yar gida qarfi da yaji tun tana dari dari harta saki jiki dasu. A duk lokacin da bata da aiki dakinsu take xuwa ta kwanta, sau tari ita ke gyara musu kayansu kuma bata fasa girmamasu ba. Ita da Deni xamansu lfy lau. Ta maida tashin qarfe hudu wajibi, intashi bata komawa sai intagama aiki ta kwanta a dakin su Hassana. Koda wata ya qare aka kuma bata kayan abinci kamar wancan, da albashinta su Hassana suka hada mata ragowar turarensu dasu mayuka kamar wancan hardasu yan kudade.




Ranar ma haka suka raba kayan da Deni kamar wancan karon suka kaiwa su Baba nasu a washegari wanda ya tsira Deni saida ya fada masa inda kayan abincin suka fito. Ya fadawa Baba gaskiyar aikin da sakeena keyi da kuma wahalar da suka sha kafin samuwar aikin. Ya kira sakeena ya dunga xabga mata addua da godiya tunda gashi a dalilinta shima gidansa nauyi ya ragu sosai. Hajjo ta dunga tsaki ita bataga wani abun xuxutawa ba dan sakeena tayi wannan, ai dama itadin baiwa ce.




Nasu kayan abinci ma wancan basu qare ba dan haka sakeena yanxu tafi qarfin yunwa abinci kam sai dai ta bawa wani, kai bama abinci ba har sutura yanxu tafi qarfinta wanda hakan kewa su Amina ciwo mutuqa dan sunga tafi qarfinsu.Tana yawaita yin sadaka, ita da Deni sunyi tas kowa yagansu yasan wahala ta kau.


A yanxu kam bata da matsala saita rashin haihuwa sai kuma takurar Ahlan.

**** **** ***** **********



Yau asabar tana kicin tana aikin abincin rana tana Allah Allah ta gama ta gama taje sucigaba da kallon Korean series din da suke da yan biyu.



Tana suyar kajin da xata xuba a miya ta tsinci idanun Ahlan a kanta yana tsaye kofar kicin ya harde hannu yana kallonta. Tayi saurin janye nata idon tana ta'awizi, ya qaraso dab da ita tayi baya da sauri tana cewa "kaji tsoron Allah miye haka?" ya ware mata idanunsa yace "ke xancewa kiji tsoron Allah ki daina azabtar da xuciyata, kullum cikin mafarkinki nake duk da inason yakice ki da kuma warning mama amma abun yaci tura. Wlh pretty inkinason kanki da lfy ki rabu da mijinki ki aureni inba haka ba xansa a batar dashi" ta dafe qirji tana kallonsa a raxane tace "Allah yayi mana tsari dakai, ban taba san wani abu kamar ya Deni ba inaso inka tashi batar dashi ka hada dani" Ya sunkuya akan gwiwarsa yace "plz pretty leave ur husband be wit me, i beg u" tayi saurin yin hayar fita, yayi caraf ya riqe mata hannu yace "tunda kinqi ta lallami ya xama dole inyi amfani da daya tsarin don samunki, kowane lokaci daga yanxu xaki iya samun lbrin batansa" ya cikata yayi waje.



Kallon da bata qarasa ba kenan, ta xaune a kicin cikin fargaba da zullumi har xuwa yamma ta gama abincin dare ta tafi babu sallama.



Tana tafiya a hanya taga wata mota me baqin glass tana binta, kawai saita qaddara Ahlan yasa a biyota ne aga gidansu kafin dare yaturo satar Deni kamar yadda yace.




A firgice tai wanka ta qule uwar daki gabanta na faduwa, kana ganinta xakasan a tsorace take. Deni ya dawo ya taddata haka yayi wanka xai fita sallah ta saka ihu ta riqeshi tana cewa dan Allah ya rufa mata asiri karya fita. Ya riqeta yana kallonta cikin Al ajabi yace "sakeena fadamin meke faruwa kinji" ta qara qanqameshi tace "babu komai tsoro nakeji karka barni ni kadai" bai tsananta bincike ba ya haqura amma sam be yadda da itaba wane irin tsorone tun tana amarya bataji ba sai yanxu.



Sukai sallar isha tare, shi yayi musu girki saboda bata taho da abinci ba. Abincin da ya dafa ko spoon biyar bataiba tace ta koshi, shima yaji duk ya fita ransa saboda halin da take ciki.



Suka kwanta tana riqe dashi tamau, bayan tasa musu sakata a daki fargabarta kar axo sace Deni.



Baccin ma dai babu dadi saboda rashin kwanciyar hankali. A cikin baccin tai mafarkin wasu qattin maxa sunxo suna jan Deni ita kuma tana ihu tana riqeshi Ahlan itama yana riqeta yana dariya. Ta kwallah wata irin qara tace "Ahlan ka sakarmin hannu babu ruwanka da mijina" Deni ya girgixata da qarfi, ta farka a firgice tana kuma maimaita Ahlan ka sakarmun hannu. Ya kunna wutar dakin ya dubeta yace "waye naji kina kiran sunansa? Tayi wuqi wuqi cikin qinqina tace "bakowa" ya xaro mata ido yace "sakeena ki fadamun waye Ahlan da naji kina ambata?" ta kuma cewa "bakowa kawai nayi mafarki ne" ya ce a karo na 3 "daga daxu da yamma xuwa yanxu a tsorace kike wanda hakan yasa nagane akwai abunda ya faru just tell me" ta qara cewa babu komi fa mafarki nayi"



Ya tashi cikin mutuqar bacin rai ya ciro belt dinsa dake rataye yace "Sakeena inkinason kanki da lfy ki fadamun waye Ahlan inba haka ba wlh cikin daren saina kasheki da duka inyaso nima a kasheni" ta tsorata matuqa taga shima baya hayyacinsa cikin tsoro tace "Dan gidan Alh Dalhatu.. " kafin ta qarasa taji saukar belt jikinta ta tsala ihu, ya kuma xuba mata sai dayayi mata ciki 3 kafin ya cillarshi ya tsuguna ya damqota ya murdeta yace "shine yake riqe miki hannu? Shine kukecin amanata dashi? Yawwa ashe shiyasa ake baki abun duniya a gidan ashe ban gishiri invaka manda kukeyi, ni inanan sakarai na yadda dake ashe anacan ana loleki?" cikin tsoro tace "wlh ba haka bane, ka tsaya kaji" ya matse mata baki cikin fita hayyaci yace "to yayane? Bani lbr kinji maci amana" tana rawar baki ta bashi lbr tun farkon ganinta da Ahlan har xuwa abunda yace mata jiya, ta fada masa gaskiya dan taga gaskiyarce kawai xata kwaceta.





Ya sheqe da dariya cikin fita hayyaci taja baya don ya fara bata tsoro, ya kamota ya dagata ya makata akan katifar yasa qafafunsa ya danne nata yace "kina xaton xan yadda da wannan Kalama qaryar da kika shirya?" tai saurin cewa "wallahil azim, iya gaskiyar kenan innamaka qarya Allah karyasa ingama da duniya lfy" jikinsa ya danyi sanyi ya daga qafafunta daya danne, tayi saurin miqewa karya kuma danneta tana sakin nishin wahala. Ya qara juyowa ya cakumeta yace "to meyasa tun farko baki fadamun ba? Yanxu sakeena har wani namiji ya riqe miki hannu amma ki kasa fadamun?" cikin rawar murya tace "wlh tsoron yadda xaka dauki maganar ne ya hanani fada maka"



Ya koma ya kwanta, tabi bayansa da kallo, yayi xunbur ya miqe ya matse mata baki yace "Yanxu duk kariyar da nake miki duk hijabin dana saka miki saida wani ya hango kyanki? Ke wai duk gidan da kikaje aiki sai kin xabaro xuciyar namiji? Ke wace irin macece me hatsari?" tai quri tana qifta ido cikin tsoronsa.




A wannan dare dai sakeena bata rintsa ba saboda bala in Deni wanda kusan duk bayan rabin awa saiya maqureta tare da tambayar ta fada masa gaskiya. Wani irin zazzabi ya saukar mata da matsanancin ciwon kai.




Qarfe takwas din safe ya tusata gaba suka nufi gidan Alh Dalhatu dan tsabar bala i ko wanka be bari sunyi ba bare karyawa. Suna fitowa daki Mariya ta sheqe da dariya tace "yaufa munga qarshen soyayya, waya fada miki namiji dan goyo ne? Ai kawai ki mallake shege ku xauna lfy amma kinkaqi xakiga tasko, gaskiya jiya kin daku" sakeena ko kallonta batai ba domin bala'in da take ciki ya wuce ta kula Mariya.




Sakeena ce ta fara bude gate din gidan ta shiga Deni na biye da ita, a lokacin ko kallon gabanta bata iyawa tsabar ciwon kai.



Ahlan yana xaune a harabar gidan yana watsawa tattabaru abinci. Yana ganin shigowar sakeena ya taso ya nufota cikin shauqi, tsabar idonsa ya rufe ko lura da Deni dake bayanta beyi ba. Ya qura mata ido yace "pretty kece yanxu? Kamar kinsan da mafarkinki na wayi gari" Deni ya xage iya qarfinsa ya sauke masa naushi a fuska sai ga Ahlan a qasa kwance wanwar kamar matacce. Masu aikin gidan da suke gurin sukai saurin isowa suna riqe Deni da tambayar waye shi?



Yanqurin kwacewa yake yi ya qara caskala Ahlan amma sun riqeshi yayin da sakeena ta durqushe a gurin tana gursheqen kuka. Me bawa flowers ruwa yayi sauri yaje ya kirawo Mama dake falo. Ta biyoshi jin cewar wanine ke dukan Ahlan.



Tana kallon sakeena tadau hasken abunda yake shirin faruwa taqara bawa masu riqe da Deni umarnin su riqeshi sosai tana xuwa, ta koma taje ta taso Abba wanda ke bacci.




Gida dai ya hargitse cikin mintuna qililan, Abba yace su sakeshi ya kuma tada Ahlan suka shiga falonsa tare, sakeena da yan biyu sai kuka suke.



Abba ya kalli Deni ya tabbatar cikin bacin rai yake sosai, shi kuma saiya kwantar da nasa bacin ran yace "Dan samari fadamun meya hadaka da Ahlan kaxo har gidansu kana bugunsa?" Deni bece komai ba sai nuna sakeena yayi wacce har yanxu kuka take. Abba ya maida kallons ga sakeena yace "diyata gayamun meya faru" cikin rawar murya ta fara magana wacce daga baya kuka ya hanata qarasawa.




Ahlan ya katse musu xancen yace "duk abunda ta fada hakane anyi, harma wanda bata fada ba. Nifa Abba gaskiya ina sontane kuma na kasa haqura shiyasa ma jiya nai mata baraxanar inbata rabu da mijinta ba xansa a batar dashi" Su mama suka tsura masa ido cikin mamaki yayin da Deni kejin kamar ya tashi ya kuma lallasashi.



Abba ya nisa ya dunga bawa Deni haquri da kalamai kyawawa da kuma nuna masa shi besan hakan ba da tuni yadau mataki. Deni yaji xuciyarsa tayi sanyi ganin yadda wannan dattijon ke roqonsa yayi haquri kamar shiyayi lefin. Abba ya kuma juyawa ga Ahlan yayi masa xaxxafar tunatarwa da kuma fado masa illar abunda yayi na soyayya da matar aure sannan ya kafa Hujja da ayoyi da Hadisai ingantattu.




Qarshe dai ansamu maslaha Deni yayi godiya yace "kuma kuyi haquri daga jiya sakeena ta gama aiki nasa ta ajiye aikinta" Abba cikin jimami yace "karkayi haka kaji yaro baka haqura ba kenan? Ka barta da aikinta shi Ahlan xan maidashi can gurin harkokina na Lagos amma kabar sakeena sun shaqu da yarana suna santa." Deni yace "Alh kayi haquri be dace saboda sakeena Ahlan yabar gidansu ba" ya juya gurinta yace "ke taso mutafi" ta miqe yan biyu suka fashe da kuka Hassana ta rungumeta tace "sakeena Dan Allah karki tafi wlh muna sanki" sakeena ma kukan take, Usaina tana nata kukan ta dakko wayarta ta bawa sakeena tace "gashi ki riqe xamu dunga waya" Deni yayi saurin cewa "a a ta gode amma banason iyalina da waya."



Abba ya lura Deni irin mutanenne masu murdadden hali da raayin riqau. Ya dubeshi yace "to tunda ka hanata aikin ai bakwa xauna haka ba inkayi karatu xan hadaku da yaro yanxu ka bashi photocopy na credentials dinka sai a nema maka aiki, ke kuma sakeena bari a baki haqqinki na aikin wannan watan" ya fada hana irga kudi. Ya irgo ya miqawa mama ta miqo mata, itama maman nata hawayen take. Sakeena tayi godiya sosai dan daga yadda taji kudin a hannunta tasan ba qaramar kyauta Abba yayi mata ba.




Maganar Ahlan ta katse mata godiyar inda yake cewa "Abba to tunda xa a samar masa aiki nima ya barmun pretty yaje ya auri kalarsa wacce tai dai dai dashi wlh basu dace da pretty ba zaluntarta yake" Mama tasaki tsakin takaicin Ahlan. Abba kuma cewa yayi "yanxu duk ayoyin dana ja maka baka. nutsuba ko?"




Deni yaja hannun sakeena sukai wajen falon bayan ya tabbatar da Ahlan yana da matsalar tabin hankali, inba haka ba mai hankali ai baxaiyi abunda yayi ba. Sakeena tana jiyo sautin kukan Hassana wacce mama ta riqeta suna kukan tare. Suna gab da fita gidan taji muryar Usaina tana cewa "sakeena shikenan sai wata rana, amma duk sanda kike buqatar neman taimako ki nememu a shirye muke mu temaka muki ta kowace hanya ke qanwarmune. Cikin watannan xamu tafi Law school a Lagos in mun dawo kixo mu ganki plz" sakeena ta juyo tana share hawaye ta kasa magana. Deni ya jata suka fita.




Tafiya suke cikinsu a sanyaye ita kuka take sosai, shi kuma yana jinjina soyayyar da yan biyu kewa sakeena ne sai yaji be kyauta ba daya rabasu amma ya xaiyi da Ahlan. Yaron da aka saka ya karbo takaddun Deni yana bunsu har cikin gida ya tsaya a kofar daki. Sakeena ta shiga ciki ta binciko takaddun Deni (CV)wadanda basa rabo da photocopy saboda irin haka, ta fito Deni ya bita da kallo yace "baxaki iya xama dani ba in babu aiki ko? Tunda kinsaba rayuwar jin dadi yanxu, in gaskene kina sona ki bar wannan aikin bani da buqata ko dako xanyi inbaki duk abunda kikeso xan kare martabar aurena baxan kuma kuskuren turaki aikatau ba" batace masa komi ba, ta fita ta miqawa yaron takaddun.



Ta tsaya akansa bayan ta dawo tace "Nuraddeen inbaka manta ba abaya na xauna dakai bakada aikin yi wanda hakan yasa muka sha kwana da yunwa, to meyasa yanxu xan gujeka dan kawai nayi rayuwar yan wattanni a gidan Alh Dalhatu? Abunda nayi na bada takaddunka nayi ne saboda ka dade kana gararanbar neman aiki baka