You Cannot Download this book untill you login but you can read it .

---

Login Register

Ni uwar mijinki nace ki fita ki tafi"



Ala dole sakeena ta miqe tai waje don taga Hajjo tabbas so take ta kasheta da duka kamar yadda tace. ta tsaya a waje Hajjo ta koma ciki ta dakko mata hijabi da silifas a kofar toilet ta watsa mata tace "maxa a tafi" Sakeena tasa hijab ta samu guri ta xauna Hajjo ta qara biyota da muciya ta kwasa da gudu har xuwa gate din gidan.



Megadin gurin ya tashi yana kallon su yace "ashsha yi haquri Hajiya yaran yanxu sai da haquri inka daka ta xuciya sai illatasu da duka" Hajjo tasa kukan munafurci tace "ba yata bace matar danace, na kamata tanasamun guba a abinci nai mata nasiha akan abunda tayi shine ta dakko wuqa xata kashe ni shiyasa na korota a gidan" ya bude baki yana duban sakeena kafin yace "ai saiki bari Dan naki yaxo yayi muku sharia har xuwa kotu dan wannan babban lamarine " ta qara fashe da kuka tace "ai ta mallakeshi ita xai goyi baya"




Megadi ya Kalli sakeena cikin kyama yace "fice daganan muguwa me fuskar salihai" xatai magana ya hanata ta kalli Hajjo tace "to Dan Allah ki bari in dauki kudin motar xuwa Kano in tafi" ko kallon ta Hajjo bata qarayiba ta juya ta koma ciki cike da farin cikin cimma buri. Shima megadi ya xauna yana sauraren radio, can dai ya dakko hamsin ya wullawa sakeena yace "ga sadakanan muguwa."



Tadau hamsin din ta tari napep ta roqi alfarma ya kaita tasha.





Acan tasha ta samu motar kano tayi lodi saura qiris ta cika tace da kandastan "Dan Allah malam inshiga ka kaini kano amma bani da kudi a hannu in munje xaka kaini har gida Babana ya baka kudinka" ya sheqe da dariya irin ta yan tasha yace "Allah ko? saboda ke kika saimun motar? Jira anan Allah ya kawo wanda xai kaiki Dan daganinki ma guduwa xakiyi daga gaban iyayenki."



Ta matsa a tsorace take sosai saboda wannan ne karon farko dataxo irin wannan gurin ita kadai. A taqaice dai sai data tare mota 4 tana musu bayani kamar na farkon amma babu wanda ya saurareta. Ta rasa yadda xatai ga rana ta farayi tana gudun kartayi dare ta kasa gane gida ko sunje kano.






Can wata mata dake lura da sakeena ta madubin motar datake ciki daga wajen tashar kadan ta fito taxo kusa da sakeena ta xauna, tai saurin gaisheta ta amsa. Fuskarta jajur taci bleaching ga kalangu a fuskartata kallo daya xaka mata kasan cewar shahararriyar yar duniya ce. Ta dafa kafadar sakeena tace "ya sunanki yan mata? ta bata amsa da "sakeena" tace "ina xaki diyata?" sakeena tace "kano amma bani da kudin mota Dan Allah ki temaka ki bani" tace "kwantar da hankalinki har kano xan kaiki nima can na nufa kinga motata can a waje taso muje aida na kowane" sakeena tai godiya ta miqe tace "amma hajiya inkina always ki bani ta jikina ta jiqe karna bata miki mota" tace "bani da always amma tsaya ina xuwa"



Sakeena na tsaye matar taje ta dawo ta miqawa sakeena pampers tace "sa wannan tunda tafiya xamuyi" tai godiya ta rakata bandakin cikin tasha ta biya mata kudi ta shiga ta canja ta fito taji dadin jikinta ta kuma yiwa Hajiya godia kuma ta aminta da ita saboda wannan temako.



Suka tsaya gurin abinci ta saiwa sakeena shinkafa da miya da hadin salad da maltina aka saka mata a leda suka nufi wajen tasha gurin da motar ke fake suka shiga da maxa biyu a gaba sai sakeena da Hajiya a baya. tace da mejan motar "to muje" ya kalleta ta madubi yace "can din ko?" tace "eh" ya kunnah motar suka dau hanya. Sakeena kuma ta bude abincinta ta faraci hankali kwance.





Hlo readers, xaku jini shiru kwana 7 muna bikine. Nagode


Masu bina inbox suna cewa in turo musu Dan Allah su bari kar mutum yaga na masa wulaqanci bani da lokacin turawa ta private innatura gprs shikenan in kinyi missing wata ta tura miki.



Hajia ☺
[7/31, 2:19 PM] Reine Ghana: 🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀
🙆🏽‍♀MUQADDARI NE🙆🏽‍♀
🙆🏽‍♀2018🙆🏽‍♀
🙆🏽‍♀



1⃣6⃣

RAHMATULLAH (Hajia)



Hajjo ta koma gida ta miqe a cikin kwanciyar hankali tayi karin kumallo, ta gama takai kayan kicin, Ta tsaya ta qarewa kicin din kallo tana adduar Allah ya bawa su Hadixa wanda yafi wannan. Ta fara bincike harta dire cikin fridge, ta zaqulo frozen chicken tana cewa "shegiya marowaciya ji kaji kamar suyi magana amma kota soya ta dunga aikamun, duk da bakusa bane aiko ta tasha ta turamun" ta narkasu ta yayyanka ta badesu da curry da kayan qamshi da Maggie tasa albasa ta dora, amma sai dai kunna gas ya gagareta babu yadda bataiba ta kasa ala dole ta haqura ta maidasu fridge ta dawo falo ta xauna tana kallon dole.




Har lokacin sallar azahar yayi ta tashi tayi wanka tayo alwala tayi sallah ta farajin yunwa amma dole ta haqura tasha lemon data gani a fridge da bread tunda bata iya kunna gas ba.



Ta dawo ta kwanta sam bata qoshi ba don tasaba dakin 😄


Can office kuma Deni ya yini aiki da tunanin sakeena yayi duba sosai na tsanaki ya dorawa kansa lefi duk abunda Hajjo taiwa sakeena shiya bada kofa tunda ya samu aikin nan ya lura sakeena tayi bankwana da jin dadin aure, ya tattara hankalinsa gaba daya ya koma kan waya yana daka ta sharrin social media yana quntatawa yarinyar da aka danqa masa a manarta kuma yayi alqawari xai riqe.



Ya dunga tsara kalaman da xaimata magana dasu inya koma na zallar soyayyar gaskiya da ban haquri. Ana tashi office ya wuce shopping mall ya saiwa sakeena pad din da tace da kuma turare masu dadi sai set din kayan wanka na lux, ya sayi wani kyakykyawan kati me dauke da kalaman ban haquri, katin yana hade da wata flower a tsakiya tanata qamshi. Ya nufi gida.



Yana sallama falo da Hajjo ya fara arba, duk da beji dadin ganinta ba domin a xatonsa ta tafi kano kamar yadda yace mata, ya tsuguna ya gaisheta ta amsa tana qurawa ledar hannunsa kallo. Ya tashi ya shige ciki dan yasan sakeena bataji shigowarsa ba da tuni ta fito taryarsa kuma yasan xuwan Hajjo ya takurata shiyasa be taddata a falo ba. Sai dai me? Yaje bedroom, kicin harda toilet ya duba babu sakeena. Hajjo na kallonsa ta wutsiyar ido tana cewa aranta "ka gama leqenta inkaga batanan ai dole kaban ledar hannunka nasan yanxu ai ta tsufa a Kano"



Yaxo ya tsaya hankali a tashe yace "Hajjo ina sakeena?" tai tsaki tace "Aida tun farko ka tambayeni da baka tsaya wannan xaryar banxar ba. To ta fita, kana fita itama tasa qafa ta fita" ya xauna ragwaf kusa da Hajjo yace "Ba gaskiya bane wannan, sakeena baxata taba fita bada ixinina ba, ko sanda muke kano da take da gurin xuwa bata fita babu ixinina ba bare anan da batasan kowa ba?" Hajjo ta dau salati da cewa "To nayi maka qarya Nura, karfa ka manta nifa uwace a gurinka" ya tashi ya fita da sauri a nufinsa ya shishshiga gidajen dake cikin quarters din kota shiga sai kuma yayi tunanin ai yawanci lokacin basanan wasu matansu suna aiki wasu makaranta kuma a yadda yasan sakeena baxata shiga gurinsu ba tunda bata sansu ba.



Ya dawo cikin gida xai dauki wayarsa, cikin xuciyarsa yana nadamar hana sakeena waya da yayi da yanxu abun bekai hakaba. Ya tarar da Hajjo ta dakko ledar daya tabbatar a bedroom ya batta ta bude dukta fito da kayan daya siyo ta dauki saitin mai tana cewa "wannan kam na daukarwa Amina, yar banxa kullum dama cikin sakani siyan mai take. Wannan audugar matan kuma da turare na bawa Hadixa ita fiddausi yanxu Musa yana semata nima ai anragemun wahala" takaici ya rufeshi ya shige uwar daki ya dakko wayarsa daya saka caji ya rasa waxai kira kuma kansa ya kulle.



Ya qara xama kujerar Hajjo yace "ki dubi Allah ki fadamun inda sakeena take" taja dogon tsaki kamar xata tsinke halshe tace "badai nace ma ta fita ba ka qaryatani? To ai sai kayi kuma" yace "wlhil azim Hajjo sakeena baxata fita bada ixinina ba na shedeta akan hakan, nafi kowa sanin halin sakeena a duniya, tabbas korarta kikayi shiyasa ta fita" ta bude baki jin ya ramfota. Ya tashi ya shiga toilet yayi alwala ya fita sallah. A sujjadar qarshe ya dunga roqon Allah ya saukaka masa hanyar ganin sakeena.



Harya nufo gida dabara ta fado masa ya koma bakin gate da sauri wurin gate man. Suka gaisa ya tambayeshi koyasan wannan? Ya nuna masa hoton sakeena a waya. Yace "Eh daxu dai da safe wata dattijuwar mata ta biyota har nan da muciya tana bugunta tace wai matar dantace tasa mata guba a abinci dan ta mata fada shine ta dauki wuqa xata kasheta shiyasa ta korota" Deni ya cukemeshi yace "To yanxu tana ina? Kai wane irin dabba ne daga fada maka haka xaka yadda?" wadan da suka fito daga masjid din cikin gurin
suka xo da sauri suka rabasu tare da bin baasin abunda ke faruwa.



Me gadi yana hakin shaqar da Deni ya masa ya fada musu komi tare da qarin bayanin cewa "Kuma sai da nace ta bari mijin yarinyar ya dawo ta fada masa tace a a wai bayan matarsa xaibi. Kuma ni banda haka banyi komi ba saima sadakar nera hamsin na bata ta tare napep ta hau" Cikin sauri Deni yace "ina kaji tace ya kaita?" yace "ni banjiba saboda na kunna radio amma dai tace da daya matar Dan Allah ta bata kudin motar xuwa kano ta hanata ta tafi ciki ta batta" aka hau bawa Deni haquri da shawarar ya tuntubi mutan kano yaji tunda ga dukan alamu can ta nufa.




Ya koma ciki ransa baqinqirin yau badan Hajjo uwarsa bace wlh da saiya karyata saboda duka. Ya shiga yayi wanka, yana fitowa hankalinta kwance ta tareshi tace "kai xoka kunnamun wannan gas din na kasa, na yini da yunwa gashi ina neman kwana da ita" ya dubeta yace "Hajjo kinwa sakeena duka da muciya kin koreta har bakin gate tare da hanata kudin motar xuwa kano amma hankalinki a kwance kamar bakiyi komi ba harkike xancen cin abinci? Yanxu in yar mutane ta bata fa?" ta daga masa hannu cikin masifa tace karkayimun mugun baki, tana kano bata bata ba, kuma na daketa nakoreta duk gaskiya ne nayi hakanne don na isa kuma inaso indai nina haifeka ka bita da takaddar saki gobe inyaso ko cikin satinnan ne sai ka nemi mace ka aura yar asali yar babban gida inma baka da kudin aure xan saida gonata inmaka" bece komi ba yayi hanyar bedroom, tace "kai Dan ubanka dawo ka kunnamun gas din, duk ka daga hankalinka akan wata banxa sakeena me rangwamen gata" ya koma ya kunna mata ya fito ya shige bedroom.



Taje ta dora tafashen kaji tana aikinta tana qulla irin abunda xatai in Baba ko Deni suka kawo mata matsala akan sakin sakeena.



Har tara da rabi yana kan pray mat ya tasa waya a gaba yana jiran kiran Baba ko Iya suyi masa fada akan xuwan sakeena ita kadai. Amma sai dai har xuwa goman dare babu wanda ya kirashi cikinsu. Ya dauki wayar ya danna kiran Iya, amma yayi saurin katse kiran kafin ta shiga saboda wani tunani da yayi. Yanxu inya kira mexece musu? Dacan be kirasu ba tun safe ko yamma sanda taje sai yanxu tsakiyar dare? No yasan sunyi fushine don sakeena xata fada musu Hajjo ce ta daketa ta korota, gara ya bari xuwa da safe sun huce ya kirasu ya basu haquri, inyaso tunda Friday ce goben yana dawowa aiki ya tattaki Hajjo su tafi kano yaje ya fadawa kowa abunda tayi na rufewa sakeena mahaifa ya kuma ci uban Hadixa akan hada baki da akai da ita sannan suyi weekend a Kano Sunday da yamma ya dakko his lovely wife su dawo su bude sabuwar rayuwa dashin sa dayake yi na kudaden allowances da ake basu xai nemi dauka ran Monday ana bashi zai kaita asibitin ido.




Da wannan tunani yaji fiye da rabin damuwarsa ta tafi yayi murmushin farin ciki. Ya tashi ya fito falo ya tarar da Hajjo a kwance tana bacci a kan center carpet ga faranti nan taci soyayyun kaji ta barsu da kwalin exotic. Ya kashe TV da fitila ya dakko bargo ya rufa mata a shiga kicin, ya dama out ya koma bedroom yasha ya kwanta.




Saboda yasa abun a ransa hakan yasa baccinsa be nauyi ba, yanayi yana farkawa duba wayarsa ko Baba ya kira har akai kiran farko ya miqe yaje yayo alawala ya fara nafilfili.




Har wajen shida da rabi yake jiran kiran Baba har xuwa bakwai lokacin da yayi wanka yayi shirin fita. Dauriyarsa ta qare ya dakko waya yayi shahadar quda ya danna kiran Baba gara duk fadan da xaiyi masa yayi a wuce gurin.




Ya amsa sallamar Baba ya tsuguna ya gaisheshi kamar yana gabansa. Shida Baban suka dan dau shiru na yan seconds shi yana jiran Baba yayi masa xancen sakeena yayin da Baba yake jira Deni ya fadi dalilin wannan kira nasa da sanyin safiya.



Baba ya gaji da shirun yace "kace da Hajara ta taho da wuri dan nasanta da tafiyar dare ni kuma banason wannan tafiyar ta tsakiyar dare." jiki a sanyaye Deni ya amsa ya kashe wayar.



Hannunsa na karkarwa ya kira Iya, maganar farko data fara yimasa bayan gaisawa itace "Tunda naji ka kira da sassafe sakeena ce ta takura ka ko? Ban ita mugaisa" Hankali a tashe yace "tana bandaki na kirane in gaisheki inta fito xan kuma Kira"




Da gudu ya fito falo bayan kashe wayar yana cewa "Hajjo kinji wai sakeena bataje Kano ba yanxu mukai waya da Baba da Iya" ta mutstsuke ido tayi tsaki tace "Haka kawai ina baccina me dadi ka tasheni da xancen wata banxa, ba wani nan tanacan sun hada baki ne sun boye maka dan a daga maka hankali" ta kwanta ta koma baccinta.




Duk da wani sashin na xuciyarsa ya yadda da maganar Hajjo amma haka kawai yaji hankalinsa be kwanta ba. Ya fita harabar gidan lokacin Mukhtar abokinsa wanda suke tafiya tare ya fito. A gurguje Deni yayi masa bayanin cewar fa sakeena bataje kano ba. Mukhtar ya kawo shawarar suje tasha su tambaya kota xo. Suka amince da shawararsa suka shiga motar mukhtar din su 4 suka yiwa tasha tsinke.



Da hoton sakeena na cikin wayarsa sukai amfani wajen cigiyarta wajen mutanen tashar. daga can qarshe bayan sun shafe awa daya suna tambaya wani dattijo yace tabbas ya ganta jiya ta xauna akan bencin dake kusa dashi kafin wata mata taxo ta mata magana ta tashi sukayi xagaye cikin tashar ta sai mata abinci daga baya kuma ta shiga motar matar dake waje qirar golf suka tafi.





Deni ya dafe kai ya xauna ragwaf a qasa, su mukhtar sune sukaje gurin sarkin tasha suka tambayeshi motar data dau sakeena. yace "ai mu muna da hurumi ne kawai acikin tasha babu ruwanmu da motar dake waje saboda haka bansan komi akai ba"





Hajjo na xaune tana breakfast taga anshigo da Deni ana rirriqeshi. Sukai mata bayanin da akai musu a tasha sukace sun tafi wajen aiki xasuje suyi bayanin halin da Deni ke ciki.




Itama sai lokacin taji faduwar gaba to ina yarinyar ta nufa? Kodai Baggadano ta tafi? Ta taba Deni dake xaune gabanta kamar gunki ya dago ya dubeta idonsa jajur jijiyoyin kansa sun tashi, cikin dakiya tace "karka daga hankalinka nasan tana Baggadano" bece komi ba.




A taqaice dai Deni sai da sukai kwana 2 a KD suna neman sakeena da kuma bin diddigin motar data shiga shida abokansa amma babu ko lbrn wanda yace yaga motar bare wata sakeena.



Ranar Sunday dole suka nufi Kano shi da Hajjo wacce itama xuwa yanxu jikinta qaura yayi laasar.



Wajen azahar suka shiga gida, Baba yana daki yanacin abinci yayin da Iya take wanke wanke itace ta fara ganinsu a razane tace "Deni baka da lfy ne na ganka haka a yamutse?" Be bata amsa ba sai kallon tausayi da yake binta dashi. Direct dakin Baba yawuce Hajjo kuma cikin rashin gaskiya ta nufi dakinta aka bar Iya da duban hanya tana jiran shigowar sakeena.





Ta kasa haquri ta katse wanke wanken ta nufi dakin Baba tace "Deni amma dai ba Kaduna ka baromin sakeena ita kadai ba ko? Inata kallon hanya banga shigowarta ba" Ya sunkuyar da kai ya dago ya fara magana.




Ihun da Iya ta kwantsama ya janyo hankalin duk wata halitta dake cikin gidan yayin da Hajjo ta kuma tsurewa dan tasan Deni ya fasa kwai.




Su Hadixa duk su ukun suka yo dakin Baba jin dalilin ihun Iya saddiq ma daya shigo cin abinci ya biyo bayansu da sauri. Magana Iya take cikin kuka hannunta duk biyun bisa kanta, Baba kuma na gefe yayi shiru yayin da Deni ke xubar da hawaye.




Saddiq ne yayi qarfin halin tambayar Baba meke faruwa dan yaga Baban ne kawai me dan saukin damuwa. Cikin sanyi jiki Baba ya fada masa kaf abunda Hajjo tai tun daga kan sawa ayiwa sakeena allurar planning, hana yimata aikin ido da kuma korarta a gidan Deni ranar alhamis wanda hakan yasa ba a ganta ba har yanxu kamar yadda Deni ya fada musu yanxu. Cikin tsanin bacin rai saddiq ya janyo Hadixa ya fara jibgarta yana cewa "Dan uwarki dake aka hada baki akai haka? Tabbas da hannunki ma acikin korarta da Hajjo tai shegiya me baqar zuciya." Babu wanda ya kwaci Hadixa duk ihun da take, Hajjo na jinta amma ta kasa fitowa kwatarta saboda itama yau fa a tsorace take.




Iya tana kuka tana cewa "shikenan Hajara burinki ya cika kin kada sakeena dawa. Allah sarki yarinyar nan ta dunga mitar bamuyi sallama ba lokacin tafiyarta kaduna ashe rabuwar kenan, ni Hafsatu na shiga uku yar mutane ta bata a hannuna ya xanyi." Baba ne ya tausheta ta daina kuka yace "Yi shiru Hafsatu in shaa Allahu sakeena tana Dawakin Tofa gobe da sassafe xamuje can mugani" Iya ta share hawayenta tace "mal banaji sakeena xataje Baggadano saboda abunda xai kaita can din qanintane Nura wanda baya raye yanxu amma Allah ya kaimu goben"





Saddiq ya shiga dakin Hajjo tai saurin tashi ta tareshi tace "shine dan rashin sanin ciwon kai kasamun ya a gaba kanata jibga ko? meyasa bakwa kishina ne? Shi wancan yaje ya taunamun asiri kamar bani na haife ba, ai da yana da hankali saiyace fita tayi tunda ba wanda yasani sai ni dashi" Saddiq cikin mamaki yace "Hajjo 😳 kinsan kuwa girman abunda kikayi? Silar bacewar dan mutum fa kikayi, kinsan kuwa hukuncinki a dokar qasa? To wlh akan wannan xa a iya yimiki daurin rai da rai. Kiyi fatan kawai aga yarinyar nan a Baggadano inba haka ba? Hmmmmm" ya juya ga ragowar qannansa yace "ku kuma wlh duk wacce keda hannu aciki ta kuka da kanta. Hajjo da kin fadamun abunda xai kikai Kaduna kenan wlh dana hanaki, babu yawuna cikin wannan abun Allah ya gani" Amina cikin rawar baki tace "wlh tallahi babu ruwana ita da Hadixa da Fiddausi suka qullah ni basa sani wai bani da kunya" ya nuna su Fiddausi yace "Tofa koda yaushe xaku iya tsintar kanku a gidan yari kuda Babarku bisa lefin hada baki da salwantar rai" yasa kai ya fice.




Gida dai yayi dib. Iya, Baba da Deni suna cikin matsanancin tashin hankali da damuwa, yayin da Hajjo da su Hadixa ke xaune daki cikin matsanancin tsoro da fargaba.




Motar farko data tashi wacce xata Dawakin Tofa su Iya da Baba da Deni na ciki, sunyi xukudi sunata jimami hadi da adduar fatan Allah yasa sakeena tana can.




Karon farko Deni yaje mahaifar su matarsa. Iya ta shige cikin gida tabar Deni da Baba a tsaye waje, jimawa kadan ta leqo tace su shigo. Gidan babu lefi tsaf saboda Dahiru yayansu sakeena dan Inna yayi aure yana xaune a gidan to albarkacin haka an gyare gidan tsaf gashi da tsafta.




An gaisa da Inna yayin da ta tura aka kira yayanta dake kusa a xatonta xancen raba gado Iya ta kuma xuwa dashi.




Dahiru shine babba kuma shi ya fara magana bayan angama gaisawa yaji su Iya basuce komi ba yace "Iya mun ganki da sassafe wlh in maganar raba gidan nance ta kuma kawoki sai dai fa kiyi haquri kinsan damuna tayi nisa duk kudadenmu mun xubasu a gona kuma har yanxu ba a yi girbi ba" Baba yayi sauri ya riga Iya magana da cewa "A a ba wannan maganar ce ta kawomu ba, dama mijin sakeenatu ne yaxo gaisheku. Tunda akai auren yakeso yaxo amma Allah be nufa shiyasa yau mukai sammako muka rakoshi" ya qarasa fada yana nuna musu Deni. wanda yake bi masa me suna Labaran yace " Yo ita ina sakeenar hegiya? Wato tayi arxiqi ko tafi qarfin taxo qauye gurinmu hine ta turo mijinta" Baba ya basu haquri da cewa ai batajin dadine likita yace kartayi tafiya me nisa shiyasa amma tace tana gaishesu. Dahiru ya qara cewa "Ai yanxu kam bata ta tamu ta manta da cewa da uba ake ado duk duniya mune gatanta, aurenma da akai ba a fada mana saida aka daura dan an rainamu muma shiyasa muka kyaleta taje ta ruqe wadanda takega sun fimu"



Jikin su Deni yayi sanyi ganin babu alamar sakeena a gidan. Basu wani dade ba Deni ya basu kudin daya ware tun a gida domin yi musu alheri. Kudi qara magana nan da nan sai gashi suna bada saqon a gaida sakeena da jiki, Dahiru ya kamo zabi guda 2, Labaran kwan xabi, Inna kuma ta bada man quli sukace akaiwa sakeena kayan dubiya kuma ace suna gaisheta da jiki. Baba yayi qarfin halin qara basu haquri da karbar lambar wayarsu da alqawarin xa a dunga fadamusu duk abunda ya shafi sakeena. Aka rabu suna madallah.




Xaman jugum jugum ya kawosu kano tundaga Baggadano, Iya kuwa tun amota take kuka tana hango gagarumar rigimar da ka iya biyo baya a duk sanda yan uwan sakeena sukasan ta bata duk da kuwa basa ta tata amma jin hakan kansa su tada rigima ko suyi tijara.




Suna shigowa gida Baba ya samu kujera a tsakar gida ya xauna, Deni kuwa ya zame a bango yayi dabas a qar, yayin da Iya ta xauna kofar dakinta ido jajur. Hajjo nagani haka ta garxaya bandaki ta tsuga gudawar da tun safe da suka tafi take yinta. Basai sun fada ba daganin yadda suka shigo tasan sakeena bataje Baggadano ba. Su Fiddausi kuwa daki suka qule.



Baba ya kwallah kiran "Hajara" Hajjo tasaki butar hannunta wacce ta fito daga bandaki da ita. Taxo gefe ta rakuye, ya kalleta kallo irin na Allah wadai yace "Dake da duk wanda kuka hada hannu wajen batan sakeena ina washartarku daku gaggauta nemo yar mutane kafin qarshen satin nan inba haka ba xan bawa doka dama tayi aiki akanku" ta xube kan gwiwarta xatai magana ya katseta da hannu yace "wlh Hajara babu ruwana ko kiyi abunda nace ko in daukeki da kaina inmiqawa hukuma ke kuma infada musu duk abunda kikayi."



Deni yaxo ya kama hannun Baba ya fara magana xuciyarsa a bushe yace "Baba inka tashi miqa Hajjo gurin hukumar Dan Allah ka hada dani, nima naci