You Cannot Download this book untill you login but you can read it .

---

Login Register

ledar wani store a hankali cikin rada yace "ki bawa sakeena" ya juya ya fita da alama bayason uwarsa da yan uwansa susan da wannan abun daya bayar.



Ta gama abunda xatai ta koma daki ta bawa sakeena saqon Deni, a gaban Iya sakeena ta zazzage ledar taci karo da turare da man shafawa cocoa butter da tarkacen chocolate. Iya sai taji xuciyarta tayi sanyi tausayin Deni ya kamata da alama yan kudi ya samu yau shine yaje ya kasowa sakeena su, kuma bayason uwarsa tasani saboda gudun magana. Ta yabawa qoqarinsa kuma taga alamar zai riqe sakeena da mutunci kamar yadda ya fada. Tayi godiya tace da sakeena "debesu ai nakine mijinki ya baki amma ki kula karki yadda yan uwansa susan yana baki abu a boye." tace "to" ta raba ta ajiyewa iya nata alawar ita kuma ta debe mai da turaren tayi cikin daki.



Ta tasa kayan a gaba tana kallon kyautar Deni karo na farko a rayuwarta, lallai yanason qamshi shiyasa yayi mata kyautar turare kuma in shaa Allah xata kiyaye baxata yadda yajita bata qamshi ba.




Tun daga ranar Sakeena ta kuma kamewa sosai ko xaman tsakar gida bata cika yiba indai ba suna aiki da Iya ba kuma daga Hajjo har yayanta babu wanda ya canja mata fuska sai dai ma shishshige mata da su keyi ,Saddiq ne kawai duk sanda suka hada ido saiya doka mata harara ko kuma yayi tsaki inya ganta.




Iya ta saka mata mugun tsaro da yadda saita kwana ta yini bataga Deni ba, koda ya nemeta a tsakar gida takanji Iya na bashi amsa da cewa bacci take ko kuma tanamun aikine aciki. Hakan na mutuqar takura Deni shi da matarsa sai dai ya hangi giftawarta. Itakam sakeena hakan be dameta ba sam, saima wata dama data samu ta karatun novels tunda Iya ta hanata aiki. Takanyi wankanta kullum sau biyu safe da dare ta lallai laye cikinta da mai ta saka turare.



A irin haka ta samu wani novel me suna ZUCIYA DA KWANJI na maimuna idris sani Beli ta karanceshi 1-4 ta kuma maimaitawa littafin ya mata dadi sosai soyayyar Fatima da Abu turab tayi matuqar burgeta sai take fatan Ya Deni ya kasance me sadaukarwa a gareta kamar yadda Abu turab yakewa Fatima. A ciki kuma ta dauki darasin yadda xata xauna da mutane kamar yadda Fatima ta xauna da kishiyoyinta sadiya da Hindu sannan ta dauki aniyar tsafta da kwalliya kamar Fatima.




A rana ta shida da daura aurensu da Deni tayi wankanta tsaf da magrib kamar yadda ta saba ta shafa mai lotion saboda xafi ta saka turare, bakinta ma tsaf yake ta wankeshi da taje wanka. Duk abunda take Hajjo na kula da ita, ta qudure yau shirinta zai fara aiki. A kayi xaman cin abinci babu sakeena kamar yadda Iya ta hanata, kuma Deni ma yau be dawo ba. Baba ya tashi yaje sallar ishsha ya dawo ya kashin gida ya kunna radio.



Dai dai lokacin Deni ya dawo ya shiga yayi wanka ya koma daki. Hajjo ta dakko miya ta kuma dorata akan wuta tayi xafi ta xubawa Deni abincin sa ta rufe ta kwallah kiran Sakeena, kina inane Sakeenatu?




Sakeena ta sako hijabi ta fito ta tsuguna a gefen Hajjo tace "gani Hajjo" tana murmushin qeta tace "Maxa dauki abincin mijinki ki kai masa, yanxu ya dawo" sakeena tai wuqi wuqi cike da tsoro takai dubanta ga Iya wacce ke xaune itama akan tabarmar.



Iya dake macece itama saita gane nufin Hajjo dan haka ta magantu "ke Amina tashi ki miqawa Deni abinci ke kuma sakeena koma ki qarasamun gugar dana sakaki" Hajjo cikin kwantar da murya da makirci tace "Haba Hafsatu, sakeena fa surukatace amma nema kike ki nuna mata bani da iko akanta,, yanxu dan Allah lefine dan nasata kaiwa mijinta abinci? Ai haqqintane ta kai masa amma duk kin takura yarinya tun daga daura aure ko mijinta bata gaisarwa wannan abun da kike mata wlh ba gata bane in yanxu bata koya ta iya ba in suntafi gidansu wane irin xama kike tsammanin xasuyi? Ai haqqin aure ba sai an tare a dakin miji yake farawa ba, haqqin aure na farawa ne tun daga daura aure." Iya ta jinjinawa makircin Hajjo kwarai da gaske ta bude baki tace "sannu Hajara uwar kinibibi shi haqqin auren da kike magana akai naki Dan ya sauke haqqin sakeena dake kansa?" Baba ya tashi daga kashingidar da yayi ya dagawa Iya sannu da cewa "dakatamun Hafsatu, keda kike babba amma daga gunki baraka xata bullo? Abunda Hajara ta fada ai gaskiyane ni kaina na lura kin takure sakeena kin hanata koda fitowa tsakar gida to me kike nufi? Yanxu yaron ya dawo ya fito daga wanka kice Amina taje takai masa abinci ga matarsa a gida? Kikasan wane hali xata taddashi? In kuwa matarsa ba shikenan ba? To wlh Hafsatu ki shiga hankalinki baxan yarda ki batamun gida ba, ita da take qarama ta kwantar da kai kuma ta rungumi wannan aure amma ke shine xaki tsiro da fitina?" ya juya ya Kalli sakeena dake tsugune tayi fiki fiki yace "ke sakeena meye matsayina a gurinki?" cikin sanyin murya tace "Babana" yace "To indai kin daukeni uba daga yau kicigaba da mu'amalarki yadda kikeyi ada kafin aurenki da Deni. Ni ubanki ne ba uban miji ba, Hajjo ma uwarki ce ba uwar miji ba daga yau ki dunga xuwa kullum kina gaida mijinki da safe kuma inya dawo ki dauki abincisa ki kai masa kiyi masa hannu da xuwa. Ki nemi aljannarki a gurinsa kinji sakeenatu?" tace "to Baba" Sakeena ta dauki abincin Deni ta nufi dakinsa dake soro.




Iya kuwa tayi tsumu jin makircin da Hajjo ta shirya mata ita da sakeena, dake kuma Baba namijine be fuskanta abunda Hajjo ke nufi ba. Cikin kwantar da murya Iya tace "kayi haquri malam in shaa Allah baxan kuma ba" yana dariya yace "Yawwa Hafsatu Allah yayi miki albarka, dadina dake saurin karbar lefinki"





Hajjo tayi murmushin cin nasarar ganin plan dinta ya tafi successful, kamar yadda ta tsara so take Deni ya kusanci sakeena tun a gida inma ta kama maganar tariyarsu ta sha ruwa. Inma Deni ya maida kwalamarsa akanta ya sawwaqe mata tun a gida hakan xaifi mata domin tasan halin namiji sarai ba qaramin aikin namiji bane inyasan mace a gida ya sallameta, wanda in hakan ta faru burinta ya gama cika.




Da sallama Sakeena ta shiga dakin Deni, ya gama shirinsa tsaf cikin wando 3 quarter da riga armless. Yace "shigo mana sakeena keda dakin mijinki kika tsaya daga waje?" Ta qarasa gabansa ta ajiye masa kwanunkan abincin sannan ta koma gefe ta gaisheshi. Bai amsa ba sai hannunta daya riqo yace "zo in koya miki gaisuwar ma'aurata" ta qaraso gabanta yana wata irin faduwa ya dorata a gefen cinyarsa.




ta xauna a darare, yanayin xaman da tayi yasa dole ta saqala hannunta a kafadarsa shi kuma ya riqo qugunta yana kallon fuskarta. tayi qasa da kanta saboda kallon da yake mata yakai fuskarsa qasan wuyanta yana shinshinar qamshin turaren humrar da yajiyo a gurin, ta tsinci kanta cikin baqon yanayi, ta dan fara ture kansa saboda tuno kashedin da Iya ke mata. Tace "ya Deni bari inshiga gida kar Iya ta nemeni" ya dago kansa yana kallon kwayar idonta yakai hancinsa kan nata hancin bakinsu ma ya hadu guri guda. A hankali kamar me rada yace "wazai nemeki bayan gurin mijinki kika taho?" sakeena ma dai tunda taji lebensa akan nata ta tafi wani duniyan ga mamakinta sai taji dadin hakan sannan kuma tayi fatan Allah yasa Deni ya sumbaceta irin sumbar da take gani anayi a finafinan turawa lokacin da take aikin gidan Anty. Yadan sumbaci lebenta kadan, ta lumshe ido tana shafar wuyansa ta baya amma taso ace kiss yayi mata sosai.




Shima kuma qanqameta yayi ya kuma qasa da murya yace "kinsan fassarar sunanki kuwa Sakeena?" ta danyi shiru saboda ta kasa magana, ya shimfideta akan katifarsa ya bita ya danneta sosai ya hada qirjinsa da nata ya sake mata nauyinsa, ta tsorata ta fara tureshi ya danne hannyenta a jikin katifar da nasa hannyen.yace "relax my dear just fassarar sunanki xan fada miki. Da sauri ta fara magana "eh nasan fassarar wlh sakeenatu yana nufin nutsuwa. Kuma inxaka fassaramun sunana ai basai ka hau kaina haka ba" Yadanyi dariya ya qara tusa kansa cikin wuyanta ta fara mutsu mutsu, yasa qafafunsa dan ya danne nata qafafun da take wutsul wutsul dasu cikin rashin sani suka barar da miyar busashshiyar kobewar dake kwanon da sakeena ta shigowa da Deni shi.




Ya dagata dan dole yace "kash kinga kinmun bari ko?" itama ta tashi tace "kayi bari dai" ta dakko hijabinta ta mayar ta dauki kwanon miyar tace "bari in karbo maka wata" bata jira amsarsa ba tai waje. Lokacin data shiga gida Iya ta koma daki sai Baba dake jin kowanne gauta. Hajjo kuma na gefe xaman jiran shigowar sakeena don taga wace irin tafiya take.




Sakeena ta tsuguna gefen Hajjo tace "Hajjo a qara xubawa yaya Deni miya wancan ta xube" Hajjo ta bita da kallon mamaki tace "miyarce ta xube garin yaya kuka xubur? kokawa kuke har kuka xubar da miyar bakusani ba?" Baba dake gefe yayi gyaran murya tun kafin Hajjo tai baran barama. Tai shiru ta karbi kwanon ta xubowa sakeena miyar tana mitar cewa yanxu kunja saina kuma kada wata miyar saboda ya dumamen gobe.




Itadai sum sum ta fice taje kofar dakin ta ajiye miyar tace "yaya Deni ga miyar nan Saida safe" shima yana tsugune yana gyara gurin da sukai barin miya, yayi murmushi yace xamu kuma haduwane Baby na.




Ta salallaba dan a xatonta Iya tayi bacci ta shige uwar daka ta kwanta tana murmushin jin qamshin turaren Deni a jikinta ta shafo lips dinta inda ya sumbata daxu wani irin farin ciki ya rufeta. lallai ta yadda babu abunda yafi soyayya dadi rabon datajita cikin farin ciki haka tun Nura qaninta na raye. Dukan da Iya ta dada mata a cinya shiya dawo da ita hayyacinta.




Iya ta xauna gefen gadon ta tsare ta da kallon tuhuma tace "Dadewar me kikai a dakin Deni?" ta diririce ta fara qinqina kafin tace "wlh Iya babu abunda yayimun hira kawai mukai." ta gyada kai tace "akwai abunda Hajara ke shirya miki wanda qarancin shekarunki baxaisa ki ganeba kuma tayi sa a malam ya yarda da abunda take shirin yi ba tare da sanin bada kyakykyawar niyya takeyi ba. Kece kadai wadda xaki hana hakan faruwa. Bana saba umarnin mijina xaki dunga gaida Deni kullum da safe da kuma xuwa kaimai abincin dare kamar yadda malam yace amma dan Allah sakeena karki yadda Deni yasanki ya mace tun a gidan nan, inkikai min haka kin temakeni domin Hajjo so take ta watsamin rayuwarki" Sakeena jikinta yayi mugun sanyi duk da bata gama gane ainihin abunda Iya ke nufi ba amma tasan abune mai mahimmanci tunda taga Iya na roqonta.




Ta kwantar da kanta a kafadar Iya tace "Iya ki bar roqona kin yarda dani ni kuma in shaa Allahu baxan baki kunya ba"




Daga wannan rana kulkum sakeena xataje dakin Deni ta gaisheshi da safe, haka kuma da daddare itace me kai masa abinci. Kuma tana iya qoqarinta wajen tsare kanta domin bata barin ya taba abunda ya wuce hannu a jikinta, iyakacinta dashi ya ruqe mata hannu tunda yayi yunqurin sa mata hannu a riga ta bata rai tare da ce masa ai dama tasan dalilin da yasa ya aureta kenan saboda taqi amincewa ya lalatata shine ya biyo ta hanyar aure gashi tun kan aje ko ina ya fito da xulamarsa. a lokacin data fadi haka ya gigita kwarai ya dunga bata haquri tare da roqonta ta manta abunda yayi mata a baya sharrin shedan ne shi da kyakykyawar niyya ya aureta.




Tacigaba da fitowa tsakar gida tana harkokinta, ita sau tari ma tana mantawa wai ita suruka ce a gidan yanxu. Baba yaji dadin hakan sosai da yaga gidansa ya dawo normal, shima Deni baya wani abu da yake nuna sakeena matarsa ce sai dai in anhadu a hirar dare yakan sakota a ciki jifa jifa. wannan canji bewa Hajjo dadi ba sam dan ita ba haka taso ba, amma kuma tana gani ai bata makara ba xata kuma jarraba wani abun, yayin da Iya kuma hankalinta ya kwanta ganin daga Deni har sakeena abunda take xargi baya gabansu.




Sati na biyu acikin watan Deni ya karbi slip din Amina da Sakeena na waec ta fito online xeje ya duba musu. Tunda ya fita sakeena ke xaryar bandaki tana gudawa, fargabarta daya kar jarrabawarta batai kyau ba Deni ya rainata yayi mata kallon daqiqiya sannan ga abokan adawarrata wadanda yanxu suka rikide suka xama qannan miji, tasan indai bataciba ta shiga uku a wajensu. Baiwar Allah ko abinci ta kasa ci, har Iya ta lura ta tambayeta ta fadawa Iya abunda take fargaba Iya ta kwantar mata da hankali da qarfafa mata gwiwa da cewa ai tayi karatu kuma tayi addua itama tai mata in shaa Allahu xataci.





Deni dai be shigo gidan ba sai bayan sallar magrib lokacin anyi xaman cin abincin dare, yana shigowa cikin sakeena dake a tsure ya kuma qullewa. Yaxo ya xauna ya gaida su Baba ya miqawa Amina takarsa yace "ga result dinki, kinyi qoqari sosai auta" ta bude tana dubawa ita dasu Hadixa ta tashi tana nunawa Baba shima ya dunga dariyar farin ciki yanasa albarka.





Tun daga nan sakeena ta sare ganin ko inda take Deni be kallaba, idonta ya ciko da kwallah cikin qarfin hali tace "yaya Deni ni ina nawa" ya kalleta yayi shiru sannan yace "miqomin abincina" ta miqe a salube su saddiq na qunshe dariyarsu taje ta dakko masa ta kawo. Ya bude ta faraci ita kuma tana gefe tana sharar kwallah Iya da Baba nayi mata kallon tausayi.



sai da ya gama tas yaje ya wanke hannunsa yazo ya tsaya akanta ya zaro takarda daga aljihunsa yace "ga taki" ta miqe da hanxari xata karba, yayi sama da takardar yana dariya. Ta dunga hadashi da Allah ya bata yaqi yana dariya yace "Haba mana sakeena, kiyi dage mana ki karba kardai kicemun ke wadace." ta dunga tsalle dan kamo takardar yana kuma dagata sama su fiddausi na yimata dariya, can dai taga ta kasa tai masa cakulkuli ai kuwa babu shiri ya saki takardar yana dariya. Ta cafe ta hau dubawa, shima ita yake kallo yana murmushin jin dadi. Ta dago tana kallonsa ta fada jikinsa cikin tsananin farin ciki suka qanqame juna.






Su Hajjo suka bisu da kallon mamaki dan kamar sun manta da mutane a gurin ta dago kanta tace "yaya Deni wlh ka razanani da na dauka result dina be kyau bane" yana dariya yace "ai nasan baxaki bani tukwuici bane shiyasa nayi miki haka a matsayin tukwuici." ta harareshi yana kashe mata ido yace "yan mata sai Jami a ko?" tace "in Allah ya yarda" ya sumbaci goshinta yace "Allah ya horemun sakeena ilimi har sai kince ya isheki"





Ta juya ta kaiwa Baba ya karba ya duba yana murmushi ta dunga yaba kyan result din yana yiwa su Iya bayani, ya dafa kanta yace "Allah ya sanya alkhairi" ta miqawa su Hadixa da sukai jugum jugum ganin abunda sakeena da Deni sukai a gabansu. Suka karba suna gani ransu ya kuma baci dan ganin result din sakeena har yafi na Amina kyau dan ita B dinta har tafi C yawa.




Baba kuma wani irin farin ciki yake ciki, lallai yayi dogon tunanin aurawa Deni Sakeena ya lura yaran suna san juna kuma tunda akai auren kullum cikin farin ciki yake ganinsu duba da abunda sukai yanxu a gaban kowa yayi nuni da hakan wanda daga Sakeena har Deni babu wanda ya nuna alamar cewa sunyi wani abun daban su kawai hakan a gurinsu ba wani abu bane. To Iya ma dai tunaninta irin na Baba ne ganin su Deni haka hankalinta ya kuma kwanciya da auren kuma ta tabbatar da Deni nason diyarta sakeena. Hajjo da yayanta ne kawai abun baiwa dadi ba, inda aranta ta dunga tsinewa auren yare, kuma yau sakeena ta nuna mata ita ba zallar jinin hausa Fulani bace. in banda rashin kunya irinta yare wacece tsinanniyar macece xata rungumi mijinta a gaban mutane haka? (amma fa inji Hajjo ba injini ba😄) su kuwa su Fiddausi kishin soyayyar da sukaga dan uwansu nawa Sakeena itace damuwarsu.





Hajia ☺
[7/31, 2:10 PM] Reine Ghana: 🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀
🙆🏽‍♀MUQADDARI NE🙆🏽‍♀
🙆🏽‍♀2018🙆🏽‍♀
🙆🏽‍♀



1⃣0⃣

RAHMATULLAH (Hajia)


#team Sakeena nd ya Deni#

Yan kwanaki sun wuce kowa nata shirinsa na tariyar auren Deni da sakeena, Iya ta tashi da kanta tatafi Baggadano domin fadawa yan uwan sakeena kuma yayan dan uwanta maganar auren sakeena. Ranar data tafi ta kasancewar asabarce tana tafiya dake da sassafe ta tafi kuma ta fadawa sakeena baxata kwana ba ba komai dare xata dawo. Hajjo ta leqo dakin ta samu sakeena na bacci, ta duma mata dundu tace "ke wai wace irin matar aure ce? Kinxo daki kin nade kina bacci yayin da mijinki kecan yana wankin kayansa na sakawa, ai dake matar arxiqi ce da yanxu yafi qarfin wanki" Sakeena ta miqe ta fita bayan gama sauraren fadan Hajjo. Ta samu Deni yanata aikin wanke yan tsirarun kayansa, ta qarasa tasa hannu a cikin kumfar tana cewa "ya Deni barshi in maka" baiyi magana ba sai hannunta daya kama ta cikin ruwan yana murxa mata. Ta dan janye hannunta takai dubanta ga sama hadari ya hado sosai koda yaushe ruwa kan iya sakkowa yayin da Hajjo tasa yayanta a gaba suna bacci a daki. Cikin rada Deni yace "barshi Baby xanyi da kaina inkinada kaya masu dauda jeki kawo mun in hada in wanke mana" itama tayi qasa da murya tace "basu da yawa kayan ban dade da yimana wanki ba ni da Iya" yace "maxa jeki kwaso ragowar kixo muyi" ta shiga daki ta debo wankin ta kawo tasa hannu a kumfar, ya rada mata a kunne "kawai kisa hannu aciki kamar kinayi, saboda Hajjo" tace "to" tayi kamar yadda yace amma fa yana wankin yana riqe mata hannu. Duk sanda yayi hakan saita dago ta dubeshi shi kuma ya kashe mata ido. Da haka har ya gama wankin, lokacin har anfara yayyafi yayi wanka a gurguje ya fita daurin aure daganan xai wuce kasuwa.




Haka sakeena ta wuni daki yayin da saddiq daya fuskanci Iya bata nan ya dunga dura mata ashar tare da yimata alqawarin xaman uquba a gidan Deni sai kace shine Denin duk da Hajjo na kwabarsa be dena ba cewa yake "kyaleni in fadi abunda ke xuciyata Hajjo danni ban iya munafurci ba, tunda yarinyar nan tai sanadin zubar hawayenki naji na kuma tsanarta" Hajjo kuwa yana fadar haka dadi ya lullubeta cewa take "Allah sarki saddiqu da alama duk kafi qaunata cikin yaya na, haihuwa mai rana ko kana gudu haifi kayar." haka dai aka yini abu daya kamar ibada, sakeena ta yadda idon Iya ba qaramin kariya yake bata ba a gidan tunda duk tsiya da tananan bai isa yayi mata wannan xagin tsamar naman ba.




Koda magriba tayi Aka hadu gurin cin abinci ma haka saddiq ya dunga hararar sakeena a bayan idon Baba da Deni. Yayin da ana idar da sallar ishsha hadarin dake kwance ya taso garin ya hadu yayi baqiqirin. Sakeena cikinta ya qulle, gata da tsoron ruwa ga Iya bata dawo ba, yanxu in Iya acan xata kwan itakam yau sai dai ta kwana dakin Hajjo dan baxata iya kwana daki ita kadai ba. Maganar Hajjo ta katseta a tunanin da take inda tajiyota na tambayar Deni ina zashi a wannan hadarin? Bataji amsar daya bata ba tadaiji tana cewa "ai sai Sakeena taxo tayaka hira, inaga ma a dakin naka xata kwan tunda uwarta har yanxu bata dawo ba" ai Sakeena najin aikin da Hajjo ta baro na kwana da Deni tai tsalle tayo waje tace "Hajjo ai sai inkwana a dakinki wajensu Amina" Hajjo ta bita da kallo tace "lallai Hafsatu ta qoqarta wajen nuna miki ki rainani, in badan raini ba har infadi abu ki musa? Mu xamaninmu ai uwar miji ko wuta tace kafada sai kafada wlh" Deni ya katse Hajjo dan kar maganar tai nisa yace "shikenan Hajjo yadda kikace haka xa ai kiyi haquri, ke kuma sakeena koma dakin Iya xan shigo saimu kwana anan" wani farinciki ya ziyarci Hajjo, wato dai inji masu hikima kance komai wayon amarya sai ansha manta, tasan dole yau Deni xai maida sakeena mace duk kuwa da tsaron da Iya ke sakawa tasan babu yadda xa ai a hada saurayi matashi kamar Deni da qaramar yarinya me tashen balaga kamar sakeena kwana guri daya ace basu aikata komai ba bare ma ace a matsayin ma aurata. Ta shige dakinta ta rufo qofa harda sakin asabari saboda anfara ruwa, shima Baba ta sakar masa nasa saboda karya jiyo ihun sakeena.




Sakeena kuwa tana komawa daki ta qara saka turare ajikinta ta saka hijab gabanta na wata irin faduwa wai yau da Deni xata kwana a matsayin mijinta kuma a dakin Iya. Tanaji anfara ruwa ta nemi guri a gado ta qundundune ta kunna yar qaramar fitilar caja saboda dauke wutar nefa da akai.



Bataji shigowarsa ba sai kwanciyarsa taji a kan gadon kusa da ita, tayi wata irin xabura ta xauna ta jingina da allon gado tace "ya Deni meye haka babu sallama?" ya dariya yace "xan shigo gurin matana sai nayi sallama?" ta harareshi tace "da alama a yan kwanakin nan babu kalmar dake maka dadi kamar matarka" ya lumshe ido yace "eh wlh Baby ko abokaina haka suke cewa ni kullum bani da hira sai matana" ya kwanta ya qafafunta ya balle botiran shirt dinsa yace "sakeena dan dannamin qirjina mana" ya fada yana kama hannunta yana mannawa a gashin dake qirjinsa. Tai saurin janye hannun tace "xo muje falo inbaka lbr" ya riqo hannunta yace "haba sakeena ga gado mu tafi kan leda ga sanyin leda mu xauna? Ki bari mana mu xauna anan muyi hira kinga na samo mana wani film ma a wayata me kyau sai mugani" sakeena mayyar kallo tanaji ance film tace "Allah ya Deni? To kunna mana" ya jingina shima da allon gadon kafadarsu na gugar juna ya dakko waya ya saka ear pc ya kunna musu wani indian film "AkashVaani" suka fara kallo, can ya katse kallon ya lumshe ido ta dubeshi tace "lfy ya Deni?" idonsa lumshe yace "sakeena bakisan yadda yanayin damuna ke tada tsumin soyayya ba? Inama muna gidanmu ne yanxu da munyi soyayyarmu babu fargaba, Allah yasa ranar da xa a kaiki ana ruwa, a kwana ana ruwa muma mu kwana muna soyayya" bugun kofar gida da ake ya katse musu hirar, jin babu wanda ya fita budewa yasa Deni ya tashi ya fita dan ganin waye a wannan dare.




Sakeena ta jiyo muryar Iya tana shigowa cikin gidan, inda takewa Deni bayanin mota ce ta lalace musu a hanya shiyasa sukai dare. Da sauri sakeena ta fito falo ta xauna, tana cewa Iya sannu da xuwa dama inata fargabar kwana ni kadai. Iya ta shigo daki tana cire kayan da suka jiqe, Deni dai bai dawo dakin ba ya koma